Book List

<h2 style="text-align: center;">အခန်း ၃၆၉</h2> <h2 style="text-align: center;">စွမ်းအင်လက်နက် တောက်ပသော မိုးကြိုးတောင်ဝှေး</h2> <h2 style="text-align: center;">*</h2> <p> </p> <p> </p> <p style="text-align:justify">"ဝိညာဉ်သန့်စင်ရေး ကျင့်စဉ်ကို သင်ယူဖို့ဆိုရင် အနည်းဆုံး စိတ်ဝိညာဉ်စွမ်းအား ၆,၀၀၀ ရှိဖို့ လိုအပ်တယ်... မင်း ပဉ္စမအဆင့်ကို ရောက်တဲ့အခါ ဒီသတ်မှတ်ချက်ကို ပြည့်မီသွားလိမ့်မယ်"</p> <p style="text-align:justify">ဆုချင်းလီ၏ ကြည်လင်သော အသံက ဗီလာဧည့်ခန်းအတွင်း ပဲ့တင်ထပ်သွားသည်။ ခန္ဓာကိုယ် ကြံ့ခိုင်မှုနှင့် စိတ်ဓာတ်ခိုင်မာမှုတို့က စွမ်းရည်ပိုင်ရှင်တစ်ဦး၏ အခြေခံ အရည်အချင်းနှစ်ခုဖြစ်ပြီး ၎င်းတို့သည် စွမ်းရည်၏ ရှားပါးမှုနှင့် သိပ်မသက်ဆိုင်လှပေ။ ၎င်းက စွမ်းရည်များကို လေ့ကျင့်သည့် နည်းလမ်းများနှင့်သာ သက်ဆိုင်သည်။ သူတို့အားလုံးက ထိပ်တန်းအဆင့် စွမ်းရည်ကျင့်စဉ်များကို လေ့ကျင့်နေကြခြင်းဖြစ်ရာ မတူညီသော စွမ်းရည်များအကြား ကွာခြားမှု အနည်းငယ်ရှိနိုင်သော်လည်း အလွန်အမင်း ကွာခြားသွားခြင်းမျိုးတော့ မဟုတ်ပေ။ ထို့ကြောင့် စတုတ္ထအဆင့်မြင့်တွင်သာ ရှိသေးသော ရှုကျင်းမင်အနေဖြင့် လိုအပ်သော စိတ်ဝိညာဉ်စွမ်းအား မရှိသေးဟု သူမ ယူဆထားခြင်း ဖြစ်သည်။</p> <p style="text-align:justify">"ဆရာမ... ကျွန်တော့်ရဲ့ စိတ်ဝိညာဉ်စွမ်းအားက လိုအပ်တဲ့အဆင့်ကို ရောက်နေပါပြီဗျ"</p> <p style="text-align:justify">ရှုကျင်းမင်က မျက်တောင်တစ်ချက်ခတ်ပြီး ပြောလိုက်သည်။ "ကျွန်တော် အမှတ် ၉ ယဉ်ကျေးမှု အပျက်အစီးထဲမှာ SSSအဆင့် သန့်စင်သော ဝိညာဉ်အနှစ်သာရသီးတစ်လုံး ရခဲ့တယ်... အဲဒါကို စားပြီးတဲ့နောက် ကျွန်တော့်ရဲ့ စိတ်ဝိညာဉ်စွမ်းအားက သိသိသာသာကို မြင့်တက်လာခဲ့တာပါ"</p> <p style="text-align:justify">"SSSအဆင့် ရှားပါး ရတနာလား"</p> <p style="text-align:justify">ဆုချင်းလီက အနည်းငယ် မှင်တက်သွားပြီးနောက် ချက်ချင်းပင် ဝမ်းသာအားရ ဖြစ်သွားသည်။ "မင်းရဲ့ စိတ်ဝိညာဉ်စွမ်းအားကို ထုတ်ပြစမ်း... ငါ ခံစားကြည့်ချင်တယ်"</p> <p style="text-align:justify">ထိုစကားကို ကြားသည်နှင့် ရှုကျင်းမင်က သူ၏ စိတ်ဝိညာဉ်စွမ်းအားကို ထုတ်ဖော်လိုက်ရာ သူ၏ ခန္ဓာကိုယ်ပတ်လည်တွင် မမြင်ရသော အရှိန်အဝါတစ်ခု ဝဲပျံလာသည်။ စိတ်စွမ်းအားရှင်များ၏ စိတ်ဝိညာဉ်စွမ်းအားသည် အိပ်မွေ့ချခြင်း၊ ခြိမ်းခြောက်ခြင်း သို့မဟုတ် အသိစိတ်ကို ကျွန်ပြုခြင်းကဲ့သို့သော အံ့ဩဖွယ်ရာ အစွမ်းသတ္တိများ ရှိကြသော်လည်း မိုးကြိုးဓာတ် စွမ်းရည်ပိုင်ရှင်ဖြစ်သော ရှုကျင်းမင်အတွက်မူ စိတ်ဝိညာဉ်စွမ်းအားက ထိုမျှအထိ အသုံးမဝင်လှပေ။ အလွန်ဆုံးမှ အာရုံခံစားမှုကို အနည်းငယ် မြှင့်တင်ပေးခြင်း သို့မဟုတ် အဝေးရှိ ပစ္စည်းအသေးလေးများကို လှမ်းယူနိုင်ခြင်းလောက်သာ ရှိသည်။</p> <p style="text-align:justify">"ဒီစိတ်ဝိညာဉ်စွမ်းအားက တကယ်ပဲ ခြောက်ထောင်ကို ကျော်နေပြီပဲ"</p> <p style="text-align:justify">ခဏမျှ ခံစားကြည့်ပြီးနောက် ဆုချင်းလီ၏ လှပသော မျက်ဝန်းများက ချက်ချင်း တောက်ပလာသည်။ "ဒီလိုဆိုရင်တော့ မင်း စွမ်းအင်ပညာရှင်တစ်ယောက် ဖြစ်လာဖို့ ကြာမယ့်အချိန်က အများကြီး လျော့သွားပြီပေါ့"</p> <p style="text-align:justify">ဆုချင်းလီက ရှုကျင်းမင် ပဉ္စမအဆင့်သို့ ရောက်ရှိပြီး စွမ်းအင်ပညာရှင် ဖြစ်လာရန် အနည်းဆုံး ခြောက်လခန့် ကြာလိမ့်မည်ဟု ထင်ထားခဲ့ခြင်း ဖြစ်သည်။ ရှုကျင်းမင် ရောက်ရှိလာခြင်းက သူမအတွက် အံ့ဩဝမ်းသာစရာများကိုသာ ယူဆောင်လာပေးခဲ့သည် မဟုတ်ပါလား။</p> <p style="text-align:justify">"ကောင်းပြီ... ကောင်းပြီ... အဲဒီလိုဆိုမှတော့ ဒီ နတ်ဘုရားမြစ် ရှုမှတ်ခြင်း ကျင့်စဉ် ကျမ်းစာအုပ်ကို ယူသွားပြီး နှစ်ရက်လောက် သေချာ လေ့လာထားလိုက်... သေချာ ဖတ်ကြည့်ပြီး နားမလည်တာ ရှိရင် မှတ်ထားဦး... နှစ်ရက်နေရင် ငါ့ဆီ ပြန်လာခဲ့... ဒါ့အပြင် စွမ်းအင်ပညာရှင် တစ်ယောက် သင်ယူဖို့ လိုအပ်တဲ့ မန္တန်အမျိုးအစား တိုက်ခိုက်ရေး နည်းစနစ်တွေကိုလည်း ငါ စီစဉ်ပေးထားပြီးပြီ"</p> <p style="text-align:justify">ဆုချင်းလီက မူရင်းကျမ်းစာအုပ်ကို ရှုကျင်းမင်၏ ရင်ခွင်ထဲသို့ ထိုးထည့်ပေးလိုက်သည်။ ထို့နောက် သူမ၏ ညာဘက်လက်ကို ဝှေ့ယမ်းလိုက်ရာ လေထုထဲတွင် ဟိုလိုဂရပ်ဖစ် ပုံရိပ်ယောင်တစ်ခု ပေါ်လာပြီး တိုက်ခိုက်ရေးနည်းစနစ် သုံးမျိုး၏ ဖော်ပြချက်များကို ပြသလိုက်သည်။</p> <p style="text-align:justify">မိုးကြိုးလုံး နည်းစနစ် (A+ အဆင့်) : မိမိ၏ မိုးကြိုးစွမ်းရည်ကို မိုးကြိုးလုံးတစ်ခုအဖြစ် ဖိသိပ်၍ ပစ်လွှတ်ခြင်း ဖြစ်သည်။ ပေါက်ကွဲမှုက ဧရိယာအလိုက် ပြင်းထန်သော ထိခိုက်မှုကို ဖြစ်စေသည်။<br /> မှတ်ချက် - Bအဆင့် စွမ်းရည်နှင့် အနည်းဆုံး တတိယအဆင့် ရှိသူများသာ လေ့ကျင့်နိုင်သည်။</p> <p style="text-align:justify">လျှပ်စီးဆက်တိုက်မှု (A+ အဆင့်) : ပစ်မှတ်သို့ ပြင်းထန်သော လျှပ်စီးတန်း တစ်ခုကို ပစ်လွှတ်ခြင်း ဖြစ်သည်။ လျှပ်စီးသည် ပစ်မှတ်တစ်ခုမှ တစ်ခုသို့ စွမ်းအင် ကုန်ဆုံးသည်အထိ သို့မဟုတ် ပစ်မှတ် မရှိတော့သည်အထိ အလိုအလျောက် ကူးစက် ပေါက်ကွဲလိမ့်မည်။<br /> မှတ်ချက် - Bအဆင့် စွမ်းရည်နှင့် အနည်းဆုံး တတိယအဆင့် ရှိသူများသာ လေ့ကျင့်နိုင်သည်။</p> <p style="text-align:justify">မိုးကြိုး အကာအကွယ် (A+ အဆင့်) : မိမိ၏ မိုးကြိုးစွမ်းရည်ကို အသုံးပြု၍ သိပ်သည်းဆ မြင့်မားသော မိုးကြိုးဒိုင်းလွှာတစ်ခု ဖန်တီးခြင်း ဖြစ်ပြီး ကာကွယ်ရေးစွမ်းအား အလွန် မြင့်မားသည်။<br /> မှတ်ချက် - Bအဆင့် စွမ်းရည်နှင့် အနည်းဆုံး တတိယအဆင့် ရှိသူများသာ လေ့ကျင့်နိုင်သည်။</p> <p style="text-align:justify">"A+အဆင့် တိုက်ခိုက်ရေး နည်းစနစ်လား" ရှုကျင်းမင်က အနည်းငယ် အံ့ဩသွားသည်။ မဂျစ်စီးတီး တက္ကသိုလ်တွင် ရှိစဉ်က ထိုကဲ့သို့သော အဆင့်သတ်မှတ်ချက်မျိုး သူ တစ်ခါမျှ မတွေ့ဖူးပေ။</p> <p style="text-align:justify">"မဂျစ်စီးတီး တက္ကသိုလ်နဲ့ မတူတာက ငါတို့ မိုးကြိုးသိုင်းသင်တန်းကျောင်းမှာ တိုက်ခိုက်ရေးနည်းစနစ်တွေကို ပိုပြီး အသေးစိတ် ခွဲခြားထားတာပဲ"</p> <p style="text-align:justify">" A+ဆိုတာက Aအဆင့်တွေထဲမှာတင် အထူး