Book List

<h2 style="text-align: center;">အခန်း (၁၂၇)</h2> <h2 style="text-align: center;">ပိုမိုသန်မာလာခြင်း</h2> <h2 style="text-align: center;">*</h2> <p> </p> <p> </p> <p>ဘန်း...</p> <p>ကြီးမားကာ သင်တုန်းဓားပုံစံ ဦးချိုရှိသည့် ရွှေရောင်ကြံ့ကြီးတစ်ကောင်က ရန်ချီထံ တိုးဝင်လာခဲ့သည်။</p> <p>တစ်ခဏအကြာတွင် သူ့လက်ထဲ၌ ရွှေရောင်အမြုတေတစ်ခု ရရှိလာ၏။ ရွှေရောင်ကြံ့ကြီးများမှာ သတ္တုများကို စားသောက်သည့် မိစ္ဆာသားရဲများ ဖြစ်ကြရာ သူတို့၏ အရိုးများ၊ သွေးများနှင့် ကြွက်သားများမှာ သဘာဝ တွင်းထွက်သတ္တုများကဲ့သို့ ဖြစ်နေပေသည်။</p> <p>သူတို့၏ ခန္ဓာကိုယ်များက သတ္တုနှင့်ဆိုင်သည့် စိတ်ဝိညာဉ်ဆေးဝါးများ ဖော်စပ်ရာတွင် အလွန် ကောင်းမွန်သည့် ပါဝင်ပစ္စည်းများ ဖြစ်ကြသည်။ သူတို့၏ မိစ္ဆာအမြုတေများကလည်း စိတ်ဝိညာဉ် လက်နက်များ၌ ထည့်သွင်း အသုံးပြုရန်အတွက် ပြည့်စုံလှ၏။</p> <p>သူက လက်ကို ဝှေ့ယမ်းလိုက်ရာ ရွှေရောင်ကြံ့ မိစ္ဆာအမြုတေက သူ့ပင်လယ်နှလုံးသား လက်စွပ်အတွင်း ဝင်ရောက်သွားလေတော့သည်။</p> <p>လက်ရှိအချိန်တွင် သူက မြင့်မားသော တောင်တစ်ခုအပေါ်၌ရပ်ကာ အဝေးသို့ လှမ်းကြည့် လိုက်သည်။ အနက်ရောင် တိမ်များ စုဝေးပြီး ဖုတ်ကောင်များ ရွေ့လျားနေသည်ကို မြင်လိုက်ရ၏။ ယခုအချိန်၌ သူ့အဓိက ရည်မှန်းချက်မှာ အနက်ရောင် အလောင်းတောင်တန်းရှိ ဒဏ္ဍာရီသဖွယ် ဖြစ်နေသော ကောင်းကင်အလောင်းကောင် ဒိုင်းမင်းရှင်းကို ရှာဖွေဖို့အတွက်ပင်။</p> <p>အမှန်စင်စစ် အင်မော်တယ်ခြေနင်း ကျောင်းတော်အနီး မကောင်းဆိုးဝါး အလောင်းတောင်တန်း၌ ဒိုင်းမင်းရှင်း ကူးသည့် လမ်းကြောင်းတစ်ခု ရှိသည်။</p> <p>အနက်ရောင် အလောင်းတောင်တန်းတွင်လည်း ကောင်းကင်အလောင်းကောင် ဒိုင်းမင်းရှင်းမှ အလောင်းကောင် စွမ်းအင်များ ရှိနေလေရာ သွားလာသည့် လမ်းကြောင်းတစ်ခု ရှိနေနိုင်ပေသည်။</p> <p>ထို့ပြင် သူက ထိုဒိုင်းမင်းရှင်းမှ ဒဏ္ဍာရီဆန်သည့် အသက်ဓာတ် စမ်းရေကို ရှာဖွေချင်နေခဲ့သည်။ သူ့ငရဲချေမှုန်း နတ်ဆင်စွမ်းအားကို သိသိသာသာ တိုးတက်စေနိုင်သည့် တစ်ခုတည်းသော