Book List

<h2 style="text-align: center;">အခန်း (၇၅၇)</h2> <h2 style="text-align: center;">ရှန်းယွဲ့ ကျန်းချင်ထျန်း၊ တောင်ပေါ်မှ ထပ်မံဆင်းသက်လာသော နှင်းကျား ၃</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"ရှင်မ၊ အန်းယီကိစ္စရော၊သူ့ကို လှည့်စားခေါ်သွားတဲ့ ကျင့်ကြံသူကိစ္စကိုပါ ကိုယ် ရှင်းလိုက်ပါ့မယ်။ ကိုယ့်ကို ယုံကြည်ပေးပါ၊"</p> <p> </p> <p>အန်းထင်ဖုန်းသည် ပန်းဖြူလေးကို မျိုချလိုက်ပြီးနောက်မျက်လုံးများကို မှိတ်ထားလိုက်လေသည်။</p> <p> </p> <p>နောက်တစ်ခဏတွင်၊ တိုက်ခတ်လာသော လေပြင်းထဲတွင် သူ၏တောင့်တင်းခိုင်မာသော နတ်ဆိုးခန္ဓာကိုယ်ကြီး ဖောင်းကြွလာသည်နှင့်အမျှ၊ သူ၏ ကိုယ်ပေါ်ရှိစုတ်ပြဲနေသော ဝတ်ရုံဖြူကြီးမှာ ရုတ်တရက် ကျယ်ပြန့်လာသော ကြွက်သားများကြောင့် ဆုတ်ဖြဲခံလိုက်ရလေသည်။</p> <p> </p> <p>သစ်လုံးများကဲ့သို့ တုတ်ခိုင်သော သူ၏ ခြေလက်များသည် ဟန်ယွဲ့တောင်ထိပ်ပေါ်သို့ သူ၏ ကျယ်ပြန့်လှသော လက်ဝါးကြီးများဖြင့် ရိုက်ချလိုက်လေသည်။</p> <p> </p> <p>ဝုန်း</p> <p> </p> <p>ဧရာမ ကျားဖြူကြီး၏ ကြွက်သားများမှာ ပေါက်ကွဲထွက်မတတ် တင်းမာနေပြီး၊ ၎င်း၏ မျက်လုံးများမှာမျက်လုံးအိမ်ထဲမှ ထွက်ကျလာမတတ်ပြူးကျယ်နေကာ၊ မျက်ဆန်များမှာ ဆူပွက်နေသော သွေးရောင်များဖြင့် လုံးဝ ဖုံးလွှမ်းနေပေသည်။</p> <p> </p> <p>ကြမ်းကြုတ်လှသော မျက်နှာကြီးမှာ ရုတ်တရက် ပင့်တက်သွားပြီး၊ ကောင်းကင်ယံသို့ နက်ရှိုင်းပြီး ဟိန်းထွက်နေသော ကျားဟိန်းသံကြီးကို ထုတ်လွှတ်လိုက်လေ၏။</p> <p> </p> <p>ကျားကို တောင်ပေါ်သို့ ပြန်လွှတ်ပေးသူများသည် နောက်ဆုံးတွင် နောင်တရကြရမည်သာ ဖြစ်ပေသည်။</p> <p> </p> <p>"ဝေါင်း"</p> <p> </p> <p>အဆက်မပြတ်ထွက်ပေါ်နေသော ကျားဟိန်းသံကြီးမှာ ရူးသွပ်ပြီးနာကျင်ကြေကွဲဖွယ် ကောင်းလှကာ၊ စိတ်ကူးဖြင့်ပင် မမှန်းဆနိုင်သော ဝေဒနာကို ခံစားနေရသကဲ့သို့ ရှိပေသည်။</p> <p> </p> <p>နှစ်ပေါင်း