Book List

<h2 style="text-align: center;">အခန်း (၇၆၁)</h2> <h2 style="text-align: center;">ပြိုင်ဘက်ကင်းခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~နင်ချီအပေါ် ထားရှိသော သူတို့၏ လေးစား ချစ်ခင်မှုများမှာ မိုးထိအောင် ထိုးတက်သွားတော့သည်။</p> <p>ချီခယ်ချင်းကိုယ်တိုင်လည်း အလွန်တရာ အံ့အားသင့်သွားရ၏။</p> <p> နင်ချီ ဤသို့ လုပ်ဆောင်လိမ့်မည်ဟု လုံးဝ ထင်မှတ်မထားခဲ့မိသည်ကိုး။</p> <p>ကွဲပြားခြားနားသော ဝိညာဉ်နယ်မြေများမှ ကျင့်ကြံသူများသည် ဤစစ်မြေပြင်နယ်မြေသို့ ရောက်ရှိလာကြသည့်အခါ တစ်ဦးကို တစ်ဦး လှည့်ပတ်မတိုက်ခိုက်ကြလျှင်ပင် အံ့ဖွယ်တစ်ပါးဟု မှတ်ယူရမည်။</p> <p> ထိုသို့သော အခြေအနေတွင် မိမိပါးစပ်ထဲ ရောက်နေသည့် အဆီတစ်တုံးကို ပြန်ထုတ်ပေးဖို့ဆိုသည်မှာ မည်မျှပင် ခက်ခဲလိုက်ပါမည်နည်း။</p> <p>သူတို့သည် မီးလျှံငှက် အင်မော်တယ်ဂိုဏ်းနှင့် တိုက်ပွဲတွင် ပါဝင်ခဲ့ကြသည်မှာ အမှန်ပင်ဖြစ်သော်လည်း၊ ရှေ့တွင် ဖော်ပြခဲ့သည့်အတိုင်း နင်ချီက သူတို့အား သေဘေးမှ ကယ်တင်ပေးခဲ့ခြင်းသာ ဖြစ်၏။</p> <p>ချီခယ်ချင်းက ချက်ချင်းပင် တုံ့ပြန်လိုက်လေသည်။</p> <p>"အရှင်သခင် နင်... ဒါတွေကို ကျွန်မ လုံးဝ လက်မခံနိုင်ပါဘူး။ ဒါက ကျွန်မ တစ်ယောက်တည်းရဲ့ သဘောထားတင် မဟုတ်ဘဲ ဖူယောင် နယ်မြေက လူတိုင်းလည်း လက်ခံကြမှာ မဟုတ်ဘူးလို့ ကျွန်မ ယုံကြည်ပါတယ် ရှင်"</p> <p>သူမက သူမ၏ စစ်တပ်ဘက်သို့ လှည့်ကာ မေးမြန်းလိုက်၏။</p> <p>"မင်းတို့ရော ဘယ်လို သဘောရကြလဲ"</p> <p>လူတိုင်းက ထို စည်းမျဉ်းအပိုင်းအစများကို ကြည့်ရင်း နှမြောတသသော အငွေ့အသက်များ ရှိနေကြသော်လည်း ပြိုင်တူပင် ပြန်လည် ဖြေကြားလိုက်ကြသည်။</p> <p>"စီနီယာအစ်မကြီး ချီ ပြောတာ မှန်ပါတယ်ဗျ။ ကျွန်တော်တို့က အရှင်သခင် နင် ရဲ့ ကယ်တင်မှုကို ရရှိထားပြီးသားဆိုတော့... ဒါတွေကို ဘယ်လိုမှ လက်မခံနိုင်ပါဘူး ခင်ဗျာ"</p> <p>နင်ချီက