Book List

<h2 style="text-align: center;">အခန်း ၄၇</h2> <h2 style="text-align: center;">ဟင်းလင်းပြင်သန့်စင်ခြင်းအဆင့် ဦးချိုနတ်ဆိုး<br />  *</h2> <h2 style="text-align: center;"> </h2> <p>ကြေးမုံဟင်းလင်းပြင်မြို့တော်အတွင်းမှ သဲ့သဲ့ကြားနေရသော အော်ဟစ်သံများကို ကြားသောအခါ ကျန်းယွီဟယ် တစ်စုံတစ်ခု မှားယွင်းနေကြောင်း ခံစားလိုက်ရသည်။ <br />  <br /> “ဒါက လုံးဝ ယုတ္တိမရှိဘူး။ မိသားစုဝင်တွေက ဘယ်လိုလုပ် အချင်းချင်း ပြန်တိုက်ခိုက်ကြမှာလဲ။” <br />  <br /> သူ အလွန်အမင်း စိတ်ရှုပ်ထွေးသွားပြီး လီထျန်းကို မေးလိုက်ခြင်းဖြစ်သည်။ လီထျန်းက တည်ငြိမ်စွာ ပြန်ဖြေခဲ့သည်။ <br />  <br /> "ညီလေးကျန်း... မြို့ထဲမှာ ကျင့်ကြံသူတွေအပြင် ဦးချိုနတ်ဆိုးမျိုးနွယ်စု ရှိသေးတယ်ဆိုတာ မင်း မေ့သွားပြီလား" <br />  <br /> "အွန်း... ဂိုဏ်းတူအစ်ကို ခင်ဗျားဆိုလိုတာက မြို့ထဲက ဟယ် နဲ့ လီ မိသားစု ကျင့်ကြံသူတွေကို ဦးချိုနတ်ဆိုးမျိုးနွယ်စုက သတ်ဖြတ်နေတယ်ပေါ့" <br />  <br /> "သတ်ဖြတ်နေတာလား။ စားသောက်နေတယ်လို့ ပြောရင် ပိုမှန်လိမ့်မယ်" <br />  <br /> "လူစားနေတာလား" <br />  <br /> ယင်းကို ကြားသောအခါ ကျန်းယွီဟယ် အကြီးအကျယ် ထိတ်လန့်သွားသည်။ သမိုင်းမှတ်တမ်းများအရ နတ်ဆိုးမျိုးနွယ်စုများက တစ်ခါတစ်ရံ လူကို စားလေ့ရှိကြောင်း ဖော်ပြထားသော်လည်း အထူးသဖြင့် အစွမ်းထက်သော ကျင့်ကြံသူများသည် နတ်ဆိုးမျိုးနွယ်စုများ၏ အကြိုက်ဆုံး အစားအစာဖြစ်သည်ဟု ဆိုကြသည်။ ဤအရာသည် ဝါဒဖြန့်ရန် ရည်ရွယ်ချက်သက်သက် နတ်ဆိုးမျိုးနွယ်စုများ၏ ဆိုးယုတ်မှုကို ပုံဖော်ရန်နှင့် ယွီဖန်ကောင်းကင်ဘုံမှ ကျင့်ကြံသူများ နတ်ဆိုးမျိုးနွယ်စုများကို မုန်းတီးလာစေရန် လှုံ့ဆော်ခြင်းသာဖြစ်မည်ဟု သူ အမြဲတမ်း ထင်ခဲ့ဖူးသည်။ <br />  <br /> မမျှော်လင့်ဘဲ ဤအရာက အမှန်တကယ် ဖြစ်ပျက်နေခဲ့သည်။ <br />  <br /> ကျန်းယွီဟယ်အနေဖြင့် အပိုအစိတ်အပိုင်း