တစ်သိန်းတိုင်တိုင် ၎င်းနှင့် ကင်းကွာနေခဲ့သောသွေးအဆီအနှစ်များသည် ယခုအခါ ၎င်း၏ ခန္ဓာကိုယ်ထဲသို့ ပြန်လည် စီးဝင်လာခဲ့ပြီး၊ ၎င်း၏ နတ်ဆိုးခန္ဓာကိုယ်ကို ဆွဲဖြဲပစ်မတတ် ဖြစ်နေစေ၏။</p> <p> </p> <p>ဘန်း ဘန်း</p> <p> </p> <p>ပေါက်ကွဲထွက်လာသော သက်စောင့်အင်အားများရှေ့တွင်၊ ကျားကြီး၏ ခန္ဓာကိုယ်ပေါ်ရှိ အဆောင်သင်္ကေတအရိပ်အယောင်များမှာ တစ်ခုပြီးတစ်ခု ကွဲကြေသွားခဲ့လေသည်။</p> <p> </p> <p>အန်းထင်ဖုန်းသည် တောင်ထိပ်ပေါ်တွင် လူးလှိမ့်နေပြီး၊ သူထိတွေ့သမျှ အရာအားလုံးကို ဖျက်ဆီးပစ်ကာနောက်ဆုံးတွင် လုံးဝ အင်အားကုန်ခမ်းသွားခဲ့၏။ ဘိုးဘေးနယ်မြေမှာလည်း ဖရိုဖရဲဖြစ်နေပြီဖြစ်ပြီး၊ အရိုးမှုန့်များထူထဲစွာ ဖုံးလွှမ်းနေလေပြီ။</p> <p> </p> <p>သူသည် မြေပြင်ပေါ်တွင် ပက်လက်လှန်နေပြီး၊ သူ၏ မြန်ဆန်သော အသက်ရှူသံများမှာ တိုးညင်းသောရယ်သံများအဖြစ် ပြောင်းလဲသွားကာ၊ အရိုးများမြှုပ်နှံထားရာ မြေတစ်ခွင်လုံးသို့ ကြက်သီးမွေးညင်းထဖွယ် ခံစားချက်တစ်ခုနှင့်အတူ ပျံ့နှံ့သွားခဲ့လေသည်။</p> <p> </p> <p>ခဏမျှ အနားယူပြီးနောက်၊ ကြမ်းကြုတ်သော ကျားကြီးသည် ဖြည်းညှင်းစွာ မတ်တတ်ရပ်လိုက်ပြီး တောင်အောက်သို့ ယိုင်တိယိုင်တိုင် ဆင်းသွားခဲ့၏။</p> <p> </p> <p>သူ ဟန်ယွဲ့တောင်၏ ကြေမွပျက်စီးနေသော တောင်ခြေသို့ ရောက်ရှိချိန်တွင်၊ နတ်ဆိုးသွေးဖြင့် ရေးသားထားသော စာတစ်စောင်မှာ အလင်းတန်းတစ်ခုအဖြစ် ပြောင်းလဲသွားကာ၊ ချီမိသားစု၏ သားတော်ခုနစ်ပါးထဲမှ တစ်ပါးဖြစ်သော ချီမင်းသားနေထိုင်ရာ ရေပြင်ဆီသို့ ဦးတည်သွားလေသည်။</p> <p> </p> <p>အမှန်တကယ်ပင်၊ အရှေ့ဘက်၏ နဂါးမင်းသမီးမှာ အရှေ့ဘက် သို့ တောင်ဘက်သို့ပင် ရောက်နေနိုင်ပေသည်။</p> <p> </p> <p>အနောက်ပိုင်းဟုန်၏ နတ်ဆိုးမျိုးနွယ်စုသည် နောက်ဆုံးတွင် အနောက်ပိုင်း နဂါးနန်းတော်ကိုသာ အားကိုးရမည် ဖြစ်ပေသည်။</p> <p> </p> <p>အနောက်ပိုင်းဟုန်၏ ရေပြင်အောက်ရှိ၊ ချီကျောက်ဖိန်၏ နန်းတော်အတွင်း၌</p> <p> </p> <p>ခန့်ညားထည်ဝါသော သံချပ်ကာအင်္ကျီကို ဝတ်ဆင်ထားသည့် ဤနဂါးသားတော်သည်၊ သူ၏ ပလ္လင်ပေါ်တွင်မတ်မတ်ထိုင်နေပြီး၊ သူ၏ လက်ထဲရှိ သွေးစာကို ဂရုတစိုက်ဖတ်ရှုပြီးနောက် စားပွဲပေါ်သို့ ဖြည်းညှင်းစွာ တင်လိုက်လေသည်။</p> <p> </p> <p>"သခင်လေးခုနစ်၊ ကျားရိုင်းကြီးရဲ့ အနံ့ကို ကျွန်တော် ရနေသလိုပဲ။ သူများ စိတ်ပြောင်းသွားတာ ဖြစ်နိုင်မလား။"</p> <p> </p> <p>ခန်းမအတွင်းရှိ တစ်ဦးတည်းသော ဧည့်သည်မှာ အစိမ်းရောင်အမွေးများခြုံလွှမ်းထားသော အဘိုးအိုတစ်ဦး ဖြစ်လေသည်။</p> <p> </p> <p>"ဒါ ကောင်းတဲ့ကိစ္စ မဟုတ်ဘူးလား။"</p> <p> </p> <p>ချီကျောက်ဖိန်က ပြုံးလိုက်သော်လည်း၊ သူ၏ အတွင်းစိတ်ထဲတွင်မူ သက်ပြင်းချကာ စိတ်သက်သာရာ ရသွားလေ၏။</p> <p> </p> <p>မကြာသေးမီက သူ မည်မျှကံဆိုးမိုးမှောင်ကျနေခဲ့သည်ကို နတ်ဆိုးများသာ သိနိုင်ပေလိမ့်မည်။ ပထမဦးစွာ သူ စေလွှတ်လိုက်သော တပ်သားများအားလုံးအရိပ်အယောင်ပင် မကျန်ဘဲ ပျောက်ကွယ်သွားခဲ့ပြီး၊ အသေအရှင်ကိုမျှ မသိရကာ၊ မှော်ရတနာများဆုံးရှုံးသွားရုံသာမက ဝမ်ရှန်း စံအိမ်တွင်လည်း မျက်နှာပျက်ခဲ့ရလေသည်။</p> <p> </p> <p>ထို့နောက် အစ်ကိုဖြစ်သူက သူ့ကို တာဝန်ယူစေခဲ့ပြီး၊ ဘာမှမသိသော ထိုဝက်ဝံကို ချက်ချင်း ရှာဖွေရန်နှင့် သတင်းများပေါက်ကြားမှု မရှိစေရန် တားဆီးရန် အမိန့်ပေးခဲ့လေသည်။</p> <p> </p> <p>ယခုမူ အခြေအနေများ ပြန်လည်ကောင်းမွန်လာခြင်းလည်း ဖြစ်နိုင်၏။</p> <p>သို့မဟုတ် အနောက်ပိုင်းဟုန်ရှိ ပြောင်းလဲနေသော အခြေအနေများကို ကုန်းနေ နတ်ဆိုးမျိုးနွယ်စုများက သတိပြုမိသွားခြင်းလည်း ဖြစ်နိုင်ပေသည်။</p> <p> </p> <p>အစပိုင်းတွင် သူ၏ အစ်ကိုဖြစ်သူက သတင်းစကားများပေးပို့ကာ စုံစမ်းမေးမြန်းခဲ့စဉ်က၊ ၎င်းတို့သည် လိမ္မာပါးနပ်စွာငြင်းဆန်ခဲ့ကြလေသည်။</p> <p> </p> <p>ယခုမူ ဤမဟာနတ်ဆိုးကြီးများသည် တစ်ဦးပြီးတစ်ဦး သစ္စာခံရန် ရှေ့ထွက်လာကြပြီ ဖြစ်ပေသည်။</p> <p>ဤသတင်းကောင်းကို သူ နောက်မှ တောင်ပိုင်းဟုန်သို့ တင်ပြပြီး အစ်ကိုဖြစ်သူကိုလည်း ဝမ်းသာစေရမည် ဖြစ်ပေသည်။</p> <p> </p> <p>"..."