နည်းလမ်းမှာ အသက်ဓာတ် စမ်းရေပင်ဖြစ်၏။ ထိုအရာသာမရှိပါက အဆင့်ချိုးဖောက် တက်လှမ်းနိုင်ဖို့ ခက်ခဲပေလိမ့်မည်။</p> <p>"ဆောင်ဟေရှမ်း သေတာကို ယွမ်ဟိုက်လန် မသိခင် အချိန်နည်းနည်းတော့ရလိမ့်မယ်... ငါ သူမ ဖြစ်ပျက်သွားမယ့် မျက်နှာကို မမြင်နိုင်တာ ဆိုးတာပဲ... ယန်ကောင်းကင်မှာရှိတဲ့ သူမရဲ့ သူလျှိုက ငါ ဘာလုပ်ထားလဲဆိုတာ သူမဆီ အကြောင်းကြားမှာပဲ... သူမက ငါ အင်မော်တယ်ခြေနင်း ကျောင်းတော်မှာ မရှိဘူးဆိုတာ သိသွားမှာပါပဲလေ..."</p> <p>အင်မော်တယ်ခြေနင်း ကျောင်းတော်မှ ကိစ္စများကို စဉ်းစားရင်းဖြင့် သူက တောင်တန်းများဆီ ပြေးလွှားသွားခဲ့သည်။</p> <p>ဝှစ်...</p> <p>တဖြည်းဖြည်းနှင့် အဆိပ်သင့်သည့် အလောင်းကောင် စွမ်းအင်များက သူ့မျက်နှာကို ရိုက်ခတ်လာကာ ဖုတ်ကောင်များ၏ အော်ဟစ်သံများကိုလည်း သူ့နားထဲတွင် ကြားနေရသည်။ မကြာခင်မှာပင် ဖုတ်ကောင်များ၊ အရိုးစုများနှင့် အချို့ ဖုတ်ကောင် သားရဲကြီးများ ရှိနေသည့် ချိုင့်ဝှမ်းသို့ ရောက်ရှိသွားတော့သည်။</p> <p>သူက လက်ကို ဝှေ့ယမ်းလိုက်ရာ ပြင်းထန်သည့် အစစ်အမှန် စွမ်းအင်များက သူတို့ကို ပြာအဖြစ် ပြောင်းလဲသွားစေပြီး အလောင်းကောင် စွမ်းအင်များ ထွက်ပေါ်လာလေတော့သည်။</p> <p>နှစ်ထောင်ချီ အနက်ရောင် အလောင်းတောင်တန်းက လှုပ်ရှားမှုများနှင့် အသက်ဝင်နေ၏။ အလောင်းကောင် စွမ်းအင်များက များပြားလွန်းလေရာ ၎င်းနှင့် ထိမိသည့် သားရဲများ၊ လူသားများ အားလုံး ဖုတ်ကောင်များအဖြစ် ပြောင်းလဲသွားပြီး မြင်မြင်သမျှ သက်ရှိတိုင်းကို စားသောက်ကြသည်။</p> <p>ထို့ကြောင့် သူတို့တွေများစွာ ရန်ချီ သတ်လိုက်လေလေ တောင်တန်းအတွက် ဘေးအန္တရာယ် ပိုမို နည်းပါးလာလေလေ ဖြစ်သည်။</p> <p>သူ့ အစစ်အမှန် စွမ်းအင်ပမာဏက များပြားလွန်းကာ ပြိုင်ဘက်ကင်းလုနီးနီး ဖြစ်နေသဖြင့် သူတွေ့မိသည့် မည်သည့် ဖုတ်ကောင်နှင့် အရိုးစုမဆို သုတ်သင်ခံရသည်။ သူက ငရဲပြည်မှ တမန်တော်တစ်ပါးနှင့် ဆင်တူနေပေ၏။</p> <p>ထိုအချိန်အတွင်း သူ့စွမ်းအားပင်လယ် အနက်ပိုင်းရှိ ငရဲမီးတောက် မီးပြင်းဖိုအတွင်း မိစ္ဆာတစ္ဆေများကို