Book List

<h2 style="text-align: center;">အခန်း ၉၂၁</h2> <h2 style="text-align: center;">မခုတ်ဖြတ်နိုင်ခြင်း၊ ဝိညာဉ်ပုံဆောင်ခဲနှင့် လက်နက်အေးတွေက အဆင့်ပေါ်မူတည်တယ်</h2> <h2 style="text-align: center;">*</h2> <p> </p> <p>ကလန်....</p> <p>ပိုင်ချီ၏ ဓားကြီးသည် အရိုးစုများကို ရိုက်ခတ်မိသွားခဲ့ရာ သတ္တုအချင်းချင်း ထိမှန်သကဲ့သို့ အသံများ ထွက်ပေါ်လာခဲ့သည်။</p> <p>“မာလှချည်လား။”</p> <p>ပိုင်ချီ အံ့အားသင့်သွားပြီး နောက်သို့ ချက်ချင်း ခုန်ဆုတ်လိုက်၏။</p> <p>သူ မြေပြင်ပေါ် မနင်းမိခင်မှာပင် ရှောင်းယီ၏ အော်ဟစ်သတိပေးသံကို ကြားလိုက်ရပြန်သည်။</p> <p>“မင်းနောက်ကိုကြည့်...မင်းခြေထောက်အောက်မှာ။”</p> <p>ပိုင်ချီသည် ခေါင်းကို နောက်သို့လှည့်မကြည့်ဘဲ လက်ထဲရှိ ဓားကြီးကို နောက်သို့ ဝှေ့ယမ်းလိုက်၏။</p> <p>ကလန်...</p> <p>ဓားကြီးထံမှ ခံစားလိုက်ရသော တန်ပြန်မှုကို အသုံးချကာ ပိုင်ချီ ဘေးသို့ လိမ့်ထွက်လိုက်သည်။ သို့သော် သူလိမ့်ဝင်သွားသော နေရာ၌ပင် ဖြူဖွေးသော အရိုးလက်များစွာသည် မြေပြင်ထဲမှ ထိုးထွက်လာခဲ့သည်။</p> <p>အခြားနည်းလမ်းမရှိတော့သဖြင့် ပိုင်ချီသည် သူ၏ခါးကြားမှ ခြောက်လုံးပြူးသေနတ်ကို ဆွဲထုတ်လိုက်ရတော့လေသည်။</p> <p>ဒိုင်း ဒိုင်း ဒိုင်း</p> <p>သူ့အနားသို့ ချဉ်းကပ်လာသော အရိုးစုသုံးခု၏ ဦးခေါင်းများကို ပစ်ခတ်ခြေမှုန်းလိုက်၏။ သို့သော် အံ့သြစရာကောင်းသည်မှာ ပတ်ဝန်းကျင်ရှိ အရိုးစုများသည် ပို၍ပင် မြန်မြန်ဆန်ဆန် ထွက်ပေါ်လာခြင်းပင်။</p> <p>ပိုင်ချီနှင့် အခြားသူများသည် လုံးဝ ဝိုင်းရံပိတ်ဆို့ခြင်း ခံလိုက်ရပြီဖြစ်သည်။</p> <p>“အများကြီးပါလား...။”</p> <p>ပိုင်ချီ အံ့ဩမှင်တက်သွားခဲ့၏။ သူ့တွင် ကျည်ဆန်များစွာ ရှိနေလျှင်ပင် အဆုံးမရှိသော ဤအရိုးစုများကို ကုန်အောင်သတ်ပစ်နိုင်မည် မဟုတ်ပေ။ သူသာ မောဟိုက်ပြီး သေဆုံးသွားနိုင်ပေသည်။</p> <p>ထိုအချိန်တွင် ကမ်းခြေ၌ ထိုမြင်ကွင်းကို ကြည့်နေသော ကျန်းယွင်ထျန်းက ချက်ချင်း အမိန့်ပေးလိုက်သည်။</p> <p>“ပစ်...