</p> <p> </p> <p>အစိမ်းရောင်ဖီးနစ်အိုကြီး၏ ဒေါသကြီးသော သဘာဝကို သူသိပ်သဘောမကျသော်လည်း</p> <p>ချီကျောက်ဖိန်သည် သူ၏ အပြုံးကို ဆက်လက် ထိန်းသိမ်းထားခဲ့သည်။</p> <p> </p> <p>"ဒါဆို ကျွန်တော်တို့ရဲ့ ကျားရိုင်းကြီးအတွက် လူတချို့ ရှာပေးဖို့ ခင်ဗျားရဲ့ မျိုးနွယ်စုဝင်တွေကို ဒုက္ခပေးရလိမ့်မယ်။"</p> <p> </p> <p>"ကျွန်တော်က သူ့ကို ကူညီရမှာလား။"</p> <p> </p> <p>အစိမ်းရောင်အမွေးများနှင့် အဘိုးအိုမှာ အံ့အားသင့်သွားပုံ ရလေသည်။</p> <p> </p> <p>"ကူညီတယ်လို့တော့ အတိအကျပြောလို့မရဘူးလေ။ ခင်ဗျားရဲ့ မျိုးဆက်တွေက တောင်ပိုင်းဟုန် သားတော်ခုနစ်ပါး လက်ချက်နဲ့ သေဆုံးသွားတာ ဖြစ်နိုင်ခြေ များတယ်လေ၊" ချီကျောက်ဖိန်က လေးနက်သော အဓိပ္ပာယ်ဖြင့် ပြောလိုက်လေ၏။</p> <p> </p> <p>၎င်း၏ နောက်ကွယ်တွင် နတ်ဆိုးတစ်သောင်းခန်းမ ရှိနေကြောင်း သူ ကောင်းကောင်း သိနေသော်လည်း၊အခြားသူများ မသိသရွေ့၊ သားတော်ခုနစ်ပါးအပေါ်သို့ အပြစ်ပုံချလိုက်ခြင်းက ပိုကောင်းပေသည်။</p> <p> </p> <p>ထိုစကားကို ကြားသောအခါ အစိမ်းရောင် အမွေးအတောင်များနှင့် အဘိုးအို၏ မျက်နှာမှာ တွန့်လိမ်သွားလေသည်။</p> <p> </p> <p>အချိန်အတန်ကြာ တိတ်ဆိတ်သွားပြီးနောက်</p> <p>သူသည် ဖြည်းညှင်းစွာ မတ်တတ်ရပ်လိုက်၏။</p> <p> </p> <p>"ကောင်းပါပြီ၊ ဒါကို အနောက်ပိုင်း နဂါးနန်းတော်အပေါ် အစိမ်းရောင်ဖီးနစ်ငှက် မျိုးနွယ်စုရဲ့ သစ္စာခံမှုအဖြစ် သတ်မှတ်ပေးပါ။ ပြီးတော့ ကျွန်တော်တို့ရဲ့ အတိတ်က နာကြည်းမှုတွေကို ဒါက ချေဖျက်ပေးနိုင်လိမ့်မယ်လို့ မျှော်လင့်ပါတယ်။"</p> <p> </p> <p>"ဘာ နာကြည်းမှုတွေလဲ။"</p> <p> </p> <p>ချီကျောက်ဖိန်က လက်ယမ်းလိုက်၏။ "ဒါပေမဲ့ ခင်ဗျား အဲ့ဒီကို