Book List

<h2 style="text-align: center;">အခန်း ၁၃၃၃</h2> <h2 style="text-align: center;">ကံကောင်းတဲ့နေ့!</h2> <h2 style="text-align: center;">*</h2> <p> </p> <p> </p> <p>ချင်လင်က သူတောင်းစားကြက်သားချက်နည်းမှတ်ချက်ဖတ်ပြီးနောက် 'လေ့လာသင်ယူမည်'ကိုတန်းရွေးလိုက်သည်။</p> <p>ဟင်းချက်နည်းစာလိပ်က တခဏချင်းအလင်းရောင်များအဖြစ်ပြောင်းပြီး သူ့ကိုယ်ထဲဝင်လာသည်။</p> <p>သူ့စိတ်ထဲတွင် ဟင်းချက်နည်းနှင့်အထူးလျှို့ဝှက်ပါဝင်ပစ္စည်းအပါအဝင် သူတောင်းစားကြက်သားချက်နည်းအချက်အလက်အားလုံးရလိုက်သည်။</p> <p>တချိန်တည်းမှာ သူတောင်းစားကြက်သားချက်နည်းကိုအကြိမ်ကြိမ်ချက်ဖူးသလို ကြွက်သားမှတ်ဉာဏ်ကိုလည်း စနစ်ကပေးသည်။</p> <p>သို့သော် အထူးပါဝင်ပစ္စည်းများနှင့်ချင်လင်ရင်းနှီးနေပြီ။</p> <p>ဒါသူအမဲသားချက်ရင်သုံးတဲ့ပါဝင်ပစ္စည်းတွေမလား?</p> <p>ဒီပါဝင်ပစ္စည်းများနှင့်စနစ်လက္ခဏာကြောင့် အမဲသားကအရောင်ထွက်သည်။</p> <p>အခုသူတောင်းစားကြက်သားကလည်း ချက်နည်းတူသည်။ တထပ်တည်းနီးပါးတူသော်လည်း အမဲသားချက်နည်းထက်ပါဝင်ပစ္စည်းနည်းသည်။</p> <p>သူတောင်းစားကြက်သားချက်နည်းကိုလေ့လာပြီးနောက် ချင်လင်ကသိုလှောင်ခန်းထဲအမြန်ပြန်လာပြီး အရည်အသွေး ၃ အထူးကြက်သားကိုရှာလိုက်သည်။</p> <p>ကြက်သားက သေးသေးမဟုတ်။ သာမန်ကြက်သားထက်နှစ်ဆရှိပြီး အရမ်းကြီးသည်ဟုဆိုရမည်။</p> <p>(အထူးပါဝင်ပစ္စည်းကြက်သား: အရည်အသွေး ၃)</p> <p>(စားသုံးရန်အထူးမွေးမြူထားသောပြည်တွင်းကြက်သားဖြစ်သည်။ အလွန်အရသာရှိသောကြက်သားဟင်းပွဲဖန်တီးနိုင်သည်။</p> <p>အာနိသင်: အရသာ +၃၊ စားကောင်းခြင်း +၃၊ အနံ့ +၃၊ နှုတ်မြိန်စေခြင်း +၃၊ အာဟာရဖြစ်စေခြင်း +၃၊ ပရိုတင်းဓာတ် +၂!)