Book List

<h2 style="text-align:center">အခန်း ၁၃၃၀</h2> <h2 style="text-align:center">ရှောင်ချင်ကိုဝေဖန်လို့ရလား? ၂</h2> <h2 style="text-align:center">*</h2> <h2 style="text-align:center"> </h2> <p> </p> <p>ဘာပဲဖြစ်ဖြစ် ပျက်သွားသောဗီဒီယိုအတော်များများ ရေပန်းစားခဲ့သည်။ မပျက်ခင်က ကြည့်ရှုသူတချို့ရခဲ့လိမ့်မည်။ အခုအားလုံးပျောက်သွား၍ ထူးဆန်းနေ၏။</p> <p>သို့သော် မကြာခင် Tiktok မှတရားဝင်ကြေညာချက်ဗီဒီယိုကြောင့် အားလုံးအံ့ဩသွားသည်။</p> <p>Tiktok မှလှုပ်ရှားခြင်းဖြစ်၍ အသုံးပြုသူတိုင်း ထိုကြေညာချက်ဗီဒီယိုကိုတွေ့ရသည်:</p> <p>တချို့အကောင့်များသည် မမှန်မကန်ဗီဒီယိုများတင်ပြီး ကြော်ငြာပလက်ဖောင်း၏စည်းမျဉ်းများကိုဖောက်ဖျက်သောကြောင့် ဗီဒီယိုများအဖျက်ခံရမည်။ အမုန်းပွားစေသောဗီဒီယိုတင်သည့်အကောင့်များ တားမြစ်ခံရမည်!</p> <p>တိုတိုတုတ်တုတ်ကြေညာချက်ဖြစ်သော်လည်း ကြေညာချက်ဗီဒီယိုတွေ့သူတိုင်းက မျက်စိတစ်မှိတ်အတွင်းဗီဒီယိုပျောက်သွားသောဖြစ်ရပ်ကိုအမှတ်တမဲ့တွေးမိကြသည်။</p> <p>ပလက်ဖောင်းကုမ္ပဏီ၏တရားဝင်လှုပ်ရှားချက်ဖြစ်သည်။</p> <p>အားလုံးအတွက်ထိချက်ပြင်းသည်။</p> <p>တချို့ပလက်ဖောင်းများက ဒီလိုလုပ်ခဲသည်။ အထူးသဖြင့် ရေပန်းစားခေါင်းစဉ်ရှိသောအခါပင်။</p> <p>Tiktok က ဒီလိုလှုပ်ရှားရင် ရေပန်းစားသတင်းက စည်းကမ်းနဲ့မညီတဲ့သဘော၊ အကောင်းမြင်အကြောင်းအရာမဟုတ်တဲ့သဘောရှိသည်။</p> <p>အင်တာနက်ဆယ်လီများကိုအသုံးချပြီး ဝင်ငွေဖန်တီးသည်မှလွဲ၍ Tiktok က ဒိအပိုင်းမှာစိတ်ချရသေးသည်။ အထက်လူများစောင့်ကြည့်နေသောကြောင့် အမှားတစ်ခုဖြစ်ရင် Tiktok ဒုက္ခရောက်လိမ့်မည်။</p> <p>ချင်းလင်မွေးမြူရေးခြံ_</p> <p>ကျူးယွမ်ယွမ်နှင့်ဝမ်လီလီလည်း ရွက်ဖျင်တဲထဲရွှေ့လာသည်။</p> <p>သူတို့နှစ်ယောက် တကယ်ကံထူးသည်။ ချင်းလင်မွေးမြူရေးခြံရွက်ဖျင်တဲနှင့်ချင်းလင်စံအိမ်သတို့သမီးခန်းရော နတ်သမီးပုံပြင်တောင်ပန်းအိမ်ပါ လက်မှတ်ရရန်အလွန်ခက်သောကြောင့်ပင်။</p> <p>ခရီးအများစုက လက်မှတ်မရကြ။</p> <p>သို့သော် သူတို့ကကံကောင်းပြီး