Book List

<h2 style="text-align: center;">အပိုင်း (၁၀၈၅)</h2> <h2 style="text-align: center;">စိတ်ပျက်အားငယ်ခြင်း(၄)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>ကျန်ရှိနေသော အသားစများသည် ထိုအခိုက်အတန့်တွင် အလျင်အမြန် ပြန်လည်ကြီးထွားလာပြီး ရှေးဟောင်းနတ်ဆိုးများ၏ ပုံသဏ္ဌာန်သို့ ပြောင်းလဲကာ တစ်ခုနှင့်တစ်ခု လျင်မြန်စွာ ပေါင်းစပ်သွားကြသည်။</p> <p>လီဟောင် ထိန်းချုပ်ထားသည့် ကျိုးပဲ့နေသောအင်မော်တယ်ဓားမှာ ရှေ့သို့ ခုတ်ပိုင်းလိုက်ပြီး ပေါင်းစပ်နေစဉ်အတွင်း အဆက်မပြတ် တိုက်ခိုက်နေခဲ့သည်။ သို့သော် ရုတ်တရက် မီးခိုးရောင် အလင်းတန်းတစ်ခု ပေါ်ထွက်လာပြီးနောက် ကြောက်မက်ဖွယ်ကောင်းသော စွမ်းအင်တစ်ခုသည် ကျိုးပဲ့နေသော အင်မော်တယ်ဓားကို ရိုက်ခတ်သွားရာ အတွင်းရှိ လောကဦးနတ်ဝိညာဉ်မှာ ခဏမျှ တုံ့ဆိုင်းသွားခဲ့ရသည်။</p> <p>ထိုခဏတာအတွင်း၌ ရှေးဟောင်းနတ်ဆိုး၏ ခန္ဓာကိုယ်မှာ ပြန်လည် စုစည်းသွားခဲ့ပြီ ဖြစ်သည်။</p> <p>လီဟောင်၏ မျက်နှာမှာ ဖြူဖျော့သွားခဲ့သည်။ ပြိုင်ဘက်သည် မိမိကိုယ်ကိုယ် ဖောက်ခွဲဖျက်ဆီးခြင်းနှင့် ‘ကံကြမ္မာ ပြောင်းလဲခြင်း’ ကို အသုံးပြု၍ သေစေနိုင်သော စွမ်းရည်ကို လွှဲပြောင်းရှောင်တိမ်းသွားခြင်း ဖြစ်သည်။</p> <p>သေစေနိုင်သော စွမ်းရည်သည် ခန္ဓာကိုယ်အပေါ် သက်ရောက်သော်လည်း အကယ်၍ ကံကြမ္မာပြောင်းလဲခြင်းကို အသုံးပြုနိုင်ပါက ထိုစွမ်းရည်၏ သက်ရောက်မှုကို ဖယ်ရှားနိုင်သည်။ ယခင်က ‘ရပ်တည်မှုလေးခုနယ်ပယ်’ မှ ကျွမ်းကျင်သူများကို သတ်ဖြတ်စဉ်က ရန်သူ၏ နတ်ဝိညာဉ်မှာ ခန္ဓာကိုယ်ကို စွန့်ခွာ၍ ထွက်ပြေးနိုင်ခဲ့သည်။ ယခုမူ ပြိုင်ဘက်မှာ စစ်မှန်သော အင်မော်တယ် တစ်ဦးဖြစ်သဖြင့် ခန္ဓာကိုယ်ကို စွန့်ခွာရန် မလိုဘဲ ရှောင်တိမ်းနိုင်ခြင်း ဖြစ်သည်။</p> <p>“ဝူး...”</p> <p>ရှေးဟောင်းနတ်ဆိုး၏ ခန္ဓာကိုယ် ပြန်လည်ဖွဲ့စည်းလာသည်နှင့်အမျှ ၎င်း၏ နဖူးပေါ်တွင် မီးခိုးရောင် အလင်းတစ်ခု ပေါ်လာပြီး သိပ်သည်းသော အင်မော်တယ် စွမ်းအင်များကို ထုတ်လွှတ်နေခဲ့သည်။</p> <p>ထိုအခိုက်အတန့်တွင် ဟင်းလင်းပြင်ကြီးမှာ ရုတ်တရက် တုန်ခါသွားပြီး ရှေးဟောင်းနတ်ဆိုး ခေါင်းဆောင်မှာ လီဟောင်၏ အရှေ့သို့ ချက်ချင်း ရောက်ရှိလာကာ ၎င်း၏ လက်သည်းများဖြင့် ရိုက်ချလိုက်သည်။ မှောင်မည်းပြီး ဖျက်ဆီးလိုသော အလင်းတန်းတစ်ခု ထွက်ပေါ်လာကာ လီဟောင်၏ ခန္ဓာကိုယ်ကို ထက်ပိုင်း ပိုင်းဖြတ်လိုက်တော့သည်။</p> <p>လီဟောင်သည် ‘ဟွမ်ထျန်းသူတော်စင်’ ၏ နတ်ဆိုးခန္ဓာကိုယ်ကို ဝါးမြိုပြီးနောက် သူ၏ ရုပ်ခန္ဓာမှာ ‘ပဉ္စမကပ်ဘေး ဧကရာဇ်လက်နက်’ နှင့် ညီမျှနေခဲ့သည်။ ထို့အပြင် အင်မော်တယ်တံခါး အပြင်ဘက်ရှိ ရှေးဟောင်းလမ်းပေါ်တွင် ဆယ့်နှစ်နှစ်ကြာ နေထိုင်ခဲ့ပြီးနောက် သူ၏ ရုပ်ခန္ဓာမှာ ‘ဆဌမကပ်ဘေး ဧကရာဇ်လက်နက်’ အဆင့်အထိ တိုးတက်လာခဲ့ရာ အရင်းအမြစ် ဘိုးဘေး၏ ‘ကောင်းကင်နှိမ်နှင်းနှင်တံ’ ကသာ ဒဏ်ရာ အနည်းငယ် ပေးနိုင်ပြီး သူ့ကို လုံးဝ မဖျက်ဆီးနိုင်ပေ။</p> <p>သို့သော် ယခုမူ ဤရှေးဟောင်းနတ်ဆိုး၏ တိုက်ခိုက်မှုအောက်တွင် လီဟောင်၏ ခန္ဓာကိုယ်မှာ အလွယ်တကူပျက်စီးသွားရသည်။</p> <p>ထိုအက်ကွဲကြောင်းနေရာမှာ အဆက်မပြတ် လောင်ကျွမ်းနေပုံရပြီး ထူးခြားသော အင်အားတစ်ခုငည် လီဟောင်၏ ပြန်လည်ကုသနိုင်စွမ်းကို တားဆီးထားသဖြင့် ဒဏ်ရာမှာ ပြန်မစေ့နိုင်ဘဲ ရှိနေသည်။</p> <p>သွေးများစွာ ပန်းထွက်လာပြီး လီဟောင်၏ အင်အားအားလုံးမှာလည်း ပျောက်ကွယ်လုနီးပါး ဖြစ်နေသည်။</p> <p>ရှေးဟောင်းနတ်ဆိုး ခေါင်းဆောင်မှာ မဟိန်းဟောက်ဘဲ လီဟောင်ကို အေးစက်စွာသာ စိုက်ကြည့်နေသည်။ အစောပိုင်းက ကြုံတွေ့လိုက်ရသော သေခြင်းတရား အငွေ့အသက်မှာ ၎င်းကိုပင် တုန်လှုပ်သွားစေခဲ့သည်။ အကယ်၍သာ ၎င်း၏ တုံ့ပြန်မှု နှေးကွေးခဲ့လျှင် သို့မဟုတ် ထိပ်တိုက် ရင်ဆိုင်ခဲ့လျှင် ၎င်း အမှန်တကယ်ပင် သေဆုံးသွားနိုင်သည်ဟု