Book List

<h2 style="text-align: center;">အခန်း (၆၀၅)</h2> <h2 style="text-align: center;">ဝိညာဉ်သွေးကြောကို လုယက်ခြင်း။ နတ်ဘုရားလက်နက်၏ တုံ့ပြန်မှု။ (၁)</h2> <h2 style="text-align: center;">*</h2> <p> </p> <p> </p> <p>"တကယ်ကို…အကြီးအကဲစူး ဖြစ်နေတာပဲ..."</p> <p> </p> <p>ဝတ်စုံဖြူနှင့် လူငယ်လေးက အနည်းငယ် စိတ်လှုပ်ရှားနေပြီး သူ့ကိုယ်သူ အလျင်အမြန် မိတ်ဆက်လိုက်သည်။ "ကျွန်တော့်နာမည်က ကုန်းလွေ့ပါ။ ဝိညာဉ်လမ်းစဉ်ဂိုဏ်းတွင်း တပည့်တစ်ယောက်ပါ"</p> <p> </p> <p>အကြီးအကဲ စူးချန်ခုန်းသည် ဝိညာဉ်လမ်းစဉ်ဂိုဏ်းအတွင်း၌ အလွန်ပင် လူမသိအောင် နေထိုင်လေ့ရှိပြီး အရေးကြီးသော အခမ်းအနားများတွင်လည်း လူကိုယ်တိုင် ပေါ်လာခဲသည်။ သို့သော် ကုန်းလွေ့သည် ဂိုဏ်းတံခါးစောင့် တာဝန်ကျစဉ်အတွင်း စူးချန်ခုန်းကို အကြိမ်အနည်းငယ် မြင်ဖူးခဲ့သဖြင့် မှတ်မိနေခြင်း ဖြစ်သည်။</p> <p> </p> <p>စူးချန်ခုန်းအနေဖြင့်မူ ကုန်းလွေ့ဟူသော နာမည်ကို တစ်ခါမျှ မကြားဖူးပေ။ ဝိညာဉ်လမ်းစဉ်ဂိုဏ်းတွင် သူ ရင်းနှီးသည်မှာ ဂိုဏ်းချုပ် ဟေးလျန်ယွမ်နှင့် အခြား အနည်းငယ်သော သူများသာ ဖြစ်သည်။</p> <p> </p> <p>စူးချန်ခုန်းက အသာအယာ ခေါင်းညိတ်ပြလိုက်ပြီးနောက် ဝိညာဉ်လမ်းစဉ်ဂိုဏ်း၏ ပျက်စီးနေသော အကြွင်းအကျန်များကို ပြန်လှည့်ကြည့်ကာ မေးမြန်းလိုက်သည်။ "ငါ မရှိတဲ့ ဒီခြောက်လအတွင်းမှာ ဝိညာဉ်လမ်းစဉ်ဂိုဏ်းမှာ ဘာတွေ ဖြစ်ခဲ့တာလဲ။ ဘယ်လိုဖြစ်ပြီး ဒီလို အခြေအနေမျိုး ရောက်သွားရတာလဲ"</p> <p> </p> <p>ဝိညာဉ်လမ်းစဉ်ဂိုဏ်းက မည်သည့် ရန်သူကိုမဆို ရန်စမိခဲ့သလား။</p> <p> </p> <p>ပုံမှန်အားဖြင့် ဝိညာဉ်လမ်းစဉ်ဂိုဏ်းသည် ပြင်လူအများကို ဦးအောင် ရန်စလေ့မရှိပေ။ အကယ်၍ ရန်ငြိုးရန်စ အမှန်တကယ် ရှိခဲ့လျှင်ပင် ရန်သူသည် ဂိုဏ်း၏ အခြေခံအုတ်မြစ်ကိုပါ ဖျက်ဆီးခဲ့ခြင်းမှာ မိသားစုတစ်ခုလုံးကို သုတ်သင်သည်ထက်ပင် ပိုမို ရက်စက်ကြမ်းကြုတ်သော လုပ်ရပ် ဖြစ်သည်။</p> <p> </p> <p>စူးချန်ခုန်း၏ မေးခွန်းကို ကြားသောအခါ ကုန်းလွေ့၏ မျက်နှာပေါ်တွင် ဒေါသနှင့် ကြောက်ရွံ့မှုများ ရောပြွမ်းနေ၏။ လွန်ခဲ့သော လအနည်းငယ်က ဖြစ်ရပ်များကို ပြန်လည် အမှတ်ရမိရာ သူ၏ ခန္ဓာကိုယ်မှာ အနည်းငယ် တုန်ယင်သွားခဲ့သည်။</p> <p> </p> <p>စူးချန်ခုန်းက သူ့ကို အလောတကြီး မတိုက်တွန်းဘဲ တိတ်ဆိတ်စွာ စောင့်ပေးနေသည်။ ကုန်းလွေ့သည် စိတ်ကို တည်ငြိမ်အောင် ထားလိုက်ပြီးနောက် တံတွေးကို ခက်ခက်ခဲခဲ မျိုချကာ အံတင်းတင်းကြိတ်လျက် ပြောပြလိုက်သည်။ "လွန်ခဲ့တဲ့ သုံးလလောက်ကပါ။ ရုတ်တရက် ဝတ်ရုံနက်ဝတ်ထားတဲ့ လူလေးယောက် ဝိညာဉ်လမ်းစဉ်ဂိုဏ်းကို ရောက်လာခဲ့ကြတယ်"</p> <p> </p> <p>"အဲဒီ လေးယောက်စလုံးက ဝတ်ရုံနက်တွေ ဝတ်ထားပြီး သူတို့ရဲ့ မျက်နှာတွေကို ဖုံးထားကြတာ။ သူတို့ထဲမှာ အရပ် ခြောက်ပေကျော်လောက်ရှိတဲ့ အလွန် ထွားကြိုင်းတဲ့ လူတစ်ယောက် ပါပြီး သူ့ရဲ့ အကြည့် တစ်ချက် ဒါမှမဟုတ် စကားတစ်ခွန်းကတင် လူကို ထိတ်လန့်သွားစေနိုင်တယ်။ အဲဒီ လူလေးယောက်က ဝိညာဉ်လမ်းစဉ်ဂိုဏ်းကို ရောက်လာပြီး ကျုံးလင်တောင်က အခု သူတို့ပိုင်သွားပြီ ဖြစ်တဲ့အတွက် အထုတ်အပိုးတွေ ပြင်ပြီး ထွက်သွားကြဖို့ တိုက်ရိုက် အမိန့်ပေးခဲ့ကြတယ်..."</p> <p> </p> <p>ကုန်းလွေ့က ဖြစ်ပျက်ခဲ့သည်များကို စတင် ပြောပြတော့သည်။</p> <p> </p> <p>ထိုလူစုမှာ ဝိညာဉ်လမ်းစဉ်ဂိုဏ်းသို့ ရောက်လာခြင်းမှာ ရန်ငြိုးကြောင့် မဟုတ်ဘဲ ဂိုဏ်းအခြေစိုက်ရာ ကျုံးလင်တောင်ကို လိုချင်၍ ဖြစ်သည်။</p> <p> </p> <p>"ကျုံးလင်တောင်က ကျွန်တော်တို့ ဝိညာဉ်လမ်းစဉ်ဂိုဏ်းရဲ့ နှစ်ပေါင်းတစ်ထောင်ကြာ အခြေခံအုတ်မြစ် ဖြစ်ခဲ့တာပါ။ ဒါကြောင့် ဂိုဏ်းချုပ်နဲ့ အကြီးအကဲတွေက ထုံးစံအတိုင်း သဘောမတူခဲ့ကြဘူး။ ညှိနှိုင်းမှုတွေ လုပ်ခဲ့ပေမဲ့ အဆင်မပြေခဲ့တဲ့အတွက် တိုက်ခိုက်ဖို့ကလွဲလို့ တခြား နည်းလမ်းမရှိတော့ဘူး။ အဲဒီ လူလေးယောက်က အရမ်း သန်မာကြတယ်... ဘယ်သူကြည့်ကြည့် သိနိုင်တာကတော့ ကျွန်တော်တို့ တစ်ဂိုဏ်းလုံးဟာ ဘယ်လိုပဲ ပေးဆပ်ရပါစေ သူတို့ကို နှိမ်နင်းဖို့ အစွမ်းကုန် ကြိုးစားခဲ့ကြတာပဲ..."</p> <p> </p> <p>"ဝိညာဉ်လမ်းစဉ်ဂိုဏ်းက လက်ရွေးစင် တပည့်ပေါင်း ထောင်ချီဟာ တိုက်ပွဲဝင်စစ်ကြောင်းတွေ ဖွဲ့စည်းခဲ့ကြပြီး ဂိုဏ်းချုပ်နဲ့ အကြီးအကဲတွေရဲ့ ဦးဆောင်မှုနဲ့အတူ စုပေါင်း တိုက်ခိုက်ခဲ့ကြတယ်။ ဒါပေမဲ့ တိုက်ပွဲ စတင်လိုက်တာနဲ့... ဒါက တစ်ဖက်သတ် အနိုင်ကျင့်ခံရတာပါပဲ။ ဝတ်ရုံနက်နဲ့ လူတစ်ယောက်ရဲ့ တိုက်ကွက် တစ်ကွက်တည်းနဲ့တင် ဂိုဏ်းချုပ်က နေရာမှာတင် ပြင်းထန်စွာ ဒဏ်ရာရသွားခဲ့တယ်။ ပြီးတော့ အဲဒီ လူလေးယောက်စလုံးဟာ သွေးသားနဲ့ လုပ်ထားတဲ့သူတွေ မဟုတ်သလိုပဲ"</p> <p> </p> <p>"ဓားတွေ၊ လှံတွေ ဒါမှမဟုတ် တုတ်တွေနဲ့ပဲ တိုက်တိုက် သူတို့ကို ဘာမှ မထိခိုက်စေနိုင်ခဲ့ဘူး။ အဲ့ဒါက တစ်ဖက်သတ် သတ်ဖြတ်ပွဲကြီး ဖြစ်ခဲ့တာ..."</p> <p> </p> <p>ကုန်းလွေ့၏ အသံမှာ အနည်းငယ် တုန်ယင်နေသည်။ တိုက်ပွဲကို ကိုယ်တိုင် ကြုံတွေ့ခဲ့ရသဖြင့် ထိုဝတ်ရုံနက်ဝတ် လူလေးယောက်မှာ မည်မျှ ကြောက်စရာကောင်းသည်ကို သူ သိသည်။ သူတို့မှာ လူသား မဟုတ်လောက်အောင် သန်မာကြခြင်း ဖြစ်သည်။</p> <p> </p> <p>ချီသွေးနယ်ပယ်မှ သိုင်းပညာရှင်များ ဖြစ်စေ မူလနယ်ပယ် မြေကမ္ဘာပန်းပွင့်နယ်ပယ်မှ ထင်ရှားသော သိုင်းပညာရှင်ဖြစ်သည့် ဟေးလျန်ယွမ် ဖြစ်စေ ထိုဝတ်ရုံနက်နှင့် လူလေးယောက်ထဲမှ တစ်ယောက်ကိုပင် ယှဉ်နိုင်စွမ်း မရှိခဲ့ကြပေ။ ၎င်းမှာ လုံးဝဥဿုံ အသာစီးရခြင်းဖြစ်ပြီး သူတို့ကို အနည်းငယ်မျှပင် ခြိမ်းခြောက်နိုင်စွမ်း မရှိခဲ့ကြပေ။</p> <p> </p> <p>"ဝိညာဉ်လမ်းစဉ်ဂိုဏ်းရဲ့ သိုင်းပညာရှင်တွေရဲ့ ခွန်အား၊ တိုက်ပွဲဝင်စစ်ကြောင်းတွေနဲ့ ဖွဲ့စည်းထားတဲ့ ချီသွေးနယ်ပယ် သိုင်းပညာရှင်တွေ အများကြီး၊ ပြီးတော့ 'ထိပ်သီးပန်းသုံးပွင့်' အဆင့်ရှိတဲ့ သူတွေတောင် ပါနေတာကိုတောင် အဲဒီ လေးယောက်ထဲက တစ်ယောက်ကိုမှ မယှဉ်နိုင်ဘူးလား။ အဲဒီ လေးယောက်စလုံးက မူလဓာတ်ငါးပါး သိုင်းပညာရှင်တွေလား" စူးချန်ခုန်းက သူ၏ မျက်ခုံးများကို အနည်းငယ် တွန့်ချိုးလျက် မေးလိုက်သည်။</p> <p> </p> <p>လူသုံးလေးယောက်တည်းဖြင့် ဝိညာဉ်လမ်းစဉ်ဂိုဏ်းတစ်ခုလုံးကို အလွယ်တကူ သတ်ဖြတ်နှိမ်နင်းနိုင်သည်မှာ စူးချန်ခုန်း၏ အမြင်တွင် သူတို့မှာ မူလဓာတ်ငါးပါး သိုင်းပညာရှင်များ ဖြစ်နိုင်ခြေ အလွန်ပင် မြင့်မားလှသည်။</p> <p> </p> <p>မူလဓာတ်ငါးပါး သိုင်းပညာရှင်များမှာ အလွန်ပင် ရှားပါးလှပြီး တစ်ဦးချင်းစီမှာ ကြီးမားသော ကျော်ကြားမှုများကို ပိုင်ဆိုင်ထားကြသူများ ဖြစ်သည်။ ထိုကဲ့သို့ မူလဓာတ်ငါးပါး သိုင်းပညာရှင်များဟု ယူဆရသော အင်အားကြီး ပုဂ္ဂိုလ် လေးဦးသည် ဝိညာဉ်လမ်းစဉ်ဂိုဏ်းကို ဘာကြောင့် ရုတ်တရက် ပစ်မှတ်ထားရသနည်း။ ထိုလူလေးယောက်က တကယ်ပဲ ဘယ်သူတွေများလဲ။</p> <p> </p> <p>"ဂိုဏ်းချုပ်နဲ့ တခြားသူတွေကကော" စူးချန်ခုန်းက ဟေးလျန်ယွမ်နှင့် အခြားသူများ အသက်ရှင်နေသေးသလား သေဆုံးသွားပြီလား ဆိုတာကို သိလိုသဖြင့် မေးလိုက်သည်။</p> <p> </p> <p>"အဲဒီအချိန်တုန်းက ဂိုဏ်းချုပ်နဲ့ အကြီးအကဲတွေဟာ အဲဒီ ဝတ်ရုံနက်နဲ့ လူလေးယောက်ကို ခုခံတိုက်ခိုက်ခဲ့ကြပေမဲ့ ဘာမှ မထူးခြားခဲ့ဘူး။ ဝိညာဉ်လမ်းစဉ်ဂိုဏ်းက တပည့်တွေလည်း တစ်ဖက်သတ် သတ်ဖြတ်ခံရပြီး အသေအပျောက် များခဲ့တယ်။ ဒဏ်ရာအပြင်းအထန် ရနေတဲ့ ဂိုဏ်းချုပ်က ကျုံးလင်တောင်ကနေ လွတ်အောင် ထွက်ပြေးကြဖို့ လူတိုင်းကို အမိန့်ပေးဖို့ကလွဲလို့ တခြားလမ်း မရှိတော့ဘူး"</p> <p> </p> <p>"အဲဒီ လူလေးယောက်ဟာ သာမန်တပည့်တွေကိုတော့ နောက်ကနေ လိုက်မသတ်ခဲ့ကြဘူး။ ဒါပေမဲ့ ဂိုဏ်းချုပ်နဲ့ အကြီးအကဲတွေ အပါအဝင် မူလနယ်ပယ် သိုင်းပညာရှင် အားလုံးကိုတော့ ဖမ်းသွားခဲ့တယ်" ဟု ကုန်းလွေ့က ဆိုသည်။</p> <p> </p> <p>စူးချန်ခုန်းက အနည်းငယ် ခေါင်းညိတ်လိုက်သည်။ ထိုလူလေးယောက်သည် ဟေးလျန်ယွမ်နှင့် အခြား မူလနယ်ပယ် သိုင်းပညာရှင် များကို နေရာမှာတင် သတ်မပစ်ခဲ့တာကို ကြည့်လျှင် သူတို့ကို တစ်စုံတစ်ခုအတွက် အသုံးချရန် ရည်ရွယ်ချက် ရှိပုံရသည်။ ဟေးလျန်ယွမ်နှင့် ဝိညာဉ်လမ်းစဉ်ဂိုဏ်း၏ အကြီးအကဲများမှာ အသက်ရှင်နေသေးလောက်သည်ဟု သူ တွေးလိုက်မိသည်။</p> <p> </p> <p>"ကျွန်တော်တို့ အားလုံး ဝိညာဉ်လမ်းစဉ်ဂိုဏ်းကနေ ထွက်ပြေးခဲ့ကြပြီး အဝေးကနေ ကြည့်တဲ့အခါ ကျုံးလင်တောင်အတွင်းမှာ ပြင်းထန်တဲ့ ဝိညာဉ်စွမ်းအင်တွေ ပေါက်ကွဲနေတာကို မြင်ခဲ့ရတယ်။ မြေနဂါးတစ်ကောင် လူးလွန့်နေသလိုမျိုးပဲ။ ဝိညာဉ်လမ်းစဉ်ဂိုဏ်း တစ်ခုလုံးလည်း အပျက်အစီးတွေ ဖြစ်ကုန်တော့တာပဲ"</p> <p> </p> <p>"ညနေစောင်းမှာ အဲဒီ ဝတ်ရုံနက်နဲ့ လူတွေ ထွက်သွားကြတယ်။ အဲဒီအချိန်ကျမှပဲ ကျွန်တော်တို့ထဲက အချို့က ဂိုဏ်းဆီကို ပြန်သွားရဲခဲ့ကြတယ်။ ဒါပေမဲ့ ဝိညာဉ်လမ်းစဉ်ဂိုဏ်းဟာ အပျက်အစီးတွေ ဖြစ်နေရုံတင်မကဘဲ ကျုံးလင်တောင်ရဲ့ ဝိညာဉ်စွမ်းအင်တွေပါ အစအနမကျန် ပျောက်ကွယ်သွားတာကို တွေ့လိုက်ရတယ်။ ဒါက သေချာပေါက် အဲဒီ ဝတ်ရုံနက်ဝတ် လူလေးယောက်က ကျွန်တော်တို့ရဲ့ ဝိညာဉ်သွေးကြောကို တစ်ခုခု လုပ်သွားတာပဲ"  ကုန်းလွေ့က သွားများကို တင်းတင်းကြိတ်လျက် ဆိုသည်။</p> <p> </p> <p>ဝိညာဉ်လမ်းစဉ်ဂိုဏ်းဝင်များမှာ ဖရိုဖရဲ ထွက်ပြေးခဲ့ကြပြီး ထိုလူလေးယောက် ထွက်သွားမှသာ ဂိုဏ်းအတွင်းသို့ ပြန်ဝင်ရဲခဲ့ကြသည်။ သို့သော် ဝိညာဉ်လမ်းစဉ်ဂိုဏ်းမှာ ပျက်စီးနေရုံသာမက ဝိညာဉ်သွေးကြောပါ ပျက်စီးသွားသည်ကို