Book List

<h2 style="text-align: center;">အခန်း ၁၃၃၂</h2> <h2 style="text-align: center;">အရောင်ထွက်တဲ့အစားအစာအသစ်! ၂</h2> <h2 style="text-align: center;">*</h2> <p> </p> <p> </p> <p>ချင်လင်နှင့်လီခိုင်လည်း သီးသန့်ထားသောပန်းအိမ်များဆီရောက်လာသည်။</p> <p>သီးသန့်နေရာဟုဆိုရမည်။</p> <p>အပြင်ကအပိုင်းကိုရပ်ကွက်ဟုဆိုလျှင် ဒီနေရာကိုအပန်းဖြေစံအိမ်ဟုဆိုနိုင်သည်။ သီးသန့်ဒန်း၊ စားပွဲ၊ ကုလားထိုင်များ၊ မျှော်စင်များအပြင် နေထွက်ရှုခင်းကြည့်ပလက်ဖောင်းလည်းသီးသန့်ရှိသည်။</p> <p>အစ်ကိုလီကိုဒီနေရာခေါ်လာမှတော့ နေထွက်ရှုခင်းကြည့်မည်ဟုစီစဉ်ထားသော်လည်း အစ်ကိုလီလိုလူနှင့်ကြည့်ရမှာထူးဆန်းနေသည်။</p> <p>ဒါပေမဲ့ ရောက်ပဲရောက်နေပြီ။</p> <p>ပန်းအိမ်အစုအဝေးတွင်နေထွက်ရှုခင်းကြည့်ရန်အကြံပြုသူက သူဖြစ်သော်လည်း နေထွက်ရှုခင်းကိုမကြည့်ဖူးသောကြောင့် နတ်ဘုရားမတောင်နေထွက်ရှုခင်းနှင့်ယှဉ်ရင် ဘယ်လိုနေမည်မသိပေ။</p> <p>တဖက်တွင် လီခိုင်ကစိတ်မဝင်စား။</p> <p>သုတေသနသမားက ဘယ်လိုလုပ်နေထွက်တာကြည့်ချင်မလဲ? စားစရာကောင်းကောင်းမရမချင်းမထဟုတောင် ဆန္ဒပြလိုက်သည်။</p> <p>ဒီအတွက် ချင်လင်မတတ်နိုင်။</p> <p>ဒီအစ်ကိုလီက သူ့ကိုမိန်းမလှလေးထင်နေပေမဲ့ သူကနေထွက်ရှုခင်းကြည့်ဖို့သာပြောရမည်။</p> <p>အစားကောင်း?</p> <p>သူက ချက်ချင်းပင်_</p> <p>"အစ်ကိုလီ.. ဒီတောင်ထိပ်မှာ ကျွန်တော်ဘာအစားကောင်းမှမချက်ချင်ဘူး... ဒီမှာကကြည့်ရုံသက်သက်ပဲလေ? အဲဒါရူးတာမလား?''</p> <p>ချင်လင်ကပြောပြီးပြီးချင်း သူ့စိတ်ထဲမှဖန်သားပြင်ကိုတအံ့တဩကြည့်လိုက်သည်။</p> <p>ရင်းနှီးနေသောပုံရိပ်တစ်ခုက စိုက်ပျိုးရေးခြံပေါက်တွင်ရုတ်တရက်ပေါ်လာသည်။</p> <p>အစားတလိုင်းစားဖိုမှူးပင်။</p> <p>အခုတလော ဒီလူခဏခဏရောက်လာသည်။</p> <p>အစားတလိုင်းဇာတ်ကွက်နှင့်ကြုံစဉ်က လျှို့ဝှက်အမဲသားချက်နည်းရပြီး အရည်အသွေး ၄ အမဲသားဟင်းကိုချက်နိုင်ခဲ့သည်။</p> <p>ဒီလူ ဒီတစ်ခါ ဘာပေးမလဲ?</p> <p>ချင်လင်ကချက်ချင်း ဂိမ်းဇာတ်ကောင်အား စိုက်ပျိုးရေးခြံပေါက်သွားပြီး အစားတလိုင်းပေါ်နှိပ်စေသည်။</p> <p>အစားတလိုင်းအသံထွက်လာ၏။</p> <p>(မင်းနဲ့တွေ့ရတာကောင်းလိုက်တာ... မင်းကိုတောင်းဆိုစရာရှိတယ်... တန်ရာတန်ကြေးပေးပါမယ်!)</p> <p>အစားတလိုင်းစကားက တဲ့တိုးဆန်သည်။ သူလောနေပုံရသည်။</p> <p>ချင်လင်က ဂိမ်းဇာတ်ကောင်အားနှိပ်စေရာ စကားပြောပေါ်လာပြန်သည်။</p> <p>(သတ္တုမြို့တော်မှာ အထူးပါဝင်ပစ္စည်းဆိုင်အသစ်ရှိတယ်... ရှားပါးအရည်အသွေးမြင့်ပါဝင်ပစ္စည်းတွေ အချိန်နဲ့အမျှပေါ်လာလိမ့်မယ်... ဒါပေမဲ့ ငါ့မှာရံပုံငွေမလောက်ဘူး... ဒီအတွက်ပိုက်ဆံသုံးရင် နောက်ခရီးထွက်ဖို့လက်မှတ်ဝယ်နိုင်မှာမဟုတ်တော့ဘူး... ရှားပါးပါဝင်ပစ္စည်းတချို့ဝယ်ပေးနိုင်မလား?)</p> <p>"ကျွတ် ကျွတ်''</p> <p>တာဝန်ကိုမြင်ပြီး ချင်လင်အတွန့်တက်လိုက်ချင်သည်။</p> <p>အစားတလိုင်းက ဘာလို့လက်မှတ်ဝယ်ဖို့ပိုက်ဆံမရှိရတာလဲ?</p> <p>နောက်နေတာလား?</p> <p>ချင်းလင်မွေးမြူရေးခြံစားသောက်ပွဲကိုလာတဲ့အစားအသောက်အကဲဖြတ်သူတွေကိုစဉ်းစားကြည့်စမ်းပါ၊ မချမ်းသာတဲ့သူရှိလား?</p> <p>အကဲဖြတ်သူအများစုကိုယ်တိုင်က သူဌေးကြီးတွေ။</p> <p>ဂိမ်းထုတ်သူက အစားအသောက်ဒိုင်တွေကိုအထင်လွဲနေတာလား?</p> <p>အစားတလိုင်းစားဖိုမှူးက ဒီအခြေအနေ ဘယ်လိုလုပ်ရောက်မလဲ? အံ့ဖွယ်ချက်နည်းမျိုးစုံသိတဲ့အစားကြမ်းပိုးလေ။</p> <p>ချင်လင် ပြိုင်မငြင်းချင်တော့။</p> <p>ဘာပဲဖြစ်ဖြစ် ဇာတ်ကွက်တာဝန်ရှိတာကောင်းသည်။</p> <p>အနုတ်စုတ်ဂုတ်စုတ်ဂိမ်းထုတ်သူက အစားတလိုင်းကိုအထင်လွဲတာ ဂရုစိုက်နေရမလား?</p> <p>တာဝန်ဆိုမှတော့ ဆုကြေးကဘာဖြစ်ဖြစ် သူ့အတွက်ကောင်းသည်။</p> <p>သူကတာဝန်ကိုလက်ခံလိုက်ရာ အစားတလိုင်းကကျေးဇူးတင်စကားပြောသည်။</p> <p>(ကျေးဇူးအများကြီးတင်ပါတယ်... သတ္တုမြို့တော်မှာ မင်းလိုမိတ်ဆွေမျိုးရှိတာ တကယ်ဝမ်းသာတယ်!)</p> <p>စကားပြောပြီးနောက် ချင်လင်ကသူ့ဂိမ်းဇာတ်ကောင်အား သတ္တုမြို့တော်သွားစေသည်။</p> <p>သတ္တုမြို့တော်ထဲလျှောက်သွားပြီး နောက်ဆုံးမျိုးစေ့ဆိုင်ဘေးတွင် အစားတလိုင်းပြောသောအသစ်ဖွင့်ထားသည့်အစားအစာဆိုင်ကိုတွေ့ရသည်။</p> <p>သူ့ဂိမ်းဇာတ်ကောင်အား ဆိုင်ထဲဝင်ပြီးဝန်ထမ်းပေါ်နှိပ်စေရာ စာပေါ်လာသည်:</p> <p>(သတ္တုမြို့တော်စီးပွားရေးဖွံ့ဖြိုးမှုကြောင့် သတ္တုမြို့တော်မှာဆိုင်ခွဲဖွင့်လိုက်ပါပြီ... ထုတ်ကုန်မျိုးစုံဝယ်ရုံသာမက ရှားပါးအစားအစာပါဝင်ပစ္စည်းတွေလည်း ရံဖန်ရံခါရောင်းပါမယ်!)