Book List

<h2 style="text-align: center;">အခန်း ၄၆</h2> <h2 style="text-align: center;">လမင်းကိုယ်လုပ်တော် ကျဆုံးခြင်း<br />  *</h2> <p> </p> <p>ဓားအစီအရင်ကြီး ဖြစ်ပေါ်လာပြီး ဓားရိပ်များနှင့် အလင်းကာကွယ်ရေးလွှာများက သူမကို ဝိုင်းရံပိတ်လှောင်လိုက်သည်ကို မြင်သောအခါ လမင်းကိုယ်လုပ်တော်မှာ အကြီးအကျယ် ထိတ်လန့်သွားလေသည်။ <br />  <br /> သူမသည် ပဝါပုံစံ ကောင်းကင်ထိတွေ့ ဝိညာဉ်ရတနာတစ်ခုကို အလျင်အမြန် ဆွဲထုတ်ကာ ခေါင်းပေါ်တွင် တင်လိုက်သည်။ ထိုထဲသို့ မှော်စွမ်းအင်များ စီးဆင်းသွားသည်နှင့် ဝိညာဉ်ရတနာပဝါမှ အပြာရောင် အလင်းတန်းများ ဖြာထွက်လာပြီး သူမကို အပြာရောင်အလင်းတစ်ခုဖြင့် လွှမ်းခြုံသွားလေသည်။ <br />  <br /> သို့သော် လမင်းကိုယ်လုပ်တော်သည် စိတ်မချသေးသဖြင့် ရွှေရောင် ဒိုင်းတစ်ခုကို ထပ်မံထုတ်ယူလိုက်ပြန်သည်။ ဒိုင်းမှ ရွှေရောင်အလင်းများ တောက်ပလာပြီး ဇောက်ထိုးထားသော အမိုးခုံးပုံစံတစ်ခု ဖြစ်ပေါ်လာသည်။ သူမသည် အကာအကွယ်အတွင်း၌ အပြည့်အဝ လုံခြုံသွားလေပြီဖြစ်သည်။<br />  <br /> ကာကွယ်ရေး ကောင်းကင်ထိတွေ့ ဝိညာဉ်ရတနာ နှစ်ခုဆက်တိုက် ထုတ်လွှတ်ထားသော်လည်း လမင်းကိုယ်လုပ်တော်သည် အနည်းငယ် စိုးရိမ်နေဆဲဖြစ်သည်။ သို့သော် သူမ တတ်နိုင်သည်မှာ ထိုမျှသာဖြစ်သည်။ ကျင့်ကြံသူတစ်ဦးတွင် မှော်စွမ်းအင် အကန့်အသတ်ရှိသဖြင့် မှော်ရတနာများစွာကို တစ်ပြိုင်နက်တည်း အသက်သွင်းရန် ခက်ခဲလှသည်။ လမင်းကိုယ်လုပ်တော်သည် လီထျန်းနှင့် အချိန်ကြာမြင့်စွာ ရင်ဆိုင်ခဲ့ရသဖြင့် သူမ၏ မှော်စွမ်းအင်အများစုကို ကုန်ဆုံးစေခဲ့ပြီဖြစ်သည်။ ကာကွယ်ရေး ကောင်းကင်ထိတွေ့ ဝိညာဉ်ရတနာ နှစ်ခုကို တစ်ပြိုင်နက်တည်း အသက်သွင်းခြင်းသည်ပင် သူမ၏ အမြင့်ဆုံး ကန့်သတ်ချက် ဖြစ်နေချေပြီ။<br />  <br /> ကောင်းကင်ဘုံကိုးထပ် ဟွန်ယွမ် ဓားအစီအရင်က လမင်းကိုယ်လုပ်တော်ကို ဝိုင်းရံထားပြီးဖြစ်သည်ကို မြင်သောအခါ ကျန်းယွီဟယ်သည် သနားညှာတာမှု ပြသရန် လုံးဝ ရည်ရွယ်ချက်မရှိပေ။ ဒီလို လှပတဲ့ အမျိုးသမီးလေးက တခြားတစ်ယောက်ယောက်ရဲ့ ကိုယ်ပွားတစ်ခုသာ ဖြစ်နေတယ်ဆိုတာကို တွေးမိတော့ သူတောင် အနည်းငယ် ပျို့အန်ချင်သလို ဖြစ်သွားသည်။ <br />  <br /> ကျန်းယွီဟယ်က လက်သင်္ကေတများကို ဆက်တိုက် ပြုလုပ်လိုက်ရာ ကောင်းကင်ဘုံကိုးထပ် ဟွန်ယွမ် ဓားအစီအရင်သည် မျက်စိကျိန်းမတတ် အလင်းရောင်များဖြင့် ချက်ချင်း လင်းလက်သွားလေသည်။ ဓားအစီအရင်၏ အလယ်ဗဟိုတွင် မျက်မြင်မရသော ဓားချီများက အဆုံးအစမဲ့သော ဓားချီပင်လယ်ကြီးတစ်ခုအလား လေထဲမှ ရုတ်တရက် ထွက်ပေါ်လာသည်။ <br />  <br /> "သွားစမ်း" <br />  <br /> ကျန်းယွီဟယ် လက်သင်္ကေတ ပြုလုပ်လိုက်သည်နှင့် မရေမတွက်နိုင်သော မျက်မြင်မရသည့် ဓားချီများက ဓားအစီအရင်၏ အလယ်ဗဟိုရှိ လမင်းကိုယ်လုပ်တော်ထံသို့ အလျင်အမြန် တိုက်ခတ်သွားလေသည်။ <br />  <br /> အလင်းကာကွယ်ရေးလွှာကို ဖန်တီးထားသော ရွှေရောင် ဒိုင်းမှာ ကြာကြာမတောင့်ခံနိုင်တော့ဘဲ မျက်မြင်မရသော ဓားချီများကြောင့် အလျင်အမြန် ကွဲကြေသွားလေသည်။ ကာကွယ်ရေးတစ်ခုက မျက်တောင်တစ်ခတ်စာမျှပင် မတောင့်ခံနိုင်သည်ကို မြင်သောအခါ လမင်းကိုယ်လုပ်တော်မှာ လုံးဝ မျှော်လင့်ချက် ကင်းမဲ့သွားတော့သည်။ သူမသည် ကျန်ရှိနေသော ဝိညာဉ်ရတနာပဝါကို အစွမ်းကုန် အသက်သွင်းလိုက်ရာ ဝိညာဉ်ရတနာမှ ထွက်ပေါ်နေသော အပြာရောင်အလင်းမှာ ပိုမို ပြင်းထန်လာပုံရသည်။ <br />  <br /> သို့သော် ထိုအရာက သိပ်တော့ အထောက်အကူ မပြုခဲ့ပေ။ ကောင်းကင်ဘုံကိုးထပ် ဟွန်ယွမ် ဓားအစီအရင်က မျက်မြင်မရသော ဓားချီ အမြောက်အမြားကို ထုတ်လွှတ်လိုက်ပြီး လမင်းကိုယ်လုပ်တော်ထံသို့ မရပ်မနား တိုက်ခတ်နေသည်။ ဓားချီများက လှိုင်းလုံးများအလား တစ်လုံးပြီးတစ်လုံး အဆုံးအစမဲ့ ဆက်တိုက် လိမ့်ဝင်လာသည်။ ဒိုင်း ကွဲအက်သွားသည့် အခိုက်အတန့်မှာပင် ဝိညာဉ်ရတနာပဝါမှာလည်း ပြိုကျပျက်စီးသွားလေတော့သည်။<br />  <br /> လမင်းကိုယ်လုပ်တော်သည် စူးရှစွာ အော်ဟစ်လိုက်ပြီးနောက် မျက်မြင်မရသော ဓားချီ အမြောက်အမြားကြောင့် ပြာအဖြစ်သို့ ခုတ်ထစ်ပိုင်းဖြတ်ခံလိုက်ရလေသည်။ <br />  <br /> ကျန်းယွီဟယ်က လက်လှမ်းကာ သေသပ်လှပသော လက်စွပ်တစ်ကွင်းကို သိမ်းဆည်းလိုက်သည်။ ပဝါနှင့် ဒိုင်း ဝိညာဉ်ရတနာတို့မှာမူ ဓားချီများကြောင့် ပျက်စီးသွားခဲ့ပြီဖြစ်သည်။ သို့သော် ဝိညာဉ်ရတနာကဲ့သို့သော မှော်ပစ္စည်းများကို သူ အလိုမရှိပေ။ သူကိုယ်တိုင် ဤအရာများကို