</p> <p>အထူးပါဝင်ပစ္စည်းကြက်သားမှတ်ချက်ကိုဖတ်ပြီး ဘာကြောင့်အထူးမွေးမြူထားသောပြည်တွင်းကြက်သားဟုပြောမှန်း ချင်လင်သဘောပေါက်သည်။</p> <p>အရသာ +၃၊ စားကောင်းခြင်း +၃၊ အနံ့ +၃ ထိုအရည်အသွေးသုံးမျိုးနှင့်တင် ဟင်းချက်တတ်သောဘယ်စားဖိုမှူးမဆို၊ မဲတူးနေအောင်မကြော်ရင် ဟင်းချက်နတ်ဘုရားလက်ရာမျိုးပြနိုင်သည်။</p> <p>နှုတ်မြိန်စေခြင်း +၃ အရည်အသွေးကလည်း သွားရည်ကျစေသည်။ အစားပျက်သူတောင် အစားကြီးသူဖြစ်လာမည်။</p> <p>အာဟာရဖြစ်စေခြင်း +၃၊ ပရိုတင်းဓာတ် +၂ အရည်အသွေးက ပြောစရာမလို။</p> <p>လူတွေဘာကြောင့်ကြက်သားစားလဲ?</p> <p>အာဟာရဖြစ်လို့မလား?</p> <p>ဒီအရည်အသွေးနှစ်မျိုးက +၂ ပဲရှိပေမဲ့ အံ့ဩစရာကောင်းနေပြီဟုတ်?</p> <p>အထူးသဖြင့် အစားတလိုင်းက သူ့ကိုသူတောင်းစားကြက်သားချက်နည်းပေးထားသောကြောင့် အရသာ +၁၊ စားကောင်းခြင်း +၁၊ အနံ့ +၁ ရှိသည်။</p> <p>ဒီတော့ +၄ စားကောင်းသောက်ဖွယ်ထပ်လုပ်နိုင်တဲ့သဘောမလား?</p> <p>ချင်လင်က အရည်အသွေး ၃ ကြက်သားယူပြီး ဂိမ်းထဲမှထွက်ကာ ပန်းအိမ်ပြန်ရောက်လာသည်။</p> <p>တံခါးဖွင့်လိုက်သောအခါ အစ်ကိုလီပြန်မရောက်သေး၍ သက်ပြင်းချပြီး ကြက်သားကိုဘေးမှာချိတ်ထားလိုက်သည်။</p> <p>ခဏအကြာ ပန်းအိမ်အစုအဝေးမန်နေဂျာနှင့်အတူ အစ်ကိုလီပြန်ရောက်လာပြီး ဟင်းချက်စရာတန်ဆာပလာမျိုးစုံသယ်လာသောအစောင့်များလည်းပါသည်။</p> <p>ပန်းအိမ်အစုအဝေးတွင် ကိုယ်တိုင်ချက်ပြုတ်စားနိုင်သောဝန်ဆောင်မှုမရှိ။ အားလုံးက ပန်းအိမ်အစုအဝေးစားဖိုဆောင်အတွက်ဆောင်ထားသောအိုးခွက်ပစ္စည်းများဖြစ်သည်။</p> <p>သူဌေးကသုံးချင်ရင် ချက်ချင်းယူလာပေးရမည်။ အထူးသဖြင့် စားဖိုဆောင်ကလည်းစိတ်ချသည်။ ဘာပဲဖြစ်ဖြစ် သူတို့သူဌေးက'မာစတာချက်ဖ်'မှန်းသူတို့သိသည်။</p> <p>"ညီလေးချင်.. ဟင်းချက်စရာတွေယူလာပြီ''</p> <p>လီခိုင်ကရှေ့ရောက်လာပြီး နာမည်ကောင်းယူသည်။</p> <p>ချင်လင်ကမတတ်သာပုံနှင့် ဟင်းချက်စရာများကိုကြည့်လိုက်သည်။</p> <p>အစားတလိုင်းကပေးထားတဲ့ သူတောင်းစားကြက်သားချက်နည်းကို သူမသိ။</p> <p>ဒီဟင်းချက်စရာအများစုက သူတောင်းစားကြက်သားဟင်းချက်မရပေ။</p> <p>ပန်းအိမ်မန်နေဂျာက ပစ္စည်းများချပြီး ချင်လင်ကိုတရိုတသေမေးသည်_</p> <p>"ဥက္ကဌချင်.. တခြားမှာစရာရှိသေးလား?''</p> <p>ချင်လင်ကခေါင်းခါပြီး_</p> <p>"ခင်ဗျားတို့လုပ်စရာရှိတာ သွားလုပ်ကြပါ... လိုရင်ဖုန်းဆက်လိုက်မယ်''</p> <p>"ကောင်းပါပြီ ဥက္ကဌချင်''</p> <p>ပန်းအိမ်မန်နေဂျာကခေါင်းညိမ့်ပြီး ချက်ချင်းသူ့လူများခေါ်သည်။</p> <p>သို့သော် မသွားသေးဘဲ အပြင်မှာသူ့လူများနှင့်စောင့်နေ၏။</p> <p>ဘာပဲဖြစ်ဖြစ် သူဌေးကအထဲမှာ၊ မှာစရာရှိရင် တန်းမှာနိုင်သည်။</p> <p>လီခိုင်လည်း ဘေးမှကြက်သားကိုကြည့်ပြီး တန်းမေးသည်_</p> <p>"ညီလေးချင်.. မင်းဒီည ကြက်သားချက်မှာလား? ဒီကြက်က နည်းနည်းကြီးတယ်နော်''</p> <p>ချင်လင်ကခေါင်းညိမ့်ပြီး တဆက်တည်း ကျောက်မိုချင်းကိုဖုန်းဆက်လိုက်သည်။</p> <p>အရည်အသွေး ၄ ဟင်းပွဲလုပ်နိုင်မှတော့ သူ့မိန်းမနဲ့အမေကိုမေ့ထားလို့ရမလား?</p> <p>ကျောက်မိုချင်းကိုဖုန်းဆက်ပြီး အမေကိုခေါ်လာခိုင်းသည်။ အစ်ကိုလီ၏ဇနီးဒေါက်တာထန်ကိုပါ အတူတူစားရန်ခေါ်လိုက်သည်။</p> <p>ဒါကို ညလယ်စာလိုသဘောထားမည်။</p> <p>နောက်ပြီး ကျောက်မိုချင်းကို အထူးပါဝင်ပစ္စည်းတချို့ယူလာခိုင်းလိုက်သည်။</p> <p>သူအမဲသားချက်တုန်းက ပါဝင်ပစ္စည်းအများကြီးဝယ်ပြီး အပန်းဖြေစံအိမ်စားဖိုဆောင်ထဲသိမ်းထားသည်။ အဲဒီအတိုင်း ယူချက်ရုံပင်။</p> <p>အချိန်ကျရင် သူတောင်းစားကြက်သားအတွက်လိုတဲ့ပါဝင်ပစ္စည်းတချို့ရွေးယူလိုက်မည်။</p> <p>အဲဒီအပြင် တခြားပါဝင်ပစ္စည်းများလည်းယူရမည်။ တခြားဟင်းများနှင့်တွဲစားမည်။</p> <p>မကြာမီ ကျောက်မိုချင်းက ချင်ဖုန်းလေးနှင့်ရောက်လာသည်။</p> <p>သူမဘေးတွင် သမီးလေးချီထားသောထန်ရှိုးဝမ်လည်းပါသည်။</p> <p>သူတို့နောက်တွင် အမျိုးသမီးကြီးတစ်ဦးနှင့်ဝမ်းသာအားရစကားပြောနေသောလင်းဖန်ပါသည်။ အမျိုးသမီးကြီးက ထန်ရှိုးဝမ်အမေပင်။ သူမက ကလေးမလေးတစ်ယောက်ကိုလက်ဆွဲထားသည်။</p> <p>ဒီကလေးမလေးအတွက် လီခိုင်က SMA ဆေးဝါး၏ပါဝင်ပစ္စည်းကိုသုတေသနလုပ်ခဲ့ခြင်းပင်။</p> <p>သို့သော် လီခိုင်ကအရှုံးမပေး။ ဘာပဲဖြစ်ဖြစ် 'တစ်ခုဝယ် တစ်ခုရ'စနစ်။</p> <p>ကျောက်မိုချင်းနောက်တွင် ချင်လင်လိုအပ်သည့်ပါဝင်ပစ္စည်းများနှင့်တခြားပစ္စည်းများသယ်လာသောလူသုံးယောက်ပါသည်။</p> <p>သူတို့ရောက်သောအခါ လူကြီးနှစ်ယောက်က ကလေးချီလိုက်ကြသည်။</p> <p>ကျောက်မိုချင်းက ချင်လင်ဆီလျှောက်လာပြီး စူးစမ်းမေးသည်_</p> <p>"ယောက်ျား.. ဘယ်လိုဖြစ်ပြီး ဒီအပေါ်မှာဟင်းချက်ဖို့စိတ်ကူးပေါက်တာလဲ?''