Book List

<h2 style="text-align:center">အခန်း ၃၇၀</h2> <h2 style="text-align:center">လေ့ကျင့်ရေးစခန်း၏ အားအကောင်းဆုံးသူ ဝမ်တုန်း</h2> <h2 style="text-align:center">*</h2> <h2 style="text-align:center"> </h2> <p> </p> <p style="text-align:justify">"မိုးကြိုးဓာတ် စွမ်းအင်လက်နက်လား..."</p> <p style="text-align:justify">ဗီလာဧည့်ခန်းအတွင်းတွင် ဆန်းပြားလှပသော မိုးကြိုးတောင်ဝှေးကို ကြည့်ရင်း ရှုကျင်းမင်၏ မျက်ဝန်းများမှာ အလိုအလျောက် တောက်ပလာခဲ့သည်။ စွမ်းအင်ပညာရှင်များအကြောင်း စတင်သိရှိကတည်းက သူသည် သေချာစွာ လေ့လာထားပြီးဖြစ်ရာ အရင်ကလို ဘာမှမသိသော အတွေ့အကြုံမရှိသူ တစ်ဦး မဟုတ်တော့ပေ။</p> <p style="text-align:justify">စွမ်းအင်လက်နက်ဆိုသည်မှာ စွမ်းအင်ပညာရှင်များ၏ လက်နက်များဖြစ်ပြီး ၎င်းတို့ကို ယေဘုယျအားဖြင့် အမျိုးအစား နှစ်မျိုး ခွဲခြားထားသည်။ အထွေထွေသုံး နှင့် သီးသန့်သုံး တို့ပင် ဖြစ်သည်။ အထွေထွေသုံး လက်နက်ကို မည်သည့်စွမ်းအင်ဓာတ်ရှင်မဆို သုံးနိုင်သော်လည်း သီးသန့်သုံးလက်နက်မှာမူ သက်ဆိုင်ရာ စွမ်းအင်ဓာတ်ရှင် တစ်မျိုးတည်းအတွက်သာ ရည်ရွယ်သည်။</p> <p style="text-align:justify">သာမန် စွမ်းအင်လက်နက်များနှင့် ယှဉ်လျှင် သီးသန့်သုံး စွမ်းအင်လက်နက်များသည် စွမ်းရည်နှင့် တိုက်ခိုက်ရေးနည်းစနစ်များကို ပိုမို မြှင့်တင်ပေးနိုင်သည်။ အမှတ် ၉ အပျက်အစီးတွင် သူတွေ့ခဲ့သော လင်းဟွေက မီးဓာတ် စွမ်းအင်လက်နက်တစ်ခုကို အသည်းအသန် လိုချင်နေခဲ့သည် မဟုတ်ပါလား။ စွမ်းအင်လက်နက်တိုင်းတွင် စွမ်းရည်မြှင့်တင်ပေးနိုင်မှု အဆင့်အတန်းများ ရှိကြပြီး ၎င်းတို့ကို အခြေခံ၊ အလယ်အလတ်၊ အဆင့်မြင့်၊ ထိပ်တန်းနှင့် ပြီးပြည့်စုံခြင်းဟူ၍ အဆင့် ၅ ဆင့် ခွဲခြားထားသည်။</p> <p style="text-align:justify">သတ္တုစပ် လက်နက်များကို F မှ SSSအထိ ခွဲခြားထားသော်လည်း စွမ်းအင်လက်နက်များမှာမူ ပို၍ ရိုးရှင်းလှသည်။ အဘယ်ကြောင့်ဆိုသော် ပဉ္စမအဆင့်သို့ ရောက်ရှိပြီး စိတ်ဝိညာဉ်စွမ်းအား ၆,၀၀၀ ကျော်သူများသာ ဤလက်နက်ကို သုံးနိုင်သောကြောင့်ပင်။</p> <p style="text-align:justify">"ဒီတောင်ဝှေးဆီက ထွက်နေတဲ့ စွမ်းအင်လှိုင်းတွေကို ကြည့်ရတာ အနည်းဆုံး အလယ်အလတ် ဒါမှမဟုတ် အဆင့်မြင့် စွမ်းအင်လက်နက် ဖြစ်ရမယ်"</p> <p style="text-align:justify">ရှုကျင်းမင်က စဉ်းစားနေစဉ်မှာပင် ဆုချင်းလီ၏ အသံ ထွက်ပေါ်လာသည်။ "ဒီမိုးကြိုးတောင်ဝှေးက အဆင့်မြင့် စွမ်းအင်လက်နက်ပဲ... ဒါဟာ မင်း သတ္တမအဆင့်အထိ ရောက်တဲ့အထိ သုံးဖို့ လုံလောက်လိမ့်မယ်... ငါ့ဆီမှာ ဒီထက်ကောင်းတဲ့ ထိပ်တန်းအဆင့် စွမ်းအင်လက်နက်တွေ ရှိပေမဲ့ စွမ်းအင်လက်နက်ဆိုတာ သတ္တုစပ်လက်နက်တွေနဲ့ မတူဘူး... လက်နက်က စွမ်းရည်ကို မြှင့်တင်ပေးနိုင်စွမ်း များလေလေ... စိတ်ဝိညာဉ်စွမ်းအားအပေါ် ဝန်ထုပ်ဝန်ပိုး ဖြစ်စေမှုကလည်း ကြီးမားလေလေပဲ... အဆင့်မြင့် စွမ်းအင်လက်နက်က မင်းအခု သုံးနိုင်တဲ့ အမြင့်ဆုံး အကန့်အသတ်ပဲ... ဒီထက်မြင့်တဲ့ ထိပ်တန်းအဆင့် လက်နက်တွေကိုတော့ မင်း ဘယ်လိုပဲ ကြိုးစားကြိုးစား အခုချိန်မှာ သုံးနိုင်ဦးမှာ မဟုတ်ဘူး"</p> <p style="text-align:justify">"ကျေးဇူးတင်ပါတယ် ဆရာမ... ဒီမိုးကြိုးတောင်ဝှေးက ကျွန်တော့်အတွက် လုံလောက်တာထက်တောင် ပိုပါတယ်ဗျ"</p> <p style="text-align:justify">ရှုကျင်းမင်က မည်သည့် မကျေနပ်မှုမျိုးမှ မပြဘဲ လက်နက်ကို လက်ခံလိုက်သည်။ စွမ်းအင်လက်နက်ဆိုသည်မှာ သတ္တုစပ်လက်နက်များထက် များစွာ ရှားပါးလှသည် မဟုတ်ပါလား။ အဆင့်မြင့် စွမ်းအင်လက်နက် တစ်ခု၏ တန်ဖိုးမှာ အချို့သော SSအဆင့် ရှားပါးရတနာများထက်ပင် ပို၍ အဖိုးတန်လှသည်။ ၎င်းကို အခမဲ့ရရှိခြင်းမှာပင် သူက အလွန်ကျေနပ်နေပြီ ဖြစ်သည်။</p> <p style="text-align:justify">ရှုကျင်းမင်၏ အမူအရာကို ကြည့်ကာ ဆုချင်းလီက ကျေနပ်စွာ ခေါင်းညိတ်လိုက်သည်။ ပါရမီနှင့် စရိုက်က အမြဲတမ်း တိုက်ရိုက် အချိုးကျနေသည်တော့ မဟုတ်ပေ။ အချို့သောသူများမှာ ပါရမီရှိကြသော်လည်း မောက်မာထောင်လွှားကာ လူတိုင်းကို အထင်သေးတတ်ကြပြီး