အနည်းငယ် ပါဝင်နေသည်မှလွဲ၍ နတ်ဆိုးမျိုးနွယ်စုက လူသားမျိုးနွယ်စုနှင့် တစ်ပုံစံတည်း တူညီနေသည်ကို ယုံကြည်ရန် ခက်ခဲနေခဲ့သည်။ သူ၏ အမြင်တွင် နတ်ဆိုးမျိုးနွယ်စုနှင့် လူသားမျိုးနွယ်စုကြား ကွာခြားချက်မှာ လူဖြူနှင့် လူမည်းကြား ကွာခြားချက်မျှသာ ဖြစ်သည်။ သူတို့က ဘယ်လိုလုပ် လူတွေကို စားနိုင်မှာလဲ။ ဒါက ကြောက်စရာကောင်းလွန်းတယ်။ <br />  <br /> လီထျန်းက ကျန်းယွီဟယ်ကို တစ်ချက်ကြည့်လိုက်သည်။ ဤအရာကို သူ နားလည်ရန် ခက်ခဲနေမည်ကို သိသဖြင့် လီထျန်းက ရှင်းပြလိုက်သည်။ <br />  <br /> "ယဇ်ပလ္လင်ပေါ်က ဦးချိုနတ်ဆိုးမျိုးနွယ်စုက နယ်နိမိတ်ကိုချိုးဖျက်ပြီး လမ်းကြောင်းဖွင့်ဖို့အတွက် မှော်စွမ်းအင် အမြောက်အမြား လိုအပ်တယ်။ နတ်ဆိုးမျိုးနွယ်စုအတွက်ဆိုရင်တော့ လူသားမျိုးနွယ်စု ကျင့်ကြံသူတွေက အကောင်းဆုံး ဖြည့်စွက်စာပဲ။ သူ အဲဒါကို မယူရင်မှ ထူးဆန်းနေဦးမယ်" <br />  <br /> လီထျန်း၏ ရှင်းပြချက်ကို ကြားပြီးနောက် ကျန်းယွီဟယ်သည် အဓိကအချက်ကို နောက်ဆုံးတွင် နားလည်သွားခဲ့သည်။ ယဇ်ပလ္လင်ပေါ်ရှိ ဦးချိုနတ်ဆိုးမျိုးနွယ်စုသည် သူ၏ မှော်စွမ်းအင်များ ကုန်ခါနီးဖြစ်နေကြောင်း အာရုံခံမိသဖြင့် မြို့တွင်းရှိ ဟယ် နှင့် လီ မိသားစုများမှ ကျင့်ကြံသူများကို ထောက်ပံ့ရေးပစ္စည်းတစ်ခုအဖြစ် ယူသုံးလိုက်ခြင်းဖြစ်သည်။ မည်သို့ပင်ဆိုစေ နတ်ဆိုးမျိုးနွယ်စုများသည် ယွီဖန်ကောင်းကင်ဘုံတွင် နှစ်ပေါင်း တစ်သိန်းကြာ ပိတ်မိနေခဲ့ပြီး သူတို့၏ ထောက်ပံ့ရေးပစ္စည်းများအားလုံး ကုန်ခမ်းသွားခဲ့သည်မှာ ကြာပြီဖြစ်သည်။ ယဇ်ပလ္လင်ပေါ်ရှိ ဦးချိုနတ်ဆိုးမျိုးနွယ်စုက သူတို့၏ မှော်စွမ်းအင်ကို ပြန်လည်ဖြည့်တင်းရန်အတွက် မြို့တွင်းရှိ ဟယ် နှင့် လီ မိသားစု ကျင့်ကြံသူများကိုသာ အသုံးပြုနိုင်သည်။ <br />  <br /> ထို့အပြင် နတ်ဆိုးမျိုးနွယ်စုနှင့် လူသားမျိုးနွယ်စုတို့မှာ မတူညီသော မျိုးနွယ်စုများ ဖြစ်ကြောင်းကို