Book List

<h2 style="text-align: center;">အပိုင်း (၁၀၈၃)</h2> <h2 style="text-align: center;">စိတ်ပျက်အားငယ်ခြင်း (၂)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ဓားအလင်းတောက်ပသွားသည့်အချိန်တွင် ယခုတစ်ကြိမ်တွင်မူ ရှေးဟောင်းနတ်ဆိုး၏ လက်သည်းကြီးမှာ အလွန်ရက်စက်ကြမ်းကြုတ်ပုံရပြီး လုံးဝမရပ်တန့်သွားသည့် အရှိန်ဖြင့် ဓားအလင်းကို တဖြည်းဖြည်းချင်း ဖျက်ဆီးကာ နောက်ဆုံးတွင် ချိုးနှိမ်၍ အောက်သို့ ရိုက်ချလိုက်သည်။</p> <p> </p> <p>“ဘုန်း” ခနဲ မြည်သံနှင့်အတူ လီဟောင်၏ ခန္ဓာကိုယ်သည် နောက်သို့ လွင့်စင်သွားခဲ့ပြီး သူ၏ ကြီးမားသော ခန္ဓာကိုယ်ကြီး တုန်ခါသွားကာ အတွင်းရှိ တာအိုအရိုးမှာ အနည်းငယ် အက်ကွဲသွားခဲ့သည်။</p> <p> </p> <p>တစ်ချက်တည်းဖြင့် သူ၏ခန္ဓာကိုယ်မှာ အစိတ်စိတ်အမွှာမွှာ ကွဲအက်လုနီးပါး ဖြစ်သွားခဲ့ရသည်။</p> <p> </p> <p>လီဟောင်၏ ခန္ဓာကိုယ်မှာ မျက်စိတစ်မှိတ်အတွင်း ပြန်လည်သက်သာလာသော်လည်း စစ်ပွဲအစီအရင်အတွင်းရှိ အခြားသော သူတော်စင်များ၏ မျက်နှာများမှာ ဖြူဖျော့သွားကာ အားလုံး သွေးများအန်ထုတ်လိုက်ကြရပြီး ထိတ်လန့်တုန်လှုပ်ခြင်းများ လွှမ်းမိုးသွားခဲ့သည်။ သူတို့ တစ်ဦးချင်းစီသည် လီဟောင်ခံစားရသော ထိခိုက်မှု၏ သုံးရာပုံ တစ်ပုံကိုသာ ခံစားရခြင်းဖြစ်သော်လည်း အပြင်းအထန် ဒဏ်ရာရရှိခဲ့ကြသည်။</p> <p> </p> <p>“သေစမ်း”</p> <p> </p> <p>လီဟောင်၏ အကြည့်များမှာ ပြင်းထန်စူးရှနေပြီး တစ်ကိုယ်လုံးရှိ နာကျင်မှုများကို လျစ်လျူရှုကာ ကျိုးပဲ့နေသော အင်မော်တယ်ဓားကို ကိုင်စွဲ၍ ထပ်မံတိုက်ခိုက်လိုက်ပြန်သည်။ တိုက်စစ်ကို ခံစစ်အဖြစ် အသုံးပြုကာ ကျိုးပဲ့နေသော အင်မော်တယ်ဓားမှာ ရှေးဟောင်းနတ်ဆိုးကို နောက်တစ်ကြိမ် ခုတ်ပိုင်းလိုက်သည်။‌ယခုတစ်ကြိမ်တွင် ရှေးဟောင်းနတ်ဆိုးသည် ကြိုတင်ပြင်ဆင်ထားပြီး ဖြစ်သဖြင့် ၎င်း၏ အင်မော်တယ်နယ်မြေကို ချက်ချင်း လှုပ်ရှားစေကာ သူ့ကိုယ်သူ လွှမ်းခြုံလိုက်သည်။ သို့သော် ၎င်း၏ အင်မော်တယ်နယ်မြေမှာ တစ္ဆေနယ်မြေကဲ့သို့ မှောင်မိုက်နေပြီး အတွင်း၌ ကြောက်မက်ဖွယ် လေပြင်းများ တိုက်ခတ်နေကာ တာအိုစွမ်းအင်များမှာလည်း သွေဖယ်သွားခဲ့သည်။</p> <p> </p> <p>သို့သော် ကျိုးပဲ့နေသော အင်မော်တယ်ဓါးမှာ အလွန်လျင်မြန်နေဆဲဖြစ်ပြီး ၎င်း၏ အင်မော်တယ်နယ်မြေကို ထိုးဖောက်သွားခဲ့သည်။ ၎င်းသည် သူတော်စင်တစ်ရာ၏ စုစည်းထားသော စွမ်းအား၊ ကောင်းကင်ဘုံ ကြယ်တာရာ သွေးကြော၊ ကောင်းကင်တာအို၏ သန္ဓေသားလောင်း စွမ်းအားနှင့် လီဟောင်၏ ခန္ဓာကိုယ်အတွင်းရှိ အင်မော်တယ်စွမ်းအင် တစ်ရာမှ ပြောင်းလဲလာသော စွမ်းအားများ ပေါင်းစပ်ထားခြင်းဖြစ်ရာ အရေအတွက်မှ အရည်အသွေးသို့ ပြောင်းလဲသွားခြင်းဖြစ်သည်။ အင်မော်တယ်စွမ်းအင်ကြောင့် အဆတစ်ထောင်ခန့် ကုန်ဆုံးပျက်စီးသွားခဲ့သော်လည်း စွမ်းအားပမာဏမှာ အလွန်ကြီးမားလွန်းသဖြင့် ခုခံနိုင်စွမ်း မရှိခဲ့ပေ။</p> <p> </p> <p>“ဘုန်း” အင်မော်တယ်နယ်မြေ ထိုးဖောက်ခံလိုက်ရပြီး ရှေးဟောင်းနတ်ဆိုး၏ ခန္ဓာကိုယ်မှာလည်း ကျိုးပဲ့နေသော အင်မော်တယ်ဓါးဖြင့် တစ်ပြိုင်နက်တည်း အထိုးခံလိုက်ရသည်။</p> <p> </p> <p>ထို့နောက် လီဟောင်သည် သူ၏ စွမ်းအင်အားလုံးကို ထုတ်ဖော်လိုက်ပြီး လောကဦးနတ်ဝိညာဉ်၏ စွမ်းအားကို အထွတ်အထိပ်အထိ အသုံးပြုလိုက်ရာ သူ၏ လောကဦးနတ်ဝိညာဉ်အတွင်းရှိ နတ်ဘုရားအရိုးမှာ ကြက်သွေးရောင်နှင့်ရွှေရောင်ရောယှက်နေသော အလင်းများ တောက်ပလာခဲ့သည်။</p> <p> </p> <p>“ပိုမြန်စမ်း... ပိုပြီး မြန်စမ်း” လီဟောင်သည် စိတ်ထဲမှ အော်ဟစ်လိုက်သည်။</p> <p> </p> <p>သူ၏အနောက်ရှိ ထင်ရှားသောမိုးမြေဥပဒေသ နှင့် ပတ်ဝန်းကျင်ရှိ သူတော်စင်အားလုံး၏ ထင်ရှားသောမိုးမြေဥပဒေသများသည် ဤအခိုက်အတန့်တွင် ပေါင်းစည်းသွားကြသည်။ သူတော်စင်အားလုံး၏ ထင်ရှားသောမိုးမြေဥပဒေသများသည် အလင်းတန်းများအဖြစ် ပြောင်းလဲသွားကာ လီဟောင်၏ ထင်ရှားသော မိုးမြေဥပဒေသနတ်ဝိဉာဉ်အတွင်းသို့စီးဝင်သွားပြီးနောက် လီဟောင်၏ ခန္ဓာကိုယ်နှင့် တစ်သားတည်း ဖြစ်သွားခဲ့သည်။</p> <p> </p> <p>တုန်ခါသံတစ်ခု ထွက်ပေါ်လာပြီး ဟင်းလင်းပြင်ကြီးပင် တုန်ခါသွားသလို ခံစားလိုက်ရသည်။ မိုးမြေအသွင်ပြောင်းခြင်းနှင့် ထင်ရှားသော မိုးမြေဥပဒေသနတ်ဝိဉာဉ်တို့ ပေါင်းစည်းသွားသောအခါ သူတော်စင်များအားလုံးမှာ တစ်လောကလုံးသည် လီဟောင်၏ လက်ထဲတွင် ရှိနေသကဲ့သို့ ခံစားလိုက်ကြရသည်။ ထိုကြီးမားပြီး အစွမ်းထက်သော အရှိန်အဝါမှာ သူတော်စင်အဆင့်ကို များစွာ ကျော်လွန်သွားခဲ့ပြီ ဖြစ်သည်။</p> <p> </p> <p>“ဖောက်... ဖောက်... ဖောက်... ဖောက်”</p> <p> </p> <p>ရှေးဟောင်းနတ်ဆိုး၏ အတွင်းပိုင်းမှ သွေးမြူများ ဆက်တိုက် ပေါက်ကွဲထွက်လာခဲ့ပြီး ၎င်း၏ ခန္ဓာကိုယ်မှာ ကျိုးပဲ့နေသော အင်မော်တယ်ဓါးကြောင့် လျင်မြန်စွာ ထိခိုက်ဒဏ်ရာရသွားကာ အရိုးများ ကျိုးကြေသွားသည့် အသံများ ထွက်ပေါ်လာခဲ့သည်။ မျက်စိတစ်မှိတ်အတွင်းမှာပင် လီဟောင်သည် ၎င်း၏ ခန္ဓာကိုယ်အတွင်းရှိ အရိုးပေါင်း သုံးရာကျော်ကို ဖြတ်တောက်နိုင်ခဲ့သော်လည်း ခန္ဓာကိုယ်ကို ထောက်ပံ့ထားသည့် အဓိက အရိုးပေါင်း တစ်ရာကျော် ကျန်ရှိနေသေးသည်။ ၎င်း၏ ရုပ်ခန္ဓာကို ချက်ချင်း သတ်ပစ်နိုင်ရန်အတွက် ထိုအရိုးများအားလုံးကို ဖြတ်တောက်ဖျက်ဆီးရန် လိုအပ်သည်။</p> <p> </p> <p>“ဝူး...” ရှေးဟောင်းနတ်ဆိုးသည် ပြန်လည်တုံ့ပြန်လိုက်ပြီး ဒေါသတကြီး ဟိန်းဟောက်ကာ ၎င်း၏ အင်မော်တယ်စွမ်းအင်များ ပေါက်ကွဲထွက်လာပြီး အစောပိုင်းက ထိခိုက်ထားသော နေရာများကို ပြန်လည်ကုသလိုက်သည်။ လီဟောင်၏ ကျိုးပဲ့နေသော အင်မော်တယ်ဓါးမှာ ၎င်း၏အတွင်း၌ ဆက်လက် ခုတ်ပိုင်းနေဆဲဖြစ်သော်လည်း ပို၍ နှေးကွေးလာခဲ့သည်။</p> <p> </p> <p>ရုတ်တရက် ကျိုးပဲ့နေသော အင်မော်တယ်ဓါးမှာ အရိုးတစ်ခုကို ခုတ်ပိုင်းလိုက်သော်လည်း တုန်ခါသွားကာ အရိုးအတွင်း၌ မြုပ်ဝင်သွားခဲ့သည်။ လီဟောင်၏ နှလုံးသားမှာ တုန်လှုပ်သွားပြီး စိတ်ပျက်အားငယ်မှုများကို ခံစားလိုက်ရသည်။</p> <p> </p> <p>သူ၏ စွမ်းအားမှာ လုံလောက်သော်လည်း ကျိုးပဲ့နေသော အင်မော်တယ်ဓါးမှာမူ လုံလောက်အောင် ထက်မြက်မနေပေ။ ၎င်းသည် ဒုတိယအဆင့်၊ တတိယတန်းစား ရှေးဟောင်းနတ်ဆိုးများကို သတ်ဖြတ်ရန်အတွက် သံမဏိကို ရွှံ့နွံကဲ့သို့ လွယ်ကူစွာ ဖြတ်တောက်နိုင်လောက်အောင် လုံလောက်သော်လည်း၊ ထိပ်တန်း နဝမကပ်ဘေး တာအိုလက်နက်များနှင့် နှိုင်းယှဉ်နိုင်သော စစ်မှန်သော အင်မော်တယ်အဆင့် ရှေးဟောင်းနတ်ဆိုး၏ ရုပ်ခန္ဓာကို ရင်ဆိုင်ရာတွင်မူ ကျိုးပဲ့နေသော အင်မော်တယ်ဓါးမှာ တုံးသွားခဲ့ပြီ ဖြစ်သည်။</p> <p> </p> <p>ရုတ်တရက် ရှေးဟောင်းနတ်ဆိုး၏ အတွင်းမှ နက်မှောင်သော စွမ်းအင်များ ထွက်ပေါ်လာပြီး ကျိုးပဲ့နေသော အင်မော်တယ်ဓါးကို လွှမ်းခြုံကာ ခန္ဓာကိုယ်အပြင်ဘက်သို့ တွန်းထုတ်လိုက်သည်။ သူ့ကို အပြင်းအထန် ထိခိုက်စေခဲ့သော ကျိုးပဲ့နေသော အင်မော်တယ်ဓါးကို ကြည့်ရင်း ရှေးဟောင်းနတ်ဆိုးသည် တိုးညှင်းစွာ ဟိန်းဟောက်လိုက်ပြီး ၎င်း၏ လက်ဖဝါးဖြင့် ကျိုးပဲ့နေသော အင်မော်တယ်ဓါးကို ကွေးလိုက်ပြီးနောက် အသုံးမကျသော အမှိုက်တစ်ခုကဲ့သို့ လီဟောင်ထံသို့ ပြန်ပစ်လိုက်သည်။</p> <p> </p> <p>လီဟောင်သည် ရှောင်တိမ်းရန် ခေါင်းကို လှည့်လိုက်သော်လည်း သူ၏ ပါးပြင်မှာ သွေးစအနည်းငယ် ထွက်သွားခဲ့ပြီး ချက်ချင်း ပြန်လည်သက်သာသွားခဲ့သည်။</p> <p> </p> <p>“ဒါ... ဒါကို မသတ်နိုင်ဘူးလား”</p> <p> </p> <p>“သိသိသာသာကြီး ဖိနှိပ်ခံထားရပြီး အပြင်းအထန် ဒဏ်ရာရနေတာတောင် ချက်ချင်း ပြန်သက်သာလာနိုင်တယ်”</p> <p> </p> <p>“တတိယအင်မော်တယ်နယ်ပယ် အကန့်အသတ်အဆင့်ကို ဒီစစ်မှန်တဲ့ အင်မော်တယ်အဆင့် ရှေးဟောင်းနတ်ဆိုးကလည်း ကျွမ်းကျင်နေတာဖြစ်မယ်၊ သူ့ရဲ့ ခန္ဓာကိုယ်ကို အပြည့်အဝဖျက်ဆီးပြီး သတ်ပစ်ဖို့ဆိုတာ ရိုးရိုးတိုက်ခိုက်တာထက် စစ်မှန်တဲ့ အင်မော်တယ် ပင်လယ်ကို