Book List

<h2 style="text-align: center;">အခန်း (၁၂၉)</h2> <h2 style="text-align: center;">မကောင်းဆိုးဝါး အစုအဝေး၏ ညစ်ညမ်းစေခြင်း</h2> <h2 style="text-align: center;">*</h2> <p> </p> <p> </p> <p>‘မည်မျှ စွမ်းအားကြီးမားလိုက်သည့် မကောင်းဆိုးဝါး တစ္ဆေပါနည်း’</p> <p>မကောင်းဆိုးဝါး နတ်ဆိုးက ငရဲမီးတောက် မီးပြင်းဖိုထဲမှ လွတ်မြောက်ရန် အကြိမ်ကြိမ် ရုန်းကန်နေသော်လည်း အချည်းနှီးသာ။ တဖြည်းဖြည်းချင်းပင် ရွှေဖြူရောင် မြင့်မြတ်မီးလျှံက ရန်လိုနေသော စိတ်ဝိညာဉ်ကို ဝါးမျိုလိုက်ပြီး မကောင်းဆိုးဝါး စွမ်းအင်များကို သန့်စင်သော အသက်ဓာတ် အနှစ်သာရအဖြစ် ပြောင်းလဲကာ ရန်ချီ၏ အစိတ်အပိုင်းသစ်များထံ သွန်းလောင်း ပေါင်းစပ်ပေးလိုက်၏။</p> <p>မကောင်းဆိုးဝါး တစ္ဆေ၏ စိတ်ဝိညာဉ် ခန္ဓာကိုယ်မှာ လောကအုပ်ချုပ်သူ အဆင့် (၄) ကျင့်ကြံသူ တစ်ယောက်နှင့် ညီမျှသည်။</p> <p>အသက်ရှိစဉ်က မည်သို့ပင်ဖြစ်စေ သေဆုံးပြီးနောက် ဖုတ်ကောင်အဖြစ် ပြောင်းလဲသွားပါက လူ့ခန္ဓာကိုယ်ထက် အနည်းငယ်သာ သာလွန်နိုင်သဖြင့် သိပ်ပြဿနာ မရှိချေ။</p> <p>သို့သော် မကောင်းဆိုးဝါး တစ္ဆေအဖြစ် ပြောင်းလဲသွားခြင်းကမူ ကွဲပြားသော ကိစ္စရပ်ပင်။ ၎င်း၏ စိတ်ဝိညာဉ်မှာ ပျံ့နှံ့ ပျက်စီးမသွားဘဲ ကြောက်မက်ဖွယ်ကောင်းသည့် သတ္တဝါကြီးအဖြစ် ပြောင်းလဲသွားခြင်းဖြစ်သည်။ ထိုအရာ မသေဆုံးမီက အလွန်အမင်း အစွမ်းထက်ခဲ့မည်မှာ ယုံမှားသံသယ ဝင်စရာမလိုပေ။</p> <p>ရန်ချီက သူ့အနီးမှ မကောင်းဆိုးဝါးစွမ်းအင်များ တဖြည်းဖြည်း မှေးမှိန်ကာ ပျောက်ကွယ်သွားသည်ကို ကြည့်နေမိသည်။ မကောင်းဆိုးဝါး တစ္ဆေက သူ့ခန္ဓာကိုယ်ကို သိမ်းပိုက်ရန် ကြိုးစားခဲ့သော်လည်း ကံတရားက မျက်နှာသာမပေးခဲ့ဘဲ သူကိုယ်တိုင်ပင် အကျိုးအမြတ်များစွာ ရရှိသွားခဲ့၏။ ထို့ပြင် ထိုအရာမှ ရရှိသော အကျိုးအမြတ်က အသေးစား စကြာဝဠာ လောက၌ ရန်ချီ စုပ်ယူခဲ့သော ယန်ကိုးပါး အင်မော်တယ် စွမ်းအင်ထက် နိမ့်ကျခြင်း မရှိချေ။</p> <p>‘ကြည့်ရတာ ဒီကောင်တွေက သွေးသားခန္ဓာကိုယ် ပိုင်ဆိုင်ဖို့ ဒါမှမဟုတ် တွယ်ကပ်ဖို့ ရှာဖွေနေကြပုံပဲ... ငါသာ သူတို့ကို ဝင်ခွင့်ပြုလိုက်ရင် ဝံပုလွေကို အိမ်ထဲ ဖိတ်လိုက်သလို ဖြစ်သွားလိမ့်မယ်... ဒါပေမဲ့ သူတို့ကို အထဲရောက်တာနဲ့ ငရဲမီးတောက်မီးပြင်းဖိုနဲ့ ထောင်ချောက်ဆင်ပြီး ဖမ်းလို့ ရသေးတယ်... မကောင်းဆိုးဝါး တစ္ဆေတွေက ယန်ကိုးပါး အင်မော်တယ် စွမ်းအင်လိုမျိုး ငါ့အတွက် တော်တော်အကျိုးရှိတာပဲ... ငါသာ သူတို့ကို လုံလုံလောက်လောက် စုပ်ယူနိုင်ရင် လောကအုပ်ချုပ်သူ အဆင့် (၄) တင်မကဘူး... အဆင့် (၅) အထိတောင် ရောက်ရှိနိုင်လောက်တယ်... အဲ့ဒီလိုသာဆို အင်မော်တယ်ခြေနင်း ကျောင်းတော်က ဒဏ္ဍာရီအဆင့် လူတွေလောက်သာ ငါ့အတွက် ပြဿနာ ဖြစ်လာနိုင်တော့မယ်...’</p> <p>ထို့နောက် သူက ကောင်းကင်အလောင်း နယ်မြေ ဝင်ပေါက်ဆီ ဆက်သွားရန် မကောင်းဆိုးဝါး စွမ်းအင်များအတွင်း ထပ်မံ တိုးဝင်ဖို့ ပြင်လိုက်သည်။</p> <p>သို့သော် ခြေလှမ်း မလှမ်းမီမှာပင် ရပ်တန့်လိုက်၏။</p> <p>‘ဒီထူးခြားတဲ့ အချိန်ကာလ စကြာဝဠာထဲကို မသွားခင် ငါပိုသန်မာဖို့လိုတယ်... မဟုတ်ရင် ငါ့ကိုယ်ငါတောင် ကာကွယ်နိုင်ပါ့မလား မသေချာဘူး...’</p> <p>ထို့နောက် ရန်ချီက အစစ်အမှန်ချီများကို ထုတ်ဖော်ကာ သူ့ဒန်တျန် နေရာတစ်ဝိုက်ကို ဖုံးအုပ်လိုက်သည်။ မြင့်မြတ်မီးလျှံကို ငြိမ်းသတ်ကာ အလွန်အမင်း အားနည်းသည့် စွမ်းအင် အကာအကွယ်ကိုသာ ထုတ်ဖော်ထားလိုက်၏။ ပြီးနောက် ရည်ရွယ်ချက်ရှိရှိဖြင့် သွေးအချို့ကို ထုတ်လွှတ်ကာ နေရာအနှံ့သို့ သန်မာသော စွမ်းအင် အာရုံခံစားမှုများကို ဖြန့်ကျက်လိုက်သည်။</p> <p>မျက်တောင်တစ်ခတ်အတွင်းမှာပင် တစ္ဆေများစွာ၏ အသံများကို ကြားလိုက်ရသည်။ ထိုအရာက ငါးမန်းများရှိရာ ပင်လယ်ထဲသို့ သွေးတစ်စက် ပစ်ချလိုက်ခြင်းနှင့် တူညီပြီး တစ္ဆေမီးလုံးများက နေရာအနှံ့ ပေါ်လာတော့သည်။</p> <p>သူတို့ထဲမှ အချို့က လက်သီးဆုပ် အရွယ်ခန့်သာရှိကာ သိသိသာသာ အားနည်းသည့် မကောင်းဆိုးဝါး တစ္ဆေများ ဖြစ်ကြ၏။</p> <p>သို့သော် တစ်ကောင်ကတော့ တောင်တန်းကဲ့သို့ ကြီးမားကာ ၎င်း၏ မီးလောင်ကျွမ်းနေပုံအရ ကျောင်းဝူဖန်နှင့် ခွန်အားချင်း