ကိုယ်စားပြုသည့် အဆိပ်သင့် စွမ်းအင်များက ဒေါသတကြီး အော်ဟစ်နေကြသည်။</p> <p>ထိုအရာက အဆိပ်ဘုရင် အရိုးခေါင်းမိစ္ဆာမှ ရန်ချီ စုပ်ယူခဲ့သည့် စွမ်းအင်များဖြစ်ကာ ထိုလူ၏ အသက်ဓာတ်အမြုတေပင် ပါဝင်နေသည်။ ရန်ချီက ယခုအချိန်၌ သူ့ ရွှေဖြူရောင် သူတော်စင် မီးလျှံကို အသုံးပြုကာ အဆိပ်သင့် စွမ်းအင်များကို ချေဖျက်၍ အစစ်အမှန် စွမ်းအင်များကို ထုတ်ယူနေခြင်း ဖြစ်သည်။</p> <p>ငရဲချေမှုန်း နတ်ဆင်စွမ်းအား၌ ငရဲမှ အရှိန်အဝါများ ပြည့်နှက်နေသည်။</p> <p>ငရဲပြည်က ဘယ်လိုနေရာမျိုးလဲ။ ထိုနေရာက မိစ္ဆာနတ်ဘုရားများ ခိုအောင်းနေသည့် နက်ရှိုင်းသော မိစ္ဆာနယ်မြေဖြစ်သည် မဟုတ်ပါလား။ ရက်စက်လွန်းသည့် မိစ္ဆာနတ်ဘုရားများကို ငရဲပြည်၏ အနက်ရှိုင်းဆုံး နေရာရှိ ကြီးမားသော မီးပြင်းဖိုအတွင်း မြင်တွေ့နိုင်သည်။</p> <p>ထို့ကြောင့်ပင် သဘာဝအားဖြင့် ရန်ချီက ရောနှော အစစ်အမှန်စွမ်းအင် အချို့ကို ရရှိနိုင်ခြင်းမှာ သဘာ၀ ကျပေသည်။</p> <p>ထိုအဆိပ်သင့် စွမ်းအင်များကိုအသုံးပြုကာ သူက ဖုတ်ကောင်များနှင့် အရိုးစုများကို မီးကိုမီးဖြင့် တိုက်သကဲ့သို့ ဖျက်ဆီးကာ တစ်ချိန်တည်းမှာပင် အသက်ဓာတ် အမြုတေ၏ အသန့်စင်ဆုံး ပုံစံကို တတ်နိုင်သမျှ ရရှိခဲ့လေတော့သည်။</p> <p>ယခုအခါ သူ့စွမ်းအင်ပညာရပ်က အထွတ်အထိပ်သို့ ရောက်ရှိနေကာ လောကအုပ်ချုပ်သူ အဆင့်(၄)နှင့် နီးကပ်လာလေပြီ။</p> <p>တစ်ချိန်တည်းမှာပင် သူက နှစ်ထောင်ချီ အလောင်းဘုရင်များကို ရှာဖွေကာ အဆင့်ချိုးဖောက် တက်လှမ်းရာ၌ အသက်ဓာတ် အမြုတေအဖြစ် အသုံးပြုရန် မျှော်လင့်ချက်ဖြင့် ပြင်ဆင်ထားချင်နေသည်။</p> <p>အနက်ရောင် အလောင်းတောင်တန်းအတွင်းသို့ ပိုမို ဝင်ရောက်လာသောအခါ ဖုတ်ကောင်များနှင့် အရိုးစုများက ပိုမို များပြားလာသည်။</p> <p>တစ်ချိန်တည်းမှာပင် သူကြုံတွေ့လာသည့် သက်ရှိများက ပိုမို သန်မာလာ၏။ အဆင့်(၇)၊ အဆင့်(၈)၊ အဆင့်(၉) ရန်သူများပင် ပေါ်လာလေတော့သည်။ သူတို့ထဲမှ အချို့က မသေဆုံးမီ နှစ်ပေါင်းရာချီက ထိပ်သီး ကျွမ်းကျင်သူများ ဖြစ်ကြသည်။</p> <p>ရန်ချီက ယန်ကောင်းကင်၌ အတိတ်တစ်ချိန်တုန်းက