Book List

<h2 style="text-align: center;">​အပိုင်း (၆၀၂)</h2> <h2 style="text-align: center;">မက်ဆာပီ-ပြူစီတီ အဖြစ်အပျက်ကို ပြန်လည်အမှတ်ရခြင်း (၂)</h2> <h2 style="text-align: center;">*</h2> <p> </p> <p> </p> <p>​ရက်အနည်းငယ် အတွင်းမှာတင် ဘရင်ဒီစီ ကျရှုံးသွားတယ် ဆိုတာ သိလိုက်ရတော့၊ အလီမပ်စ် ဟာ ဘရင်ဒီစီ ထဲကို မျက်ကန်းတစ္ဆေမကြောက် ထွက်ပြေးခဲ့တဲ့ သူတွေနောက် မလိုက်ဘဲ မြောက်ဘက်က သူ့မွေးရပ်မြေကို ပြန်ပြေးလာခဲ့တာ ကံကောင်းတယ်လို့ ခံစားလိုက်ရတယ်။</p> <p>​နောက်ပိုင်းမှာ သူ သိလိုက်ရတာကတော့ တိုက်ပွဲ အတွင်းမှာ သီအိုနီယာ လီဂျင်တပ်မ တွေ ပိုများလာပြီး မက်ဆာပီ နဲ့ ပြူစီတီ တပ်မတော်တွေရဲ့ ဘေးနှစ်ဖက်စလုံးကနေ ပတ်ပြီး တိုက်ခိုက်ခဲ့တယ် ဆိုတာပါပဲ။ မက်ဆာပီ-ပြူစီတီ မဟာမိတ် မြင်းတပ်တွေလည်း ရှုံးနိမ့်သွားတော့ မက်ဆာပီ-ပြူစီတီ တပ်မတော်မှာ အနိုင်ရဖို့ အခွင့်အရေး လုံးဝ မရှိတော့ဘဲ ဝိုင်းရံခံရပြီးနောက် အားလုံးနီးပါး သုတ်သင်ခံလိုက်ရပါတယ်။</p> <p>​တိုက်ပွဲ အဆုံးသတ်မှာ ဘုရင် တယ်လီမန်နီ က 'သီအိုနီယာ က ဒါးဗို့စ်၊ မင်း ငါနဲ့ တိုက်ရဲလား?!' လို့ အော်ပြီး သူ့ရဲ့ အထက်တန်းစား အစောင့်တွေကို ဦးဆောင်ကာ သီအိုနီယာ တပ်မတော်ရဲ့ တော်ဝင် အလံဆီကို ချီတက်သွားတယ် ဆိုတာကိုတောင် သူ ကြားခဲ့ရတယ်။ ကံမကောင်းစွာနဲ့ပဲ အုံနဲ့ကျင်းနဲ့ ရောက်လာတဲ့ သီအိုနီယာ တပ်သားတွေက သူတို့ကို ဝိုင်းရံလိုက်ပြီး နောက်ဆုံးမှာ သူတို့ အားလုံး တိုက်ပွဲမှာ ကျဆုံးသွားခဲ့ကြတယ်။</p> <p>​ဘုရင် သေဆုံးသွားပြီ ဆိုတာ ကြားတော့ အလီမပ်စ် က သက်ပြင်းပဲ ချနိုင်တော့တယ်။ ဘာပဲဖြစ်ဖြစ် စစ်ပွဲကြီးကို ဖြတ်သန်းခဲ့ရတဲ့ ပြူစီတီ စစ်သည်တော် အားလုံး သီအိုနီယာ တွေကို ထပ်တိုက်ဖို့ သတ္တိ ရှိတော့မှာ မဟုတ်ဘူးလို့ သူ ယုံကြည်တယ်။</p> <p>​နောက်နှစ်နှစ် အတွင်းမှာတော့၊ ဘုရင်သစ် နေရာကို ဘယ်သူ ဆက်ခံမလဲ ဆိုတာနဲ့ ပတ်သက်ပြီး ပြူစီတီ က မြို့တွေနဲ့ လူမျိုးစုတွေ အချင်းချင်း သဘောထား ကွဲလွဲကာ တိုက်ပွဲတွေ အများကြီး ဖြစ်ပွားခဲ့တာကြောင့် ပြူစီတီ တွေဟာ ကြောက်ရွံ့မှု၊ စိုးရိမ်ပူပန်မှုတွေနဲ့ပဲ အသက်ရှင် နေထိုင်ခဲ့ကြရတယ်...