သန့်စင်ဖန်တီးနိုင်ပြီး အရည်အသွေးက ပို၍ပင် ကောင်းမွန်နိုင်သေးသည်။ ကျန်းယွီဟယ်အတွက် ရှားပါးသော ပစ္စည်းများနှင့် အချို့သော အထူးနတ်ဘုရားစွမ်းရည် သို့မဟုတ် စာအုပ်များကသာ သူ၏ စိတ်ဝင်စားမှုကို နှိုးဆွနိုင်ပေသည်။ <br />  <br /> "ဒီကိစ္စတွေ ပြီးသွားရင် ဘာတွေရလိုက်လဲဆိုတာ ပြန်သွားပြီးမှ ကြည့်ကြတာပေါ့" <br />  <br /> ကျန်းယွီဟယ်က ညာလက်ကို ဝှေ့ယမ်းလိုက်ရာ ပျံသန်းနေသော ဓားကိုးလက်က သူ့ထံသို့ ချက်ချင်း ပြန်လည်ရောက်ရှိလာသည်။ <br />  <br /> ထိုအချိန်တွင် လမင်းကိုယ်လုပ်တော်၏ ဓားချက်ကြောင့် နောက်သို့ လွင့်စဉ်သွားခဲ့သော လီထျန်းသည် အဝေးမှ ရောက်ရှိလာခဲ့သည်။ သူက ပတ်ဝန်းကျင်ကို ဝေ့ကြည့်လိုက်သော်လည်း လမင်းကိုယ်လုပ်တော်ကို မတွေ့ရပေ။ လီထျန်းက မသေချာမရေရာစွာဖြင့် မေးလိုက်သည်။ <br />  <br /> "ညီလေးကျန်း... ဟိုမိန်းမ ဘယ်ရောက်သွားပြီလဲ" <br />  <br /> "သေသွားပြီ" <br />  <br /> ကျန်းယွီဟယ်က ပြုံးလျက် ဖြေလိုက်သည်။ အချို့သော သံသယများ ရှိနေသော်လည်း လီထျန်းသည် ကျန်းယွီဟယ်၏ အတည်ပြုချက်ကို ယုံကြည်ရန် အနည်းငယ် ဝန်လေးနေဆဲဖြစ်သည်။ <br />  <br /> လမင်းကိုယ်လုပ်တော်၏ စွမ်းအားကို သူ ကောင်းကောင်း သိထားသည်။ နတ်ဆိုးဘုရားသခင်ဂိုဏ်းချုပ်၏ ကိုယ်ပွားဖြစ်သော လမင်းကိုယ်လုပ်တော်သည် မရေမတွက်နိုင်သော မှော်ရတနာများကို ပိုင်ဆိုင်ထားရုံသာမက တန်းတူအစွမ်းထက်သည့် နတ်ဘုရားစွမ်းရည်များကိုလည်း ပိုင်ဆိုင်ထားသည်။ သူကိုယ်တိုင် လမင်းကိုယ်လုပ်တော်နှင့် အချိန်ကြာမြင့်စွာ ပြင်းထန်စွာ တိုက်ခိုက်ခဲ့ရသော်လည်း သူမကို အနိုင်မယူနိုင်ခဲ့ပေ။ မမျှော်လင့်ဘဲ သူမက ကျန်းယွီဟယ်၏ လက်ထဲတွင် အလွယ်တကူ ရှင်းလင်းခံလိုက်ရသည်။ <br />  <br /> ဤသည်မှာ မာနကြီးသော လီထျန်းအတွက် လက်ခံရန် အနည်းငယ် ခက်ခဲနေခဲ့သည်။ သို့သော် အချက်အလက်များက ငြင်းပယ်၍မရနိုင်ဘဲ ယုံကြည်ရန်မှတစ်ပါး အခြားရွေးချယ်စရာ မရှိပေ။ <br />  <br /> လီထျန်းသည် မိမိကိုယ်ပိုင်စွမ်းရည်များကို အမြဲတမ်း အလွန်အမင်း ယုံကြည်မှုရှိခဲ့သူဖြစ်သည်။ အထူးသဖြင့် ဝိညာဉ်ပြောင်းလဲခြင်း ပြီးပြည့်စုံခြင်းအဆင့်သို့ ကျင့်ကြံရောက်ရှိပြီးနောက် ဂိုဏ်းမှ အကြီးအကဲများမှလွဲ၍ လောကတွင် သူ့ကို ယှဉ်နိုင်မည့်သူ အနည်းငယ်သာရှိကြောင်း သူ ပို၍ ပြင်းပြင်းထန်ထန် ခံစားခဲ့ရသည်။ သို့သော် အချိန်ကြာမြင့်စွာ ပြင်းထန်စွာ တိုက်ခိုက်ခဲ့ပြီးနောက်၌ပင် လမင်းကိုယ်လုပ်တော်ကို သူ အနိုင်မယူနိုင်ခဲ့ပေ။ လမင်းကိုယ်လုပ်တော်၏ စွမ်းအားကို အကြောင်းပြချက်အချို့ရှာကာ ဖြေသိမ့်နိုင်မည်ဆိုလျှင်တောင်... အစွမ်းထက်သော လမင်းကိုယ်လုပ်တော်က ကျန်းယွီဟယ်၏ လက်ထဲတွင် ချက်ချင်း ချေမှုန်းခံလိုက်ရသည်။ <br />  <br /> ဤအချက်က လီထျန်းကို အနည်းငယ် သက်သောင့်သက်သာ မဖြစ်စေခဲ့ပေ။ ဆိုလိုသည်မှာ ကျန်းယွီဟယ်နှင့်ဆိုပါက မျက်တောင်တစ်ခတ်စာလေးတောင် သူ တောင့်ခံနိုင်မည်မဟုတ်ဘူးဟု ဆိုလိုခြင်း မဟုတ်ပါလား။ <br />  <br /> "မဖြစ်ဘူး... ဒီကိစ္စ ဖြေရှင်းပြီးတာနဲ့ ချက်ချင်း တံခါးပိတ်ကျင့်ကြံပြီး ဟင်းလင်းပြင်သန့်စင်ခြင်းအဆင့်ကို အမြန်ဆုံး အဆင့်ချိုးဖြတ်ရမယ်" <br />  <br /> သခင်ကြီးအဖြစ် သူ၏ အဆင့်အတန်းက အန္တရာယ်ရှိနေပြီဟု ခံစားလိုက်ရသည်။ အဆင့်ချိုးဖြတ်ရန် လီထျန်း အမြန်ဆုံး ဆုံးဖြတ်လိုက်သည်။ သူ ဟင်းလင်းပြင်သန့်စင်ခြင်းအဆင့်သို့ ရောက်ရှိသွားသည်နှင့် တာအိုသန့်စင်ဂိုဏ်း၏ အကြီးအကဲတစ်ဦး ဖြစ်လာမည်ဖြစ်သည်။ အဲဒီလိုဆိုရင်တော့ သခင်ကြီးဆိုတဲ့ ဂုဏ်ပုဒ် မရှိတော့ရင်တောင် အဆင်ပြေပါတယ်။<br />  <br /> "ကောင်းပြီ... ဒီလိုပဲ ဆုံးဖြတ်လိုက်မယ်"<br />  <br /> လမင်းကိုယ်လုပ်တော်ကို သတ်ဖြတ်လိုက်ခြင်းက တာအိုသန့်စင်ဂိုဏ်း၏ သခင်ကြီး လီထျန်းအပေါ် ကြီးမားသော လှုံ့ဆော်မှုတစ်ခု ဖြစ်သွားစေခဲ့ကြောင်းကိုမူ ကျန်းယွီဟယ် မသိခဲ့ပေ။ သူက မိုးကြိုးများကို ဆက်လက်ဆွဲယူကာ ကြေးမုံဟင်းလင်းပြင်မြို့တော်ပေါ်ရှိ အလင်းကာကွယ်ရေးလွှာကို ဗုံးကြဲတိုက်ခိုက်နေရင်း အနည်းငယ် နားမလည်စွာဖြင့် မေးလိုက်သည်။ <br />  <br /> "သခင်ကြီး... ခုနက အမျိုးသမီးက နတ်ဆိုးဘုရားသခင်ဂိုဏ်းချုပ်ရဲ့ ကိုယ်ပွားဆိုတာ သေချာလား" <br />  <br /> ကျန်းယွီဟယ်၏ "သခင်ကြီး" ဟူသော အခေါ်အဝေါ်က လီထျန်းကို အနည်းငယ် ရှက်ရွံ့သွားစေသည်။ သူ၏ စွမ်းအားက ဂိုဏ်းတူညီလေးများထက် နိမ့်ကျနေသဖြင့် သူ၏ သခင်ကြီးဟူသော