ကျော်ကြားသော ထိပ်သီးများနှင့်ပါ တွေ့ခဲ့ရသည်။</p> <p>အမှန်စင်စစ် စွမ်းအားပညာရှင်များက နှစ်တစ်ရာကျော် အသက်ရှင်နိုင်သော်လည်း အနက်ရောင် တောင်တန်းရှိ သင်္ချိုင်းဂူများအတွင်း ရောက်ရှိသောအခါ အလောင်းကောင် စွမ်းအင်များက သူတို့ကို ဖုတ်ကောင်များအဖြစ် ပြောင်းလဲသွားစေပြီး တောင်တန်းများရှိ အလောင်းကောင် ဘုရင်များထံ ခစားရလေတော့သည်။ ထိုကဲ့သို့ အကြောင်းမျိုး ဘယ်နှစ်ကြိမ်ခန့် ဖြစ်ပွားခဲ့ကြောင်း ပြောပြဖို့ပင် ခက်ခဲလှသည်။</p> <p>ထို့ကြောင့် အနက်ရောင် အလောင်းတောင်တန်းတွင် အစွမ်းထက်သည့် အင်အားစုများ မည်မျှ ရှိသနည်းဟု ခန့်မှန်းရန်ပင် ခက်ခဲပေလိမ့်မည်။</p> <p>ထို့ပြင် ထိုနေရာရှိ ဖုတ်ကောင်များက မကောင်းဆိုးဝါး အလောင်းတောင်တန်းထက်ပင် များပြားသည်။</p> <p>အကြောင်းမှာ မကောင်းဆိုးဝါး အလောင်းတောင်တန်းက အင်မော်တယ်ခြေနင်း ကျောင်းတော်မှ ကျောင်းသားများအနေဖြင့် လေ့ကျင့်ရန်နှင့် အတွေ့အကြုံ ရရှိဖို့အတွက် လူကြိုက်များသည့် နေရာတစ်ခုဖြစ်သောကြောင့်ပင်။ ဆန့်ကျင်ဘက်အားဖြင့် အနက်ရောင် အလောင်းတောင်တန်းကတော့ ဝေးလံခေါင်သီသည့် ကျေးလက်ဒေသဘက်တွင် တည်ရှိနေသည်။ မည်သူတစ်ဦးမှ လေ့ကျင့်ဖို့အတွက် ထိုနေရာသို့ မသွားလေရာ မိစ္ဆာအင်အားစုများက လွတ်လွတ်လပ်လပ်ဖြင့် ပိုမို သန်မာလာကြလေတော့သည်။</p> <p>ရန်ချီက သူ့နှလုံးသားထဲမှ ဆန္ဒအတိုင်း ထိုနေရာရှိ မိစ္ဆာများကို စိတ်တိုင်းကျ သတ်ဖြတ်နေရာ မိစ္ဆာအမြုတေများက သူ့ငရဲမီးတောက် မီးပြင်းဖိုအတွင်း အဆက်မပြတ် စုပ်ယူနေလေတော့သည်။</p> <p>မိစ္ဆာအမြုတေများက ရွှေဖြူရောင် သူတော်စင်မီးလျှံကြောင့် ချက်ချင်း အရည်ပျော်ကာ သန့်စင်သည့် အသက်ဓာတ် အဆီအနှစ်များ ဖြစ်လာသည်။</p> <p>အာဝူး...</p> <p>အား... ဝူး...</p> <p>ရုတ်တရက် သင်္ချိုင်းနှင့် တူညီသည့် တောင်တစ်ခုက လှုပ်ယမ်းသွားကာ များပြားလွန်းသည့် အလောင်းကောင် အရှိန်အဝါက လေထဲသို့ ထွက်ပေါ်လာသည်။ ထိုအတွက်ကြောင့်ပင် အနီးနားရှိ အရိုးစုများနှင့် အလောင်းကောင်များက သစ္စာရှိစွာ ဦးညွှတ်လိုက်ကြလေတော့သည်။</p> <p>နှစ်တစ်ထောင် အလောင်းဘုရင် ထွက်ပေါ်လာပြီ။</p> <p>ရန်ချီက