Book List

<h2 style="text-align: center;">အခန်း (၇၅၆)</h2> <h2 style="text-align: center;">ပေါင်းစည်းခြင်း နယ်ပယ် အထွတ်အထိပ် အဆင့်သို့ တက်လှမ်းခြင်း (၄)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~ပေါင်းစည်းခြင်း နယ်ပယ် သို့ ရောက်ရှိပြီးနောက်၊ ခန္ဓာကိုယ် သန့်စင်ခြင်း စည်းမျဉ်း နှင့်အတူ နင်ချီ သည် ဤနည်းစနစ်ကို ရုပ်ခန္ဓာ နတ်ဘုရား စွမ်းရည် အဖြစ် အသွင်ပြောင်းထားခဲ့ပြီး အချိန်မရွေး အသုံးပြုရန် အသင့်ပြင်ထားခဲ့လေသည်။</p> <p>လေနှင့် မိုးကြိုးများ ဟိန်းဟောက် မြည်ဟည်းသွားပြီး ဤလောကတွင် အမြန်ဆုံးသော အရှိန်အဟုန်သို့ ရောက်ရှိသွားတော့၏။</p> <p>လေနှင့် မိုးကြိုးများအလား မြန်ဆန်လှသော နင်ချီ၏ အတောင်ပံများက သူ၏ ကျောဘက်တွင် ဖြန့်ကျက်သွားရာ၊ လူအုပ်ကြီး အနေဖြင့် သူ့ကို လုံးဝ မမြင်နိုင်လုမတတ် ဖြစ်သွားတော့သည်။</p> <p>ဟင်းလင်းပြင်၏ နေရာအနှံ့အပြားသို့ ချီရွှင် က အဆက်မပြတ် တိုက်ခိုက်နေသည်ကိုသာ သူတို့ မြင်တွေ့နေရလေသည်။ သူ တိုက်ခိုက်လိုက်တိုင်း ဟင်းလင်းပြင် ထဲတွင် မီးတောက်များ ဟုန်းခနဲ ပေါက်ကွဲ တောက်လောင်သွားတော့၏။</p> <p>ချီရွှင် ၏ ပတ်လည်တွင် ခရမ်းရောင်နှင့် အပြာရောင် အလင်းတန်းများ တလက်လက် တောက်ပနေပြီး သူ၏ ရွေ့လျားမှုများမှာ အလွန်တရာ မြန်ဆန်လွန်းလှသဖြင့် တစ်လက်မခန့်သာ ရှိသော တာအို အလင်းစက်လေး များအလား ထင်မှတ်ရသည်။</p> <p>မီးတောက်များ အားလုံးမှာ ခရမ်းနှင့် အပြာရောင် အလင်းစက်များ၏ ရိုက်ချိုး ဖျက်ဆီးခြင်းကို ခံလိုက်ရပြီးနောက် ချီရွှင် မှာ ရုတ်တရက် ခါးကော့သွားကာ ဆက်လက် တိုက်ခိုက်နိုင်စွမ်း မရှိတော့ချေ။</p> <p>သူ၏ ခန္ဓာကိုယ်မှာ နင်ချီ၏ တိုက်ခိုက်မှုကြောင့် ပေအနည်းငယ်ခန့် လွင့်စဉ်သွားပြီး၊ သူ သတိမဝင်လာခင်မှာပင် နင်ချီ၏ နောက်ထပ် တိုက်ခိုက်မှုများက ထပ်မံ ရောက်ရှိလာပြန်၏။</p> <p>တစ်ခဏမျှ လူတိုင်းက ချီရွှင် တစ်ယောက် ဟင်းလင်းပြင် ထဲတွင် သဲအိတ် တစ်အိတ်အလား ဟိုဟိုဒီဒီ လွှဲပေါက် ကန်ကျောက်ခံနေရသည်ကိုသာ မြင်တွေ့နေရတော့သည်။</p> <p>"ကျစ်... သောက်ကျိုးနည်း"</p> <p>ချီရွှင် က ဒေါသတကြီး လွှတ်ခနဲ အော်ဟစ်လိုက်၏။</p> <p>ဟင်းလင်းပြင် အတွင်း၌ ကျယ်ပြန့်သော ကမ္ဘာ ၏ စွမ်းအင်များ ပိုမို စုစည်းလာပြီး သူ၏ ခန္ဓာကိုယ်ထဲသို့ တဟုန်ထိုး စီးဝင်သွားတော့သည်။</p> <p>ကမ္ဘာ့စွမ်းအားများဖြင့် အပြည့်အဝ ဖွဲ့စည်းထားသော အကာအကွယ်လွှာတစ်ခုက သူ၏ ပတ်လည်တွင် ထွက်ပေါ်လာ၏။ နောက်ဆုံးတွင်တော့ နင်ချီ၏ တိုက်ခိုက်မှုများကို ကာကွယ် တားဆီးနိုင်ခဲ့ကာ လေထဲတွင် အလွန် ခက်ခဲ ပင်ပန်းစွာဖြင့် ရပ်တန့်နိုင်ခဲ့လေသည်။</p> <p>လူတိုင်းက.. နောက်တစ်ကြိမ် အကြည့်ပို့လွှတ်လိုက်သောအခါ၊ ချီရွှင် ၏ မီးတောက်များပမာ နီရဲတောက်ပနေသော ဝတ်ရုံကြီးမှာ ယခုအခါ စုတ်ပြတ်သတ်နေပြီး သူ၏ ခန္ဓာကိုယ်ကို ဖုံးကွယ်ထားရန်ပင် မလုံလောက်တော့ချေ။</p> <p>ကံကောင်း၍၊ ချီရွှင်က ကမ္ဘာ့စွမ်းအားတွေကို ပိုပြီး ဆွဲယူ အသုံးပြုနိုင်ခဲ့၍ပင်။ သို့မဟုတ်ပါက နင်ချီသာ ဆက်လက် တိုက်ခိုက်နေမည် ဆိုလျှင် သူသည် လုံးဝ အဝတ်ဗလာဖြင့် လေထဲတွင် အရှက်ကွဲရတော့မည်မှာ သေချာလှ၏။</p> <p>ချီရွှင် က သူ၏ ကိုယ်တွင်း စွမ်းအားများဖြင့် တာအို ဝတ်ရုံ ကို မျက်စိတစ်မှိတ် အတွင်း ပြန်လည် ပြုပြင်လိုက်ပြီးနောက် နင်ချီ ကို အကြည့်ပို့လွှတ်လိုက်သည်။</p> <p>နင်ချီ၏ လေနှင့် မိုးကြိုး အတောင်ပံ များ လုံးဝ ရုပ်သိမ်းသွားပြီး၊ နေရာရွှေ့ပြောင်းလာသည့်အလား ချီရွှင် ဖန်တီးထားသော အကာအကွယ်လွှာကို လက်သီးတစ်လုံး တအား ထိုးသွင်းလိုက်လေ၏။</p> <p>ချီရွှင် က အေးစက်စက် လှောင်ရယ်လိုက်သည်။</p> <p>သူ၏ အကာအကွယ်လွှာမှာ ကမ္ဘာ့စွမ်းအားများဖြင့် အပြည့်အဝ ဖွဲ့စည်းထားခြင်း ဖြစ်ရာ အလွန်တရာ ထူထဲ ခိုင်မာလှပြီး တိုက်ခိုက်မှု စွမ်းအားများကို ပြန့်ကျဲသွားစေနိုင်စွမ်း ရှိ၏။ နင်ချီ အနေဖြင့် ၎င်းကို ချိုးဖျက်ရန် ဘယ်လိုလုပ် လွယ်ကူနိုင်ပါမည်နည်း။</p> <p>အကယ်၍ နင်ချီသာ အမှန်တကယ် အစွမ်းထက်နေမည် ဆိုပါက... ချီရွှင် အနေဖြင့် ဤ အကာအကွယ်လွှာကို မည်သို့လုပ်၍ ထိန်းသိမ်းထားနိုင်မည်နည်း။ ယခင်က နင်ချီ၏ တိုက်ခိုက်မှုများကို သူ ဘယ်လိုလုပ်ပြီး ကာကွယ်နိုင်ခဲ့မည်နည်း။</p> <p>သူ ထင်ထားသည့် အတိုင်းပင်၊ နင်ချီ၏ လက်သီးချက်က အကာအကွယ်လွှာကို ဝင်ရောက် ရိုက်ခတ်သွားသောအခါ အကာအကွယ်လွှာမှာ တုန်ခါသွား၏။ အပြင်ဘက်သို့ အားလှိုင်းများ ထွက်ပေါ်လာသော်ငြားလည်း၊ နောက်ဆုံးတွင်တော့ အကာအကွယ်လွှာကို မချိုးဖျက်နိုင်ခဲ့ချေ။</p> <p>နင်ချီ၏ လက်သီးက အကာအကွယ်လွှာပေါ်တွင် ရပ်တန့်နေပြီး နောက်ထပ် တိုက်ခိုက်မည့် အရိပ်အယောင် မပြတော့ချေ။</p> <p>ချီရွှင် က စကားတစ်ခွန်း ပြောရန် ပြင်လိုက်စဉ်မှာပင်၊ သူ၏ အကြည့်က နင်ချီ၏ လက်သီးဆီသို့ ရုတ်တရက် ရောက်ရှိသွားတော့သည်။</p> <p>နင်ချီ၏ လက်သီး မျက်နှာပြင်ပေါ်တွင် မှေးမှိန်သော အရာ တစ်ခု။ ၎င်းမှာ အလုံးပုံသဏ္ဌာန် ရှိသော အရာ တစ်ခု ဖြစ်ပုံ ရလေသည်။</p> <p>"ဒုက္ခပဲ"</p> <p>ချီရွှင် ၏ မျက်လုံးများ ပြူးကျယ်သွားတော့၏။</p> <p> သူသည် နင်ချီ နှင့် တိုက်ခိုက်ခဲ့သည်မှာ အချိန်တိုလေးသာ ရှိသေးသော်ငြားလည်း၊ နင်ချီ၏ လှုပ်ရှားမှုတိုင်းတွင် ပိုမို နက်နဲသော အဓိပ္ပာယ်များ ရှိနေကြောင်းကို သူ ရိပ်မိထားပြီး ဖြစ်လေသည်။</p> <p>နင်ချီ၏ လက်ထဲရှိ ထို အလုံးပုံသဏ္ဌာန် အရာသည် သေချာပေါက် ကောင်းသော အရာ တစ်ခု မဟုတ်နိုင်ချေ။</p> <p>နင်ချီ၏ နှုတ်ခမ်းထောင့်များ အနည်းငယ် ကွေးညွှတ်သွားပြီး သူ၏ ခေါင်းပေါ်ရှိ ကြယ်ရောင်စုံ ကောင်းကင်ယံကို လျင်မြန်စွာ အကြည့်ပို့လွှတ်လိုက်၏။</p> <p>ကြယ်အလင်းတန်းများက သူ့အပေါ်သို့ ဖြာကျနေပြီး သဘာဝကျကျပင် သူ့အပေါ်သို့လည်း ကျရောက်နေလေသည်။</p> <p>"တောင်နဲ့ ပင်လယ် ကမ္ဘာ ရဲ့ ကမ္ဘာ့အရှင်သခင်... ခင်ဗျားက ကျွန်တော့်ကို ကမ္ဘာ့စွမ်းအားတွေ ငှားမပေးသေးဘူးလား။ အကယ်လို့ ခင်ဗျား မငှားပေးဘူး ဆိုရင်တော့ ကျွန်တော်က ကျွန်တော့်ရဲ့ စစ်တပ် နှစ်ခုလုံးကို ဦးဆောင်ပြီး ဒီ အကြီးစား ဆုံမှတ် ကြီးကို စွန့်လွှတ်လိုက်ရတော့မှာပဲ"</p> <p> </p> <p> </p> <p> </p> <p style="text-align: center;">***</p>


Save