Book List

<h2 style="text-align: center;">အပိုင်း (၁၀၉၀)</h2> <h2 style="text-align: center;">ရုပ်ခန္ဓာ ပျက်စီးခြင်း၊ နေလုံးကြီးတွင် ခိုလှုံရာရှာခြင်း (၅)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>“ဘုန်း”</p> <p>အန္တရာယ်ကို တစ်ပြိုင်နက်တည်း ခံစားလိုက်ရသည်။</p> <p>လီဟောင်၏ ဦးခေါင်းမှာ ပေါက်ကွဲသွားခဲ့သည်။ အင်မော်တယ်လမ်းစဉ် ဥပဒေသစွမ်းအင်သည် သူ့ကို ချည်နှောင်ထားသဖြင့် သွေးတစ်စက်ရှိရုံနှင့် ပြန်လည်ရှင်သန်နိုင်သည့် သူ၏ စွမ်းရည်မှာ တားဆီးခံထားရပြီး ဒဏ်ရာမှာ ပြန်မကောင်းနိုင်တော့ပေ။</p> <p>ထို့အပြင် အခြားတစ်နေရာတွင် သွေးချန်ထားခဲ့ပြီး ဤနေရာ၌ သေဆုံးပါက ပြန်လည်ရှင်သန်နိုင်သည့် ‘သွေးတစ်စက်ဖြင့် ပြန်လည်မွေးဖွားခြင်း’ စွမ်းရည်မှာလည်း စစ်မှန်သော အင်မော်တယ်တစ်ဦး၏ အရှေ့တွင် အလုပ်မဖြစ်ပေ။ အကယ်၍ လောကဦးနတ်ဝိညာဉ်သာ ဖျက်ဆီးခံလိုက်ရပါက ခန္ဓာကိုယ်အကောင်းပကတိ ကျန်ရှိနေလျှင်ပင် အလောင်းတစ်ခုသာ ဖြစ်နေပေလိမ့်မည်။</p> <p>လောကဦးနတ်ဝိညာဉ်သည်သာ အဓိက အနှစ်သာရ ဖြစ်သည်။</p> <p>လီဟောင်သည် သူ၏ လည်ပင်းကို ချက်ချင်းဖြတ်တောက်ပစ်လိုက်ပြီး အင်မော်တယ် စွမ်းအားများ တိုက်စားနေသော အစိတ်အပိုင်းကို စွန့်ပစ်လိုက်ရာ ဦးခေါင်းမှာ အသစ်ပြန်လည် ထွက်ပေါ်လာခဲ့သည်။</p> <p>တစ်ချိန်တည်းတွင် စစ်မှန်သော အင်မော်တယ် ရှေးဟောင်းနတ်ဆိုးသည်လည်း ‘သေစေနိုင်သော စွမ်းရည်’ ၏ တိုက်ခိုက်မှုကို ခံလိုက်ရသည်။ ၎င်းသည် မိမိကိုယ်ကိုယ် ထပ်မံ ဖောက်ခွဲဖျက်ဆီးရန် ရွေးချယ်ခဲ့သော်လည်း ဤတစ်ကြိမ်တွင်မူ သေစေနိုင်သော စွမ်းရည်ကို လွှဲပြောင်းရန်အတွက် ၎င်း၏ ခန္ဓာကိုယ် အစိတ်အပိုင်း အချို့ကိုသာ ဖောက်ခွဲခဲ့ခြင်း ဖြစ်သည်။</p> <p>လီဟောင်၏ ရင်ထဲတွင် လေးလံသွားခဲ့သည်။ ဤရှေးဟောင်းနတ်ဆိုးသည် သေစေနိုင်သော စွမ်းရည်ကို ရှောင်ရှားရန် နည်းလမ်း ရှာတွေ့သွားပုံရသည်။</p> <p>ဤအတိုင်းသာ ဆက်သွားပါက သေစေနိုင်သော စွမ်းရည်၏ ထိန်းချုပ်နိုင်စွမ်းမှာ တဖြည်းဖြည်း အားနည်းသွားနိုင်သည်။</p> <p>ရှေးဟောင်းနတ်ဆိုး ခန္ဓာကိုယ် ပြန်လည် တည်ဆောက်နေစဉ်အတွင်း လီဟောင်သည် ထိုအချိန်တွင် ဝင်ရောက် တိုက်ခိုက်ရန် မကြိုးစားတော့ပေ။ သူ၏ လက်ထဲတွင် ပျက်စီးနေသော အင်မော်တယ်ဓား အနည်းငယ်သာ ကျန်တော့သည်။ တစ်ကြိမ် တိုက်ခိုက်တိုင်း ဓားတစ်လက်မှာ အကြီးအကျယ် ပျက်စီးသွားရသည်။ အကြောင်းမှာ ထိုကဲ့သို့သော ပြင်းထန်သည့် ဒဏ်ရာကို တစ်ချက်တည်းနှင့် ပေးနိုင်ရန်အတွက် ဓားကိုယ်တိုင်ကလည်း ကြီးမားသော ဖိအားကို ခံနိုင်ရည်ရှိရသောကြောင့် ဖြစ်သည်။</p> <p>ယခင် ကြိုးပမ်းမှုများမှာ အကြိမ်ပေါင်းများစွာ ကျရှုံးခဲ့သဖြင့် လီဟောင်သည် ၎င်းကို မသတ်နိုင်မှန်း သဘောပေါက်သွားခဲ့သည်။</p> <p>ယခုအခါ သူတော်စင်များ၏ အစီအရင် အကူအညီ မရှိတော့သဖြင့် ၎င်းကို သတ်ရန်မှာ ပို၍ မဖြစ်နိုင်တော့ပေ။</p> <p>သို့သော် ၎င်း ဒဏ်ရာကုသနေစဉ်မှာ လီဟောင်သည် ကျိုးပဲ့နေသော အင်မော်တယ်ဓားများကို ထိန်းချုပ်ကာ သေစေနိုင်သော စွမ်းရည် ထပ်မံ ထွက်ပေါ်လာစေရန် အဆက်မပြတ် ထိုးနှက်နေခဲ့သည်။</p> <p>လီဟောင်၏ ကံမှာ ပြန်ကောင်းလာပုံရသည်။ ရှေးဟောင်းနတ်ဆိုး၏ ခန္ဓာကိုယ် ပြန်လည်စုစည်းမှု တစ်ဝက်ခန့် ရောက်သောအခါ ၎င်းသည် ခန္ဓာကိုယ်ထဲသို့ ကပ်ငြိနေသော သေခြင်းတရား ကို ထပ်မံ ခံစားလိုက်ရသဖြင့် ထိတ်လန့်သွားကာ သူ့ကိုယ်သူ ဖောက်ခွဲ၍ ထပ်မံ ရှောင်ရှားလိုက်ပြန်သည်။</p> <p>လီဟောင်သည် ထိုအခွင့်အရေးကို အသုံးချ၍ နောက်ထပ် တိုက်ခိုက်မှုတစ်ခုကို ပြင်ဆင်လိုက်သည်။</p> <p>ပြင်းထန်သော တိုက်ခိုက်မှုများ အဆက်မပြတ် ပြုလုပ်နေသဖြင့် ရှေးဟောင်းနတ်ဆိုးမှာ သူ့ကိုယ်သူ ဖောက်ခွဲကာ ခုခံနေရသည့် သံသရာထဲသို့ ရောက်သွားပြီး ခဏမျှ ပြန်လည် မတိုက်ခိုက်နိုင်ဘဲ ဖြစ်နေသည်။</p> <p>သို့သော် မိနစ်အနည်းငယ် ကြာပြီးနောက် လီဟောင်၏ ကံကောင်းမှုမှာ ကုန်ဆုံးသွားပြီး ကံဆိုးမှုများ ဝင်ရောက်လာခဲ့သည်။ အကြိမ် ရာနှင့်ချီသော တိုက်ခိုက်မှုများ ပြုလုပ်ခဲ့သော်လည်း တစ်ရာခိုင်နှုန်းသော သေစေနိုင်သည့် စွမ်းရည်မှာ တစ်ကြိမ်မျှ ထွက်ပေါ်မလာခဲ့ပေ။</p> <p>ရှေးဟောင်းနတ်ဆိုး၏ ခန္ဓာကိုယ်မှာ ပြန်လည် စုစည်းသွားခဲ့ပြီ ဖြစ်သည်။ ဤတစ်ကြိမ်တွင်မူ ၎င်းမှာ အရင်ကထက် ပို၍ ဒေါသထွက်နေခဲ့သည်။</p> <p>ကံကောင်းသည်မှာ ထိုစွမ်းအားမှာ ကြောက်မက်ဖွယ်ကောင်းသော်လည်း ၎င်းကို မထိမိသရွေ့ အသက်ရှင်နိုင်သည်ကို ၎င်း