မိစ္ဆာများနှင့် မကောင်းဆိုးဝါးများကို သုတ်သင်နေရင်း ထိုကဲ့သို့ ထိပ်သီး ကျွမ်းကျင်သူ တစ်ယောက်၏ တည်နေရာ ထွက်ပေါ်လာရာ စိတ်အားထက်သန်လာသည်။ အလောင်းဘုရင်က ရွှေနှင့် ပြုလုပ်ထားကာ ရွှေရောင်တောင်ပံများရှိနေသဖြင့် သူက လူသားတစ်ဦးလား မိစ္ဆာတစ်ကောင်လား ဆိုသည်ကိုပင် မသေချာချေ။</p> <p>ရွှေရောင် အလောင်းဘုရင် ထွက်ပေါ်လာသည်နှင့် ရွှေများနှင့် ပြည့်နှက်နေသည့် လေပြင်းများ တိုက်ခတ်လာတော့သည်။</p> <p>ထိုအရာက သတ္တုအမျိုးအစား အစစ်အမှန်စွမ်းအင်ဖြစ်ကာ အလွန်အမင်း အစွမ်းထက်လှသည်။ ထိုစွမ်းအင်က အရာရာတိုင်းကို ထိုးဖောက်နိုင်သည့် အမျိုးအစားပင်။</p> <p>"မြင့်မြတ်တဲ့ နတ်ဘီလူး ကြယ်သတ္တု ရောင်စဉ်..."</p> <p>သူက ကြုံးဝါးလိုက်သည်။ သူ့ထံမှ ထွက်ပေါ်လာသည့် စွမ်းအင်ပညာရပ် လှိုင်းများက နက်မှောင် အေးစက်နေပြီး အသေသတ်ကွက်တစ်ခု ဖြစ်လာသည်။</p> <p>"အနက်ရောင် အလောင်းတောင်တန်း အနက်ပိုင်းမှာ တစ်စုံတစ်ယောက် ပြဿနာ လာမရှာတာ တော်တော်ကြာခဲ့ပြီ... ကောင်စုတ်လေး... မင်းက ဝါးနိုင်တာထက် ပိုဝါးချင်နေတာပဲ..."</p> <p>"ဒါဆို ဒီအလောင်းကောင်က နတ်ဘီလူး တာအိုကို ကျင့်ကြံတာပေါ့..."</p> <p>နတ်ဘီလူး စွမ်းအင်ပညာရပ်က မိစ္ဆာပညာရပ် ဟူ၍ သတ်မှတ်၍ရကာ ထိုပညာရပ်ကို ကျင့်ကြံပြီးပါက သူတို့၏ သွေးသားခန္ဓာကိုယ်မှ အတောင်ပံများ ကြီးထွားလာပြီး ကျင့်ကြံသူကို လေထဲ၌ အမှန်တကယ် ပျံသန်းနိုင်သည့် နတ်ဘီလူးတစ်ကောင် ဖြစ်စေသည်။</p> <p>အင်မော်တယ်ခြေနင်း ကျောင်းတော်၌ ထိုပညာရပ်က တားမြစ်ထားသည့် မိစ္ဆာပညာရပ် ဖြစ်သည်။</p> <p>အမှန်စင်စစ် ထိုအရာကို လူမဟုတ်သည့် သူများသာ ကျင့်ကြံကြသည်။</p> <p>အလင်းတန်းများ နီးကပ်လာသောအခါ ရန်ချီက စွမ်းအင်နယ်ပယ်ကို ထုတ်ဖော်လိုက်ရာ အရာရာတိုင်းက လှုပ်ယမ်းကုန်ပြီး တောင်များပင် ကွဲအက်လာသည်။ မြေပြင်ပင်လျှင် အက်ကွဲကြောင်းများ ဖြစ်ပေါ်လာလေတော့သည်။</p> <p>ကြယ်သတ္တု ရောင်စဉ် လှိုင်းများကတော့ ပျက်စီးသွားလေပြီ။</p> <p>"ငါက ငရဲကို ထိန်းချုပ်ပြီးတော့ ငရဲ နတ်ဘုရားတွေကို ကိုယ်စားပြုတယ်... ဒါကြောင့် မင်းရဲ့ စွမ်းအားကို ဖယ်ရှားဖို့ ငရဲက မှော်ပညာ နိယာမကို အသုံးပြုနိုင်တယ်..."