ကောင်းမွန်တဲ့ နည်းစနစ်တွေကို ခေါ်တာပေါ့" ဆုချင်းလီက တိုးညင်းစွာ ရှင်းပြသည်။ "နောက်ပြီး မင်းရဲ့ နားလည်သဘောပေါက်မှုက အံ့ဩစရာ ကောင်းတာ ငါသိပါတယ်... Sအဆင့် မန္တန်တွေတောင် မင်းအတွက် မခက်ခဲနိုင်ဘူး ဒါပေမဲ့ Sအဆင့် ဒါမှမဟုတ် SSအဆင့် မန္တန်တွေက စွမ်းအင် စားသုံးမှု အရမ်းများတယ်... မင်းက စတုတ္ထအဆင့်မြင့် ဖြစ်နေဦးတော့ Sအဆင့် မန္တန် ၁၀ ခုကို ဆက်တိုက် ထုတ်သုံးနိုင်ဖို့ မလွယ်ဘူး... ပြီးတော့ အဲဒီနည်းစနစ်တွေက ပြန်လည်အသုံးပြုနိုင်ဖို့ စောင့်ဆိုင်းချိန်ကလည်း အရမ်းကြာတယ်"</p> <p style="text-align:justify">"စွမ်းအင်ပညာရှင်တွေအတွက်တော့ မန္တန်ရွတ်ဆိုချိန် ဒါမှမဟုတ် ပြန်သုံးနိုင်တဲ့ အချိန် ကြာနေတာက သေစေနိုင်တဲ့ အားနည်းချက်ပဲ... ဒီA+အဆင့် မန္တန်သုံးမျိုးကတော့ မင်းအတွက် အကိုက်ညီဆုံးပဲ... အသုံးပြုဖို့ စောင့်ရချိန် မကြာသလို စွမ်းအင် စားသုံးမှုလည်း မများဘူး... တိုက်ပွဲတစ်ခုတည်းမှာတင် ဒါတွေကို ရာနဲ့ချီပြီး ထုတ်သုံးနိုင်တယ်"</p> <p style="text-align:justify">"ဒါကြောင့်ပဲ မင်းကို ဒီမန္တန်သုံးမျိုး သင်ယူဖို့ အကြံပေးရတာ... စွမ်းအင်ပညာရှင် လမ်းစဉ်ရဲ့ အကြောက်စရာအကောင်းဆုံး အချက်က ဘာလဲ အဲဒါကတော့ ကွက်လပ်မရှိတဲ့ မန္တန်ပစ်လွှတ်နိုင်စွမ်းပဲ မန္တန်အမြောက်မျှော်စင် တစ်ခုလိုမျိုး တစ်ဖက်လူကို မနားတမ်း ပစ်ခတ် ချေမှုန်းနိုင်တာပေါ့... စွမ်းအင် အကုန်များတဲ့ Sအဆင့် မန္တန်တွေနဲ့ဆိုရင် ဒီလို ရလဒ်မျိုး မရနိုင်ဘူး"</p> <p style="text-align:justify">သူမက ရှုကျင်းမင်တွင် Sအဆင့် တိုက်ခိုက်ရေးနည်းစနစ်များစွာ ရှိနေသည်ကို သိထားပြီး ဖြစ်ရာ သူ့ကို ထပ်မံ၍ Sအဆင့်များ သင်ခိုင်းခြင်းမှာ ဝန်ထုပ်ဝန်ပိုး တစ်ခု ဖြစ်လာမည်ကို စိုးရိမ်ခြင်းလည်း ပါဝင်သည်။ ထို့ပြင် တိုက်ပွဲအတွင်းတွင် အားကောင်းလှသော Sအဆင့် နည်းစနစ်များကို အမြဲတမ်း သုံးနေရန် မလိုပေ။ ရှုကျင်းမင်၏ အဆင့် ပိုမြင့်လာပြီး စွမ်းအင် ပိုများလာမှသာ အဆင့်မြင့် မန္တန်များကို ဆက်လက် လေ့လာရန် မနောက်ကျသေးပေ။</p> <p