Book List

<h2 style="text-align: center;">အခန်း (၇၅‌၂)</h2> <h2 style="text-align: center;">စစ်မြေပြင်နယ်မြေ၏ အရှင်သခင် (၅)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~ချီရွှင် ၏ မျက်နှာ ကွက်ခနဲ ပျက် သွား၏။ သူ၏  လက်များကို အနောက်သို့ ဝှေ့ယမ်းလိုက်ရာ နေမင်းကြီးအလား အစွမ်းထက်လှသော ကြောက်မက်ဖွယ် မီးတောက် စွမ်းအင်များ ပေါက်ကွဲထွက်လာတော့သည်။ ဟင်းလင်းပြင် ကိုပင် အရည်ပျော်ကျသွားစေကာ၊ သူ့ကို ဖမ်းဆွဲထားသူကိုပါ အရည်ပျော်သွားစေရန် ရည်ရွယ်လိုက်၏။</p> <p>သို့သော် သူသည် အလွန်တရာ မာနထောင်လွှားလွန်းပြီး အလွန်တရာ လောကြီးလွန်းနေခဲ့လေပြီ။</p> <p>လူတစ်ယောက်က သူ့ကို ဖမ်းဆွဲထားနိုင်သည်မှာ တိုက်ဆိုင်မှု တစ်ခု လုံးဝ မဟုတ်ဘဲ သေချာပေါက် ဖြစ်လာမည့် ကိစ္စတစ်ခုသာ ဖြစ်၏။</p> <p>ဟင်းလင်းပြင် ကိုပင် အရည်ပျော်ကျသွားစေနိုင်လောက်အောင် အစွမ်းထက်လှသော မီးတောက် စွမ်းအင်များက နင်ချီ ကို ဝင်ရောက် ရိုက်ခတ်သွားသော်ငြားလည်း နင်ချီ က အနည်းငယ်မျှပင် တုန်လှုပ်သွားခြင်း မရှိချေ။</p> <p>သူသည် အဖြူရောင် ဝတ်ရုံကို ဆင်မြန်းထားပြီး နူးညံ့သော အလင်းတန်းများကို ဖြာထွက်နေကာ ထိုမီးတောက် စွမ်းအင်များ အားလုံးကို အပြည့်အဝ စုပ်ယူပစ်လိုက်လေသည်။</p> <p>"ဒီကို ပြန်လာခဲ့စမ်း"</p> <p>နင်ချီ က ချီရွှင် ၏ ဧရာမ အရောင်ငါးမျိုး လက်ဝါးကြီး ကို ဖမ်းဆွဲကာ အားကုန် ဆောင့်ဆွဲလိုက်တော့၏။</p> <p>ရုတ်တရက် ကြီးမား ကျယ်ဝန်းသော ဝတ်ရုံကြီးကို ဆင်မြန်းထားသည့် ချီရွှင် မှာ မြစ်ကမ်းဘေးတွင် အဝတ်လျှော်နေသူ တစ်ယောက်က အဝတ်ကို ပြောင်းပြန်လှန်၍ ဖွပ်လိုက်သကဲ့သို့ လေထဲတွင် လွင့်စင်သွားတော့သည်။</p> <p>သူက အနောက်သို့ တိုက်ရိုက် ဆွဲခေါ်ခံလိုက်ရပြီး၊ ဟင်းလင်းပြင် နံရံကြီးနှင့် အတင်းအကျပ် ဆောင့်အကန်ခံလိုက်ရသည့်အလား အလွန်တရာ အရှက်ကွဲဖွယ် ကောင်းလှသော အနေအထားဖြင့် ပြုတ်ကျသွားလေ၏။</p> <p>“ဝုန်း…”</p> <p>တိုက်ပွဲထဲတွင် ပါဝင်နေကြသော