ဂုဏ်ပုဒ်မှာ အနည်းငယ် မထိုက်တန်သကဲ့သို့ ဖြစ်နေသည်။ သို့သော် လီထျန်းက ကျန်းယွီဟယ်၏ မေးခွန်းကို အလေးအနက် ဖြေကြားပေးခဲ့သည်။ <br />  <br /> "ဟုတ်တယ်... နတ်ဆိုးဘုရားသခင်ဂိုဏ်းချုပ် ကျောက်မင်ယွဲ့မှာ မရေမတွက်နိုင်တဲ့ ပုံစံတွေအဖြစ် ပြောင်းလဲနိုင်တဲ့ နတ်ဘုရားစွမ်းရည် ရှိတယ်။ လွန်ခဲ့တဲ့ နှစ်ရာပေါင်းများစွာက သူမရဲ့ နောက်ထပ် ပုံစံတစ်မျိုးကို ငါ မြင်ခဲ့ဖူးတယ်။ အခု ကိုယ်ပွားနဲ့ အငွေ့အသက်က တစ်ပုံစံတည်းပဲ... ငါ မှားနိုင်စရာ အကြောင်းမရှိဘူး" <br />  <br /> "မရေမတွက်နိုင်တဲ့ ပုံစံတွေအဖြစ် ပြောင်းလဲနိုင်တယ် ဟုတ်လား။ ပြီးတော့ ကိုယ်ပွားက ဝိညာဉ်ပြောင်းလဲခြင်းအဆင့် စွမ်းအားကိုတောင် ပိုင်ဆိုင်ထားတယ်ဆိုတော့ ဘယ်လိုလုပ် ဒီလောက် အစွမ်းထက်တဲ့ နတ်ဘုရားစွမ်းရည်မျိုး ရှိနေရတာလဲ" <br />  <br /> ကျန်းယွီဟယ်သည် ဤနတ်ဘုရားစွမ်းရည်အပေါ် အလွန်စိတ်ဝင်စားသွားသည်။ အကယ်၍ သူသာ ထိုအရာကို ရရှိနိုင်ပါက သူတစ်ယောက်တည်းနဲ့တင် စစ်တပ်တစ်ခုကို တည်ဆောက်နိုင်မည် မဟုတ်ပါလား။ သူ မျှော်လင့်နေမိပြီဖြစ်သည်။ <br />  <br /> ကျန်းယွီဟယ်၏ လိုလားတောင့်တနေသော အမူအရာကို မြင်သောအခါ လီထျန်းက သူ ဘာတွေးနေသည်ကို ရှင်းရှင်းလင်းလင်း သိလိုက်သည်။ လီထျန်းက စတင်ပြောဆိုလိုက်သည်။ <br />  <br /> "ညီလေးကျန်း... အဲဒီအကြောင်း တွေးတောင်မတွေးနဲ့။ ကျောက်မင်ယွဲ့ရဲ့ နတ်ဘုရားစွမ်းရည်မှာ ကြီးမားတဲ့ ချို့ယွင်းချက်တစ်ခု ရှိတယ်။ အဲဒီ ကိုယ်ပွားတစ်ခုစီတိုင်းမှာ သူမရဲ့ ဝိညာဉ်အပိုင်းအစတစ်ခုစီ ပါဝင်နေတယ်။ ကိုယ်ပွား ကျဆုံးသွားတာနဲ့တစ်ပြိုင်နက် ဒီဝိညာဉ်အပိုင်းအစက ထာဝရ ဆုံးရှုံးသွားလိမ့်မယ်" <br />  <br /> "ညီလေးကျန်း... နတ်ဘုရားဝိညာဉ် မပြည့်စုံခြင်းရဲ့ အကျိုးဆက်တွေကို မင်း သိတယ်မလား။ မင်းရဲ့ ကျင့်ကြံမှုက ဘယ်တော့မှ တိုးတက်လာမှာ မဟုတ်တော့ဘူး။ ကျောက်မင်ယွဲ့က အခု အဲဒီအတွက် သက်သေပဲ။ ပြီးတော့ ခုနက အမျိုးသမီးနဲ့ဆို သူမရဲ့ ကိုယ်ပွားသုံးခုတောင် အသတ်ခံလိုက်ရပြီ" <br />  <br /> "နောက်ထပ် ကိုယ်ပွား နည်းနည်းလောက် ထပ်သတ်လိုက်ရုံနဲ့တင် ငါတို့ သူမကို လိုက်ရှာနေစရာတောင် မလိုတော့ဘူးလို့ ထင်တယ်။ ကျောက်မင်ယွဲ့က