Book List

<h2 style="text-align: center;">အခန်း ၄၅၇</h2> <h2 style="text-align: center;">တတိယမြောက် သူတော်စင်ဧကရာဇ်ဘုရင် အထွပ်ထိတ်အဆင့်</h2> <h2 style="text-align: center;">*</h2> <p>နဂါးမျိုးနွယ်စု၏ ခေါင်းဆောင် ကျူးခွန်း၊ နတ်ဆိုနန်းတော်၏ နန်းတော်သခင်နှင့် အခြားသူများအားလုံးသည်လည်း ခေါင်းခါယမ်းကာ ပြုံးလိုက်ကြသည်။</p> <p> </p> <p>လုရီဖျင်၏ စကားကို မည်သူမျှ မယုံကြည်ကြသည်မှာ သိသာလှသည်။</p> <p>လုကျန်း၏ မျက်လုံးများထဲတွင် ဒေါသများ  ဖြတ်‌ေပြးသွားပြီး ရုတ်တရက် လုရီဖျင်ကို ကြည့်ကာ "ပြောစမ်း၊ မင်းနောက်ကွယ်က ဘယ်သူလဲ၊ လုခွန်းကျီလား ဒါမှမဟုတ် မင်းက မိစ္ဆာတွေနဲ့ ပူးပေါင်းနေတာလား"ဟုမေးလိုက်သည်။</p> <p> </p> <p>လုကျန်းအနေဖြင့် လုရီဖျင်ကို မိစ္ဆာများနှင့် ပူးပေါင်းသည်ဟု သံသယဝင်ခြင်းမှာ မထူးဆန်းပေ။ အကြောင်းမှာ ယခင်က လုဖေလင်းသည် မိစ္ဆာများနှင့် ပူးပေါင်းခဲ့ဖူးသောကြောင့်ဖြစ်သည်။ လုရီဖျင်သည် လုဖေလင်းကို သတ်ခဲ့သော်လည်း သူကိုယ်တိုင် မိစ္ဆာများထံ အစေခံနေခြင်း မဟုတ်ဟု မပြောနိုင်ပေ။</p> <p> </p> <p>လုကျန်းသည် ချောင်းနယ်ပယ်၏ ဘုရင် လုံချိန်၏ ဒုတိယမြောက် တပည့်ဖြစ်ပြီး သူ၏ ခွန်အားမှာ လုံချင်းထက် များစွာ ပိုမိုတောင့်တင်းသည်။ သန်းပေါင်း ၁,၃၀၀ ဟူသော ပမာဏမှာ ကြောက်မက်ဖွယ်ကောင်းသည်။</p> <p>ခွန်အား တစ်သန်းခန့်ရှိသော အဆင့်မြင့် သူ‌ေတာ်စင်ဧကရာဇ် လုခွန်းကျီ ကဲ့သို့သော သူမျိုးကိုပင် လက်ဝါးတစ်ချက်တည်းဖြင့် သတ်ဖြတ်နိုင်သည်။</p> <p> </p> <p>ယခင်က ခွန်အား ၁,၁၀၀ ရှိခဲ့သော ဝတ်ရုံစိမ်း သူ‌ေတာ်စင်ဧကရာဇ်ဘိုး‌ေဘးနှင့် ယင်ဖုန်းတို့နှစ်ဦး ပူးပေါင်းလျှင်ပင် လုကျန်း၏ အစွမ်းကို တားဆီးနိုင်မည်မဟုတ်ပေ။</p> <p> </p> <p>လုကျန်း၏ လှုပ်ရှားမှုကို မြင်သောအခါ အရပ်မျက်နှာအနှံ့မှ အင်အားကြီးသူများအားလုံး ထိတ်လန့်တကြား ဆုတ်ခွာသွားကြသည်။ လုကျန်း၏ လက်ဝါးရိုက်ချက်ဒဏ်ကို မထိမိစေရန် နဂါးဆိုးမျိုးနွယ်စုခေါင်းဆောင်နှင့် နတ်ဆိုးနန်းတော်သခင်တို့ကဲ့သို့ အစွမ်းထက်သူများပင် သူတို့၏ လက်အောက်ငယ်သားများကို ကာကွယ်ရင်း နောက်ဆုတ်ခဲ့ကြသည်။</p> <p> </p> <p>လုကျန်းသည် လုရီဖျင်အား