</p> <p>ရန်ချီ ပြောလိုက်သည့် စကားများက ငရဲချေမှုန်း နတ်ဆင်ကြီး ပြောလိုက်သည်နှင့် တူညီကာ ကောင်းကင်နှင့် မြေပြင်မှ အရိုင်းဆန်သည့် သက်စောင့် စွမ်းအင်များက ဆင်းသက်လာပြီး ပျံသန်းနေသည့် အလောင်းဘုရင်ကို လွှမ်းမိုးသွားလေတော့သည်။</p> <p>အလောင်းဘုရင်က အလွန်အမင်း လွှမ်းမိုးခံရကာ သူအနေဖြင့် ချက်ချင်း ပျောက်ကွယ်သွားနိုင် သကဲ့သို့ ခံစားလိုက်ရသည်။</p> <p>သူက ကောင်းကင်ပေါ်မှ ကျဆင်းပြီးနောက် သူ့ခန္ဓာကိုယ်က ပြိုလဲသွားကာ ကြောက်လန့်တကြား ပြောလိုက်သည်။</p> <p>"မင်းက ဘယ်သူလဲ... ဘယ်လိုလုပ်ပြီး မှော်ပညာနိယာမကို ထိန်းချုပ်နိုင်ရတာလဲ... ဒါက ဘယ်လို မိစ္ဆာပညာရပ်မျိုးလဲ... အဲဒီမှာ မိစ္ဆာ မကောင်းဆိုးဝါးတွေကို ဖျက်ဆီးနိုင်တဲ့ ငရဲပြည်ရဲ့ စွမ်းအားတွေပါနေတယ်... မင်းက လူလား နတ်ဆိုးလား..."</p> <p>မျက်လုံးများ အရောင်လက်သွားပြီးနောက် ရန်ချီက သူ့ကို သတ်ပစ်လိုက်သည်။</p> <p>သူ့ ကြီးမားသော မိစ္ဆာအမြုတေကို ထုတ်ယူပြီးနောက် သူက ရွှေဖြူရောင် သူတော်စင် မီးလျှံအတွင်း ပစ်ထည့်လိုက်ရာ ၎င်းက စတင် အရည်ပျော်လာလေတော့သည်။</p> <p>ရွှေဖြူရောင် သူတော်စင် မီးလျှံက နတ်ဘုရား နယ်မြေမှ ကောင်းချီးပေးခြင်း တစ်ခုနှင့် တူညီကာ ၎င်းက မိစ္ဆာများ၊ နတ်ဆိုးများနှင့် မကောင်းသည့် စွမ်းအင် အမျိုးမျိုးကို သန့်စင်ပေးနိုင်သည်။</p> <p>ထိုအချက်ကြောင့် ရန်ချီက အနက်ရောင် အလောင်းတောင်တန်း အနက်ပိုင်း ဝင်ရောက်ကာ ကောင်းကင်အလောင်းကောင် ဒိုင်းမင်းရှင်းကို ဝင်ရောက်ရှာဖွေခြင်း ဖြစ်သည်။</p> <p>ငရဲချေမှုန်း နတ်ဆင်စွမ်းအားက အမျိုးမျိုးသော မိစ္ဆာမကောင်းဆိုးဝါးများကို ဖျက်ဆီးနိုင်လေရာ ၎င်းတို့ကို အလွယ်တကူ နင်းခြေနိုင်ခြင်းက အံ့ဩစရာ မဟုတ်တော့ပေ။</p> <p>ရွှေရောင် အလောင်းဘုရင်ကို သတ်ဖြတ်ပြီးနောက် ရန်ချီအနေဖြင့် ရှေ့သို့ ဆက်သွားခဲ့သည်။</p> <p>ဝုန်း...