Book List

<h2 style="text-align: center;">အခန်း ၁၃၂၇</h2> <h2 style="text-align: center;">ဖြေရှင်းရမယ်! ၂</h2> <h2 style="text-align: center;">*</h2> <p> </p> <p> </p> <p>နှစ်ယောက်သား ကားပေါ်တက်ပြီး ကားစက်နှိုးကာ နတ်သမီးပုံပြင်တောင်ခြေကားပါကင်သို့တန်းမောင်းလာခဲ့သည်။</p> <p>ကားပါကင်ထိုးပြီးနောက် ချင်လင်ကလီခိုင်အား ကားပါကင်အပြင်ခေါ်လာသည်။</p> <p>"ညီလေးချင်.. မင်းနှာခေါင်းစည်းမတပ်ချင်တာ သေချာလား?''</p> <p>လီခိုင်က ကားအပြင်ထွက်လာပြီး သတိပေးသည်။</p> <p>အခုသူနှင့်ညီလေးချင်က နာမည်ကြီးဖြစ်၍ အပြင်ထွက်ရင် သူများမှတ်မိသည်။ ဆယ်လီပရိသတ်များဝန်းရံနေခြင်းမဟုတ်သော်လည်း ဖုန်းနှင့်ဓာတ်ပုံရိုက်ခံရမည်။</p> <p>အရမ်းစိတ်ရှုပ်စရာကောင်းသည်။</p> <p>"အစ်ကိုလီက စတားမှမဟုတ်တာ.. ဘာလို့နှာခေါင်းစည်းတပ်မှာလဲ?''</p> <p>ချင်လင်က စနောက်ပြီး​ပြောသည်။ သူနှာခေါင်းစည်းမတပ်ခြင်းမှာ မတပ်ချင်သောကြောင့်ပင်။</p> <p>ဘာလို့တပ်နေမှာလဲ?</p> <p>ပိုက်ဆံသုံးပြီး အထမ်းသမားတွေရဲ့ဂုဏ်သိက္ခာကိုချနင်းတယ်လို့ လိုင်းပေါ်မှာဝေဖန်ခံရတဲ့အမျိုးသမီးခရီးသည်နှစ်ဦးက သာမန်လူတွေသာဖြစ်သည်။</p> <p>ထမ်းစင်စီးတဲ့သူက နာမည်ကြီး၊ သိက္ခာရှိ၊ ဒါမှမဟုတ် တော်ဝင်ပညာရှင်ဆိုရင်ရော? အဲဒါထက် အရမ်းကြီးတဲ့ခေါင်းဆောင်ဆိုရင်ရော?</p> <p>ဒီလိုဆို ပြည်သူတွေလက်လွတ်စပယ်ရှုတ်ချမှာမဟုတ်။ အနည်းဆုံး သေချာတွေးကြဦးမည်။</p> <p>အလွန်ရိုးရှင်းသောပြဿနာပင်။ အထမ်းသမားတွေက ပင်ပင်ပန်းပန်းအသက်မွေးပြီး မြင့်မြတ်သည်ဆိုသူများကြောင့်သာ လိုင်းပေါ်မှာဒီလိုပေါက်သွားခဲ့သည်။</p> <p>တော်ဝင်ပညာရှင်တစ်ဦး ဒါမှမဟုတ် ခေါင်းဆောင်ကြီးတစ်ဦးကို ဒီကိုလာပေးဖို့သွားမခေါ်နိုင်။</p> <p>သို့သော် သူနှင့်အစ်ကိုလီက အတူတူပင်။ သူတို့နှစ်ယောက်သာဆိုရင် သွားပုပ်လေလွင့်မပြောခင် နှစ်ခါပြန်စဉ်းစားကြလိမ့်မည်။</p> <p>သူလှူဒါန်းထားသောငွေများ၊ လှူဒါန်းထားသောနည်းပညာများ၊ အစ်ကိုလီနာမည်ခံထားသောအရာများ...</p> <p>အခြေအမြစ်မရှိဘဲ သူတို့ကိုပြောရင် ဒုက္ခအကြီးအကျယ်ရောက်မည်။</p> <p>သူတို့ကိုနာမည်ဖျက်ရဲသူ၊သားပုပ်လေလွင့်ပြောရဲသူရှိရင် Tiktok ကတောင်မိတ်ဆက်ပေးလိမ့်မည်။ စိုးရိမ်ပြီး သက်ဆိုင်ရာအကောင့်များချက်ချင်းရှင်းထုတ်ခံရနိုင်သည်။</p> <p>ဒီလိုဆိုရင် အင်တာနက်မှာနာမည်ဖျက်သည့်အရှိန်လျော့ကျသွားပြီး တခြားလူပြောစကားနားဝင်လာမည်။</p> <p>ဒါဆို လင်းလန်ဇီရိုက်ထားတဲ့ဗီဒီယိုက ချက်ကောင်းထိပြီ။</p> <p>ချင်လင်နှင့်လီခိုင် နတ်သမီးပုံပြင်တောင်ပေါ်ရောက်လာသောအခါ အတော်များများက သူတို့နှစ်ဦးကိုမှတ်မိကြသည်။</p> <p>"ရှောင်ချင်နဲ့ ပါမောက္ခလီခိုင်ပဲ!''