Book List

<h2 style="text-align: center;">အခန်း ၉၂၅</h2> <h2 style="text-align: center;">အားလုံးတွင် ခဲယမ်းမီးကျောက် ပြတ်လပ်နေခြင်းနှင့် လက်နက်အေးများ၏ ဒုတိယနွေဦး</h2> <h2 style="text-align: center;">*</h2> <p> </p> <p>“နေထွက်လာလို့လား။”</p> <p>ရှောင်းယီက ခန့်မှန်းကြည့်လိုက်သည်။</p> <p>ထိုမသေမျိုးသတ္တဝါများသည် ယန်လောကနှင့် မသက်ဆိုင်သင့်ပေ။ အထူးသဖြင့် အဆုံးစွန်သော အလင်းနှင့် ယန်စွမ်းအင်ရှိသည့် နေမင်းနှင့် ရင်ဆိုင်ရပါက သွေးစုပ်ဖုတ်ကောင်များကဲ့သို့ပင် သူတို့ သက်တောင့်သက်သာ ရှိမည်မဟုတ်ပေ။</p> <p>မသေမျိုးတို့၏ တိုက်ခိုက်မှု ရပ်တန့်သွားသော်လည်း အသက်ရှင်ကျန်ရစ်သူများ အားလုံးမှာ သတိကို လုံးဝ မလျှော့ရဲကြပေ။ သူတို့သည် မသေမျိုးများကို အကုန်သတ်ဖြတ်နိုင်ခဲ့ခြင်း မဟုတ်ဘဲ ထိုသတ္တဝါများသည် အချိန်မရွေး ပြန်လည်ပေါ်ပေါက်လာနိုင်ကြောင်း ထင်ရှားနေပေသည်။</p> <p>ယီထျန်းဂရုထဲတွင် လူတိုင်းသည် ရှောင်းယီအား လက်နက်ခဲယမ်းများ ပိုမိုရောင်းချပေးရန် အဆက်မပြတ် တောင်းဆိုနေကြဆဲပင်။</p> <p>“သူဌေးရေ... အမြန်ထွက်လာပြီး တစ်ခုခုပြောပါဦး။ ကျုပ်တို့ အားလုံး သူဌေးရဲ့ ကျည်ဆန်တွေကို စောင့်နေကြပါတယ်။”</p> <p>“ဟုတ်တယ် သူဌေး။ နောက်ဆုံးမှာ ကျုပ်တို့ ဒူးလေးတွေ၊ လေးနဲ့မြားတွေတောင် သုံးလိုက်ရတယ်။ ဒါပေမဲ့ ဒူးလေးတွေက သူတို့ရဲ့ အကာအကွယ်ကို လုံးဝ မထိုးဖောက်နိုင်ဘူး။”</p> <p>“ဟူး... ဒီမသေမျိုးတွေရဲ့ အခွံက အရမ်းမာတယ်။ အပူစွမ်းအင်သုံး လက်နက်တွေ မပါဘဲ သူတို့ကို ကိုင်တွယ်ဖို့ဆိုတာ ခက်ခဲလွန်းတယ်။”</p> <p>ထိုစကားများကို မြင်သောအခါ ရှောင်းယီက ဂရုထဲတွင် ချက်ချင်း အကြောင်းပြန်လိုက်သည်။</p> <p>“ကျုပ်တို့ မဟာမိတ်အဖွဲ့လည်း အရမ်းပြင်းထန်တဲ့ တိုက်ခိုက်မှုကို ကြုံခဲ့ရတာမို့လို့ အခုလောလောဆယ် ကျည်ဆန်တွေ ပြတ်လပ်နေပါတယ်။ အဲ့ဒါကြောင့် အပြင်ကို ရောင်းချပေးဖို့ မဖြစ်နိုင်သေးတာကို နားလည်ပေးကြပါ။”</p> <p>အခြားသူများသည် ရှောင်းယီ၏ အကြောင်းပြန်စာကို မြင်သောအခါ တစ်ယောက်ပြီးတစ်ယောက် အော်ဟစ်ညည်းညူကြတော့သည်။</p> <p>“သူဌေး... အဲ့လိုမလုပ်ပါနဲ့။ ကျုပ်တို့ကို စွန့်ပစ်တော့မလို့လား။”</p> <p>“သူဌေးရဲ့ လက်နက်တွေ မပါဘဲ နောက်ထပ်လာမယ့် မသေမျိုးလှိုင်းကို ကျွန်တော်တို့ ဘယ်လို ခုခံနိုင်မှာလဲ။”</p> <p>“သွားပြီ... ငါတို့တော့ ကျွန်းခွဲတွေကို စွန့်လွှတ်ဖို့ ပြင်ထားရတော့မယ်။”</p> <p>“မင်းတို့ကလည်း ဘယ်လောက်တောင် အသုံးမကျလိုက်လဲ။ ကျည်ဆန်မရှိတာနဲ့ပဲ တိုက်ပွဲမဝင်တတ်တော့ဘူးလား။ ငါတို့ ဒီနေရာကို ဘယ်လိုရောက်လာလဲဆိုတာ ပြန်စဉ်းစားကြည့်ကြဦး။ အစတုန်းကဆို အပူစွမ်းအင်သုံး လက်နက်တွေ မပြောနဲ့၊ လေးနဲ့မြားတောင် မရှိဘူး။ အဲဒီတုန်းက လှံတွေနဲ့ပဲ ပင်လယ်သတ္တဝါတွေကို တိုက်ခဲ့ကြတာ မဟုတ်ဘူးလား။”</p> <p>“အတိအကျပဲ။ အခု လက်နက်တွေ အများကြီး ရှိနေပါလျက်နဲ့ ကျည်ဆန်မလောက်တာလေးနဲ့တင် လက်လျှော့ချင်နေကြတယ်။ မင်းတို့ ကျွန်းခွဲတွေ ဆုံးရှုံးရတာ ထိုက်တန်တယ်ကွ။”</p> <p>“လူတွေလည်း ဒီလောက်များ၊ လက်နက်တွေလည်း ဒီလောက်ရှိနေတာကို မီတာ ၁၀၀ တောင်မရှိတဲ့ ကာကွယ်ရေးစည်းကို မထိန်းနိုင်ဘူးဆိုတာ ငါတော့ မယုံနိုင်ဘူး။”</p> <p>ရှောင်းယီသည် လူတိုင်း၏ ဆွေးနွေးမှုကို ကြည့်ရှုကာ ထပ်မံ ပြောကြားလိုက်သည်။</p> <p>“ကျုပ်တို့ မဟာမိတ်အဖွဲ့က အရင်က စမ်းသပ်မှုတွေ လုပ်ခဲ့တယ်။ ဒီမသေမျိုးတွေကို ထိခိုက်စေဖို့ ဒါမှမဟုတ် သူတို့ရဲ့ အကာအကွယ်ကို ထိုးဖောက်ဖို့ဆိုရင် သူတို့ရဲ့ အဆင့်ထက် အနည်းဆုံး တစ်ဆင့်နိမ့်တဲ့ လက်နက်အေးတွေကို သုံးရမယ်။ ဥပမာ ခင်ဗျားတို့ဘက်မှာရှိနေတဲ့ မသေမျိုးက A အဆင့်ဆိုရင် သူတို့ကို ထိခိုက်ဖို့ အနည်းဆုံး B အဆင့်လက်နက်အေးကို သုံးရမယ်။ အပူစွမ်းအင်သုံး လက်နက်တွေကတော့ အမြဲတမ်းလိုလို ထိခိုက်စေနိုင်ပါတယ်။”</p> <p>“ကောင်းလိုက်တာ။ ကျေးဇူးတင်ပါတယ် သူဌေး။ ကျုပ်တို့ အခုချက်ချင်း အဆင့်မြင့် လက်နက်အေးတွေ သွားစုဆောင်းလိုက်မယ်။”</p> <p>“ကြည့်စမ်း... သူဌေးက ကျည်ဆန်တွေ အများကြီး ရှိနေတုန်းကတည်းက ရန်သူကို လက်နက်အေးနဲ့ ဘယ်လိုသတ်ရမလဲဆိုတာ စမ်းသပ်ဖို့ စဉ်းစားထားခဲ့တယ်။ အဲ့ဒါကြောင့်လည်း သူဌေးက ဒီလောက်အထိ တိုးတက်နေတာပေါ့။ ပွင့်ပွင့်လင်းလင်း ပြောရရင် မင်းတို့ကို Cheat တွေ ပေးရင်တောင် သေချာ သုံးတတ်ပါ့မလားပဲ။”</p> <p>“အမှန်ပဲ။ ငါတို့က သူဌေးရဲ့ Cheat တွေအပေါ် အရမ်းအားကိုးနေမိပြီ။ ဒီနေ့ကစပြီး ငါလည်း ကိုယ့်ခြေထောက်ပေါ်ကိုယ် ရပ်တည်ရမယ်။”</p> <p>“စကားပြောမနေကြနဲ့တော့။ ငါတော့ ရှက်လွန်းလို့ မျက်နှာတောင် ဘယ်နားထားရမလဲ မသိတော့ဘူး။ ငါသာ Cheat တွေ ရထားရင် အခုထိ ကျည်ဆန်လုပ်ဖို့နဲ့ပဲ အလုပ်ရှုပ်နေဦးမှာ။ လက်နက်အေးတွေနဲ့ စမ်းသပ်ဖို့ကို လုံးဝ စဉ်းစားမိမှာ မဟုတ်ဘူး။”</p> <p>“အေးလေ ဘယ်သူက စဉ်းစားမိမှာလဲ။ အပူစွမ်းအင်သုံး လက်နက်တွေ ရှိနေမှတော့ ဘယ်သူက လက်နက်အေး သုံးချင်တော့မှာလဲ။”</p> <p>“ဒါပေမဲ့ အဲ့ဒီလက်နက်တွေက ကန့်သတ်ချက် ရှိတယ်။ ကျည်ဆန်သာ ကုန်သွားရင် ငါတို့လက်ထဲက လက်နက်တွေက တုတ်တစ်ချောင်းထက်မပိုတော့ဘူး။”</p> <p>“ကဲ စကားစ ဖြတ်ကြရအောင်။ ဘယ်သူ့ဆီမှာ A အဆင့် ဒါမှမဟုတ် အဲဒီထက်မြင့်တဲ့ လက်နက်အေးတွေ ရှိလဲ။ ငါ အများကြီး ဝယ်ချင်တယ်။”</p> <p>“ငါလည်း ဝယ်မယ်၊ ငါလည်း ဝယ်မယ်...။”</p> <p>ရှောင်းယီ ကျောက်တိုင်၏ ထုတ်လုပ်မှုစာမျက်နှာကို စစ်ဆေးကြည့်လိုက်ရာ သူ့တွင် အဆင့်မြင့် လက်နက်အေးအချို့ ရှိနေသည်ကို တွေ့လိုက်ရသည်။ ဥပမာ လက်မှတ်ထိုးဝင်ရာမှ ရရှိထားသော A အဆင့် သုံးချက်ပစ်လောက်လွှဲစင် ပုံစံခွက်နှင့် ရတနာမြေပုံမှ ရထားသော S အဆင့် ဒူးလေးကြီး၊ S အဆင့် လက်ကိုင်ဒူးလေး ပုံစံခွက်များ ဖြစ်သည်။</p> <p>ဂရုထဲ၌ လူတိုင်း ထိုအရာများကို အရေးတကြီး လိုအပ်နေသည်ကို မြင်သောအခါ ရှောင်းယီက ထပ်မံပြောကြားလိုက်သည်။</p> <p>“ကျုပ် A အဆင့် သုံးချက်ပစ် လောက်လွှဲစင်တွေ ထုတ်လုပ်ပေးလို့ရတယ်။ ခင်ဗျားတို့ဆီမှာလည်း အဲ့ဒါတွေ ရှိသင့်တယ်။ လိုအပ်ရင် ကျုပ်ဆီက ထပ်ဝယ်လို့ရသလို S အဆင့် ဒူးလေးကြီးတွေနဲ့ လက်ကိုင်ဒူးလေးတွေကိုလည်း ဝယ်လို့ရတယ်။ ဈေးနှုန်းတွေကတော့ လောက်လွှဲစင် တစ်ခုကို အုတ်မြစ်ကျောက် ၃၀၊ ဒူးလေးကြီး တစ်ခုကို ၅၀ နဲ့ လက်ကိုင်ဒူးလေး တစ်ခုကို ၁၀ ပါ။”</p> <p>“သူဌေးကတော့ သူဌေးပါပဲ။ ပစ္စည်းကောင်းတွေ အများကြီး ရှိနေတယ်။”</p> <p>“သူဌေးသာ မပြောရင် ငါ့ကျွန်းပေါ်မှာ လောက်လွှဲစင်တွေ ရှိနေတာတောင် မေ့နေတော့မလို့။”</p> <p>“ဟုတ်တယ်။ အမြောက်တွေ ရလာကတည်းက လောက်လွှဲစင်တွေက ပစ်ထားလွန်းလို့ ဖုန်တက်နေတာတောင် ကြာပြီ။”</p> <p>“တကယ်တော့ အခုအချိန်မှာ လောက်လွှဲစင် သုံးရတာ အကောင်းဆုံးပဲ။ ဘာလို့လဲဆိုတော့ အဲဒီမသေမျိုးတွေက အုပ်စုလိုက်ကြီး လာတာလေ။”</p> <p>“ပြီးတော့ ဒီ S အဆင့် ဒူးလေးကြီးကလည်း သုံးလို့ကောင်းတယ်။ သူက ဧရိယာအလိုက် တိုက်ခိုက်မှု လုပ်နိုင်တယ်။”</p> <p>“ဟုတ်တယ် မြန်မြန်ဝယ်ထားကြ။ တကယ်တော့ လောက်လွှဲစင်တွေနဲ့ ဒူးလေးကြီးတွေက အကောင်းဆုံးပဲ။ ဘာလို့လဲဆိုတော့ အဲ့ဒါတွေက ကျည်ဆန် ခဏခဏ ဝယ်စရာ မလိုဘူး။ ငါတို့ဘာသာ နေရာမရွေး၊ အချိန်မရွေး ကျည်ဆန် (ခဲလုံး/မြား) တွေကို ထုတ်လုပ်လို့ရတယ်။”</p> <p>“ဟုတ်တယ်။ ဒီပစ္စည်းတွေရယ်၊ S အဆင့် လက်ကိုင်ဒူးလေးရယ် ရှိရင်တော့ ငါတို့ အခြေအနေ ပြန်ကောင်းလာမှာပါ။”</p> <p>ထိုလက်နက်အေးများအတွက် တောင်းဆိုမှု များပြားနေသည်ကို ကြည့်ကာ ရှောင်းယီ တွေးလိုက်မိသည်။</p> <p>“ဒီလက်နက်အေးတွေရဲ့ ဒုတိယမြောက်နွေဦးကာလကို ပြန်ရောက်လာလိမ့်မယ်လို့ ငါ လုံးဝ မထင်ထားခဲ့မိဘူး။”</p> <p>ထိုစဉ် ရှောင်းယီ၏ ဖုန်းမှ အသံမြည်လာခဲ့သည်။ သူ ကြည့်လိုက်ရာ အမှောင်နတ်သူငယ်ဘုရင်မ ဆာရာထံမှ ဖြစ်နေသည်ကို တွေ့လိုက်ရ၏။</p> <p>“ဟယ်လို ဘာလို့ ဒီလောက် စောစောကြီး ဖုန်းဆက်တာလဲ။”</p> <p>ရှောင်းယီက  မေးလိုက်သည်။</p> <p> </p> <p>“ပြီးခဲ့တဲ့ နှစ်ရက်အတွင်း စစ်စခန်းက စစ်သည်တွေ အကုန်လုံး လှုပ်ရှားနေတာ ကျွန်မ သတိထားမိတယ်။ ရှင် အခက်အခဲ တစ်ခုခု ကြုံနေရတာလား။”</p> <p>“ဟုတ်တယ်။ ငါတို့ အခု ကမ္ဘာ့စစ်မြေပြင်ထဲ ရောက်နေတယ်။ မသေမျိုးကျွန်းတစ်ခုက ငါတို့ကျွန်းနဲ့ လာတိုက်မိနေလို့ သူတို့ကို တားဆီးဖို့ စစ်သည်တွေ အလှည့်ကျ ကင်းစောင့်နေရတယ်။”</p> <p>ရှောင်းယီက အမှန်အတိုင်း ပြောပြလိုက်သည်။</p> <p>“ကျွန်မတို့ကိုကျ ဘာလို့ သွားခွင့်မပေးတာလဲ။ ကျွန်မတို့လည်း မဟာမိတ်အဖွဲ့ရဲ့ အစိတ်အပိုင်းတစ်ခုပဲလေ။”</p> <p>ဆာရာက လေးနက်စွာ ပြောလိုက်၏။ရှောင်းယီ အနည်းငယ် တုံ့ဆိုင်းသွားခဲ့သည်။</p> <p>“ငါ ဒါကို အစ်ကိုကျန်းနဲ့ တိုင်ပင်ပြီး သူ ဘယ်လို