Book List

<h2 style="text-align: center;">အခန်း (၆၁၁)</h2> <h2 style="text-align: center;">မိစ္ဆာရုပ်သေးရုပ်၏ တိုက်ပွဲဝင်ပုံစံနှင့် မိစ္ဆာဂိုဏ်းမှ ရှဲ့ခွေ။ (၂)</h2> <h2 style="text-align: center;">*</h2> <p> </p> <p>"မိစ္ဆာနှိမ်နင်းရေးဌာနကတော့ အစွမ်းအစ အတော်ရှိသားပဲ... ထွမ်မုထောင်၊ ငါတို့ရဲ့ ဂိုဏ်းချုပ်က မင်းကို သတင်းစကားပါးလိုက်တယ်။ 'နေမဝင်ခင် အလံဝါတောင်မှာ လာတွေ့ပါ။ နောက်ကျရင် စောင့်နေမှာမဟုတ်ဘူး' တဲ့။"</p> <p> </p> <p>ဝတ်စုံနက်နှင့်လူက အက်ရှရှအသံဖြင့် နာမည်တစ်ခုကို ပြောလိုက်သည်။</p> <p> </p> <p>"ဟင်..."</p> <p> </p> <p>လူတိုင်း သတိကြီးစွာ ထားလိုက်ကြစဉ်မှာပင် ဝတ်စုံနက်ဝတ်ထားသူ၏ ခန္ဓာကိုယ်အတွင်းမှ "ဘုန်း" ဟူသော အသံတစ်ချက် ထွက်ပေါ်လာပြီး မျက်လုံး၊ နား၊ နှာခေါင်းနှင့် ပါးစပ်တို့မှ သွေးများ စီးကျလာကာ သူ၏ ဇီဝိန်မှာ ချက်ချင်းပင် ချုပ်ငြိမ်းသွားခဲ့သည်။</p> <p> </p> <p>အစိမ်းရောင်ဝတ်စုံနှင့် အမျိုးသားတစ်ဦးသည် အနီးသို့ ချဉ်းကပ်ကာ ရင်ဘတ်ပေါ်သို့ လက်ဝါးတင်၍ စစ်ဆေးကြည့်ပြီးနောက် လေးနက်စွာ ပြောလိုက်သည်။ "သူ သေသွားပြီ... သူက သူ့ရဲ့ ချီစွမ်းအားကို သုံးပြီး သူ့ရဲ့ နှလုံးနဲ့ ဦးနှောက်ကို သူကိုယ်တိုင် ဖျက်ဆီးပစ်လိုက်တာပဲ။ နတ်ဘုရားတွေတောင် သူ့ကို ကယ်နိုင်မှာ မဟုတ်တော့ဘူး။"</p> <p> </p> <p>ဝတ်စုံနက်၏ ခေါင်းစွပ်ကို ချွတ်လိုက်သောအခါ အကျည်းတန်သော မျက်နှာတစ်ခု ပေါ်လာသော်လည်း ထိုမျက်နှာမှာ သူတို့ရရှိထားသည့် မည်သည့် သတင်းအချက်အလက်နှင့်မျှ ဆက်စပ်မှု မရှိသည်ကို တွေ့လိုက်ရသည်။</p> <p> </p> <p>"ဒီလူက ထွမ်မုထောင်ကို အလံဝါတောင်ကို လာခိုင်းဖို့အတွက်တင် သူ့ကိုယ်သူ အဆုံးစီရင်သွားတာလား"</p> <p> </p> <p>ဝတ်စုံနက်နှင့်လူ၏ အသက်ကို စွန့်လွှတ်လိုက်သည့် ဆုံးဖြတ်ချက်မှာ အလွန်ပြတ်သားလွန်းသဖြင့် စူးချန်ခုန်းပင် မတားဆီးနိုင်ခဲ့ပေ။ ထိုသူ၏ ဂိုဏ်းချုပ်က ပေးပို့လိုက်သော