။”</p> <p>ကမ်းခြေရှိ တပ်ဖွဲ့ဝင်များသည် ပိုင်ချီနှင့် အခြားသူများကို ဝိုင်းကူကာ မဟာမိတ်ကျွန်းသို့ ချဉ်းကပ်လာသော အရိုးစုအားလုံးကို ရှင်းလင်းပေးလိုက်ကြလေသည်။</p> <p>ပိုင်ချီတို့အဖွဲ့သည် တိုက်ခိုက်ရင်း ဆုတ်ခွာလာခဲ့ကြသော်လည်း သူတို့အနောက်မှ အရိုးစုများက ဆက်တိုက် ထွက်ပေါ်လာနေဆဲပင်။ အကယ်၍ ယီရန်ပင်း မဟာမိတ်အဖွဲ့၏ ပစ်ခတ်အားသာ မလုံလောက်ပါက သူတို့ ထိုကျွန်းထဲ၌ ပိတ်မိသွားမည်မှာ အသေအချာပင်။</p> <p>ပိုင်ချီတို့အဖွဲ့ မသေမျိုးကျွန်းမှ ဆုတ်ခွာလာသည်နှင့် မြေပြင်မှ အရိုးစုများ ထပ်ထွက်မလာတော့ပေ။ ထွက်လာပြီးသား အရိုးစုများသည်လည်း မဟာမိတ်အဖွဲ့၏ အနောက်ဘက်ကျွန်းဆီသို့သာ ဦးတည်သွားကြတော့သည်။</p> <p>ကျန်းယွင်ထျန်းတို့အဖွဲ့က နောက်ထပ်တစ်ကြိမ် ပစ်ခတ်နှိမ်နင်းလိုက်ရာ ထွက်ပေါ်လာသမျှ အရိုးစုအားလုံး အသတ်ခံလိုက်ရပြီး တစ်ဖက်ကျွန်းသည်လည်း ပြန်လည် တိတ်ဆိတ်သွားခဲ့ပြန်သည်။</p> <p>“ကျွန်းပိုင်ရှင် အရိုးစုတွေရဲ့ အရိုးတွေက အရမ်းမာလွန်းတယ်။ လုံးဝ ခုတ်ဖြတ်လို့မရဘူး။”</p> <p>ပိုင်ချီသည် ခြစ်ရာများ ထင်ကျန်နေသော သူ၏ဓားကြီးကို ထုတ်ပြလိုက်၏။ ရှောင်းယီက ခေါင်းညိတ်ကာ အနည်းငယ် စဉ်းစားပြီးနောက် ပြောလိုက်သည်။</p> <p>“အစ်ကိုကျန်း အဆင့်အမျိုးမျိုးရှိတဲ့ လက်နက်အေးတွေကို သွားရှာပြီး စမ်းသပ်ဖို့ ယူလာခဲ့ပါ။”</p> <p>“ဟုတ်ကဲ့။”</p> <p>ထို့နောက် ရှောင်းယီသည် ရွှမ်းယွမ်ဓားကို ဆွဲထုတ်ကာ ကျွန်းဆီသို့ လျှောက်သွားလိုက်၏။ သူ ကျွန်းပေါ် ခြေချလိုက်သည်နှင့် အရိုးစုများ ချက်ချင်း ထွက်ပေါ်လာခဲ့ပြန်သည်။</p> <p>ရှောင်းယီ သူ၏ဓားကို ဝှေ့ယမ်းလိုက်ရာ အရိုးစုတစ်ခု၏ ဦးခေါင်းကို အလွယ်တကူ နှစ်ခြမ်းခွဲလိုက်နိုင်၏။ ထိုစဉ် ဖြတ်ခနဲ လင်းလက်သွားသော အလင်းရောင်တစ်ခုက ရှောင်းယီ၏ အာရုံကို ဖမ်းစားသွားခဲ့သည်။</p> <p>ရှောင်းယီသည် ပတ်ဝန်းကျင်ရှိ အရိုးစုများကို ရှင်းလင်းလိုက်ပြီးနောက် မြေပြင်ပေါ်မှ ကျိုးကြေသွားသော ဦးခေါင်းခွံတစ်ခုကို ကောက်ယူကာ မဟာမိတ် အနောက်ဘက်ကျွန်းဆီသို့ အလျင်အမြန်ပြန်လာခဲ့လိုက်သည်။ အရိုးစုများသည် ရှောင်းယီကို အမီမလိုက်နိုင်ခဲ့ကြဘဲ ကျွန်းပေါ်သို့ ချောမွေ့စွာ ပြန်လည်ရောက်ရှိလာခဲ့သည်။</p> <p>“သူတို့ကို ရှင်းပစ်လိုက်တော့။”</p> <p>ရှောင်းယီက