စီစဉ်မလဲဆိုတာ ကြည့်လိုက်မယ်။”</p> <p>“ကောင်းပါပြီ။ ကျွန်မ စစ်စခန်းမှာ သတင်းစောင့်နေပါ့မယ်။”</p> <p>ဖုန်းချပြီးသည်နှင့် လူပုဘုရင်က ဖုန်းဆက်လာခဲ့ပြန်သည်။</p> <p>“အမြောက်သံတွေကလည်း တစ်ညလုံးပဲနော်။”</p> <p>လူပုဘုရင်က ရယ်ရင်းမောရင်း ပြောလာခဲ့သည်။</p> <p>“ငါတို့ကိုလည်း ပါဝင်ခွင့် ပေးပါဦး။”</p> <p>“မဖြစ်နိုင်တာ...ခင်ဗျားတို့ နန်းတော်ထဲကနေ အဲ့ဒီအသံကို ကြားရမှာ မဟုတ်ဘူးထင်တယ်။”</p> <p>ရှောင်းယီက သံသယဖြင့် ပြောလိုက်သည်။ မဟာမိတ်ကျွန်းခွဲများသည် ပင်မကျွန်းနှင့် အလွန်ဝေးကွာလှပေသည်။</p> <p>“ငါ ပင်လယ်နားမှာ ရပ်နေတုန်း ကြားလိုက်ရတာပါ။ တိုက်ပွဲက တော်တော် ပြင်းထန်ပုံပဲ။”</p> <p>လူပုဘုရင်က ဆိုသည်။</p> <p>“ကောင်းပြီ။ ကျုပ် အစ်ကိုကျန်းနဲ့ ဆွေးနွေးပြီး ခင်ဗျားတို့အတွက် ဘယ်လို စီစဉ်ပေးရမလဲဆိုတာ ကြည့်လိုက်ပါ့မယ်။”</p> <p>ရှောင်းယီ ပြန်ပြောလိုက်သည်။ ထို့နောက် ရှောင်းယီသည် ကျန်းယွင်ထျန်းထံသို့ ချက်ချင်း ဖုန်းဆက်ကာ နတ်သူငယ်များနှင့် လူပုများ၏ တိုက်ပွဲဝင်လိုသည့် တောင်းဆိုမှုကို ရှင်းပြလိုက်တော့သည်။</p> <p>ထိုအကြောင်းကို ကြားသောအခါ ကျန်းယွင်ထျန်းက မျက်မှောင်ကျုံ့လိုက်သည်။</p> <p>“နတ်သူငယ်တွေကတော့ ပြဿနာမရှိပါဘူး။ သူတို့က ငါတို့ရဲ့ လေ့ကျင့်မှုကို ခံယူထားပြီးပြီ။ ဒါပေမဲ့ လူပုတွေကတော့ အဆင်မပြေဘူး။ သူတို့က ငါတို့ရဲ့ လေ့ကျင့်မှုကို မရထားတော့ ငါတို့ရဲ့ ကာကွယ်ရေးစည်းထဲမှာ သူတို့လို အဖွဲ့မျိုးကို ထည့်လိုက်ရင် ပြဿနာတက်ဖို့ လွယ်သွားလိမ့်မယ်။”</p> <p>ကျန်းယွင်ထျန်း၏ စကားကို ကြားသောအခါ ရှောင်းယီ ခေါင်းငြိမ့်လိုက်သည်။</p> <p>“ကောင်းပြီ။ နတ်သူငယ်တွေကိုတော့ မင်းပဲ စီစဉ်လိုက်ပါ။ ဒါနဲ့ သမန်းဝံပုလွေတွေကိုလည်း ထည့်လိုက်ဖို့ မမေ့နဲ့။ မဟုတ်ရင် သူတို့လည်း ငါ့ဆီ ဖုန်းဆက်လာမှာ သေချာတယ်။”</p> <p>“နားလည်ပါပြီ။”</p> <p>ကျန်းယွင်ထျန်းက ပြန်ဖြေလိုက်သည်။</p> <p>“ငါ နောက်သုံးနာရီလောက် နားလိုက်ဦးမယ်။ ကိစ္စတစ်ခုခုရှိရင် ကျန်းရွှဲ့ ကို အရင်ရှာလိုက်ပါ။”</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save