ကျေးဇူးရှင်ကိုပင် ရန်သူလို ပြန်ဆက်ဆံတတ်ကြသည်။ ထိုသို့သော ပါရမီရှင်များကို လေ့ကျင့်ပေးခြင်းမှာ ဘာမှမလုပ်ပေးတာထက် ပို၍ အန္တရာယ်ကြီးလှသည်။</p> <p style="text-align:justify">ရှုကျင်းမင်သာ မိုးကြိုးတောင်ဝှေးကို ရသည့်အခါ တစ်စုံတစ်ရာ မကျေနပ်မှု ပြခဲ့လျှင် ဆုချင်းလီအနေဖြင့် သူ့ကို ဆက်သင်ပေးရန် ရှိ၊ မရှိ ပြန်လည် စဉ်းစားမိမည် ဖြစ်သည်။ သို့သော် အခန်းထဲသို့ ဝင်လာကတည်းက ရှုကျင်းမင် ပြသခဲ့သော ရိုသေလေးစားမှုများအရ သူက စရိုက်မကောင်းသော ပါရမီရှင်မျိုး မဟုတ်ကြောင်း သူမ သိရှိလိုက်ရသည်။</p> <p style="text-align:justify">"ကျမ်းစာအုပ်တွေနဲ့ လက်နက်တွေ ပေးပြီးပြီဆိုတော့ အခု မင်းလုပ်ရမှာက ကျင့်ကြံခြင်းကိုပဲ အာရုံစိုက်ဖို့ပဲ"</p> <p style="text-align:justify">"ပြီးတော့ လင်းရွှမ်က မိုးကြိုးသိုင်းသင်တန်းကျောင်းရဲ့ အခြေအနေကို အကြမ်းဖျင်း ပြောပြပြီးပြီဆိုပေမဲ့ ငါ နည်းနည်း ထပ်ဖြည့်ပြောပြမယ်... ဒုတိယဥက္ကဠဟူကျင်ယွီကိုတော့ မင်း စိုးရိမ်စရာ မလိုပါဘူး... သူကိုယ်တိုင်ကတော့ မင်းကို ဘာမှ နှိမ်နင်းမှာ မဟုတ်ဘူး... ဒါပေမဲ့ ပါရမီရှင် လေ့ကျင့်ရေးစခန်းထဲက သူတို့အုပ်စုထဲက ကျောင်းသားတွေကိုတော့ သတိထားရမယ်... အဲဒီထဲမှာ ဝမ်တုန်းဆိုတဲ့ ကျောင်းသားကိုတော့ မင်း အထူးသတိထားရလိမ့်မယ်"</p> <p style="text-align:justify">"ဝမ်တုန်းက လွန်ခဲ့တဲ့ ကိုးနှစ်က မဟာနွေရာသီမှာ ပေါ်ထွက်ခဲ့တဲ့ Sအဆင့် မီးဓာတ် စွမ်းရည်ပိုင်ရှင်ပဲ... သူ လေ့ကျင့်ရေးစခန်းကို ရောက်နေတာ လေးနှစ်ကျော်ပြီ... အဆင့်ကတော့ ဆဋ္ဌမအဆင့်နိမ့်မှာ ရှိပြီး တကယ့် တိုက်ခိုက်ရေးစွမ်းအားကလည်း အလွန် ကြောက်စရာကောင်းတယ်"</p> <p style="text-align:justify">ဝမ်တုန်းအကြောင်း ပြောသည့်အခါ ဆုချင်းလီပင် မျက်မှောင်အနည်းငယ် ကြုတ်သွားမိသည်။ အထက်တန်းလွှာ လေ့ကျင့်ရေးစခန်းသည် မိုးကြိုးသိုင်းသင်တန်းကျောင်း၏ အသက်သွေးကြော ဖြစ်သည်။ မိုးကြိုးသိုင်းသင်တန်းကျောင်း၏ အနာဂတ် အဆင့်မြင့် အင်အားစုများမှာ ဤနေရာမှ ထွက်ပေါ်လာမည် ဖြစ်သည်။ ဒုတိယဂိုဏ်းချုပ် ဟူကျင်ယွီ ကိုယ်တိုင် သင်ကြားပေးထားသော ဝမ်တုန်းက လေ့ကျင့်ရေးစခန်း တစ်ခုလုံးရှိ အဖွဲ့ဝင် အားလုံးနီးပါးကို အလဲထိုးထားသူ ဖြစ်သည်။ ဤသည်မှာ ဒုတိယဥက္ကဠ၏ ဩဇာအာဏာကို ဘေးမှနေ၍ မြှင့်တင်ပေးနေခြင်းလည်း ဖြစ်သည်။</p> <p style="text-align:justify">သူမက ရှုကျင်းမင်ကို တပည့်အဖြစ် အသည်းအသန် လက်ခံခဲ့ခြင်းမှာ တစ်ဖက်က ရှုကျင်းမင်၏ ပါရမီကြောင့် ဖြစ်သော်လည်း အခြားတစ်ဖက်တွင်မူ သူမ၏ ဩဇာအာဏာကို မြှင့်တင်ရန်အတွက် ပါရမီရှင် လေ့ကျင့်ရေးစခန်းတွင် ကိုယ်ပိုင် ကိုယ်စားလှယ် တစ်ဦး လိုအပ်နေသောကြောင့်ပင်။ ထိုကိုယ်စားလှယ်မှာ ဝမ်တုန်းတို့ဆီမှ ဖိအားများကို မလွဲမသွေ ရင်ဆိုင်ရပေလိမ့်မည်။ ကံကောင်းသည်မှာ ရှုကျင်းမင်က အလွယ်တကူ အနိုင်ကျင့်ခံရမည့်သူ မဟုတ်ကြောင်း သူမ သိထားပြီး ဖြစ်သည်။</p> <p style="text-align:justify">"Sအဆင့် စွမ်းရည်ပိုင်ရှင်လား... နားလည်ပါပြီဗျ"</p> <p style="text-align:justify">ရှုကျင်းမင်က အပြင်ပန်းတွင် ခေါင်းညိတ်လိုက်သော်လည်း စိတ်ထဲတွင်မူ တိတ်တဆိတ် မျှော်လင့်နေမိသည်။ Sအဆင့် စွမ်းရည် ဆဋ္ဌမအဆင့်နိမ့် ထိုသို့သော ပါရမီရှင် ထိပ်သီးများနှင့် တစ်စင်တည်း ပြိုင်ရမည်ဆိုတော့ ဤအထက်တန်းလွှာ လေ့ကျင့်ရေးစခန်းက ပို၍ပင် စိတ်ဝင်စားဖို့ ကောင်းလာသည်။</p> <p style="text-align:justify">ဆုချင်းလီ၏ ရှင်းပြချက်များ ပြီးဆုံးသွားပြီးနောက် ရှုကျင်းမင်က ခွင့်တောင်းကာ ထွက်လာခဲ့သည်။ သူ၏ နံပါတ် ၂၃၄ ဗီလာသို့ ပြန်ရောက်သည့်အခါ SSအဆင့် ဝိညာဉ်သန့်စင်ရေး ကျင့်စဉ်ဖြစ်သော နတ်ဘုရားမြစ် ရှုမှတ်ခြင်း ကျင့်စဉ်ကို ထုတ်ယူကာ သေချာစွာ လေ့လာလိုက်သည်။</p> <p style="text-align:justify">တစ်ချိန်တည်းမှာပင် ကျောင်းသား ဗီလာဇုန် ဗီလာ နံပါတ် ၁၃ အတွင်း၌ ရှုကျင်းမင် ရောက်ရှိလာသည့် သတင်းကြောင့် အမျိုးသမီးငယ် အချို့နှင့် လူငယ်အချို့ စုဝေးနေကြသည်။ လူအများ၏ အလယ်တွင် ထိုင်နေသူမှာ ပွပွယောင်းယောင်း လေ့ကျင့်ရေးဝတ်စုံကို ဝတ်ထားသည့် လူငယ်တစ်ဦး ဖြစ်သည်။ ထိုလူငယ်မှာ အရပ်သိပ်မရှည်သလို ခန္ဓာကိုယ်မှာလည်း အနည်းငယ် ပိန်ပါးပုံရသော်လည်း ဘေးပတ်ဝန်းကျင်ရှိ လူအားလုံးမှာ သူ့ကို ခေါင်းဆောင်တစ်ဦးကဲ့သို့ ရိုသေနေကြသည်။</p> <p style="text-align:justify">သူကား လက်ရှိ ပါရမီရှင် လေ့ကျင့်ရေးစခန်း၏ Sအဆင့် မီးဓာတ် စွမ်းရည်ကို ပိုင်ဆိုင်ထားသော ဆဋ္ဌမအဆင့်နိမ့် စွမ်းရည်ပိုင်ရှင် ဝမ်တုန်းပင် ဖြစ်သည်။</p> <p style="text-align:justify">"အစ်ကိုဝမ်... ရှုကျင်းမင် တကယ်ပဲ ငါတို့ မိုးကြိုးသိုင်းသင်တန်းကျောင်းရဲ့ အထက်တန်းလွှာ လေ့ကျင့်ရေးစခန်းကို ရောက်လာပြီ ဒုတိယဥက္ကဠက ဘာများ ညွှန်ကြားထားလဲ" ဝမ်တုန်း၏ ဘေးတွင် ထိုင်နေသော ဝတ်စုံဖြူနှင့် လူငယ် ချန်ဟိုင် က ပြုံးလျက် မေးလိုက်သည်။</p> <p style="text-align:justify">"အရင်ဆုံး စည်းရုံးမယ်... မရရင်တော့ နှိမ်နင်းရမှာပဲ" ဝမ်တုန်းက ပြတ်သားစွာ ပြောလိုက်သည်။ သူက ပိန်ပါးသော်လည်း အသံမှာမူ အားပါပြီး ကြည်လင်လှသည်။</p> <p style="text-align:justify">"နားလည်ပါပြီ... ဒါပေမဲ့ ဘယ်သူ့ကို လွှတ်မလဲ... ရှုကျင်းမင်နဲ့ ရင်းနှီးတဲ့သူကို ဒီလိုကိစ္စမျိုး ခိုင်းသင့်တာ မဟုတ်လား... လင်းဟွေကို သွားခိုင်းရင် ဘယ်လိုလဲ... သူက အမှတ် ၉ အပျက်အစီးမှာတုန်းက ရှုကျင်းမင်နဲ့ တွေ့ခဲ့ဖူးတယ်လို့ ကြားတယ်" ချန်ဟိုင်က အကြံပေးလိုက်သည်။</p> <p style="text-align:justify">"လင်းဟွေက ငါတို့လူ မဟုတ်ဘူး... သူက ငါတို့ကို သေချာ ကူညီချင်မှ ကူညီမှာ" ဝမ်တုန်းက ခေါင်းခါပြသည်။ "ဖန်ရန်ကို သွားခိုင်းလိုက်... သူကလည်း ရှန်ဟိုင်း စွမ်းရည်ပိုင်ရှင် တက္ကသိုလ်က ဆင်းလာတာပဲ ရှုကျင်းမင်ရဲ့ စီနီယာ အစ်ကိုလည်း ဖြစ်တယ် မဟုတ်လား"</p> <p style="text-align:justify">"ဪ... ဖန်ရန်က တကယ်ပဲ သူ့ရဲ့ စီနီယာ အစ်ကိုလား" ချန်ဟိုင်၏ မျက်လုံးများက ချက်ချင်း တောက်ပသွားသည်။ "ဒါဆိုရင်တော့ အပိုင်ပဲ... ကျွန်တော် အခုပဲ သူ့ကို သွားပြောလိုက်မယ်" ပြောပြီးသည်နှင့် သူ အမြန် ထွက်သွားတော့သည်။</p> <p