ခံစားခဲ့ရသည်။</p> <p>ရုပ်ခန္ဓာရော နတ်ဝိညာဉ်ပါ လုံးဝ ပျက်စီးသွားမည့် အခြေအနေဖြစ်သည်။</p> <p>၎င်းမှာ အမှန်တကယ်ဒေါသထွက်သွားခဲ့သည်။ သတ်ဖြတ်လိုစိတ်မှာ အရင်ကထက် ပို၍ ပြင်းထန်လာပြီး လီဟောင်ကို နှိပ်စက်ရန်ပင် စိတ်မကူးတော့ဘဲ အမြန်ဆုံး သတ်ပစ်ရန်သာ ဆုံးဖြတ်လိုက်သည်။</p> <p>“ဘုန်း”</p> <p>ဟင်းလင်းပြင်ကြီး တုန်ခါသွားပြီး ၎င်း၏ ‘အင်မော်တယ်နယ်မြေ’ ကို ထုတ်ဖော်ကာ စစစ်ပွဲအစီအရင်ကို လွှမ်းခြုံလိုက်သည်။</p> <p>သူတော်စင်များမှာ အင်မော်တယ်နယ်မြေ၏ ကြောက်မက်ဖွယ်ကောင်းမှုကို ခံစားလိုက်ရသဖြင့် မျက်နှာများ ပျက်သွားကာ အသည်းအသန် ရှောင်တိမ်းကြသော်လည်း သူတော်စင် ဆယ့်တစ်ဦးထက်မက အင်မော်တယ်နယ်မြေအတွင်း အဝါးမြိုခံလိုက်ရပြီး ချက်ချင်းအသတ်ခံလိုက်ရသည်။ သူတို့၏ လောကဦးနတ်ဝိညာဉ်များသာ ကျန်ရှိပြီး ရုန်းကန်၍ပင် မရဘဲ ရှေးဟောင်းနတ်ဆိုး ခေါင်းဆောင်၏ ဝါးမြိုခြင်းကို လူတိုင်းရှေ့တွင် ခံလိုက်ရသည်။</p> <p>ရှေးဟောင်းနတ်ဆိုး၏ ဝါးမြိုခြင်းကို ခံလိုက်ရပါက ပြန်လည်မွေးဖွားရန် အခွင့်အရေးပင် မရှိတော့ဘဲ ဤလောကကြီးမှ ထာဝရ ပျောက်ကွယ်သွားရမည်ကို လီဟောင် သိသည်။</p> <p>“မြန်မြန်... မြန်မြန် ထွက်ပြေးကြ”</p> <p>လီဟောင်၏ မျက်နှာမှာ ဖြူဖျော့နေခဲ့သည်။ သူတော်စင်များ၏ ပူးပေါင်းအင်အားကပင် ဤနတ်ဆိုးကို အနိုင်မတိုက်နိုင်ဟု သူ မထင်မှတ်ထားခဲ့ပေ။ သူ၏ လက်ထဲရှိ မပြည့်စုံသော အင်မော်တယ်လက်နက်မှာ ဤရှေးဟောင်းနတ်ဆိုး၏ ရုပ်ခန္ဓာကို ချက်ချင်း သတ်နိုင်လောက်အောင် မထက်မြက်သေးပေ။ ရုပ်ခန္ဓာကို သတ်နိုင်ခြင်းမှာ ပထမအဆင့်သာ ရှိသေးပြီး ထို့နောက်တွင် နတ်ဝိညာဉ် တိုက်ပွဲများကို ဆက်လက် ဆင်နွှဲရဦးမည် ဖြစ်သည်။</p> <p>“ဟောင်ထျန်းသူတော်စင်... ငါတို့မှာ ဆုတ်လမ်း မရှိတော့ဘူး။ ခင်ဗျားမှာ တခြားနည်းလမ်း ရှိသေးလား၊ ဘယ်နှစ်ယောက်ပဲ သေရသေရ၊ ဘာကိုပဲ ရင်းရရင်းရ ဤနတ်ဆိုးကို