Book List

<h2 style="text-align:center">အခန်း ၁၃၂၉</h2> <h2 style="text-align:center">ရှောင်ချင်ကိုဝေဖန်လို့ရလား?</h2> <h2 style="text-align:center">*</h2> <p> </p> <p> </p> <p>အမျိုးသမီးတချို့က ချင်လင်နှင့်လီခိုင်အားရှုတ်ချထားသောဗီဒီယိုမှာ ရေပန်းစားစာရင်းထိပ်ဆုံးရောက်နေသည်ကိုသတိပြုမိသည်။ သူတို့ဝမ်းသာနေစဉ် သူတို့မျှဝေထားသောဗီဒီယိုကရုတ်တရက်ပျောက်သွား၏။</p> <p>"ဘာဖြစ်တာလဲ? ဗီဒီယိုပျောက်သွားတာလား?''</p> <p>ဗိုက်ရွှဲရွှဲအမျိုးသမီးက သံသယသံနှင့်ပြောသည်။</p> <p>သူမမျှဝေထားသောဗီဒီယိုကိုနှိပ်ကြည့်လိုက်ရာ မှတ်ချက်တွေ့ရ၏:</p> <p>ဗီဒီယိုဖျက်ခံရသည် သို့မဟုတ် ကြည့်မရပါ။</p> <p>တခြားသူများလည်း အံ့ဩသွားသည်။</p> <p>သူတို့မျှဝေထားသောဗီဒီယိုလည်း ပျောက်သွားပြီး မှတ်ချက်မှာ:</p> <p> 'ဗီဒီယိုဖျက်ခံရသည် သို့မဟုတ် ကြည့်မရပါ'</p> <p>"ဘယ်လိုဖြစ်တာလဲ?''</p> <p>"ဆန်းစစ်ခံရတယ်ထင်တယ်... တို့ခေါင်းစဉ်က လွန်သွားလားပဲ''</p> <p>"ခေါင်းစဉ်ပြောင်းတင်ကြည့်''</p> <p>ထိုအချိန်တွင်_</p> <p>ဗိုက်ရွှဲရွှဲအမျိုးသမီးသာမက လိုင်းပေါ်မှလူအများစုလည်း ဒီလိုဖြစ်ကြသည်။</p> <p>ချင်လင်နှင့်လီခိုင်ကို အတော်များများကချီးကျူးလေးစားကြသော်လည်း သူတို့ကိုသဘောမကျသူတွေလည်းရှိသည်။</p> <p>မနာလိုဝန်တိုစသည့်အကြောင်းရင်းများကြောင့်ပင်။</p> <p>ထို့ကြောင့် ချင်လင်နှင့်လီခိုင်ကိုဝေဖန်သူတွေ့သည်နှင့် မီးလောင်ရာလေပင့်ကြသည်။</p> <p>သို့သော် ချင်လင်နှင့်လီခိုင်အားရှုတ်ချထားသောဗီဒီယိုထိပ်ဆုံးရောက်သောအခါ သူတို့ဗီဒီယိုများတချိန်တည်းပျောက်သွားလေသည်။</p> <p>Tiktok ဌာနချုပ်၌_</p> <p>ဗီဒီယိုတည်းဖြတ်ရေးအဖွဲ့ခေါင်းဆောင်မှာ ဒါရိုက်တာတစ်ဦးရှေ့တွင် ခေါင်းငုံ့ပြီးမတ်တပ်ရပ်နေသည်။</p> <p>"မင်းတို့ကောင်တွေ ဘာတွေလုပ်နေတာလဲ? ဒီလိုရှောင်ချင်နဲ့ပါမောက္ခလီခိုင်ကိုနာမည်ဖျက်ထားတဲ့ဗီဒီယိုမျိုးကိုလည်း ရေပန်းစားအောင်လုပ်နိုင်တာလား?''</p> <p>ဒါရိုက်တာမှာ ဒေါသမထိန်းနိုင်။</p> <p>ဒေါသမထွက်ရင် ထူးဆန်းနေမည်။</p> <p>သူဟိုတယ်တစ်ခုတွင် အမျိုးသမီးဆယ်လီတစ်ဦးနှင့် စာချုပ်အကြောင်း၊ကြော်ငြာအကြောင်းဆွေးနွေးနေသည်။</p> <p>ရုတ်တရက် သူဌေးကြီးကဖုန်းဆက်ပြီး ပယ်ပယ်နယ်နယ်ဆူလိမ့်မယ်လို့ဘယ်ထင်မလဲ?