Book List

<h2 style="text-align: center;">Chapter 87</h2> <h2 style="text-align: center;">ကြေးစားသွေးမီးတောက်အဖွဲ့၏ ပျက်သုဉ်းခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ကျန်းချန်း၏ ဓားသိုင်းမှာ အလွန်ပင် လွှမ်းမိုးနိုင်စွမ်းရှိလှပြီး ကုချင်းကို တိုက်ခိုက်လိုက်ရာ ကုချင်းကလည်း လျင်မြန်စွာပင် ပြန်လည် ခုခံလိုက်သည်။</p> <p> </p> <p>“လောကဖျက်ဆီးခြင်း” ကျန်းချန်းက သူ၏ဓားဖြင့် ခုတ်ပိုင်းလိုက်ပြီး လောကဖျက်ဆီးခြင်း လျှို့ဝှက်နည်းစနစ်ကို အသုံးပြုလိုက်သည်။ တစ်ခဏအတွင်းမှာပင် သူ၏ ဓားချက်မှာ ဆယ်ဆသော ခွန်အားများ ပေါက်ကွဲထွက်လာခဲ့သည်။</p> <p> </p> <p>အားကောင်းလှသော တိုက်ကွက်မှာ ကုချင်းထံသို့ ဦးတည်သွားခဲ့တော့သည်။</p> <p> </p> <p>ကုချင်းမှာ ဘာဖြစ်နေသည်ကို မသိရှိခဲ့ပေ။ သူက ကျန်းချန်း၏ တိုက်ခိုက်မှုကို သူ၏ ဓားရှည်ဖြင့် တားဆီးရန် ကြိုးစားလိုက်သော်လည်း လက်နက်ချင်း ထိတွေ့မိသည်နှင့် တစ်ပြိုင်နက် ကုချင်းက သူ၏ဓားပေါ်သို့ အလွန်ကြီးမားသော ခွန်အားတစ်ခု ဖိနှိပ်ကျရောက်လာသည်ကို ခံစားလိုက်ရသည်။ ထိုအချိန်တွင် ကုချင်းအနေဖြင့် ရှောင်တိမ်းရန် အချိန်မရှိတော့ပေ။</p> <p> </p> <p>သူ၏ ဓားရှည်မှာ နောက်သို့ ပြန်လည်တွန်းပို့ခြင်း ခံလိုက်ရပြီး ကုချင်းကို ပြန်မှန်သွားခဲ့သဖြင့် သူ၏ ခန္ဓာကိုယ်ပေါ်တွင် ကြီးမားသော ဒဏ်ရာတစ်ခု ဖြစ်ပေါ်သွားခဲ့ရသည်။</p> <p> </p> <p>ကုချင်းက အော်ဟစ်လိုက်ပြီး ရှေ့သို့ တိုးကာ ဓားဖြင့် ပြန်လည် ခုတ်ပိုင်းလိုက်သည်။ ဒဏ်ရာရထားသော ကုချင်းမှာ ယခုအချိန်တွင် အလွန် အားနည်းနေခဲ့ပြီဖြစ်သလို ကိုယ့်ကိုယ်ကိုယ် ကာကွယ်ရန်လည်း အင်အား မရှိတော့ပေ။</p> <p> </p> <p>‘ဝုန်း...’ မိစ္ဆာဝိညာဉ်ဓားက ကုချင်း၏ ရင်ဘတ်ကို တိုက်ရိုက် ထိမှန်သွားခဲ့ပြီး တစ်ခဏအတွင်းမှာပင် သွေးများ ပန်းထွက်လာကာ ကြီးမားသော ဒဏ်ရာတစ်ခု ဖြစ်သွားခဲ့ရသည်။</p> <p> </p> <p>ကုချင်းမှာ ပြင်းထန်သော ဒဏ်ရာကို ရရှိသွားခဲ့ပြီး မြေပြင်ပေါ်သို့ လဲကျသွားခဲ့သည်။ ကျန်းချန်းက ထိုအခွင့်အရေးကို အသုံးချကာ နောက်ထပ် ဓားချက်အချို့ဖြင့် သူ၏ အသက်ကို အဆုံးသတ်ပေးလိုက်တော့သည်။</p> <p> </p> <p>ကုချင်း မသေဆုံးမီမှာပင် ကျန်းချန်းက