Book List

<h2 style="text-align: center;">အခန်း ၁၃၃၄</h2> <h2 style="text-align: center;">သူတောင်းစားကြက်သားလည်း အရောင်ထွက်?</h2> <h2 style="text-align: center;">*</h2> <p> </p> <p> </p> <p>ချင်လင်က ဂိမ်းထဲမှသောမတ်ကိုကြည့်ရင်း ရုတ်တရက်သိနေသလိုခံစားရသည်။</p> <p>ဥရောပဘုရင်ဖြစ်လာရင် ဝမ်းမသာတဲ့သူရှိမလား?</p> <p>အခုမှအစားတလိုင်းဆီက သူတောင်းစားကြက်သားချက်နည်းရခါစ။ သိပ်အသုံးမတည့်ပေမဲ့ တစ်ခါတလေ နှုတ်မြိန်စားကောင်းနိုင်သည်။</p> <p>အခုသောမတ်ထပ်ရောက်လာတော့ မအံ့ဩရင် ထူးဆန်းနေမယ်မလား?</p> <p>ဥရောပဘုရင်ဖြစ်စေချင်မှတော့ ပိုပြီးဥရောပဆန်ရတာပေါ့။</p> <p>ချင်လင်တွေးတောနေစဉ် သူ့ရှေ့ရှိသူတောင်းစားကြက်သားမှ ကြွပ်ရွသံထွက်လာသည်။ ရွှံ့ဖုတ်ပြီး နည်းနည်းအက်လာခြင်းပင်။</p> <p>သူတောင်းစားကြက်သား ရပြီ။</p> <p>သူကချက်ချင်း အသိပြန်ဝင်လာသည်။</p> <p>တာဝန်က ပြီးမှလုပ်လို့ရသည်။ သူတောင်းစားကြက်သားကို အရင်လတ်စသတ်ရမည်။</p> <p>သူတောင်းစားကြက်သားအပေါ်မှရွှံ့ကွဲလာသောအခါ မီးအပူချိန်ပြန်ထိန်းရသည်။ သူက မီးနည်းနည်းလျှော့လိုက်၏။</p> <p>ထိုမြင်ကွင်းကို ကျောက်မိုချင်းနှင့်ထန်ရှိုးဝမ်ကစိတ်ဝင်စားနေသည်။</p> <p>သူတို့လည်းအမျိုးသမီးများဖြစ်၍ ချက်တတ်ပြုတ်တတ်သည်။ ဘာပဲဖြစ်ဖြစ် လူအများစုအမြင်မှာ မိသားစုတစ်စုသာယာဖို့ အမျိုးသမီးကချက်တတ်ပြုတ်တတ်ရမည်ဟူ၍။</p> <p>မချက်ပြုတ်တတ်သူက သူဌေးသမီးဖြစ်ရင်ဖြစ်၊ မဖြစ်ရင် သူဌေးကတော်ဖြစ်မည်။ ဒါမှမဟုတ် သူတို့ဘဝမှာ အခက်အခဲသိပ်မရှိခဲ့သောကြောင့်ပင်။</p> <p>ချက်ပြုတ်နည်းသိနေ၍ သူတို့အံ့ဩခြင်းဖြစ်သည်။</p> <p>သူတောင်းစားကြက်သားလုပ်နည်းက ဒီလောက်အသေးစိတ်မည်ဟု သူတို့မထင်မိ။ မီးအပူချိန်တောင် သေချာစောင့်ကြည့်ရသည်။</p> <p>သို့ရာတွင် အသည်းအသန်ချက်နေသောအမျိုးသားတစ်ယောက်က အလွန်ခန့်ညားပြီးဆွဲဆောင်မှုရှိသည်ဟုဆိုရမည်။</p> <p>ထန်ရှိုးဝမ် အားမကျဘဲမနေနိုင်_</p> <p>"မိုချင်း.. နင့်ကိုအားကျလိုက်တာ... ဥက္ကဌချင်က အရမ်းဟင်းချက်ကောင်းတာပဲ''</p> <p>မိန်းမဖြစ်သူက သူများကိုချီးကျူးနေသောကြောင့် လီခိုင်ချက်ချင်းရောက်လာပြီး_</p> <p>"ဂျူနီယာညီမ.. ကိုယ်ကမချက်တတ်ပေမဲ့ အရသာကောင်းကောင်းမြည်းတတ်ပါတယ်... ညီလေးချင်က သူတောင်းစားကြက်သားဟင်းလေ့လာပြီး ငါ့ကိုမြည်းခိုင်းတာ မင်းအမြင်ပဲ... မဟုတ်ရင် ဒီလိုညလယ်စာစားရပါ့မလား?''