ရုတ်တရက် တိုက်ခိုက်သည်ကို မြင်သောအခါ သွေးမျိုးနွယ်စုဘိုးဘေး၏ မျက်နှာ ပျက်သွားခဲ့သည်။ လုကျန်း၏ လက်ဝါးရိုက်ချက်သည် လုရီဖျင်အား မြေကြီးထဲ နစ်ဝင်သွားစေတော့မည့်ပုံပေါ်သော်လည်း လုရီဖျင်သည် ရန်သူ၏ တိုက်ကွက်ကို မရှောင်တိမ်းခဲ့ပေ။</p> <p> </p> <p>သူသည် လက်ညှိုးကိုသာ မြှောက်လိုက်ပြီး လက်ညှိုးအစွမ်းဖြင့် လုကျန်းကို ပြန်လည်တိုက်ခိုက်လိုက်သည်။</p> <p>လုရီဖျင်သည် သူ၏လက်ဝါးရိုက်ချက်အား မခုခံသည့်အပြင် လက်ညှိုးဖြင့် ပြန်လည်တုံ့ပြန်သည်ကို မြင်သောအခါ လုကျန်းက အေးစက်စွာ ပြုံးလိုက်ပြီး  "မင်းက သေတွင်းထဲ ကိုယ်တိုင်ခုန်ဆင်းနေတဲ့ အရူးပဲ" ဟု ဆိုကာ လက်ညှိုးတစ်ချက် ထုတ်လိုက်ပြီး လုရီဖျင်၏ လက်ညှိုးအစွမ်းကို တားဆီးလိုက်သည်။</p> <p> </p> <p>ဝုန်း…”</p> <p> </p> <p>လုကျန်း၏ လက်ညှိုးနှင့် လုရီဖျင်၏ လက်ညှိုးတို့ ထိတွေ့မိသွားသည်။လောကကြီးတစ်ခုလုံး တုန်ခါသွားသယောင် ရှိခဲ့သည်။</p> <p>သို့သော် ထိုခဏ၌ပင် လုရီဖျင်၏ လက်ညှိုးအစွမ်းသည် လုကျန်း၏ လက်ညှိုးကို တခဏချင်း ချိုးဖျက်သွားပြီး လုကျန်း၏ ရင်ဘတ်ထဲသို့ အရှိန်အဟုန်ဖြင့် စိုက်ဝင်သွားသည်ကို အားလုံး မြင်လိုက်ရသည်။</p> <p> </p> <p>လုကျန်းသည် နာကျင်စွာ အော်ဟစ်လိုက်ပြီး လေထဲသို့ လွင့်စင်သွားတော့သည်။</p> <p>ထိုအချိန်တွင် လုကျန်း၏ လက်ဝါးရိုက်ချက်သည် လုရီဖျင်၏ ဦးခေါင်းပေါ်သို့ ကျရောက်ခါနီး၌ ရုတ်တရက် လုရီဖျင်၏ ဦးခေါင်းပေါ်မှ ရွှေရောင်ခေါင်းလောင်းတစ်ခု ပျံထွက်လာခဲ့ပြီး လုကျန်း၏ လက်ဝါးရိုက်ချက်ကို ကာလိုက်သည်။</p> <p> </p> <p>လုကျန်း၏ လက်ဝါးသည် ရွှေရောင်ခေါင်းလောင်းပေါ်သို့ ကျရောက်သွားသော်လည်း ရွှေရောင်ခေါင်းလောင်းမှာ အလင်းများ ဖြာထွက်လာပြီး လုံးဝ တုန်လှုပ်ခြင်းမရှိပေ။</p> <p> </p> <p>လုကျန်းသည် လုမိသားစု၏ အဓိကနန်းဆောင်ကြီးကို ဖောက်ထွက်ကာ လွင့်စင်သွားခဲ့သည်။ မြေပြင်ပေါ်သို့ ပြုတ်ကျသွားချိန်တွင် သူ၏ရင်ဘတ်မှာ လုရီဖျင်၏ လက်ညှိုးကြောင့် အပေါက်ကြီးဖြစ်သွားပြီး သွေးများ အဆက်မပြတ် ပန်းထွက်နေသည်ကို တွေ့လိုက်ရသည်။</p> <p> </p> <p>"ဘာ... ဘာဖြစ်တာလဲ"</p> <p>လူအုပ်ကြီးမှာ မှင်တက်သွားကြသည်။</p> <p> </p> <p>ချန်လင်းချောင်၊ လုဂန်း ၊ ကျူးခွန်းနှင့် အခြားသူများအားလုံး အံ့အားသင့်သွားကြသည်။</p> <p>ချမ်လင်းချောင်နှင့် ကျန်ရှိသူများသည် လက်ညှိုးတစ်ချက်တည်းဖြင့် လွင့်စင်သွားသော လုကျန်းကို မယုံကြည်နိုင်စွာ ကြည့်နေခဲ့ကြသည်။</p> <p>လုကျန်းသည် မြေပြင်မှ ထရန် ကြိုးစားသော်လည်း သူလှုပ်ရှားလိုက်သည်နှင့် ရင်ဘတ်မှ ဒဏ်ရာကြောင့် သွေးများ ပါးစပ်မှ ထပ်မံစီးကျလာခဲ့သည်။</p> <p> </p> <p>သူသည် လုရီဖျင်ကို မယုံနိုင်သော မျက်လုံးများ၊ တုန်လှုပ်မှု၊ ဒေါသတို့ဖြင့် စိုက်ကြည့်ကာ  "လူတစ်ယောက်ရဲ့ ခွန်အားက ဒီလောက် မကြီးမားနိုင်ဘူး၊ မင်း…မင်းက ဘယ်သူလဲ"ဟု တုန်ရီစွာမေးလိုက်သည်။</p> <p> </p> <p>သူသည် ရှေ့တွင်ရှိနေသောသူမှာ ရုပ်ဖျက်အတတ် တွင် ကျွမ်းကျင်သူဖြစ်ပြီး လုရီဖျင်အသွင် ဖန်တီးထားခြင်း ဖြစ်နိုင်သည်ဟု သံသယဝင်လာခဲ့သည်။</p> <p> </p> <p>လူတိုင်းသည်လည်း လုရီဖျင်ကို အံ့သြတုန်လှုပ်စွာ ကြည့်လိုက်ကြသည်။</p> <p>ချမ်လင်းချောင်သည် လုရီဖျင်ကို စိုက်ကြည့်ရင်း လေးနက်စွာ ပြောလိုက်သည် "မင်း ဘယ်သူပဲဖြစ်ဖြစ် ဂရုမစိုက်ဘူး၊ ဒီနေ့တော့ မင်း သေရမယ်" ဟု ပြောရင်း သူ၏ ချင်းယွမ်တိမ်တိုက်ကို မြှောက်လိုက်ရာ သန့်ရှင်းသောဘုရင်၏ အစွမ်းများ ဟိန်းထွက်လာခဲ့သည်။</p> <p> </p> <p>ချမ်လင်းချောင်၏ ချင်းယွမ်တိမ်တိုက်သည်  ၁၈ ဧက အထိ ရောက်ရှိနေပြီး  ၁၉ ဧကသို့ ရောက်ရန် ခြေတစ်လှမ်းသာ လိုတော့သည်။</p> <p>ထို့ကြောင့်ပင် ချောင်းနယ်ပယ်၏ ဘုရင် လုံချိန်သည် နှစ်ပေါင်းများစွာ တရားကျင့်ကြံနေချိန် ချမ်လင်းချောင်ရှိနေသောကြောင့် ချောင်းနယ်ပယ်တွင် မငြိမ်မသက်မှုများ မရှိခြင်း ဖြစ်သည်။</p> <p> </p> <p>ချမ်လင်းချောင်၏ ခန္ဓာကိုယ်မှ ကြောက်မက်ဖွယ်ကောင်းသော ဖိအားများ ပြန့်လွင့်လာခဲ့သည်။ နဂါးဆိုးမျိုးနွယ်စုခေါင်းဆောင် ကျူးခွန်း နှင့် ခွန်အား သန်းပေါင်း ၁,၃၀၀ ရှိသော သန့်ရှင်းသောဘုရင်များပင် ချမ်လင်းချောင်၏ ဖိအားအောက်တွင် အသက်ရှူကျပ်လာကြသည်။</p> <p>ထိုစွမ်းအင်လှိုင်း‌ေကြာင့် လူတိုင်း ထိတ်လန့်တကြား နောက်ဆုတ်သွားကြသည်။</p> <p> </p> <p>ချမ်လင်းချောင်သည် ခြေတစ်လှမ်းတိုးကာ လုရီဖျင်ရှေ့သို့ ရောက်လာပြီး ရုတ်တရက် လက်သီးဖြင့် ထိုးချလိုက်သည်။</p> <p> </p> <p>"ချောင်းခေါင်‌းလောင်း