Book List

<h2 style="text-align: center;">အခန်း ၆၉၀</h2> <h2 style="text-align: center;">သက်တမ်း ၁၀ ထရီလီယံ</h2> <h2 style="text-align: center;">*</h2> <p>ဧကရာဇ် မျိုးနွယ်စုနှင့် ရှုံးနိမ့်ခြင်းကင်းမဲ့သော ဧကရာဇ်တို့ ပြာအဖြစ်သို့ ပျောက်ကွယ်သွားသည်နှင့်အမျှ ရွှေရောင် လက်ဝါးကြီးက လွင့်စင်သွားပြီး ဟင်းလင်းပြင်က တဖြည်းဖြည်း ပြန်လည် မှိုင်းညို့လာခဲ့သော်လည်း တာအိုခုံရုံးမှ လူများမှာမူ တိတ်ဆိတ်နေဆဲ ဖြစ်ကာ သူတို့၏ အံ့အားသင့် မှင်သက်မှုမှ နိုးထမလာနိုင်သေးချေ။</p> <p> </p> <p>ဖြူစင်သော နှလုံးသားရှိသည့် ရှောင်လန်သည် တိတ်ဆိတ်မှုကို ပထမဆုံး စတင် ဖြိုခွင်းလိုက်၏။</p> <p> </p> <p>သူမက မနေနိုင်ဘဲ မေးလိုက်သည်။ “အခုလေးတင် လှုပ်ရှားသွားတဲ့ စီနီယာက ဘယ်အဆင့်မှာ ရှိတာလဲ... ဒဏ္ဍာရီလာ ကောင်းကင်တက်လှမ်းခြင်းနှောင်ဖွဲ့ကင်းအမတ အဆင့်လား...”</p> <p> </p> <p> </p> <p>တာအိုခုံရုံးမှ ကျင့်ကြံသူများက တစ်ယောက်ပြီး တစ်ယောက် သတိပြန်ဝင်လာကြပြီး အရပ်မျက်နှာ အနှံ့သို့ ဦးညွှတ်ကာ ဝင်ရောက် စွက်ဖက်ပေးသူကို ကျေးဇူးတင်စကားများ စတင် ပြောကြားကြလေသည်။</p> <p> </p> <p>ယွမ်စုန်ကျီလည်း သတိပြန်ဝင်လာပြီး ကျယ်လောင်စွာ အော်ဟစ်လိုက်၏။ “ကျွန်တော်က ကောင်းကင်ဝိညာဉ် မဟာကမ္ဘာ တာအိုခုံရုံးက ယွမ်စုန်ကျီပါ... စီနီယာရဲ့ အကူအညီအတွက် ကျေးဇူးတင်ပါတယ်... စီနီယာ့အတွက် ကျွန်တော်တို့ ဘာများ လုပ်ပေးရမလဲ မသိဘူး...”</p> <p> </p> <p>အကြောင်းပြချက် မရှိဘဲ ကူညီပေးခြင်း ဆိုသည်မှာ မရှိပေ။ ယွမ်စုန်ကျီသည် သူ၏ အဆက်အသွယ်များကို ပြန်လည် စဉ်းစားကြည့်သော်လည်း ဤမျှ အစွမ်းထက်သော တည်ရှိမှုမျိုးကို စဉ်းစား၍ မရနိုင်သဖြင့် တစ်ဘက်လူသည် သူတို့ကို မည်သည့်အရာများ လုပ်ဆောင်စေလိုကြောင်းသာ တွေးတောနေနိုင်တော့သည်။</p> <p> </p> <p>သို့သော်လည်း မည်သူကမျှ သူ့ကို ပြန်လည် ဖြေကြားခြင်း မရှိချေ။</p> <p> </p> <p>ကျိရှောင်ယုသည် တိတ်ဆိတ်နေလျက် ထိုနေရာတွင်ပင် တင်ပျဉ်ခွေ ထိုင်ချလိုက်ပြီး သူမ၏ ခန္ဓာကိုယ်ကို စတင် ပြန်လည် ကုသလေသည်။</p> <p> </p> <p>တစ်ချိန်တည်းမှာပင်...