သတ်နိုင်ဖို့ နည်းလမ်းရှိရင် ပြောပါ” ဟု အမညိနာမသူတော်စင်က လီဟောင်ထံသို့ အသည်းအသန် သတင်းပို့လိုက်သည်။</p> <p>“ဘယ်ကို ထွက်ပြေးမှာလဲ။ ငါတို့မှာ အပြစ်တွေ ရှိနေပြီ၊ ထွက်ပြေးစရာ နေရာမရှိတော့ဘူး” ဟု ဥပဒေမဟာသူတော်စင်ကလည်း ခါးသီးစွာ ပြောလိုက်သည်။ သူ၏ အသံမှာ ပုံမှန် အေးစက်တည်ငြိမ်နေမှုနှင့် မတူဘဲ ဝမ်းနည်းမှုများဖြင့် ပြည့်နှက်နေသည်။ “ငါတို့အားလုံး အသက်ပေးရမယ် ဆိုရင်တောင် ထိုက်တန်ပါတယ်။ ခင်ဗျားမှာ တခြားနည်းလမ်း ရှိသေးလား”</p> <p>ယခု ထွက်ပြေးသွားပါက စစ်မှန်သော အင်မော်တယ်အဆင့် ရှေးဟောင်းနတ်ဆိုးကို ပြန်လည် တိုက်ခိုက်ရန် အခွင့်အရေး မရှိတော့ဘဲ တစ်ယောက်ပြီးတစ်ယောက် အမဲလိုက် သတ်ဖြတ်ခံရမည်ကို သူ သိသည်။</p> <p>“နည်းလမ်း မရှိတော့ဘူး...”</p> <p>သူတော်စင်များ၏ ပြတ်သားသော ဆုံးဖြတ်ချက်ကို လီဟောင် ခံစားမိလိုက်သည်။ သူတို့အပေါ် ထားရှိသော လီဟောင်၏ အမြင်မှာ ပြောင်းလဲသွားသော်လည်း ဤအခိုက်အတန့်တွင် ထိုအရာက အဓိပ္ပာယ် မရှိတော့ပေ။</p> <p>“ခင်ဗျားတို့အားလုံး ထွက်ပြေးကြတော့၊ ငါ့ရဲ့ မြင့်မြတ်နယ်မြေကို သွားပြီး ခိုလှုံကြပါ၊ ကျွန်တော် ဒီမှာ ဆက်ပြီး တားထားမယ်”</p> <p>ထိုအခိုက်အတန့်တွင် လီဟောင်သည် ထိုလူများကို ထပ်ပြီး အခက်မတွေ့စေလိုတော့ပေ။ သူသည် စစ်ပွဲအစီအရင်မှ ခွဲထုတ်လိုက်သည်။ သူသည် အစီအရင်၏ ဗဟိုချက်ဖြစ်သဖြင့် ၎င်းကို ထိန်းချုပ်နိုင်ပြီး သူက တမင်တကာ လူစုခွဲလိုက်သောအခါ သူတော်စင်များ၏ အင်အားများမှာ ပြတ်တောက်သွားကာ သူတို့ ခန္ဓာကိုယ်ထဲသို့ ပြန်လည် ရောက်ရှိသွားကြသည်။</p> <p>လီဟောင်၏ မျက်လုံးများတွင် ရူးသွပ်မှုများထွက်‌ပေါ်လာပြီး ရှေးဟောင်းနတ်ဆိုးထံသို့ ပြေးဝင်သွားခဲ့သည်။ ဤတိုက်ပွဲကို အမြန် မပြီးဆုံးစေလိုပေ။ အကယ်၍ သူသာ ထွက်ပြေးခဲ့ပါက ဤရှေးဟောင်းနတ်ဆိုးကို မည်သူမျှ တားဆီးနိုင်မည် မဟုတ်ဘဲ မြင့်မြတ်နယ်မြေပင်လျှင် အချိန်မီ ခိုလှုံနိုင်မည် မဟုတ်ပေ။</p> <p>သူတော်စင်များအတွက်မူ ဤနေရာတွင် ဆက်ရှိနေခြင်းမှာ အဓိပ္ပာယ် မရှိတော့ပေ။ သူတို့သည် သူ့ကို မကူညီနိုင်သလို၊ ရှေးဟောင်းနတ်ဆိုး ခေါင်းဆောင်၏ အင်မော်တယ်နယ်မြေ ရှေ့တွင် လူအရေအတွက်မှာ ဘာမှ မဟုတ်တော့ပေ။</p> <p>လီဟောင်၏ ကျောပြင်ကို ကြည့်ရင်း သူတော်စင်များမှာ မှင်တက်သွားကြပြီးနောက် ရင်ထဲတွင် ဆို့နင့်လာကြသည်။</p> <p>အရင်က သူတို့သည် လီဟောင်အပေါ် မကောင်းပြောခဲ့ကြပြီး မနာလိုစိတ်ဖြင့် စွပ်စွဲခဲ့ကြသည်။ သို့သော် ယခုကဲ့သို့ အခြေအနေမျိုးတွင်မူ ထိုလူငယ်လေးက သူတို့အတွက် နောက်ကွယ်မှ ခုခံပေးနေခဲ့သည်။ အရင်က အရင်းအမြစ် ဘိုးဘေးနှင့် နတ်ဘုရားဘုရင်တို့ လုပ်ဆောင်ခဲ့သကဲ့သို့ပင် ဖြစ်သည်။</p> <p>“သွားကြ”</p> <p>လီဟောင်က အော်ဟစ်လိုက်ပြီး ရှေးဟောင်းနတ်ဆိုး ခေါင်းဆောင်ထံသို့ ချက်ချင်း ပြေးဝင် တိုက်ခိုက်လိုက်သည်။</p> <p>ကျိုးပဲ့နေသော အင်မော်တယ်လက်နက် နှစ်ခုမှာ ထပ်မံ ပေါက်ကွဲထွက်လာပြီး အဆက်မပြတ် တိုက်ခိုက်နေခဲ့သည်။</p> <p>ဤတစ်ကြိမ်တွင် ရှေးဟောင်းနတ်ဆိုး ခေါင်းဆောင်မှာ အနည်းငယ် သတိထားလာပြီး အင်မော်တယ်နယ်မြေကို အသုံးပြု၍ ထိုလက်နက်များ၏ အရှိန်ကို လျှော့ချကာ ၎င်းကိုယ်တိုင်လည်း ရှောင်တိမ်းနေခဲ့သည်။</p> <p>အစောပိုင်းက ကြုံတွေ့ခဲ့ရသော ထိတ်လန့်ဖွယ် အန္တရာယ်မှာ ၎င်း၏ ဒဏ်ရာနှင့် ဆက်စပ်နေသည်ဟု ၎င်း ခပ်ဝါးဝါး ရိပ်မိနေသည်။ သို့မဟုတ်ပါက ထိုလူသားသည် အဓိပ္ပာယ်မရှိဘဲ ဆက်တိုက် တိုက်ခိုက်နေမည် မဟုတ်ပေ။</p> <p>ရှေးဟောင်းနတ်ဆိုးမှာ ဆက်တိုက် ရှောင်တိမ်းနေပြီး လီဟောင်ကလည်း ဆက်တိုက် တိုက်ခိုက်နေခဲ့သည်။ သူ ရပ်တန့်၍ မရမှန်း သူ သိသည်။ ရပ်တန့်လိုက်သည်နှင့် ရှေးဟောင်းနတ်ဆိုးက ချက်ချင်း ပြန်လည် တိုက်ခိုက်လာမည်ဖြစ်သည်။</p> <p> </p> <p> </p> <p> </p> <p> </p> <p style="text-align: center;">***</p>


Save