ဖြိုချဖို့ထက် အဆတစ်ထောင်မက ပိုခက်ခဲတယ်”</p> <p> </p> <p>ထိုမြင်ကွင်းကို ကြည့်ရင်း သူတော်စင်များအားလုံး ကျောချမ်းသွားကြသည်။ အစောပိုင်းက စိတ်လှုပ်ရှားမှုနှင့် ဝမ်းသာမှုများမှာ ပျောက်ကွယ်သွားပြီး စစ်မှန်သော အင်မော်တယ်အဆင့် ရှေးဟောင်းနတ်ဆိုးကို သတ်ဖြတ်ရန် မည်မျှ ခက်ခဲကြောင်း သူတို့ သိသွားကြသည်။ ပြိုင်ဘက်၏ ပြန်လည်ကုသနိုင်စွမ်းမှာ အလွန်လျင်မြန်လွန်းသဖြင့် မျက်စိတစ်မှိတ်အတွင်း သတ်ပစ်နိုင်ခြင်း မရှိပါက ကြိုးပမ်းအားထုတ်မှုများနှင့် ထိခိုက်မှုအားလုံးမှာ အချည်းနှီးသာ ဖြစ်သွားနိုင်သည်။</p> <p> </p> <p>သူတို့မှာ သူတော်စင်များသာ ဖြစ်ကြပြီး စစ်မှန်သော အင်မော်တယ်တစ်ပါးနှင့် ယှဉ်ပြိုင်နိုင်ခြင်းမှာပင် အံ့ဖွယ်တစ်ခု ဖြစ်နေပြီဖြစ်သည်။ သတ်ဖြတ်ရန် ဆိုသည်မှာမူ စိတ်ကူးကြည့်၍ပင် မရနိုင်လောက်အောင် ခက်ခဲလွန်းသည်။ သူတော်စင်များအားလုံးမှာ လီဟောင်၏ မြင့်မားသော ကျောပြင်ကို ကြည့်နေကြသော်လည်း စိတ်ထဲတွင်မူ စိတ်ပျက်အားငယ်မှုများကို ခံစားနေရသည်။ လီဟောင်၏ စွမ်းဆောင်ရည်မှာ သူတို့၏ မျှော်လင့်ချက်များကို ကျော်လွန်နေပြီ ဖြစ်သော်လည်း နောက်ဆုံးတွင်မူ ဤအရာမှာ စစ်မှန်သော အင်မော်တယ်တစ်ပါး ဖြစ်နေဆဲဖြစ်သည်။</p> <p> </p> <p>“ငါ မင်းကို သတ်ပေးမယ်”</p> <p> </p> <p>ရှေးဟောင်းနတ်ဆိုးသည် လီဟောင်ကို စိုက်ကြည့်ရင်း ဒေါသတကြီးနှင့် ရက်စက်သော ဟိန်းဟောက်သံကို ထုတ်ဖော်လိုက်သည်။ ၎င်းသည် ၎င်း၏ရှေ့မှ လူငယ်ကို အလွန်မုန်းတီးနေပြီး သူ့ကို လွယ်လွယ်နှင့် သေခွင့်ပေးမည် မဟုတ်ပေ။</p> <p> </p> <p>လီဟောင်သည် အသက်ကို မှန်မှန်ရှူရင်း သူ၏ အခြေအနေကို ပြန်လည်ထိန်းညှိလိုက်သည်။ သူ၏ ခန္ဓာကိုယ်အတွင်းရှိ ပြင်းထန်ပြီး အားကောင်းသော စွမ်းအင်များကြောင့် သူသည် မီးပြင်းဖိုတစ်ခုအတွင်း ရပ်နေရသကဲ့သို့ ပူလောင်မှုကို ခံစားနေရသည်။ ထိုစွမ်းအင်မှာ စစ်မှန်သော အင်မော်တယ်တစ်ပါးကို