</p> <p>သူကပြောရင်းဆိုရင်း ချင်လင်ကိုအော်ပြောလိုက်သေးသည်_</p> <p>"ညီလေးချင်.. မင်းရော အဲလိုမထင်ဘူးလား?''</p> <p>တကယ်တော့ သူကမေးရင်း အချက်ပြပြီးသား။</p> <p>ချင်လင်မှာ EQ ကောင်းသူဖြစ်၍ ချက်ချင်းပင်_</p> <p>"အင်း.. အစ်ကိုလီပြောတာမှန်တယ်''</p> <p>လီခိုင်ကချက်ချင်း ထန်ရှိုးဝမ်ဘက်လှည့်ကာ_</p> <p>"ဂျူနီယာညီမ.. မင်းရော အဲလိုမထင်ဘူးလား?''</p> <p>ထန်ရှိုးဝမ်က မျက်စောင်းထိုးလိုက်သည်။</p> <p>သူမစီနီယာအစ်ကိုလီက နာမည်ကြီးသုတေသနသမားဆိုပေမဲ့ တစ်ခါတလေ ရူးသလိုလိုကြောင်သလိုလို။</p> <p>နောက်ဆုံး...</p> <p>သူတောင်းစားကြက်သားဟင်းရပြီဖြစ်၍ ချင်လင်ကမီးပိတ်ပြီး မီးဖိုလေးပေါ်မှချလိုက်သည်။</p> <p>ထိုအချိန်တွင် သူတောင်းစားကြက်သားကိုအုပ်ထားသောရွှံ့မှာအလွန်ပူနေသောကြောင့် ကိရိယာများသုံးပြီးသာ စားပွဲပေါ်ချလိုက်သည်။ မဟုတ်လို့ ရွှံ့အေးတဲ့အထိစောင့်ရင် အထဲကကြက်သား အရသာလျော့သွားမည်။</p> <p>သူတောင်းစားကြက်သားကိုစားပွဲပေါ်တင်ပြီးနောက် လီခိုင်ချက်ချင်းရောက်လာသည်။</p> <p>ကျောက်မိုချင်းနှင့်ထန်ရှိုးဝမ်လည်း စူးစမ်းပြီးရောက်လာ၏။</p> <p>ချင်လင်၏လက်ရာကို သူတို့သိသည်။ စားသောက်ပွဲအပြီးမှာ သူ့ကိုကမ္ဘာ့အတော်ဆုံးစားဖိုမှူးလို့ပြောလည်းကိစ္စမရှိတော့။</p> <p>ချင်လင်ချက်တဲ့သူတောင်းစားကြက်သားဟင်းက ဘယ်လိုများနေမလဲ သူတို့သိချင်နေသည်။</p> <p>အပြင်မှာရပ်နေသောပန်းအိမ်အစုအဝေးမန်နေဂျာနှင့်အစောင့်များတောင် လှမ်းစပ်စုကြသည်။ သူတို့သူဌေးလက်ရာဘယ်လောက်ကောင်းမှန်း သူတို့လည်းသိသည်။</p> <p>သူဌေးအကြာကြီးချက်နေတဲ့သူတောင်းစားကြက်သားဟင်းက အဓိကဟင်းပွဲပင်။ အစောင့်တစ်ယောက်က မနေနိုင်ဘဲ ဖုန်းနှင့်ဓာတ်ပုံရိုက်ထားသည်။</p> <p>ချင်လင်ကတူလေးတစ်လက်ကိုင်ပြီး သူတောင်းစားကြက်သားပေါ်မှရွှံ့ကိုစထုသည်။ ​ခြောက်ပြီးမာနေသောရွှံ့များအားလုံးခွာပြီးနောက် ကြိုးကိုကတ်ကြေးနှင့်ညှပ်သည်။</p> <p>အသားကင်ခဲပတ်နောက်ဆုံးအလွှာဖွင့်လိုက်သောအခါ မွှေးပျံ့သောအနံ့နှင့်အတူ အငွေ့ထွက်လာသည်။</p> <p>ထို့နောက် အားလုံးအံ့ဩသွား၏။</p> <p>အငွေ့ထွက်လာသောခဏတွင် အလင်းရောင်ပါထွက်လာပြီး