Book List

<h2 style="text-align:center">အခန်း ၁၃၃၅</h2> <h2 style="text-align:center">သူတောင်းစားကြက်သားလည်း အရောင်ထွက်? ၂</h2> <h2 style="text-align:center">*</h2> <p> </p> <p> </p> <p>ခရီးသည်တချို့ကအဖြေရှာချင်သော်လည်း ထိုမြင်ကွင်းကြောင့် လက်လျှော့လိုက်သည်။ သာမန်လူမဖြစ်နိုင်သောကြောင့် သူတို့ဒုက္ခသူတို့မရှာချင်။</p> <p>သို့ရာတွင် ထိုအနံ့ကြောင့်သွားရည်ကျပြီး ဗိုက်ဆာသလိုလိုတောင်ရှိသည်။</p> <p>"ရုတ်တရက်ကြီး အသားကင်စားချင်သလိုပဲ''</p> <p>"အင်း.. စားထားတာတောင်မကြာသေးဘူး... ဗိုက်ဆာသလိုလိုဖြစ်လာပြီ''</p> <p>"စားသောက်ဆိုင်သွားပြီး အသားကင်မှာစားရအောင်''</p> <p>အထူးကြက်သား၏နှုတ်မြိန်ခြင်း +၃ အာနိသင်ကြောင့်ပင်။</p> <p>ပန်းအိမ်မန်နေဂျာနှင့်အစောင့်များလည်း ထိုအာနိသင်ကိုခံစားရသည်။ သူတို့ဗိုက်ထဲအသံမြည်ပြီး ဆာလောင်သလိုဖြစ်လာသည်။</p> <p>သို့သော် ဝန်ထမ်းဖြစ်၍ငြိမ်ငြိမ်နေရန် ကိုယ့်ကိုယ်ကိုယ်သတိပေးနေရသည်။</p> <p>ကျောက်မိုချင်းနှင့်ထန်ရှိုးဝမ်က မတူ။ +၃ အရည်အသွေးကြောင့် သူတောင်းစားကြက်သားကို ချက်ချင်းမြည်းချင်လာသည်။</p> <p>"ဥက္ကဌချင်.. ရှင်ချက်ရင် ကြက်သားတောင် ဆွဲဆောင်မှုရှိနေတာ... မယုံစရာပဲ!''</p> <p>ထန်ရှိုးဝမ် မချီးကျူးဘဲမနေနိုင်တော့_</p> <p>"ဒါဘယ်လောက်အရသာရှိမလဲမပြောတတ်ဘူး''</p> <p>"ညီလေးချင်.. မြန်မြန်လုပ်ကွာ... အနံ့နဲ့တင် မခံနိုင်တော့ဘူး''</p> <p>လီခိုင်က လောလိုက်သည်။</p> <p>ချင်လင်ကပြုံးပြီး ဓားယူကာ ကြက်သားကိုစလှီးသည်။ လူတိုင်းကိုတပိုင်းစီပေးပြီး ထန်ရှိုးဝမ်သမီးကိုတောင် ကြက်ခြေထောက်တစ်ချောင်းပေးလိုက်သည်။</p> <p>ရင်ပုံသားကိုမူ လင်းဖန်တို့ကရသည်။ အသားအရည်အသွေးကောင်းသော်လည်း လူကြီးသွားက လူငယ်လောက်မကောင်း။ ဒီအပိုင်းက လူကြီးများအတွက်သင့်တော်သည်။</p> <p>လီခိုင်က အသားရရချင်းတန်းစားသည်။ သို့သော် တစ်ကိုက်ကိုက်ရုံနှင့် စားကောင်းခြင်း +၄၊ အထိအတွေ့ +၄ အရည်အသွေးကြောင့် မယုံနိုင်ပုံဖြစ်သွားပြီး_</p> <p>"ညီလေးချင်.. အရသာရှိလိုက်တာ... မင်းက ကောင်းကောင်းဝှက်ထားတာပဲ... မင်းချက်တဲ့ကြက်သားက အရမ်းကောင်းတယ်... ငါတို့သိတာ ကြာလှပြီ... ဒါပေမဲ့ ငါ့ကိုအမြည်းတောင်မကျွေးဘူးနော်''</p> <p>"ဥက္ကဌချင်လက်ရာက အံ့ဩစရာပါပဲ''</p> <p>ထန်ရှိုးဝမ်က ချီးကျူးသည်_</p> <p>"ကျွန်မလျှာကိုက်မိတော့မယ်''</p> <p>ကျောက်မိုချင်းတောင် +၄ စားကောင်းသောက်ဖွယ်ကို တစ်ကြိမ်သာစားဖူးသည်။</p> <p>စားသောက်ပွဲတုန်းက ချင်လင်သူမအတွက်ချက်ပေးသောအမဲသားပင်။</p> <p>သူမယောက်ျားက အရောင်ထွက်သောအစားအစာလုပ်နိုင်မှန်းသိသောအချိန်ဖြစ်သည်။</p> <p>ဒီလိုအရသာရှိတဲ့အစားအစာမျိုးပထမဆုံးအကြိမ်စားဖူးခြင်းလည်းဖြစ်သည်။</p> <p>အခု သူတောင်းစားကြက်သားစားပြီး အမဲသားထက်လုံးဝမလျော့သလိုခံစားရသည်။ နူးနူးညံ့ညံ့ကြက်သားက အရင်ကအမဲသားထက်သာနေသလိုပင်။</p> <p>ဘာရယ်မဟုတ်၊ ဒီလိုအရသာရှိတဲ့အစားအစာမျိုးချက်တတ်တဲ့ယောက်ျားကိုပိုင်ဆိုင်ထားတာ အရမ်းဂုဏ်ယူစရာကောင်းသည်ဟုခံစားရသည်။</p> <p>ချင်လင်ကိုယ်တိုင်တောင် အရည်အသွေး ၄ စားကောင်းသောက်ဖွယ်ကိုမတွန်းလှန်နိုင်၊ သူကအတောင်ပံဖြတ်စားလိုက်သည်။</p> <p>ထို့နောက် လီခိုင်က သူ့ကိုယ်ပိုင်ဓားပါယူလိုက်၏။</p> <p>ကြက်ဖင်ကိုဖြတ်ပြီး ပါးစပ်ထဲတန်းထည့်လိုက်သောကြောင့် ချင်လင်အံ့ဩသွားသည်။</p> <p>"ဒီနေရာမှာတောင် အစ်ကိုလီကဘာလို့ဒီလိုလုပ်နေတာလဲ?''</p> <p>စားရင်းသောက်ရင်း ချင်လင်တစ်ခုသဘောပေါက်သွားသည်။ တခြားအစားအစာတွေက ဘာမှမဟုတ်၊ ဘယ်သူမှမစားတော့။ အားလုံးက သူတောင်းစားကြက်သားကိုသာအာရုံစိုက်နေကြသည်။</p> <p>သူတောင်းစားကြက်သားကအနိုင်ပိုင်းထားပြီဖြစ်သော်လည်း တခြားအရည်အသွေး ၂ ဟင်းပွဲများကိုထိမည့်ပုံမရှိကြ။</p> <p>နောက်ဆုံး ပန်းအိမ်မန်နေဂျာကိုသာ ထိုဟင်းပွဲများနှင့်မီးဖိုချောင်သုံးပစ္စည်းများပြန်ယူသွားခိုင်းလိုက်သည်။</p> <p>တချိန်တည်းမှာ_</p> <p>လင်းဖန်တို့တောင်အောက်ပြန်ဆင်းရန်မဖြစ်နိုင်၍ ပန်းအိမ်နှစ်အိမ်ရှင်းခိုင်းလိုက်သည်။</p> <p>ကျောက်မိုချင်းနှင့်ချင်လင်က