ညွှန်ကြားလိုက်သည်။</p> <p>သေနတ်သံများအပြီးတွင် အရိုးစုအားလုံး အသတ်ခံလိုက်ရ၏။ ထို့နောက် ကျန်းယွင်ထျန်းက ရှောင်းယီလက်ထဲမှ ဦးခေါင်းခွံကို ကြည့်ကာ မေးလိုက်သည်။</p> <p>“ဒါကို ဘာလို့ယူလာတာလဲ။ နောက်ထပ် စမ်းသပ်ဖို့လား။”</p> <p>“စမ်းသပ်ဖို့တင် မဟုတ်ဘူး။ ဒီဟာကြောင့်လည်း ပါတယ်။”</p> <p>ရှောင်းယီသည် ဦးခေါင်းခွံအတွင်းရှိ တလက်လက်တောက်ပနေသော ပုံဆောင်ခဲတစ်ခုကို ညွှန်ပြလိုက်၏။</p> <p>ကျန်းယွင်ထျန်း သေချာကြည့်လိုက်ရာ အမှန်တကယ်ပင် နက်မှောင်သော စိမ်းပြာရောင် ပုံဆောင်ခဲတစ်ခု ရှိနေခဲ့လေသည်။</p> <p>“ဒါက ဘာလဲ။”</p> <p>ကျန်းယွင်ထျန်း စပ်စုလိုက်မိ၏။</p> <p>ရှောင်းယီ ခေါင်းမခါမီမှာပင် စနစ်ဆီမှ အသိပေးချက် ထွက်ပေါ်လာခဲ့လေသည်။</p> <p>“ရရှိသော အရင်းအမြစ် - ဝိညာဉ်ပုံဆောင်ခဲ ( S အဆင့်) ၁။”</p> <p>“နှစ်ဆရိတ်သိမ်းမှုကို အသက်သွင်းလိုက်ပါပြီ။ ရရှိသော အရင်းအမြစ်- ဝိညာဉ်ပုံဆောင်ခဲ (S အဆင့်) ၂။”</p> <p>“ဝိညာဉ်ပုံဆောင်ခဲ (S အဆင့်): နက်မှောင်သော စိမ်းပြာရောင်ဖြစ်ပြီး မသေမျိုးတို့၏ စွမ်းအင်များ ပါဝင်သည်။ အသက်ရှင်ကျန်ရစ်သူများ စုပ်ယူနိုင်သော်လည်း နောက်ဆက်တွဲ ဆိုးကျိုးများ ရှိလိမ့်မည်။ သတိထား၍ အသုံးပြုပါ။”</p> <p>“ဒါကို ဝိညာဉ်ပုံဆောင်ခဲလို့ ခေါ်တယ်။ မသေမျိုးတိုင်းမှာ ရှိ၊ မရှိတော့ ငါ မသိဘူး။ ဒီထဲမှာ ငါတို့ စုပ်ယူနိုင်တဲ့ စွမ်းအင်တွေ ပါပေမဲ့ စုပ်ယူပြီးရင်တော့ ဆိုးကျိုးတွေ ရှိလိမ့်မယ်။”</p> <p>ရှောင်းယီက ရှင်းပြလိုက်၏။ တစ်ချိန်တည်းမှာပင် သူ ပဟေဠိလည်း ဖြစ်နေခဲ့မိသည်။</p> <p>“စုပ်ယူမိရင် ဆိုးကျိုးရှိတယ်ဆိုမှတော့ ဒါတွေက ဘာလို့ ထွက်လာတာလဲ။ ကမ္ဘာ့စည်းမျဉ်းတွေက လုံးဝ အသုံးမဝင်တဲ့အရာကိုတော့ စီစဉ်ထားမှာ မဟုတ်ဘူး မဟုတ်လား။”</p> <p>“ဒီလိုဟာမျိုးလည် ရှိသေးတယ်လား။ ကိစ္စတွေက ပိုပိုပြီး ထူးဆန်းလာနေပြီ။ ကျွန်းပိုင်ရှင် ငါတို့ လက်နက်တွေ အကုန်ပြင်ထားပြီးပြီ။ စမ်းသပ်မှု စတော့မလား။”</p> <p>ကျန်းယွင်ထျန်း မေးလိုက်သည်။</p> <p>“အင်း စမ်းကြည့်ကြရအောင်။”</p> <p>ရှောင်းယီ ခေါင်းငြိမ့်ပြလိုက်၏။</p> <p>ထို့နောက် ကျန်းယွင်ထျန်းသည် လက်နက်များကို ယူဆောင်ကာ ကျွန်းထဲသို့ ဝင်သွားခဲ့ကြသည်။ အရိုးစုများ ထွက်ပေါ်လာသောအခါ ကျန်းယွင်ထျန်းသည် ဦးစွာ C အဆင့်ဓားကောက်ဖြင့် ခုတ်ကြည့်လိုက်သော်လည်း ၎င်းတို့ကို လုံးဝ မထိခိုက်စေခဲ့ပေ။</p> <p>သူ့အနား ကပ်လာသော အရိုးစုကို သေနတ်ဖြင့် ပစ်သတ်လိုက်ပြီးနောက် B အဆင့် ဓားတစ်လက်ကို ဆွဲထုတ်ကာ နောက်ထပ် အရိုးစုတစ်ခုကို ခုတ်ဖြတ်လိုက်ပြန်သည်။ အကာအကွယ်ကို မထိုးဖောက်နိုင်သေးပေ။</p> <p>ထို့နောက် A အဆင့်လှံဖြင့် အရိုးစု၏ မျက်လုံးတွင်းသို့ တိုက်ရိုက် ထိုးသွင်းလိုက်ရာ ဦးခေါင်းခွံအနောက်အထိ ဝင်ရောက်သွားခဲ့တော့လေသည်။</p> <p>ခရက်...</p> <p>အရိုးအက်သံ အနည်းငယ် ထွက်ပေါ်လာခဲ့ရာ A အဆင့်လက်နက်များသည် အရိုးစုများကို အနည်းငယ် ထိခိုက်စေနိုင်သော်လည်း ထိရောက်မှု သိပ်မရှိသေးကြောင်း ပြသနေခဲ့သည်။</p> <p>နောက်ဆုံးတွင် သူသည် S အဆင့်လေးနှင့် မြားကို ထုတ်ယူလိုက်တော့သည်။ ထို့နောက် သူသည် မြားတစ်ချက်တည်းဖြင့်ပင် အရိုးစု၏ ဦးခေါင်းကို အပိုင်းပိုင်းပြတ်သွားအောင် ပစ်ခတ်နိုင်ခဲ့သည်။</p> <p>ထိုစမ်းသပ်မှုကို ကြည့်ရှုပြီးနောက် ရှောင်းယီက ပြောလိုက်သည်။</p> <p>“ဒီအရိုးစုတွေကို လက်နက်အေးတွေနဲ့ တိုက်ခိုက်တဲ့အခါ အဆင့်ပေါ်မှာ မူတည်နေပုံရတယ်။ တစ်ဆင့်နိမ့်ရင် ဒဏ်ရာရစေနိုင်ပြီး အဆင့်တူ ဒါမှမဟုတ် ပိုမြင့်ရင်တော့ အလွယ်တကူ ထိခိုက်စေနိုင်တယ်။”</p> <p>ကျန်းယွင်ထျန်းကလည်း သဘောတူဟန်ဖြင့် ခေါင်းငြိမ့်လိုက်သည်။</p> <p>“စောစောက ငါ တိုက်ခိုက်နေရင်း သေချာကြည့်ခဲ့တယ်။ အရိုးစုတိုင်းမှာ ကျွန်းပိုင်ရှင်လက်ထဲကလို ဝိညာဉ်ပုံဆောင်ခဲတွေ မရှိဘူး။”</p> <p>“ဟုတ်တယ်။ ဒါကို အရင်ဆုံး ဓာတ်ခွဲခန်းကို ပို့ထားလိုက်မယ်။ စက်ရုပ်တွေကို ဒါကို လေ့လာခိုင်းရမယ်။”</p> <p>“ကောင်းပါပြီ။”</p> <p>ထို့နောက် ရှောင်းယီသည် မြို့ပြန်ကျောက်ကို အသုံးပြုကာ ဗီလာသို့ ပြန်သွားခဲ့ပြီး ဦးခေါင်းခွံအစိတ်အပိုင်းကို ဓာတ်ခွဲခန်းသို့ ပို့ပေးလိုက်လေသည်။</p> <p>အားလုံးပြီးနောက် သူသည် ကျွန်းအထိမ်းအမှတ်ကျောက်တိုင်ရှေ့တွင် ပြန်ထိုင်ကာ လက်နက်များ ရောင်းချရင်း ယီထျန်းဂရုထဲ၌ လူအများ ဘာတွေ ဆွေးနွေးနေသလဲဆိုသည်ကို ဆက်ကြည့်လိုက်လေသည်။</p> <p>“ငါတို့ဆီမှာလည်း