ကျင့်ကြံသူ အဖွဲ့ သုံးဖွဲ့စလုံး ဤမြင်ကွင်းကို ကြည့်ရင်း အလွန်တရာ အံ့အားသင့် မှင်သက်သွားကြတော့သည်။</p> <p>ချီခယ်ချင်း နှင့် ဖူယောင် နယ်မြေ မှ ကျင့်ကြံသူ များမှာ ပါးစပ် အဟောင်းသား ဖြစ်သွားကြပြီး သူတို့၏ မေးစေ့များပင် မြေကြီးပေါ်သို့ ပြုတ်ကျတော့မတတ် ဖြစ်သွားကြရ၏။</p> <p>နက်ရှိုင်းသော သစ္စာတရား နယ်မြေ မှ လူများမှာမူ နင်ချီ အပေါ် အလွန်တရာ ယုံကြည်မှု ရှိပြီးသား ဖြစ်သဖြင့် အနည်းငယ် တည်ငြိမ်နိုင်ကြပါသေးသည်။</p> <p>သို့သော် ချီရွှင် ၏ ထွက်ပေါ်လာမှုက သူတို့၏ စိတ်ထဲတွင် စိုးရိမ်ပူပန်မှု အချို့ကိုတော့ ထပ်တိုးသွားစေခဲ့လေ၏။</p> <p>မည်သို့ပင်ဆိုစေ သူ ပေါ်ထွက်လာစဉ်က ဖြစ်ပေါ်ခဲ့သော အခြေအနေများမှာ အလွန်တရာ ကြောက်မက်ဖွယ် ကောင်းလွန်းလှ၏။ အထူးသဖြင့် သူသည် ကျယ်ပြန့်သော ကမ္ဘာ ၏ လင်းချင်း နယ်မြေ မှ နယ်မြေအရှင်သခင် ဖြစ်နေသည် မဟုတ်ပါလော။ နင်ချီ မှာမူ ချီရွှင် ကဲ့သို့သော ကြောက်မက်ဖွယ် စွမ်းအားမျိုးကို ယခင်က တစ်ခါမှ ထုတ်ဖော် ပြသခဲ့ဖူးခြင်း မရှိချေ။</p> <p>ထို့ကြောင့် သူတို့၏ မသိစိတ်ထဲတွင် ချီရွှင် ၏ ခွန်အားသည် သူတို့၏ နယ်မြေအရှင်သခင် ဖြစ်သော နင်ချီ ထက် များစွာ သာလွန်နေလိမ့်မည်ဟု ခန့်မှန်းထားခဲ့မိကြသည်။</p> <p>ကျန်ရစ်နေသော မီးလျှံငှက် အင်မော်တယ်ဂိုဏ်း မှ လူများမှာမူ၊ နယ်မြေအရှင်သခင် ပြန်လည် ရောက်ရှိလာသဖြင့် အားဆေး တစ်ခွက် သောက်လိုက်ရသည့်အလား အလွန်တရာ စိတ်လှုပ်ရှား တက်ကြွနေခဲ့ကြသော်ငြားလည်း၊ ယခုအခါတွင်မူ ရေခဲရိုက်ခံလိုက်ရသည့်အလား လုံးဝ အေးခဲသွားကြပြီး ငြိမ်သက်သွားကြတော့၏။</p> <p> နယ်မြေအရှင်သခင် သာ ပြန်ရောက်လာမည် ဆိုပါက ဤနေရာရှိ တောင်နှင့် ပင်လယ် ကမ္ဘာ မှ ကျင့်ကြံသူ အားလုံးကို မျက်တောင်တစ်ခတ် အတွင်း မျိုးတုံး သတ်ဖြတ်နိုင်လိမ့်မည်ဟု ယုံကြည်ထားခဲ့ကြလေသည်။</p> <p>နယ်မြေအရှင်သခင် တစ်ပါး၏ စွမ်းအားမှာ မည်မျှ ကြောက်မက်ဖွယ် ကောင်းကြောင်းကို သူတို့ ကောင်းကောင်း သိထားကြသည် မဟုတ်ပါလော။</p> <p>သို့သော်၊ ယခုတော့...