</p> <p>စာအောက်တွင်ပါသောအသေးစိတ်မှတ်ချက်များမှတဆင့် ဒုက္ခသိပ်မများကြောင်း၊ အသစ်ဖွင့်ထားသောဆိုင်တွင် ခြံထွက်ပစ္စည်းတစ်မျိုးပြီးတစ်မျိုးတိုက်ရိုက်ရောင်းချနိုင်ကြောင်း ချင်လင်သိလိုက်သည်။ ဒီလိုဆိုရင် ခြံမှာရောင်းတာထက်စျေးပိုရမည်။</p> <p>သို့သော် ချင်လင်မှာဒီလိုလုပ်ချိန်မရှိသောကြောင့် အချိန်မဖြုန်းလို။</p> <p>ဂိမ်းထဲမှာနေ့တိုင်းငါးရောင်း၊တောင်တန်းထွက်ကုန်များရောင်းပြီး ရွှေပြားအများကြီးရသည်။</p> <p>အစားတလိုင်းပြောတဲ့ရှားပါးပစ္စည်းကိုသာ သိချင်သည်။</p> <p>ထို့ကြောင့် ချက်ချင်းသူ့ဂိမ်းဇာတ်ကောင်အား စျေးရောင်းသူပေါ်နှိပ်ပြီး အရောင်းစာရင်းကြည့်စေသည်။</p> <p>(မုန်လာဥဖြူ: အရည်အသွေး ၂)</p> <p>(ပန်းပွင့်: အရည်အသွေး ၂)</p> <p>(ငါးကြင်းနက်: အရည်အသွေး ၂)</p> <p>(သခွားသီး: အရည်အသွေး ၂)</p> <p>(ဂဏန်းလက်မ: အရည်အသွေး ၂)</p> <p>ဆိုင်မှအရောင်းစာရင်းကို ချင်လင်ကြည့်လိုက်သည်။ ပစ္စည်းများတစ်ခုချင်းထွက်လာပြီး အားလုံးအရည်အသွေး ၂ ပါဝင်ပစ္စည်းများဖြစ်သည်။</p> <p>သူနည်းနည်းစိတ်ပျက်မိသည်။</p> <p>ဒီပါဝင်ပစ္စည်းတွေက သူ့ခြံမှာလည်းရှိသည်။</p> <p>နောက်တစ်မျက်နှာလှန်လိုက်သောအခါတွင်လည်း အရည်အသွေး ၂ ပါဝင်ပစ္စည်းများသာဖြစ်နေသည်။ သို့သော် ပါဝင်ပစ္စည်းတချို့က ကမ္ဘာ့နာမည်ကြီးဖြစ်ပြီး ဂိမ်းမျိုးစေ့ဆိုင်တွင်ဝယ်မရပေ။</p> <p>သို့ရာတွင် နောက်ဆုံးစာမျက်နှာလှန်လိုက်သောအခါ သူအံ့ဩဝမ်းသာဖြစ်သွားသည်။</p> <p>(အထူးပါဝင်ပစ္စည်း ကြက်သား: အရည်အသွေး ၃ (×၂))</p> <p>ချင်လင် အံ့ဩသွားသည်။</p> <p>ဒါအစားတလိုင်းပြောတဲ့ရှားပါးပစ္စည်းလား?