</p> <p>"တကယ်သူတို့ပဲ!''</p> <p>"အတူတူထွက်လာကြတယ်... သူတို့ဆက်ဆံရေးက လိုင်းပေါ်မှာပြောကြသလို တကယ်ကောင်းတာပဲ''</p> <p>အများစုက ဖုန်းထုတ်ပြီး ချင်လင်နှင့်လီခိုင်ကိုဓာတ်ပုံစရိုက်ကြသည်။</p> <p>သွားရင်းလာရင်း ရုတ်တရက် ကူလီလဲ့နှင့်အစ်ကိုဟူကိုတွေ့လိုက်ရသလို ဖုန်းထုတ်ပြီးဓာတ်ပုံရိုက်ကြသည်။</p> <p>ချင်လင်နှင့်လီခိုင်ကိုတွေ့ခြင်းက ဆယ်လီများကိုတွေ့သည်ထက်ပိုပြီး အတိုင်းအတာတစ်ခုအထိအံ့ဩစရာဖြစ်စေသည်။</p> <p>ဝိုင်းကြည့်ပြီးဓာတ်ပုံရိုက်နေသူများကြောင့် ချင်လင်ပိုပြုံးလိုက်သည်။</p> <p>ဒါသူဖြစ်စေချင်တဲ့အတိုင်း။</p> <p>လီခိုင်ကိုလည်း အထမ်းသမားများရှိရာသို့ခေါ်သွားသည်။</p> <p>နတ်သမီးပုံပြင်တောင်ဖွင့်တာတစ်ရက်သာရှိသေးသော်လည်း အထမ်းသမားများမျက်နှာပျက်နေကြပြီ။</p> <p>ပရောဂျက်တစ်ခုဖွင့်ခါစမှာ စီးပွားရေးလုပ်ရန်အကောင်းဆုံးအချိန်ဖြစ်သော်လည်း လိုင်းပေါ်မှကောလာဟလများကြောင့် ခရီးသည်များထမ်းစင်လုံးဝမစီးရဲ။ အထမ်းသမားများလည်း လုံးဝစီးပွားမဖြစ်ချေ။</p> <p>ထိုအထမ်းသမားများမှာ အင်တာနက်နှင့်အထိအတွေ့နည်းသည်။ အထိအတွေ့ရှိရင်တောင် ချင်လင်နှင့်လီခိုင်ကိုစိတ်ဝင်စားမည်မဟုတ်။</p> <p>ထို့ကြောင့် ချင်လင်နှင့်လီခိုင်ကို ဘယ်သူမှမသိကြပေ။</p> <p>အထမ်းသမားများမှာ ချင်လင်နှင့်လီခိုင်အရောက်ကိုစောင့်နေကြသည်။ ထမ်းစင်များလာစီးမလားဟုမျှော်နေကြ၏။</p> <p>သူတို့မိသားစုကိုထောက်ပံ့ရန် ဝင်ငွေရှာချင်သည်။</p> <p>ချင်လင်လည်းပြုံးပြီး အထမ်းသမားများအား_</p> <p>"ဆရာတို့.. တောင်ပေါ်တက်ဖို့ထမ်းစင်နှစ်စင်လိုပါတယ်... ခင်ဗျားတို့ကိုဒုက္ခပေးရဦးမယ်''</p> <p>အထမ်းသမားများ မျက်လုံးကျယ်သွားသည်။</p> <p>တစ်ယောက်ကချက်ချင်းမတ်တပ်ရပ်ပြီး အံ့ဩသံနှင့်_</p> <p>"ထမ်းစင်စီးမယ့်သူရှိတယ်... အားလုံး စိတ်ဓာတ်မကျနဲ့... အခုဘယ်သူ့အလှည့်လဲ? မြန်မြန်လုပ်.. ထမ်းစင်ယူခဲ့''</p> <p>ချက်ချင်းပင် အထမ်းသမားနှစ်ဖွဲ့မှာဝမ်းသာအားရမတ်တပ်ထရပ်ပြီး ချင်လင်နှင့်လီခိုင်အား ထမ်းစင်ပေါ်တက်ရန်ခေါ်သည်။</p> <p>"ညီလေးချင်.. မင်းကရှုခင်းကြည့်ဖို့ခေါ်လာတာလား?''