ဘာကြောင့် ရုတ်တရက်ကြီး သန်မာသော ခွန်အားကို ထုတ်ဖော်နိုင်ခဲ့သည်ကို နားမလည်နိုင်ဘဲ ဖြစ်နေခဲ့သည်။ သူ၏ ဓားရှည်ကို နောက်သို့ ပြန်လည် တွန်းပို့နိုင်ရုံတင်မကဘဲ သူ့ကိုပါ ပြန်မှန်အောင် လုပ်နိုင်ခဲ့သည် မဟုတ်ပါလော။</p> <p> </p> <p>သူက ဝူကျုံးနယ်ပယ် အဆင့်ခြောက်တွင် ရှိနေပြီး ကျန်းချန်းက သိုင်းဆရာသခင်နယ်ပယ် အဆင့်တစ်ဆယ်မှာပဲ ရှိနေတာလေ။ ကျိုးကြောင်းဆီလျော်မှုအရဆိုလျှင် သူ၏ ခွန်အားမှာ ကျန်းချန်းထက် များစွာ ပိုမို သန်မာနေသင့်သည်။ သို့သော်လည်း ကျန်းချန်း၏ ခွန်အားမှာ သူ့ကို အပြည့်အဝ ဖိနှိပ်ထားနိုင်ခဲ့ခြင်းပင်။</p> <p> </p> <p>ဤကဲ့သို့ ပေါ့ဆမှုကြောင့်ပင် သူက ကျန်းချန်း၏ လက်ချက်ဖြင့် အသက်ပျောက်ခဲ့ရခြင်း ဖြစ်သည်။</p> <p> </p> <p>ကုချင်းကို သတ်ပြီးနောက် ကျန်းချန်းက သက်ပြင်းချလိုက်သည်။ ကုချင်းနှင့် တိုက်ခိုက်နေစဉ်အတွင်း ကျန်းချန်း၏ တစ်ကိုယ်လုံးမှာ တင်းမာနေခဲ့ပြီး လုံးဝ လျှော့မတွက်ရဲခဲ့ပေ။</p> <p> </p> <p>၎င်းမှာ သေခြင်းရှင်ခြင်း တိုက်ပွဲဖြစ်သဖြင့် ပေါ့ဆ၍ မရပေ။ ကံကောင်းထောက်မစွာဖြင့် သူ၌ သိုင်းပညာရပ်တစ်ခုကို တစ်ခဏအတွင်းမှာပင် ဆယ်ဆသော ခွန်အားသို့ မြှင့်တင်ပေးနိုင်သည့် ‘လောကဖျက်ဆီးခြင်း’ လျှို့ဝှက်နည်းစနစ် ရှိနေခြင်းပင်။</p> <p> </p> <p>ထိုတစ်ချက်တည်းသော တိုက်ခိုက်မှုမှာ ကုချင်းကို အပြည့်အဝ ဖိနှိပ်နိုင်ခဲ့ပြီး ပြင်းထန်သော ဒဏ်ရာကို ရရှိစေခဲ့ခြင်း ဖြစ်သည်။ ၎င်းမှာ ရန်သူကို အငိုက်မိစေရန် လုပ်ဆောင်သော လှည့်ကွက်တစ်ခုလည်း ဖြစ်ပေသည်။ သင့်တော်သော အချိန်တွင် အသုံးပြုမည်ဆိုပါက မမျှော်လင့်ထားသော ရလဒ်များကို ရရှိစေနိုင်ပြီး ရန်သူကို သတ်ဖြတ်ရန်ဟူသော ပန်းတိုင်ကို အောင်မြင်စေမှာ ဖြစ်သည်။</p> <p> </p> <p>ကျန်းချန်းက ကုချင်းကို သတ်ပြီးနောက် အခြားသော မိသားစုကြီး သုံးခုမှ ကျွမ်းကျင်သူများကလည်း သူ့ကို ဝိုင်းရံလိုက်ကြပြီး ကျန်းချန်းအား ကြောက်ရွံ့ရိုသေသော မျက်လုံးများဖြင့် ကြည့်နေကြတော့သည်။</p> <p> </p> <p>ထိုအချိန်တွင် ကြေးစားသွေးမီးတောက်အဖွဲ့၏ စခန်းအတွင်းရှိ အခြားသော ကြေးစားအများစုမှာလည်း သေဆုံးကုန်ကြပြီ ဖြစ်သည်။ အများစုမှာ အဆိပ်ငွေ့များကို ရှူရှိုက်မိခဲ့ကြသဖြင့် သူတို့၏ တိုက်ခိုက်ရေးစွမ်းရည်မှာ များစွာ လျော့နည်းသွားခဲ့ရပြီး အသတ်ခံရန်သာ ရှိတော့သည်။ မိသားစုကြီး သုံးခုမှ ကျွမ်းကျင်သူများက တိုက်ခိုက်ရေးစွမ်းရည် လျော့နည်းနေသော ကြေးစားများကို လွယ်ကူစွာပင် သုတ်သင်နိုင်ခဲ့ကြသည်။</p> <p> </p> <p>သို့သော်လည်း အနည်းငယ်သော လူအချို့မှာမူ ထွက်ပြေး လွတ်မြောက်သွားခဲ့ကြသည်။ ကျန်းချန်း ယခင်က ပြောခဲ့သလိုပင် ရန်သူအချို့ လွတ်သွားခဲ့မည်ဆိုပါက လိုက်လံ မဖမ်းဆီးကြရန် ဖြစ်သည်။ အဘယ်ကြောင့်ဆိုသော် ထိုနေရာများတွင် လူအင်အား ဆုံးရှုံးနိုင်သည့် ထောင်ချောက်များ ရှိနေနိုင်သောကြောင့်ပင်။ ဤနေရာက ကြေးစားသွေးမီးတောက်အဖွဲ့၏ ဌာနချုပ်ဖြစ်သဖြင့် နေရာအချို့တွင် ထောင်ချောက်များ သေချာပေါက် ရှိနေပေလိမ့်မည်။</p> <p> </p> <p>ယခုတစ်ကြိမ်၏ ရည်ရွယ်ချက်မှာ ကြေးစားသွေးမီးတောက်အဖွဲ့၏ ဌာနချုပ်ကို ဖျက်ဆီးရန်နှင့် အဆင့်မြင့် အဖွဲ့ဝင်များကို သတ်ဖြတ်ရန် ဖြစ်သည်။ ကြေးစားသွေးမီးတောက်အဖွဲ့၏ အဆင့်မြင့် အဖွဲ့ဝင်များကို အပြတ်ရှင်းနိုင်မှသာ ထိုအဖွဲ့ ပျက်စီးသွားပြီဟု သတ်မှတ်နိုင်ခြင်းပင်။</p> <p> </p> <p>အမှိုက်စအချို့ လွတ်သွားခဲ့တာကတော့ ဘာမှမဖြစ်ပါဘူး၊ သူတို့က ကြီးကြီးမားမား ပြဿနာ ရှာနိုင်မှာ မဟုတ်ပါဘူး။ ယခုမူ ကုချင်း သေဆုံးသွားခဲ့ပြီဖြစ်သလို အခြားသော ဝူကျုံးနယ်ပယ် ကျွမ်းကျင်သူ အများအပြားလည်း သေဆုံးသွားခဲ့ကြပြီ ဖြစ်သည်။ ကြေးစားသွေးမီးတောက်အဖွဲ့၏ သိုင်းဆရာသခင်နယ်ပယ်မှ အထူးချွန်ဆုံး လူများမှာလည်း အကုန်နီးပါး သေဆုံးကုန်ကြပြီ ဖြစ်သည်။ ဤနည်းဖြင့် သူတို့၏ ရည်မှန်းချက် အောင်မြင်သွားပြီဟု ဆိုရပေမည်။</p> <p> </p> <p>“ချန်းအာ... မင်းက တကယ်ကို အံ့ဩဖို့ကောင်းတာပဲ။ ကုချင်းကို တစ်ယောက်တည်းနဲ့ တကယ် သတ်နိုင်ခဲ့တယ်ပေါ့” ကျန်းထျန်းက ဝမ်းသာအားရ ပြောလိုက်သည်။</p> <p> </p> <p>ကျန်းချန်းက သူတို့ ကျန်းမိသားစု၏ ပါရမီရှင်ဖြစ်သဖြင့် သူတို့ ဂုဏ်ယူနေကြခြင်းပင်။ ယခု ကျန်းချန်းက ကုချင်းကို သတ်လိုက်ပြီဖြစ်ရာ ပတ်ဝန်းကျင်က မည်သူကများ ကျန်းမိသားစုကို အထင်သေးရဲပါဦးမည်နည်း။ သူတို့ အားလုံး ကျန်းမိသားစုကို ရိုသေကြရပေလိမ့်မည်။</p> <p> </p> <p>ဘေးမှ ရပ်နေသော ကျန်းယွင်ဖေးမှာလည်း