အနည်းငယ် ခေါင်းညိတ်ပြပြီး မေးလိုက်၏။</p> <p>"တကယ်ပဲ မလိုချင်ကြတာလား"</p> <p>ထိုစဉ် ချီခယ်ချင်းက ရုတ်တရက် ဆိုလိုက်လေသည်။</p> <p>"အရှင်သခင် နင် အနေနဲ့ ကျွန်မတို့ကို တကယ်ပဲ တစ်ခုခု ပေးချင်တယ်ဆိုရင်... ကျွန်မက အရှင်သခင် နင် ဆီကနေ အလဲအလှယ်တစ်ခု အနေနဲ့ တခြားအရာတစ်ခု တောင်းဆိုချင်ပါတယ် ရှင်။ အရှင်သခင် သဘောတူနိုင်မလား မသိဘူး"</p> <p>နင်ချီ၏ မျက်လုံးများ တစ်ချက် လက်သွားပြီး တစ်စုံတစ်ခုကို ရိပ်မိလိုက်သည့်အလား ပြောလိုက်၏။</p> <p>"ပြောသာ ပြောပါဗျာ"</p> <p>ချီခယ်ချင်းသည် ဤခရီးစဉ်တွင် နင်ချီ၏နောက်သို့ လိုက်လာခဲ့သည့် မူလရည်ရွယ်ချက်ကို မမေ့လျော့သေးဘဲ ဆက်ပြောလိုက်သည်။</p> <p>"အရှင်သခင် နင် ဆီမှာ ဆုံမှတ်တွေရဲ့ တည်နေရာကို ရှာဖွေနိုင်တဲ့ သံလိုက်အိမ်မြှောင် ရှိတယ် မဟုတ်လား။ အကယ်လို့ အပိုရှိတယ်ဆိုရင်... ကျွန်မတို့ ဖူယောင် နယ်မြေ အတွက် တစ်ခုလောက် ပေးလို့ ရမလား ရှင်"</p> <p>သူမ သေချာ စဉ်းစားပြီးခဲ့ပြီဖြစ်သည်။ ထို စည်းမျဉ်းအပိုင်းအစများထက် ဆုံမှတ်များကို ရှာဖွေပေးနိုင်မည့် သံလိုက်အိမ်မြှောင်ကိုသာ သူမ ပို၍ အလိုရှိ၏။</p> <p>ချီခယ်ချင်းသည် သူတစ်ပါးအပေါ်   မှီခိုနေရခြင်းထက်၊ မိမိဘာသာ ဆုံမှတ်များကို ရှာဖွေပြီး တောင်နှင့် ပင်လယ် ကမ္ဘာ့ဆန္ဒတော်၏ ဆုလာဘ်များကို ကိုယ်တိုင် ရယူလိုသူ ဖြစ်ပါသည်။</p> <p>နင်ချီက ခေတ္တမျှ တုံ့ဆိုင်းသွားပြီးနောက် ပြောလိုက်၏။</p> <p>"ကောင်းပါပြီလေ... ခင်ဗျား ဒါကို လိုချင်တယ်ဆိုရင်တော့ ကျွန်တော် ပေးနိုင်ပါတယ်"</p> <p>ချီခယ်ချင်းမှာ အလွန် ဝမ်းသာသွားပြီး</p> <p>"အရှင်သခင် နင် ကို အထူးပဲ ကျေးဇူးတင်ပါတယ် ရှင်" ဟု ပြောလိုက်ရှာသည်။</p> <p>နင်ချီက ဝိညာဉ်ကျောက်တုံး တစ်တုံးကို ချက်ချင်း ထုတ်ယူလိုက်ပြီး၊ နတ်ဘုရား စွမ်းအားများကို ထည့်သွင်းကာ မျက်စိတစ်မှိတ်အတွင်း 'ဝိညာဉ်ပျံသန်း ရှာဖွေရေး သံလိုက်အိမ်မြှောင်' တစ်ခုကို