သိရှိသွားခဲ့ခြင်း ဖြစ်သည်။</p> <p>ထို့အပြင် အကြိမ်ပေါင်းများစွာ ဖောက်ခွဲဖျက်ဆီးကာ လွှဲပြောင်းခြင်းအားဖြင့် ၎င်းသည် ထိုစွမ်းအားကို ရှောင်ရှားနိုင်သည့် နည်းလမ်းကို ကျွမ်းကျင်သွားခဲ့ပြီး အရင်ကကဲ့သို့ မကြောက်တော့ပေ။</p> <p>၎င်း၏ အသွေးအသားများ ပေါင်းစပ်သွားသည်နှင့်အမျှ ၎င်း၏ ပတ်ဝန်းကျင်တွင် အနက်ရောင် လေဆင်နှာမောင်းတစ်ခု ရုတ်တရက် ပေါ်ထွက်လာပြီး ၎င်းကို လွှမ်းခြုံထားလိုက်သည်။ ထိုလေဆင်နှာမောင်းအတွင်းမှာပင် ကြီးမားသော အင်မော်တယ် စွမ်းအင်များ ထွက်ပေါ်လာပြီးနောက် အနက်ရောင် လျှပ်စီးတန်းများ စတင် ဖြစ်ပေါ်လာခဲ့သည်။</p> <p>လီဟောင်၏ မျက်နှာမှာ ပြောင်းလဲသွားပြီး တိုက်ခိုက်မှုကို အရှိန်မြှင့်လိုက်သည်။</p> <p>သို့သော် ရှေးဟောင်းနတ်ဆိုး၏ ပတ်ဝန်းကျင်ရှိ အင်မော်တယ်နယ်မြေမှာ အရင်ကထက် ပို၍ အားကောင်းလာသဖြင့် ကျိုးပဲ့နေသော အင်မော်တယ်ဓားဖြင့် ထိုးဖောက်ရန် အလွန် ခက်ခဲလာခဲ့သည်။</p> <p>ရှေးဟောင်းနတ်ဆိုး၏ မျက်လုံးများထဲတွင် အနက်ရောင် မီးခိုးများ ထွက်ပေါ်နေသည်ကို လီဟောင် မြင်လိုက်ရသည်။ ၎င်းမှာ အဆုံးစွန်ထိ ဒေါသထွက်နေပုံရသည်။</p> <p>လီဟောင် ရင်ထဲတွင် မကောင်းသော အာရုံတစ်ခု ရုတ်တရက် ရလိုက်သည်။ ပြိုင်ဘက်သည် သူ့ကို အပြတ်သတ်ရန်အတွက် လျှို့ဝှက်နည်းစနစ်တစ်ခုခုကို အသုံးပြုတော့မည် ဖြစ်သည်။</p> <p>“သတ်စမ်း”</p> <p>လီဟောင်သည် ကျိုးပဲ့နေသော အင်မော်တယ်ဓား နှစ်လက်ကို ထိန်းချုပ်နေခြင်းကို စွန့်လွှတ်လိုက်ပြီး သူ၏ လောကဦးနတ်ဝိညာဉ် စွမ်းအင်အားလုံးကို ဓားတစ်လက်တည်းထဲသို့ ထည့်သွင်းကာ ပြိုင်ဘက်၏ အင်မော်တယ်နယ်မြေကို ထပ်မံ ဖောက်ထွက်ပြီး ၎င်းကို အစင်းရာတစ်ခု ထင်ကျန်အောင် တိုက်ခိုက်လိုက်သည်။</p> <p>သို့သော် ဓားတစ်လက်တည်းဖြင့် တိုက်ခိုက်ရသဖြင့် တိုက်ခိုက်မှု အကြိမ်ရေမှာ သိသိသာသာ လျော့နည်းသွားခဲ့သည်။ တစ်ချိန်တည်းတွင် ရှေးဟောင်းနတ်ဆိုး၏ အရှေ့တွင် ဖြစ်ပေါ်နေသော အနက်ရောင် လျှပ်စီးတန်းမှာ ကြောက်မက်ဖွယ်ကောင်းသော စွမ်းအင်လှိုင်းများကို ထုတ်လွှတ်နေသည့်အတွက် လီဟောင်သည် သေခြင်းတရား၏ အငွေ့အသက်ကို