ယှဉ်နိုင်လောက်ပေသည်။</p> <p>ထိုမကောင်းဆိုးဝါး တစ္ဆေက အနည်းဆုံး လောကအုပ်ချုပ်သူ အဆင့် (၅) ခန့် အစွမ်းထက်သည်။</p> <p>"ဘယ်လောက်တောင် နှစ်သက်ဖို့ကောင်းတဲ့ သွေးသား ခန္ဓာကိုယ်လဲ... ဘယ်လောက်တောင် သန်မာလိုက်တဲ့ သွေးစွမ်းအင်လဲ... တကယ်လို့ ငါသာ ငါ့ရဲ့ အခွံအဖြစ် သုံးလိုက်ရရင် ငါ့ကျင့်ကြံခြင်းက ပိုမို မြင့်မားလာမှာ အသေအချာပဲ..."</p> <p>ရုတ်တရက် တောင်တန်းကဲ့သို့ ကြီးမားသည့် မီးတစ္ဆေက စိတ်ဝိညာဉ်လှိုင်းများ ထုတ်လွှတ်လိုက်ရာ မိစ္ဆာပုံသဏ္ဍာန် ဖြစ်ပေါ်လာသည်။ ထိုသတ္တဝါက ကောင်းကင်ပေါ်မှ ကြယ်များ ကြွေကျလာသကဲ့သို့ စွမ်းအားကြီးမားကာ အခြားတစ္ဆေအင်အားစုများကို ခယစေဖို့ ဖိအားပေးလိုက်၏။</p> <p>မိစ္ဆာပုံရိပ်ကြီးက ရန်ချီကို လွှမ်းမိုးနေချိန်တွင် ၎င်းက အခြားသက်ရှိများကို နှင်ထုတ်ပစ်လိုက်သည်။</p> <p>ဝုန်း ...</p> <p>နတ်ဆိုးဆန်သည့် ပုံရိပ်က နီးကပ်လာသောအခါ ရန်ချီအနီးရှိ အစစ်အမှန်စွမ်းအင်များ ပျက်စီးသွားကာ ထိုအရာက သူ့ခန္ဓာကိုယ်အတွင်း ဝင်ရောက်လာတော့သည်။</p> <p>"မသေဆုံးနိုင်သော နတ်ဆိုး စိတ်ဝိညာဉ် ..."</p> <p>ရန်ချီ၏ ခန္ဓာကိုယ်ကို ကြောက်မက်ဖွယ် အဆင့်စွမ်းအားများက သိမ်းယူကာ သူ့သွေးကြောများကို ထိန်းချုပ်လိုက်သည်။</p> <p>ထိုမကောင်းဆိုးဝါး တစ္ဆေ၏ စွမ်းအား မည်မျှကြီးမားသလဲဆိုသည်မှာ နားမလည်နိုင်လောက်အောင်ပင်။ ထိုအရာက ကျောင်းဝူဖန်ထက် သန်မာပုံရပြီး လောကအုပ်ချုပ်သူ အဆင့် (၆) ဟုပင် ထင်မှတ်ရဖွယ် ရှိသည်။</p> <p>မကောင်းဆိုးဝါးတစ္ဆေများ သူ့ကိုယ်တွင်း ဝင်ရောက်လာသောအခါ သူ့စိတ်ဝိညာဉ်က ခန္ဓာကိုယ်မှ ဖယ်ထုတ်ခြင်းခံရသလို ခံစားလိုက်ရ၏။ သူ့သွေးများပင် မကောင်းဆိုးဝါး တစ္ဆေ၏ အေးစက်သော အစစ်အမှန် စွမ်းအင်များကြောင့် အေးခဲသွားပုံ ပေါ်သည်။</p> <p>‘ငါစားနိုင်တာထက် ပိုဝါးမိပြီလား...’</p> <p>သူ တွေးမိလိုက်သည်။ ထိုမကောင်းဆိုးဝါး တစ္ဆေ၏ အန္တရာယ်က သူနားလည်နိုင်ခြင်းထက် ကျော်လွန်နေသော်လည်း သူက အရှုံးပေးကာ အလံဖြူပြမည် မဟုတ်ချေ။</p> <p>"ငါက ငရဲမင်းသား တစ်ပါးလိုပဲ... တစ္ဆေငရဲ အမျိုးမျိုးကို ချေမှုန်းနိုင်ရမယ်..."