</p> <p> </p> <p>ချမ်ခွန်းဂိုဏ်း၌ ကုအန်သည် သူ၏ မြင်ကွင်းထဲတွင် ဆက်တိုက် ထွက်ပေါ်လာသော အသိပေးချက်များကြောင့် အလုပ်ရှုပ်နေ၏။</p> <p> </p> <p>ဧကရာဇ် မျိုးနွယ်စုကို ကိုင်တွယ် ဖြေရှင်းရန်အတွက် သူသည် ကိုယ်ပွားများကို အားမကိုးဘဲ သူ၏ ကိုယ်ပိုင် မစွမ်းအင်များကို အသုံးပြုခဲ့သဖြင့် သက်တမ်းကို လုယူနိုင်ခဲ့သည်။ အထူးသဖြင့် ဧကရာဇ် မျိုးနွယ်စုတွင် ကောင်းကင်နန်းတော်၏ ကံကြမ္မာ ကင်းမဲ့နေသောကြောင့်ပင်။</p> <p> </p> <p>[ချန်ယွမ် ဧကရာဇ် (မူလဘူတ ရွှေအမတအဆင့် အစောပိုင်း) ထံမှ သက်တမ်း နှစ် ၂၀,၂၃၉,၀၀၈,၂၇၆ ကို အောင်မြင်စွာ လုယူနိုင်ခဲ့ပါသည်]</p> <p> </p> <p>[ကုတုန်း (ကောင်းကင်တက်လှမ်းခြင်းနှောင်ဖွဲ့ကင်းအမတ အဆင့် နှောင်းပိုင်း) ထံမှ သက်တမ်း နှစ် ၈၀၉,၂၄၄,၆၂၃ ကို အောင်မြင်စွာ လုယူနိုင်ခဲ့ပါသည်]</p> <p> </p> <p>[ဟန်ထျန်း ဧကရာဇ် (ဟန်ထျန်း ရွှေအမတအဆင့် အလယ်အလတ်အဆင့်) ထံမှ သက်တမ်း နှစ် ၂၀၉,၈၇၂,၃၀၇,၇၆၂ ကို အောင်မြင်စွာ လုယူနိုင်ခဲ့ပါသည်]</p> <p> </p> <p>[ချင်လီ (မူလဘူတ ရွှေအမတအဆင့် ပြီးပြည့်စုံသောအဆင့်) ထံမှ သက်တမ်း နှစ် ၇၀,၉၈၂,၇၆၃ ကို အောင်မြင်စွာ လုယူနိုင်ခဲ့ပါသည်]</p> <p> </p> <p>[ကျီဇွန်း (ထိုက်ချင်း ရွှေအမတအဆင့် အလယ်အလတ်အဆင့်) ထံမှ သက်တမ်း နှစ် ၂၄၉,၈၂၇,၂၀၆,၃၈၃ ကို အောင်မြင်စွာ လုယူနိုင်ခဲ့ပါသည်]</p> <p>...</p> <p>ဒုံးပျံသဖွယ် ထိုးတက်သွားသော သူ၏ သက်တမ်းကို ကြည့်ရင်း ကုအန်မှာ စိတ်လှုပ်ရှား တုန်လှုပ်သွား၏။ ဝင်စားသည့် ခန္ဓာကိုယ် ရှိသူများက သက်တမ်း လုယူခြင်း၏ သွေးဆောင်ဖြားယောင်းမှုကို မခံနိုင်ကြသည်မှာ မဆန်းပေ။ ယခုအခါ အစုလိုက်အပြုံလိုက် သတ်ဖြတ်ပစ်ချင်သည့် စိတ်ဆန္ဒများ ဖြစ်ပေါ်လာသော်လည်း ထိုသို့ မလုပ်သင့်ကြောင်း သူ ကောင်းစွာ သိထားသည်။</p> <p> </p> <p>အလွန်အကျွံ သတ်ဖြတ်ခြင်းနှင့် လျင်မြန်စွာ အစွမ်းထက်လာခြင်းက သူ၏ ကျင့်ကြံခြင်းအဆင့်ထက် များစွာ သာလွန်သော အစွမ်းထက် တည်ရှိမှုများကို ဝင်ရောက် စွက်ဖက်လာစေရန် ဆွဲဆောင်သကဲ့သို့ ဖြစ်သွားပေလိမ့်မည်။</p> <p> </p> <p>ဤတစ်ကြိမ်တွင် ဧကရာဇ် မျိုးနွယ်စုကို တိုက်ခိုက်ခြင်းက အကြောင်းပြချက် ခိုင်လုံပြီး