အလွန် ဂုဏ်ယူနေခဲ့သည်။ ကျန်းချန်းက သူ၏သားဖြစ်ပြီး ဤမျှအထိ စွမ်းဆောင်နိုင်သည်ဖြစ်ရာ ကျန်းချန်း၏ ဖခင်ဖြစ်သူ သူက ဘာကြောင့် ဂုဏ်မယူဘဲ နေပါမည်နည်း။ ဒါတင်မကသေးဘူး၊ ကျန်းချန်းရဲ့ အကူအညီနဲ့ဆိုရင် ကျန်းယွင်ဖေးက နောက်လာမယ့် မိသားစုခေါင်းဆောင် နေရာကို သေချာပေါက် ရရှိတော့မှာ ဖြစ်သည်။ ကျန်းချန်းကို လေးစားသောအားဖြင့် မည်သူကမှ ငြင်းရဲကြမည် မဟုတ်ပေ။</p> <p> </p> <p>၎င်းမှာ ခွန်အားရှိခြင်း၏ အကျိုးကျေးဇူးပင် ဖြစ်သည်။ ထို့အပြင် ကျန်းချန်းက ကျန်းမိသားစုအတွက် အကျိုးကျေးဇူးများစွာကိုလည်း ဆောင်ကြဉ်းပေးခဲ့သည် မဟုတ်ပါလော။</p> <p> </p> <p>“ကောင်းပြီလေ... တိုက်ပွဲဖြစ်တဲ့နေရာကို ရှင်းလင်းကြတာပေါ့။ ရလာတဲ့ ပစ္စည်းတွေကိုတော့ ချင်းယွီမြို့ကို ပြန်ရောက်မှ သဘောတူညီချက်အတိုင်း ခွဲဝေကြတာပေါ့” ကျန်းချန်းက ပြောလိုက်သည်။</p> <p> </p> <p>“ကောင်းပါပြီ” အားလုံးက ပြန်ဖြေလိုက်ကြသည်။ တိုက်ပွဲကတော့ အခြေခံအားဖြင့် ပြီးဆုံးသွားခဲ့ပြီ ဖြစ်သည်။</p> <p> </p> <p>ဝမ်မိသားစုနှင့် ကျိုးမိသားစုတို့မှာလည်း ကြေးစားသွေးမီးတောက်အဖွဲ့ကို အမှန်တကယ် အပြတ်ရှင်းနိုင်ခဲ့သည်ကို အံ့ဩနေကြသည်။ ကြေးစားသွေးမီးတောက်အဖွဲ့ထံမှ အရင်းအမြစ် အမြောက်အမြား ရရှိပြီးနောက် သူတို့ မိသားစု နှစ်ခု အင်အားကြီးလာရန်မှာ အချိန်တစ်ခုသာ လိုအပ်တော့မည် ဖြစ်သည်။</p> <p> </p> <p>ပါရမီရှင်တွေကိုသာ ပြုစုပျိုးထောင်နိုင်မယ်ဆိုရင် မိသားစုကို အင်အားကြီးလာအောင် ဦးဆောင်နိုင်မှာ ဖြစ်သည်။ ဒါပေါ့... အကယ်၍ ရှေးဦးမျိုးဆက်ထဲက ကျွမ်းကျင်သူ အများအပြားသာ ဝူကျုံးနယ်ပယ်ကို ထပ်မံ တက်လှမ်းနိုင်မယ်ဆိုရင် မိသားစုရဲ့ ခွန်အားက ပိုမို မြင့်မားတဲ့ အဆင့်ကို ရောက်ရှိသွားမှာဖြစ်ပြီး အရင်းအမြစ်တွေ ပိုမို ရရှိလာမှာ ဖြစ်သည်။ ၎င်းမှာ နှင်းလုံးလေး တဖြည်းဖြည်း လိမ့်ဆင်းလာရင်း ကြီးမားလာသကဲ့သို့ ခွန်အားတွေ ပိုပြီး တိုးတက်လာမှာ ဖြစ်သည်။</p> <p> </p> <p>ဒါပေါ့... ဒါက အရာရာတိုင်း ချောမွေ့နေမှဖြစ်သလို နောက်လိုက်မျိုးဆက်တွေက စိတ်ပျက်စရာ မကောင်းဖို့လည်း လိုအပ်ပေလိမ့်မည်။</p> <p> </p> <p>မိသားစုကြီး သုံးခုမှ ကျွမ်းကျင်သူများ ချင်းယွီမြို့သို့ ပြန်ရောက်ချိန်တွင် မိုးလင်းနေခဲ့ပြီ ဖြစ်သည်။ ချင်းယွီမြို့ရှိ အခြားသူများမှာလည်း ပင်ပန်းနွမ်းနယ်နေသော ပူးပေါင်းတပ်ဖွဲ့များကို မြင်ရသောအခါ အံ့ဩသွားကြရပြီး မိသားစုကြီး သုံးခုက ဘယ်ကို သွားခဲ့ကြသလဲဆိုတာကို သိချင်နေကြတော့သည်။</p> <p> </p> <p>သို့သော်လည်း လူတိုင်း၏ ကိုယ်ပေါ်မှ သွေးစွန်းကွက်များနှင့် လက်နက်များပေါ်မှ ခြောက်သွေ့နေသော သွေးများကို မြင်ရသောအခါ မိသားစုကြီး သုံးခုမှာ တစ်စုံတစ်ယောက်ကို သွားရောက် သတ်ဖြတ်ခဲ့ကြသည်ဟု လူအုပ်ကြီးက ကောက်ချက်ချလိုက်ကြသည်။ လူတိုင်း မျှော်လင့်ထားသလိုပင် သူတို့၏ နောက်ကွယ်တွင် ခေါင်းအမြောက်အမြား ပါလာခဲ့သည်။ ထိုခေါင်းများမှာ ကြေးစားသွေးမီးတောက်အဖွဲ့မှ သိုင်းဆရာသခင်နှင့် အထက်ရှိသော ကျွမ်းကျင်သူများ၏ ခေါင်းများ ဖြစ်ကြသည်။ ၎င်းတို့မှာ သူတို့၏ တိုက်ပွဲဝင် ပစ္စည်းများဖြစ်သလို ကြေးစားသွေးမီးတောက်အဖွဲ့ကို အပြတ်ရှင်းခဲ့ကြောင်း သက်သေများလည်း ဖြစ်သည်။</p> <p> </p> <p>ဒါပေါ့... ကုချင်းရဲ့ ခေါင်းကလည်း အဲဒီထဲမှာ ပါဝင်နေတာပေါ့။</p> <p> </p> <p>မိသားစုကြီး သုံးခုမှ ကျွမ်းကျင်သူများက သတ်ဖြတ်လိုသော အရှိန်အဝါများနှင့်အတူ ချင်းယွီမြို့ထဲသို့ ဝင်ရောက်လာခဲ့ကြသည်။ မည်သူကမျှ သူတို့ကို မတားရဲကြပေ။ မိသားစုကြီး သုံးခုမှာ ချင်းယွီမြို့တွင် အသန်မာဆုံး အင်အားစုများ ဖြစ်ကြသည် မဟုတ်ပါလော။ ဘယ်သူကများ သူတို့ရဲ့ လမ်းကို ပိတ်ဆို့ရဲလောက်အောင် မျက်စိကန်းနေပါမည်နည်း။</p> <p> </p> <p>မိသားစုကြီး သုံးခုက ကြေးစားသွေးမီးတောက်အဖွဲ့ကို အပြတ်ရှင်းလိုက်သည်ဟူသော သတင်းမှာ လျင်မြန်စွာ ပျံ့နှံ့သွားခဲ့ပြီး လူတိုင်းကို အံ့ဩသွားစေခဲ့သည်။ ယခုအခါ ချင်းယွီမြို့မှာ နာမည်ကြီးသွားခဲ့ပြီ ဖြစ်သည်။ ထို့အပြင် ကုချင်းကို သတ်ခဲ့သူမှာ ကျန်းမိသားစုမှ ပါရမီရှင် တပည့်တစ်ဦးဖြစ်သည်ဟု ကောလဟာလများ ထွက်ပေါ်နေသော်လည်း လူအများအပြားက သူ၏အမည်ကို မသိရှိကြပေ။ သူတို့ သိထားသည်မှာ ကျန်းမိသားစုမှ ထူးခြားသော ပါရမီရှင်တစ်ဦး ပေါ်ထွက်လာခဲ့သည်ဟူသော အချက်သာ ဖြစ်သည်။</p> <p> </p> <p>လူအများအပြားက ကျန်းမိသားစုမှာ အင်အားကြီးလာတော့မည်ဟု တွေးတောနေကြတော့သည်။</p> <p> </p> <p>ဝမ်မိသားစုနှင့် ကျိုးမိသားစုတို့မှာ ရရှိလာသော