</p> <p>ရုတ်တရက် တောင်ထိပ်တစ်ခုက ပေါက်ကွဲကာ များပြားလွန်းသည့် ကျောက်တုံးများက နေရာအနှံ့ လွင့်စင်သွားပြီး တိမ်များပင် ကင်းစင်သွားလေတော့သည်။ အတွင်းဘက်၌ သင်္ချိုင်းတစ်ခု ပေါ်လာကာ သင်္ချိုင်းအနက်ပိုင်း၌ ကြေးရောင် ခေါင်းတလား တစ်ခု ရှိနေသည်။</p> <p>ခေါင်းတလား အတွင်းမှ မျက်လုံးများ ဖွင့်လာကာ တောင်ထိပ်မှ ပျက်စီးမှုများကို အံ့ဩတကြီး ကြည့်လိုက်၏။</p> <p>ထိုအရာက လောကအုပ်ချုပ်သူ အဆင့်(၁)ထက် သာလွန်သည့် စွမ်းအားများ ဖြစ်ကြောင်း သိသာလှသည်။</p> <p>မျက်လုံးများ ဖွင့်ပြီးနောက် လက်တစ်ဖက်က ခေါင်းတလား အပေါ်၌ ပေါ်လာကာ နှစ်ထောင်ချီ အလောင်းတစ်ကောင်က အပြင်သို့ ဆွဲကိုင်ထုတ်လိုက်သည်။</p> <p>ထိုအလောင်းက လူသွေးများ စုပ်ယူကာ ကျင့်ကြံခြင်းအလယ်တစ်ခု၌ ရောက်ရှိနေခြင်း ဖြစ်သည်။ ယခုအချိန်မှာတော့ သူက လူငယ်တစ်ကောင်၏ ချုပ်ကိုင်ထားမှုကို ခံရလေပြီ။ သူက အစွယ်များကို ထုတ်ကာ ရန်ချီ၏ လက်ကို သွေးစုပ်ဖို့ ပြင်ခိုက်သည်။</p> <p>သို့သော်လည်း သူ့ အစွယ်များက ရန်ချီ၏ အရေပြားကို ထိမိသောအခါ ကျိုးပဲ့ကုန်ပြီး သူ့ ခန္ဓာကိုယ်တစ်ခုလုံး ပေါက်ကွဲသွားလေတော့သည်။ တစ်ခဏကြာပြီးနောက် ရန်ချီက နောက်ထပ် မိစ္ဆာအမြုတေတစ်ခု ထပ်ရသည်။ ထိုအရာက သွေးနီရောင် တစ်ခု ဖြစ်၏။</p> <p>ထိုအရာက သူတစ်ချိန်တုန်းက သတ်ဖြတ်ခဲ့သည့် သွေးစုတ်ဖုတ်ကောင်များ၏ သွေးမိစ္ဆာ အမြုတေနှင့် တော်တော်လေး တူညီသည်။</p> <p>ထိုအရာက အလွန်အစွမ်းထက်သည့် သွေးစုတ်ဖုတ်ကောင် အလောင်းဘုရင်တစ်ကောင် ဖြစ်ပေသည်။ သူက နေ့ဘက်၌အိပ်ကာ ညဘက်၌ အမဲလိုက်လေ့ရှိသည်။ ၎င်းက အနက်ရောင် အလောင်းတောင်တန်း ဝန်းကျင်ဒေသများအတွက် ကြီးမားသော ခြိမ်းခြောက်မှုတစ်ခု ဖြစ်သည်။ ယခုတော့ ရန်ချီက သူ့ကို အဆုံးသတ်ခဲ့လေပြီ။</p> <p>ထို့ကြောင့် သူက ၎င်းကို သတ်ဖြတ်ခြင်းက အကျိုးရှိသည်။</p> <p>အနက်ရောင် အလောင်းတောင်တန်းကို သန့်ရှင်းဖို့ အချိန်ရောက်လာသဖြင့် သူက နှစ်တစ်ထောင် အလောင်းဘုရင်များကို တတ်နိုင်သမျှ သတ်ဖို့ အချိန်ကျလာလေပြီ။</p> <p> </p> <p> </p> <p style="text-align: center;">End</p> <p style="text-align: center;">***</p>


Save