</p> <p>ချင်လင်ကဆင်ခြေပေးလိုက်သည်_</p> <p>"ပန်းအိမ်အစုအဝေးကဖွင့်ခါစလေ... ပတ်ဝန်းကျင်က အရမ်းကောင်းတာ... လက်ရှိရုံချန်းရာသီဥတုနဲ့ဆို ဒီမှာညပိုင်းစားသောက်ရင် ရှားရှားပါးပါးပျော်စရာပဲ... ပြီးတော့ အစ်ကိုလီက ဒီနေ့အားနေတာဆိုတော့ တို့မိသားစုနှစ်စုပေါင်းလို့ရတာပေါ့''</p> <p>ကျောက်မိုချင်းကခေါင်းညိမ့်ပြီး ဘာသံသယမှမရှိတော့။</p> <p>သီးသန့်နေရာပတ်ဝန်းကျင်က တကယ်ကောင်းသည်။ ဒီမှာညစာစားရမှာ တကယ်ပျော်စရာပင်။ နောက်ပြီး မိသားစုနှစ်စုပေါင်းနိုင်သည်ဟုချင်လင်ပြောတာ သဘာဝကျသည်။</p> <p>ချင်လင်က သူတောင်းစားကြက်သားအတွက်လိုအပ်သောပစ္စည်းတချို့ကိုရွေးထုတ်လိုက်သည်။</p> <p>ထိုပါဝင်ပစ္စည်းများနှင့် သူတောင်းစားကြက်သားအရည်အသွေးပြနိုင်၊ အရောင်ထွက်နိုင်သည်။</p> <p>သူ့မှာပါဝင်ပစ္စည်းတွေပဲရှိပြီး စနစ်ကပေးတဲ့သူတောင်းစားကြက်သားလျှို့ဝှက်ချက်နည်းမရှိရင် အာနိသင်ပြနိုင်မည်မဟုတ်။</p> <p>ချင်လင်က ပါဝင်ပစ္စည်းများကိုခွဲခြမ်းပြီး ကြက်သားပေါ်စမ်းရန်ဆော့စပ်သည်။</p> <p>ဆော့ပြင်ဆင်နည်းကိုလည်း အစီအစဉ်တကျလုပ်ရန်လိုသည်။ နောက်ပြီး ထည့်ရမည့်ပါဝင်ပစ္စည်းအချိုးအစားလည်းမတူသောကြောင့် လျှို့ဝှက်နည်းအတိုင်းလုပ်ရသည်။</p> <p>စနစ်၏လျှို့ဝှက်နည်းအချက်အလက်က သူ့စိတ်ထဲစွဲထင်နေသည်။</p> <p>ကြွက်သားမှတ်ဉာဏ်ကလည်း ပါဝင်ပစ္စည်းများနှင့်အသားကျစေသည်။</p> <p>ဆော့ရသည်နှင့် ဘေးတွင်ချိတ်ထားသောအထူးကြက်သားကိုဖြုတ်ပြီး ဆော့အရသာဝင်အောင် အတုံးသေးသေးလေးများတုံးလိုက်သည်။</p> <p>တကယ်တော့ သူတောင်းစားကြက်သားပေါ်လာတာကြာပြီဖြစ်သည်။ တရုတ်ပြည်တွင် ချက်နည်းအမျိုးမျိုးရှိသည်။ နိုင်ငံခြားမှာတောင်ရှိသည်။</p> <p>သို့သော် ဟင်းချက်နည်းက အနည်းနှင့်အများ​တော့ အတူတူပင်။ အရင်ဆုံး ကိုင်ထားသောကြက်သားကို ပါဝင်ပစ္စည်းများနှင့်နယ်ပြီး ဆီသုတ်၊ကြာရွက်ပတ်၊ရွှံ့နှင့်ထုပ်ကာ မီးနှင့်နှပ်သည်။</p> <p>ကွာခြားချက်က ပါဝင်ပစ္စည်းပင်။</p> <p>ကြက်သားကျက်သောအခါ ရွှံ့နှင့်ကြာရွက်များဖယ်ပြီး အရသာရှိသောကြက်သားရလာသည်။</p> <p>ချင်လင်က ကြက်သားပေါ်ဆော့စမ်းလိုက်သည်။ ဆော့အနည်းအများချိန်ဆရန် အတော်အာရုံစိုက်ရသည်။</p> <p>မဟုတ်ရင် သူတောင်းစားကြက်သား၏အရသာနှင့်အသားအပေါ် အများကြီးသက်ရောက်မှုရှိနိုင်သည်။</p> <p>တချိန်တည်းမှာ လီခိုင်ကိုလည်းညွှန်ကြားလိုက်သည်_</p> <p>"အစ်ကိုလီ.. ထိုင်မနေနဲ့လေ... ရွှံ့လုပ်ဖို့မြေကြီးနည်းနည်းတူးပေးဦး... ပြီးရင် အသုံးလိုတယ်.. ဒီမှာကြာရွက်မရှိတော့ အသားကင်ခဲပတ်သုံးရမယ်''</p> <p>လီခိုင်လည်း ချင်လင်၏လက်ရာကိုစောင့်စားနေသည်။ ချင်လင်စကားကြောင့် တုံ့ဆိုင်းမနေ။ ချက်ချင်းပေါက်ပြားလေးကိုင်ပြီးထွက်လာကာ စတူးသည်။</p> <p>မြေကြီးအိတ်လေးတစ်အိတ်တူးပြီးနောက် ပန်းအိမ်ပြန်လာသည်။ ရေဇလုံထဲတွင်ရေထည့်ပြီး ရွှံ့ဖြစ်အောင်မွှေသည်။</p> <p>"ခစ် ခစ်!''</p> <p>လီခိုင်ရွှံ့လုပ်နေသောကြောင့် ချင်ဖုန်းလေးကတခစ်ခစ်ရယ်ပြီး သူလည်းရွှံ့နှင့်ဆော့ချင်သလိုလက်လှမ်းသည်။</p> <p>သန္ဓေအားဆေးကြောင့် ဖွံ့ဖြိုးမြန်သော်လည်း ရွှံ့နှင့်ဆော့ချင်သောအဆင့်ကိုမကျော်လွှားနိုင်။</p> <p>လင်းဖန်ကမူခွင့်မပြုဘဲ တင်းတင်းဖက်ထားသည်။</p> <p>ခဏအကြာ_</p> <p>ချင်လင်က ကြက်သားကိုဆော့စမ်းပြီး ကြာရွက်အစား အသားကင်ခဲပတ်နှင့်ပတ်သည်။ ထို့နောက် ကြိုးနှင့်တင်းတင်းချည်သည်။</p> <p>လီခိုင်က ချက်ချင်းရွှံ့ယူလာပြီး_</p> <p>"ညီလေးချင်.. ငါရွှံ့သုတ်ပေးမယ်... မင်းလက်တွေမညစ်ပတ်တော့ဘူးပေါ့... ရွှံ့သုတ်တာ ဘာနည်းစနစ်မှမလိုဘူးမလား?''</p> <p>"နည်းစနစ်အများကြီးလိုတာပေါ့''</p> <p>ချင်လင်ကပြုံးပြုံးနှင့်ပြောသည်။</p> <p>"အာ.. လိုသေးတာလား?''