</p> <p>သူတို့၏ တစ်ခုတည်းသော မျှော်လင့်ချက်၊ အစွမ်းအထက်ဆုံး နယ်မြေအရှင်သခင် ကြီးမှာ တစ်ဖက်ရှိ အေးစက်စက် ကောင်လေး၏ အနောက်သို့ ဆွဲခေါ်ခံလိုက်ရပြီး၊ လမ်းဘေး လူမိုက် တစ်ယောက်အလား ပခုံးပေါ်မှ ကျော်၍ အလွယ်တကူ လွှဲပေါက်ခံလိုက်ရ၏။</p> <p>ဤမြင်ကွင်းကို ကြည့်ရင်း မီးလျှံငှက် အင်မော်တယ်ဂိုဏ်း မှ လူများ မည်မျှအထိ ရင်ကွဲမတတ် ဖြစ်သွားကြမည်ကို အထူးတလည် ပြောနေစရာပင် မလိုတော့ချေ။</p> <p>တိုက်ပွဲက ဆက်လက် ဖြစ်ပွားနေသရွေ့... သူတို့လည်း ဆက်လက် ရင်ဆိုင်ရမည်သာ ဖြစ်၏။</p> <p>ချီခယ်ချင်း နှင့် ဓားဘိုးဘေးကြီး တို့သည် နင်ချီ က ချီရွှင် ကို တားဆီးနိုင်လိုက်သည်ကို မြင်သောအခါ သက်ပြင်းချကာ စိတ်အေးသွားကြတော့သည်။</p> <p>'ငါတို့ မီးလျှံငှက် အင်မော်တယ်ဂိုဏ်း ကို အရင် မျိုးတုံး သတ်ပစ်ဖို့ ဆုံးဖြတ်လိုက်ကြတာပေါ့'</p> <p>ချီရွှင် ကိုတော့ နင်ချီ ကိုပဲ တာဝန်ယူ ဖြေရှင်းခိုင်းလိုက်တော့မည်။</p> <p>သူတို့က မီးလျှံငှက် အင်မော်တယ်ဂိုဏ်း မှ လူများကို ဆက်လက် တိုက်ခိုက်နေ၏။ တစ်ချိန်တည်းမှာပင်၊ နင်ချီ တို့ဘက်ရှိ တိုက်ပွဲ အခြေအနေကို စောင့်ကြည့်နိုင်ရန် သူတို့၏ ဝိညာဉ်အာရုံများကို ဖြန့်ကျက်ထားလိုက်ကြ၏။</p> <p>တစ်ချိန်တည်းမှာပင် သူတို့၏ ခေါင်းထဲ၌ အတွေးတစ်ခု ရုတ်တရက် ပေါ်လာတော့သည်။</p> <p>နင်ချီ သည် ယခင်က ဆုံမှတ် ရှိ ကျင့်ကြံသူ များကို တိုက်ခိုက်ခဲ့ပြီးနောက်၊ သူ၏ လူများကို ဖူယောင် နယ်မြေ မှ လူများအား သွားရောက် ကူညီရန် စေလွှတ်လိုက်ပြီး၊ သူ တစ်ယောက်တည်း ထိုနေရာတွင် ကျန်ရစ်ခဲ့သည် မဟုတ်ပါလော။</p> <p>ဒါဆို... သူက အစကတည်းက တစ်ဖက် ရန်သူ့ နယ်မြေအရှင်သခင် ပေါ်လာမည့် အချိန်ကို စောင့်နေခဲ့တာများလား။</p> <p>...