</p> <p>​အဲဒီအချိန် အတွင်းမှာ တောင်ဘက်ကနေ တုန်လှုပ်စရာ သတင်းတွေ မကြာခဏ ထွက်ပေါ်လာတတ်တယ်။</p> <p>​"သီအိုနီယာ တွေ မန်ဒူရီးယား (Manduria) ကို သိမ်းလိုက်ပြီ..."</p> <p>​"ယူဇန်တမ် (Uzentum) သီအိုနီယာ ကို လက်နက်ချလိုက်ပြီ။"</p> <p>​"အိုထရန်တို (Otranto) ကို သိမ်းလိုက်ပြီ..."</p> <p>​"ရူဒီယေး ကျရှုံးသွားပြီ..."</p> <p>​. . . . . . . . . . . .</p> <p>​အသက် လေးဆယ် ကျော်နေပြီ ဖြစ်တဲ့ အလီမပ်စ် ဟာ သီအိုနီယာ တွေ မကြာခင် ပြူစီတီ နယ်မြေကို ခြေချလာတော့မယ် ဆိုတာ သိနေတယ်။ ဒါပေမဲ့ လက်ရှိ ပြူစီတီ မှာ ဖြစ်နေတဲ့ ဖရိုဖရဲ အခြေအနေတွေကြောင့် သီအိုနီယာ တပ်မတော်ရဲ့ ချီတက်မှုကို သူတို့ တစ်ခဏလေးတောင် တားဆီးနိုင်မှာ မဟုတ်ပါဘူး။</p> <p>​တကယ်တမ်းလည်း သီအိုနီယာ လီဂျင်တပ်မ တွေ ပြူစီတီ နယ်မြေထဲ ဝင်လာတာနဲ့၊ မက်ဆာပီ တွေထက် ပိုပြီး ရက်စက်ကြမ်းကြုတ်တယ်လို့ ကြွေးကြော်ထားတဲ့ ပြူစီတီ တွေဟာ အခြေအနေ ပိုဆိုးသွားခဲ့တယ်။ ဘလီရာ (Blera) လက်နက်ချတယ်၊ ဆေးလ်ဗီယမ် (Silvium) လက်နက်ချတယ်၊ ဘေရီယမ် (Barium) လက်နက်ချတယ်၊ ဗီနူးရှား (Venusia) လက်နက်ချတယ်၊ နောက်ဆုံးမှာတော့ အလီမပ်စ် နေထိုင်တဲ့ ကာနိုဆာ (Canosa) ကလည်း လက်နက်ချလိုက်တယ်...</p> <p>​လေးလတောင် မကြာခင်မှာပဲ သီအိုနီယာ တွေဟာ ပြူစီတီ နယ်မြေ တစ်ခုလုံးကို လုံးဝ သိမ်းပိုက်နိုင်ခဲ့တယ်။ ဒါပေမဲ့ အဲဒါက တော်သေးတယ်လို့ ပြောလို့ရတယ်၊ ပြူစီတီ တွေ အများကြီး သေဆုံးခဲ့ပြီးပြီလေ။</p> <p>​အလီမပ်စ် နဲ့ တခြား လူမျိုးစုတွေက လက်နက် အပြည့်အစုံ တပ်ဆင်ထားတဲ့ သီအိုနီယာ တပ်မတော် တပ်သားတွေ သူတို့ မြို့ရဲ့ အုပ်ချုပ်သူသစ်ကို ခေါ်ဆောင်လာတာကို ရှုပ်ထွေးတဲ့ ခံစားချက်တွေနဲ့ ကြည့်နေရုံကလွဲလို့ မရှိပါဘူး။ အဲဒီနောက် သီအိုနီယာ တွေက ကာနိုဆာ ပြည်သူတွေကို ရင်ပြင်မှာ စုဝေးစေခဲ့တယ်။</p> <p>​သူ့ကိုယ်သူ ကာနိုဆာ ရဲ့ မြို့ဝန် အဖြစ် မိတ်ဆက်ပြီးနောက်၊ အဂါစီးယပ်စ် (Agasias) က ကာနိုဆာ ပြည်သူတွေကို အရင်ဆုံး နှစ်သိမ့်ခဲ့ပါတယ်။ သူတို့က သီအိုနီယာ နိုင်ငံသားတွေ ဖြစ်နေပြီမို့ ဘယ်သူမှ သူတို့ကို ဒုက္ခမပေးရဲဘူးလို့၊ သီအိုနီယာ ဥပဒေက သူတို့ကို ကာကွယ်ပေးမယ်လို့ ပြောပြီး မကြောက်ဖို့ ပြောခဲ့ပါတယ်။</p> <p>​အဲဒီနောက် သူက သီအိုနီယာ နိုင်ငံတော်က ထုတ်ပြန်ထားတဲ့ အမိန့်စာကို စတင် ဖတ်ပြခဲ့ပါတယ်။ အဲဒီအကြောင်းအရာတွေကို အလီမပ်စ် အခုထိ မှတ်မိနေပါသေးတယ်...</p> <p>​"...ကာနိုဆာ အတွင်းက ပြူစီတီ လူမျိုးစု အားလုံးကို ဖျက်သိမ်းပြီး၊ ကာနိုဆာ ပြည်သူတိုင်း လွတ်လပ်တဲ့ လွတ်လပ်ခွင့် ရှိရမယ်။ သီအိုနီယာ အုပ်ချုပ်ရေးရဲ့ လက်အောက်မှာ ရှိပြီး နိုင်ငံတော်ရဲ့ ဥပဒေတွေကို လိုက်နာရမယ့် အပြင်၊ ခင်ဗျားတို့ကို တခြား ဘယ်အဖွဲ့အစည်း၊ ဘယ်အုပ်စုကမှ အုပ်ချုပ်ခွင့် မရှိတော့ဘူး။ ဒါ့အပြင် ခင်ဗျားတို့ ကိုယ်ပိုင် မြေတွေ ရရှိမှာ ဖြစ်ပြီး နှစ်တိုင်း အခွန် ၁ ရာခိုင်နှုန်းပဲ ပေးဆောင်ရမယ်။ စစ်မှုထမ်းတာကလွဲရင် ဘယ်သူကမှ ခင်ဗျားတို့ကို အပို အလုပ်တွေ လုပ်ဖို့ အတင်းအကျပ် ခိုင်းစေမှာ မဟုတ်ဘူး... "</p> <p>​အဲဒီအချိန်က အလီမပ်စ် လည်း တခြားသူတွေလိုပဲ သူတို့ အကြားအာရုံ မှားနေတယ်လို့ ထင်ခဲ့ကြတယ်။</p> <p>​ဒါပေမဲ့ သီအိုနီယာ တွေရဲ့ နောက်ဆက်တွဲ လုပ်ရပ်တွေက သူတို့ စကားတွေက အလကား မဟုတ်ဘူး ဆိုတာ သက်သေပြခဲ့ပြီး၊ ကာနိုဆာ မှာ ရှိတဲ့ လူမျိုးစု အားလုံးဆီ တရားဝင် စာရွက်စာတမ်းတွေ ထုတ်ပြန်ခဲ့ပါတယ်။ ပထမအချက်၊ လူမျိုးစု အားလုံး သူတို့ သိမ်းပိုက်ထားတဲ့ မြေတွေကို ပြန်လည် ခွဲဝေဖို့ မြို့တော်ခန်းမဆီ အပ်နှံရမယ်။ ဒုတိယအချက်၊ လူနည်းစု တိုင်းရင်းသား အားလုံး မြို့တော်ခန်းမက လူဦးရေ မှတ်ပုံတင်ရုံးမှာ မှတ်ပုံတင်ရမယ်။</p> <p>​ဒီစာရွက်စာတမ်းက ကာနိုဆာ လူမျိုးစုတွေကို ဘယ်လောက်တောင် တုန်လှုပ်သွားစေသလဲ ဆိုတာ အလီမပ်စ် သိပါတယ်။ သုံးရက် အတွင်းမှာတင် ကာနိုဆာ မှာ ပုန်ကန်မှုနဲ့ အဓိကရုဏ်း ခြောက်ကြိမ် ဖြစ်ပွားခဲ့ပေမယ့် အင်အားကြီးမားတဲ့ သီအိုနီယာ တပ်မတော်က အားလုံးကို အမြန်ဆုံး နှိမ်နင်းနိုင်ခဲ့ပါတယ်။ အဓိကရုဏ်းတွေကို ဦးဆောင်ခဲ့တဲ့ ခေါင်းဆောင်တွေနဲ့ မှူးမတ်တွေကို ရင်ပြင်ဆီ ခေါ်ဆောင်သွားပြီး ခေါင်းဖြတ် ကွပ်မျက်ခဲ့ပါတယ်။ ဒီလို ကွပ်မျက်မှုက ရက်အတော်ကြာ ဆက်တိုက် ဖြစ်ပွားခဲ့တာကြောင့် ခေါင်းတွေ ပြတ်ကျပြီး သွေးတွေ နေရာအနှံ့ ပေကျံနေခဲ့တယ်။</p> <p>​ဒီလို ကိစ္စမျိုးတွေ တခြား ပြူစီတီ မြို့တွေမှာလည်း ဖြစ်ပွားခဲ့ပြီး၊ ဒီလို သွေးထွက်သံယို ကွပ်မျက်မှုတွေက ပြူစီတီ တွေရဲ့ သတ္တိကို ငြိမ်းသတ်ပစ်လိုက်ပါတယ်။ (မက်ဆာပီ ကို သိမ်းပိုက်စဉ်က၊ မက်ဆာပီ လူမျိုးစုတွေရဲ့ အဆက်မပြတ် ပုန်ကန်မှုတွေနဲ့ ဖရိုဖရဲ ဖြစ်မှုတွေကြောင့် ဒါးဗို့စ် နဲ့ အထက်လွှတ်တော် ဟာ မက်ဆာပီ၊ လူကာနီးယန်း (Lucanians) နဲ့ ဘရူတီ (Bruttians) တို့ ကြားက ကွာခြားချက်ကို နားလည်သွားခဲ့ပါတယ်။ ဒါ့အပြင် သီအိုနီယာ ရဲ့ လက်ရှိ အင်အားက ဒါးဗို့စ် ကို ဌာနေ လူမျိုးစုတွေကို ဖြည်းဖြည်းချင်း ဖြိုခွဲတဲ့ နူးညံ့တဲ့ နည်းလမ်းကို လျစ်လျူရှုနိုင်လောက်အောင် ယုံကြည်မှု အပြည့်အဝ ပေးထားပါတယ်။ အဲဒီအစား၊ သူက ပြဿနာ တစ်ခု ပေါ်လာတာနဲ့ ချက်ချင်း ရှင်းလင်းပြီး ဂရိ ယဉ်ကျေးမှု လွှမ်းမိုးမှုနဲ့ အဝေးကြီးမှာ ရှိနေကာ မက်ဆာပီ တွေထက် သီအိုနီယာ ရဲ့ အုပ်ချုပ်မှုကို ပိုမို ပြင်းထန်စွာ ဆန့်ကျင်နိုင်တဲ့ ပြူစီတီ တွေကို အပြီးတိုင် ဖြေရှင်းဖို့ ဆုံးဖြတ်ခဲ့ပါတယ်။)</p> <p>​ဒါပေမဲ့ ဒါးဗို့စ် က ပြူစီတီ တွေရဲ့ ကြမ်းကြုတ်မှုကို အထင်ကြီးလွန်းသွားပုံ ရပါတယ်။ ဘာလို့လဲဆိုတော့ ပုန်ကန်မှုတွေကို နှိမ်နင်းပြီး သိပ်မကြာခင်မှာပဲ၊ အလီမပ်စ် ပါဝင်တဲ့ လူမျိုးစု ခေါင်းဆောင်တွေ အပါအဝင် ပြူစီတီ လူမျိုးစု ခေါင်းဆောင်တွေ အားလုံးက