သတင်းစကားမှာ ထွမ်မုထောင်ကို ရည်ရွယ်ချက်ရှိရှိ အလံဝါတောင်သို့ ခေါ်ဆောင်ခြင်းပင် ဖြစ်သည်။</p> <p> </p> <p>"အရှင်... ကျွန်တော်တို့ ဘယ်လိုလုပ်ကြမလဲ" အဖွဲ့သားများက လမ်းညွှန်မှုပေးရန် ထွမ်မုထောင်ကို ကြည့်လိုက်ကြသည်။</p> <p> </p> <p>ဝတ်စုံနက်နှင့်လူ ပြောသွားသော ဂိုဏ်းချုပ်ဆိုသူမှာ သာမန်လူ မဟုတ်သည်မှာ သေချာပါသည်။ ထွမ်မုထောင် မည်သူမည်ဝါဖြစ်ကြောင်းနှင့် အစွမ်းကို သိလျက်နှင့် ရန်စရဲပြီး အလံဝါတောင်တွင် တွေ့ဆုံရန် ဖိတ်ခေါ်တာက မကောင်းသော ရည်ရွယ်ချက်နှင့် ထောင်ချောက်များ ရှိနေနိုင်သည်မှာ သိသာပါသည်။ အကယ်၍ သွားရောက်ပါက အန္တရာယ်များနှင့် ရင်ဆိုင်ရနိုင်သည်။</p> <p> </p> <p>သို့သော် မသွားပါက ရန်သူသည် အခြားသော ဒုတိယတန်းစား၊ တတိယတန်းစား သိုင်းပညာဂိုဏ်းများကို ဆက်လက် တိုက်ခိုက်ပြီး ဝိညာဉ်ကြောများကို ခိုးယူပေလိမ့်မည်။ ထိုသို့သော လုပ်ရပ်များက ဗဟိုပြည်နယ် တစ်ခုလုံးကို ပျက်စီးစေနိုင်သည်။</p> <p> </p> <p>ဝိညာဉ်ကြောများကို သိမ်းပိုက်ခြင်း သို့မဟုတ် လုယူခြင်းသည် မူလနယ်ပယ် သိုင်းပညာရှင်များကို မွေးထုတ်ပေးနိုင်သော မြေထူးမြေမြတ်ဒေသတစ်ခုကို သာမန်တောင်ကုန်းတစ်ခုအဖြစ် ပြောင်းလဲပစ်လိုက်ခြင်းပင် ဖြစ်ပြီး သိုင်းပညာရှင်များ၏ အခြေခံအုတ်မြစ်ကို ဖျက်ဆီးပစ်ခြင်းလည်း ဖြစ်သည်။</p> <p> </p> <p>ခေတ္တမျှ စဉ်းစားပြီးနောက် ထွမ်မုထောင်းသည် သူလွယ်ထားသော သံသေတ္တာကို တစ်ချက်ကြည့်ကာ ပြတ်သားစွာ ပြောလိုက်သည်။ "ဒါဆိုရင် အဲ့ဒီလူ ပြောသွားတဲ့ ဂိုဏ်းချုပ်ဆိုတဲ့လူကို သွားတွေ့ကြတာပေါ့"</p> <p> </p> <p>ထွမ်မုထောင်သည် သူ့ကို ချောင်းမြောင်းတိုက်ခိုက်ရန် ထောင်ချောက်တစ်ခု ဆင်ထားမည်ကို သိပါသည်။ ထိုသို့လုပ်ဆောင်ရန် မည်သူ့တွင် လှုံ့ဆော်မှုရှိနေသည်ကို ခန့်မှန်းကြည့်သော်လည်း သူ၏ ကိုယ်ပိုင်အစွမ်းအစအပေါ် ယုံကြည်မှုရှိသဖြင့် နောက်ဆုတ်ရန် မရည်ရွယ်ပေ။</p> <p> </p> <p>မိစ္ဆာနှိမ်နင်းရေးဌာနချုပ်မှူး