</p> <p>နင်ချီ က သူ၏ အရောင်ငါးမျိုး လက်ဝါးကြီး ဖြင့် ချီရွှင် ကို နောက်တစ်ကြိမ် လှမ်းဆွဲလိုက်ပြန်သည်။ ချီရွှင် မှာ အလွန်တရာ ဒေါသထွက်သွားပြီး သူ၏ ခန္ဓာကိုယ်မှ ပြင်းထန်သော စွမ်းအားတစ်ခု သိပ်သည်းလာကာ၊ နင်ချီ ၏ အရောင်ငါးမျိုး လက်ဝါးကြီး ကို ရုတ်တရက် ဖြတ်တောက်ချလိုက်လေ၏။</p> <p>သူက နင်ချီ ကို စိမ်းစိမ်းကြည့်ကာ ပြောလိုက်သည်။</p> <p>"မင်းက ဘယ်သူလဲ"</p> <p>နင်ချီ က တည်ကြည်လေးနက် စွာ ပြန်ဖြေလိုက်၏။</p> <p>"နက်ရှိုင်းသော သစ္စာတရား နယ်မြေ ရဲ့ နယ်မြေအရှင်သခင် ... နင်ချီ"</p> <p> "..."</p> <p>ထိုစကားကို ကြားလိုက်ရသောအခါ ချီရွှင် ၏ ရင်တွင်း၌ အနည်းငယ် တုန်လှုပ်သွားသော်လည်း တစ်ဖက်တွင်လည်း အနည်းငယ် သက်သာရာ ရသွားသလို ခံစားလိုက်ရ၏။</p> <p>နင်ချီ က သူ့ကို တားဆီးနိုင်ခဲ့တာ မဆန်းတော့ပါဘူး... သူကလည်း နယ်မြေအရှင်သခင် တစ်ပါး ဖြစ်နေတာကိုး။</p> <p>အကယ်၍ အမည်မသိ အညတရ ကျင့်ကြံသူ တစ်ယောက်၏ အလွယ်တကူ တားဆီးခြင်းကို ခံလိုက်ရမည် ဆိုပါက၊ သူ ..ချီရွှင် ၏ ဂုဏ်သိက္ခာမှာ ဘယ်နား သွားထားရမည်နည်း။</p> <p>ချီရွှင် က နင်ချီ ထံမှ ထွက်ပေါ်နေသော စွမ်းအားများကို အသေအချာ အာရုံခံကြည့်လိုက်ရာ သူ၏ ရင်တွင်း၌ သံသယ အချို့ ပေါ်ပေါက်လာတော့သည်။</p> <p>‘ဘာလို့ နင်ချီ မှာ လီထောင်ပေါင်းများစွာ အထိ ဖြာထွက်နိုင်စွမ်းရှိတဲ့ နယ်မြေစွမ်းအားမျိုး မရှိရတာလဲ။’</p> <p>နင်ချီ၏ နယ်မြေစွမ်းအားမှာ အလွန်တရာ အားနည်းလွန်းလှပြီး၊ လီထောင်ပေါင်းများစွာ အထိ ဖြာထွက်ရန် မဆိုထားနှင့် ၊ သူ့ခန္ဓာကိုယ် ပတ်လည်ကိုပင် ကောင်းစွာ မလွှမ်းခြုံနိုင်ချေ။</p> <p>‘ဒါမှမဟုတ် နင်ချီ က နယ်မြေစွမ်းအား အနည်းငယ်ကို အသုံးပြုရုံနဲ့ အကြီးစား တိုက်ခိုက်မှုတွေကို လွယ်လွယ်ကူကူ ထိန်းချုပ် ခြယ်လှယ်နိုင်တဲ့ အဆင့်အထိ ရောက်နေပြီလား။’</p> <p>ချီရွှင် ၏ ခေါင်းထဲတွင် အတွေးများ ချာချာလည်နေသော်လည်း၊ သူ၏ အကြီးမားဆုံး ဆန္ဒမှာ မီးလျှံငှက် အင်မော်တယ်ဂိုဏ်း မှ လူများကို ကယ်တင်ရန်သာ ဖြစ်၏။</p> <p>ရုတ်တရက် ချီရွှင် ၏ ပုံရိပ် ဝေဝါးသွားပြီး နေရာတွင် ပုံရိပ် ငါးခု ထွက်ပေါ်လာ၏။</p> <p>ပုံရိပ် လေးခုက