Book List

<h2 style="text-align: center;">​အပိုင်း (၆၀၉)</h2> <h2 style="text-align: center;">ဒါးဗို့စ် ၏ တကယ့် ရည်ရွယ်ချက်</h2> <h2 style="text-align: center;">*</h2> <p> </p> <p> </p> <p>​ဟီရဲလော့စ် ထိုင်လိုက်တာနဲ့ ဒါးဗို့စ် က ချက်ချင်း မေးလိုက်တယ်။ "ဒီနေ့ အထက်လွှတ်တော် အစည်းအဝေးနဲ့ ပတ်သက်ပြီး ခင်ဗျား ဘယ်လို ထင်လဲ"</p> <p>​ခဏလောက် တွေဝေပြီးနောက်၊ ဟီရဲလော့စ် က ချက်ချင်း မဖြေဘဲ ရိုးသားစွာ ပြောလိုက်တယ်။</p> <p>​"ဘုရင်မင်းမြတ်... အရှင် အန်တိုနီးယော့စ် က စစ်ဘက်ရေးရာ ဝန်ကြီးဌာနရဲ့ အကြီးအကဲ အဖြစ် စီမံခန့်ခွဲရာမှာ အလွန်ကောင်းမွန်တဲ့ အလုပ်ကို လုပ်ခဲ့ပါတယ်။ ကျွန်တော်က သူ့နေရာမှာ ယာယီပဲ အစားထိုး တာဝန်ယူပေးပြီး၊ သူ နေကောင်းလာတဲ့ အခါ ပြန်လာပြီး တာဝန်ထမ်းဆောင်ခိုင်းလို့ ရပါတယ်။ ဘာပဲဖြစ်ဖြစ် အခုချိန်က စစ်တွင်းကာလ ဖြစ်နေတော့၊ စစ်ဘက်ရေးရာ ဝန်ကြီးဌာနမှာ ဘာပြဿနာမှ မဖြစ်စေဖို့အတွက်၊ စစ်ဘက်ရေးရာ အကြီးအကဲကို မလဲလှယ်ဖို့... ကျွန်တော် အကြံပြုပါတယ်"</p> <p>​ဒါးဗို့စ် က ပွင့်လင်းတဲ့ ဟီရဲလော့စ် ကို စိုက်ကြည့်ရုံပဲ ကြည့်နေတယ်။</p> <p>​ခဏအကြာမှာတော့ ဒါးဗို့စ် က ဘယ်ဘက်လက်ကို ခပ်ဖွဖွ ဝှေ့ယမ်းပြီး ပြောလိုက်တယ်။</p> <p>​"အန်တိုနီးယော့စ် က သူ့သဘောနဲ့သူ နုတ်ထွက်သွားတာပါ။ ဒါကြောင့် ငါက သူ့ကို ဆက်နေစေချင်ရင်တောင်၊ သူ သေချာပေါက် ပြန်လာမှာ မဟုတ်ဘူး။ ဒါကို ကြည့်လိုက်-"</p> <p>​ဒါးဗို့စ် က စားပွဲပေါ်က ရာထူးတိုးပေးမယ့် အရာရှိ စာရင်းကို အဋ္ဌမ လီဂျင်တပ်မ စာမျက်နှာကို လှန်ပြီး သူ့ကို ပေးလိုက်တယ်။</p> <p>​ဟီရဲလော့စ် က စာရင်းကို သံသယနဲ့ ယူလိုက်ပေမယ့်၊ သေချာ ကြည့်ပြီးနောက်မှာတော့ မျက်နှာထား အနည်းငယ် ပြောင်းသွားတယ်။ လာဒီရှန် ရဲ့ သား ဖရာဂရက်စ် လူသတ်မှုနဲ့ အဖမ်းခံရတဲ့ အကြောင်းကို သူရီ ဆိပ်ကမ်းမှာ (အဓိကအားဖြင့် နက်ဆော့စ် ကုန်သည်တွေဆီကနေ) တဖြည်းဖြည်း ပျံ့နှံ့လာလို့ ဟီရဲလော့စ် ကြားထားပြီးသားပါ။</p> <p>​'အန်တိုနီးယော့စ် က ဒီအချိန်မှာ ဒီပြဿနာကောင်ကို ရာထူးတိုးပေးဖို့ လုပ်နေတာက၊ တခြားသူတွေကို သူ့ကို ဝေဖန်ဖို့ အကြောင်းပြချက် ပေးသလို ဖြစ်နေမှာပေါ့!'