</p> <p>ဒီတော့မှ ရှောင်ချင်နှင့်ပါမောက္ခလီခိုင်အကြောင်းကို လိုင်းပေါ်မှာတွေ့သည်။</p> <p>ဒီလူနှစ်ယောက်လွှမ်းမိုးနိုင်စွမ်းကို တခြားလူတွေမသိလောက်သော်လည်း သူကသိသည်။</p> <p>Tiktok မှာ အထက်လူများလောင်းရိပ်အောက်တွင်ရှိပြီး ပြည်သူ့အမြင်ကိုဖောက်သည်ချရသည်နှင့်အမျှ အတွင်းရေးသိရန်သူတို့အဖို့လွယ်ကူသည်။</p> <p>ပေကျင်းသို့ သူဌေးကြီးနှင့်အတူအလုပ်ကိစ္စသွားရင်း ဒီလူနှစ်ယောက်အကြောင်းကြားဖူးသည်။</p> <p>ဒီနှစ်ယောက်က အထက်လူများဘက်မှာဖြစ်ပြီး အခြေအနေကောင်းသည်။</p> <p>ဒီလိုလူမျိုးကို သူတို့လိုဗီဒီယိုအတိုပလက်ဖောင်းက ဘယ်လိုလုပ်နှောင့်ယှက်နိုင်မလဲ?</p> <p>ပွင့်ပွင့်လင်းလင်းပြောရရင် Tiktok က အရမ်းကောင်းသည်ဟု အပြင်လူတွေထင်ကြသည်။ သူတို့က ဗီဒီယိုအတိုလောကတွင်ဦးဆောင်နိုင်သည်၊ ပင်ဂွင်းနှင့်ယှဉ်နိုင်သည်၊ စျေးကွက်တန်ဖိုးအများကြီးရှိသည်ဆိုသော်လည်း အထက်လူတွေမျက်စိထဲမှာ သူတို့ကဘာမှမဟုတ်။</p> <p>အထက်လူတွေက သူတို့နေရာအစားထိုးချင်ရင် သူတို့ကိုနည်းနည်းဖိနှိပ်ပြီး တခြားကုမ္ပဏီကိုအားပေးလိုက်ရုံပင်။</p> <p>ဒီတော့ 'ဘာကိုထိလို့ရလဲ၊ ဘာကိုထိလို့မရဘူးလဲ' သူတို့ရှင်းရှင်းလင်းလင်းသိသည်။</p> <p>"သက်ဆိုင်တဲ့ဗီဒီယိုတွေအမြန်ဆုံးဖျက်ထားပါတယ်''</p> <p>တည်းဖြတ်သူခေါင်းဆောင်ကပြောသည်။</p> <p>ဒါရိုက်တာကဒေါသပြေသည်အထိ ကြိမ်းမောင်းပြီးမှ_</p> <p>"ဒါမျိုးထပ်မဖြစ်စေနဲ့... ငါစာချုပ်ကိစ္စဆွေးနွေးရဦးမယ်''</p> <p>ထိုသို့ပြောပြီး ဒါရိုက်တာကအလောတကြီးထွက်သွားသည်။</p> <p>သူကြော်ငြာချင်တဲ့အင်တာနက်ဆယ်လီကရေချိုးပြီးပြီဆိုတော့ ဒီမှာဘာလို့အချိန်ဖြုန်းချင်မလဲ?</p> <p>စာချုပ်အကြောင်းဆွေးနွေးတာ ရေချိုးစရာလိုလား? ဒါကတော့ အသန့်အရှင်းကြိုက်၍လော၊ အခမ်းအနားပီသရန်လော...</p> <p>ဒါရိုက်တာထွက်သွားမှ ခေါင်းဆောင်တည်းဖြတ်သူလည်း သက်ပြင်းရှည်ကြီးချလိုက်သည်။ ထို့နောက် ဒေါသလက်ကျန်နှင့် ဌာနပြန်သွားသည်။ ပယ်ပယ်နယ်နယ်အပြောခံရပြီး ဘယ်သူမှစိတ်မကြည်နိုင်။</p> <p>ဒီအချိန်မှာ ဘယ်သူမှသူ့ကိုဝင်မတိုးတာ အကောင်းဆုံးပင်။</p> <p>ဌာနပြန်ရောက်ရောက်ချင်း လက်အောက်ငယ်သားတစ်ယောက်က အစီရင်ခံသည်_</p> <p>"ကြီးကြပ်သူ.. ခင်ဗျားညွှန်ကြားချက်အတိုင်း ရှောင်ချင်နဲ့ပါမောက္ခလီခိုင်ကိုနာမည်ဖျက်ထားတဲ့ဗီဒီယိုတွေဖျက်ပြီးပါပြီ... ဒါပေမဲ့ ပြန်တင်တဲ့သူတွေရှိနေသေးတယ်''</p> <p>ထိုစကားကြောင့် ကြီးကြပ်သူဒေါသထွက်သွားပြီး_</p> <p>"ဘယ်သူပဲဖြစ်ဖြစ် အကောင့်ကိုဖျက်ချပစ်လိုက်... ပြီးတော့ ထမ်းစင်စီးတဲ့အမျိုးသမီးနှစ်ယောက်ဗီဒီယိုပါဖျက်... ပြီးရင် မရိုးမသားဗီဒီယိုတင်တဲ့အကောင့်ကို သက်ဆိုင်ရာစည်းမျဉ်းအတိုင်းဖျက်ချရလိမ့်မယ်လို့ တရားဝင်ကြေညာချက်ထုတ်ပြန်ပါ''</p> <p>"ကောင်းပါပြီ ကြီးကြပ်သူ!''