သွားစရာမလိုပါဘူး။ ဂိုဏ်းချုပ်ကျိလုပ်စရာတစ်ခုခု ရသွားအောင် သွားရှာပေးလိုက်ပါ။"</p> <p> </p> <p>တောင်ပိုင်းဟုန်ရှိ သူ၏ အစ်ကိုဖြစ်သူမှာ ဤရက်ပိုင်းအတွင်း အားလပ်နေသည် မဟုတ်ချေ။ တောင်ပိုင်းဟုန် သားတော်ခုနစ်ပါးမှ လူမည်မျှ အကူအညီတောင်းခံရန် ရောက်ရှိလာသည်ကို စုံစမ်းရန်အချိန်အလုံအလောက်ယူခဲ့ရ၏။</p> <p> </p> <p>ကျားရိုင်းကြီး၏ သစ္စာခံမှုကို ယခုမှ ရရှိထားခြင်းဖြစ်ရာ၊ ချင်းယွဲ့ဂိုဏ်းမှ ဂိုဏ်းချုပ်ကျိနှင့် ထိပ်တိုက်တွေ့စေရန် လွှတ်ပေး၍ မရနိုင်ချေ။</p> <p> </p> <p>"စိတ်ချပါ၊ ကျွန်တော်တို့ အနောက်ပိုင်း နဂါးနန်းတော်ရဲ့အလုပ်လုပ်ပုံက အရှေ့ဘက်က မိန်းမနဲ့ လုံးဝ ကွာခြားတယ်ဆိုတာ မကြာခင် ခင်ဗျား သိလာမှာပါ။ အလုပ်သာ ပြီးအောင်လုပ်ပါ၊ ခင်ဗျားအတွက် ဆုလာဘ် ရှိပါတယ်။"</p> <p> </p> <p>"..."</p> <p> </p> <p>အစိမ်းရောင်ဖီးနစ်အိုကြီးသည် ဖြည်းညှင်းစွာ ဦးညွှတ်အရိုအသေပေးလိုက်၏။</p> <p>ချီမင်းသား ဘာကို ရည်ညွှန်းနေသည်ကို သူ သေချာပေါက် သိရှိနေပေသည်။</p> <p> </p> <p>အစိမ်းရောင်ဖီးနစ် မျိုးနွယ်စုသည် ၎င်းတို့၏ ဒေါသကြီးသောသဘာဝကြောင့် အနောက်ပိုင်း နဂါးနန်းတော်၏ မနှစ်မြို့မှုကို ချံနရပြီး၊ အနောက်ပိုင်းဟုန်၏ အစွန်အဖျားအကျဆုံး ဒေသသို့ ဖယ်ကြဉ်ခံထားရလေသည်။</p> <p> </p> <p>ယခု အနောက်ပိုင်း နဂါးနန်းတော်မှာ ကမောက်ကမ ဖြစ်နေပြီဖြစ်ရာ၊ အစိမ်းရောင်ဖီးနစ် မျိုးနွယ်စုမှာ နောက်ဆုံးတွင် အသက်ရှူချောင်မည့် အခွင့်အရေးတစ်ခုကို မြင်တွေ့လိုက်ရလေပြီ။</p> <p> </p> <p>နဂါးများ၏ ကိစ္စရပ်များကဲ့သို့သော အရာများတွင် သူသေချာပေါက်မဦးဆောင်လိုသော်လည်း၊ နဂါးနန်းတော်နှစ်ခု၏ ပူးပေါင်းအင်အားစုကို အသုံးပြု၍ တောင်ပိုင်းဟုန် သားတော်ခုနစ်ပါးကို အနိုင်ကျင့်နိုင်မည်ဆိုပါက၊ ၎င်းမှာ ပြဿနာကြီးကြီးမားမား ဖြစ်လာမည် မဟုတ်ချေ။</p> <p> </p> <p> </p> <p style="text-align: center;">***</p>


Save