ဖုတ်ကောင်တွေနဲ့ တွေ့နေရပြီ။ အဲ့ဟာတွေက အရမ်းကြမ်းလွန်းတယ်။ ငါတို့ရဲ့ ရှေးဟောင်း သေနတ်တွေနဲ့ဆို အချက်ပေါင်းများစွာ ပစ်မှ သေတာ။ ဒါပေမဲ့ သူဌေးရဲ့ ပင်ဖိုင်းယားရိုင်ဖယ်နဲ့ဆိုရင်တော့ တစ်ချက်တည်းပဲ။”</p> <p>“ဟုတ်တယ်။ တော်သေးတာပေါ့ သူဌေးက ပင်ဖိုင်းယားရိုင်ဖယ်တွေ ရောင်းပေးထားလို့။ မဟုတ်ရင် ငါတို့ ထိန်းထားနိုင်မှာ မဟုတ်ဘူး။”</p> <p>“မတတ်နိုင်ဘူးလေ။ သူဌေးရဲ့ လက်နက်တွေက အဆင့်မြင့်လွန်းတော့ တိုက်ခိုက်ရေးစွမ်းအားကလည်း အလိုလို မြင့်နေတာပေါ့။ ငါတို့ရဲ့ သာမန်သေနတ်တွေက သူဌေးရဲ့ လက်နက်တွေကို မယှဉ်နိုင်ဘူး။”</p> <p>“မင်းတို့က ဒီမှာ စကားပြောဖို့ အားနေသေးတာလား။ ပင်ဖိုင်းယားရိုင်ဖယ်တွေ မြန်မြန်ဝယ်ကြလေ။ ဒါမှမဟုတ်လည်း ဖုတ်ကောင်သွားသတ်ကြပါလား။”</p> <p>“အဆင်ပြေပါတယ်။ ငါတို့မှာ ကာကွယ်ရေးအဖွဲ့ရှိတယ်။ ပြဿနာမရှိနိုင်ပါဘူး။”</p> <p>“ဟားဟားဟား...ကြည့်ကြစမ်း ငါဘာရလာသလဲဆိုတာ။ [ဝိညာဉ်ပုံဆောင်ခဲ] (B အဆင့်) ၁”</p> <p>“ချီး ဒါက ဘာကြီးလဲ။ တော်တော်အဆင့်မြင့်မယ့်ပုံပဲ။”</p> <p>“ဒါကို ဖုတ်ကောင်ရဲ့ ဦးနှောက်ထဲမှာ တွေ့ခဲ့တာ။ ငါ အရင်က ဖုတ်ကောင် ဝတ္ထုတွေ၊ ရုပ်ရှင်တွေ ကြည့်ဖူးတော့ သူတို့မှာ ပုံဆောင်ခဲတွေ ရှိတတ်တာ သတိရသွားတယ်လေ။ အဲ့ဒါနဲ့ လူတွေကို ရှာခိုင်းလိုက်တာ။ တကယ်တွေ့လာတာပဲ။ ဟားဟားဟား...ငါက တကယ့်ဂျင်းနီးယပ်ပဲ။”</p> <p>“ကျွန်းအထိမ်းအမှတ်ကျောက်တိုင်ပေါ်မှာတော့ ရှင်းပြချက်တွေ သိပ်မရှိဘူး။ စွမ်းအင်ပါတဲ့ ပုံဆောင်ခဲတစ်မျိုးလို့ပဲ ပြောထားတယ်။ ကျွန်းအထိမ်းအမှတ်ကျောက်တိုင်က လက်လွတ်စပယ် လုပ်နေသလားပဲ။”</p> <p>အခြားသူများလည်း ဝိညာဉ်ပုံဆောင်ခဲများကို တွေ့ရှိနေသည်ကို မြင်လိုက်ရသောအခါ ရှောင်းယီက ဂရုထဲတွင် အလျင်အမြန်သတိပေးလိုက်သည်။</p> <p>“အဲ့ဒါက စွမ်းအင်ရှိတယ်ဆိုပေမဲ့ မစုပ်ယူကြနဲ့ဦး။ ဒါက မသေမျိုးတွေရဲ့ ဝိညာဉ်ပုံဆောင်ခဲ ဖြစ်တဲ့အတွက် ငါတို့ စုပ်ယူလိုက်ရင် နောက်ဆက်တွဲ ဆိုးကျိုးတွေ ရှိလာနိုင်တယ်။”</p> <p>“အာ... သူဌေးက စျေးရောင်းရင်း ကျောက်တိုင်က စကားဝိုင်းကိုပါ ဖတ်နေတာပဲ။ မိုက်လိုက်တာ။”</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save