</p> <p>ဝန်ထမ်းကနားလည်ပုံနှင့်ခေါင်းညိမ့်ပြီး ချက်ချင်းသူ့လုပ်ဖော်ကိုင်ဖက်များကိုညွှန်ကြားသည်။</p> <p>တဖက်တွင်_</p> <p>ဗိုက်ရွှဲရွှဲအမျိုးသမီးနှင့်တသိုက်ကလည်း မီဒီယာတစ်ခုတွင် ဗီဒီယိုတင်ပြန်သည်။</p> <p>ဗီဒီယိုတင်ရသောအခါ သူတို့ဝမ်းသာကြပြန်သည်။</p> <p>ဒါကိုစာရင်းကနေ ဖျက်မရဘူးမလား?</p> <p>သို့သော် ကြာကြာမပျော်လိုက်ရ။ ဖန်သားပြင်မှာ ၄၀၄ ဟုပြောင်းပြီး လက်ရှိဖန်သားပြင်စာမျက်နှာကိုမမြင်ရတော့ချေ။</p> <p>“???”</p> <p>ဗိုက်ရွှဲရွှဲအမျိုးသမီး ချက်ချင်းဇဝေဇဝါဖြစ်သွားသည်။</p> <p>ဘာလဲဟ?</p> <p>ထို့နောက် အဓိကစာမျက်နှာကိုအမြန်သွားလိုက်ရာ အသိပေးစာတက်လာသည်:</p> <p>'တရားမဝင်လုပ်ရပ်ကြောင့် သင့်အကောင့်ကိုတားမြစ်လိုက်ပါပြီ'</p> <p>"ငါ့အကောင့်ကိုပိတ်လိုက်ပြီ... ဘယ်လိုဖြစ်တာလဲ?''</p> <p>ဗိုက်ရွှဲရွှဲအမျိုးသမီး ချက်ချင်းစိတ်ပူသွားသည်။</p> <p>ဒီအကောင့်မှာပရိသတ်သိပ်မရှိသောကြောင့် အကြာကြီးသုံးခဲ့ရသည်။ အရင်တစ်ခါ အမျိုးသမီးနှစ်ဦးကိုနာမည်ဖျက်ပြီးမှ ပရိသတ်အများကြီးရခဲ့သည်။</p> <p>အခုအကောင့်ကိုရုတ်တရက်တားမြစ်ခံရတာ ဘယ်လိုလုပ်လက်ခံနိုင်မလဲ? ဝမ်းနည်းတာပေါ့။</p> <p>ထိုအချိန်တွင်_</p> <p>သူမမိတ်ဆွေများ မျက်နှာပျက်သွားပြီး_</p> <p>"ငါ့အကောင့်လည်း ဖျက်ခံရပြီ''</p> <p>"ငါရောပဲ... ဘာဖြစ်တာလဲ?''</p> <p>"ရှောင်ချင်နဲ့လီခိုင်ဗီဒီယိုကိုတင်လို့ဖြစ်မယ်... ဗီဒီယိုဖျက်ပစ်လိုက်တာ သတိပေးတာပဲ!''</p> <p>ဒီတစ်ခါ ဗိုက်ရွှဲရွှဲအမျိုးသမီးနှင့်တခြားသူများလည်း တုံ့ပြန်ပြီးမျက်နှာပိုပျက်သွားကြသည်။</p> <p>ဘယ်လောက်တောင်လက်မခံချင်စရာကောင်းလဲ?</p> <p>သူတို့ကိုထောက်ခံတဲ့သူတွေဒီလောက်များတာ Tiktok က ဘာလို့ဖျက်ပစ်တာလဲ?</p> <p>သူတို့တင်မဟုတ်။ လိုင်းပေါ်ကအတော်များများလည်း အကောင့်အဖျက်ခံရသည်။</p> <p>ပထမအချက်၊ ကိုယ့်ကိုယ်ကိုယ်အမှန်ထင်သူတွေများနေသည်။</p> <p>ဒုတိယအချက်၊ နာမည်ကြီးချင်သူတွေများနေ၏။ တချို့ကမှန်မှန်မှားမှားဂရုမစိုက်ဘဲ နာမည်ကြီးဖို့သာကြည့်သည်။</p> <p>ထို့ကြောင့် သူတို့အကောင့်အားလုံး တခါတည်းပါသွားသည်။</p> <p>ထိုဗီဒီယိုများ ကြက်ပျောက်ငှက်ပျောက်ပျောက်သွား၏။ ပြည်သူအာရုံစိုက်သော ပရိသတ်များများနှင့်အကောင့်တချို့တောင်ပါသွားသည်။</p> <p> </p> <p> </p> <p style="text-align:center">***</p>


Save