Book List

<h2 style="text-align:center">အခန်း ၁၃၂၈</h2> <h2 style="text-align:center">ဖြေရှင်းရမယ်! ၃</h2> <h2 style="text-align:center">*</h2> <p> </p> <p> </p> <p>နောက်ပြီး သူတို့အသစ်တီထွင်တိုင်း ပြည်တွင်းမှာအရင်ရောင်းခဲ့သည်။ တိုင်းပြည်အကျိုးအတွက် နိုင်ငံရပ်ခြားကိုတောင် ဒဏ်ခတ်ခဲ့သည်။</p> <p>နိုင်ငံခြားကိုရောင်းရင်လည်း စျေးကတရုတ်ပြည်မှာပိုသက်သာသည်။</p> <p>ဒီတော့ ဒီလိုလူတွေပိုက်ဆံသုံးတာ သူများသိက္ခာချနင်းဖို့လား?</p> <p>မဖြစ်နိုင်။ ဘယ်သူမှမယုံ။</p> <p>ဒါဆို ရှောင်ချင်နဲ့ပါမောက္ခလီခိုင်က ဘာလို့ထမ်းစင်စီးတာလဲ?</p> <p>အထမ်းသမားတွေပင်ပင်ပန်းပန်းအသက်မွေးပြီး ခရီးသည်တွေကဝန်​ဆောင်ခပေးတာ နားလည်ရလွယ်သောဆက်ဆံရေးတစ်ခုဖြစ်သည်။</p> <p>ထမ်းစင်ကလည်း ဝန်ဆောင်မှုပေးသောအသက်မွေးဝမ်းကျောင်းတစ်ခုပင်။</p> <p>နားမလည်လည်း ကိစ္စမရှိ။ တစ်ခါတလေ လူမှန်နောက်လိုက်ရုံသာ။</p> <p>ရှောင်ချင်နဲ့ပါမောက္ခလီခိုင်က ထမ်းစင်စီးမှတော့ သူတို့စီးလည်းပြဿနာမရှိနိုင်။</p> <p>ထမ်းစင်စီးချင်သောခရီးသည်အများစုက ဒီလိုတွေးပြီး အထမ်းသမားများဆီလျှောက်သွားသည်။</p> <p>"ဆရာ.. တောင်ပေါ်တက်ရင်ဘယ်လောက်လဲ?''</p> <p>"ဟုတ်တယ်.. တစ်ယောက်ဘယ်လောက်လဲ? တစ်စီးယူမယ်''</p> <p>အထမ်းသမားများရုတ်တရက်အံ့ဩသွားသည်။ မနေ့ကဖြစ်ရပ်ကြောင့် ခရီးသည်များမှာ သူတို့ထမ်းစင်ကိုလာမစီးရဲ။</p> <p>အထမ်းသမားက ချက်ချင်းခရီးသည်များကိုအော်ပြောသည်_</p> <p>"တစ်ယောက် ၁၀၀... တောင်ထိပ်ပန်းအိမ်အထိတိုက်ရိုက်ပါ''</p> <p>စိတ်ဝင်စားသောခရီးသည်များက ချက်ချင်းထမ်းစင်ပေါ်တက်ပြီး အထမ်းသမားကိုတောင်ပေါ်ပို့ခိုင်းသည်။</p> <p>ချင်းလင်ရှုမျှော်ခင်းနေရာလာမှတော့ ယွမ် ၁၀၀ ကို ဘယ်သူကတွက်ကပ်နေမလဲ?</p> <p>တစ်နေရာတွင်စုနေသောခရီးသည်များမှာ ချီတုံချတုံဖြစ်ခြင်းမရှိတော့။ တောင်ပေါ်တက်ရန် အထမ်းသမားများကိုသွားကြည့်ကြသည်။</p> <p>သို့သော် မကျေမနပ်ဖြစ်နေသောခရီးသည်တချို့လည်းရှိသည်။</p> <p>ဥပမာ သူများအပြောခံရသောခရီးသည်ကစိတ်မကြည်သောကြောင့် ချင်လင်နှင့်လီခိုင်ထမ်းစင်စီးသောဗီဒီယိုကို လိုင်းပေါ်တန်းတင်လိုက်သည်။</p> <p>လမ်းကြောင်းသောခေါင်းစဉ်တပ်ဖို့လည်း မမေ့:</p> <p>'ပိုက်ဆံသုံးပြီး သူများသိက္ခာချနင်းတဲ့နောက်တစ်ယောက်'</p> <p>တချိန်တည်းမှာ ဗီဒီယိုထဲထည့်မည့်စာသားကိုကပျာကယာတည်းဖြတ်လိုက်သည်။</p> <p>"ပိုက်ဆံပေးပြီး သူများသိက္ခာချနင်းတဲ့အမျိုးသမီးနှစ်ယောက်ကို မှတ်မိသေးတယ်မလား?''