Book List

<h2 style="text-align: center;">အခန်း (၇၅၃)</h2> <h2 style="text-align: center;">ပေါင်းစည်းခြင်း နယ်ပယ် အထွတ်အထိပ် အဆင့်သို့ တက်လှမ်းခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~နင်ချီ နှင့် ချီရွှင် တို့သည် ဟင်းလင်းပြင်ထဲတွင် တစ်ယောက်နှင့်တစ်ယောက် မျက်နှာချင်းဆိုင် ရပ်တန့်နေကြလေသည်။</p> <p>သူတို့ နှစ်ဦးသည် အဖြူရောင်နှင့် အနီရောင် ဝတ်ရုံများကို အသီးသီး ဆင်မြန်းထားကြပြီး၊ သူတို့၏ ခန္ဓာကိုယ်များမှ စူးရှသော အလင်းတန်းများ ကိုယ်စီ ဖြာထွက်နေ၏။</p> <p>အလင်းတန်း နှစ်ခုက လေထဲတွင် အကြိတ်အနယ် ထိတိုက်နေကြပြီး၊ တစ်ခုကို တစ်ခု လုံးဝ လက်မြှောက် အရှုံးမပေးလိုကြချေ။</p> <p>ချီရွှင် ပေါ်ထွက်လာသည့် အခိုက်အတန့်ကတည်းက၊ သူ၏ ကိုယ်မှ ထွက်ပေါ်နေသော ချီစွမ်းအင် အားလှိုင်းများကို နင်ချီက တိတ်တဆိတ် အာရုံခံ အကဲခတ်နေခဲ့သည်။</p> <p>ချီရွှင် ၏ အစစ်အမှန် ကျင့်ကြံခြင်း အဆင့်အတန်းမှာ မီးလျှံငှက် အင်မော်တယ်ဂိုဏ်း ရှိ ထိုအထွတ်အထိပ် ဘိုးဘေးကြီး များနှင့် တစ်ပြေးညီတည်းပင် ဖြစ်ချေ၏။</p> <p>သို့သော်လည်း သူသည် လင်းချင်း နယ်မြေ ၏ နယ်မြေအရှင်သခင် ဟူသော ဂုဏ်ပုဒ်ကို ပိုင်ဆိုင်ထားပြီး၊ ကျယ်ပြန့်သော ကမ္ဘာ ၏ ကမ္ဘာ့စွမ်းအားများဖြင့် အားဖြည့်ပေးခံထားရသဖြင့်၊ မီးလျှံငှက် အင်မော်တယ်ဂိုဏ်း မှ အခြားမည်သူနှင့်မျှ နှိုင်းယှဉ်၍ မရနိုင်လောက်အောင် ပြိုင်ဘက်ကင်း အစွမ်းထက်နေခြင်း ဖြစ်၏။</p> <p>နင်ချီ သည် လင်းချင်း နယ်မြေအရှင်သခင် နှင့် ပတ်သက်သော သတင်းအချက်အလက်များကို ယခင်က သူ ဖမ်းဆီးခဲ့သော သုံ့ပန်းများထံမှ ကြိုတင် ရရှိထားခဲ့ပြီး ဖြစ်သည်။</p> <p>ကျယ်ပြန့်သော ကမ္ဘာ ၏ နယ်မြေအရှင်သခင် ဆိုသည်မှာ တောင်နှင့် ပင်လယ် ကမ္ဘာ မှ နယ်မြေအရှင်သခင် များနှင့် လုံးဝ မတူညီချေ။ ထိုကမ္ဘာရှိ နယ်မြေအသီးသီး၏ အရှင်သခင်များကို ကျယ်ပြန့်သော အင်မော်တယ်ဂိုဏ်း က တိုက်ရိုက် ခန့်အပ် တာဝန်ပေးခြင်း ဖြစ်၏။</p> <p>ထို့အပြင် ၎င်းကို သားစဉ်မြေးဆက် အမွေဆက်ခံခွင့် ရှိပြီး၊ ကျင့်ကြံခြင်း အဆင့်အတန်းနှင့် ရာခိုင်နှုန်းပြည့် ဆက်စပ်မနေပေ။</p> <p>လင်းချင်း နယ်မြေ ၏ အင်အားအကြီးဆုံး ဂိုဏ်းကြီး အနေဖြင့်၊ မီးလျှံငှက် အင်မော်တယ်ဂိုဏ်း တစ်ခုတည်းမှာပင် ပေါင်းစည်းခြင်း နယ်ပယ် ကျင့်ကြံသူများ မရေမတွက်နိုင်အောင် ရှိနေလေသည်။</p> <p>အကယ်၍ ကျင့်ကြံခြင်း အဆင့်အတန်းကိုသာ တိုင်းတာရမည် ဆိုပါက... ချီရွှင် သည် နယ်မြေအရှင်သခင် တစ်ပါး ဖြစ်လာရန် လုံးဝ အရည်အချင်း ပြည့်မီသူ မဟုတ်ကြောင်း ထင်ရှားလှ၏။</p> <p>သို့သော် ကျယ်ပြန့်သော ကမ္ဘာ ၏ ဤသို့သော အာဏာခွဲဝေမှု စနစ်ကလည်း ၎င်း၏ ကိုယ်ပိုင် အားသာချက်များ ရှိနေပြန်သည်။</p> <p>ကမ္ဘာကြီး နှစ်ခု ချိတ်ဆက်မိသွားပြီးနောက်၊ ယခု လက်ရှိ စစ်မြေပြင်နယ်မြေ အတွင်းသို့ အမြင့်ဆုံး ဝင်ရောက်ခွင့် ရှိသူများမှာ ပေါင်းစည်းခြင်း နယ်ပယ် ကျင့်ကြံသူများသာ ဖြစ်၏။</p> <p>ထို့ကြောင့်ပင် ချီရွှင် ကဲ့သို့သော လူများက ဤနေရာတွင် အလွန်တရာ အသုံးဝင်နေခြင်း ဖြစ်သည်။</p> <p>သူသည် ယခု လက်ရှိ စစ်မြေပြင်နယ်မြေ ထဲသို့ ဝင်ရောက်နိုင်စွမ်း ရှိပြီး၊ သူ၏ ကျင့်ကြံခြင်း အကန့်အသတ်မှာ ပေါင်းစည်းခြင်း နယ်ပယ် တွင်သာ ရှိနေသော်ငြားလည်း၊ နယ်မြေအရှင်သခင် တစ်ပါး ဖြစ်နေသည့်အတွက် ဤ စစ်မြေပြင်နယ်မြေ အတွင်းရှိ ကျင့်ကြံသူများ အကြားတွင် ပြိုင်ဘက်ကင်း တစ်ဦး ဖြစ်နေမည်မှာ သေချာလှ၏။</p> <p>သို့သော် နင်ချီ ထွက်ပေါ်လာမှုက ဤအခြေအနေ အားလုံးကို ဖျက်ဆီးပစ်လိုက်လေပြီ။</p> <p>ဤ စစ်မြေပြင်နယ်မြေ အတွင်း၌ နင်ချီ ကဲ့သို့သော နားလည်ရခက်သည့် သတ္တဝါဆန်း တစ်ကောင်နှင့် လာတွေ့လိမ့်မည်ဟု ချီရွှင် တစ်ယောက် အိပ်မက်ထဲတွင်ပင် မတွက်ဆထားခဲ့ချေ။</p> <p>နင်ချီ ၏ တားဆီးမှုကို ခံလိုက်ရပြီးနောက်၊ ချီရွှင် သည်လည်း နင်ချီ ကို စတင် လေ့လာ အကဲခတ်လိုက်သည်။</p> <p>နင်ချီ က သူ့ကိုယ်သူ နက်ရှိုင်းသော သစ္စာတရား နယ်မြေ ၏ နယ်မြေအရှင်သခင် ဟု ပြောလိုက်သည်ကို ကြားသောအခါ၊ ချီရွှင် က နင်ချီ၏ ကျင့်ကြံခြင်း အဆင့်အတန်းကို တစ်ချက် စစ်ဆေးလိုက်၏။.. ထိုကောင်လေးမှာ ပေါင်းစည်းခြင်း နယ်ပယ် အောက်တွင်သာ ရှိနေသေးပြီး၊ အထွတ်အထိပ် အဆင့် သို့ပင် မရောက်သေးကြောင်း သတိပြုမိသွားတော့သည်။</p> <p>ချီရွှင်မှာ သူ့ထက်ပင် နောက်ခံအင်အား ပိုမို ကြီးမားသော သူတစ်ယောက်နှင့်များ လာဆုံနေရသလား။</p> <p>သူ… ကြိတ်၍ တွေးတောသွားမိလေ၏။</p> <p>ချီရွှင် ဤသို့ တွေးမိသည်မှာလည်း မဆန်းပေ။ မည်သို့ပင် ဆိုစေ သူ ကိုယ်တိုင်သည်ပင် ပေါင်းစည်းခြင်း နယ်ပယ် အထွတ်အထိပ် အဆင့် သို့ ရောက်ရှိပြီးမှသာ နယ်မြေအရှင်သခင် နေရာကို အမွေဆက်ခံနိုင်ခဲ့ခြင်း မဟုတ်ပါလော။</p> <p>ဝိညာဉ်နယ်မြေ များသည် အလွန် ကျယ်ပြောလှပြီး၊ ယေဘုယျအားဖြင့် ဆိုရလျှင် နယ်မြေအရှင်သခင် အဖြစ် တာဝန်ယူနိုင်သူများသည် ထိုနယ်မြေအတွင်း အစွမ်းအထက်ဆုံး ပုဂ္ဂိုလ်များ ဖြစ်ရမည်၊ သို့မဟုတ်ပါက သူ့ကဲ့သို့ ဘိုးဘေးများ၏ အကာအကွယ်ကို ရရှိထားသူများသာ ဖြစ်ရပေမည်။</p> <p>နင်ချီ မှာ ပေါင်းစည်းခြင်း နယ်ပယ် အထွတ်အထိပ် အဆင့် သို့ပင် မရောက်သေးသဖြင့် ပထမအချက်နှင့် လုံးဝ မကိုက်ညီရာ၊ ချီရွှင် က နင်ချီ ကို သူ့ကဲ့သို့ပင် ဘိုးဘေးများ၏ ကောင်းချီးပေးမှုကို ရရှိထားသော နောက်ခံတောင့်သည့် သူတစ်ဦးဟု သဘာဝကျကျပင် ကင်ပွန်းတပ်လိုက်တော့သည်။</p> <p>နင်ချီ ၏ နယ်မြေအရှင်သခင် ရာထူးမှာ နက်ရှိုင်းသော သစ္စာတရား နယ်မြေ တစ်ခုလုံးကို ကိုယ်တိုင် သွေးစွန်းသော ကြိုးပမ်းအားထုတ်မှုများ၊ စနစ်တကျ အကွက်ချ စီမံခန့်ခွဲမှုများဖြင့် ရယူထားခဲ့ခြင်း ဖြစ်ကြောင်းကို ထိုငကြောင်လေး လုံးဝ မသိရှိခဲ့ချေ။</p> <p>ချီရွှင် ကို အလွန်တရာ တွေဝေသွားစေသည့် တစ်ခုတည်းသော အချက်မှာ နင်ချီ ၏ နယ်မြေအရှင်သခင် စွမ်းအားများသည် လီထောင်ပေါင်းများစွာ အထိ တောက်ပ ဖြာထွက်နေသော သူ၏ စွမ်းအားများနှင့် မတူဘဲ အလွန်တရာ မှေးမှိန် အားနည်းနေခြင်းပင် ဖြစ်၏။</p> <p>ထို့အပြင် ယခုလေးတင် သူ ဖန်တီးခဲ့သော ကိုယ်ပွား အားလုံးမှာလည်း နင်ချီ ၏ လက်ချက်ဖြင့် မျိုးတုံး ပျက်စီးသွားခဲ့ရလေပြီ။</p> <p>ချီရွှင် က နင်ချီ ကို ကျော်လွန်ကာ မီးလျှံငှက် အင်မော်တယ်ဂိုဏ်း မှ လူများကို အရိပ်အခြေ အကဲခတ်လိုက်ရာ၊ အခြားသော စစ်တပ်ကြီး နှစ်ခုက သူတို့ကို ဆက်လက် ဝန်းရံ တိုက်ခိုက်နေဆဲ ဖြစ်ကြောင်း တွေ့လိုက်ရသည်။</p> <p>သူသည် နယ်မြေအရှင်သခင် တစ်ပါးအနေဖြင့် ရောက်ရှိလာသည်နှင့် တစ်ပြိုင်နက်၊ ကျယ်ပြန့်သော ကမ္ဘာ ၏ ကမ္ဘာ့စွမ်းအားများကို အသုံးပြုကာ တိုက်ပွဲမြေပြင် တစ်ခုလုံးကို ဖိနှိပ် ချုပ်ချယ်ထားခဲ့ပြီး ဖြစ်၏။</p> <p>ထိုစွမ်းအားများကြောင့် တောင်နှင့် ပင်လယ် ကမ္ဘာ မှ ကျင့်ကြံသူများ၏ ခွန်အားမှာ သုံးပုံတစ်ပုံခန့် လျော့ကျသွားခဲ့ရပြီး၊ မီးလျှံငှက် အင်မော်တယ်ဂိုဏ်း မှ ကျင့်ကြံသူများ၏ ခွန်အားမှာမူ သုံးပုံတစ်ပုံခန့် တိုးတက်လာကာ သူတို့၏ ယုံကြည်မှုများလည်း တဟုန်ထိုး မြင့်တက်လာခဲ့လေသည်။</p> <p>သို့ဖြစ်သော်ငြားလည်း၊ တစ်ဖက် ရန်သူ ကျင့်ကြံသူများ၏ အရေအတွက်မှာ ကျန်ရစ်နေသော မီးလျှံငှက် အင်မော်တယ်ဂိုဏ်း မှ လူများထက် အပြတ်အသတ် သာလွန် များပြားနေဆဲပင်။</p> <p>ပို၍ ဆိုးသည်မှာ... နယ်မြေအရှင်သခင် ဖြစ်သော သူသည် လူတိုင်း၏ အသည်းအသန် ဆင့်ခေါ်မှုကြောင့် ပြန်လည် ရောက်ရှိလာခဲ့ခြင်းသာ။ အခြေအနေကို ချက်ချင်း ပြောင်းပြန်လှန်ကာ လူတိုင်းကို သေဘေးမှ ကယ်တင်ရမည် ဖြစ်သော်လည်း၊ ယခုအခါ နင်ချီ ၏ တားဆီးပိတ်ဆို့ခြင်းကို ခံထားရလေပြီ။</p> <p>ယခုလို အလှည့်အပြောင်းက မီးလျှံငှက် အင်မော်တယ်ဂိုဏ်း မှ လူများ ယခုလေးတင်မှ ပြန်လည် ရရှိထားသော ယုံကြည်မှုများကို နောက်တစ်ကြိမ် ရိုက်ချိုး ဖျက်ဆီးပစ်လိုက်သည်မှာ သဘာဝပင် ဖြစ်ချေ၏။</p> <p>ဤအတိုင်းသာ ဆက်သွားနေမည် ဆိုပါက သိပ်မကြာခင်မှာပင် သူတို့အားလုံးအား တောင်နှင့် ပင်လယ် ကမ္ဘာ မှ ကျင့်ကြံသူများက လုံးလုံးလျားလျား မျိုးတုံး သတ်ဖြတ်တော့မည် ဖြစ်ကြောင်း ထင်ရှားလှ၏။</p> <p>ချီရွှင် မှာ အလွန်တရာ စိုးရိမ် ပူပန်လာတော့၏။ အကယ်၍ သူ၏ ဦးဆောင်မှုအောက်တွင် လင်းချင်း နယ်မြေ တစ်ခုလုံးမှ လူတစ်ယောက်မျှပင် အသက်ရှင် မကျန်ရစ်ခဲ့ဘူး ဆိုပါက... နယ်မြေအရှင်သခင် တစ်ပါး ဖြစ်သော သူသည် မည်သည့် မျက်နှာဖြင့် အိမ်ပြန်ရဲတော့မည်နည်း။</p> <p>သို့သော် သူသည် နယ်မြေအရှင်သခင် တစ်ပါး ဖြစ်ပြီး နယ်မြေတစ်ခုလုံး၏ စွမ်းအားကို ဆုပ်ကိုင်ထားနိုင်သူ ဖြစ်လင့်ကစား၊ ဤနေရာမှာ ကျယ်ပြန့်သော ကမ္ဘာ မဟုတ်ဘဲ စစ်မြေပြင်နယ်မြေ ဖြစ်နေသည် မဟုတ်ပါလော။</p> <p>ဤအထဲတွင် စွမ်းအင် သုံးမျိုးက ဖရိုဖရဲ ရောနှောနေပြီး၊ ချီရွှင် အနေဖြင့် ကျယ်ပြန့်သော ကမ္ဘာ ၏ စွမ်းအင် သုံးပုံတစ်ပုံကိုသာ ငှားရမ်း အသုံးပြုနိုင်စွမ်း ရှိလေသည်။</p> <p>ထို့အပြင် သူသည် စစ်မြေပြင်နယ်မြေ ၏ ဖိနှိပ် ချုပ်ချယ်မှုကိုလည်း ခံနေရသေးသည်။ သူက ဤနေရာရှိ စွမ်းအားများကို အသုံးပြုလိုက်တိုင်း၊ အခြားသော စွမ်းအင် နှစ်မျိုး၏ အပြန်အလှန် ဖိနှိပ်မှုကို ခံရမြဲ ဖြစ်ပေ၏။</p> <p>ထို့ကြောင့်ပင် ချီရွှင် သည် ကျယ်ပြန့်သော ကမ္ဘာ တွင် ပြုလုပ်နိုင်သကဲ့သို့ ဤ စစ်မြေပြင်နယ်မြေ အတွင်းရှိ တောင်နှင့် ပင်လယ် ကမ္ဘာ မှ ကျင့်ကြံသူ အားလုံးကို အဝေးမှနေ၍ လက်တစ်ဖျစ်စာအတွင်း မျိုးတုံး သတ်ဖြတ်ပစ်ရန် လုံးဝ မဖြစ်နိုင်တော့ချေ။</p> <p>[ ကမ္ဘာနှစ်ခု ချိတ်ဆက်ချိန်တွင် ဖြစ်ပေါ်လာသော စစ်မြေပြင်နယ်မြေ၌ အမြင့်ဆုံး ဝင်ရောက်ခွင့်ကို ပေါင်းစည်းခြင်း နယ်ပယ်အထိသာ ကန့်သတ်ထားသည်။ ချီရွှင်က နယ်မြေအရှင်သခင် ဖြစ်သော်လည်း သူ၏ မူလစွမ်းအားမှာ ပေါင်းစည်းခြင်း နယ်ပယ်တွင်သာ ရှိသဖြင့် ဝင်ခွင့်ရခြင်း ဖြစ်သည်။ သို့သော် သူ၏ နယ်မြေစွမ်းအားများကို အပြည့်အဝ အသုံးချခွင့်တော့ မရရှိပေ။]</p> <p> </p> <p> </p> <p> </p> <p style="text-align: center;">***</p>


Save