မြို့တော်ခန်းမဆီ သွားပြီး သူတို့ရဲ့ သစ္စာရှိမှုကို ပြသခဲ့ကြလို့ပါ။</p> <p>​ရက်အနည်းငယ် အကြာမှာ သီအိုနီယာ နိုင်ငံသား အဖြစ် မှတ်ပုံတင်ပြီးတဲ့ အလီမပ်စ် ရဲ့ မိသားစုကို မြေယာသစ်တွေ ပေးခဲ့ပါတယ်။ အလီမပ်စ် ဟာ သူ့ဘဝရဲ့ ပထမ တစ်ဝက်ကို လူမျိုးစုထဲမှာပဲ နေထိုင်ခဲ့တာ ဖြစ်လို့၊ သူက ဇဝေဇဝါ ဖြစ်ပြီး နည်းနည်းလည်း စိတ်လှုပ်ရှားနေခဲ့တယ်။ သူ အားထားခဲ့ရတဲ့ လူမျိုးစု ရုတ်တရက် ပျောက်ကွယ်သွားလို့ ကြောက်ရွံ့ပြီး အကူအညီမဲ့သလို ခံစားရလို့ ဇဝေဇဝါ ဖြစ်ရတာပါ။ သူ့ကို ကန့်သတ်မယ့် လူမျိုးစု မရှိတော့လို့ လွတ်လပ်သွားပြီလို့ ခံစားရလို့ စိတ်လှုပ်ရှားရတာပါ။</p> <p>​အရင်က သူဟာ လူမျိုးစု စစ်သည်တော် တစ်ယောက် ဖြစ်လို့ မြေယာ ရှိခဲ့ပေမယ့်၊ အခု ရလာတဲ့ မြေပေါ်မှာတော့ နှစ်တိုင်း အခွန် နည်းနည်းလေးပဲ ပေးရမှာ ဖြစ်ပြီး နောက်သုံးနှစ်ကတော့ အခွန်လွတ်ခွင့် ရပါတယ်။</p> <p>​သုံးနှစ် အခွန်လွတ်ခွင့် ဥပဒေက အသစ် သိမ်းပိုက်ထားတဲ့ နယ်မြေက ပြူစီတီ တွေရဲ့ မကျေနပ်မှုတွေကို သိသိသာသာ လျော့ကျသွားစေခဲ့ပါတယ်။</p> <p>​နှစ်နှစ် အကြာမှာတော့ ကာနိုဆာ မြို့ဟာ သီအိုနီယာ ရဲ့ အုပ်ချုပ်မှုအောက်မှာ သိသိသာသာ ပြောင်းလဲသွားခဲ့ပြီး၊ မြို့ထဲမှာ လိုင်ကေရွန် (Lycaon) ဘုရားကျောင်း တစ်ခုပဲ ကျန်ပါတော့တယ်။ နှစ်တိုင်း လာရောက် ကိုးကွယ်သူတွေ အများကြီး ရှိနေသေးပေမယ့်၊ ဂရိ နိုင်ငံက မြေအောက်ကမ္ဘာရဲ့ ဘုရင်ကို ယုံကြည်သူတွေ ပိုများလာတာနဲ့အမျှ တဖြည်းဖြည်း လျော့နည်းလာပါတယ်။ ဒါ့အပြင် သူ့ဘုရားကျောင်းက လိုင်ကေရွန် ဘုရားကျောင်းနဲ့ သိပ်မဝေးပါဘူး။ ဟေးဒီးစ် ဘုရားကျောင်းက ပြည်သူတွေကို အခမဲ့ ကုသပေးပြီး လိုအပ်နေတဲ့ ယုံကြည်သူတွေကို ကူညီပေးတာကြောင့်၊ လိုင်ကေရွန် ဘုန်းတော်ကြီးချုပ်ထက် သူတို့က ပိုပြီး ချဉ်းကပ်ရ လွယ်ကူပါတယ်။</p> <p>​ကာနိုဆာ လူငယ်တွေကတော့ သီအိုနီယာ တွေ တီထွင်ခဲ့တဲ့ ဘောလုံးနဲ့ ရက်ဘီ ပြိုင်ပွဲတွေကို အရမ်း သဘောကျသွားကြတယ်။ လယ်မလုပ်ရတဲ့ အချိန်တွေမှာ သူတို့က မြို့တွင်းရော မြို့ပြင်မှာပါ ရှိတဲ့ ကွင်းပြင်တွေမှာ မနက်ကနေ ညအထိ ကစားလေ့ ရှိကြတယ်။ ဒါ့အပြင် ဒီကစားနည်းတွေကို ပိုကောင်းကောင်း ကစားနိုင်ဖို့ ဂရိ စကားကိုလည်း တက်တက်ကြွကြွ သင်ယူကြပါတယ်။ ဘာလို့လဲဆိုတော့ သူတို့ရဲ့ နည်းပြတွေက တာရန်တို ပင်လယ်ကွေ့ တစ်ဖက်ကမ်းက သီအိုနီယာ တွေ ဖြစ်နေလို့ပါ။</p> <p>​ဒီသီအိုနီယာ တွေကတော့ မက်ဆာပီ နဲ့ ပြူစီတီ တွေကို သိမ်းပိုက်ရာမှာ ပါဝင်ခဲ့ပြီး၊ အထက်လွှတ်တော်ဆီကနေ ကာနိုဆာ မှာ မြေတစ်ကွက် ရရှိကာ အဲဒီမှာ အခြေချ နေထိုင်နေတဲ့ လီဂျင် တပ်သားသစ်တွေပါ။ အစပိုင်းမှာ ပြူစီတီ တွေက သူတို့ကို ငြင်းပယ်တာ၊ ဆန့်ကျင်တာတွေ လုပ်ခဲ့ပြီး အငြင်းပွားမှုတွေ၊ ပဋိပက္ခတွေတောင် ရှိခဲ့ပါတယ်။ ဒါပေမဲ့ အီတလီ တောင်ပိုင်းမှာ ခေတ်စားနေတဲ့ ဘောလုံး ပြိုင်ပွဲတွေ၊ အဲဒီနောက်မှာ စစ်ရေး လေ့ကျင့်မှုတွေကြောင့် သူတို့ တဖြည်းဖြည်း ပွင့်လင်းလာပြီး သီအိုနီယာ တွေကို လက်ခံလာကြပါတယ်။</p> <p>​မြို့တော်ခန်းမရဲ့ မဖြစ်မနေ အမိန့်အရ ပြူစီတီ လူငယ်တွေဟာ စစ်ရေး လေ့ကျင့်မှုတွေမှာ ပါဝင်ရပြီး၊ သူတို့ကို တက်ဖို့၊ လိမ့်ဖို့နဲ့ တိုက်ခိုက်ဖို့ သင်ပေးတာက အခုမှ ရောက်လာတဲ့ ဒီသီအိုနီယာ တပ်သားတွေပါ။ ခုနစ်ရက် တစ်ကြိမ် လေ့ကျင့်ရတာက သူတို့ရဲ့ ချစ်ကြည်ရင်းနှီးမှုကို တိုးတက်စေခဲ့ပါတယ်။</p> <p>​အလီမပ်စ် အတွက်တော့ သူ့ကို အဆွဲဆောင်နိုင်ဆုံးက သီအိုနီယာ အစားအစာတွေပါ။ ပြီးခဲ့တဲ့ နှစ်နှစ် အတွင်း အလီမပ်စ် ဟာ အိုဖန်တို မြစ် တစ်လျှောက်က သူ့လယ်ကွင်းမှာ အထွက်နှုန်း ကောင်းကောင်း ရခဲ့တယ်။ သူ အခွန်ပေးစရာ မလိုတော့လို့၊ သူတို့ သုံးဖို့ လုံလောက်အောင် ချန်ထားပြီး ကျန်တဲ့ ကောက်ပဲသီးနှံတွေကို မြို့ထဲက ဈေးမှာ သွားရောင်းလေ့ ရှိတယ်။ တစ်ချိန်တည်းမှာပဲ နှစ်တိုင်း သူ မွေးမြူထားတဲ့ ကျွဲနွား တချို့ကိုလည်း မြို့ထဲက ဈေးကောင်းရတဲ့ ချီရီစတိုယာ (Cheiristoya) စားသောက်ဆိုင်ကို သွားရောင်းလေ့ ရှိတယ်။</p> <p>​သူ့မှာ ငွေကြေး ပေါများလာတော့၊ သူ့ရဲ့ အရင်က ရဲဘော်ရဲဘက်တွေက အလီမပ်စ် ကို ချီရီစတိုယာ စားသောက်ဆိုင်ကို မကြာခဏ ခေါ်ပြီး တွေ့ဆုံပွဲလေးတွေ လုပ်လေ့ ရှိတယ်။ အဲဒီမှာ သူတို့က ဘီယာ အေးအေးလေးတွေ သောက်၊ အရသာရှိတဲ့ အစားအသောက်တွေ စားရင်း၊ အတိတ်က တိုက်ပွဲတွေရဲ့ ပျော်ရွှင်မှုတွေကို ပြန်ပြောကြသလို၊ ဒီနေ့ သူတို့ကို ပျော်ရွှင်စေခဲ့တဲ့ အပြောင်းအလဲတွေကိုလည်း ညည်းညူတတ်ကြတယ်။ တကယ်တော့ သူတို့ ရင်ထဲမှာ ဒီနေ့ခေတ် သက်တောင့်သက်သာ ရှိတဲ့ ဘဝက လွန်ခဲ့တဲ့ နှစ်နှစ်ကထက် အများကြီး ပိုကောင်းတယ် ဆိုတာကို ဝန်ခံထားပြီးသားပါ။</p> <p>​သူတို့ အရက်သောက်ရင်း၊ သီအိုနီယာ ကို ညည်းညူရင်း၊ သူတို့ရဲ့ အနာဂတ် ဘဝကို မျှော်လင့်နေကြချိန်မှာပဲ၊ တိတ်ဆိတ်နေတဲ့ ကာနိုဆာ မြို့လေးကို တုန်လှုပ်သွားစေတဲ့ သတင်း တစ်ခု ထွက်ပေါ်လာပါတယ်။ 'သီအိုနီယာ က ဒေါနီ တွေကို စစ်ကြေညာလိုက်ပြီ!'</p> <p>​ပြူစီတီ တွေဟာ ဒေါနီ တွေနဲ့ ဆယ်စုနှစ်များစွာ ရန်သူ ဖြစ်ခဲ့တာကြောင့် သူတို့ကို တိုက်ရမှာကို ဝမ်းသာကြပေမယ့်၊ နှစ်နှစ်တာ ငြိမ်းချမ်းရေးကို ဖြတ်သန်းခဲ့ရတဲ့ အလီမပ်စ် ဟာ တခြား အသက်ကြီးတဲ့ ပြူစီတီ တွေလိုပဲ စစ်ပွဲကြောင့် တိုက်ပွဲပေါင်းများစွာ ဖြတ်သန်းခဲ့ရလို့ လူဦးရေ လျော့ကျနေပြီ ဖြစ်တဲ့ ပြူစီတီ တွေရဲ့ သွေးတွေ ထပ်ပြီး မြေကျရဦးမယ်လို့ စိုးရိမ်နေမိတယ်။</p> <p>​ဒါပေမဲ့ တကယ်တမ်းကျတော့ သူတို့ တွေးလွန်သွားတာပါ။</p> <p>​အင်အားကြီးမားတဲ့ သီအိုနီယာ တပ်မတော်ကြီး တောင်ဘက်ကနေ ချီတက်လာပြီး ကာနိုဆာ မြို့နဲ့ မလှမ်းမကမ်းမှာ ကြီးမားတဲ့ ခံတပ်ကြီး တစ်ခု တည်ဆောက်လိုက်တဲ့ အခါ၊ ပြူစီတီ တွေဟာ နောက်လာမယ့် စစ်ပွဲနဲ့ ဘာမှ မဆိုင်ဘူး ဆိုတာ အလီမပ်စ် သိလိုက်ရတယ်။</p> <p>​ဒါပေမဲ့ ပြူစီတီ တချို့က မကျေမနပ် ဖြစ်ပြီး လူငယ် တချို့က မြို့တော်ခန်းမနဲ့ လေ့ကျင့်ရေး စခန်းကို သွားပြီး ဆန္ဒပြကာ၊ ဒေါနီ တွေကို တိုက်မယ့် စစ်ပွဲမှာ သူတို့ကို ပါဝင်ခွင့်ပြုဖို့ တောင်းဆိုခဲ့ကြတယ်။ အလီမပ်စ် တို့လို တခြား သူတွေကတော့ ခံတပ် အနီးမှာ ယာယီ ဈေး တစ်ခု ဖွင့်ပြီး မြို့တော်ခန်းမ အစီအစဉ်နဲ့ စစ်ထွက်မယ့် တပ်သားတွေရဲ့ နေ့စဉ် လိုအပ်ချက်တွေကို ရောင်းချဖို့ ပြင်ဆင်နေကြတယ်။ အရင်တုန်းက ရဲရင့်ပြီး ရက်စက်ခဲ့ကြတဲ့ ကာနိုဆာ ပြည်သူတွေဟာ အခုတော့ စီးပွားရေး အသိစိတ်တွေ စတင် ဖွံ့ဖြိုးလာနေပါပြီ။ ဒါဟာ ပြီးခဲ့တဲ့ နှစ်နှစ် အတွင်း အလီမပ်စ် တို့အတွက် အကြီးမားဆုံး အပြောင်းအလဲ ဖြစ်ကောင်း ဖြစ်နိုင်ပါတယ်။</p> <p>​ဒီနေ့မနက် စောစောထလာတဲ့ အလီမပ်စ် ဟာ ယာယီ ဈေးအဝင်ဝနားမှာ သူ့ဆိုင်အတွက် နေရာကောင်း တစ်ခု ရခဲ့တယ်။ ဒါပေမဲ့ သူ အတွေးလွန်နေတုန်းမှာပဲ၊ အနီးအနားက ခံတပ်ဆီကနေ အသံကျယ်ကြီးနဲ့ အော်ဟစ်သံတွေ ထွက်ပေါ်လာလို့ အလီမပ်စ် စိတ်လှုပ်ရှားသွားတယ်။ မနေ့က အတွေ့အကြုံအရ ဆိုရင် ဒါက တပ်သားတွေ လေ့ကျင့်မှု ပြီးဆုံးသွားတာ ဖြစ်ရမယ်။</p> <p>​ချက်ချင်းပဲ ဈေးတစ်ခုလုံးက ဈေးသည်တွေ စကားပြောတာ၊ လမ်းလျှောက်တာတွေကို ရပ်လိုက်ပြီး၊ စပျစ်သီး၊ သံလွင်သီး၊ အမဲသားနဲ့ သိုးသားပြုတ်၊ သစ်သီးဖျော်ရည်၊ ပေါင်မုန့်၊ ငါးဆားနယ်၊ အဝတ်အစား၊ သံထည်ပစ္စည်း... စတဲ့ သူတို့ ရောင်းမယ့် ပစ္စည်းတွေကို ဆိုင်တွေပေါ်မှာ စတင် စီစီရီရီ တင်ဖို့ အလုပ်ရှုပ်သွားကြတယ်။</p> <p>​အလီမပ်စ် နဲ့ သူ့ဇနီး ပစ္စည်းတွေ စတင် စီစဉ်နေတုန်းမှာပဲ၊ တပ်သား တစ်စု ဈေးထဲကို ဝင်လာတာကို တွေ့လိုက်ရတယ်။</p> <p>​"အဒေါရစ် (Adoris)... ဒါ ငါပြောပြတဲ့ အရသာရှိတဲ့ သစ်သီးဖျော်ရည် ရောင်းတဲ့ ဆိုင်ပဲ။" တပ်သား အချို့က အသက် ၁၈ နှစ် အရွယ် လူငယ် တစ်ယောက်ကို ဝိုင်းရံပြီး အလီမပ်စ် ရဲ့ ဆိုင်ရှေ့မှာ ရပ်လိုက်ကြတယ်။</p> <p>​ဒါကို ကြားတော့ လူငယ်က ဆိုင်ကို ကြည့်ပြီး ချက်ချင်း ပြောလိုက်တယ်။ "တစ်ပန်းကန်လောက် ပေးပါ"</p> <p>​</p> <p> </p> <p style="text-align: center;">အပိုင်း (၆၀၂) ပြီးဆုံး</p> <p style="text-align: center;">***</p>


Save