ပစ္စည်းများအတွက် ကျေနပ်စွာဖြင့် ထွက်ခွာသွားခဲ့ကြသလို ကျန်းမိသားစုကလည်း သူတို့၏ ကတိကို တည်ခဲ့သဖြင့် မိသားစုခေါင်းဆောင် နှစ်ဦးလုံး စိတ်သက်သာရာ ရသွားခဲ့ကြသည်။ ယခုအခါ ကျန်းမိသားစုတွင် ကျန်းချန်းကဲ့သို့သော ပါရမီရှင် ရှိနေပြီဖြစ်ရာ ကျန်းမိသားစုက သူတို့၏ ပစ္စည်းတွေကို သိမ်းပိုက်ချင်တယ်ဆိုရင်တောင် မိသားစုကြီး နှစ်ခုလုံးက ဘာမှ လုပ်ရဲကြမည် မဟုတ်ပေ။ မည်သို့ပင်ဆိုစေ တစ်ဖက်လူ၏ ခွန်အားမှာ ငြင်းပယ်၍ မရပေ။ သူတို့က ကုချင်းကဲ့သို့သော ရက်စက်သူတစ်ဦးကိုတောင် သတ်နိုင်စွမ်း ရှိသည် မဟုတ်ပါလော။</p> <p> </p> <p>ယခုအခါ ကျန်းချန်းက ကျန်းမိသားစုတွင် အလွန် မြင့်မားသော နေရာမှာ ရှိနေခဲ့သလို ကျန်းမိသားစုမှ မျိုးဆက်သစ် တပည့်များလည်း အရင်းအမြစ် အမြောက်အမြား ရရှိခဲ့ကြသည်။</p> <p> </p> <p>ကျန်းမိသားစု အစည်းအဝေး။</p> <p> </p> <p>“ဒီနေ့ ကျန်းမိသားစု အစည်းအဝေးမှာ အဓိကအားဖြင့် ကိစ္စအချို့ကို ဆွေးနွေးမှာ ဖြစ်ပါတယ်” ကျန်းထျန်းက အဓိကနေရာမှနေ၍ မိသားစုဝင်များကို ပြောလိုက်သည်။</p> <p> </p> <p>“ပထမဆုံး ကိစ္စကတော့ ကျုပ် ရာထူးကနေ ဆင်းမှာ ဖြစ်ပါတယ်။ ဒီနှစ်တွေတစ်လျှောက်မှာ ကျုပ်က မိသားစုရေးရာတွေနဲ့ အလုပ်ရှုပ်နေခဲ့သဖြင့် ကျုပ်ရဲ့ ကျင့်ကြံမှုက သိပ်ပြီး တိုးတက်မှု မရှိခဲ့ဘူး။ ဒါကြောင့် ကျုပ်က ကျင့်ကြံခြင်းကိုပဲ အာရုံစိုက်နိုင်ဖို့အတွက် မိသားစုခေါင်းဆောင် နေရာကနေ ဆင်းမှာ ဖြစ်ပါတယ်။ ခေါင်းဆောင်သစ်က ဘယ်သူလဲဆိုတာကိုတော့ အားလုံး သိကြပြီးသားဖြစ်မှာပါ၊ သူကတော့ ကျန်းယွင်ဖေးပါပဲ။”</p> <p> </p> <p>“ကျန်းယွင်ဖေးက မဲအများဆုံး ရရှိခဲ့သလို သူက လတ်တလောမှာ မိသားစုအတွက် အကျိုးအမြတ် အများဆုံး ဆောင်ကြဉ်းပေးနိုင်ခဲ့သူလည်း ဖြစ်ပါတယ်။ သူက မိသားစုတစ်ခုလုံးကို ကောင်းကောင်း စီမံခန့်ခွဲနိုင်စွမ်း ရှိလိမ့်မယ်လို့ ကျုပ် ယုံကြည်ပါတယ်” ကျန်းထျန်းက ပြောလိုက်သည်။</p> <p> </p> <p>ကျန်းထျန်းက စကားပြောပြီးနောက် ကျန်းယွင်ဖေးကို ရှေ့သို့ ဖိတ်ခေါ်လိုက်ပြီး မိသားစုခေါင်းဆောင် အထိမ်းအမှတ် တံဆိပ်ကို ကျန်းယွင်ဖေးအား ကိုယ်တိုင် လက်ဆင့်ကမ်း ပေးအပ်လိုက်တော့သည်။</p> <p> </p> <p> </p> <p style="text-align: center;">***</p>


Save