သုံးနေရာလုံးယူနိုင်ခဲ့သည်။</p> <p>သို့ဆိုရင်တောင် သူတို့စိတ်အခြေအနေမကောင်း။</p> <p>ဘာပဲဖြစ်ဖြစ် သူတို့ကိုလိုင်းပေါ်အတင်ခံထားရသည်။</p> <p>ဒီလိုအပြောခံရလို့ သူတို့မှားသည်မထင်။ မတရားခံရသလိုဖြစ်နေသည်။</p> <p>ထို့ကြောင့် ဝမ်လီလီက ခရီးဆောင်အိတ်ထုပ်ပိုးပြီးနောက် ဖုန်းထုတ်ကာ လိုင်းပေါ်နောက်ဆုံးအခြေအနေကိုတစ်ချက်ကြည့်လိုက်သည်။ လိုင်းပေါ်တွင်အပြောခံရသောဗီဒီယိုများပျောက်သွားသောကြောင့် သူမအံ့ဩမိသည်။</p> <p>ခဏအကြာ သူမကအားရဝမ်းသာနှင့်_</p> <p>"ယွမ်ယွမ် လာကြည့်... ငါတို့ကိုပြောထားတဲ့ဗီဒီယိုတွေမရှိတော့ဘုး... ပြီးတော့ ဗီဒီယိုတွေကမဟုတ်မမှန်တွေ.. အကောင့်အတော်များများအပိတ်ခံရတယ်လို့လည်း တရားဝင်ကြေညာထားတယ်''</p> <p>ကျူးယွမ်ယွမ်ကအံ့ဩသွားပြီး မယုံနိုင်ပုံနှင့်_</p> <p>"ဘာတွေဖြစ်နေတာလဲ?''</p> <p>ဝမ်လီလီက တန်းရှင်းပြသည်_</p> <p>"ရှောင်ချင်နဲ့ပါမောက္ခလီခိုင်က ထမ်းစင်စီးတယ်လို့ ဗီဒီယိုတစ်ပုဒ်မှာပြောထားတယ်... ဒီနည်းနဲ့ ငါတို့မှန်ကြောင်းသက်သေပြတာပဲ... သူတို့က လွှမ်းမိုးနိုင်စွမ်းရှိတယ်... မီဒီယာဌာနကတောင် ရှေ့ထွက်လာတယ်''</p> <p>"တကယ်လား?''</p> <p>ကျူးယွမ်ယွမ်ကနားထောင်ရင်း မျက်နှာဝင်းပသွားသည်။</p> <p>ရှောင်ချင်နဲ့ပါမောက္ခလီခိုင်တဲ့။</p> <p>ဒီနှစ်​ယောက်ကိုမသိတဲ့သူရှိလို့လား? သူတို့အောင်မြင်မှုတင်မဟုတ်၊ ရှောင်ချင်ရဲ့ယောက်ျားပီသပုံ၊ အရည်အချင်း၊ ဘက်စုံကျွမ်းကျင်မှုတွေက မိန်းကလေးများအတွက်စိတ်ကူးယဉ်လက်တွဲဖော်ပုံစံမျိုးဖြစ်သည်။</p> <p>ပါမောက္ခလီခိုင်လည်းရှိသေးသည်။ သူ့ဂျူနီယာညီမအပေါ်အချစ်ကြောင့် SMA ရောဂါအတွက်ပါဝင်ပစ္စည်းပျိုးထောင်လိုက်ကတည်းက 'အမျိုးသမီးများစွာ၏နိုင်ငံ့ယောက်ျား'အဖြစ်သိလာကြသည်။</p> <p>အမှန်တရားကိုသိပြီး ကျူးယွမ်ယွမ်နှင့်ဝမ်လီလီဝမ်းသာသွားသည်။</p> <p>သူတို့နှစ်ယောက်က ထမ်းစင်စီးပေးတယ်ပေါ့။ အရမ်းသဘောကောင်းတာပဲ။</p> <p>သူတို့တင်မဟုတ်။ အချိန်တိုအတွင်း လိုင်းပေါ်တွင်စကားလမ်းကြောင်းဦးတည်ချက်လည်း လုံးဝပြောင်းသွားသည်။</p> <p>ချင်လင်ရည်ရွယ်ချက်အထမြောက်ပြီ။</p> <p>ဒီလိုအခြေအနေမျိုးမှာ ပြည်သူများက အရင်အွန်လိုင်းဗီဒီယိုကိုမဖြစ်မနေပြန်လည်ဆန်းစစ်ကြမည်။</p> <p>ထိုအချိန်တွင် ချင်းလင်စံအိမ်တရားဝင်အကောင့်မှ အင်တာဗျူးဗီဒီယိုတစ်ပုဒ်တက်လာသည်။</p> <p>ထိုဗီဒီယိုကို တခဏချင်း အားလုံးစိတ်ဝင်စားသွားသည်။ ဗီဒီယိုထွက်ထွက်ချင်း အရင်ကလိုင်းပေါ်ပေါက်နေသောနေရာအားလုံးယူလိုက်သည်ဟုဆိုနိုင်သည်။</p> <p>ဗီဒီယို​ကို ရုံချန်းစီရင်စုကရိုက်ထားခြင်းပင်။ ဗီဒီယိုထဲတွင်အရင်ဆုံးပေါ်လာသူက လက်ထောက်ချန်ဖြစ်ပြီး အင်တာဗျူးထားသည်။</p> <p>လိုင်းပေါ်ကအတော်များများ ချန်လီကိုသိကြသည်။ ဌာနအကြီးအကဲအဖြစ် Live လွှင့်ပြီးကတည်းက အင်တာနက်ဆယ်လီတပိုင်းဖြစ်နေပြီဟုပြောရမည်။</p> <p>ချန်လီလည်း ကင်မရာနှင့်လိုက်လျောညီထွေရှိပြီး သဘာဝကျကျပြောထားသည်_</p> <p>"ပြီးခဲ့တဲ့ ၂ နှစ် ၃ နှစ်အတွင်း ရုံချန်းကကောင်းကောင်းဖွံ့ဖြိုးခဲ့တယ်... ရုံချန်းသားအများစုကချမ်းသာတယ်လို့ပြောရမယ်... ဒါပေမဲ့ ရုံချန်းကကျယ်တဲ့အတွက် ဆင်းရဲသားအိမ်တွေရှိနေပါသေးတယ်... အကြောင်းရင်းတချို့ကြောင့် ဆင်းရဲတဲ့သူတွေရှိနေတယ်''</p> <p>"အလုပ်မလုပ်လို့မဟုတ်ဘူး... ပျင်းလို့လည်းမဟုတ်ဘူး... သဘာဝအကြောင်းရင်းတချို့ ဒါမှမဟုတ် မထိန်းချုပ်နိုင်တဲ့အကြောင်းတချို့ကြောင့် ဆင်းရဲရတာ''</p> <p>"အဲဒါကြောင့် နတ်သမီးပုံပြင်တောင်ပရောဂျက်ဖွင့်တဲ့အချိန်မှာ ကျုပ်တို့စီရင်စုကလည်း ဆင်းရဲသားပပျောက်ရေးပရောဂျက်လုပ်ခဲ့တယ်... အဲဒါကတော့ အလုပ်ကြမ်းပဲလုပ်နိုင်တဲ့သူတွေကို နတ်သမီးပုံပြင်တောင်မှာအထမ်းသမားလုပ်စေဖို့ပဲ... သူတို့မိသားစုကိုထောက်ပံ့ဖို့အတွက်ဝင်ငွေရမယ်''</p> <p>နတ်သမီးပုံပြင်တောင်ပေါ် အထမ်းသမားတွေရှိနေရသောအကြောင်းရင်းကို သူရှင်းပြသွားသည်။</p> <p>ထိုအခိုက်_</p> <p>ဗီဒီယိုထဲမှလင်းလန်ဇီအသံထွက်လာပြန်သည်_</p> <p>"လက်ထောက်ချန်.. အခုအထမ်းသမားနှစ်ယောက်ရဲ့မိသားစုကို အင်တာဗျူးလို့ရမလား?''