</p> <p>"အခု ရှောင်ချင်နဲ့ချင်းလင်ဓာတ်ခွဲခန်းက ပါမောက္ခလီခိုင်လည်း ဒီလိုလုပ်တယ်... သူများသိက္ခာကိုပိုက်ဆံနဲ့နင်းတာ မှန်တယ်ထင်နေကြတယ်''</p> <p>"သူတို့က နာမည်ကြီးတွေ... ဘာကြောင့် ဒီလိုလုပ်ရတာလဲ? တနည်းပြောရရင် ဒါချင်းလင်စံအိမ်ကစီစဉ်တာ... ချင်းလင်ကုမ္ပဏီကပဲ ဒီနှစ်ယောက်အတွက်စီစဉ်ပေးနိုင်မှာ''</p> <p>"ဒါမှမဟုတ် ချင်းလင်စံအိမ်က သူဌေးကြီးမာလို တဖြည်းဖြည်းအရင်းရှင်ဆန်ပြီး အစွယ်ထုတ်ပြလာတာလား?''</p> <p>ပြင်းပြင်းထန်ထန်လမ်းကြောင်းထားခြင်းပင်။ လိုင်းပေါ်နာမည်ကြီးနေသောကြောင့် ဗီဒီယိုတင်ပြီးမကြာမီ ရေပန်းစားစာရင်းထဲတွင်တွေ့ရသည်။ ရုတ်ချည်းဆိုသလို လိုင်းပေါ်လှုပ်လှုပ်ရှားရှားဖြစ်သွားပြီး ပြည်သူ့အမြင်တစ်ရပ်ဖြစ်လာသည်။</p> <p>ကျူးယွမ်ယွမ်နှင့်ဝမ်လီလီဗီဒီယိုကိုတင်သောအမျိုးသမီးလည်း ထိုဗီဒီယိုကိုမြင်သွားသည်။</p> <p>ဗိုက်ရွှဲရွှဲအမျိုးသမီးက ဗီဒီယိုကြည့်ပြီး မကျေမချမ်းနှင့်_</p> <p>"ရှောင်ချင်နဲ့လီခိုင်က ဘယ်လိုဖြစ်တာလဲ?''</p> <p>တခြားအမျိုးသမီးများလည်း မျက်မှောင်ကြုတ်နေသည်။</p> <p>လိုင်းပေါ်မှာ မြေခွေးမနှစ်ယောက်ကိုအားလုံးဝေဖန်အောင်အပြစ်ပေးနိုင်ခဲ့ပြီးမှ ရှောင်ချင်နဲ့လီခိုင်ကဝင်ပါမယ်လို့ ဘယ်ထင်မလဲ?</p> <p>ရှောင်ချင်နှင့်လီခိုင်က နာမည်ကြီး၊သိပ္ပံပညာရှင်မှန်း သူတို့သိသည်။</p> <p>သို့သော် ဂရုမစိုက်။ အခုသူတို့နှစ်ယောက်ကိုနာမည်ဖျက်သောဗီဒီယိုတက်လာပြီဖြစ်၍ လုံးဝအားမနာနိုင်။</p> <p>ကိုယ့်ကိုယ်ကိုယ်နေရခက်အောင်လုပ်လို့မဖြစ်ဘူးမလား?</p> <p>ရှောင်ချင်နှင့်လီခိုင်လုပ်ပုံက သူတို့အနေခက်စေသည်။</p> <p>ဗိုက်ရွှဲရွှဲအမျိုးသမီးက ချက်ချင်းပင်_</p> <p>"ကိုယ့်အလုပ်ကိုယ်လုပ်မယ်... ငါတို့အကောင့်က အခုမှလူဝင်ခါစ... ဒါကိုပြန်တင်ပြီး ဝိုင်းရှုတ်ချမယ်''</p> <p>တခြားသူများကခေါင်းညိမ့်ပြီး ကိုယ်ပိုင်ခေါင်းစဉ်တပ်ကာပြန်တင်ကြသည်။</p> <p>လိုင်းပေါ်တွင်သူတို့ဖွထားသောကြောင့် သူတို့အကောင့်နာမည်ကြီးနေသည်။ ထင်ထားသည့်အတိုင်း ချင်လင်နှင့်လီခိုင်ထမ်းစင်စီးသောဗီဒီယိုက ရုတ်တရက်ထိပ်ဆုံးရောက်သွားသည်။</p> <p>ဒါကြောင့်လည်း သူတို့ဂုဏ်ယူမိသည်။</p> <p>သို့သော် နောက်ဆက်ဖြစ်သောကိစ္စကြောင့် သူတို့အံ့ဩသွားသည်။</p> <p> </p> <p> </p> <p style="text-align:center">***</p>


Save