ဖြစ်လာကတည်းက ထွမ်မုထောင်ကိုယ်တိုင် လှုပ်ရှားခဲပါသည်။ မဟာမီးလျှံအင်ပါယာအတွင်း သူ့ကို ခြိမ်းခြောက်နိုင်သူ အနည်းငယ်သာ ရှိသည်ဟုလည်း သူ ယုံကြည်ထားသည်။</p> <p> </p> <p>"ကျွန်တော်လည်း ခင်ဗျားတို့နဲ့အတူ လိုက်ခဲ့မယ်။ အဲ့ဒီလူတွေနဲ့ ရှင်းစရာ ကိစ္စတွေ ရှိနေလို့ပါ" စူးချန်ခုန်းက ဝင်ပြောလိုက်သည်။ သူကိုယ်တိုင်လည်း အခြေအနေကို စစ်ဆေးရန် ဆုံးဖြတ်လိုက်ခြင်း ဖြစ်သည်။</p> <p> </p> <p>ဝတ်စုံနက်နှင့်လူ ပြောသွားသော ဂိုဏ်းချုပ်ဆိုသူမှာ ဝိညာဉ်တရားလမ်းစဉ်ဂိုဏ်းကို တိုက်ခိုက်ခဲ့သူ ဖြစ်နိုင်ခြေ အလွန်များသည်။ ဂိုဏ်းတွင်း တပည့်တစ်ဦး၏ ပြောပြချက်အရ ဂိုဏ်းချုပ် ဟေးလျန်ယွမ်နှင့် အခြားသော မူလနယ်ပယ် သိုင်းပညာရှင်များသည် သေဆုံးသွားခြင်း မဟုတ်ဘဲ ဖမ်းဆီးခေါ်ဆောင်သွားခြင်း ခံခဲ့ရသည်။</p> <p> </p> <p>ယခုအခါ ထိုသူတို့၏ တည်နေရာကို သိရပြီဖြစ်သဖြင့် စူးချန်ခုန်းအနေဖြင့် မသိချင်ယောင်ဆောင်၍ မရပေ။ ဖြစ်နိုင်ပါက သူတို့ကို ကယ်တင်ရန် ကြိုးစားမည်ဖြစ်ပြီး အကယ်၍ သူတို့ သေဆုံးသွားပြီဆိုလျှင်လည်း သူ ဘာမှမတတ်နိုင်တော့ပေ။</p> <p> </p> <p>အန္တရာယ်ရှိနိုင်သည်မှာ မှန်သော်လည်း စူးချန်ခုန်းတွင် သမင်နှင့် ကြိုးကြာကျင့်စဉ်တို့ ရှိနေသဖြင့် မြေလျှိုးမိုးပျံကာ လွတ်မြောက်နိုင်သည်။ ပြိုင်ဘက်မှာ သိုင်းဝိဇ္ဇာသူတော်စင် မဟုတ်လျှင် သူ့ကို တားဆီးနိုင်ရန်မှာ မဖြစ်နိုင်သလောက်ပင်။</p> <p> </p> <p>"ဒါဆိုရင်လည်း ညီလေးတာ့... အစ်ကိုတို့နဲ့ လိုက်ခဲ့ပါ" ထွမ်မုထောင်က စဉ်းစားပြီးနောက် သဘောတူလိုက်သည်။ တာ့ဝူဖုန်း၏ သရုပ်မှန်မှာ လျှို့ဝှက်ချက်များ ရှိနေသော်လည်း အသက်ခြွေအဖွဲ့အစည်းမှ အကြီးအကဲ ထန်ယို့နှင့် ရင်ဆိုင်ရချိန်တွင် သူ၏သားဖြစ်သူ ထွမ်မုဟယ်ကို အရင်ထွက်ခွာခိုင်းခဲ့တာက သူသည် ယုံကြည်ထိုက်သူဖြစ်ကြောင်း သက်သေပြနေသည်။</p> <p> </p> <p>"အလံဝါတောင်... မြေပုံအရဆိုရင် အဲ့ဒီနားမှာ အလံဝါရွာဆိုတာ ရှိတယ်။ အဲ့ဒါကလွဲရင် တခြားထူးထူးခြားခြား