style="text-align:justify">"အစ်ကိုချန် တာဝန်ယူမှတော့ အောင်မြင်မှာ သေချာပြီ"<br /> "ငါတို့ဆီမှာ SSအဆင့် အဖော်တစ်ယောက် ထပ်တိုးလာတော့မှာပဲ... တကယ်ကို မျှော်လင့်မိတယ်"<br /> "အဲဒါကတော့ မသေချာဘူး... တစ်ဖက်လူက ဥက္ကဠဆုရဲ့ တိုက်ရိုက်တပည့်လေ"<br /> "ဒါလည်း ဟုတ်တာပဲ... ရှုကျင်းမင် ဘာကို ရွေးချယ်မလဲ ဆိုတာပေါ်မှာပဲ မူတည်တော့တယ်"</p> <p style="text-align:justify">ဘေးပတ်ဝန်းကျင်မှ လူများ၏ ဆွေးနွေးမှုများကို နားထောင်ရင်း ဝမ်တုန်း၏ မျက်ဝန်းများ လက်ခနဲ ဖြစ်သွားသည်။ တကယ်တော့ သူနှင့် ရှုကျင်းမင်ကြားတွင် ဘာပဋိပက္ခမျှ မရှိပေ။ ပုံမှန်ဆိုလျှင် သူတို့ သူငယ်ချင်းပင် ဖြစ်သွားနိုင်ပေသည်။ သို့သော် ဒုတိယဂိုဏ်းချုပ် ဟူကျင်ယွီက သူ၏ ဆရာလည်းဖြစ်၊ ကျေးဇူးရှင်လည်း ဖြစ်ရာ ဆရာ့ညွှန်ကြားချက်ကို သူ လိုက်နာရပေမည်။</p> <p style="text-align:justify">"မင်း ငါတို့နဲ့ ပူးပေါင်းဖို့ ရွေးချယ်မယ်လို့ ငါ မျှော်လင့်ပါတယ်... မဟုတ်ရင်တော့ ငါ ဒီမှာ ရှိနေသရွေ့ မင်း ဘယ်တော့မှ အောင်မြင်ဖို့ အခွင့်အရေး ရမှာ မဟုတ်ဘူး..."</p> <p style="text-align:justify">SSအဆင့် စွမ်းရည်နှင့် စတုတ္ထအဆင့်မြင့် အခြေအနေအရ ရှုကျင်းမင်က ထိပ်သီး ပါရမီရှင် ဖြစ်သည်မှာ ငြင်းစရာ မရှိပေ။ သို့သော် အတွေ့အကြုံ မရှိခြင်းက မရှိခြင်းပင်။ မည်မျှပင် ပါရမီရှိပါစေ အဆင့်အတန်း ကွာခြားမှုကိုတော့ လွယ်လွယ်နှင့် မကျော်ဖြတ်နိုင်ပေ။</p> <p style="text-align:justify">ဝမ်တုန်းကတော့ ယုံကြည်ချက် အပြည့်ရှိနေသည်။ အဘယ်ကြောင့်ဆိုသော် သူက ရှုကျင်းမင်ထက် ၅ နှစ်ကျော် ပိုကြီးသောကြောင့်ပင် ထို ၅ နှစ်တာ အတွေ့အကြုံ ကွာခြားမှုမှာ အလွယ်တကူ ကျော်ဖြတ်နိုင်သော အရာ မဟုတ်ပေ။ ရှုကျင်းမင် အနေဖြင့် အနည်းဆုံးတော့ ဤလေ့ကျင့်ရေးစခန်းတွင် ရှိနေမည့် နောက်ဆုံးတစ်နှစ်အတွင်း သူ့ကို ကျော်တက်နိုင်ရန်မှာ မဖြစ်နိုင်သလောက်ပင်။</p> <p style="text-align:justify"> </p> <p style="text-align:justify"> </p> <p style="text-align:center">***</p>


Save