Book List

<h2 style="text-align: center;">အခန်း (၃၈၃)</h2> <h2 style="text-align: center;">အဆင့် (၇) အခွင့်အရေးကို ရိတ်သိမ်းခြင်း၊ စစ်ပွဲ ပြီးဆုံးသွားခြင်း (၂)</h2> <h2 style="text-align: center;">*</h2> <p> </p> <p> </p> <p>သို့သော် ယခုအခါ ကျန်းဖန်နှင့် စုဝေဝေတို့ ပေါ်လာသည်ကို မြင်လိုက်ရသဖြင့် သူတို့ မယုံဘဲ မနေနိုင်တော့ချေ။</p> <p> </p> <p>သေချာ ပြန်လည် စဉ်းစားကြည့်ပါက ၎င်းမှာ အဓိပ္ပာယ် ရှိလှပေသည်။ ဤမျှ အစွမ်းအစရှိပြီး သူတို့ကို ကူညီရန် ဆန္ဒရှိသော အုတ်မြစ်တည်ဆောက်ခြင်း ကျင့်ကြံသူများမှာ တကယ်တမ်းတွင် လက်ချိုးရေတွက်၍ ရလောက်အောင် နည်းပါးလှ၏။</p> <p> </p> <p>တာအိုရဲဘော် ကျန်း သည် ထိုအနည်းငယ်သော သူများထဲမှ တစ်ဦးပင် ဖြစ်ပေသည်။</p> <p> </p> <p>"တာအိုရဲဘော်တို့... နေကောင်းကြတယ် မဟုတ်လား။"</p> <p> </p> <p>ကျန်းဖန်သည် အနည်းငယ် ပြုံးလိုက်ပြီး လူတိုင်းကို လက်အုပ်ချီ နှုတ်ဆက်လိုက်၏။</p> <p> </p> <p>"တာအိုရဲဘော် ကျန်း... မတွေ့ရတာ နှစ်တွေ အတော်ကြာခဲ့ပြီနော်၊ ဒါပေမယ့် မင်းက ငါတို့ရဲ့ အသက်ကို နောက်တစ်ကြိမ် ကယ်တင်ပေးခဲ့ပြန်ပြီပဲ။"</p> <p> </p> <p>ဆေးဖော်စပ်သူ အကြီးအကဲ ဝေ့ဆုန်က လွန်စွာ ခံစားချက်ပါပါဖြင့် ပြောလိုက်ပြီး၊ သူ၏ မျက်နှာအမူအရာမှာ အတော်လေး ရှုပ်ထွေးနေခဲ့၏။</p> <p> </p> <p>မူလက သူသည် ကျေးဇူးဆပ်ရန် ရည်ရွယ်ထားခဲ့သော်ငြားလည်း၊ တစ်ဖက်လူက သူ့ကို နောက်တစ်ကြိမ် ထပ်မံ ကယ်တင်လိမ့်မည်ဟု မည်သူက ထင်မှတ်ထားခဲ့မည်နည်း။</p> <p> </p> <p>ယခုအခါ တစ်ဖက်လူ၏ ကျေးဇူးတရားမှာ ပို၍ပင် ကြီးမားသွားခဲ့ပြီ ဖြစ်သည်။</p> <p> </p> <p>"ဒါက တိုက်ဆိုင်မှုလေး တစ်ခုပါပဲ၊ တာအိုရဲဘော်တို့ သိပ်ပြီး စိတ်ထဲထားနေစရာ မလိုပါဘူး။"</p> <p> </p> <p>ကျန်းဖန်က လက်ကို ဝှေ့ယမ်းကာ လွန်စွာ နှိမ့်ချစွာဖြင့် ပြောလိုက်၏။</p> <p> </p> <p>အခွင့်အရေး၏ လမ်းညွှန်မှုသာ မပါခဲ့ပါက သူ ဤနေရာသို့ လာရောက်ခဲ့မည် မဟုတ်ချေ။</p> <p> </p> <p>ဤလူများ၏ သက်တမ်းမှာ အမှန်တကယ်ပင် ကုန်ဆုံးရန် အကြောင်းမပါသေးဘူးဟုသာ ဆိုရမည်ပင်။</p> <p> </p> <p>"နေပါဦး... အဲဒါက တာအိုရဲဘော် ကျန်း ရဲ့ တာအိုလက်တွဲဖော် မဟုတ်ဘူးလား။"</p> <p> </p> <p>"လွန်ခဲ့တဲ့ နှစ်အနည်းငယ်တုန်းက၊ သူမက ချီကျင့်ကြံခြင်း အဆင့် ကျင့်ကြံသူလေး တစ်ယောက်ပဲ ရှိသေးတာလေ၊ အခု