ရူးသွပ်ပြီး သေသွားလောက်တယ်" <br />  <br /> လီထျန်း၏ ရှင်းပြချက်ကို ကြားပြီးနောက် ကျန်းယွီဟယ်မှာ စိတ်ထဲမှ တိတ်တဆိတ် အံ့အားသင့်သွားသည်။ ဤနတ်ဘုရားစွမ်းရည် ကျင့်စဉ်က ကြီးမားသော ထောင်ချောက်ကျင်းကြီးတစ်ခု ဖြစ်နေပြီး ကျောက်မင်ယွဲ့က ထိုအထဲသို့ အတိအကျ ကျဆင်းသွားခဲ့ခြင်းပင်။ <br />  <br /> “ ဒီ နတ်ဆိုးဘုရားသခင်ဂိုဏ်းချုပ်ကတော့ အခုလောက်ဆို အတော်လေး ပြီးဆုံးနေလောက်ပြီ။ သူမရဲ့ ကျင့်ကြံမှုက ဘာမှတိုးတက်မလာတော့ဘူးဆိုတာ ကျင့်ကြံသူတစ်ယောက်အတွက် အဆိုးရွားဆုံး ထိုးနှက်ချက်ပဲ”<br />  <br /> "ကြေးမုံဟင်းလင်းပြင်မြို့တော်ကို သွားစစ်ကြည့်ကြရအောင်" <br />  <br /> သူတို့နှစ်ဦးသည် ကြေးမုံဟင်းလင်းပြင်မြို့တော်အနီးသို့ အလျင်အမြန် ရောက်ရှိလာကြသည်။ ဧရာမ အလင်းကန့်လန့်ကာကြီးတစ်ခုက မြို့တော်တစ်ခုလုံးကို လွှမ်းခြုံထားသည်။ သို့သော် မိုးကြိုးများ ဆက်တိုက် ရိုက်ခတ်နေမှုကြောင့် အလင်းကာကွယ်ရေးလွှာပေါ်ရှိ ဧရာမ စပါးကြီးမြွေရိပ် ကိုးကောင်မှာ သွက်လက်မှု နည်းပါးလာပြီဖြစ်သည်။ ဧရာမ စပါးကြီးမြွေရိပ် ကိုးကောင် ပျောက်ကွယ်သွားသည်နှင့်တစ်ပြိုင်နက် ကြေးမုံဟင်းလင်းပြင်မြို့တော်ပေါ်ရှိ ကာကွယ်ရေးအစီအရင်လည်း ပျောက်ကွယ်သွားမည်ဖြစ်သည်။ <br />  <br /> လီထျန်းနှင့် ကျန်းယွီဟယ်တို့သည် အဝေးမှရပ်ကာ ကြေးမုံဟင်းလင်းပြင်မြို့တော်အတွင်းသို့ လှမ်းကြည့်လိုက်ကြသည်။ မြို့တော်သည် နတ်ဆိုးချီများဖြင့် ပြည့်နှက်နေပြီး အော်ဟစ်သံများကို အချိန်နှင့်အမျှ ကြားနေရသည်။ မြို့တွင်းရှိ ယဇ်ပလ္လင်များမှာမူ နတ်ဆိုးချီများဖြင့် အပြည့်အဝ ဖုံးလွှမ်းခံထားရပြီး မမြင်ရတော့ပေ။ <br />  <br /> "သခင်ကြီး... မြို့ထဲကနေ ဘာလို့ အော်သံတွေ ထွက်နေရတာလဲ။ သူတို့အချင်းချင်း ပြန်သတ်နေကြတာများလား" <br />  <br /> ကျန်းယွီဟယ်၏ အသိအရ မြို့တော်တွင် ဟယ်မိသားစုဝင် အများစု နေထိုင်ကြပြီး လီမိသားစုမှ နတ်ဘုရားသန္ဓေအဆင့် ကျင့်ကြံသူ အနည်းငယ်လည်း ရှိနေသည်။ ဘယ်လိုပဲကြည့်ကြည့် သူတို့အချင်းချင်း ပြန်တိုက်ခိုက်ကြမည့်ပုံ မပေါ်ပေ။ “သူတို့အချင်းချင်း ပြန်ချနေကြတာလား။ တကယ်ကို ထူးဆန်းတာပဲ။”<br />  <br /> ***</p>


Save