တာအိုအထွတ်အထိပ် တာလော့အမတ အဆင့်ကို ကျော်လွန်သော သတ္တဝါများ၏ အာရုံစိုက်မှုကို ခံရမည် မဟုတ်ချေ။</p> <p> </p> <p>ဧကရာဇ် မျိုးနွယ်စု အတွင်းရှိ ဤအစွမ်းထက် ပုဂ္ဂိုလ်ကြီးများ၏ သက်တမ်းများမှာ ကွဲပြားခြားနားကြ၏။ အစွမ်းအထက်ဆုံး ဖြစ်သော ထိုက်ချင်း ရွှေအမတ တစ်ပါးက သူ့ကို ဟန်ထျန်း ရွှေအမတ တစ်ပါးထက် များစွာ ပိုမို များပြားသော သက်တမ်းကို မပေးနိုင်ခဲ့သော်လည်း ယေဘုယျအားဖြင့် သူ့အတွက် ကြီးမားသော အကျိုးအမြတ်များကို ရရှိစေခဲ့ဆဲပင်။</p> <p> </p> <p>ဧကရာဇ် မျိုးနွယ်စုတွင် ရှုံးနိမ့်ခြင်းကင်းမဲ့သော ဧကရာဇ်ကို ကာကွယ်ပေးနေသည့် ထိုက်ချင်း ရွှေအမတ တစ်ပါးသာ ရှိပြီး ကျန်သူများမှာ ကောင်းကင်တက်လှမ်းခြင်းနှောင်ဖွဲ့ကင်းအမတ များနှင့် မူလဘူတ ရွှေအမတများသာ ဖြစ်ကြကာ စုစုပေါင်း ရာဂဏန်းခန့် ရှိသည်။</p> <p> </p> <p>[သင်၏ သက်တမ်းသည် ပထမဆုံးအကြိမ်အဖြစ် ၁၀ ထရီလီယံကို ကျော်လွန်သွားပါသဖြင့် သက်တမ်း လုပ်ဆောင်ချက် တစ်ခုကို ကျပန်း အဆင့်မြှင့်တင်မှု စတင်နေပါသည်]</p> <p> </p> <p>[သင်၏ သက်တမ်း ကြိုတင်ခန့်မှန်းခြင်း လုပ်ဆောင်ချက်ကို အဆင့်မြှင့်တင်ပြီးပါပြီ]</p> <p> </p> <p>[သက်တမ်း ကြိုတင်ခန့်မှန်းခြင်း အဆင့်မြှင့်တင်မှု အောင်မြင်ပါသည်]</p> <p> </p> <p>[သက်တမ်း ကြိုတင်ခန့်မှန်းခြင်း - အကြောင်းအကျိုးကို အလိုအလျောက် ရှာဖွေပေးသည်။ သင်၏ အစစ်အမှန် ခန္ဓာကိုယ် သို့မဟုတ် ကိုယ်ပွားများအပေါ် မလိုမုန်းထားမှု ရှိသည့် သက်ရှိတစ်ခု ရှိလာသောအခါ အသိပေးချက် တစ်ခု ထွက်ပေါ်လာမည် ဖြစ်သည်။ ၎င်းက အကြောင်းအကျိုးကို အလိုအလျောက် တွက်ချက်ပေးသည်။ တစ်စုံတစ်ယောက်၏ အကြောင်းအကျိုးက သင်နှင့် ပဋိပက္ခ ဖြစ်လာပါက အသိပေးချက် တစ်ခု ထွက်ပေါ်လာမည် ဖြစ်သည်။ ဤအသိပေးချက်ကို အသုံးပြုခြင်းက သက်တမ်းကို ကုန်ဆုံးစေမည် မဟုတ်သော်လည်း ပြိုင်ဘက်အပေါ် သက်တမ်း ရှာဖွေခြင်း ပြုလုပ်ပါက သက်တမ်း ကုန်ဆုံးမည် ဖြစ်သည်]</p> <p> </p> <p>သူ၏ ရှေ့တွင် ထွက်ပေါ်လာသော အသိပေးချက်များကို မြင်သောအခါ ကုအန်၏ မျက်လုံးများ ပြောင်းလဲသွား၏။</p> <p> </p> <p>ယခင် သက်တမ်း ကြိုတင်ခန့်မှန်းခြင်း နှင့် မတူဘဲ ဤတစ်ကြိမ်တွင် လုပ်ဆောင်ချက်က