အုတ်မြစ်တည်ဆောက်ခြင်းကိုတောင် ရောက်နေပြီလား။"</p> <p> </p> <p>ထိုအချိန်တွင် ယွီခယ်လျန်သည် စုဝေဝေကို သတိထားမိသွား၏။</p> <p> </p> <p>သူမသည် ရုတ်တရက် အံ့သြမှင်တက်သွားပြီး လုံးဝကို ယုံကြည်ရန် ခက်ခဲနေခဲ့သည်။</p> <p> </p> <p>အဘယ်ကြောင့်ဆိုသော် လွန်ခဲ့သော နှစ်အနည်းငယ်က စုဝေ့ဝေ့သည် ချီကျင့်ကြံခြင်း အဆင့်ရှိ ကျင့်ကြံသူလေး တစ်ဦးမျှသာ ဖြစ်ပြီး၊ အုတ်မြစ်တည်ဆောက်ခြင်းသို့ တက်လှမ်းနိုင်ရန်မှာ မဖြစ်နိုင်သလောက်ပင် ဖြစ်နေသောကြောင့်တည်း။</p> <p> </p> <p>သို့သော် ယခုအခါ မျက်စိတစ်မှိတ် အတွင်းမှာပင်၊ သူမသည် အုတ်မြစ်တည်ဆောက်ခြင်း ကျင့်ကြံသူ တစ်ဦး ဖြစ်လာခဲ့ရာ၊ ၎င်းမှာ အလွန်တရာ အံ့မခန်း ဖြစ်လွန်းလှပေသည်။</p> <p> </p> <p>"ဒီနှစ်တွေထဲမှာ အခွင့်အရေး တချို့ ရခဲ့လို့လေ။ အဲ့ဒါကြောင့် ကံကောင်းထောက်မစွာနဲ့ပဲ အုတ်မြစ်တည်ဆောက်ခြင်းကို တက်လှမ်းနိုင်ခဲ့တာပါ။"</p> <p> </p> <p>စုဝေဝေ ညင်သာစွာ ပြုံးလိုက်၏။</p> <p> </p> <p>သူမ၏ ရင်ထဲတွင် အတော်လေး ခံစားချက် ပြင်းထန်နေခဲ့သည်။</p> <p> </p> <p>ယခင်က သူမသည် သူမ၏ ယောကျ်ားအတွက် အလှဆင်ပစ္စည်း သက်သက်သာ ဖြစ်ခဲ့သော်ငြားလည်း၊ အုတ်မြစ်တည်ဆောက်ခြင်းသို့ တက်လှမ်းပြီးကတည်းက အခြားသူများက သူမကို လျစ်လျူရှုထား၍ မရနိုင်တော့ပေ။ သူမကိုယ်တိုင်သည်လည်း အရေးပါသော ကျင့်ကြံသူ တစ်ဦး ဖြစ်လာခဲ့ပြီ ဖြစ်၏။</p> <p> </p> <p>မည်သို့ပင်ဆိုစေကာမူ အုတ်မြစ်တည်ဆောက်ခြင်း၏ အလေးချိန်မှာ ပေါ့ပါးလှသည်တော့ မဟုတ်ချေ။</p> <p> </p> <p>"အခွင့်အရေး တချို့ ဟုတ်လား"</p> <p> </p> <p>ဤသည်ကို ကြားလိုက်ရချိန်တွင် ယွီခယ်လျန်နှင့် အခြားသူများမှာ မနာလိုစိတ် အနည်းငယ် ဖြစ်ပေါ်လာသည်ကို မထိန်းချုပ်နိုင်ခဲ့ကြချေ။</p> <p> </p> <p>အတိတ်ကာလတွင် သူတို့သည် အုတ်မြစ်တည်ဆောက်ခြင်းသို့ ရောက်ရှိရန်အတွက် မရေမတွက်နိုင်သော အခက်အခဲများကို ခံစားခဲ့ကြရ၏။</p> <p> </p> <p>သို့သော် ဤအမျိုးသမီးကမူ အခက်အခဲ အနည်းငယ်ဖြင့်ပင် အုတ်မြစ်တည်ဆောက်ခြင်းသို့ တက်လှမ်းနိုင်ခဲ့ပုံ ရပေသည်။</p> <p> </p> <p>လူတွေအကြား ကွာဟချက်မှာ မည်သို့လုပ် ဤမျှ ကြီးမားကျယ်ပြန့်နေရသနည်း။</p> <p> </p> <p>"ကြည့်ရတာ တာအိုရဲဘော် ကျန်း နဲ့ တာအိုရဲဘော် စု တို့က ဒီနှစ်တွေအတွင်း ရိလင် ကျွန်းစု မှာ ကြီးမားတဲ့ အကျိုးအမြတ်တွေ အများကြီး ရိတ်သိမ်းနိုင်ခဲ့ပုံပဲ။"</p> <p> </p> <p>ဆေးဖော်စပ်သူ အကြီးအကဲ ဝေ့ဆုန်သည် ယခင်နှင့် နှိုင်းယှဉ်ပါက ကျန်းဖန်၏ ကျင့်ကြံမှုတွင် အလွန် ကြီးမားလှသော တိုးတက်မှုကို အာရုံခံနိုင်ပေသည်။</p> <p> </p> <p>သို့သော် ကျန်းဖန်သည် အထွတ်အထိပ် ပြီးပြည့်စုံသည့်အဆင့် အရှိန်အဝါ ဖုံးကွယ်အင်းကို အသုံးပြုထားသဖြင့် ပြင်ပလူများက သူ၏ ကျင့်ကြံမှု အဆင့်ကို အတိအကျ သိရှိနိုင်ခြင်း မရှိချေ။</p> <p> </p> <p>ထို့ကြောင့် ဆေးဖော်စပ်သူ အကြီးအကဲ ဝေ့ဆုန်မှာ သူ၏ အလိုအလျောက် သိစိတ်ကိုသာ အားကိုးနေရ၏။</p> <p> </p> <p>တာအိုလက်တွဲဖော်ပင်လျှင် အုတ်မြစ်တည်ဆောက်ခြင်းသို့ တက်လှမ်းနိုင်ခဲ့ပြီဆိုတော့ ကျန်းဖန်၏ ကျင့်ကြံမှုမှာလည်း အကြီးအကျယ် တိုးတက်လာခဲ့မည်မှာ သေချာကြောင်းကို သူ အလိုလို သဘောပေါက်လိုက်သည်။</p> <p> </p> <p>မဟုတ်ပါက ယခင်က တိုက်ခိုက်မှု တစ်ချက်တည်းဖြင့် အုတ်မြစ်တည်ဆောက်ခြင်း ကျင့်ကြံသူ ခုနစ်ဦး၊ ရှစ်ဦးခန့်ကို ပြင်းပြင်းထန်ထန် ဒဏ်ရာရသွားစေမည် မဟုတ်ပေ။</p> <p> </p> <p>"အမှန်ပါပဲ၊ ရိတ်သိမ်းမှု တချို့တော့ ရှိခဲ့ပါတယ်။"</p> <p> </p> <p>"ဒါပေမယ့် တာအိုရဲဘော် ဝေ့... ခုနက တကယ်တမ်း ဘာတွေ ဖြစ်ခဲ့တာလဲ။"</p> <p> </p> <p>"ခင်ဗျားတို့ကို ဘာလို့ အုတ်မြစ်တည်ဆောက်ခြင်း ကျင့်ကြံသူ အများကြီးက လိုက်လံ တိုက်ခိုက်နေကြတာလဲ။"</p> <p> </p> <p>ကျန်းဖန်က ပြန်လည် မေးမြန်းလိုက်၏။ သူ၏ ကိုယ်ရေးကိုယ်တာ ကိစ္စများကို သိပ်များများစားစား မပြောချင်သဖြင့် စကားလမ်းကြောင်း လွှဲရန်အတွက် အုတ်မြစ်တည်ဆောက်ခြင်း ကျင့်ကြံသူများအကြောင်းကို မေးလိုက်ခြင်း ဖြစ်သည်။</p> <p> </p> <p>"ဒီကိစ္စက ပြောရရင်တော့ ရှည်တယ်။"</p> <p> </p> <p>"သူတို့က ရှန်နုံးဂိုဏ်းရဲ့ ပိုင်နက်နယ်မြေက အုတ်မြစ်တည်ဆောက်ခြင်း ကျင့်ကြံသူတွေပဲ။"</p> <p> </p> <p>"အရင်က ငါတို့ကို ရွှမ်ကောင်းကင် ဓားဂိုဏ်းက ခေါ်ယူပြီး သားရဲ တစ်သောင်း တောင်တန်းကို သွားပြီး ရှန်နုံးဂိုဏ်း နဲ့ တိုက်ခိုက်ခိုင်းခဲ့တယ်။"</p> <p> </p> <p>"ကြီးမားတဲ့ တိုက်ပွဲကြီးတစ်ခု အပြီးမှာ နှစ်ဖက်စလုံးက မရေမတွက်နိုင်တဲ့ သေဆုံးမှုတွေနဲ့ ရင်ဆိုင်ခဲ့ရတယ်။"</p> <p> </p> <p>"အသက်ရှင်ကျန်ရစ်တဲ့ ကျင့်ကြံသူတွေကလည်း တစ်ဖက်ရန်သူတွေနဲ့ သေခန်းပြတ် ရန်သူတွေ ဖြစ်သွားကြတာပေါ့။"</p> <p> </p> <p>"မကြာသေးခင်ကမှ ရှန်နုံးဂိုဏ်း နဲ့ ရွှမ်ကောင်းကင် ဓားဂိုဏ်းတို့ အပစ်အခတ် ရပ်စဲရေး သဘောတူညီလိုက်ကြလို့ စစ်ပွဲက ယာယီ အဆုံးသတ်သွားပေမယ့်...