တစ်အိမ်နေသည်။</p> <p>ချင်ဖုန်းလေးကိုမူ သူ့အဘွားလင်းဖန်လက်ထဲအပ်လိုက်သည်။</p> <p>ညစာစားပြီးနောက် စကားစမြည်ပြောကြ၏။</p> <p>အဓိကမှာ ကျောက်မိုချင်းနှင့်ထန်ရှိုးဝမ်၊ လင်းဖန်နှင့်ထန်ရှိုးဝမ်အမေဖြစ်သည်။ သက်တူရွယ်တူချင်းတွေ့ပါက စကားပြောစရာများသည်။</p> <p>လီခိုင်က တင်းနေသောဗိုက်ကိုပွတ်နေသည်။ ချင်လင်နှင့်စကားပြောချင်သော်လည်း ချင်လင်ကငေးနေပြန်သည်။</p> <p>ထို့ကြောင့် သူပျင်းသွားသည်။ ညီလေးချင်က အားလုံးကောင်းပေမဲ့ ခဏခဏငေးနေတတ်သည်။</p> <p>ချင်လင်က သူ့စိတ်ထဲမှဖန်သားပြင်ကိုအာရုံစိုက်နေသည်။ သူ့ဂိမ်းဇာတ်ကောင်အား ခြံပေါက်ဝသွားပြီး မြို့တော်ဝန်သောမတ်အပေါ်နှိပ်စေသည်။</p> <p>စောစောကသူတောင်းစားကြက်သားကိုအာရုံစိုက်နေသော်လည်း အခုစားပြီးချိန်တွင် ဇာတ်ကွက်တာဝန်ကိုအရင်အပြီးသတ်ရမည်။</p> <p>သောမတ်အပေါ်နှိပ်ပြီးနောက် စကားပြောပေါ်လာ၏:</p> <p>(မင်းပြန်ရောက်လာတာ ကောင်းလိုက်တာ... မင်းနတ်ဘုရားမတောင်ပေါ်ခဏခဏသွားတယ်လို့ကြားတယ်... ငါ့မှာတောင်းဆိုစရာရှိတယ်... မြို့ထဲမှာ ကြီးကြီးမားမားဖြစ်နေပြီ... ကားတွေအများကြီးမြစ်ထဲကျသွားပြီး ဆီယိုစိမ့်တယ်)</p> <p>(အခုမြစ်ထဲဆီယိုစိမ့်ပြီး ရေအရည်အသွေးမကောင်းတော့ဘူး... ဒါတို့သတ္တုမြို့တော်အပေါ်သက်ရောက်မှုကြီးလို့ ဖြေရှင်းဖို့နည်းလမ်းရှာရမယ်)</p> <p>(နတ်ဘုရားမတောင်မှာ မြေအောက်မြစ်စောင့်မှင်စာတွေရှိတယ်လို့ လူပုလေးတစ်ယောက်ဆီကကြားဖူးတယ်... သူတို့မြေအောက်ရေတွင်းတွေမှာလည်း ဆီယိုစိမ့်ဖူးတယ်တဲ့)</p> <p>(ဒါပေမဲ့ မိုးမခဘဲစားမှော်ပင်နဲ့ပြဿနာဖြေရှင်းခဲ့တယ်... မင်းကနတ်ဘုရားမတောင်ပေါ်မကြာခဏသွားတယ်ဆိုတော့ ရင်းနှီးမှာပေါ့... ငါ့ကိုမှင်စာကူရှာပေးဖို့တောင်းဆိုချင်တယ်!)</p> <p>(မင်းကူညီမယ်ဆိုရင် မှင်စာရှိနိုင်တဲ့နေရာတွေကို မြေပုံလမ်းကြောင်းပေးမယ်!)