အားကိုးပြီး မောက်မာနေတာပေါ့ " ချမ်လင်းချောင်က အေးစက်စွာ ပြုံးလိုက်ရင်း  "ငါ့ရဲ့ လက်သီးတစ်ချက်တည်းနဲ့ မင်းရဲ့ ချောင်းခေါင်းလောင်းကို ဘယ်လို ရိုက်ခွဲပစ်မလဲဆိုတာ ကြည့်လိုက်စမ်း"ဟု ပြောလိုက်သည်။</p> <p> </p> <p>ချမ်လင်းချောင်၏ လက်သီးချက်ကို ကြည့်ပြီး လုရီဖျင်သည် အေးအေးလူလူပင် လက်ကိုမြှောက်ကာ ထိုနည်းအတိုင်းပင် ပြန်လည်ထိုးနှက်လိုက်သည်။ လုရီဖျင် လက်သီးထုတ်လိုက်ချိန်တွင် သူ၏ဦးခေါင်းထက်၌ ချင်းယွမ်တိမ်တိုက် ပေါ်ထွက်လာခဲ့ပြီး သူတော်စင်ဧကရာဇ်ဘုရင်၏ အစွမ်းများသည်လည်း ပင်လယ်ပြင်ကြီးကဲ့သို့ ဟိန်းထွက်လာကာ လောကတစ်ခုလုံး တုန်ခါသွားတော့သည်။</p> <p> </p> <p>လုရီဖျင်၏ ချင်းယွမ်တိမ်တိုက်သည် သာမန်အဝါရောင်မဟုတ်တော့ဘဲ ခရမ်းရွှေရောင်သန်းသော ရွှေဝါရောင် ဖြစ်နေခဲ့သည်။</p> <p> </p> <p>လုရီဖျင်၏ ချင်းယွမ်တိုက်ရှေ့တွင် ချမ်လင်းချောင်၏ ချင်းယွတိမ်တိုက်မှာ ကြက်တစ်‌ေကာင်နှင့် ဖီးနစ်ငှက်ကဲ့သို့ ကွာခြားလွန်းလှသဖြင့် အရောင်အဝါ မှိန်ဖျော့သွားရသည်။ လုရီဖျင်၏ ချင်းယွနမ်တိမ်တိုက် အလင်းတန်းအောက်တွင် လောကကြီးတစ်ခုလုံးသည် ထိန်လင်းသွားခဲ့သည်။</p> <p> </p> <p>ချမ်လင်းချောင်သည် လုရီဖျင်၏ ဦးခေါင်းပေါ်မှ ချင်းယွမ်တိမ်တိုက်ကို ကြည့်ရင်း မျက်လုံးများ ပြူးကျယ်သွားကာ မျက်နှာတစ်ခုလုံး ဖြူလျော်သွားတော့သည်။</p> <p> </p> <p>ထို့နောက် လက်သီးနှစ်ခု ထိပ်တိုက်တွေ့ဆုံသွားခဲ့သည်။</p> <p>ကျယ်လောင်လှသော ပေါက်ကွဲသံကြီး ထွက်ပေါ်လာပြီးနောက် လောကကြီးတစ်ခုလုံး မှောင်အတိ ကျသွားသယောင် ထင်မှတ်ရသည်အထိ အမှောက်ဖုံးသွားခဲ့သည်။</p> <p> </p> <p>လုမိသားစု နယ်မြေတစ်ခုလုံးမှာ မမြင်နိုင်သောဧရာမတူကြီးဖြင့် ထုရိုက်ခံရသကဲ့သို့ ပတ်ဝန်းကျင်မြေပြင်များ ပြိုကျကာ အဆောက်အဦးများမှာ လွင့်စင်ပြီး ဖုန်မှုန့်များအဖြစ်သို့ ပြောင်းလဲသွား‌ေလသည်။</p> <p>ကြောက်မက်ဖွယ်ကောင်းသော အားလှိုင်းများ ရိုက်ခတ်သွားရာ အနီးအနားရှိ အစွမ်းထက်သူအချို့မှာ ခဏချင်းပင် အမှုန့်ဖြစ်သွားကြသည်။</p> <p> </p> <p>နဂါးဆိုးမျိုးနွယ်စုခေါင်းဆောင် ကျူးခွန်းနှင့် နတ်ဆိုးနန်းတော်သခင်တို့ကဲ့သို့ အစွမ်းထက်သူများပင် လွင့်စင်သွားပြီး