ဘာမှမရှိဘဲ ခြောက်ကပ်နေတဲ့ နေရာတစ်ခုပဲ။"</p> <p> </p> <p>လူအနည်းငယ်သည် အလံဝါရွာဆီသို့ ဦးတည်သွားကြပြီး လမ်းခရီးတွင် လျန်ထျန်းလုက မြေပုံကို စစ်ဆေးနေခဲ့သည်။</p> <p> </p> <p>နေမဝင်ခင် အလံဝါတောင်မှာ တွေ့ဆုံရန်၊ နောက်ကျပါက ထွက်သွားမည်ဟု ဆိုခြင်းမှာ သူတို့ကို ပြင်ဆင်ချိန်မပေးဘဲ ဤနေရာမှ အပြေးအလွှား သွားစေလိုခြင်းပင် ဖြစ်သည်။</p> <p> </p> <p>အလံဝါတောင်အတွင်းရှိ အိမ်ခြေ ဒါဇင်အနည်းငယ်သာရှိသော ရွာကလေးတွင် အလောင်းများ ပြန့်ကျဲနေ၏။ အမြင့်ဆုံးသော သစ်သားအိမ်ခေါင်မိုးပေါ်တွင် လူလေးယောက် တင်ပျဉ်ခွေထိုင်ရင်း အဝေးကို စောင့်ကြည့်နေကြသည်။</p> <p> </p> <p>ထိုလေးဦးစလုံးမှာ ဝတ်စုံနက်များကို ဝတ်ဆင်ထားကြပြီး ခေါင်းဆောင်ဖြစ်သူမှာ အရပ်နှစ်မီတာကျော် မြင့်မားသော လူထွားကြီး ဖြစ်သည်။ သူသည် တိတ်ဆိတ်စွာ ထိုင်နေသော်လည်း သူ၏ပတ်ဝန်းကျင်ရှိ လေထုမှာ ခဲနေသကဲ့သို့ ခံစားရပြီး သူ၏ ပြင်းထန်သော ဖိအားများကို သာမန်မျက်စိဖြင့်ပင် မြင်တွေ့နိုင်သည်။</p> <p> </p> <p>ထိုသန်မာသော အမျိုးသား၏ ဘေးတွင် ပိန်လှီသော ဝတ်စုံနက် အဖိုးအိုတစ်ဦး ရှိနေသည်။ သူသည် တစ်စုံတစ်ခုကို သိသွားသကဲ့သို့ အက်ရှရှအသံဖြင့် ပြောလိုက်သည်။ "လီဟွမ်း သေသွားပြီ... သူ့ရဲ့ တစ္ဆေမိစ္ဆာအတတ်က အဆင့်တော်တော်မြင့်တယ်။ အစွမ်းထက်တဲ့ ရန်သူတွေကြားမှာတောင် လွတ်အောင် ပြေးနိုင်တဲ့သူပါ။ အခု သူသေသွားပြီဆိုတော့ ထွမ်မုထောင် တကယ်ပဲ ရောက်လာပြီ ထင်တယ်"</p> <p> </p> <p>ဝတ်စုံနက်နှင့် လေးဦးအနက် သွယ်လျသော ကိုယ်လုံးကိုယ်ပေါက်နှင့် နူးညံ့သောအသွင်ရှိသူ တစ်ဦးက စိုးရိမ်တကြီး ပြောလိုက်သည်။ "ထွမ်မုထောင်က ထူးခြားတဲ့ ပါရမီရှင်တစ်ယောက်ပဲ။ ငယ်ငယ်ရွယ်ရွယ်နဲ့ မူလနယ်ပယ် သိုင်းပညာရှင် ဖြစ်ခဲ့သလို နောက်ပိုင်းမှာလည်း မဟာမီးလျှံ တော်ဝင်မိသားစုရဲ့ ပံ့ပိုးမှုနဲ့ ရာထူးကြီးကြီး ရထားတဲ့သူ။ သူ့ရဲ့ အစွမ်းက တိုင်းတာလို့ မရဘူး။ ကိုင်တွယ်ရ လွယ်မယ့်လူ မဟုတ်ဘူး။ ငါတို့ တကယ်ပဲ သူ့ကို ဖမ်းနိုင်ပါ့မလား"</p> <p> </p> <p>"ဟ... တခြားသူကို အမွှန်းတင်ပြီး ကိုယ့်ကိုယ်ကိုယ် အားငယ်အောင် မလုပ်စမ်းပါနဲ့ကွာ။ ငါတို့ရဲ့ မိစ္ဆာဂိုဏ်းချုပ်ကလည်း အဲ့ဒီ ထွမ်မုထောင်ဆိုတဲ့ ကောင်လေးထက် မနိမ့်ကျပါဘူး။ ပြီးတော့ ငါတို့က သေချာပြင်ဆင်ထားတာလေ။ မဟာမီးလျှံအင်ပါယာရဲ့ အရေးပါတဲ့လူတစ်ယောက်ကို ရှင်းထုတ်ပြီး အင်ပါယာကို ထိုးနှက်ချက်ပေးဖို့ပဲ။" စတုတ္ထမြောက် ဝတ်စုံနက်ဝတ်စုံနှင့် ဝဝဖြိုးဖြိုး အမျိုးသားက ရယ်မောရင်း ပြောလိုက်သည်။</p> <p> </p> <p>ထွမ်မုထောင်သည် မဟာမီးလျှံအင်ပါယာအတွင်း ထိပ်တန်း အစွမ်းထက်သူအဖြစ် ကျော်ကြားသည်မှာ ကြာပြီဖြစ်သော်လည်း ယခု သူရင်ဆိုင်ရမည့် ပြိုင်ဘက်များမှာလည်း ထိပ်တန်း လက်ရွေးစင်များပင် ဖြစ်သည်။ အထူးသဖြင့် သူတို့၏ ဂိုဏ်းချုပ်မှာ နာမည်ဆိုးဖြင့် ကျော်ကြားသူ ဖြစ်ပြီး ဤအခိုက်အတန့်အတွက် ခြောက်လကျော်ကြာ ပြင်ဆင်ခဲ့ခြင်း ဖြစ်သည်။ ထွမ်မုထောင်ကို သတ်ခြင်းဖြင့် ပရမ်းပတာ အခြေအနေများကို စတင်ရန် သူတို့ ရည်ရွယ်ထားသည်။</p> <p> </p> <p>မိစ္ဆာနတ်ဘုရားတစ်ပါးကဲ့သို့ တိတ်ဆိတ်စွာ ထိုင်နေသော မိစ္ဆာဂိုဏ်းချုပ်ဟု သိကြသည့် ဧရာမ ဝတ်စုံနက်ဝတ် အမျိုးသားသည် နေဝင်ရီတရော အချိန်ရောက်၍ ကောင်းကင်ယံတွင် နေဝင်ဆည်းဆာသွေးရောင် လွှမ်းလာသောအခါ ရုတ်တရက် မျက်လုံးဖွင့်လိုက်လေ၏။ သူ၏ နှုတ်ခမ်းထောင့်တွင် တိုက်ပွဲဝင်လိုစိတ်ပြင်းပြသော အပြုံးတစ်ခု ပေါ်လာပြီး "သူတို့ ရောက်လာပြီ" ဟု ဆိုလိုက်သည်။</p> <p> </p> <p>"ငါ အရင်သွားနှင့်မယ်" ဝတ်စုံနက်နှင့် အဖိုးအိုက ရယ်မောရင်း ဆိုလိုက်ရာ သူ၏ ကိုယ်ဟန်မှာ တစ္ဆေတစ်ကောင်ကဲ့သို့ ဝေဝါးသွားပြီး ရွာနောက်ဘက်ရှိ တောအုပ်အတွင်းသို့ ပျောက်ကွယ်သွားတော့သည်။</p> <p> </p> <p>"ရှေ့တင်ပဲ၊ သွေးညှီနံ့တွေ ရနေတယ်... ဒီတိရစ္ဆာန်တွေက အလံဝါတောင်ရွာက လူအားလုံးကို သတ်ပစ်လိုက်ကြတာပဲ။"</p> <p> </p> <p> </p> <p>***</p> <p> </p>


Save