သူ၏ ကိုယ်ပွားများကိုပါ လွှမ်းခြုံထားပြီး အကြောင်းအကျိုးကို တွက်ချက်နိုင်စွမ်း ရှိလာခဲ့လေသည်။</p> <p> </p> <p>အကြောင်းအကျိုးကို တွက်ချက်ခြင်းမှာ အတော်လေး လွှမ်းမိုးနိုင်စွမ်း ရှိပြီး ဖြစ်လာနိုင်ချေရှိသော ရန်သူများကို တွက်ချက်နိုင်သည်ဟု ဆိုလိုခြင်း ဖြစ်နိုင်မည်လား သူမသိချေ။</p> <p> </p> <p>ဤလုပ်ဆောင်ချက်တွင် အားသာချက်နှင့် အားနည်းချက် နှစ်ခုစလုံး ရှိ၏။ အားသာချက်မှာ ရန်သူများကို ပိုမို ရှာဖွေ ဖော်ထုတ်နိုင်ခြင်း ဖြစ်ပြီး အားနည်းချက်မှာ ရန်သူများက ဘာမှမသိဘဲ ပေါ့ပေါ့ပါးပါး နေနေချိန်တွင် သူက ရန်သူများကို ကြိုတင် သိရှိနေရသည့် ဖိအားပင် ဖြစ်သည်။</p> <p> </p> <p>သေချာသည်မှာ အရေးအကြီးဆုံးအချက်က သူ၏ သက်တမ်းသည် ၁၀ ထရီလီယံ ကို ထိုးဖောက် ကျော်လွန်သွားခြင်းပင် ဖြစ်၏။</p> <p> </p> <p>သူ အဆင့်ချိုးဖျက်ခြင်းကို ဆက်လက် လုပ်ဆောင်နိုင်ပြီ ဖြစ်၏။</p> <p> </p> <p>ကုအန်၏ စိတ်အခြေအနေမှာ အလွန်ကောင်းမွန်သွား၏။ သက်တမ်း အသိပေးချက်များ အားလုံး ရပ်တန့်သွားသည်နှင့် တစ်ပြိုင်နက် သူက အချက်အလက် မျက်နှာပြင်ကို ခေါ်ယူကြည့်ရှုလိုက်သည်။</p> <p> </p> <p>[အမည် - ကုအန်]</p> <p>[သက်တမ်း - ၁၇၂,၉၇၁ / ၁၄,၀၇၃,၅၉၃,၂၂၄,၀၈၇]</p> <p>[ခန္ဓာကိုယ် - မူလဘူတ တာအိုဖန်ဆင်းခြင်း ခန္ဓာကိုယ်]</p> <p>[ကျင့်ကြံခြင်းအဆင့် : တာအိုအထွတ်အထိပ် တာလော့အမတအဆင့် အလယ်အလတ်အဆင့်]</p> <p> </p> <p> </p> <p>ဧကရာဇ် မျိုးနွယ်စု ဖြစ်နေသည်မှာ မဆန်းတော့ပေ။</p> <p>ရှုံးနိမ့်ခြင်းကင်းမဲ့သော ဧကရာဇ်၏ နောက်ကွယ်ရှိ ဧကရာဇ် မျိုးနွယ်စုမှာ အမှန်တကယ် အစွမ်းထက်ကြောင်း ကုအန် အသိအမှတ်ပြုလိုက်၏။</p> <p> </p> <p>[ထျန်ချန်း ဧကရာဇ် သည် သင်နှင့် အကြောင်းအကျိုး ရန်ငြိုးတစ်ခု ဖြစ်ပေါ်လာမည် ဖြစ်ပြီး သင်၏ ရန်သူ ဖြစ်လာရန် ဖန်တီးခံထားရပါသည်။ ၎င်းအပေါ် သက်တမ်း ရှာဖွေခြင်း ပြုလုပ်လိုပါသလား]</p> <p> </p> <p>[ချူကျီ ဘိုးဘေး သည် သင်နှင့် အကြောင်းအကျိုး ရန်ငြိုးတစ်ခု ဖြစ်ပေါ်လာမည် ဖြစ်ပြီး သင်၏ ရန်သူ ဖြစ်လာရန် ဖန်တီးခံထားရပါသည်။ ၎င်းအပေါ် သက်တမ်း ရှာဖွေခြင်း ပြုလုပ်လိုပါသလား]</p> <p> </p> <p>[ဟန်လုံ သည် သင်နှင့် အကြောင်းအကျိုး ရန်ငြိုးတစ်ခု ဖြစ်ပေါ်လာမည် ဖြစ်ပြီး သင်၏ ရန်သူ ဖြစ်လာရန် ဖန်တီးခံထားရပါသည်။ ၎င်းအပေါ် သက်တမ်း ရှာဖွေခြင်း ပြုလုပ်လိုပါသလား]</p> <p> </p> <p>နောက်ထပ် အသိပေးချက်များ ဆက်တိုက် ထွက်ပေါ်လာသဖြင့် ကုအန်၏ မျက်ခွံများပင် တဆတ်ဆတ် ခုန်သွား၏။</p> <p>အမှန်ပင်။ အသစ်ရရှိသော သက်တမ်း ကြိုတင်ခန့်မှန်းခြင်း က အသွားနှစ်ဖက်ပါ ဓားတစ်လက် ဖြစ်နေသည်။</p> <p> </p> <p>ဖြစ်လာနိုင်ချေရှိသော ရန်သူများ ဤမျှ များပြားနေရာ အကယ်၍ တစ်ယောက်ချင်းစီကိုသာ သူ စစ်ဆေးနေမည် ဆိုလျှင် သူ၏ သက်တမ်း ၁၄ ထရီလီယံက ဤသည်ကို ခံနိုင်ရည် ရှိပါမည်လား။</p> <p> </p> <p>ကုအန်သည် သက်တမ်း ရှာဖွေခြင်း အတွက် တစ်ယောက်ချင်းစီကို ရွေးချယ်လိုက်၏။ အမည်တစ်ခုကို ရွေးချယ်လိုက်သည်နှင့် ကုန်ဆုံးသွားမည့် သက်တမ်း နှစ်အရေအတွက်ကို ဖော်ပြပေးမည် ဖြစ်ပြီး ထို့နောက်မှ သူက အတည်ပြုရမည် ဖြစ်သည်။</p> <p> </p> <p>သူသည် သက်တမ်းကို ကုန်ဆုံးစေရန် ရည်ရွယ်ချက် မရှိသော်လည်း သက်တမ်း ကုန်ဆုံးမည့် အသိပေးချက်များမှတစ်ဆင့် ရန်သူများ၏ စွမ်းအားကို သူ ချိန်ဆနိုင်၏။</p> <p> </p> <p>ဧကရာဇ် မျိုးနွယ်စု၏ အကြီးမားဆုံးသော ကျောထောက်နောက်ခံမှာ သူထက် အဆင့်ကြီး တစ်ဆင့် နိမ့်ကျနေသဖြင့် သူတို့အပေါ် သက်တမ်း ရှာဖွေခြင်း အသုံးပြုရန် မတန်ချေ။</p> <p> </p> <p>သို့တိုင်အောင် ဤလုပ်ဆောင်ချက်က ဧကရာဇ် မျိုးနွယ်စု၏ အုတ်မြစ်ကို သူ့အား ဖော်ပြနိုင်စွမ်း ရှိသေး၏။</p> <p> </p> <p>ဤနောက်ပိုင်း အချိန်ကာလ တစ်ခုအထိ သက်တမ်း အသိပေးချက်များက ထပ်ခါတလဲလဲ ထွက်ပေါ်လာခဲ့သည်။ ယွမ်လော့သည်  ပရိသတ်များ၏ အားပေးဟစ်ကြွေးမှုများနှင့်အတူ မဟာယာန အဆင့် ရှိ တပည့်ကို အနိုင်ယူလိုက်ချိန်တွင် သူ၏ ရှေ့ရှိ အသိပေးချက်များက ဆက်လက် ထွက်ပေါ်နေဆဲ ဖြစ်၏။</p> <p> </p> <p>ရှုံးနိမ့်ခြင်းကင်းမဲ့သော ဧကရာဇ်၏ နောက်ကွယ်ရှိ အဆက်အသွယ်များမှာ အမှန်တကယ်ပင် အံ့အားသင့်ဖွယ် ကောင်းလှပေသည်။</p> <p> </p> <p>ကုအန်မှာ တိတ်တဆိတ် တုန်လှုပ်သွား၏။</p> <p> </p> <p>ချမ့်ခွန်းဂိုဏ်း၏ ဂိုဏ်းချုပ် ရီချင်းရှန် က ယွမ်လော့ကို