Book List

<h2 style="text-align: center;">အခန်း (၁၁၂)</h2> <h2 style="text-align: center;">နောက်ထပ် လုပ်ကြံသတ်ဖြတ်ခြင်းများ</h2> <h2 style="text-align: center;">*</h2> <h2 style="text-align: center;"> </h2> <p> </p> <p>ထိုအရာက အံ့မခန်း မြန်ဆန်သည့် ထိုးချက်ပင်။ အံ့မခန်းလောက်သည့် လုပ်ကြံသတ်ဖြတ်မှုပင်။</p> <p>လှံတံတစ်ချက်တည်းဖြင့် ရန်ချီက အနက်ရောင် ရေနဂါးတစ်ကောင်ကို သတ်ဖြတ်ခဲ့လေပြီ။ သက်ရှိတစ်ယောက်၏ စိတ်ဝိညာဉ်ကို ယူဆောင်ဖို့အတွက် ငရဲနတ်ဆိုး လှံတံက သေခြင်းကို အုပ်စိုးသည့် ငရဲနတ်သားတစ်ယောက် အမှန်တကယ် နိုးထလာသကဲ့သို့ ဖြစ်ပေါ်လာ၏။</p> <p>ရန်ချီက ကြီးမားလှသည့်အလောင်းကြီးကိုကြည့်ကာ သူ့ နှလုံးသား၌ ယုံကြည်မှုနှင့် ဂုဏ်ယူသလို ခံစားလိုက်ရသည်။</p> <p>ရန်ချီ၏ ချီတုံချတုံ ဖြစ်နေချိန် အတွင်းမှာ သူ့ စိတ်ထဲ၌ ပဋိပက္ခဖြစ်လာကာ အတွင်းနတ်ဆိုး ဖြစ်လာခဲ့သည်။ အကယ်၍ သူသာ နောက်ဆုတ်သွားခဲ့ပါက သူ့ ကျင့်စဉ်တိုးတက်ခြင်း လမ်းကြောင်း၌ ပြဿနာ ဖြစ်လာပေလိမ့်မည်။</p> <p>သူရဲဘောကြောင်သူတစ်ယောက်က ခက်ထန်ပြီး ကျင့်ကြံရခက်ခဲသည့် ငရဲချေမှုန်း နတ်ဆင်စွမ်းအားကို ဘယ်လိုလုပ် ကျင့်ကြံနိုင်မည်နည်း။ ထိုအရာက ငရဲကို ဖိနှိပ်နိုင်ဖို့အတွက် ရဲစွမ်းသတ္တိနှင့် ရက်စက်ကြမ်းကြုတ်မှုတို့ လိုအပ်ပြီး ပြိုင်ဘက်ကင်း ကျွမ်းကျင်သူ့ နှလုံးသားကသာ မိစ္ဆာနတ်ဘုရားများကို ကြောက်ရွံ့စေပြီး ထိန်းချုပ်နိုင်ပေလိမ့်မည်။ အကယ်၍ လူတစ်ယောက်က နောက်အနည်းငယ် ပြန်ဆုတ်လိုက်လျှင်ပင် ထိုလူက သူရဲဘောကြောင်သူ ဖြစ်လာပေလိမ့်မည်။</p> <p>သို့သော် ရန်ချီက သူရဲဘောကြောင်သူ မဟုတ်ချေ။ သူက ကျင့်ကြံခြင်း၌ အဓိက မှတ်တိုင်တစ်ခုကို အောင်မြင်စွာ ဖြတ်ကျော်နိုင်ခဲ့လေပြီ။</p> <p>ထို့ကြောင့်ပင် သူက တော်တော်လေး အကျိုးရှိခဲ့သည်။</p> <p>သူ့ စွမ်းအင်များကို စုဆောင်းပြီး အံ့မခန်း မြန်ဆန်စွာ တိုက်ခိုက်နိုင်ခဲ့လေရာ သူ့ အသက်ဓာတ်စွမ်းအားက အထွတ်အထိပ်သို့ ရောက်ရှိခဲ့ကာ သူ့ကိုသူ နက်ရှိုင်းစွာ ယုံကြည်မှု