သွေးများ အန်ထုတ်လိုက်ရသည်။</p> <p> </p> <p>လုခံုကလည်း ထိတ်လန့်တကြား အော်ဟစ်လိုက်ရသည် "လုမိသားစုရဲ့ အားအကောင်းဆုံး ခံစစ်အစီအမံကို ဖွင့်လိုက်ကြတော့"</p> <p> </p> <p>သို့သော် သူ၏စကားမဆုံးခင်မှာပင် သူကိုယ်တိုင် လွင့်ထွက်သွားရတော့သည်။</p> <p>လုမိသားစု၏ အစီအမံကြီးမှာ ကောင်းကင်ယံအထိ လင်းလက်သွားခဲ့ပြီး အားကောင်းသော အကာအကွယ်များသည် ဌာနချုပ်ကို လွှမ်းခြုံထားသော်လည်း အချည်းနှီးသာ ဖြစ်ခဲ့သည်။ လုရီဖျင်၏ အစွမ်းရှေ့တွင် လုမိသားစု၏ အစီအမံမှာ ဆက်တိုက် ပေါက်ကွဲမှုများဖြစ်‌ေပါ်ကာ အစီအမံအလွှာများ တစ်ခုပြီးတစ်ခု ပျက်စီးသွားတော့သည်။</p> <p> </p> <p>ချမ်လင်းချောင်ကိုယ်တိုင်ပင် သူ မခုခံနိုင်လောက်အောင် ပြင်းထန်လွန်းသည့် အားလှိုင်း၏ ရိုက်ခတ်မှုကို ခံလိုက်ရပြီး လွင့်စင်သွားခဲ့သည်။ ဖုန်မှုန့်များမှာ တလိပ်လိပ် တက်လာပြီး အချိန်အတော်ကြာသည်အထိ မငြိမ်သက်နိုင်ဘဲ ရှိနေ‌ခဲ့သည်။</p> <p> </p> <p>လုရီဖျင်၏ အစွမ်းမှာ ဆက်လက်ရိုက်ခတ်နေသောကြောင့် ဖြစ်သည်။</p> <p>ကျူးခွန်း နှင့် အခြားအဖွဲ့အစည်းအသီးသီးမှ အစွမ်းထက်သူများမှာ ရှေ့တိုးနောက်ဆုတ်ဖြင့် သွေးများ တရစပ် အန်ထုတ်နေကြရသည်။ အချို့သော ပညာရှင်များမှာ သူတို့၏ သန့်ရှင်းသောခန္ဓာကိုယ်တစ်ခုလုံး အက်ကွဲကြောင်းများ ဖြစ်ပေါ်လာပြီး မည်သည့်အချိန်တွင် ပြိုကွဲပျက်စီးသွားမည်နည်းဟုပင် တွေး‌၍ ထိတ်လန့်နေကြရသည်။</p> <p> </p> <p>လုရီဖျင်၏ အားလှိုင်းများ ငြိမ်သက်သွားချိန်တွင် ကောင်းကင်ယံသို့ လွင့်စင်သွားခဲ့ကြသော ကျူးခွန်းနှင့် အခြားသူများမှာ လုရီဖျင်ကို ကြည့်ရင်း ထိတ်လန့်တုန်လှုပ်နေကြသည်။</p> <p>သူတို့သည် လုရိီဖျင်၏ ဦးခေါင်းထက်ရှိ  ၁၉ ဧက ကျယ်ဝန်းသော ချင်းယွမ်တိုက်ကို ကြည့်ရင်း အံ့အားသင့်လွန်းသဖြင့် အချိန်အတော်ကြာ စကားမပြောနိုင်ဘဲ ဖြစ်နေကြသည်။</p> <p> </p> <p>ချောင်းနယ်ပယ်တွင် ထိပ်တန်းအဆင့် သူ‌ေတာ်စင်ဧကရာဇ်အနည်းငယ်သာ ရှိသော်လည်း ကျူးမိသားစု၊ နဂါးဆိုးမျိုးနွယ်နှင့် နတ်ဆိုးသတ်နန်းတော် ကဲ့သို့သော ထိပ်တန်းအင်အားစုများတွင်မူ ထိုသို့သော ပညာရှင်များ ရှိကြသည်။ သို့သော် သူ‌ေတာ်စင်ဧကရာဇ်ဘုရင်၏ အထွတ်အထိပ် အဆင့်သို့ ရောက်ရှိသူမှာမူ ကျယ်ပြောလှသော ချောင်းနယ်ပယ်ကြီးတစ်ခုတွင် လူနှစ်ဦးတည်းသာ ရှိလေသည်။</p> <p> </p> <p>သူတော်စင် ဧကရာဇ်အထွပ်ထိတ်အဆင့်သို့ ရောက်ရှိပြီး လောကနှင့် နှစ်ပေါင်းများစွာ ဝေးကွာနေပြီဖြစ်သော သူနှစ်ဦးမှာ တာအိုဘိုးဘေးအဆင့်သို့ တက်လှမ်းနိုင်ရန် ကြိုးပမ်းနေကြသူများ ဖြစ်သည်။</p> <p> </p> <p>"ဒါက တတိယမြောက်ပေါ်လာတဲ့သူဘဲ၊ တတိယမြောက် သူတော်စင်ဧကရာဇ်ဘိုးဘေးဘဲ" ကျူးခွန်း၏ မျက်လုံးများမှာ မှင်တက်နေတော့သည်။</p> <p> </p> <p>နောက်တစ်ကြိမ် ထပ်မံလွင့်စင်သွားသော လုကျန်းသည်လည်း လုရီဖျင်ကို ကြည့်ကာ အလွန်အမင်း ထိတ်လန့်တုန်လှုပ်နေခဲ့သည်။</p> <p>လုခံု၊ လုဂန်း နှင့် အခြားသူများမှာမူ ကြောက်ရွံ့မှုထက် ပိုသော တုန်လှုပ်မှုကို ခံစားနေရသည်။</p> <p> </p> <p>လုရီဖျင်သည် လုခံု၊ လုဂန်း နှင့် အခြားသူများကို အေးစက်စွာ တစ်ချက်ကြည့်လိုက်သည်။ လုခုံသည် ၎င်းတို့မောင်နှမနှစ်ယောက်အား လုမိသားစုဝင်အဖြစ်မှ နှင်ထုတ်ခဲ့သည်ကို သူသိရှိပြီးဖြစ်သည်။ ထို့ကြောင့်ပင် သူတိုက်ခိုက်လိုက်စဉ်က မည်သည့်ငဲ့ညှာမှုမျှမရှိဘဲ လုမိသားစုဌာနချုပ်တစ်ခုလုံးကို အားလှိုင်းများ ရိုက်ခတ်ပျက်စီးစေခဲ့ခြင်း ဖြစ်သည်။</p> <p> </p> <p>လုရီဖျင်သည် ခြေလှမ်းတစ်လှမ်း လှမ်းလိုက်ပြီး ချမ်လင်းချောင်၏ ရှေ့သို့ ရောက်ရှိသွားသည်။</p> <p>ချမ်လင်းချောင်သည် အလွန်အမင်း ကြောက်လန့်နေပြီး ပါးစပ်ထောင့်မှ သွေးများကိုပင် သုတ်ရန် သတိမရတော့ဘဲ "နေပါဦး…မင်းက ဘယ်သူလဲ၊ ငါ့ရဲ့ စတုတ္ထမြောက် ညီငယ်ကို ဘာလို့ သတ်ခဲ့တာလဲ" ဟု မေးမြန်းလိုက်သည်။</p> <p> </p> <p>လုရီဖျင်သည် လက်သီးတစ်ချက် ထပ်မံထိုးလွတ်လိုက်ရာ ချမ်လင်းချောင်မှာ ထိတ်လန့်တကြားပင် ခုခံရန် ကြိုးစားသော်လည်း လုရီဖျင်၏ လက်သီးချက်ကြောင့် ထပ်မံလွင့်စင်သွားရပြန်သည်။</p> <p> </p> <p>"ငါက လုရီဖျင်ဘဲ…" လုရီဖျင်သည် အေးစက်စွာ ပြောဆိုရင်း ချမ်လင်းချောင်ရှိရာသို့ လျှောက်လှမ်းသွားခဲ့သည်။</p> <p> </p> <p>"သူ... သူက တကယ်ပဲ လုရီဖျင်လား" ဟု ကျူးမိသားစုမှ သူ‌ေတာ်စင်ဧကရာဇ်တစ်ဦးက ရေရွတ်လိုက်သည်။ လုခံု နှင့် လုဂန်းတို့မှာမူ မျက်နှာများ ဖြူလျော်နေကြတော့သည်။</p> <p>***</p> <p> </p>


Save