စတင် ချီးကျူးလိုက်ပြီးနောက် ဂိုဏ်း၏ ရှေ့ဆက်မည့် နှစ်တစ်ထောင် မဟာစီမံကိန်း အကြောင်းကို ပြောဆိုရာ တပည့်များ၏ စိတ်လှုပ်ရှားမှုများကို နှိုးဆွလိုက်သကဲ့သို့ ဖြစ်သွားသည်။</p> <p> </p> <p>လူစုလူဝေး ပြီးဆုံးသွားပြီးနောက် ကုအန်သည် အပေါင်းအသင်းများ၏ စားသောက်ရန် ဖိတ်ကြားမှုများကို ယဉ်ကျေးစွာ ငြင်းပယ်လိုက်ပြီး တစ်ယောက်တည်း ထွက်ခွာလာခဲ့၏။</p> <p> </p> <p>အခြား တစ်ဘက်တွင် ကျိရှောင်ယုသည် သူမ၏ ခန္ဓာကိုယ်ကို ပြန်လည် ကုသပြီးသွားပြီ ဖြစ်သော်လည်း သူမ၏ အရှိန်အဝါက အားနည်းနေပြီး သူမ၏ ကျင့်ကြံခြင်းအဆင့်မှာလည်း အနည်းငယ် ကျဆင်းသွားခဲ့သည်။</p> <p> </p> <p>တာအိုခုံရုံးမှ ကျင့်ကြံသူများသည် သူမကို ဝိုင်းရံထားကြပြီး သူတို့၏ မျက်နှာများပေါ်တွင် စိုးရိမ်ပူပန်မှုများ ပြည့်နှက်နေကြသည်။</p> <p> </p> <p>ရှောင်လန်က မနေနိုင်ဘဲ မေးလိုက်သည်။ “စီနီယာ... ဘယ်လို နေသေးလဲ... ကျွန်မတို့ ဘာ ကူညီပေးရမလဲ...”</p> <p> </p> <p>ဖြူရော်နေသော မျက်နှာရှိသည့် ကျိရှောင်ယုက မျက်လုံးများကို ဖွင့်ကာ ပြောလိုက်၏။ “ငါ ဘာမှ မဖြစ်ပါဘူး... ဒါပေမဲ့ ငါ့ရဲ့ တာအိုဧကရာဇ် လမ်းစဉ်ကတော့ လုံးဝ ပြတ်တောက်သွားပြီ... ရှုံးနိမ့်ခြင်းကင်းမဲ့သော ဧကရာဇ်ရဲ့ နတ်ဘုရား ကျင့်စဉ်များ က တကယ်ပဲ အကြင်နာ ကင်းမဲ့တယ်... သူ့ရဲ့ နတ်ဘုရား ကျင့်စဉ် စွမ်းအားတွေကို အပြည့်အဝ ဖယ်ရှားဖို့ ငါ နှစ်ပေါင်းများစွာ အချိန်ယူရလိမ့်မယ်...”</p> <p> </p> <p>လူတိုင်းမှာ ၎င်းကို လက်မခံနိုင်ဘဲ ရင်လေးသွားကြ၏။</p> <p> </p> <p>သူတို့သည် မဟာတာအို၏ လမ်းစဉ်ကို အတူတကွ ဖြတ်သန်းလာခဲ့သည်မှာ နှစ်ပေါင်းများစွာ ကြာမြင့်ခဲ့ပြီ ဖြစ်ရာ ကျိရှောင်ယု ရှုံးနိမ့်သွားနိုင်ခြေ ရှိသည်ကို တွေးတောမိခဲ့ကြသော်လည်း သူမ ဤကဲ့သို့ ကျဆုံးသွားသည်ကို မြင်လိုက်ရသောအခါ သူတို့၏ ရင်ထဲတွင် ကူကယ်ရာမဲ့သည့် ခံစားချက်များ ပြည့်နှက်သွားခဲ့သည်။</p> <p> </p> <p>ဧကရာဇ် လမ်းစဉ်မှာ အမှန်တကယ်ပင် သူတို့ ယှဉ်ပြိုင်နိုင်စွမ်းရှိသော အရာတစ်ခု မဟုတ်ပေ။</p> <p> </p> <p>ယွမ်စုန်ကျီက သက်ပြင်းရှည်ကြီး တစ်ချက်ချကာ ပြောလိုက်၏။ “အနားယူဖို့ တာအိုခုံရုံးကို ပြန်ကြတာပေါ့...”