</p> <p>ရုတ်တရက် ချင်လင်သွားရည်ကျလာသည်။</p> <p>အဆင့်မြင့်အစားအစာများစားနေကျဖြစ်၍ အစားအသောက်လိုအပ်ချက်မြင့်မားသည်။</p> <p>သူ့အဖို့ အရည်အသွေး ၂ အစားအစာက သာမန်အစားအစာနှင့်မခြား။ အခုဒီဆိုင်မှာအရည်အသွေး ၃ ပါဝင်ပစ္စည်းဝယ်နိုင်တော့မည်ဖြစ်၍ သေချာပေါက်ကြီးမားသောကောင်းချီးပင်။</p> <p>အရည်အသွေး ၃ အထူးကြက်သားနှစ်ပုံရှိသည်။</p> <p>ချင်လင်ကချက်ချင်း ဂိမ်းဇာတ်ကောင်အား အရည်အသွေး ၃ ကြက်သားနှစ်ပုံဝယ်စေသည်။ ထိုစာမျက်နှာမှထွက်ပြီးနောက် ချက်ချင်းပြန်ဆွဲကြည့်လိုက်သည်။</p> <p>ဒီတစ်ခါ အရည်အသွေး ၃ ဘာမှမတွေ့ရတော့။</p> <p>သုံးလေးကြိမ်ဆက်တိုက်လုပ်ကြည့်သော်လည်း ဒီအတိုင်းပင်။</p> <p>ဒီတော့ အရည်အသွေး ၃ ပါဝင်ပစ္စည်းက ကံကောင်းဖို့လိုတာပေါ့။</p> <p>ထို့နောက် သူ့ဂိမ်းဇာတ်ကောင်အား စိုက်ပျိုးရေးခြံပြန်စေရာ ခြံပေါက်တွင်အစားတလိုင်းကမတ်တပ်ရပ်နေဆဲပင်။</p> <p>သူကခဏတွေးကြည့်ပြီး ဂိမ်းဇာတ်ကောင်အား သိုလှောင်ခန်းထဲတွင် ကြက်သားတစ်ပုံထားစေသည်။</p> <p>တာဝန်အရပေးလိုက်သည်နှင့် အရည်အသွေး ၃ ကြက်သားနှစ်ပုံလုံးယူသွားမှာစိုးရသည်။</p> <p>ရယ်စရာမကောင်းဘူးလား?</p> <p>ချင်လင်က အရည်အသွေး ၃ ကြက်သားတစ်ပုံချပြီးနောက် ဂိမ်းဇာတ်ကောင်အား အစားတလိုင်းဆီတာဝန်အတိုင်းပေးစေသည်။</p> <p>အစားတလိုင်းအသံပြန်ထွက်လာ၏။</p> <p>(ဒီကြက်သားက ပြီးပြည့်စုံတယ်... မင်းတကယ်ဝယ်နိုင်ခဲ့တာပဲ... ကျေးဇူးအများကြီးတင်ပါတယ်... ကြက်သားဝယ်လာမှတော့ မင်းကိုကြက်သားနဲ့ဆိုင်တာပေးမယ် ဟုတ်လား? ဒါ မင်းအတွက်ပါ... ငါသေချာသုတေသနလုပ်ထားတယ်)</p> <p>ထို့နောက် ဂိမ်းဇာတ်ကောင်လက်ထဲတွင် မှတ်ချက်နှင့်စာလိပ်ပေါ်လာသည်:</p> <p>(ဂုဏ်ယူပါတယ်... အစားတလိုင်းသေချာသုတေသနလုပ်ထားတဲ့လျှို့ဝှက်သူတောင်းစားကြက်သားချက်နည်းရပါတယ်!)</p> <p>သူတောင်းစားကြက်သား?</p> <p>သူအရမ်းရင်းနှီးတဲ့ဟင်းပဲ။</p> <p>ရုပ်ရှင်၊ TV ရှိုးပွဲများတွင်တောင်ပါဖူးသည်။</p> <p>အစားတလိုင်းက ဒီဟင်းချက်နည်းတကယ်ပေးတာလား!</p> <p>အစားတလိုင်းကတွန့်တိုလာသလားဟု သူထင်မိသည်။</p> <p>ဘာပဲဖြစ်ဖြစ် အရင်က ငါးအမျိုးမျိုးချက်နည်း ဒါမှမဟုတ် အခွံမာမျိုးစုံချက်နည်းများ သူရခဲ့သည်။</p> <p>အခုနောက်ပိုင်းတွင်မူ အမဲသားဟင်း ဒါမှမဟုတ် သူတောင်းစားကြက်သားဟင်း၊ ချက်နည်းတစ်မျိုးသာရသည်။ ကန့်သတ်ချက်အတော်များသည်။</p> <p>"ညီလေးချင်.. ရုတ်တရက်ဘာတွေတွေးနေတာလဲ?''