ဖန်တီးလိုက်ပြီး ချီခယ်ချင်းထံသို့ ပေးအပ်လိုက်၏။</p> <p>ချီခယ်ချင်းက ၎င်းကို ရရှိသွားသောအခါ အချိန်အတော်ကြာအောင် အသေအချာ စစ်ဆေးကြည့်နေပြီး၊ သူမ၏ မှော်စွမ်းအားများကို သွင်းနှံလိုက်သည့်အခါ သံလိုက်အိမ်မြှောင်ပေါ်ရှိ အပ်တံလေးက အရှေ့တောင်ဘက် အရပ်ဆီသို့ ချက်ချင်း ညွှန်ပြသွားသည်ကို တွေ့လိုက်ရ၏။</p> <p>သူမ၏ မျက်နှာပေါ်တွင် ပိုမို တောက်ပသော အပြုံးများ လွှမ်းခြုံသွားသော်လည်း၊ တစ်စုံတစ်ခုကို သတိရသွားသည့်အလား မေးလိုက်ပြန်သည်။</p> <p>"ဒီ ဝိညာဉ်ပျံသန်း ရှာဖွေရေး သံလိုက်အိမ်မြှောင် ကြောင့်... နောင်မှာ ကျွန်မတို့ ဖူယောင် နယ်မြေနဲ့ အရှင်သခင် နင် တို့ရဲ့ အင်အားစုတွေကြားမှာ ပဋိပက္ခတွေများ ဖြစ်လာနိုင်မလား ရှင်"</p> <p>သူမ ဆိုလိုသည့် အဓိပ္ပာယ်ကို လူတိုင်း ရှင်းလင်းစွာ သဘောပေါက်ကြလေသည်။</p> <p>အကယ်၍ နှစ်ဖက်စလုံးက ဆုံမှတ် တစ်ခုတည်းကို တစ်ပြိုင်နက်တည်း ရှာတွေ့သွားလျှင် သူမ ဘာလုပ်ရမည်နည်း။ နက်ရှိုင်းသော သစ္စာတရား နယ်မြေ စစ်တပ်ထံမှ ဝင်လုရမည်လား။</p> <p>ယခင်ကသာ နက်ရှိုင်းသော သစ္စာတရား နယ်မြေ၏ စွမ်းအားကို မသိခဲ့လျှင် သူမ ဤသို့ တွေးမိကောင်း တွေးမိနိုင်သော်လည်း၊ ယခုအချိန်တွင်မူ ထိုအတွေးကို လုံးလုံး ဖျောက်ပစ်လိုက်ပြီ ဖြစ်သည်။</p> <p>နင်ချီက ပြန်ဖြေလိုက်၏။</p> <p>"ကျွန်တော် ဖန်တီးထားတဲ့ ပစ္စည်းတွေက ပဋိပက္ခ ဖြစ်စေမှာ မဟုတ်ပါဘူး"</p> <p>ချီခယ်ချင်းက ခေါင်းညိတ်လိုက်သော်လည်း စကားပြောရန် တွန့်ဆုတ်နေပြန်သည်။</p> <p>နင်ချီက သူမ၏ အတွေးများကို တစ်ချက်တည်းဖြင့် ရိပ်မိသွားပြီး</p> <p>"စိတ်မပူပါနဲ့... ကျွန်တော် အဲဒီ သံလိုက်အိမ်မြှောင်ပေါ်မှာ ဘယ်လို ကန့်သတ်ချက်မှ ထည့်မထားပါဘူး။ ခင်ဗျားကို အသေးစား ဆုံမှတ်တွေပဲ ရှာခွင့်ပေးတာမျိုးလည်း လုံးဝ မလုပ်ပါဘူးဗျ"</p> <p>ချီခယ်ချင်းက တည်ငြိမ်စွာ ပြုံးလိုက်၏။</p> <p>"အရှင်သခင် နင် ရဲ့  