</p> <p> </p> <p>သူက ရှောင်လန်ကို ကြည့်၍ ပြောလိုက်သည်။ “မင်းလည်း မြင်တဲ့အတိုင်းပဲလေ... ဧကရာဇ် လမ်းစဉ်ရဲ့ ပြိုင်ပွဲတွေက အန္တရာယ်တွေနဲ့ ပြည့်နှက်နေတာ... မင်း မရှုံးနိမ့်ခင် လောလောဆယ် ရပ်တန့်လိုက်တာက ပိုကောင်းလိမ့်မယ်”</p> <p> </p> <p>သူ၏ စကားများကို ရှောင်လန်က ခပ်ဖွဖွ ခေါင်းညိတ် ထောက်ခံလိုက်၏။</p> <p> </p> <p>သူမကိုယ်တိုင်လည်း ဧကရာဇ် လမ်းစဉ်မှ ပါရမီရှင်များနှင့် သူမကြားရှိ ကြီးမားသော ကွာဟချက်ကို နားလည်သဘောပေါက်သွားပြီဖြစ်သည်။ ကောင်းကင်ဝိညာဉ် မဟာကမ္ဘာနှင့် နှစ်ပေါင်းများစွာ ဝေးကွာနေခဲ့ပြီးနောက် သူမ၏ အစ်ကိုကု အတွက် အနည်းငယ် စိုးရိမ်ပူပန်လာမိသည်။</p> <p> </p> <p>အကြီးအကဲ တစ်ဦးက မနေနိုင်ဘဲ သက်ပြင်းချကာ ပြောလိုက်၏။ “အဲဒီ စီနီယာက ဘယ်လို နတ်ဘုရားမျိုးလဲ မသိဘူး... ငါတို့ကို ကယ်တင်ဖို့ ဧကရာဇ် မျိုးနွယ်စုကို တိုက်ရိုက် အမြစ်ပြတ် ချေမှုန်းပစ်ခဲ့တာလေ... မဟာတာအိုရဲ့ လမ်းစဉ်က တကယ်ပဲ တောင်တစ်လုံးထက် တစ်လုံး ပိုမြင့်ပြီး ကောင်းကင်အထက်မှာ ကောင်းကင် ရှိနေတာပဲ...”</p> <p> </p> <p>အစောက ပြင်းထန်သော တိုက်ပွဲကို ပြန်လည် တွေးတောမိသောအခါ သူတို့မှာ ကျောချမ်းဖွယ်ရာ ထိတ်လန့်မှုနှင့်အတူ ရှင်းပြ၍ မရနိုင်သော စိတ်လှုပ်ရှားမှုများကို ခံစားနေရဆဲ ဖြစ်သည်။</p> <p> </p> <p>“ငါ့အမြင်မှာတော့ ဧကရာဇ် မျိုးနွယ်စုက သူတို့ဘာသာ အရမ်းမောက်မာလွန်းလို့ ကိုယ့်ဒုက္ခ ကိုယ်ရှာတာပဲ... အဲဒီ စီနီယာက ဧကရာဇ် မျိုးနွယ်စုကို ဖျက်ဆီးဖို့ထိ ရည်ရွယ်ချက် မရှိခဲ့တာ ဖြစ်နိုင်ပေမဲ့ ဒီကောင်တွေက အပေးအယူလုပ်ဖို့တောင် သဘောမတူပဲ အရမ်း မောက်မာလွန်းနေခဲ့တာလေ...” တာအိုခုံရုံးမှ ပါရမီရှင် တစ်ဦးက မနေနိုင်ဘဲ ပြောလိုက်သည်။ သူ၏ အသံတွင် လေးစား အထင်ကြီးမှုများနှင့် စိတ်အားထက်သန်မှုများ ပြည့်နှက်သည်။</p> <p> </p> <p>ရွှေရောင် လက်ဝါးကြီးမှာ ယခုမှစ၍ သူ၏ ဘဝ ရည်မှန်းချက် ပန်းတိုင်တစ်ခု ဖြစ်လာတော့မည် ဖြစ်သည်။</p> <p> </p> <p>ဤဘဝတွင် ထိုအဆင့်သို့ မရောက်နိုင်လျှင်တောင် သူက ထိုဦးတည်ချက်အတိုင်း ကျင့်ကြံအားထုတ်သွားမည် ဖြစ်၏။</p> <p> </p> <p>***</p> <p> </p>


Save