တိုးလာခဲ့သည်။</p> <p>သူ့ အရှိန်အဝါက အခြေခံအဆင့်မှ စတင်၍ ပြောင်းလဲသွားခဲ့ပုံအရ ငရဲချေမှုန်း နတ်ဆင်စွမ်းအားက သူ့ကို သစ္စာခံ အသိအမှတ် ပြုလိုက်ပုံ ရသည်။</p> <p>အတိတ် တစ်ချိန်တုန်းက သူ့ အစစ်အမှန် စွမ်းအင်များက သူ့ကို ဆန့်ကျင်နေကာ အချိန်မရွေး ထဖောက်မည့်ပုံ ရှိနေခဲ့၏။ ထို့ကြောင့်ပင် ထိုစွမ်းအားများကို ထိန်းချုပ်ဖို့ ခက်ခဲခဲ့သည်။ ယခုတော့ အရာရာက ကွဲပြားခြားနားသွားလေပြီ။ ဥပမာ သူက ယခုအချိန်၌ လေးရာသီ ဓားပညာကို မာကျောသည့် ပုံစံဖြစ်စေ၊ ပျော့ပျောင်းသည့် ပုံစံဖြစ်စေ အသုံးပြုနိုင်သည်။</p> <p>သူက ယခုအချိန်၌ သံမဏိကို ထွင်းထုထားသည့် ပုံစံနှင့်ပင် တူညီနေသည်။</p> <p>‘ဒီမိစ္ဆာအမြုတေက ဆိုးတော့ မဆိုးပါဘူး... ကံဆိုးတာက ဒါက ရေနဂါးတစ်ကောင်ရဲ့ ဟာလောက်ပဲဖြစ်ပြီး နဂါးတစ်ကောင်ရဲ့ဟာ မဟုတ်ရတာပဲ... နဂါးတွေဆို ဘယ်လောက်တောင် သန်မာလိုက်မလဲ...’</p> <p>သူက မိစ္ဆာအမြုတေကို ငုံ့ကြည့်လိုက်ရာ ထိုအရာက ဖောက်ထွင်းမြင်နိုင်သည့် လတစ်စင်းနှင့် တူညီကာ နူးညံ့ညင်သာသော အလင်းရောင်များ ထွက်ပေါ်နေရာ သူ့အနီးရှိ အနက်ရောင် ရေထဲ အနီးအနားပင် မြင်နေရသည်။</p> <p>သူ့အနီးရှိ အရာရာတိုင်းက ငြိမ်သက်နေရာ စွမ်းအင်လှိုင်း အနည်းငယ်မျှပင် ထမလာပေ။</p> <p>အနက်ရောင်ရေနဂါး သေဆုံးသွားပြီးနောက် သူက ထိုကြီးမားသော အကောင်ကြီးထံမှ ရောနှော အစစ်အမှန် စွမ်းအင်များနှင့် အသက်ဓာတ်စွမ်းအားကို ငရဲမီးတောက် မီးပြင်းဖိုအတွင်း ထည့်သွင်းလိုက်ရာ ချက်ချင်းပင် ဆူပွက်လာသည်။</p> <p>သူက တင်ပျဉ်ခွေထိုင်ကာ သူယူဆောင်ထားသည့် ရောနှော အစစ်အမှန်စွမ်းအင်များကို သူလိုအပ်နေသည့် အနှစ်သာရ ပြောင်းလဲဖို့အတွက် လုပ်ဆောင်လိုက်သည်။</p> <p>ပုံမှန်အားဖြင့် အနက်ရောင် ရေနဂါး သေဆုံးခြင်းက အစစ်အမှန် စွမ်းအင်များ ပေါက်ကွဲစေကာ အကွာအဝေး တစ်ခုထိ လှိုင်းများ ဖြစ်ပေါ်နိုင်သည်။</p> <p>သို့သော်လည်း သူ့ ငရဲမီးတောက် မီးပြင်းဖိုကြောင့် ၎င်းကို ချက်ချင်း စုပ်ယူနိုင်လိုက်သည်။</p> <p>အစစ်အမှန် စွမ်းအင်များက အနက်ရောင် နဂါးတစ်ကောင်အဖြစ် ပြောင်းလဲသွားကာ သူ့ သွေးကြောများအတွင်း စီးဆင်းသွားပြီး သုံးကြိမ်လည်ပတ်ပြီးနောက် ၎င်းက ပြိုကွဲသွားကာ စုပ်ယူခံလိုက်ရသည်။</p> <p>ရုတ်တရက် ရန်ချီက သူ့ သွေးများထဲ၌ နဂါးစွမ်းအားနှင့် ဆင်တူသည့် တစ်စုံတစ်ခု ရှိနေပြီး အချို့က သူ့ ကြွက်သားနှင့် အရိုးများတွင် ပျော်ဝင်နေသလို ခံစားလိုက်မိသည်။ ထိုအရာက ကောင်းကင်ဘုံ အမြင့်ဆုံးသို့ ပျံတက်နိုင်သည့် စွမ်းအားနှင့် တူညီကာ ပင်လယ်များ၏ အနက်ရှိုင်းဆုံး အောက်ခြေနှင့်လည်း ဆင်တူနေသည်။</p> <p>သူ့၏ အရေပြားမှတစ်ဆင့် ရေထုထဲရှိ လေများကိုပင် စုပ်ယူနိုင်နေသည်။</p> <p>ထိုအချက်အရ သူက ရေအောက်ထဲမှာ အသက်ရှူဖို့နှင့် နေထိုင်နိုင်ဖို့အတွက် အစစ်အမှန် စွမ်းအင်များကို အသုံးပြုဖို့ မလိုအပ်တော့ချေ။ သူက ပင်လယ်မျိုးနွယ်စုတစ်ယောက်နှင့်ပင် တူညီနေတော့သည်။</p> <p>ထိုအရာက လူသားတစ်ယောက်အနေဖြင့် အနက်ရောင် ရေနဂါး၏ အစစ်အမှန် စွမ်းအင်များကို စုပ်ယူလိုက်ခြင်း၏ အကျိုးကျေးဇူးပင် ဖြစ်ပေသည်။</p> <p>အချိန်အတော်ကြာပြီးနောက် ရန်ချီက မတ်တပ်ရပ်လိုက်ကာ အားအင်ပြည့်၀သလို ခံစားလိုက်ရသည်။ သူက စွမ်းအင် ပြန်လည်ပြည့်၀လာရုံမကဘဲ ကျင့်ကြံခြင်းအခြေခံပါ အဆင့်သစ် တစ်ခုသို့ ရောက်ရှိသွားလေပြီ။</p> <p>မကြာသေးမီက သူထုတ်ဖော်ခဲ့သည့် ထိုးချက်က သူထုတ်ဖော် ပြုသမျှထဲမှ အစွမ်းတကာ အစွမ်းဆုံး ထိုးချက်တစ်ချက်ပင်။</p> <p>‘မင်း ဘယ်လောက် သန်မာနေပါစေ ငါ ဂရုမစိုက်ဘူး ယွမ်ဟိုက်လန်... ငါ့ရဲ့ ထိုးချက်ကို မင်း တုံ့ပြန်ဖို့တောင် မီလိုက်မှာ မဟုတ်ဘူး... မင်း စောင့်နေပါ...’</p> <p>ထို့ပြင် သူ့ ထိုးချက်ကို အင်မော်တယ်ခြေနင်း ကျောင်းတော်မှ လက်ရွေးစင် ကျောင်းသား အနည်းငယ်လောက်သာ ခုခံကာကွယ်နိုင်မည်ဟု ယုံကြည်ထားသည်။</p> <p>ယခုအချိန်မှာ သူက အဆင့် (၂) လောကအုပ်ချုပ်သူတစ်ယောက် ဖြစ်သော်လည်း အကယ်၍ သူသာ လုံလုံလောက်လောက် မြန်မြန်ဆန်ဆန် တိုက်ခိုက်နိုင်ပါက လောကအုပ်ချုပ်ခြင်းအဆင့်ကို ခြောက်ကြိမ်တိုင်တိုင်အောင်မြင်ခဲ့သည့် အဆင့် (၆) လောကအုပ်ချုပ်သူကိုပင် သေလျှင်သေ မသေလျှင် ဒဏ်ရာ ရရှိစေနိုင်ပေလိမ့်မည်။</p> <p>‘ငါ အနက်ရောင် ရေနဂါးတွေ ပိုရှာဖို့ လိုပြီ...’</p> <p>ထို့နောက် သူက အနက်ရောင်ပင်လယ်ထဲမှ အနက်ရောင်အရိပ်တစ်ခု ဖြစ်လာသည်။ သူက ကမ္ဘာအဆင့် လုပ်ကြံသတ်ဖြတ်သူတစ်ယောက်ကဲ့သို့ အမျိုးမျိုးသောတောင်တန်းများနှင့် လျှိုမြောင်များ အတွင်း သွားလာကြည့်ရှုနေ၏။ သူက သူ့ စွမ်းအင်များကို စုစည်းကာ မူးဝေစေနိုင်သည့် တိုက်ခိုက်မှုကို ထုတ်ဖော်နိုင်လေရာ မည်သည့် ရန်သူ့ အသက်ကိုဖြစ်ဖြစ် အဆုံးသတ်နိုင်သည်။</p> <p>တစ်နာရီကြာပြီးနောက် သူက သလင်းကျောက်နန်းတော်နှင့် အရမ်းနီးကပ်လာခဲ့သည်။ တစ်ချိန်မှာတော့ နက်ရှိုင်းသော လျှိုမြောင်ကြီးတစ်ခု၌ လောကအုပ်ချုပ်ခြင်းအဆင့် ကြီးမားသော ရေနဂါးနှစ်ကောင်ကို တွေ့လိုက်ရသည်။</p> <p>သူက ရေနဂါး တစ်ကောင်ကို လုပ်ကြံနိုင်သော်လည်း ရေနဂါးနှစ်ကောင်လုံး သတိမထားမိဘဲ သတ်ဖြတ်နိုင်ဖို့တော့ ယုံကြည်ချက်မရှိချေ။ ထိုအရာက မဖြစ်နိုင်သောကြောင့် သူက သူတို့ကို ကျော်ဖြတ်သွားခဲ့သည်။</p> <p>သူက တဖြည်းဖြည်းနှင့် တစ်ယောက်တည်း ရှိနေသည့် မည်သူ့ကိုမဆို သတ်ဖြတ်ပစ်သည်။</p> <p>မကြာသေးမီက ရရှိခဲ့သော ဉာဏ်အလင်းကြောင့် သူက ငရဲချေမှုန်း နတ်ဆင်စွမ်းအား၏ ညင်သာသောအပိုင်းနှင့် ခက်ထန်သော အပိုင်းနှစ်ခုလုံးကို အသုံးပြုနိုင်လာလေရာ သတိပြုမိခြင်းမှ ကင်းလွတ်ဖို့က သူ့အတွက် ပိုမို လွယ်ကူလာခဲ့သည်။ အလားတူပင် သူ့ ငရဲနတ်ဆိုး ချပ်ဝတ်ကလည်း နူးညံ့ညင်သာလာကာ ရေထဲ၌ မသိသာစေဘဲ သွားလာလှုပ်ရှားနိုင်လာသည်။</p> <p>မကြာမီမှာပင် သူက ရေအောက်မြစ်ထဲ၌ ကျင့်ကြံနေသည့် အနက်ရောင် ရေနဂါးအိုကြီးကို တွေ့လိုက်ရသည်။ ကြည့်ရသည်မှာ ၎င်းက လောကအုပ်ချုပ်သူ အဆင့် (၂)သို့ ရောက်ရှိနိုင်သည့် အလွန်အရေးကြီးနေသည့်အဆင့်သို့ ရောက်ရှိနေပုံရသည်။</p> <p>တုန်လှုပ်စရာကောင်းသည်မှာ ထိုအနက်ရောင် ရေနဂါးကို ယင်မီးတောက် အလွှာများစွာက ကာကွယ်ထားခြင်းပင်။</p> <p>၎င်းက အစစ်အမှန်စွမ်းအင် တိုးတက်လာစေဖို့ ယင်မီးတောက် ခန္ဓာသန့်စင်ခြင်းကို ကျင့်ကြံခဲ့ကာ လောကအုပ်ချုပ်သူ အဆင့် (၂) သို့ အဆင့်ချိုးဖောက် တက်လှမ်းနေခြင်း ဖြစ်ပေသည်။</p> <p>‘ကောင်းကင်က ငါ့ကို တကယ်ကြီး ကူညီတာပဲ...’