ခံစားလိုက်ရသဖြင့် ကြက်သီးမွေးညင်းများပင် ထသွားခဲ့ရသည်။</p> <p>‘ရှောင်လိုက်ရမလား’</p> <p>လီဟောင်သည် ထွက်ပြေးရန် စဉ်းစားလိုက်သော်လည်း သူ၏ လှုပ်ရှားမှု နည်းစနစ်မှာ အဆင့်၉တွင်သာ ရှိသေးသဖြင့် ထွက်ပြေးရန် မဖြစ်နိုင်ပေ။</p> <p>နန်ကုန်းကျန့်သင်ကြားပေးခဲ့သော လှုပ်ရှားမှု နည်းစနစ်မှာ သူတော်စင်အဆင့် တိုက်ခိုက်ရေးစွမ်းရည် ဖြစ်သော်လည်း လီဟောင်မှာမူ ၎င်းကို အခြေခံအဆင့်လောက်သာ နားလည်ထားခြင်း ဖြစ်သည်။</p> <p>“ထွက်လာစမ်း... ထွက်လာစမ်း”</p> <p>လီဟောင်သည် ပြိုင်ဘက်ကို စိုက်ကြည့်နေခဲ့သည်။ သေစေနိုင်သော စွမ်းရည်သာ ထွက်ပေါ်လာပါက ပြိုင်ဘက်၏ တိုက်ခိုက်မှုကို ဟန့်တားနိုင်ပြီး ၎င်းကို ရှောင်တိမ်းရန် ဖိအားပေးနိုင်မည် ဖြစ်သည်။</p> <p>ကျိုးပဲ့နေသော အင်မော်တယ်ဓားမှာ အလျင်အမြန် ခုတ်ပိုင်းနေသော်လည်း ဤတစ်ကြိမ်တွင်မူ ကံကြမ္မာက သူ့ဘက်တွင် မရှိတော့ပုံရသည်။ အကြိမ် ရာနှင့်ချီ၍ ဆက်တိုက် ကြိုးစားခဲ့သော်လည်း ထိုစွမ်းရည်မှာ ထွက်ပေါ်မလာခဲ့ပေ။</p> <p>အစောပိုင်းက ကံကောင်းစဉ်တွင် တိုက်ခိုက်မှု ဆယ်ကြိမ်အတွင်းမှာပင် ထိုစွမ်းရည် ထွက်ပေါ်လာခဲ့ဖူးသည်။</p> <p>“ဘုန်း”</p> <p>မည်သည့် ကြိုတင်သတိပေးချက်မျှ မရှိဘဲ အဆုံးစွန်ထိ သိပ်သည်းနေသော ထိုအနက်ရောင် လျှပ်စီးတန်းမှာ မျက်စိတစ်မှိတ်အတွင်း ရောက်ရှိလာတော့သည်။</p> <p>ထိုအခိုက်အတန့်တွင် ၎င်းမှာ လီဟောင်ထံသို့ ရောက်ရှိလာပြီး သူ၏ ခန္ဓာကိုယ်ကို ထိမှန်သွားခဲ့ရာ လီဟောင်မှာ တုံ့ပြန်ရန်ပင် အချိန်မရလိုက်ပေ။</p> <p>ဟင်းလင်းပြင်ကြီးထဲတွင် လီဟောင်၏ ခန္ဓာကိုယ်မှာ တောင့်ခဲသွားပုံရသည်။</p> <p>ထို့နောက်တွင် ရုတ်တရက် “ဘုန်း” ခနဲ ပေါက်ကွဲသံကြီး ထွက်ပေါ်လာခဲ့သည်။</p> <p>သူ၏ ကြီးမားသော ခန္ဓာကိုယ်မှာ လုံးဝ ပျက်စီးသွားပြီး၊ အနက်ရောင် လျှပ်စီးတန်း၏ ဖျက်ဆီးမှုကြောင့် ဘာမှမကျန်ဘဲ ပျောက်ကွယ်သွားခဲ့ရသည်။</p> <p>အနက်ရောင် လျှပ်စီးတန်းမှာ သွေးဆာနေသော ပါးစပ်ကြီးတစ်ခုကဲ့သို့ လီဟောင်၏ ခန္ဓာကိုယ်ကို လုံးဝ ဝါးမြိုသွားခဲ့ပြီ ဖြစ်သည်။</p> <p>ဤတစ်ကြိမ်တွင် ရှေးဟောင်းနတ်ဆိုးသည် လီဟောင်ကို တိုက်ခိုက်ရန် ရွေးချယ်ခဲ့ပြီး လီဟောင်၏ ရုပ်ခန္ဓာကို ချက်ချင်း ဖျက်ဆီးပစ်လိုက်ခြင်း ဖြစ်သည်။</p> <p>‘ဆဌမကပ်ဘေး