style="text-align:justify">"ကျွန်တော် နားလည်ပါပြီ" ရှုကျင်းမင်က တိတ်တဆိတ် ခေါင်းညိတ်လိုက်သည်။</p> <p style="text-align:justify">ဂိမ်းတစ်ခုလိုပင် အစွမ်းကုန် ထုတ်သုံးရသော အဆုံးသတ် နည်းစနစ်က အလွန် အစွမ်းထက်သည်မှာ အမှန်ပင်။ သို့သော် တကယ့် ပညာရှင်များမှာ သာမန် နည်းစနစ် အသေးလေးများစွာကို အရင် ပေါင်းစပ်အသုံးပြုပြီးမှ အဆုံးသတ် နည်းစနစ်ကို ထုတ်သုံးကြခြင်း ဖြစ်သည်။ သို့မဟုတ်ပါက အဆုံးသတ် နည်းစနစ် တစ်ခုတည်းကိုသာ သင်ယူထားပြီး ထိုတိုက်ကွက်က တစ်ဖက်လူကို မသေစေနိုင်လျှင် မိမိဘက်က အသေခံဖို့သာ စောင့်နေရတော့မည်။ လက်တွေ့က ဂိမ်းမဟုတ်သလို သူ အဆင့်တက်လာသည့်အခါ အဆုံးသတ် နည်းစနစ်များကို သာမန် နည်းစနစ်များကဲ့သို့ သုံးနိုင်ရန်မှာ သူ့အတွက်တော့ အပန်းမကြီးလှပေ။ သို့သော် အခု စတုတ္ထအဆင့်မြင့် ဆိုသည်မှာ သူ့အတွက်တော့ နိမ့်လွန်းနေသေးသည်။</p> <p style="text-align:justify">"စာချုပ်ထဲမှာ တွေ့ခဲ့တဲ့အတိုင်း ငါတို့ မိုးကြိုးသိုင်းသင်တန်းကျောင်းရဲ့ တိုက်ခိုက်ရေးနည်းစနစ် အားလုံးကို မင်း လွတ်လွတ်လပ်လပ် သင်ယူခွင့် ရှိတယ်... ဒီ မန္တန်သုံးမျိုးကို သင်ယူဖို့အတွက် လေ့ကျင့်ရေးစခန်းရဲ့ တောင်ဘက်မှာ ရှိတဲ့ ကျမ်းတိုက်ကို သွားလိုက်ရုံပဲ" ဆုချင်းလီက ဖြည်းဖြည်းချင်း ပြောသည်။</p> <p style="text-align:justify">တိုက်ခိုက်ရေး နည်းစနစ်များနှင့် လျှို့ဝှက် ကျမ်းစာအုပ်များက စွမ်းရည်ပိုင်ရှင်များ အမြဲတမ်း တန်ဖိုးထားရသော အရာများ ဖြစ်သည်။ တကယ်တော့ မိုးကြိုးသိုင်းသင်တန်းကျောင်းသို့ ဝင်ရောက်လာကြသူ အများစုမှာ ဤလျှို့ဝှက် ကျမ်းစာအုပ်များအတွက်ပင် ဖြစ်ကြသည်။ သို့သော် ထိုလျှို့ဝှက်ချက်များကို သင်ယူရန်မှာလည်း ကြီးမားသော ပေးဆပ်မှုများ လိုအပ်သည်။ ဤအချက်တစ်ခုတည်းနှင့်ပင် ရှုကျင်းမင်က အလွန်ပင် ထူးခြားသော အခွင့်အရေးကို ရရှိထားခြင်းပင်။ ရှုကျင်းမင်၏ SSအဆင့် စွမ်းရည်နှင့် မယုံနိုင်လောက်အောင် မြန်ဆန်သော အဆင့်တက်လှမ်းမှုနှုန်းတို့က ထိုအခွင့်အရေးနှင့် ထိုက်တန်လှပေသည်။</p> <p