</p> <p>ရန်ချီက မြစ်ထဲသို့ ဆင်းသွားကာ အကြီးအကျယ် ဖျက်ဆီးနိုင်သည့် တိုက်ခိုက်မှုကို ထုတ်ဖော်ဖို့ အတွက် စွမ်းအင်များကို စုစည်းလိုက်သည်။</p> <p>အရာရာတိုင်းက အနည်းငယ် ရပ်ဆိုင်းသွားခဲ့သည်။</p> <p>အနက်ရောင် ရေနဂါးက တိုက်ခိုက်ခံရပြီးနောက် ချက်ချင်းလဲကျသွားရာ အစစ်အမှန် စွမ်းအင်များ ပေါက်ကွဲထွက်လာပြီး ထိုစွမ်းအင်များကို ငရဲမီးတောက် မီးပြင်းဖိုမှ စုပ်ယူလိုက်သည်။</p> <p>နောက်ထပ် လတစ်စင်းနှင့်တူညီသည့် မိစ္ဆာအမြုတေက ရန်ချီလက်ဝါးထဲသို့ မျောလွင့်လာသည်။</p> <p>၎င်းက အခြား အနက်ရောင် ရေနဂါးများထံမှ ရရှိခဲ့သော အမြုတေများထက် သာလွန်သည့် စွမ်းအင်အဆင့်၌ ရှိနေလေသောကြောင့် ၎င်းကို ထိန်းချုပ်ထားဖို့ ခက်ခဲလှ၏။</p> <p>သို့သော်လည်း သူက ပြင်ဆင်ထားပြီး ဖြစ်လေရာ ၎င်းကို ချက်ချင်းထိန်းချုပ်ကာ သူ့ သွေးသား ခန္ဓာကိုယ်၌ ပျော်ဝင်စေဖို့ ကြိုးစားလိုက်သည်။</p> <p>မကြာမီမှာပင် ရောနှော အစစ်အမှန် စွမ်းအင်များက သူ့အား ယခင်ထက် ပိုမိုသည့် စွမ်းအင်နှင့် စွမ်းအားကို ရရှိစေသည်။ သူ့ ရွှေဖြူရောင်သွေးများ၌ နဂါးနှင့်ဆင်တူသည့် ပုံရိပ်များကို မြင်တွေ့လာရသည်။</p> <p>‘ဒါဆို ငါ အနက်ရောင် ရေနဂါးတွေကို သတ်ပြီး သူတို့ရဲ့ မိစ္ဆာအမြုတေကို စုပ်ယူလိုက်တိုင်း သူတို့ရဲ့ ရောနှော အစစ်အမှန်စွမ်းအင် အချို့ကို ရရှိနိုင်တာပဲ... ဒါက တော်တော်လေး အကျိုးရှိတယ်... ငါက လက်ရှိအချိန် အသေးစား စကြဝဠာကမ္ဘာမှာ ကျင့်ကြံလို့ မရပေမဲ့ မိစ္ဆာနဲ့ မကောင်းဆိုးဝါးတွေကို သတ်ပြီးတော့ တိုးတက်လာနိုင်တယ်...’</p> <p>အစစ်အမှန် စွမ်းအင်အချို့ကို ထုတ်ဖော်ကာ အနက်ရောင် ရေနဂါး၏ ကြွက်သားများ၊ အရိုးများ၊ ဦးချိုတို့ကို သူ့ လက်စွပ်အတွင်း သိမ်းဆည်းလိုက်သည်။ ထိုပစ္စည်းများက ချပ်ဝတ်နှင့် လက်နက်များကို ပြုလုပ်နိုင်လေရာ ကျောင်းတော်သို့ ပြန်ရောက်သည်နှင့် သူက ၎င်းတို့ကို လုပ်ဆောင်ချက် အမှတ်များနှင့် လဲလှယ်နိုင်ပေလိမ့်မည်။</p> <p>သူက ထိုအရာတို့ကို အဆုံးရှုံးမခံလိုပေ။</p> <p>‘ကျောင်းတော်မှာ ကျန်ခဲ့တဲ့ ငါ့ညီအစ်ကိုတွေက မိစ္ဆာအမြုတေကနေ ငါလုပ်သလို အကျိုးရှိအောင် မလုပ်ပေးနိုင်တာ ဆိုးဝါးလွန်းတယ်... ငါ အဲဒါတွေကို လုပ်ဆောင်ချက် အမှတ်တွေပြောင်းပြီး ဒဏ္ဍာရီအဆင့်တစ်ယောက်က သူတို့ကို ကူညီခွင့် ဝယ်ယူလိုက်ရင် ကောင်းမယ်...’</p> <p>ထိုအနက်ရောင် ရေနဂါးများက နောက်ဆုံးမှာတော့ လောကအုပ်ချုပ်သူ အဆင့်များအတွက် ရတနာများပင်။</p> <p>ထို့ပြင် ရန်ချီ၏ ငရဲချေမှုန်း နတ်ဆင်စွမ်းအားကြောင့် ထိုရတနာများကို သူ အလိုရှိသမျှ ရယူနိုင်နေသည်။ အရိပ်တစ်ခုပမာနှင့် သူက ဆက်လက် ရွေ့လျားသွားလေတော့သည်။</p> <p>သူ့ အရှိန်အဝါများက အနက်ရောင်ပင်လယ်နှင့် တော်တော်လေး တူညီနေလေရာ ရေအောက်နယ်မြေရှိ မည်သူတစ်ဦးမှ သူ့ကို နည်းနည်းလေးပင် သတိမထားမိကြချေ။</p> <p>လောကအုပ်ချုပ်ခြင်းအဆင့် အနက်ရောင်ရေနဂါးနှစ်ကောင် သူ့လက်အတွင်း ကျရောက်ပြီးနောက် ရန်ချီက ယခင်ထက် ပိုမိုသန်မာလာကာ ယခင်ထက် ပိုမို အစွမ်းထက်လာခဲ့သည်။</p> <p>“ဝှစ်…”</p> <p>နောက်ထပ် ရေနဂါးတစ်ကောင်ကလည်း ဘာမှမသိလိုက်ရစဉ်ပင် ထပ်မံ အသတ်ခံလိုက်ရ ပြန်သည်။</p> <p>“ပွမ်…”</p> <p>ရေအောက်မြစ်ထဲရှိ နောက်ထပ် အနက်ရောင် ရေနဂါးအိုကြီးတစ်ကောင် အသတ်ခံလိုက်ရပြီး သွေးတစ်စက် မထွက်ခင်မှာပင် ပျောက်ကွယ်သွားပြန်ပြီ။ ရန်ချီ၏ အစစ်အမှန်စွမ်းအင်များက လုံးဝကုန်ဆုံးသွားမည့်ပုံ မရှိချေ။</p> <p>သူက ယခုအချိန်၌ သူ့ အစစ်အမှန်စွမ်းအင်များကို အပြည့်အ၀ ထိန်းချုပ်နိုင်လေရာ သူအလိုရှိသလို အစစ်အမှန်စွမ်းအင်များကို အေးခဲစေနိုင်သကဲ့သို့ လောင်ကျွမ်းပစ်နိုင်သည်။ တောင်တန်းများကိုပင် ချော်ရည်များအဖြစ် ပြောင်းလဲနိုင်ကာ သာမန်လောက အုပ်ချုပ်သူများ အနေဖြင့် ထိုကဲ့သို့ မပြုလုပ်နိုင်ကြပေ။</p> <p>တစ်ယောက်ပြီးတစ်ယောက် သူက လောကအုပ်ချုပ်ခြင်းအဆင့် အနက်ရောင် ရေနဂါးများကို မည်သူမျှ သတိမထားမိစေဘဲ သတ်ဖြတ်နိုင်ခဲ့သည်။</p> <p>သူက အနက်ရောင်ရေများထဲမှ သေခြင်းနတ်ဘုရားနှင့်တူညီကာ ငရဲပြည်မှ ဘုရင်က သူအလိုရှိတာကို လာရောက် စုဆောင်းနေပုံ ဖြစ်နေသည်။ စွမ်းအားကြီးမားသည့် အနက်ရောင် ရေနဂါးငါးကောင်ကို ဆက်တိုက် သတ်ဖြတ်ပြီးနောက် သူက အသက်ရှူဖို့ ခဏရပ်နားလိုက်သည်။</p> <p>သူ့ ထိုခရီးက ကောင်းကင်ဘုံကို မည်မျှ ဆန့်ကျင်နေကြောင်း တွေးမိကာ တော်တော်လေး အံ့အားသင့်ခဲ့ရသည်။ အကယ်၍ မိစ္ဆာကြီးတစ်ကောင်က အင်မော်တယ်ခြေနင်း ကျောင်းတော်အတွင်း ဝင်ရောက်ကာ လက်ရွေးစင် ကျောင်းသားငါးယောက်ကို သတ်ခဲ့ပါက မည်သို့ဖြစ်သွားမည်နည်း။ ထိပ်သီးကျွမ်းကျင်သူများက ထိုမကောင်းဆိုးဝါးကို ကမ္ဘာမြေအဆုံးထိ လိုက်လံသတ်ဖြတ်ကြမှာ အသေအချာပင်။</p> <p>အကယ်၍ အနက်ရောင် ရေနဂါးဘုရင်က ယခုကိစ္စ၌ သူ့ထံ တာဝန်ရှိကြောင်း ရှာတွေ့ခဲ့ပါက သူရော အလားတူ ဖြစ်ရပ်မျိုး မဖြစ်နိုင်ပေဘူးလား။</p> <p>ရုတ်တရက် သူက အန္တရာယ်ကြီးတစ်ခု ကျရောက်တော့မလို ခံစားလိုက်ရသည်။</p> <p>‘ငါ ယွမ်ဟိုက်လန်ကို တစ်နည်းနည်းနဲ့ အပြစ်ဖို့လိုက်မယ်ဆိုရင်ကော... သူမမှာ ပင်လယ်နတ်ဘုရား သွေးပိုင်ဆိုင်ထားတဲ့အတွက် သူမကို ငါ့လိုမျိုး ဒီနေရာမှာ အလွယ်တကူ သွားလာနိုင်မှာပဲ... ဟုတ်ပြီ ဒါက ပြီးပြည့်စုံတယ်...’</p> <p>သူ့ စိတ်ထဲ၌ ထိုကဲ့သို့ ပြုလုပ်ရန် စဉ်းစားပြီးနောက် အနီးအနား၌ သလင်းကျောက်ဖြင့် တည်ဆောက်ထားသော အနက်ရောင် ရေနဂါးလိုဏ်ဂူကို ကြည့်လိုက်သည်။ အကယ်၍ သူသာ ထိုနေရာသို့ သွားပါက ကြိုးပေးတောင်တန်းနှင့် ပတ်သက်သော လျှို့ဝှက်ချက် အချို့ကို ရှာတွေ့နိုင်သည်။</p> <p>သို့သော် ထိုနေရာ၌ ဒဏ္ဍာရီလာ အဆင့် မိစ္ဆာဘုရင်တစ်ပါး ရှိနေရာ အလွန် အန္တရာယ်များလှ၏။</p> <p>သူ ဘာလုပ်သင့်သလဲ စဉ်းစားနေချိန်မှာပင် သူ့အနားရှိ ရေများ မြင့်တက် ပေါက်ကွဲလာတာကို ခံစားမိလိုက်သည်။</p> <p>‘ဘာတွေ ဖြစ်နေတာလဲ...’</p> <p>သူက တွေးလိုက်မိသည်။</p> <p>‘တစ်စုံတစ်ယောက်က မိစ္ဆာမကောင်းဆိုးဝါးတွေကို သတ်ဖို့အတွက် အနက်ရောင် ပင်လယ်ထဲ ဝင်ရောက်လာတာလား...’</p> <p> </p> <p> </p> <p style="text-align: center;">End</p> <p style="text-align: center;">***</p>


Save