ယခု ကျန်းယွီဟယ် နားလည်သွားပြီဖြစ်သည်။ လူသားများနှင့် နွား သိုးများကဲ့သို့ပင်။ လူသားများက အမဲသားနှင့် သိုးသားစားခြင်းကို ပုံမှန်ဟု ထင်ကောင်းထင်နိုင်သော်လည်း နွားများနှင့် သိုးများကမူ ထိုအရာကို လက်ခံရန် အမှန်ပင် ခက်ခဲပေလိမ့်မည်။ ထိုနည်းတူစွာပင် မြို့တွင်းမှ ထွက်ပေါ်လာသော အော်ဟစ်သံများကို ကြားသောအခါ ကျန်းယွီဟယ်၏ ကျောရိုးတစ်လျှောက် စိမ့်တက်သွားသည်။ <br />  <br /> "မဖြစ်ဘူး... ငါတို့ အမြန်လုပ်မှရမယ်" <br />  <br /> ထိုသို့တွေးမိသောအခါ ကျန်းယွီဟယ်က လက်သင်္ကေတ ပြုလုပ်လိုက်ရာ သူ၏ဘေးရှိ ပျံသန်းနေသော ဓားကိုးလက်သည် အဝေးသို့ အလျင်အမြန် ပျံသန်းသွားပြီး ကြေးမုံဟင်းလင်းပြင်မြို့တော်၏ အရပ်မျက်နှာအနှံ့သို့ ဆင်းသက်သွားကြသည်။ <br />  <br /> "ညီလေးကျန်း... မင်း ဘာလုပ်နေတာလဲ" <br />  <br /> ကျန်းယွီဟယ်၏ လုပ်ရပ်ကို မြင်သောအခါ လီထျန်းက အနည်းငယ် နားမလည်စွာဖြင့် မေးလိုက်သည်။ ဘာလို့ မိုးကြိုးတွေကို သုံးပြီး ဖြည်းဖြည်းချင်း မတိုက်ခိုက်တာလဲ။ ဘယ်လိုပဲဖြစ်ဖြစ် ကြေးမုံဟင်းလင်းပြင်မြို့တော်ရဲ့ ကာကွယ်ရေးအစီအရင်က ပျက်စီးတော့မှာပဲကို။ <br />  <br /> "ကျွန်တော် အရှိန်နည်းနည်း မြှင့်ချင်လို့ပါ" <br />  <br /> ကျန်းယွီဟယ်၏ အဖြေကို ကြားသောအခါ လီထျန်း ဆွံ့အသွားသည်။ “ဘာလို့ ဒုက္ခခံနေမှာလဲ။ စပါးကြီးမြွေကိုးကောင် ဝိညာဉ်ချည်နှောင်ခြင်း အစီအရင်က အလွန်ခိုင်မာတဲ့ ကာကွယ်ရေးစွမ်းရည်ရှိပြီး သူတို့ရဲ့ ကိုယ်ပိုင်စွမ်းအားကို သုံးပြီး ချိုးဖျက်ဖို့ဆိုတာ အချိန်အများကြီး ယူရလိမ့်မယ်။ ကျန်းယွီဟယ်က ကွေ့ရေဓာတ် မိုးကြိုးအစီအရင်ကို ခင်းကျင်းထားပြီးပြီပဲ... ဘာလို့ အစီအရင်ကို သုံးပြီး အစီအရင်ကို မချိုးဖျက်တာလဲ။ ဘာလို့ ကိုယ်တိုင် ဒုက္ခခံနေမှာလဲ။ အားအင်တွေကို အလဟဿ ဖြုန်းတီးနေတာပဲ...”