Book List

<h2 style="text-align: center;">အခန်း (၇၅၁)</h2> <h2 style="text-align: center;">စစ်မြေပြင်နယ်မြေ၏ အရှင်သခင် (၄)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~ချီခယ်ချင်းမှာမူ မည်သည့်အရာကိုမျှ ဂရုမစိုက်ဘဲ မီးလျှံငှက် အင်မော်တယ်ဂိုဏ်း မှ လူများကို ဆက်လက် တိုက်ခိုက်နေဆဲ ဖြစ်၏။</p> <p>သေချာသည်မှာ သူမသည် တိုက်ခိုက်နေရင်း တစ်ချိန်တည်းမှာပင် သူမ၏ ဝိညာဉ်အာရုံကို ဖြန့်ကျက်ကာ အသံလာရာ အရပ်ကို လိုက်လံ ရှာဖွေနေခဲ့ခြင်း ဖြစ်သည်။ သို့သော် မည်သို့ပင် ရှာဖွေစေကာမူ လုံးဝ ရှာမတွေ့ခဲ့ချေ။</p> <p>သို့သော် ချီခယ်ချင်း က အခြားတစ်ဖက်ရှိ နက်ရှိုင်းသော သစ္စာတရား နယ်မြေ စစ်တပ်ကြီးကို သတိပြုမိသွား၏။ ဓားဘိုးဘေးကြီး ၏ ဦးဆောင်မှုအောက်တွင် သူတို့သည် ဖူယောင် နယ်မြေ မှ လူများကဲ့သို့ တုံ့ဆိုင်းနေခြင်း မရှိဘဲ မည်သူကမျှ တိုက်ခိုက်မှုများကို ရပ်တန့်မသွားခဲ့ကြပေ။</p> <p>မရပ်တန့်သွားသည့်အပြင် သူတို့၏ တိုက်ခိုက်မှုများမှာ ပို၍ပင် ပြင်းထန်လာခဲ့သေးသည်။ လူတိုင်းက တိတ်ဆိတ်စွာ အံကို ကြိတ်ခဲထားကြ၏။ တစ်ဖက် ရန်သူ့ နယ်မြေအရှင်သခင် ရောက်မလာခင်မှာပင် မီးလျှံငှက် အင်မော်တယ်ဂိုဏ်း ကို အပြတ်အသတ် မျိုးတုံး သတ်ဖြတ်ရန် စိတ်ပိုင်းဖြတ်ထားကြလေ၏။</p> <p>သူတို့၏ အာရုံစူးစိုက်မှု အပြည့် ရှိနေသော မျက်နှာများကို ကြည့်ရင်း၊ မိမိ၏ အဖွဲ့ကို ပြန်လည် ငဲ့ကြည့်လိုက်မိသောအခါ ချီခယ်ချင်း ၏ ရင်တွင်း၌ ရှက်ရွံ့သွားရတော့သည်။</p> <p>သူမ၏ ခေါင်းဆောင်မှု စွမ်းရည်မှာ နင်ချီ နှင့် လုံးဝ မယှဉ်နိုင်ပါလား။</p> <p>နင်ချီ ၏ အမိန့်ပေး ကွပ်ကဲမှု မပါဘဲနှင့်ပင် နက်ရှိုင်းသော သစ္စာတရား နယ်မြေ စစ်တပ်ကြီးသည် အဓိက အရေးကြီးဆုံး အချက်ကို ဆုပ်ကိုင်ထားနိုင်ကြပြီး၊ ပြင်ပ အနှောင့်အယှက်များ၏ လွှမ်းမိုးမှုကို လုံးဝ မခံကြချေ။</p> <p>ရှက်ရွံ့သွားသော ချီခယ်ချင်း က ဖူယောင် နယ်မြေ မှ လူတိုင်းထံသို့ ချက်ချင်း အသံလွှင့်ကာ အော်ဟစ်လိုက်၏။</p> <p>"ရှာမနေကြနဲ့တော့။ မီးလျှံငှက် အင်မော်တယ်ဂိုဏ်း က လူတွေကို အရင် သတ်ပစ်ကြ။ မဟုတ်ရင် သူတို့ရဲ့ နယ်မြေအရှင်သခင် ဆိုတဲ့ သူ.. ရောက်လာတာနဲ့... ငါတို့ရဲ့ အခြေအနေက ပိုဆိုးသွားလိမ့်မယ်"</p> <p>ထိုအခါမှသာ စိတ်လွင့်နေသူများ သတိပြန်ဝင်လာကြပြီး၊ နက်ရှိုင်းသော သစ္စာတရား နယ်မြေ စစ်တပ်ကြီး ကဲ့သို့ပင် ကျန်ရစ်နေသော မီးလျှံငှက် အင်မော်တယ်ဂိုဏ်း မှ လူများကို အသည်းအသန် ဆက်လက် တိုက်ခိုက်ကြတော့သည်။</p> <p>"မင်းတို့ ဘယ်လောက်တောင် ရဲတင်းနေကြတာလဲ။ မင်းတို့ အားလုံးကို အပိုင်းပိုင်း အစစ ဆွဲဖြဲပစ်မယ်"</p> <p>ကြီးကျယ် ခမ်းနားလှသော အသံကြီးက သူတို့၏ နားထဲတွင် နောက်တစ်ကြိမ် ပဲ့တင်ထပ်သွားပြီး တဖြည်းဖြည်း နီးကပ်လာသကဲ့သို့ ခံစားလိုက်ရ၏။</p> <p>သို့သော် ဤတစ်ကြိမ်တွင်မူ မည်သူကမျှ ထိုအသံကို အရေးမစိုက်တော့ချေ။</p> <p>မီးလျှံငှက် အင်မော်တယ်ဂိုဏ်း မှ လူများ၏ မျက်နှာများမှာ ပိုမို စိတ်အား ထက်သန်လာကြပြီး၊ သူတို့ ဖွဲ့စည်းထားသော မီးလျှံငှက် နတ်ဘုရား ပုံရိပ်ကြီးမှာလည်း နီရဲသော နံနက်ခင်း အလင်းရောင်အောက်တွင် ပိုမို အံ့မခန်း ဖြစ်လာတော့သည်။</p> <p>သို့သော် ကျင့်ကြံသူ စစ်တပ် နှစ်ခု ပေါင်းစည်းထားသော အင်အားကို သူတို့ မည်သို့မျှ မယှဉ်နိုင်ချေ။ တိုက်ခိုက်မှုများကလည်း အလွန်တရာ စနစ်ကျလွန်းလှ၏။ မီးလျှံငှက် ၏ နတ်ဘုရား ပုံရိပ်ကြီးမှာ အဆက်မပြတ် ခုတ်ပိုင်းခံရပြီး အပိုင်းပိုင်း အစစ ပြတ်တောက်သွားကာ၊ ၎င်း၏ အတွင်းပိုင်းရှိ... ကျင့်ကြံသူ များမှာ မီးတောက်များထဲတွင် အသက်ပျောက်သွားကြတော့၏။</p> <p>...</p> <p>ကောင်းကင်ယံ အထက်တွင် နီရဲသော နံနက်ခင်း အလင်းရောင်များက ပိုမို တောက်ပလာပြီး ဤနေရာ တစ်ဝိုက်ကို လွှမ်းခြုံထားရုံသာမက ခပ်လှမ်းလှမ်းအထိပင် ပျံ့နှံ့သွားလေသည်။</p> <p>ဟင်းလင်းပြင်ထဲတွင် လေပြင်း တစ်ချက် ရုတ်တရက် တိုက်ခတ်လာ၏။ လူတိုင်းက ပူလောင် အိုက်စပ်သော အပူလှိုင်း တစ်ခု ရိုက်ခတ်လာသကဲ့သို့ ခံစားလိုက်ရကာ၊ သူတို့၏ ခန္ဓာကိုယ်များရော စိတ်ဝိညာဉ်များပါ နွမ်းနယ်သွားသလို ဖြစ်သွားကြသည်။</p> <p>သူတို့ ဖြန့်ကျက်ထားသော ဝိညာဉ်အာရုံ ထဲတွင် အရှေ့မြောက် အရပ်မှနေ၍ အလင်းတန်း တစ်ခု ပစ်ထွက်လာသည်ကို အာရုံခံမိလိုက်ကြ၏။</p> <p>၎င်း၏ အမြန်နှုန်းမှာ လျှပ်စီးထက်ပင် မြန်ဆန်လှ၏။ ယခုလေးတင် လီတစ်ရာ အကွာအဝေးတွင် ရှိနေခဲ့ရာမှ မျက်တောင်တစ်ခတ် အတွင်း အနီးသို့ ရောက်ရှိလာလေပြီ။</p> <p>အနီးသို့ ရောက်ရှိလာသောအခါ ထိုအလင်းတန်းထဲတွင် ပုံရိပ်တစ်ခု ပါဝင်နေကြောင်း တွေ့လိုက်ရသည်။ အဆုံးအစမဲ့သော