။"</p> <p> </p> <p>"ငါတို့လို စစ်ပွဲအတွင်းမှာ ရန်သူတွေ အများကြီး အဖတ်တင်ခဲ့ရတဲ့ ကျင့်ကြံသူတွေကတော့ တိုက်ခိုက်မှုတွေကို ရပ်တန့်မှာ မဟုတ်ဘူး။"</p> <p> </p> <p>"ဒီ ရှန်နုံးဂိုဏ်း က အုတ်မြစ်တည်ဆောက်ခြင်း ကျင့်ကြံသူတွေက ဥပမာတစ်ခုပါပဲ။"</p> <p> </p> <p>"သူတို့က ငါတို့အကြောင်းကို ဘယ်လို သိသွားမှန်းမသိဘဲ၊ ဒီနေရာမှာ လာပြီး ချုံခိုတိုက်ခိုက်ကြတာ။"</p> <p> </p> <p>"ကံကောင်းလို့ တာအိုရဲဘော် ကျန်း က ငါတို့ကို ကယ်တင်ပေးခဲ့လို့၊ မဟုတ်ရင် ငါတို့ သေချာပေါက် ဘေးဒုက္ခနဲ့ ရင်ဆိုင်ရတော့မှာ။"</p> <p> </p> <p>ဆေးဖော်စပ်သူ အကြီးအကဲ ဝေ့ဆုန်သည် လွန်ခဲ့သော နှစ်အနည်းငယ်က ဖြစ်ရပ်များကို ပြန်လည် ပြောပြရင်း ခံစားချက်ပါပါဖြင့် သက်ပြင်းချလိုက်၏။</p> <p> </p> <p>ထင်ရှားသည်မှာ ရွှမ်ကောင်းကင် ဓားဂိုဏ်း၏ အတင်းအကျပ် စစ်မှုထမ်းခိုင်းခြင်းကို ခံရပြီးနောက်၊ သူတို့သည် တိရစ္ဆာန် တစ်သောင်း တောင်တန်းရှိ စစ်မြေပြင်သို့ ဝင်ရောက်ခဲ့ရခြင်းပင်။</p> <p> </p> <p>စစ်မြေပြင်မှာ အလွန် ပြင်းထန်ပြီး ကျင့်ကြံသူ အမြောက်အမြား ကျဆုံးသွားခဲ့ကြသည်။</p> <p> </p> <p>ကံကောင်းထောက်မစွာဖြင့် သူသည် တိုက်ပွဲ အတွေ့အကြုံ ကြွယ်ဝပြီး ခိုင်မာသော အဆက်အသွယ်များ ရှိသောကြောင့် ကြီးမားသော အန္တရာယ်များနှင့် သိပ်မကြုံတွေ့ခဲ့ရချေ။</p> <p> </p> <p>သို့သော် ထိုသို့ဆိုလျှင်တောင်မှ ဤနှစ်များအတွင်း သူသည် ရှန်နုံးဂိုဏ်း ကျင့်ကြံသူ အတော်များများကို သတ်ဖြတ်ခဲ့ပြီး သူတို့နှင့် ရန်ငြိုးများ ဖွဲ့ခဲ့မိ၏။</p> <p> </p> <p>စစ်ပွဲကြီး ပြီးဆုံးသွားသော်ငြားလည်း အမုန်းတရားများမှာ အဆုံးမသတ်သေးပေ။ တကယ်တမ်းတွင် ၎င်းမှာ ယခုမှ စတင်ခြင်းပင် ဖြစ်သည်။</p> <p> </p> <p>"စစ်ပွဲက ပြီးသွားပြီလား"</p> <p> </p> <p>"ရှန်နုံးဂိုဏ်း နဲ့ ရွှမ်ကောင်းကင် ဓားဂိုဏ်း တို့က တကယ်ပဲ ဒီအတိုင်း အပစ်အခတ် ရပ်စဲလိုက်ကြတာလား။"</p> <p> </p> <p>"သားရဒ တစ်သောင်း တောင်တန်းက ယွမ်ယင်း ဂူဗိမာန်ကြီးကရော ဘာဖြစ်သွားလဲ။"</p> <p> </p> <p>ကျန်းဖန် သိချင်စိတ်ဖြင့် မေးလိုက်၏။</p> <p> </p> <p>နှစ်ပေါင်းများစွာ တိုက်ခိုက်ခဲ့ပြီးနောက် နှစ်ဖက်စလုံးက အနိုင်အရှုံး အဆုံးအဖြတ် မပေးနိုင်သေးကြောင်း သူ မမျှော်လင့်ထားခဲ့ချေ။</p> <p> </p> <p>ယခုအခါ သူတို့သည် အပစ်အခတ် ရပ်စဲရေးကို တကယ်ပင် သဘောတူညီလိုက်ကြ၏။</p> <p> </p> <p>ဤအသွားအပြန် တိုက်ပွဲကြီးတွင် အထိခိုက် အကျဆုံးသူများမှာ အဆင့်နိမ့် ကျင့်ကြံသူများပင် ဖြစ်သည်။</p> <p> </p> <p>ဆန့်ကျင်ဘက်အားဖြင့် အဆင့်မြင့် ကျင့်ကြံသူများမှာ များများစားစား ထိခိုက်ဒဏ်ရာရခြင်း သို့မဟုတ် သေဆုံးခြင်း မရှိခဲ့ကြချေ။</p> <p> </p> <p>"အမှန်ပဲ၊ အပစ်အခတ် ရပ်စဲရေးက တကယ် အမှန်ပါပဲ။"</p> <p> </p> <p>"နှစ်ပေါင်းများစွာ တိုက်ခိုက်ခဲ့ပြီးနောက်မှာ ဘယ်ဘက်ကမှ တစ်ဖက်ကို မအနိုင်ယူနိုင်ခဲ့ကြဘူး။"</p> <p> </p> <p>"ဒါကြောင့် ဂိုဏ်းကြီး နှစ်ဂိုဏ်းက အပစ်အခတ် ရပ်စဲရေးကို သဘောတူညီလိုက်ကြပြီး၊ ဒီ ယွမ်ယင်း ဂူဗိမာန်ကြီးကို ပူးတွဲ ဖွံ့ဖြိုးတိုးတက်အောင် လုပ်ဖို့ စီစဉ်နေကြတယ်။"</p> <p> </p> <p>"ဒါပေမယ့် ဒီ ယွမ်ယင်း ဂူဗိမာန်က တားမြစ် အစီရင်စုက အရမ်းကို အစွမ်းထက်လွန်းနေတယ်။"</p> <p> </p> <p>"အခုအချိန်အထိတောင် ဒီဂူဗိမာန်ရဲ့ အဓိက အစီရင်စုကို မချိုးဖောက်နိုင်ကြသေးဘူး။"</p> <p> </p> <p>"ဒါကြောင့် ငါတို့လို ခေါ်ယူခံရတဲ့ ကျင့်ကြံသူတွေလည်း ပြန်လာခွင့် ရသွားကြတာ၊ စစ်ပွဲမှာ ဆက်ပြီး ပါဝင်နေစရာ မလိုတော့ဘူး။"</p> <p> </p> <p>"ကာလတိုအတွင်းမှာတော့ ဂိုဏ်းကြီး နှစ်ဂိုဏ်းက ငြိမ်းချမ်းရေး ကာလတစ်ခုကို ရောက်နေပါပြီ။"</p> <p> </p> <p>"ဒါကြောင့် တာအိုရဲဘော် ကျန်း က အချိန်ကိုက် ပြန်ရောက်လာတာပါပဲ၊ ရွှမ်ကောင်းကင် ဓားဂိုဏ်းရဲ့ အတင်းအကျပ် စစ်မှုထမ်းခိုင်းတာကို ခံရမှာ စိုးရိမ်နေစရာ မလိုတော့ပါဘူး။"</p> <p> </p> <p>ဆေးဖော်စပ်သူ အကြီးအကဲ ဝေ့ဆုန်က လေးနက်သော လေသံဖြင့် ပြောလိုက်၏။</p> <p> </p> <p>ရိုးရိုးသားသား ဆိုရလျှင် စစ်ပွဲတွင် ပါဝင်ရခြင်းကို သူ သိပ်ပြီး မစိုးရိမ်ခဲ့ပေ။</p> <p> </p> <p>အသက်ရှင်ကျန်ရစ်သရွေ့ အုတ်မြစ်တည်ဆောက်ခြင်း ကျင့်ကြံသူ တိုင်းသည် ကြီးမားသော အကျိုးကျေးဇူးများကို ရရှိနိုင်ပေသည်။</p> <p> </p> <p>ဤတစ်ကြိမ်တွင်လည်း ချွင်းချက် မဟုတ်ချေ။</p> <p> </p> <p>ကြယ်ခုနစ်ပွင့် တောင်ထွတ်မှ အုတ်မြစ်တည်ဆောက်ခြင်း ကျင့်ကြံသူ အများအပြားသည် သိသာထင်ရှားသော အကျိုးကျေးဇူးများကို ရရှိခဲ့ကြပြီး သူတို့၏ ကျင့်ကြံမှုများမှာလည်း အကြီးအကျယ် တိုးတက်လာခဲ့၏။</p> <p> </p> <p>ရွှမ်ကောင်းကင် ဓားဂိုဏ်းမှာ အမှန်တကယ်ပင် အာဏာရှင်ဆန်သော်ငြားလည်း၊ အနည်းဆုံးတော့ အကျိုးကျေးဇူးများ ပေါများလှပြီး သူတို့၏ ဆုလာဘ်များကို တွန့်တိုလေ့ မရှိကြချေ။</p> <p> </p> <p>"ဟီးဟီး၊ ရွှမ်ကောင်းကင် ဓားဂိုဏ်း နဲ့ ရှန်နုံးဂိုဏ်း တို့ရဲ့ စစ်ပွဲက တကယ်ကို သံသယဖြစ်စရာကြီးဗျ။"</p> <p> </p> <p>"အသွားအပြန် တိုက်ခိုက်နေကြပြီး နှစ်ဖက်စလုံးက ဘာမှ မထိခိုက်ကြဘဲ၊ အဆင့်နိမ့် ကျင့်ကြံသူတွေကသာ ကြီးမားတဲ့ သေဆုံးမှုတွေနဲ့ ရင်ဆိုင်နေရတယ်။"</p> <p> </p> <p>"ဒီ ယွမ်ယင်း ဂိုဏ်းနှစ်ဂိုဏ်းက တမင်တကာ လုပ်ခဲ့ကြပုံပဲ။"</p> <p> </p> <p>"ရည်ရွယ်ချက်ကတော့ တစ်ကိုယ်တော် ကျင့်ကြံသူတွေ အပါအဝင် အဆင့်နိမ့် ကျင့်ကြံသူ အမြောက်အမြားကို လျှော့ချပစ်ဖို့ပဲ။"</p> <p> </p> <p>"ဘယ်လိုဖြစ်ဖြစ် ကျင့်ကြံသူ အရေအတွက် အရမ်းများလွန်းရင်၊ ကျင့်ကြံခြင်း အရင်းအမြစ်တွေ အများကြီး လိုအပ်တယ်လေ။"</p> <p> </p> <p>"ဒါကြောင့် အချိန်မှန်ဆိုသလို သူတို့က တမင်တကာ စစ်ပွဲတွေ ဖန်တီးကြတာပဲ။"</p> <p> </p> <p>အသွင်သောင်းပြောင်း ဆေးမီးဖိုက လှောင်ပြောင်လိုက်၏။</p> <p> </p> <p>ဤ ယွမ်ယင်း ဂိုဏ်းများ၏ လျှို့ဝှက်ပရိယာယ်များကို ၎င်း ကောင်းစွာ သဘောပေါက်နေပေသည်။</p> <p> </p> <p>အကယ်၍ သူတို့သာ ဂိုဏ်းပြုတ်သည်အထိ တိုက်ခိုက်မည့် စစ်ပွဲတစ်ခုကို အမှန်တကယ် ရည်ရွယ်ခဲ့မည်ဆိုပါက ယွမ်ယင်း ကျင့်ကြံသူများကို စေလွှတ်လိုက်ရုံဖြင့် လုံလောက်ပြီ ဖြစ်၏။</p> <p> </p> <p>ကျင့်ကြံခြင်းလောကတွင် အဆင့်နိမ့် ကျင့်ကြံသူများ အကြား စစ်ပွဲများမှာ အဓိပ္ပာယ် မရှိလှချေ။</p> <p> </p> <p>အဆင့်မြင့် ကျင့်ကြံသူများ အကြား အနိုင်အရှုံး ဆုံးဖြတ်ပြီးသည်နှင့် တစ်ပြိုင်နက်၊ စစ်ပွဲမှာ အခြေခံအားဖြင့် ပြီးဆုံးသွားပြီ ဖြစ်၏။</p> <p> </p> <p>သို့သော် ဤစစ်ပွဲတွင် အဆင့်မြင့် ကျင့်ကြံသူများမှာ လှုပ်ရှားခြင်း နီးပါး မရှိခဲ့ဘဲ၊ အဆင့်နိမ့် ကျင့်ကြံသူများကသာ အသေအလဲ တိုက်ခိုက်နေခဲ့ကြသည်။</p> <p> </p> <p>ထို့ကြောင့် ဤဂိုဏ်းကြီး နှစ်ဂိုဏ်း၏ ရည်ရွယ်ချက်မှာ ထင်ရှားစွာ ပေါ်လွင်နေပေသည်။</p> <p> </p> <p>"အဆင့်နိမ့် ကျင့်ကြံသူ အရေအတွက်ကို တမင်တကာ လျှော့ချပစ်တာလား။"</p> <p> </p> <p>ဤသည်ကို ကြားလိုက်ရချိန်တွင် ကျန်းဖန်၏ မျက်လုံးများက အရောင်လက်သွား၏။</p> <p> </p> <p>ဤဖြစ်နိုင်ခြေမှာ အမှန်တကယ်ပင် အလွန် မြင့်မားကြောင်း သူ ခံစားလိုက်ရသည်။</p> <p> </p> <p>အဘယ်ကြောင့်ဆိုသော် ကျင့်ကြံခြင်းလောကရှိ အရင်းအမြစ်များမှာ ကန့်သတ်ချက် ရှိပြီး၊ ဝိညာဉ်ကြောများမှာလည်း ကန့်သတ်ချက် ရှိသောကြောင့်ပင်။</p> <p> </p> <p>သို့သော် အချိန်ကြာလာသည်နှင့်အမျှ ကျင့်ကြံသူ အရေအတွက်မှာ တဖြည်းဖြည်း တိုးပွားလာလေ့ ရှိသည်။</p> <p> </p> <p>သူတို့အားလုံးသည် ကျင့်ကြံရန်အတွက် အရင်းအမြစ် အမြောက်အမြားကို စားသုံးရန် လိုအပ်ကြ၏။</p> <p> </p> <p>ပြဿနာမှာ ကျင့်ကြံခြင်းလောကသည် ဤမျှ များပြားသော အရင်းအမြစ်များကို မည်သည့်နေရာမှ ရရှိနိုင်မည်နည်း ဆိုသည်ပင်။</p> <p> </p> <p>ဤသည်က ကျင့်ကြံခြင်းလောကရှိ ကုန်စျေးနှုန်းများကိုလည်း အဆက်မပြတ် မြင့်တက်လာစေခဲ့သည်။</p> <p> </p> <p>ထို့ကြောင့် ဤ ယွမ်ယင်း ဂိုဏ်းများသည် ကျင့်ကြံသူ လူဦးရေကို အဆင့်တစ်ခုတွင် ထိန်းသိမ်းထားရန် အချိန်မှန်ဆိုသလို စစ်ပွဲများ ဆင်နွှဲကြခြင်း ဖြစ်၏။</p> <p> </p> <p>ဤနည်းအားဖြင့် ကျင့်ကြံသူ အမြောက်အမြားက ကျင့်ကြံခြင်းလောကရှိ အရင်းအမြစ်များကို ရူးသွပ်စွာ စားသုံးပစ်မည့် အရေးမှ တားဆီးပေးနိုင်ပေသည်။</p> <p> </p> <p>အတိုင်းအတာ တစ်ခုအထိ ဆိုရလျှင် ဤကဲ့သို့သော ဆုံးဖြတ်ချက်မျိုးမှာ အမှန်တကယ်ပင် အတော်လေး ဆင်ခြင်တုံတရား ရှိပြီး မှန်ကန်လှပေသည်။</p> <p> </p> <p>သို့သော် အဆင့်နိမ့် ကျင့်ကြံသူများအတွက်မူ ၎င်းသည် အလွန်တရာ ရက်စက်ကြမ်းကြုတ်လွန်းလှပေသည်။</p> <p> </p> <p>"တာအိုရဲဘော်တို့... ဘာပဲဖြစ်ဖြစ်၊ ကြယ်ခုနစ်ပွင့် တောင်ထွတ်ကို ပြန်ရောက်မှပဲ ဆက်ဆွေးနွေးကြတာပေါ့။"</p> <p> </p> <p>"ဒီ ရှန်နုံးဂိုဏ်း က အုတ်မြစ်တည်ဆောက်ခြင်း တွေဆီမှာ မဟာမိတ်တွေ ရှိနေမလားဆိုတာ ငါ စိုးရိမ်တယ်။"</p> <p> </p> <p>"အကယ်၍ ငါတို့ ဒီမှာ ဆက်နေမယ်ဆိုရင် မမျှော်လင့်ထားတာ တစ်ခုခု ဖြစ်လာနိုင်တယ်။"</p> <p> </p> <p>ဤအခိုက်အတန့်တွင် ချန်လီရှန်းက ချက်ချင်း ဝင်ပြောလိုက်၏၊ ဤနေရာမှာ ဆွေးနွေးရန် မှန်ကန်သော နေရာမဟုတ်ဘဲ ကြယ်ခုနစ်ပွင့် တောင်ထွတ်သို့ ပြန်သွားခြင်းက ပိုကောင်းမည်ဟု သူ တွေးတောမိခြင်း ဖြစ်သည်။</p> <p> </p> <p>"အမှန်ပဲ။"</p> <p> </p> <p>အခြား အုတ်မြစ်တည်ဆောက်ခြင်း ကျင့်ကြံသူများသည် အချင်းချင်း တိုင်ပင်စရာ မလိုဘဲ သဘောတူသည့် အနေဖြင့် ခေါင်းညိတ်လိုက်ကြ၏။</p> <p> </p> <p>လူစုသည် လျင်မြန်စွာ လှုပ်ရှားလိုက်ကြပြီး၊ ဤအုတ်မြစ်တည်ဆောက်ခြင်း ကျင့်ကြံသူများ၏ ရုပ်အလောင်းများကို