</p> <p>ချင်လင်နားထဲတွင် လီခိုင်အသံကြားရသည်။</p> <p>လီခိုင်က ချင်လင်ကိုကြည့်ပြီးခေါင်းခါနေသည်။ ဒီချင်လင်ဘာတွေတွေးနေမှန်း သူမသိ၊ ငေးငိုင်နေမှန်းသာသိသည်။</p> <p>ချင်လင်ကအသိပြန်ဝင်လာပြီး အောင့်သက်သက်ပြုံးကာ လီခိုင်အား_</p> <p>"အစ်ကိုလီ.. အစားကောင်းစားချင်လား?''</p> <p>"ညီလေးချင်.. မင်းပဲပြောတော့ တောင်ထိပ်မှာမချက်ချင်ဘူးဆို?''</p> <p>လီခိုင်ကကြောင်တောင်တောင်နှင့်မေးသည်_</p> <p>"အရူးပဲချက်မှာဆို?''</p> <p>"ကျွတ် ကျွတ်''</p> <p>ချင်လင်ကနားထောင်ရင်း သူ့ခေါင်းထဲမှောင်မိုက်သွားပြီး လီခိုင်ကိုကြည့်ကာ_</p> <p>"အစ်ကိုလီ.. စားချင်လားလို့?''</p> <p>"စားမယ်!''</p> <p>လီခိုင်က ခပ်ပြတ်ပြတ်ဖြေသည်။</p> <p>"အဲဒါဆို ပန်းအိမ်အစုအဝေးမန်နေဂျာကိုသွားရှာပြီး ချက်ဖို့ပြင်ခိုင်းပေးပါ... ကျွန်တော် ကြက်သားယူလိုက်ဦးမယ်''</p> <p>ချင်လင်က လီခိုင်ကိုပထုတ်ချင်သည်။</p> <p>မဟုတ်ရင် သူဘယ်လိုလုပ်ဂိမ်းထဲဝင်ပြီးကြက်သားယူမလဲ?</p> <p>လီခိုင်ကနှုတ်ခမ်းစူပြီး ချက်ချင်းပန်းအိမ်အစုအဝေးမန်နေဂျာကိုသွားရှာသည်။</p> <p>လီခိုင်ထွက်သွားသည်နှင့် ချင်လင်ကပန်းအိမ်ထဲဝင်ပြီး အထဲမှတံခါးလော့ချလိုက်သည်။</p> <p>ဝင်ပေါက်နှင့်ပတ်ဝန်းကျင်တွင် စောင့်ကြည့်ကင်မရာများထားသော်လည်း ပန်းအိမ်ထဲမှာကင်မရာမရှိသောကြောင့် သူများမြင်မှာပူစရာမလို။</p> <p>အတွေးနှင့်သူကဂိမ်းထဲဝင်ပြီး သူတောင်းစားကြက်သားချက်နည်းမှတ်ချက်ကိုဖတ်လိုက်သည်:</p> <p>(လျှို့ဝှက်သူတောင်းစားကြက်သားချက်နည်း: အထူးလက်ရာ!)</p> <p>(အစားတလိုင်းဖန်တီးထားသောလက်ရာဖြစ်သည်။ အထူးသူတောင်းစားလက်ရာချက်နိုင်သည်။</p> <p>စားကောင်းခြင်း +၁၊ အထိအတွေ့ +၁၊ အနံ့ +၁!</p> <p>အထူးအာနိသင်: အရောင် +၁)</p> <p>"အရောင်ထွက်ပြန်ပြီလား?''</p> <p>ရုတ်တရက် အစားတလိုင်းတွန့်တိုနေတာမဟုတ်မှန်း ချင်လင်သိလိုက်သည်။</p> <p>အစားတလိုင်းလျှို့ဝှက်နည်းက ကန့်သတ်ချက်များသော်လည်း အထူးအာနိသင်များလာပုံရသည်။</p> <p> </p> <p> </p> <p style="text-align: center;">***</p>


Save