မီးတောက်များထဲတွင် လွှမ်းခြုံထားသကဲ့သို့ အနည်းငယ် ဝေဝါးနေသော ပုံရိပ်ယောင် တစ်ခု။ လီထောင်ပေါင်းများစွာ အကွာအဝေးမှနေ၍ တဟုန်ထိုး ပြေးဝင်လာခြင်း ဖြစ်၏။</p> <p>"နယ်မြေအရှင်သခင်"</p> <p>"အရှင်သခင် ချီရွှင်"</p> <p>မီးလျှံငှက် အင်မော်တယ်ဂိုဏ်း မှ လူများ အားလုံးက ပြိုင်တူ  အော်ဟစ် လိုက်ကြ၏။</p> <p>ထိုအခါမှသာ တောင်နှင့် ပင်လယ် ကမ္ဘာ မှ ကျင့်ကြံသူ များသည် ဤလူ၏ နာမည်မှာ ချီရွှင် ဖြစ်ကြောင်း သိရှိလိုက်ကြရသည်။</p> <p>ချီရွှင် သည် အရှေ့မြောက် အရပ်မှ ပြန်လည် ရောက်ရှိလာ၏။ သူ ပထမဆုံး ဖြတ်သန်းသွားသော နေရာမှာ အဖွဲ့ သုံးဖွဲ့ အကြိတ်အနယ် တိုက်ခိုက်နေကြသော စစ်မြေပြင် မဟုတ်ဘဲ နင်ချီ နေရာယူထားသော ကြီးမားသည့် ဆုံမှတ် ပင် ဖြစ်၏။</p> <p>ဤအခိုက်အတန့်တွင် နင်ချီ က ဤ ဆုံမှတ် ကို သိမ်းပိုက်ထားသော်ငြားလည်း၊ ချီရွှင် က သူ့ကို တစ်ချက်လေးမျှပင် လှည့်မကြည့်ချေ။ သူ၏ ပုံရိပ်ယောင်က ဟင်းလင်းပြင်ကို ဖြတ်သန်းကာ မီးလျှံငှက် အင်မော်တယ်ဂိုဏ်း မှ လူများထံသို့သာ တန်းတန်းမတ်မတ် ပြေးဝင်သွားလေသည်။</p> <p>မီးလျှံငှက် အင်မော်တယ်ဂိုဏ်း ထက် မည်သူမှ ပို၍ အရေးမကြီးပေ။ ဤအချက်က ချီရွှင် အနေဖြင့် နင်ချီ က သူ့ကို ခြိမ်းခြောက်နိုင်လိမ့်မည်ဟု လုံးဝ မထင်မှတ်ထားကြောင်း အထင်အရှား ပြသနေ၏။</p> <p>မီးလျှံငှက် အင်မော်တယ်ဂိုဏ်း မှ လူများကို ကယ်တင်ပြီးနောက်တွင်၊ နင်ချီ ထံမှ ဤ ကြီးမားသော ဆုံမှတ် ၏ ထိန်းချုပ်မှုကို သူ အချိန်မရွေး ပြန်လည် သိမ်းယူနိုင်သည် မဟုတ်ပါလော။</p> <p>သူက နင်ချီ ၏ အနီးမှ.. ဖြတ်ပျံသွားတော့မည့် အချိန်မှာပင် တည်ငြိမ်ပြီး အေးစက်လှသော အသံတစ်ခုကို ကြားလိုက်ရလေသည်။</p> <p>"မင်းကို.. ဒီကနေ ဖြတ်သွားဖို့.. ဘယ်သူက ခွင့်ပြုထားလို့လဲ"</p> <p>ချီရွှင် က သူ့ကို လုံးဝ အဖက်မလုပ်ချင်ပေ။ သူ၏ အမြင်တွင် ဤလူကို နောက်မှ ရှင်းလင်းလည်း နောက်ကျမည် မဟုတ်ဟု တွေးထား၏။</p> <p>သို့သော် သူ၏ တဟုန်ထိုး ပြေးဝင်နေသော အရှိန်မှာ ရုတ်တရက် တုံ့ခနဲ ရပ်လိုက်သည်။</p> <p>ဧရာမ လက်ဝါး တစ်ခုက သူ၏ ဝတ်ရုံ လည်ပင်းစကို အနောက်မှ လှမ်းဆွဲထားသကဲ့သို့ ဖြစ်သွားပြီး ရှေ့သို့ တစ်လက်မမျှပင် ဆက်မတိုးနိုင်တော့ချေ။</p> <p> </p> <p> </p> <p> </p> <p style="text-align: center;">***</p>


Save