</p> <p>လီခိုင်က ရှက်ကိုးရှက်ကန်းနှင့်အလိုက်တသိဘေးဖယ်လိုက်သည်။</p> <p>ချင်လင်ကမြေကြီးယူပြီး အလုပ်စသည်။</p> <p>သူနောက်နေတာမဟုတ်။ စနစ်ကပေးတဲ့သူတောင်းစားကြက်သားချက်နည်းက ဒီလိုပင်။ ရွှံ့သုတ်ရင် အထူအပါးလိုအပ်ချက်ရှိသည်။</p> <p>ထူလွန်းရင် မီးအရနည်းပြီး ပါးလွန်းရင် အပူများကာ သက်ရောက်မှုရှိနိုင်သည်။</p> <p>ဒီတော့ ရိုးရိုးသူတောင်းစားကြက်သားဆိုရင်တောင် လုပ်ဖို့မလွယ်။ ဘာပဲဖြစ်ဖြစ် အရည်အသွေး ၄ သူတောင်းစားကြက်စားဟင်းဖြစ်သည်။</p> <p>အားလုံးပြင်ဆင်ပြီးနောက် ချင်လင်ကမီးဖိုပေါ် သူတောင်းစားကြက်သားတင်လိုက်သည်။</p> <p>ဒီအဆင့်မှာတောင် အပူချိန်ထိန်းချုပ်ရန်လိုသေးသည်။ သို့ရာတွင် အပူချိန်ထိန်းညှိနိုင်သောအထူးမီးဖိုလေးကြောင့် ဒီအပိုင်းမှာ သူသိပ်အားမစိုက်ရ။</p> <p>ထို့ကြောင့် တခြားပါဝင်ပစ္စည်းများကိုစပြင်ဆင်သည်။</p> <p>အားလုံး အရည်အသွေး ၂ ပါဝင်ပစ္စည်းများဖြစ်သည်။ သက်ဆိုင်ရာဟင်းချက်လက်ရာမရှိရင် စားကောင်းခြင်း +၂၊ အထိအတွေ့ +၂ သာရနိုင်သည်။</p> <p>သူတောင်းစားကြက်သားဟင်းနှင့်လိုက်ဖက်သောဟင်းများပင်။</p> <p>ချင်လင်က ပါဝင်ပစ္စည်းအားလုံးကို အရသာရှိဟင်းပွဲလုပ်ပြီးနောက် ဘေးမှစားပွဲပေါ်တင်လိုက်သည်။</p> <p>ထိုမြင်ကွင်းကြောင့် လီခိုင်ကစားပွဲနားချက်ချင်းလျှောက်လာပြီး ပြုံးပြုံးနှင့်_</p> <p>"ညီလေးချင်.. ငါအရင်မြည်းပေးမယ်''</p> <p>ချင်လင်ခေါင်းခါလိုက်သည်။</p> <p>စားချင်ရင် စားချင်တယ်ပေါ့။ ဒီလိုအသံကောင်းဟစ်ရတယ်လို့။</p> <p>ထို့နောက် ပြန်လှည့်ပြီး သူတောင်းစားကြက်သားကိုအာရုံစိုက်လိုက်သည်။</p> <p>သို့သော် ဒီတစ်ခါ သူ့စိတ်ထဲမှဂိမ်းဖန်သားပြင်ကိုကြည့်ပြီး အံ့ဩသွားသည်။</p> <p>သူ့ခြံပေါက်ဝတွင် နောက်တစ်ယောက်ရောက်နေပြန်သည်။ မြို့တော်ဝန်သောမတ်ပင်။</p> <p>နောက်ထပ်ဇာတ်ကွက်တာဝန်လား?</p> <p>ချင်လင် မအံ့ဩဘဲမနေနိုင်တော့။</p> <p>တစ်နေ့တည်း ဇာတ်ကွက်နှစ်ခုကြုံတာ ဒါပထမဆုံး။</p> <p>ဒီနေ့ဥရောပဘုရင်ဖြစ်လာတာလား?</p> <p>ကံကောင်းတဲ့နေ့လား?</p> <p> </p> <p> </p> <p style="text-align: center;">***</p>


Save