ဂုဏ်သိက္ခာကို ကျွန်မ ယုံကြည်ပါတယ် ရှင်" ဟု ဆိုလိုက်လေသည်။</p> <p>နင်ချီသည် တမင် သဘောထားကြီးပြနေခြင်း မဟုတ်ပေ။ သူ ဤ စစ်မြေပြင်နယ်မြေသို့ လာရခြင်း ရည်ရွယ်ချက်မှာ တောင်နှင့် ပင်လယ် ကမ္ဘာအတွက် နယ်မြေများ ပိုမို သိမ်းပိုက်ပေးရန်နှင့် ကျယ်ပြန့်သော ကမ္ဘာကို နှိမ်နင်းရန်သက်သက် မဟုတ်ချေ။</p> <p>ယခင်က ဆုံမှတ် အမျိုးမျိုးကို သိမ်းပိုက်ခဲ့စဉ်ကလည်း သူသည် ထိုအရာများအကြောင်းကို လေ့လာနေခဲ့သည်သာ။ ဝိညာဉ်ကမ္ဘာ နှစ်ခု၏ ဆန္ဒတော်များနှင့် ပိုမို နီးကပ်အောင် ကြိုးစားနေခြင်းသာ ဖြစ်သည်။</p> <p>ယခုအခါ နင်ချီသည် အသေးစား၊ အလယ်အလတ်နှင့် အကြီးစား ဆုံမှတ် အမျိုးအစား သုံးခုစလုံးအကြောင်းကို ကောင်းစွာ သိရှိသွားခဲ့ပြီ ဖြစ်သည်။</p> <p>ထို့ကြောင့် ဆုံမှတ်များ ပိုမို သိမ်းပိုက်ရန် သို့မဟုတ် ပိုကြီးမားသော ဆုံမှတ်များကို ရှာဖွေရန် ဆိုသည့် အချက်မှာ သူ၏အတွက် အရေးမကြီးတော့ချေ။</p> <p>သို့ဖြစ်ပါက ချီခယ်ချင်း၏ သံလိုက်အိမ်မြှောင်ကို ဘာကြောင့် လှည့်ကွက် ဆင်နေပါဦးမည်နည်း။</p> <p>သို့သော် နင်ချီ မပြောပြခဲ့သော အချက်တစ်ခုတော့ ရှိနေပါသေးသည်။</p> <p>ချီခယ်ချင်းကို ပေးလိုက်သော သံလိုက်အိမ်မြှောင်မှာ အပြစ်အနာအဆာမရှိ အလုပ်လုပ်သော်လည်း၊ ၎င်းမှာ သူ ပထမဆုံး ဖန်တီးခဲ့သည့် မူလပုံစံသာ ဖြစ်ပြီး တည်နေရာကိုသာ အာရုံခံနိုင်ခြင်း ဖြစ်သည်။</p> <p>ယခု နင်ချီတွင် အချက်အလက်များ လုံလောက်စွာ ရှိနေပြီ ဖြစ်ရာ သူ၏ သံလိုက်အိမ်မြှောင်မှာ ဆုံမှတ် သုံးခုကို တစ်ပြိုင်နက်တည်း ထောက်လှမ်းနိုင်သည့်အပြင်၊ ၎င်းတို့၏ တည်နေရာ၊ အရွယ်အစားနှင့် အကွာအဝေးကိုပါ ဖော်ပြနိုင်သည့် အဆင့်မြင့်ဗားရှင်း ဖြစ်နေပြီ ဖြစ်၏။</p> <p>ချီခယ်ချင်းကို ပေးလိုက်သော သံလိုက်အိမ်မြှောင်မှာမူ မိခင်သံလိုက်အိမ်မြှောင်၏ လက်အောက်ခံ သံလိုက်အိမ်မြှောင်တစ်ခုအဖြစ် သတ်မှတ်နိုင်ပြီး၊ ချီခယ်ချင်း ရှာတွေ့သမျှ ဆုံမှတ်များ၏ တည်နေရာကို နင်ချီက အပြည့်အဝ သိရှိနိုင်မည် ဖြစ်သည်။</p> <p>ထို့ပြင် သူက ချီခယ်ချင်း၏ သံလိုက်အိမ်မြှောင်ပေါ်တွင် လုပ်ဆောင်ချက်တစ်ခု ထပ်မံ ထည့်သွင်းပေးလိုက်သေးသည်။</p> <p>"စစ်မြေပြင်နယ်မြေ ထဲမှာ အန္တရာယ်တွေက အမြဲ ပြည့်နှက်နေတာပါ။ သာမန် ဆက်သွယ်ရေး နည်းလမ်းတွေက အကွာအဝေး တစ်ခုကို ကျော်သွားရင် သုံးလို့ မရတော့ဘူးလေ။ ဒါပေမဲ့ ကျွန်တော့်ရဲ့ သံလိုက်အိမ်မြှောင်ကတော့ အလွန် ဝေးကွာတဲ့ နေရာတွေကနေတောင် ဆက်သွယ်နိုင်စေပါလိမ့်မယ်"</p> <p>"ခင်ဗျားတို့ တစ်ခုခု လိုအပ်လာရင် သံလိုက်အိမ်မြှောင်ကတစ်ဆင့် ကျွန်တော်တို့ဆီကို အချိန်မရွေး ဆက်သွယ်နိုင်ပါတယ်။ ကျွန်တော်တို့ နက်ရှိုင်းသော သစ္စာတရား နယ်မြေနဲ့ ဖူယောင် နယ်မြေက နယ်နိမိတ်ချင်း ထိစပ်နေတဲ့အပြင် အတူတကွ တိုက်ပွဲဝင်ခဲ့တဲ့ ရာဇဝင်လည်း ရှိထားပြီးသားပဲ မဟုတ်လား။ ဒီ စစ်မြေပြင်နယ်မြေ ထဲမှာ ကျွန်တော်တို့ တစ်ဦးကိုတစ်ဦး ကူညီဖေးမကြတာပေါ့ဗျာ"</p> <p>ထိုစကားကို ကြားလိုက်ရသောအခါ ချီခယ်ချင်းက နင်ချီကို အဓိပ္ပာယ်ပါပါ စူးရှစွာ အကြည့်ပို့လွှတ်လိုက်လေသည်။</p> <p>နင်ချီက အပြန်အလှန် ကူညီကြရန် ပြောဆိုခဲ့သော်လည်း၊ အမှန်တကယ်တော့ ယခုအချိန်တွင် သူတို့ အနေဖြင့် နင်ချီကို မည်သို့မျှ မကူညီနိုင်ကြောင်း သူမ ကောင်းစွာ သိထားလေသည်။ နင်ချီက သူတို့ကို အခွင့်အရေးတစ်ခု ပေးလိုက်ခြင်း ဖြစ်ပြီး၊ သူတို့ကို ကူညီရန် အမြဲ အသင့်ရှိနေကြောင်း ပြသလိုက်ခြင်းသာ ဖြစ်၏။</p> <p>ထိုအခိုက်အတန့်၌ ချီခယ်ချင်း၏ စိတ်ထဲတွင် အတွေးတစ်ခု ထပ်မံ ပေါ်လာပြန်သည်။</p> <p> 'နင်ချီနဲ့ပဲ အပြတ်အသတ် ပူးပေါင်းလိုက်ရင် မကောင်းဘူးလား...'</p> <p>သို့သော် ကျောက်စိမ်းအလင်း အင်မော်တယ်ဂိုဏ်း၏ အရှင်သခင်များကို သတိရသွားသောအခါ ထိုအတွေးကို သူမ ပြန်လည် ဖျောက်ပစ်လိုက်ရလေတော့၏။</p> <p> </p> <p> </p> <p> </p> <p style="text-align: center;">***</p>


Save