တွေ့ရှိခဲ့ရသည်။</p> <p> </p> <p>တိုက်ပွဲတွင် ကျဆုံးခဲ့ရသော ဂိုဏ်းသားများကို သင်္ဂြိုဟ်ပြီးနောက် ကျန်ရှိနေသော တပည့်အချို့မှာ ထိုလူလေးယောက်၏ အထောက်အထားနှင့် တည်နေရာကို စုံစမ်းရန် ထွက်ခွာသွားကြပြီး အချို့မှာမူ သူတို့၏ ဇာတိရပ်ရွာများသို့ ပြန်သွားခဲ့ကြသည်။</p> <p> </p> <p>သစ်ပင်ကြီး လဲသွားသောအခါ မျောက်များလည်း ဖရိုဖရဲ ထွက်ပြေးကုန်ကြသလိုပင်။</p> <p> </p> <p>ဂိုဏ်းချုပ်နှင့် အကြီးအကဲများမှာ အသက်ရှင်သလား သေဆုံးသွားသလား မသိရသလို တစ်ချိန်က ကောင်းမွန်သော မြေထူးမြတ်နှင့် ဝိညာဉ်စွမ်းအင်များ ပေါများခဲ့သော ကျုံးလင်တောင်မှာလည်း သာမန်တောင်ကုန်းတစ်ခု ဖြစ်သွားခဲ့ပြီ ဖြစ်သည်။ ဝိညာဉ်လမ်းစဉ်ဂိုဏ်း အဆုံးသတ်သွားပြီဟု ယူဆကာ တပည့်အများအပြားမှာ မျှော်လင့်ချက် ကုန်ဆုံးသွားခဲ့ကြသည်။</p> <p> </p> <p>ကုန်းလွေ့ကဲ့သို့သော အတွင်းတပည့်များမှာမူ ဝိညာဉ်လမ်းစဉ်ဂိုဏ်းနှင့် ရင်းနှီးသော ဂိုဏ်းများထံမှ အကူအညီ တောင်းခံရန် ကြိုးစားကြသလို ကျုံးလင်တောင် အနီးအနားတွင် အခြေချ နေထိုင်ရင်း ဂိုဏ်းတည်ရှိရာ နေရာသို့ ရံဖန်ရံခါ လာရောက်၍ သတင်းများကို စောင့်ကြည့်နေခဲ့ကြသည်။</p> <p> </p> <p>ကုန်းလွေ့သည် ကျုံးလင်တောင်နှင့် နီးစပ်သော မြို့ငယ်လေးတစ်မြို့တွင် ယာယီ ခိုလှုံနေပြီး ရက်အနည်းငယ်လျှင် တစ်ကြိမ် ဝိညာဉ်လမ်းစဉ်ဂိုဏ်းသို့ လာရောက်လေ့ရှိသည်။ ယခုတစ်ကြိမ်တွင်မူ စူးချန်ခုန်းနှင့် တိုက်တိုက်ဆိုင်ဆိုင် ဆုံတွေ့ခဲ့ခြင်း ဖြစ်သည်။</p> <p> </p> <p>"အကြီးအကဲစူး... အခု ဝိညာဉ်လမ်းစဉ်ဂိုဏ်းဟာ ပြိုကွဲနေပေမဲ့ အကြီးအကဲမှာသာ အခြေအနေကို ထိန်းချုပ်နိုင်တဲ့ စွမ်းအား ရှိပါတယ်။ အကြီးအကဲရဲ့ အမိန့်တစ်ခွန်းတည်းနဲ့တင် ပြန့်ကျဲနေတဲ့ တပည့်တွေကို ပြန်လည် စုစည်းနိုင်မှာဖြစ်သလို လူတွေကိုလည်း ပြန်လည် စည်းလုံးနိုင်မှာပါ"</p> <p>***</p> <p> </p>


Save