</p> <p>"ရတာပေါ့''</p> <p>ချန်လီက ချက်ချင်းပြန်ဖြေသည်။</p> <p>ထို့နောက် ကင်မရာက စီရင်စုအပြင်ထွက်ပြီး ရုံချန်းထဲမှအိုဟောင်းသောအဆောက်အဦတစ်ခုဆီရောက်သွားသည်။</p> <p>အဆောက်အဦးတွင်နေထိုင်သူအများစုမှာ ငှားရမ်းနေထိုင်သူများဖြစ်​ကြောင်းသိနိုင်သည်။</p> <p>မြန်မြန်ဆန်ဆန်ပင်_</p> <p>ဗီဒီယိုထဲတွင် အထမ်းသမားတစ်ယောက်အိမ်ရောက်သွားသည်။ အိမ်ငှားနေသူဖြစ်၍ အခန်းကသိပ်မကျယ်။ ဧည့်ခန်းတွင် စုံစီနဖာပစ္စည်းများပြည့်နေသည်။ ထမင်းစားစားပွဲ၊ ကုလားထိုင်၊ ဆိုဖာများနှင့်ကြပ်ညှပ်သပ်နေသည်။</p> <p>အိမ်စာအသည်းအသန်လုပ်နေသောကလေးတစ်ယောက်လည်းရှိပြီး သူ့အဝတ်အစားမှာ အကြိမ်ကြိမ်လျှော်ဖွတ်ခံထားရ၍ ဟောင်းနွမ်းနေသလိုပင်။</p> <p>ဒီလိုအဝတ်အစားမျိုး သူများကိုပေးရင် လုံးဝဝတ်မှာမဟုတ်။</p> <p>အထမ်းသမားမိသားစုက အလွန်ဆင်းရဲကြောင်းသိနိုင်သည်။</p> <p>ချန်လီက စမိတ်ဆက်ပေး၏_</p> <p>"ဒါကတော့ ဆရာဝူပါ... အရမ်းအလုပ်ကြိုးစားတဲ့အလုပ်သမားဖြစ်ပြီး သူပင်ပင်ပန်းပန်းရှာထားတဲ့ဝင်ငွေကို သူ့မိသားစုကိုထောက်ပံ့ပေးပါတယ်... ဒါပေမဲ့ မတော်တဆတစ်ခုကြောင့် သူ့မျက်လုံးထိခိုက်ပြီး အရောင်မခွဲခြားနိုင်တော့ပါဘူး... အဲဒါကြောင့် မူလအလုပ်ကိုဆက်မလုပ်နိုင်တော့လို့ အချိန်ပိုင်းပဲလုပ်ပါတယ်... ဒီတော့ နတ်သမီးပုံပြင်တောင်ပရောဂျက်က ဆရာဝူလိုလူအတွက်သင့်တော်ပါတယ်''</p> <p>ဆရာဝူက နတ်သမီးပုံပြင်တောင်ဟူသောစကားကြောင့် နည်းနည်းစိတ်လှုပ်ရှားသွားပြီး_</p> <p>"လက်ထောက်ချန်.. ဒါအင်တာဗျူးလား?''</p> <p>"ဟုတ်ပါတယ် ဆရာဝူ.. အထမ်းသမားတစ်ယောက်အနေနဲ့ ဘာများပြောစရာရှိလဲ?''</p> <p>ချန်လီ ခေါင်းညိမ့်သည်။</p> <p>"ရှိပါတယ်.. ကျွန်တော်ပြောချင်တာရှိပါတယ်''</p> <p>ဆရာဝူကချက်ချင်းကင်မရာဘက်လှည့်ပြီး လောလောနှင့်_</p> <p>"ကျွန်တော်ဒီအလုပ်ကို တကယ်လိုအပ်ပါတယ်... ကျွန်တော့်မိသားစုကိုထောက်ပံ့ပေးရမှာပါ... နောက်လ ကျွန်တော့်သမီးလေးအတွက် အင်္ကျီနှစ်စုံဝယ်ပေးချင်ပါတယ်... အရင်ဆုံး နေရာကောင်းကောင်းလည်းငှားချင်တယ်... အဲဒါမှ ကျွန်တော့်မိန်းမနဲ့သမီး ကောင်းကောင်းနေရမှာ''</p> <p>"ဟုတ်ပါတယ်.. ကျွန်တော်ပင်ပင်ပန်းပန်းအလုပ်လုပ်ခဲ့ပါတယ်... ဒီအလုပ်ကိုတကယ်လိုအပ်လို့ပါ... ကျွန်တော်တို့သိက္ခာကျတယ်မထင်ပါဘူး... အလုပ်မရှိရင် သိက္ခာမရှိနိုင်ပါဘူး... ကျွန်တော်တို့အလုပ်ကိုမဖျက်ဆီးလိုက်ပါနဲ့... ခရီးသည်တွေထမ်းစင်လာစီးပေးကြပါခင်ဗျာ''</p> <p>ရိုးရိုးစကား၊ရိုးရိုးတောင်းဆိုချက်ဖြစ်သော်လည်း