</p> <p>သူက ထိုသို့ပြောလိုက်ရာ သူ့အသံက အစစ်အမှန် စွမ်းအင်များဖြင့် တုန်ခါသွားကာ ငရဲမီးတောက် မီးပြင်းဖိုကြီး ပေါ်လာတော့သည်။</p> <p>မကောင်းဆိုးဝါး တစ္ဆေက မိစ္ဆာဆန်ဆန် ရယ်မောလိုက်သည်။</p> <p>“ကောင်စုတ်လေး... ဒါတွေအားလုံးက လှည့်ကွက်ပဲပေါ့လေ... ငါ့ကို နှိမ်နင်းနိုင်ဖို့ ဝံပုလွေကို အိမ်ထဲဖိတ်တဲ့ နည်းလမ်းကို သုံးတာလား... မင်းအတွက် ကံမကောင်းတာက မင်းရဲ့ အကြံအစည်က အသုံးမဝင်ဘူး... ငါက မသေဆုံးနိုင်သော နတ်ဆိုးစိတ်ဝိညာဉ်ကို ကျင့်ကြံထားတာ... ဘယ်လို အစစ်အမှန် စွမ်းအင်ကမှ ငါ့ကို လောင်ကျွမ်း ထိခိုက်နိုင်မှာ မဟုတ်ဘူးကွ... မင်းက ဘယ်ကလန်ကလဲ... လောကအုပ်ချုပ်သူ အဆင့်ကိုရောက်တာ သေးငယ်တာတော့ မဟုတ်ဘူး... စိတ်မကောင်းစရာက ငါ မင်းရဲ့ ခန္ဓာကိုယ်ကို သိမ်းပိုက်ပြီးတာနဲ့ မင်းရဲ့ စိတ်ဝိညာဉ်ကို အမြဲတမ်း ဖိနှိပ်ထားတော့မှာပဲလေ...”</p> <p>‘မသေဆုံးနိုင်တဲ့ နတ်ဆိုး စိတ်ဝိညာဉ်...’</p> <p>ရန်ချီ တွေးမိကာ တုန်လှုပ်သွားသည်။ သူ အင်မော်တယ်ခြေနင်း ကျောင်းတော်မှာ ရှိစဉ်က ထိုကဲ့သို့ စွမ်းအင် ပညာရပ်မျိုးကို ကြားဖူးခဲ့သည်။ ၎င်းကို စိတ်ဝိညာဉ် ခန္ဓာကိုယ်နှင့် မကောင်းဆိုးဝါး တစ္ဆေများ အများဆုံး ကျင့်ကြံကြခြင်းပင်။</p> <p>ရှေးခေတ်က မကောင်းဆိုးဝါး တစ္ဆေများမှာ မီး၊ နေအလင်းရောင်၊ သွေးစွမ်းအင်၊ ကြမ်းတမ်းသော သားရဲများနှင့် လောင်ကျွမ်းနေသော အစစ်အမှန် စွမ်းအင်မျိုးတို့ကို ကြောက်ရွံ့ကြသည်။ နောက်ဆုံး၌ မကောင်းဆိုးဝါး တစ္ဆေများထံမှ ထူးခြားသည့် ပါရမီရှင်တစ်ယောက် ပေါ်ထွန်းခဲ့ကာ ထိုသက်ရှိကို တစ္ဆေအင်ပါယာရာမဟူ၍ ခေါ်တွင်ကြသည်။ ထိုသူက နောက်ဆုံး၌ တစ္ဆေတာအို စွမ်းအင်ပညာရပ်ဖြစ်သည့် မသေဆုံးနိုင်သော နတ်ဆိုး စိတ်ဝိညာဉ်ကို တီထွင်နိုင်ခဲ့၏။ ထိုအရာကို ကျင့်ကြံသည့် မကောင်းဆိုးဝါး တစ္ဆေများအနေဖြင့် လောင်ကျွမ်းနေသာ မီးနှင့် ရွှေရောင် သွေးစွမ်းအင်ကို ကြောက်ရွံ့စရာ မလိုအပ်တော့ချေ။</p> <p>အမှန်စင်စစ် ထိုနည်းစနစ်ကို