</p> <p>ချင်လင်ကတာဝန်ကိုကြည့်ပြီး ဂိမ်းထဲဝင်ရင်းတွေ့ခဲ့သောမှင်စာကိုသတိရသွားသည်။</p> <p>နောက်ပိုင်း ဂိမ်းထဲအကြိမ်ကြိမ်ဝင်ခဲ့သော်လည်း ဘာမှင်စာမှမတွေ့တော့။ သောမတ်က ဒီလိုဇာတ်ကွက်တာဝန်ပေးလာမည်ဟုမထင်မိပေ။</p> <p>နောက်ပြီး တာဝန်က သူရင်းနှီးနေသောအရာနှင့်ဆက်စပ်နေသည်။</p> <p>မိုးမခဘဲစားမှော်ပင်။</p> <p>သူအရင် ဂိမ်းထဲမှထုတ်ဖူးသောပစ္စည်းတစ်ခုပင်။</p> <p>ရေပေါ်တံတားရှုခင်းနေရာတွင် မျောနေသောအပင်များက မိုးမခဘဲစားမှော်ဖြစ်သည်။ မိုးမခဘဲစားမှော်ကြောင့် ရေပေါ်တံတားကပိုနာမည်ကြီးခြင်းဖြစ်သည်။</p> <p>မိုးမခဘဲစားမှော်၏ဓာတ်ပုံစားခြင်း +၁၊ ရေနှင့်ပတ်ဝန်းကျင်သန့်စင်ပေးခြင်း +၁၊ အလှ +၁၊ ဆွဲဆောင်မှု +၁ တို့ကြောင့်ပင်။</p> <p>ဓာတ်ပုံစားခြင်း +၁ ကြောင့် ရေပေါ်တံတားရှုခင်းကိုပိုကောင်းစေသည်။</p> <p>ရေသန့်စင်ခြင်း +၁ ကလည်း ရေပေါ်တံတားရှုခင်းနေရာမှရေအရည်အသွေးကို အလွန်ကောင်းစေသည်။ တခြားအရည်အသွေးသုံးမျိုးက ခရီးသည်များ၏အာရုံခံစားမှုအပေါ်တိုက်ရိုက်သက်ရောက်မှုရှိသည်။</p> <p>သောမတ်ပေးသောတာဝန်က မိုးမခဘဲစားမှော်၏ ရေနှင့်ပတ်ဝန်းကျင်သန့်စင်စေခြင်း +၁ အာနိသင်ကိုအမှတ်ရစေသည်။</p> <p>သို့သော် ဆီကြောင့်ဖြစ်သောရေညစ်ညမ်းမှုက ရေသန့်စင်ခြင်း +၁ အရည်အသွေးနှင့်ဖြေရှင်းနိုင်မည့်အရာမဟုတ်။</p> <p>ဒီလိုညစ်ညမ်းမှုမျိုးက ဆိုးရွားသည်။ သာမန်ရေညစ်ညမ်းခြင်းမဟုတ်ဘဲ မိုးမခဘဲစားမှော်တောင် ရှင်နိုင်မည်မဟုတ်ပေ။</p> <p>မောရိသျှမှဆီယိုစိမ့်မှုဘယ်လောက်ဆိုးလဲသာ စဉ်းစားကြည့်ပါ။</p> <p>ဒီတော့ သောမတ်ပေးတဲ့တာဝန်ထဲက မိုးမခဘဲစားမှော်မှာ သူထုတ်လာတဲ့အမျိုးအစားမဖြစ်နိုင်။</p> <p>အမျိုးအစားချင်းသာတူရင် မြို့ထဲကမျိုးစေ့ဆိုင်မှာရောင်းသည်။ သောမတ် သူ့ကိုလာရှာစရာမလို။</p> <p>ချင်လင်ကချက်ချင်း တာဝန်ကိုလက်ခံပြီး မှတ်ချက်ကြည့်လိုက်သည်။</p> <p>သူလက်မခံရင် ရူးနေလို့ပေါ့။</p> <p>သောမတ်တာဝန်က မြေပုံပေးပြီးဘာမှမရနိုင်သော်လည်း အထူးမိုးမခဘဲစားမှော်ပင်ရရင် ဖြေသာသေးသည်။</p> <p>အဲဒါနဲ့ ဆီယိုစိမ့်တာဖြေရှင်းနိုင်ရင် လက်တွေ့ဘဝမှာဘယ်လောက်အသုံးဝင်လိုက်မလဲ?</p> <p>ကမ္ဘာ့လူနေထိုင်ရာအများစုတွင် ရေပြဿနာရှိပြီး ငါးမျိုးတုံးပျောက်ကွယ်မှုဖြစ်စေသောအကြောင်းရင်းတစ်ရပ်လည်းဖြစ်သည်။</p> <p>အမေရိကတောင် ရေ ၆၅% တွင် စွန့်ပစ်အစားအစာ၊ သတ္တု၊ မြေဩဇာ၊ ပိုးသတ်ဆေးများရောနေသည်။</p> <p>ဥရောပမြစ် ၅၅ စင်းတွင်  မြစ် ၅ စင်းမှရေကိုသာအသုံးပြုနိုင်သည်။</p> <p>အသုံးမဝင်သလောက်ဖြစ်ပြီး အလုပ်မဖြစ်ချေ။</p> <p>ဒီအပင်ကို အပြင်သယ်သွားရင် အနောက်နိုင်ငံတွေဘယ်လောက်အားကျလိုက်မလဲ?</p> <p>မဖြစ်မနေလိုချင်မှာပဲမလား?</p> <p>ဒါပေမဲ့ သူတို့လိုချင်လည်း အသုံးမဝင်။ သူတို့ကို အသုံးပြုခွင့်မပေးနိုင်။</p> <p>တစ်ခုခုနှင့်အလဲအလှယ်လုပ်ရမည်။</p> <p>တွေးကြည့်ရုံနှင့်တင် သူဂုဏ်ယူမိသည်။</p> <p>ချင်လင်က ဂိမ်းဇာတ်ကောင်အား တာဝန်လက်ခံစေပြီးနောက် သူ့အတွေးနှင့်သူပြုံးလိုက်သည်။</p> <p>လီခိုင်ကကြည့်နေရင်း မနေနိုင်ဘဲ_</p> <p>"ညီလေးချင်.. ငေးတာတော့ ထားပါတော့... ဘာတွေရယ်နေတာလဲ? မဟုတ်မဟပ်တွေတွေးနေတာလား?''</p> <p>ဂိမ်းဇာတ်ကောင်ကျောပိုးအိတ်ထဲတွင် အနီရောင်အစက်များပါသောမြေပုံတစ်ခါပေါ်လာသည်။ တစ်နေရာချင်း သူရှာကြည့်ရမည်။</p> <p>ကံကောင်းရင် တစ်နေရာရာမှာရှာတွေ့ပြီး ကံမကောင်းရင်တော့ အရပ်လေးမျက်နှာလိုက်ရှာရနိုင်သည်။</p> <p>(မြေပုံသုံးပြီး နတ်ဘုရားမတောင်တက်လမ်းကြောအသစ်ဖွင့်ချင်ပါသလား?)</p> <p>ချင်လင်ကမှတ်ချက်ဖတ်ပြီး 'ဖွင့်မည်' ကိုတန်းရွေးလိုက်သည်။</p> <p>ခဏအကြာ နောက်ထပ်အသိပေးစာရသည်။</p> <p>(နတ်ဘုရားမတောင်ပေါ်လမ်းသစ်တချို့ပေါ်နေပါပြီ... သွားကြည့်ရအောင်!)</p> <p>ချင်လင်က ဂိမ်းဇာတ်ကောင်အား မြေပုံဖွင့်ကြည့်စေသည်။ နတ်ဘုရားမတောင်ပေါ်တွင် အမှန်ပင်လမ်းအသစ်များတွေ့ရသည်။</p> <p>သို့သော် ယာယီပေါ်ခြင်းသာဖြစ်ပြီး တာဝန်ပြီးလျှင်ပျောက်သွားမည်ဟု မှတ်ချက်ပါသည်။</p> <p>ထိုအတွေးနှင့် ချင်လင်ကအချိန်ဆွဲမနေဘဲ ဂိမ်းဇာတ်ကောင်အား နတ်ဘုရားမတောင်ပေါ်ချက်ချင်းတက်စေသည်။</p> <p> </p> <p> </p> <p> </p> <p style="text-align:center">***</p>


Save