ဆရာဝူအသံက ငိုသံပါနေသည်။ နောက်ဆုံး ကင်မရာရှေ့ဒူးထောက်ပြီးတောင်းဆို၏။</p> <p>ထိုမြင်ကွင်းကြောင့် အားလုံးရင်ထဲထိသွားကြသည်။</p> <p>ဗီဒီယိုကြည့်သူတိုင်း မွန်းကြပ်သလိုခံစားရသည်။ ဆရာဝူ၏အခက်အခဲ၊အကြပ်အတည်းကိုတောင်ခံစားမိသည်။</p> <p>ထိုအချိန်တွင် အရင်ကလိုင်းပေါ်ဖွခဲ့သောပြစ်တင်ရှုတ်ချမှုကို ပြန်သတိရကြသည်။</p> <p>သတိရရချင်း အထမ်းသမားများ၏အတွင်းရေးပြဿနာကို သေချာသဘောပေါက်သွားသည်။</p> <p>သူတို့အမြင်မှာ ပိုက်ဆံရဖို့အလုပ်လုပ်တာ ရှက်စရာမဟုတ်။ ပင်ပင်ပန်းပန်းအလုပ်လုပ်မှ မိသားစုကိုထောက်ပံ့နိုင်မည်။ သူတို့မိသားစုဘဝ ပြောင်​ပြောင်ရောင်ရောင်ရှိမည်။</p> <p>ရုတ်ချည်းဆိုသလို အတွေးများသွားကြသည်။</p> <p>တွေးတောပြီးနောက် ပုန်ကန်သည့်နည်းနှင့်ဆူပူကြသည်။ ဒီတစ်ခါ ကျူးယွမ်ယွမ်နှင့်ဝမ်လီလီကိုမဟုတ်၊ ချင်လင်နှင့်လီခိုင်လည်းမဟုတ်ဘဲ အရင်နာမည်ဖျက်သူများကိုအပြစ်ပြောကြသည်။</p> <p>"တရားမျှတမှုတမန်တော်ဆိုတဲ့လူတွေက သူများကိုကူညီဖို့ကြိုးစားနေတာမဟုတ်ဘဲ သူတို့ကိုယ်သူတို့မြင့်မြတ်သူလိုလုပ်နေတာ အခုသိလိုက်ပြီ''</p> <p>"အထမ်းသမား: စီးပွားပျက်အောင်လုပ်ပေးတဲ့ လိုင်းပေါ်ကသက်ရှိဗုဒ္ဓကို ကျေးဇူးပါ''</p> <p>"ခရီးသည်တွေက ရတယ်.. အထမ်းသမားက ရတယ်... ဒါပေမဲ့ လိုင်းပေါ်ကကီးဘုတ်ဖိုက်တာတွေ တရားမျှတမှုတမန်တော်တွေက မရဘူးတဲ့''</p> <p>"အပူဒဏ်ခံစားနေရတဲ့မီးသတ်သမားကို ရေတစ်ပုံးသုံးလို့အပြောခံရတယ်''</p> <p>"နာရီပေါင်းများစွာခွဲစိတ်နေတဲ့ဆရာဝန်ကို အချိုရည်သောက်လို့အပြောခံရတယ်''</p> <p>"သခင်ကြီးယွမ်ဇိမ်ခံကားစီးလို့အပြောခံရတယ်''</p> <p>"သကြားရေကိုစျေးပေါပေါနဲ့ရောင်းလို့ အဘိုးအပြောခံရတယ်''</p> <p>"ရဲခွေးကို သတ္တုရေသောက်လို့အပြောခံရတယ်''</p> <p>"ရုတ်တရက် ဒီကမ္ဘာကြီးကဘာဖြစ်နေလဲမသိတော့ဘူး... ကမ္ဘာကြီးကမှားနေတာလား ဒါမှမဟုတ် လူတွေရဲ့စိတ်ကပဲမှားနေတာလား?''</p> <p>ချင်လင်၏ထိန်းချုပ်မှုနှင့် လင်းလန်ဇီရိုက်ထားသောဗီဒီယိုကြောင့် အင်တာနက်တစ်ခုလုံးအတွေးများသွားသည်။</p> <p> </p> <p> </p> <p style="text-align:center">***</p>


Save