တုန်လှုပ်စေနိုင်သော်လည်း ချက်ချင်း သတ်ပစ်နိုင်ရန်အတွက်မူ မလုံလောက်သေးပေ။</p> <p> </p> <p>“ကျိုးပဲ့နေတဲ့ အင်မော်တယ်ဓားက လုံလောက်အောင် မထက်ဘူး။ အရင်က စစ်မှန်တဲ့ အင်မော်တယ်အဆင့် ရှေးဟောင်းနတ်ဆိုးကို အမဲဖျက်ဖို့အတွက် ဒါက အဆင်ပြေခဲ့ပေမဲ့ သူ့ရဲ့ အရိုးတွေအားလုံးကို ချက်ချင်း ဖျက်ဆီးဖို့ဆိုတာကတော့ ဟင်းချက်ဖို့အတွက် ဖြည်းဖြည်းချင်း လှီးဖြတ်တာထက် ပိုပြီး အားစိုက်ရတယ်”</p> <p> </p> <p>လီဟောင်၏ မျက်နှာမှာ ပျက်ယွင်းနေခဲ့သည်။ သူ၏ စွမ်းအင်မှာ များပြားသော်လည်း အဆင်ပြေသော လက်နက်တစ်ခု လိုအပ်နေသည်။ “ငါ့မှာ ပိုပြီး အားကောင်းတဲ့ စွမ်းအားတွေသုံးပြီး ကျိုးပဲ့နေတဲ့ အင်မော်တယ်ဓားကို လှုပ်ရှားစေဖို့ပဲ ရှိတော့တယ်။ ဓားရဲ့ ထက်မြက်မှု မရှိတာကို စွမ်းအားနဲ့ပဲ အစားထိုးရမှာပဲ”</p> <p> </p> <p>ခေတ္တအတွင်း လီဟောင်၏ အတွေးများ ပြန်လည်တည်ငြိမ်သွားပြီး သူ၏ လက်ဖဝါးပေါ်တွင် ကျိုးပဲ့နေသော အင်မော်တယ်ဓါးတစ်ခု ထပ်မံ ပေါ်လာခဲ့ပြန်သည်။ ၎င်းပေါ်လာသည်နှင့်တစ်ပြိုင်နက် လီဟောင်သည် သူ၏ လောကဦးနတ်ဝိညာဉ်အတွင်းရှိ ရွှေရောင်စွမ်းအင်ကြိုးမျှင်တစ်ခုကို လောင်ကျွမ်းလိုက်ရာ လောကဦးနတ်ဝိညာဉ်၏ စွမ်းအားမှာ အဆပေါင်းများစွာ တိုးလာခဲ့ပြီး အရာဝတ္ထုထိန်းချုပ်နိုင်စွမ်းမှာလည်း ပိုမိုမြန်ဆန်လာခဲ့သည်။</p> <p> </p> <p>“မလုံလောက်သေးဘူး... မလုံလောက်သေးဘူး”</p> <p> </p> <p>ရွှေရောင်စွမ်းအင်ကြိုးမျှင် တစ်ခု၊ နှစ်ခု... ငါးခုအထိ တစ်ပြိုင်နက် လောင်ကျွမ်းလိုက်သည်။ လီဟောင်၏ လောကဦးနတ်ဝိညာဉ်မှာ ရွှေနီရောင် မီးတောက်များဖြင့် လောင်ကျွမ်းနေခဲ့သည်။ လီဟောင်အနေဖြင့် ပိုမိုလောင်ကျွမ်းရန် မလိုအပ်သည်မဟုတ်ဘဲ လောကဦးနတ်ဝိညာဉ်၏ ခံနိုင်ရည်မှာ အကန့်အသတ်ရှိနေပြီး ယခုအခါ ၎င်း၏ အဆုံးစွန်အထိ ရောက်ရှိနေသောကြောင့် ဖြစ်သည်။</p> <p> </p> <p> </p> <p> </p> <p style="text-align: center;">***</p>


Save