ကျင့်ကြံခဲ့သည့် မကောင်းဆိုးဝါး တစ္ဆေများက နေအလင်းရောင်ထဲသို့ အချိန်မရွေး သွားလာနိုင်ကြသည်။ နောက်ဆုံးတွင် အတိတ်တစ်ချိန်မှ မဟာသူတော်စင်များစွာ ပူးပေါင်းပြီး တစ္ဆေအင်ပါယာရာမကို တိုက်ခိုက်လိုက်ရာ သူကား ပျောက်ကွယ်သွားခဲ့ပြီး သူ့နည်းစနစ်များက အချိန်သဲများ၌ ပျောက်ကွယ်သွားခဲ့ရသည်။</p> <p>သို့သော် ထိုနည်းစနစ်က ကမ္ဘာကြီးပေါ်၌ ပြန်လည်ထွက်ပေါ်လာကာ များပြားသည့် မကောင်းဆိုးဝါး တစ္ဆေများက ကျင့်ကြံလာကြပြန်ပြီ။</p> <p>‘တောင်ကဲ့သို့ မရွေ့လျားသည့် ငရဲချေမှုန်း နတ်ဆင်...’</p> <p>ထိုအခိုက်အတန့်၌ သူက ခက်ခက်ခဲခဲ ကြိုးစားလိုက်ရာ သူ့စွမ်းရည်များက ကြောက်ခမန်းလိလိ တိုးတက်လာသည်။ သူက အတွင်းနတ်ဆိုးကို ဖယ်ရှားနိုင်ခဲ့လေရာ လုပ်ကြံသတ်ဖြတ်ခြင်းနှင့် ပတ်သက်၍ ဉာဏ်အလင်းများ ရရှိခဲ့ပြီး အမြင့်မားဆုံးအဆင့်ထိ ယုံကြည်မှုများ တိုးတက်လာခဲ့၏။ မသေဆုံးနိုင်သည့် နတ်ဆိုး စိတ်ဝိညာဉ်နှင့် မကောင်းဆိုးဝါးတစ္ဆေက သူ့ကိုယ်တွင်း ဝင်ရောက်ခဲ့သော်လည်း သူက ဝမ်းနည်းခြင်းနှင့် ကြောက်လန့်ခြင်းကို မခံစားမိချေ။</p> <p>မကောင်းဆိုးဝါးတစ္ဆေက သူ့ဒန်တျန်အတွင်း ဝင်ရောက်လာသောအခါ ဆင်ခေါင်းနှင့် လူခန္ဓာကိုယ်ရှိသည့် နတ်ဘုရားတစ်ပါး ပေါ်လာသည်။ နတ်ဘုရားဆင်ရိုင်း... ထို့ပြင် နတ်ဘုရား ဆင်ရိုင်းကြီး၏ အနောက်ဘက်၌ ငရဲတံခါးတစ်ခု ရှိနေသည်။</p> <p>"ဒါကဘာလဲ... နတ်ဘုရား ဆင်ရိုင်းကြီးလား"</p> <p>မကောင်းဆိုးဝါးတစ္ဆေက သူမြင်တွေ့နေရသည်ကိုပင် မယုံမကြည် ဖြစ်သွားသည်။</p> <p>နတ်ဘုရားများ၏ စွမ်းအင် ပညာရပ်က ထိုလူသား၏ ခန္ဓာကိုယ်အတွင်း တွေ့ရှိခြင်းက ဘယ်လိုလုပ် ယုံကြည်နိုင်ဖွယ် ရှိမည်နည်း။ တစ္ဆေအင်ပါယာ ရာမက မဟာသူတော်စင်ဖြစ်ကာ ငရဲမှ နတ်ဆိုးများနှင့် နှိုင်းယှဉ်ပါက သူက အနည်းငယ်လောက်သာ တွက်ဆနိုင်သည်။</p> <p>မဟာသူတော်စင်များသည် ရှေးအခါက လူသားကမ္ဘာကို လွှမ်းမိုးအုပ်ချုပ်ခဲ့သည့် ပညာရှင်များသာ ဖြစ်ကြသည်။ သူတို့က လျှို့ဝှက်ဆန်းကြယ်သော နတ်ဘုရား နယ်ပယ်နှင့် နှိုင်းယှဉ်ပါက ဘာမှ မဟုတ်တော့ချေ။</p> <p>မကောင်းဆိုးဝါး တစ္ဆေအားလုံးက နတ်ဘုရားနယ်မြေ၏ ဖန်ဆင်းရှင်ဖြစ်သော နတ်ဘုရား ဆင်ရိုင်းများကို ကြောက်ရွံ့ကြသည်။ ထိုကဲ့သို့အရာမျိုးက ဒဏ္ဍာရီများနှင့် မကောင်းဆိုးဝါး တစ္ဆေများ၏ အမွေဆက်ခံသော မှတ်ဉာဏ်များ အတွင်းသာ တည်ရှိကြသည်။</p> <p>"အမှန်ပဲ... နတ်ဘုရား ဆင်ရိုင်းကြီးက ငရဲပြည်ကို နင်းချေနိုင်တယ်... ကောင်းကင်ဘုံက နတ်ဘုရား နယ်မြေမှ ခွန်အား အကြီးမားဆုံးပဲ... မင်းက တစ္ဆေအင်ပါယာရာမ တီထွင်ထားတဲ့ မသေဆုံးနိုင်သော နတ်ဆိုးစိတ်ဝိညာဉ်ဆိုတဲ့ နည်းစနစ် အစုတ်လောက်လေးကို ကျင့်ကြံထားတာလား... အဲဒါက ငါ့ရဲ့ နတ်ဘုရား အဆင့် စွမ်းအင် ပညာရပ်ကို ယှဉ်နိုင်မယ်လို့များ ထင်နေသေးတာလား"</p> <p>ချက်ချင်းဆိုသလိုပင် ရွှေဖြူရောင် မြင့်မြတ်မီးလျှံများက နေရာအနှံ့ ထွက်ပေါ်လာတော့သည်။ ရုတ်တရက်ဆိုသလို ကြီးမားသော မကောင်းဆိုးဝါး တစ္ဆေကြီးက စူးစူးဝါးဝါး အော်ဟစ်လိုက်သည်။</p> <p>"မကောင်းဆိုးဝါးနဲ့ တစ္ဆေ အမျိုးအစားအားလုံး ဒီကို ချက်ချင်းလာပြီး ဒီလူသား ခန္ဓာကိုယ်ကို စားသောက်ဖို့ ငါ့ကို ကူညီကြဦး"</p> <p>ထိုနေရာရှိ များပြားလွန်းသည့် မကောင်းဆိုးဝါး တစ္ဆေများက ချက်ချင်း ပြေးလွှားလာကြသည်။</p> <p>အစိမ်းရောင်တစ္ဆေမီးများ တောက်ပလာကာ မကောင်းဆိုးဝါး စွမ်းအင်များ ဝန်းရံထားသော ထောင်နှင့်ချီသည့် မကောင်းဆိုးဝါးများက ရန်ချီခန္ဓာကိုယ်အတွင်း ဝင်ရောက်ရန် ကြိုးစားလာကြ၏။</p> <p>ရန်ချီက တစ်ကြိမ်တစ်ခါမျှ မခံစားဖူးသော ဖိအားများကို ခံစားလိုက်ရသည်။</p> <p>သူက ဝံပုလွေကို အိမ်ထဲ တကယ် ဖိတ်မိလေပြီ။</p> <p>လွန်ခဲ့သည့် နှစ်များစွာက ဒဏ္ဍာရီလာ မဟာသူတော်စင်များက တစ်ခါတစ်ရံ မကောင်းဆိုးဝါးများနှင့် သားရဲများ ဝန်းရံခံရကာ သူတို့၏ တာအို၌ အောင်မြင်ခဲ့ကြဖူးသည်။</p> <p>ယခုအချိန်တွင် ရန်ချီသည်လည်း အလားတူ ခံစားနေရ၏။ ထိုအရာက ကောင်းကင်ဘုံကို ကျော်လွန်သည့် သားရဲများ မဟုတ်ကြသလို ရန်ချီကလည်း မဟာသူတော်စင် တစ်ယောက် မဟုတ်ချေ။</p> <p>ထိုသည်က သေခြင်းတရားအတွက် ရင်ဆိုင်ရသည့် တိုက်ပွဲဖြစ်ကာ တစ်ဖက်တည်းသာ အသက်ရှင်ခွင့် ရမည် ဖြစ်သည်။</p> <p>မရေတွက်နိုင်သည့် တစ္ဆေများက သူ့အတွင်း ဝင်ရောက်သွားလေရာ သူ့သွေးကြောများ အတွင်း ပြည့်နှက်သွားသည်။ ဒန်တျန် နယ်မြေတစ်ဝိုက် သိမ်းပိုက်ခံရကာအကြောဆုံမှတ်များမှာပင် မြင်တွေ့နေရပြီး ကိုယ်တွင်းအင်္ဂါငါးခုနှင့် ဝမ်းဗိုက်အစိတ်အပိုင်း ခြောက်ခုတို့မှာ သာမက ဦးနှောက်အတွင်းပင် တွေ့ရလေတော့သည်။</p> <p>မျက်စိတစ်မှိတ်အတွင်းမှာပင် ရန်ချီက မကောင်းဆိုးဝါး တစ္ဆေများ၏ လွှမ်းမိုးခြင်းကို ခံလိုက်ရသည်။</p> <p>သန်းပေါင်းများစွာသော တစ္ဆေများက သူ့စွမ်းအင်၊ သွေးနှင့် အသက်ဓာတ်ကို စားသုံးဖို့အတွက် သူတို့ ကျင့်ကြံသည့် နည်းစနစ်များကို အသုံးပြုကြလေရာ သူ့ခန္ဓာကိုယ်က သက်ရှိငရဲကဲ့သို့ ဖြစ်လာသည်။ မြင့်မြတ်သော ပန်းပေါင်းစုံ သမီးတော်ပင်လျှင် ထိုကဲ့သို့ အခြေအနေမျိုးတွင် ဆိုပါက အကူအညီ ကင်းမဲ့နေပေလိမ့်မည်။</p> <p>ဒဏ္ဍာရီအဆင့် တစ်ယောက်သာ ထိုကဲ့သို့ အချိန်မျိုး၌ ပြန်လည် တိုက်ခိုက်နိုင်ပေလိမ့်မည်။</p> <p>သို့သော်လည်း တစ္ဆေအစုအဝေးက သူ့ကို ငရဲအဖြစ် ပြောင်းလဲသွားစေခြင်းက ငရဲချေမှုန်း နတ်ဆင် စွမ်းအားနှင့် အတော်ကလေးပင် ကိုက်ညီမှု ရှိနေပြန်သည်။ များပြားလွန်းသည့် မကောင်းဆိုးဝါး တစ္ဆေ အရှိန်အဝါများက သူ့သွေးကြောများအတွင်း ပျံ့နှံ့နေလေရာ သူ့အစစ်အမှန် စွမ်းအင်များပင် မိစ္ဆာဆန်သကဲ့သို့ ပြောင်းလဲလာသည်။ ထိုအချိန်မှာပင် ရန်ချီကိုယ်တွင်းမှ တစ်စုံတစ်ခုက ရုတ်တရက် နိုးထလာတော့သည်။</p> <p>"မကောင်းဆိုးဝါး အစုအဝေးက ငါ့ကို ညစ်ညမ်းစေချင်တာလား... ကောင်းပြီလေ... ငါ သူတို့အားလုံးကို သတ်ပေးရတာပေါ့"</p> <p>သူက ခေါင်းကို မော့လိုက်ကာ "ပွမ် ပွမ် ပွမ် ပွမ်" ဟူသည့် အသံများ ထွက်ပေါ်လာသည်။ သူ့ကိုယ်တွင်းရှိ အစိတ်အပိုင်း အများအပြားက တစ်ခုပြီးတစ်ခု နိုးထလာကာ သူတို့၏ စွမ်းအင်များကို ထုတ်လွှတ်လိုက်ကြ၏။ ချက်ချင်းဆိုသလို ရွှေဖြူရောင် မြင့်မြတ်မီးလျှံများက သူ့ကို ဝါးမျိုသွားသည်။</p> <p>မမျှော်လင့်ဘဲ သူက လောကအုပ်ချုပ်သူ အဆင့် (၄) ကို ချိုးဖောက် တက်လှမ်းနိုင်သွားသည်။</p> <p>အချို့ သေးငယ်သည့် မကောင်းဆိုးဝါး တစ္ဆေများက မီးလျှံများကြောင့် လောင်ကျွမ်းကာ အသက်ဓာတ် အနှစ်သာရများဖြစ်သွားပြီး ရန်ချီ၏ အစစ်အမှန် စွမ်းအင်အတွက် လောင်စာများ ဖြစ်သွားသည်။</p> <p>အချိန်တိုလေးအတွင်း ရန်ချီ၏ စွမ်းအင်များက ပေါက်ကွဲထွက်လာကာ မြင့်မြတ်မီးလျှံများက သူ့ကိုယ်တွင်း မြစ်တစ်ခုကဲ့သို့ စီးဆင်းသွားကာ ၎င်းနှင့် ထိတွေ့မိသည့် မကောင်းဆိုးဝါး တစ္ဆေတိုင်း သေဆုံးသွားတော့သည်။</p> <p>သူ့ခန္ဓာကိုယ်အတွင်း ဝင်ရောက်လာသည့် တစ္ဆေအစုအဝေးက ယခုအခါ သူဖြစ်ချင်သည့် လောကအုပ်ချုပ်သူ အဆင့် (၄) ဖြစ်ရန်အတွက် လောင်စာတစ်ခု ဖြစ်လာသည်။ သူသည်လည်း အသေးစား စကြာဝဠာ လောက၌ ယန်ကိုးပါး အင်မော်တယ်စွမ်းအင်များ သူ့ကိုယ်တွင်း စီးဆင်းသလို သက်သောင့်သက်သာ ဖြစ်သွား၏။</p> <p>"မဟုတ်သေးဘူး... ငါ ဒီက ထွက်မှ ဖြစ်မယ်... ငါ သေဆုံးလို့ မဖြစ်သေးဘူး"</p> <p>ကြောက်လန့်တကြား အော်ဟစ်သံများနှင့်အတူ မကောင်းဆိုးဝါး တစ္ဆေများက လွတ်မြောက်ဖို့ ကြိုးစားကြသော်လည်း ကံဆိုးချင်တော့ မကြာခင်မှာပင် ရန်ချီ၏ အရေပြားများက စည်းတံဆိပ် ခတ်နှိပ်ထားလေရာ သူတို့ အနေဖြင့် လွတ်မြောက်ဖို့ မဖြစ်နိုင်တော့ကြောင်း တွေ့ရှိလိုက်ကြသည်။</p> <p>မိစ္ဆာ နတ်ဘုရား စည်းတံဆိပ်...</p> <p>သူက မကောင်းဆိုးဝါး တစ်ကောင်ချင်းစီကို စုပ်ယူလိုက်သည်။</p> <p>အကြီးမားဆုံး မကောင်းဆိုးဝါး တစ္ဆေက မသေဆုံးနိုင်သော နတ်ဆိုး စိတ်ဝိညာဉ်နှင့် တစ်ကောင်ဖြစ်ကာ သူ့စွမ်းအား ပင်လယ်အတွင်း၌ နတ်ဘုရား ဆင်ရိုင်းကို ဆန့်ကျင် တိုက်ခိုက်နေသော်လည်း အသုံးမဝင်ခဲ့ချေ။ ကြီးမားသော နှာမောင်းကြီးဖြင့် တစ်ချက် ရှူသွင်းလိုက်ရုံမျှဖြင့် မကောင်းဆိုးဝါး တစ္ဆေက ငရဲမီးတောက် မီးပြင်းဖို၏ စုပ်ယူခြင်းကို ခံလိုက်ရသည်။</p> <p>ထိုအရာက ပြင်းထန်စွာ ထိမှန်သွားကာ ပေါက်ကွဲသံကြီး မြည်သွားတော့သည်။</p> <p> </p> <p> </p> <p style="text-align: center;">End</p> <p style="text-align: center;">***</p>


Save