ဖျက်ဆီးပစ်ကာ သိုလှောင်အိတ် ရှစ်လုံးကို ရရှိခဲ့သည်။</p> <p> </p> <p>ထင်ရှားသည်မှာ ဤသိုလှောင်အိတ်များသည် ရှန်နုံးဂိုဏ်း မှ အုတ်မြစ်တည်ဆောက်ခြင်း ကျင့်ကြံသူများ ချန်ထားရစ်ခဲ့ခြင်းပင် ဖြစ်၏။</p> <p> </p> <p>ကျန်းဖန်သည် အကြီးမားဆုံးသော ပံ့ပိုးကူညီမှု ရှိခဲ့သဖြင့် သဘာဝကျကျပင် သိုလှောင်အိတ် လေးလုံးကို ရရှိခဲ့သည်။</p> <p> </p> <p>ဝေ့ဆုန်၊ ချန်လီရှန်း၊ လျန်မင်လန် နှင့် ယွီခယ်လျန် တို့က တစ်လုံးစီ ရရှိခဲ့ကြ၏။</p> <p> </p> <p>မည်သို့ပင်ဆိုစေကာမူ ကျန်းဖန်၏ ဝင်ရောက် စွက်ဖက်မှုသာ မပါခဲ့ပါက၊ သူတို့သည် ဤတစ်ကြိမ်တွင် သေချာပေါက် သေဆုံးရမည်ဖြစ်ကြောင်းကို သူတို့ ကောင်းစွာ သိရှိထားကြသည်။</p> <p> </p> <p>အကျိုးအမြတ် အချို့ကို စွန့်လွှတ်လိုက်ရသော်ငြားလည်း အားလုံးက တန်ကြေးရှိလှပေသည်။</p> <p> </p> <p>အကန့်အသတ်မရှိသော အလားအလာများ ရှိသည့် အုတ်မြစ်တည်ဆောက်ခြင်း ကျင့်ကြံသူ တစ်ဦးကို ရန်စမိလောက်အောင် သူတို့ မိုက်မဲမည် မဟုတ်ချေ။</p> <p> </p> <p>"ဒီသိုလှောင်အိတ် လေးလုံးက အဆင့် (၇) အခွင့်အရေးများလား။"</p> <p> </p> <p>ဤအခိုက်အတန့်တွင် ကျန်းဖန်သည် သူ ဤတစ်ကြိမ် ရရှိခဲ့သော အစစ်အမှန် အဆင့် (၇) အခွင့်အရေးကို သဘောပေါက်သွားခဲ့၏။</p> <p> </p> <p>ထင်ရှားသည်မှာ ရှန်နုံးဂိုဏ်း ၏ အုတ်မြစ်တည်ဆောက်ခြင်း ကျင့်ကြံသူများသည် တန်ဖိုးကြီးမားသော ပစ္စည်း အတော်များများကို သယ်ဆောင်လာခဲ့ခြင်း ဖြစ်ရမည်။</p> <p> </p> <p>ဝေ့ဆုန်နှင့် အခြားသူများကို ကယ်တင်ပေးလိုက်ခြင်းနှင့် တစ်ချိန်တည်းမှာပင်၊ သူသည် ကြယ်ခုနစ်ပွင့် တောင်ထွတ်တွင် သူ၏ အနာဂတ်အတွက် ခိုင်မာသော အုတ်မြစ်တစ်ခုကို ချထားနိုင်ခဲ့ပြီ ဖြစ်၏။</p> <p> </p> <p>ဤသည်မှာ တကယ်ကို ခဲတစ်လုံးတည်းဖြင့် ငှက်နှစ်ကောင် ပစ်လိုက်ခြင်းပင် ဖြစ်သည်။</p> <p> </p> <p>အချိန်တိုအတွင်းမှာပင် ကျန်းဖန်နှင့် အခြားသူများသည် ကြယ်ခုနစ်ပွင့် တောင်ထွတ်သို့ လျင်မြန်စွာ ပြန်ရောက်သွားကြ၏။</p> <p> </p> <p>အခြား ရန်သူများ လိုက်မလာတော့သဖြင့် လူတိုင်းမှာ ချက်ချင်းပင် စိတ်သက်သာရာ ရသွားကြတော့သည်။</p> <p> </p> <p>ကြယ်ခုနစ်ပွင့် တောင်ထွတ်သို့ ပြန်ရောက်သွားသည်နှင့် တစ်ပြိုင်နက် သူတို့သည် လုံးဝ ဘေးကင်းလုံခြုံသွားပြီ ဖြစ်၏။</p> <p> </p> <p>…….</p> <p> </p> <p> </p> <p style="text-align: center;">***</p>


Save