နင်ချီ ကို ရှောင်ကွင်းသွားပြီး အကြိတ်အနယ် တိုက်ခိုက်နေကြသော ကျင့်ကြံသူ အဖွဲ့ သုံးဖွဲ့ဆီသို့ ထောင့်ပေါင်းစုံမှ ဝင်ရောက် တိုက်ခိုက်လိုက်ကာ၊ ကျန်ရစ်သော ပုံရိပ် တစ်ခုက နင်ချီ ကို တိုက်ခိုက်လိုက်လေသည်။</p> <p>သို့သော် မထင်မှတ်ထားလောက်အောင်ပင် နင်ချီ က သူ၏ အတွေးများကို ကြိုတင် သိရှိနေပုံ ရလေ၏။ နင်ချီ ၏ ပတ်လည်တွင်လည်း ပုံရိပ် အနည်းငယ် ထွက်ပေါ်လာပြီး ချီရွှင် ၏ ကိုယ်ပွား လေးခုဆီသို့ တဟုန်ထိုး ပြေးဝင်ကာ ကြားဖြတ် တိုက်ခိုက်လိုက်ကြတော့သည်။</p> <p>ချီရွှင် ကို အလွန်တရာ စိတ်ပျက်သွားစေသည်မှာ၊ နင်ချီ ၏ ခန္ဓာကိုယ်မှ ထွက်ပေါ်လာသော ပုံရိပ်များမှာ နင်ချီ ၏ ကိုယ်ပွားများ မဟုတ်ဘဲ အလွန်တရာ အစွမ်းထက်လှသော နတ်ဘုရား သားရဲကြီး များ ဖြစ်နေခြင်းပင်။</p> <p>ဆွမ်းနီ၊ ပိရှီး၊ ယားဇီ ၊ ပါရှား... [ တရုတ် ဒဏ္ဍာရီလာ နဂါး၏ သားကိုးကောင် အနက်မှ လေးကောင်]</p> <p>နတ်ဘုရား သားရဲကြီး တစ်ကောင်စီတိုင်းသည် လူ့ပြည်သို့ ဆင်းသက်လာသော အစစ်အမှန် သတ္တဝါကြီးများအလား ဖြစ်နေပြီး၊ သူတို့၏ ခန္ဓာကိုယ်များမှ ထွက်ပေါ်နေသော အရှိန်အဝါမှာ အေးစက်စက် နေတတ်သော နင်ချီ ထက်ပင် များစွာ ပို၍ ကြောက်မက်ဖွယ် ကောင်းနေသေးသည်။</p> <p>နတ်ဘုရား သားရဲကြီး များသည် သူတို့၏ အားပြင်းသည့် မူလအစ တိုက်ခိုက်မှုများကို ထုတ်လွှတ်လိုက်ကြပြီး၊ ချီရွှင် ၏ ကိုယ်ပွား များနှင့် ချက်ချင်းပင် အကြိတ်အနယ် တိုက်ခိုက်ကြတော့၏။</p> <p>မကြာမီမှာပင် သူတို့သည် ကိုယ့်အသက်ကိုကိုယ် ပဓာန မထားတော့ဘဲ အသေအလဲ တိုက်ခိုက်ကြရာ၊ နောက်ဆုံးတွင် ချီရွှင် ၏ ကိုယ်ပွား လေးခုစလုံးနှင့်အတူ တိုက်ပွဲထဲတွင် ပြိုင်တူ အသက်ပျောက်သွားကြလေတော့သည်။</p> <p>ထို့ကြောင့် ယခုအခါ တိုက်ပွဲမြေပြင်တွင် နင်ချီ နှင့် ချီရွှင် တို့ နှစ်ဦး၏ အစစ်အမှန် ခန္ဓာကိုယ်များသာ ကျန်ရစ်ခဲ့တော့၏။</p> <p> </p> <p> </p> <p> </p> <p style="text-align: center;">***</p>


Save