</p> <p>လီခိုင်က ဘာဖြစ်နေမှန်းမသိ။ ချင်လင်ထမ်းစင်ပေါ်တက်သွားသောကြောင့် သူလည်းလိုက်တက်သည်။</p> <p>အထမ်းသမားများက ချက်ချင်းမပြီး သူတို့နှစ်ဦးကိုနတ်သမီးပုံပြင်တောင်ပေါ်ပို့သည်။</p> <p>ထိုမြင်ကွင်းကို အနားဝန်းကျင်မှခရီးသည်အားလုံးမြင်သည်။</p> <p>ချင်လင်နှင့်လီခိုင် အထမ်းသမားဆီလျှောက်သွားကတည်းက ခရီးသည်များသတိထားမိသည်။</p> <p>သူတို့ထမ်းစင်ပေါ်တက်ပြီး အထမ်းသမားများကသယ်သွားသောအခါ ခရီးသည်များငြိမ်ငြိမ်မနေနိုင်တော့။</p> <p>ဘာပဲဖြစ်ဖြစ် လိုင်းပေါ်မှာထမ်းစင်စီးတဲ့အမျိုးသမီးနှစ်ယောက်ဗီဒီယိုကနာမည်ကြီးနေဆဲဖြစ်၍ ဘယ်သူမှထမ်းစင်မစီးရဲ။</p> <p>ရှောင်ချင်နဲ့ပါမောက္ခလီခိုင်က ထမ်းစင်တန်းစီးသွားမယ်လို့ဘယ်ထင်မလဲ? လိုင်းပေါ်ရောက်သွားမှာမကြောက်ဘူးလား?</p> <p>အမှန်ပင်။ ထိုမြင်ကွင်းကြောင့် ခရီးသည်တချို့အတွေးများသွားသည်။</p> <p>"ရှောင်ချင်နဲ့ပါမောက္ခလီခိုင်က ဘာလို့ထမ်းစင်စီးတာလဲ?''</p> <p>ခရီးသည်တချို့က မျက်မှောင်ကြုတ်သည်_</p> <p>"သူတို့က ဘာလို့ဒါမျိုးလုပ်တာလဲ?''</p> <p>ထိုလူမှာ လိုင်းပေါ်မှလမ်းကြောင်းနေသူကိုမှန်ကန်သည်၊ သူ့ကိုယ်သူ အမှန်တရားဘက်မှာရပ်တည်နေသည်ဟုထင်နေသူပင်။</p> <p>သို့သော် သူ့စကားကြောင့် အနားရှိခရီးသည်များချက်ချင်းမကျေမနပ်ဖြစ်သွားသည်။</p> <p>"မင်းမှာ ဦးနှောက်ရှိလား? လျှောက်မပြောနဲ့''</p> <p>"ရှောင်ချင်နဲ့ပါမောက္ခလီခိုင်လို့ပဲပြောတာပါ''</p> <p>"ဦးနှောက်မရှိရင် ပါးစပ်ပိတ်ထားလေ''</p> <p>ထိုလူကို ခရီးသည်များ မကျေမနပ်ဖြစ်နေကြသည်။</p> <p>ရှောင်ချင်နှင့်ပါမောက္ခလီခိုင်အကြောင်းပြောသောကြောင့်ပင်။</p> <p>တချို့ဆယ်လီတွေကိုနာမည်ဖျက်ဖို့လွယ်ပေမဲ့ တချို့ဆယ်လီတွေကိုကျ ဘာလို့မပြောကြတာလဲ? ထုတ်ပြောလိုက်တာနဲ့ သူ့နောက်ကွယ်မှာရည်ရွယ်ချက်ရှိမှန်း သူများသိသွားမည်။</p> <p>ကိုယ်ပြောမည့်သူဘယ်သူလဲ ကြည့်သင့်သည်။</p> <p>ရှောင်ချင်နှင့်ပါမောက္ခလီခိုင်ဆိုမပြောနှင့်တော့။</p> <p>သွေးခဲပလိပ်ရောဂါဖြစ်ချိန်က ရှောင်ချင်ရဲ့ကျေးဇူးကို လူတွေဘယ်လောက်များခံစားရလဲ? ပါမောက္ခလီခိုင်နဲ့ရှောင်ချင်က နည်းပညာဘယ်လောက်တောင်လှူဒါန်းခဲ့လဲ?</p> <p> </p> <p> </p> <p style="text-align: center;">***</p>


Save