ဧကရာဇ်လက်နက်’ နှင့် ညီမျှသော ခန္ဓာကိုယ်မှာ ခုခံနိုင်စွမ်း မရှိခဲ့ပေ။</p> <p>ဟင်းလင်းပြင်ကြီးမှာ တိတ်ဆိတ်သွားခဲ့သည်။</p> <p>ခပ်ပြင်းပြင်း အသက်ရှူနေသော ရှေးဟောင်းနတ်ဆိုး၏ ပုံရိပ်သာ ကျန်ရှိတော့သည်။ ၎င်း၏ နီရဲသော မျက်လုံးများက ပတ်ဝန်းကျင်ကို ဝေ့ကြည့်လိုက်ပြီး၊ ဟင်းလင်းပြင်၏ တစ်နေရာကို စိုက်ကြည့်ကာ မျက်လုံးများ ကျဉ်းမြောင်းသွားခဲ့သည်။</p> <p>“ဝူး”</p> <p>ထိုနေရာတွင် ရွှေရောင် အလင်းတန်းတစ်ခုမှာ မယုံနိုင်လောက်အောင် မြန်ဆန်သော အရှိန်ဖြင့် အဝေးသို့ ပြေးထွက်သွားခဲ့သည်။</p> <p>တစ်ချိန်တည်းတွင် ၎င်းကို အကြိမ်ကြိမ် ထိုးနှက်နေခဲ့သော ကျိုးပဲ့နေသည့် အင်မော်တယ်ဓားမှာလည်း ထိုအလင်းတန်းနောက်သို့ ပိုမိုမြန်ဆန်သော အရှိန်ဖြင့် လိုက်ပါသွားပြီး မျက်စိရှေ့မှ ပျောက်ကွယ်သွားတော့သည်။</p> <p>“ဝေါင်း”</p> <p>ရှေးဟောင်နတ်ဆိုးမှာ ဒေါသတကြီး ဟောက်လိုက်သည်။ လီဟောင်၏ ရုပ်ခန္ဓာ ပျက်စီးသွားသော်လည်း သူ၏ လောကဦးနတ်ဝိညာဉ်မှာ ထွက်ပြေး လွတ်မြောက်သွားသောကြောင့် ဖြစ်သည်။</p> <p>“ပြေး... ပြေးမှဖြစ်မယ်”</p> <p>ဟင်းလင်းပြင်ကြီးထဲတွင် လီဟောင်၏ လောကဦးနတ်ဝိညာဉ်မှာ အရှိန်အကုန်မြှင့်၍ ထွက်ပြေးနေခဲ့သည်။ သူ၏ ရင်ထဲတွင် ထိတ်လန့်တုန်လှုပ်မှုများ ရှိနေဆဲ ဖြစ်သည်။</p> <p>တိုက်ခိုက်မှု ထိမှန်မည့် အခိုက်အတန့်တွင် သူ၏ ခန္ဓာကိုယ်မှာ အချိန်မီ မတုံ့ပြန်နိုင်ခဲ့သော်လည်း သူ၏ လောကဦးနတ်ဝိညာဉ်မှာမူ ခန္ဓာကိုယ်မှ ချက်ချင်း ခွဲထွက်ကာ ထိုတိုက်ခိုက်မှုကို ရှောင်တိမ်းနိုင်ခဲ့ခြင်း ဖြစ်သည်။</p> <p>သို့သော် သူ၏ ခန္ဓာကိုယ်မှာမူ လုံးဝပျက်စီးသွားခဲ့ပြီး သွေးတစ်စက်ပင် မကျန်အောင် ပျောက်ကွယ်သွားခဲ့ရသည်။</p> <p>ဤကဲ့သို့ ကြောက်မက်ဖွယ်ကောင်းသော နည်းစနစ်မျိုးကြောင့် လီဟောင်၏ ရင်ထဲတွင် တုန်လှုပ်နေမိသည်။ ဒါဟာ စစ်မှန်သော အင်မော်တယ်တစ်ဦးရဲ့ စွမ်းအားလား။ လျှို့ဝှက်နည်းစနစ်များကို အသုံးပြုလျှင်တောင်မှ သူတော်စင်အဆင့်မှာ ဘယ်လိုမှ ခုခံနိုင်စွမ်း မရှိတော့ပေ။</p> <p>“ပိုမြန်မြန်... ပိုမြန်မြန် သွားမှဖြစ်မယ်”</p> <p> </p> <p> </p> <p> </p> <p> </p> <p style="text-align: center;">***</p>


Save