<br />  <br /> လီထျန်းသည် ယခင်က ကြေးမုံဟင်းလင်းပြင်မြို့တော်၏ ကာကွယ်ရေးများကို လက်သီးဖြင့် ထိုးကြည့်ခဲ့ဖူးပြီး ယားအောင် ကလိနေသကဲ့သို့သာ ဖြစ်ခဲ့သည်။ ထိုအရာတို့ကို အနည်းငယ်မျှပင် မထိခိုက်စေနိုင်ခဲ့ပေ။ သို့သော် ကျန်းယွီဟယ် လှုပ်ရှားချင်သည်ဆိုပါက သူ ကန့်ကွက်မည်မဟုတ်ပေ။ လီထျန်းကလည်း ဟင်းလင်းပြင်ထဲသို့ လက်သီးတစ်ချက် ထိုးလိုက်သည်။ ကျန်းယွီဟယ် မှန်ကန်သည့် အချက်တစ်ချက်ကို သူ ခံစားမိသည်။ မမျှော်လင့်ထားသော ရှုပ်ထွေးမှုများကို ရှောင်ရှားရန်အတွက် အရာများကို အနည်းငယ် အရှိန်မြှင့်ပြီး ပြဿနာကို စောစောစီးစီး ဖြေရှင်းနိုင်လျှင် ပိုကောင်းပေမည်။ <br />  <br /> ဘုန်း... <br />  <br /> လီထျန်းသည် ကြေးမုံဟင်းလင်းပြင်မြို့တော်ပေါ်ရှိ အလင်းကာကွယ်ရေးလွှာကို လက်သီးဖြင့် ဆက်တိုက် ထိုးနှက်နေသော်လည်း ကျန်းယွီဟယ်က သူ့ကို လျစ်လျူရှုထားလိုက်သည်။ ပျံသန်းနေသော ဓားကိုးလက် နေရာယူပြီးသွားသည်နှင့် သူက လက်သင်္ကေတများကို အလျင်အမြန် စတင်ပြုလုပ်လိုက်သည်။ <br />  <br /> "ဓားအစီအရင်... အသက်ဝင်စမ်း" <br />  <br /> ကြေးမုံဟင်းလင်းပြင်မြို့တော်၏ အပြင်ဘက် ဧရိယာကျယ်ကြီးတစ်ခုတွင် ဓားအလင်းတန်းများ ရုတ်တရက် လင်းလက်လာပြီး ထိုဓားအလင်းတန်းများက မျက်မြင်မရသော ဓားချီများအဖြစ် ပြောင်းလဲသွားကာ အလင်းကာကွယ်ရေးလွှာပေါ်သို့ အလျင်အမြန် တိုက်ခတ်သွားလေသည်။ <br />  <br /> "ဒါ... ဒါက" <br />  <br /> မြင်ကွင်းကြောင့် လီထျန်း လုံးဝ ကြောင်အမ်းသွားသည်။ "ဒါက ဘယ်လို နတ်ဘုရားစွမ်းရည်မျိုးလဲ။ မယုံနိုင်စရာပဲ" <br />  <br /> “ဝိညာဉ်ပြောင်းလဲခြင်းအဆင့် ကျင့်ကြံသူတစ်ယောက် ခင်းကျင်းထားတဲ့ ဓားအစီအရင်က ဘယ်လိုလုပ် ဒီလောက် ကျယ်ပြန့်တဲ့ ဧရိယာကြီးကို လွှမ်းခြုံနိုင်ရတာလဲ။ ကြေးမုံဟင်းလင်းပြင်မြို့တော် တစ်ခုလုံးကို ဓားအစီအရင်က လွှမ်းခြုံထားလိုက်ပြီ”<br />  <br /> ကောင်းကင်ဘုံကိုးထပ် ဟွန်ယွမ် ဓားအစီအရင်သည် တိုက်ခိုက်ရေးနှင့် ကာကွယ်ရေးကို ပေါင်းစပ်ထားခြင်းဖြစ်သည်။ ဓားအစီအရင်၏ ထိန်းချုပ်မှုနယ်ပယ်နှင့် ပတ်သက်၍မူ အမြင့်ဆုံးကန့်သတ်ချက် မရှိဟုပင် ဆိုနိုင်သည်။ ကျန်းယွီဟယ်တွင် မှော်စွမ်းအင် အလုံအလောက်ရှိနေပြီး သူ၏ နတ်ဘုရားအာရုံ ထိန်းချုပ်မှုနယ်ပယ်အတွင်း ရှိနေသရွေ့ အဆင်ပြေသည်။ ကြေးမုံဟင်းလင်းပြင်မြို့တော်မှာ မြို့ကြီးတစ်မြို့ မဟုတ်ပေ။ ဝိညာဉ်ပြောင်းလဲခြင်း နှောင်းပိုင်းအဆင့်၏ နတ်ဘုရားအာရုံဖြင့် အရာအားလုံးကို အပြည့်အဝ လွှမ်းခြုံထားနိုင်လေသည်။ ကျန်းယွီဟယ်၏ သမုဒ္ဒရာကဲ့သို့ ကျယ်ပြောလှသော တန်ထျန်ကြောင့် မှော်စွမ်းအင်အတွက် ပို၍ပင် စိုးရိမ်စရာ မလိုတော့ပေ။ <br />  <br /> သေချာသည်ကတော့ ဓားအစီအရင်၏ နယ်ပယ် ကျယ်ပြန့်လာလေလေ မျက်မြင်မရသော ဓားချီများ၏ တိုက်ခိုက်မှုသိပ်သည်းဆက လျော့ကျသွားလေလေ ဖြစ်မည်။ သို့သော် အဆင်ပြေပါသည်။ လျော့ကျသွားသည့်တိုင်အောင် မျက်မြင်မရသော ဓားချီ အမြောက်အမြားက ကြေးမုံဟင်းလင်းပြင်မြို့တော်ပေါ်ရှိ အလင်းကာကွယ်ရေးလွှာကို ဆက်လက် တိုက်ခတ်နေဆဲဖြစ်သည်။ <br />  <br /> ဓားအစီအရင်၏ အကျိုးသက်ရောက်မှုကို မြင်သောအခါ လီထျန်းသည် သူ၏ လက်သီးကို ကသိကအောက်ဖြင့် ပြန်ရုပ်လိုက်ပြီး ဘေးသို့ ဖယ်လိုက်သည်။ “ဒါက နည်းနည်းတော့ ရှက်စရာကောင်းတယ်။” ကျန်းယွီဟယ်နဲ့ ယှဉ်လိုက်ရင် သူက ညီလေးတစ်ယောက်လို ခံစားလိုက်ရသည်။ <br />  <br /> သူ၏ တိုက်ခိုက်မှုများက အားအင်များကို အလဟဿ ဖြုန်းတီးနေသကဲ့သို့ ဖြစ်နေသော်လည်း ကျန်းယွီဟယ် ထိန်းချုပ်ထားသော ဓားအစီအရင်မှ ထွက်ပေါ်လာသည့် မျက်မြင်မရသော ဓားချီများ၏ တိုက်ခတ်မှုကမူ သိသိသာသာ ထိရောက်လှသည်။ မျက်မြင်မရသော ဓားချီများက အလင်းကာကွယ်ရေးလွှာကို အဆက်မပြတ် တိုက်ခတ်နေသည်နှင့်အမျှ ကြေးမုံဟင်းလင်းပြင်မြို့တော်၏ ကာကွယ်ရေးအစီအရင်သည် နောက်ဆုံးတွင် ပြိုကျလုဆဲဆဲ အခြေအနေသို့ ရောက်ရှိသွားလေပြီဖြစ်သည်။ <br />  <br /> ဘုန်း... <br />  <br /> မိုးကြိုးတစ်စင်း ပစ်ချလိုက်ပြီးနောက် ကြေးမုံဟင်းလင်းပြင်မြို့တော်ပေါ်ရှိ အလင်းကာကွယ်ရေးလွှာသည် ချက်ချင်း ပေါက်ကွဲထွက်သွားလေသည်။ ကာကွယ်ရေးအစီအရင် ပျောက်ကွယ်သွားသည်နှင့် မြို့တွင်းရှိ မြင်ကွင်းက သူတို့နှစ်ဦးရှေ့တွင် အပြည့်အဝ ပေါ်လွင်လာသည်။ မြို့တော်သည် အဆုံးအစမဲ့သော နတ်ဆိုးချီများနှင့် စူးရှသော သွေးနံ့များဖြင့် ပြည့်နှက်နေသည်။ <br />  <br /> ကျန်းယွီဟယ် မျက်မှောင်အနည်းငယ် ကြုတ်လိုက်ပြီး ကောင်းကင်သို့ မော့ကြည့်လိုက်ရာ ဧရာမ လေဝဲကြီးတစ်ခု ထွက်ပေါ်နေသည်ကို တွေ့လိုက်ရသည်။ လေဝဲကြီး၏ တစ်ဖက်ခြမ်းတွင် မရေမတွက်နိုင်သော နတ်ဆိုးအရိပ်များ လှုပ်ရှားသွားလာနေသည်ကိုပင် ဝေဝါးဝါး မြင်တွေ့နိုင်လေသည်။ <br />  <br /> "အလှမ်းဝေးတဲ့ တာအိုလမ်းကြောင်း ပွင့်သွားပြီလား" <br />  <br /> ကျန်းယွီဟယ်သည် ဤကဲ့သို့သော မြင်ကွင်းမျိုးကို ယခင်က တစ်ခါမျှ မမြင်ဖူးခဲ့သဖြင့် လီထျန်းကို မေးရန် ပြင်လိုက်သည်။ သို့သော် သူ လှည့်ကြည့်လိုက်သောအခါ လီထျန်းသည် ယဇ်ပလ္လင်ပေါ်ရှိ ဦးချိုနတ်ဆိုးထံသို့ လက်သီးဝှေ့ယမ်းကာ ခုန်အုပ်သွားနှင့်ပြီဖြစ်ကြောင်း တွေ့လိုက်ရသည်။ <br />  <br /> "သခင်ကြီး... ခင်ဗျားက တကယ် ရဲရင့်တာပဲ" <br />  <br /> ကျန်းယွီဟယ်က စိတ်ထဲမှ တိတ်တဆိတ် ချီးကျူးလိုက်သည်။ သူ ချီးကျူးလို့ပင် မဆုံးသေးမီ မျက်တောင်တစ်ခတ်စာ အချိန်အတွင်းမှာပင် လီထျန်းသည် ဦးချိုနတ်ဆိုး၏ ရိုက်နှက်မှုကြောင့် စုတ်ပြဲနေသော ဆာလာအိတ်တစ်လုံးကဲ့သို့ သွေးများအန်ကာ နောက်သို့ လွင့်စဉ်လာခဲ့သည်။ <br />  <br /> လီထျန်းက နောက်သို့ ဆုတ်ခွာနေရချိန်တွင်ပင် ကျန်းယွီဟယ်အား သတိပေးရန် မမေ့ခဲ့ပေ။ <br />  <br /> "ညီလေးကျန်း... သတိထား။ ဒါက ဟင်းလင်းပြင်သန့်စင်ခြင်းအဆင့် နတ်ဆိုးမျိုးနွယ်စုပဲ" <br />  <br /> "သောက်ကျိုးနည်း" <br />  <br /> ကျန်းယွီဟယ် ထိတ်လန့်သွားသည်။ “ဟင်းလင်းပြင်သန့်စင်ခြင်းအဆင့်က နတ်ဆိုးမျိုးနွယ်စု ဘယ်လိုလုပ် ပေါ်လာရတာလဲ။”<br />  <br /> ဟင်းလင်းပြင်သန့်စင်ခြင်းအဆင့်သည် ကျင့်ကြံသူများအတွက် ကြီးမားသော အတားအဆီးကြီးတစ်ခုဖြစ်သည်။ ထိုအဆင့်သို့ ကျင့်ကြံရောက်ရှိနိုင်သူမှာ ဆယ်သန်းတွင် တစ်ယောက်သာ ရှိသည်။ ဝိညာဉ်ပြောင်းလဲခြင်းအဆင့် ကျင့်ကြံသူနှင့် ဟင်းလင်းပြင်သန့်စင်ခြင်းအဆင့်တို့၏ စွမ်းအားကွာဟချက်မှာ စိတ်ကူးနှင့်ပင် မှန်းဆ၍မရနိုင်ပေ။ ထို့ကြောင့်လည်း ထိုအဆင့်သို့ ရောက်ရှိသွားသူတိုင်းက တာအိုသန့်စင်ဂိုဏ်း၏ အကြီးအကဲတစ်ဦး အလိုအလျောက် ဖြစ်လာခြင်း မဟုတ်ပါလား။ <br />  <br /> သူတို့နှစ်ဦးကြားရှိ စွမ်းအားကွာဟချက်ကို ကိန်းဂဏန်းများဖြင့် တိုင်းတာ၍ မရနိုင်ပေ။ ပုံမှန်အားဖြင့် ဟင်းလင်းပြင်သန့်စင်ခြင်းအဆင့် ကျင့်ကြံသူတစ်ဦးသည် ဝိညာဉ်ပြောင်းလဲခြင်းအဆင့် ဆယ်ဦးကို တစ်ပြိုင်နက်တည်း ရင်ဆိုင်ရလျှင်ပင် သားကို ရိုက်ဆုံးမနေသကဲ့သို့ အလွယ်တကူ တွဲလွဲဆွဲကာ ရိုက်နှက်နိုင်စွမ်းရှိသည်။ <br />  <br /> “ဒီမှာက လူနှစ်ယောက်ပဲ ရှိပြီး နှစ်ယောက်လုံးက ဝိညာဉ်ပြောင်းလဲခြင်းအဆင့်ပဲ ရှိသေးတယ်။ ဒါကို ဘယ်လို တိုက်ရမလဲ...”<br />  <br /> သို့သော် ကျန်းယွီဟယ် ထွက်မပြေးခဲ့ပေ။ ဟင်းလင်းပြင်သန့်စင်ခြင်းအဆင့် နတ်ဆိုးမျိုးနွယ်စုက သေချာပေါက် အစွမ်းထက်သော်လည်း သူက ဤနေရာတွင် ခိုင်မာသော အခြေခံအုတ်မြစ်တစ်ခုကို ချထားပြီးဖြစ်သည်။ ကောင်းကင်ဘုံကိုးထပ် ဟွန်ယွမ် ဓားအစီအရင် ရှိရုံသာမက ကွေ့ရေဓာတ် မိုးကြိုးအစီအရင်လည်း ရှိနေသေးသည်။ ဤအစွမ်းထက်သော အစီအရင်နှစ်ခုဖြင့် သူတို့ တိုက်ခိုက်နိုင်စွမ်း အပြည့်အဝ ရှိသည်။ <br />  <br /> ထို့အပြင် ယခု သူတို့ ထွက်ပြေးချင်လျှင်တောင် ကောင်းကင်ကန္တာရ ပျံသန်းနတ်ဘုရားကျင့်စဉ်က အလွန်မြန်ဆန်လှသော်လည်း ဟင်းလင်းပြင်သန့်စင်ခြင်းအဆင့် ဦးချိုနတ်ဆိုးကို ကျော်တက်နိုင်မည် မဟုတ်ပေ။ “ဒီလိုဆိုမှတော့ အဆုံးထိ ချကြည့်လိုက်တာပေါ့။”</p> <p> </p> <p style="text-align:justify">***</p>


Save