style="text-align:justify">ခေတ္တမျှ ရပ်နားပြီးနောက် ဆုချင်းလီက ထပ်ဖြည့်ပြောလိုက်သည်။ "ဒါပေမဲ့ ဒီတိုက်ခိုက်ရေး နည်းစနစ်တွေကို မလေ့လာခင် ဝိညာဉ်သန့်စင်ရေး ကျင့်စဉ်ကို အရင် နားလည်အောင်လုပ်ဖို့ ငါ အကြံပေးချင်တယ်... ဝိညာဉ်သန့်စင်ရေး ကျင့်စဉ်ကို ကျွမ်းကျင်သူမှသာ စစ်မှန်တဲ့ စွမ်းအင်ပညာရှင် တစ်ယောက် ဖြစ်လာမှာလေ... အဲဒီကျရင် ဒီမန္တန်တွေရဲ့ စွမ်းအားကလည်း အဆမတန် မြင့်တက်လာလိမ့်မယ်"</p> <p style="text-align:justify">"တပည့် နားလည်ပါပြီ"</p> <p style="text-align:justify">ရှုကျင်းမင်က အပြင်ပန်းတွင် သဘောတူလိုက်သော်လည်း စိတ်ထဲတွင်မူ ခဏနေလျှင် ကျမ်းတိုက်သို့ သွားရန် စီစဉ်ပြီးသား ဖြစ်နေသည်။ သူ၏ System ဖန်သားပြင်တွင် စွမ်းရည်အမှတ် ၁၆,၀၀၀ ကျန်ရှိနေသေးရာ ဤ SSအဆင့် ဝိညာဉ်သန့်စင်ရေး ကျင့်စဉ်နှင့် မန္တန်သုံးမျိုးစလုံးကို သင်ယူရန် လုံလောက်မည်ဟု သူ ယူဆထားသည်။</p> <p style="text-align:justify">"ဝိညာဉ်သန့်စင်ရေး ကျင့်စဉ်နဲ့ တိုက်ခိုက်ရေး နည်းစနစ်တွေ သင်ပေးတာက ဆရာတစ်ယောက်အနေနဲ့ ငါ လုပ်ပေးသင့်တဲ့ အရာတွေပဲ"</p> <p style="text-align:justify">ဆုချင်းလီက ပြုံးလျက် ရှုကျင်းမင်ကို ကြည့်လိုက်သည်။ ထို့နောက် သူမ၏ ညာဘက်လက်ကို လေထဲတွင် လှမ်းဆွဲလိုက်ရာ နှစ်မီတာနီးပါး ရှည်လျားသော တောင်ဝှေး တစ်ချောင်း သူမ၏ လက်ထဲတွင် ပေါ်လာသည်။ ထိုတောင်ဝှေးမှာ တစ်ကိုယ်လုံး နက်မှောင်နေပြီး မျက်နှာပြင်ပေါ်တွင် ဆန်းကြယ်သော မှော်စာလုံးများ ဖုံးလွှမ်းနေသည်။ ထိပ်ဆုံးတွင်မူ မိုးကြိုးလျှပ်စီးများ လက်နေသော ကြည်လင်သည့် ခရစ္စတယ် အနှစ်သာရတုံးတစ်ခု ရှိနေသည်။</p> <p style="text-align:justify">"စွမ်းအင်ပညာရှင် တိုင်းမှာ ကိုယ်ပိုင် စွမ်းအင်လက်နက် ရှိဖို့ လိုအပ်တယ်... ဒီမိုးကြိုးတောင်ဝှေးက ငါ ငယ်ငယ်တုန်းက သုံးခဲ့တဲ့ မိုးကြိုးဓာတ် စွမ်းအင်လက်နက်ပဲ... ဒါကို မင်းကို ငါ့ရဲ့ တပည့်အဖြစ် လက်ခံတဲ့ အထိမ်းအမှတ် လက်ဆောင်အဖြစ် ပေးလိုက်မယ်"</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save