အားလုံးမျက်စိကျိန်းသွားသည်။</p> <p>"အရောင်ထွက်ပြန်ပြီ''</p> <p>အပြင်မှအစောင့်တစ်ယောက်က တအံ့တဩပြောသည်။</p> <p>ပန်းအိမ်အစုအဝေးမန်နေဂျာက အစောင့်များကိုစိုက်ကြည့်လိုက်သော်လည်း သူမမျက်နှာမှာ အံ့ဩမှုကအတိုင်းသား။</p> <p>ကျောက်မိုချင်းနှင့်ထန်ရှိုးဝမ်လည်းအတူတူပင်။</p> <p>ချင်လက်လက်ရာအရမ်းကောင်းကြောင်း၊ အရင်က အရောင်ထွက်သောအစားအစာချက်ဖူးကြောင်း သူတို့သိသည်။</p> <p>စားသောက်ပွဲတွင် အရောင်ထွက်သောအစားအစာကိုရှောင်ချင်ချက်ခဲ့မှန်း ပြည်တွင်းကလူအများစုသိကြသည်။ ရုပ်ရှင်၊ကာတွန်းထဲမှာသာရှိသောမြင်ကွင်းမျိုးက အပြင်မှာတကယ်ဖြစ်ခဲ့သည်။</p> <p>အစားအသောက်အကဲဖြတ်သူများကြောင့် နိုင်ငံခြားမှအစားကောင်းကြိုက်သူများပါ အရှေ့တိုင်းမှာ 'မာစတာချက်ဖ်' ရှိမှန်းသိသွားသည်။ သူ့အစားအစာက တခြားစားဖိုမှူးများထက်ပိုကောင်းသည်။</p> <p>ဒါပေမဲ့ အမဲသားက အိုးထဲမှာချက်တာ။</p> <p>အခု​ရွှံ့နဲ့အုပ်ထားတဲ့ချင်လင်ရဲ့သူတောင်းစားကြက်သားက အရောင်ထွက်လာမယ်လို့ ကျောက်မိုချင်းတို့မထင်ခဲ့။</p> <p>အရင်တစ်ခါချက်တဲ့အမဲသားထက်တောင် မယုံချင်စရာကောင်းနေသေးတော့။</p> <p>နောက်ပြီး သူတောင်းစားကြက်သားဖွင့်လိုက်သောအခါ အနံ့ပြင်းပြင်းထွက်လာပြီး သူတို့စိတ်မထိန်းနိုင်။</p> <p>အနံ့ +၄ အရည်အသွေးကြောင့်ပင်။</p> <p>အသားနံ့ကမြန်မြန်ဆန်ဆန်ပြန့်သွားပြီး အပြင်မှပန်းအိမ်အစုအဝေးမန်နေဂျာနှင့်အစောင့်များတောင် အနံ့ရသည်ဟုဆိုနိုင်သည်။</p> <p>နောက်ပြီး +၄ အရည်အသွေးက ထိုနေရာတင်မရပ်။ အမွှေးနံ့ကသိပ်သည်း၍ပျောက်ကွယ်မသွားဘဲ လျှောက်လည်နေသောခရီးသည်များတောင် အနံ့ရသည်။</p> <p>နည်းလမ်းတကျပြောရရင် အစားအစာအနံ့က ဒီလောက်ဝေးဝေးမရောက်နိုင်။</p> <p>သို့သော် ခရီးသည်များသွားရင်းလာရင်း ထိုအနံ့ကိုစွဲသွားပြီး_</p> <p>"အနံ့ကမွှေးလိုက်တာ... ဘယ်သူချက်နေတာလဲ?''</p> <p>"အသားချက်တာလားလို့!''</p> <p>"ဒီဘက်ကလာတာပဲ!''</p> <p>ခရီးသည်များက ထိုနေရာလှမ်းကြည့်လိုက်ရာ သီးသန့်ပန်းအိမ်များကိုတွေ့ရသည်။ အပြင်မှာ ပန်းအိမ်မန်နေဂျာနှင့်ဝန်ဆောင်မှုပေးသောဝန်ထမ်းများကိုလည်းတွေ့ရသည်။</p> <p> </p> <p> </p> <p style="text-align: center;">***</p>


Save