</p> <p>​သူ့စကားတွေကို သေချာ စဉ်းစားပြီးနောက်၊ ဟီရဲလော့စ် က တိုးတိုးလေး ပြောလိုက်တယ်။</p> <p>​"ဘုရင်မင်းမြတ်... အရှင် အန်တိုနီးယော့စ် က ဒီလို အရည်အချင်း မပြည့်မီတဲ့ တပ်သားတွေကို ရာထူးတိုးပေးတဲ့ အမှားမျိုး လုပ်မယ်လို့ ကျွန်တော် မထင်ပါဘူး..."</p> <p>​"ဒါက တာဝန် ပျက်ကွက်မှု တစ်ခုပါပဲ။ ဒါ့အပြင် အဲဒါက စစ်ဘက်ရေးရာ ဝန်ကြီးဌာနမှာ ပြဿနာတွေ အများကြီး ရှိနေတယ် ဆိုတာ ပြသနေတယ်။ အဲဒါကြောင့် ငါက စစ်ခုံရုံးကို ဖွဲ့စည်းချင်တာပါ။ တစ်ချိန်တည်းမှာပဲ တပ်ဖွဲ့ တစ်ခုလုံးကို ဖြောင့်မတ်အောင် လုပ်ဖို့ လိုအပ်နေလို့ စစ်ဆေးရေးမှူးတွေကို တပ်ဖွဲ့ထဲ ထည့်ချင်တာ! ဒါကြောင့် ခင်ဗျားက စစ်ဘက်ရေးရာ အကြီးအကဲ အဖြစ် တာဝန်ယူလိုက်တာနဲ့ တာဝန် ကြီးမားလိမ့်မယ်။ စစ်ခုံရုံးတွေနဲ့ စစ်ဆေးရေးမှူးတွေကို အစွမ်းကုန် ကူညီပေးရမယ့် အပြင်၊ အရာရှိတွေနဲ့ တပ်သားတွေ စိတ်အေးချမ်းသာ ရှိစေဖို့ စစ်ဘက်ရေးရာ ဝန်ကြီးဌာနရဲ့ တည်ငြိမ်မှုကိုလည်း ထိန်းသိမ်းပေးရမယ်..." ဒါးဗို့စ် က လေးနက်တဲ့ လေသံနဲ့ ဆက်ပြောတယ်။ "ဒီနှစ်ခု ကြားက မျှတမှုကို ခင်ဗျား ထိန်းချုပ်နိုင်မယ်လို့ ငါ ယုံကြည်တယ်!"</p> <p>​ဒါးဗို့စ် ရဲ့ ကြီးမားတဲ့ မျှော်လင့်ချက်တွေက ဟီရဲလော့စ် ကို ကြီးမားတဲ့ တာဝန် တစ်ခုလို့ ခံစားရစေတယ်။ ဒါပေမဲ့ သူ မတုံ့ပြန်ခင်မှာပဲ ဒါးဗို့စ် က ဆက်ပြောတယ်။</p> <p>​"ဒီစာရင်းကို ပြန်ယူသွားပြီး အရည်အချင်း မပြည့်မီတဲ့ အရာရှိတွေနဲ့ တပ်သားတွေ ဘယ်လောက်တောင် ရာထူးတိုး ခံထားရလဲ ဆိုတာ စစ်ဆေးကြည့်။ ပြီးတော့ စစ်ဘက်ရေးရာ ဝန်ကြီးဌာနက ဥပဒေကို ချိုးဖောက်ပြီး တာဝန် ပျက်ကွက်ခဲ့တဲ့ အရာရှိတွေ အားလုံးကို ရှာဖွေဖော်ထုတ်။ အဲဒီနောက် သူတို့ကို အရေးယူဖို့ စစ်ဆေးရေးမှူးတွေနဲ့ စစ်ခုံရုံးကို လွှဲအပ်လိုက်။ ဘာလို့လဲဆိုတော့ နိုင်ငံတော်ရဲ့ တပ်မတော်ထဲမှာ အရည်အချင်း မရှိတဲ့ သူတွေကို ငါတို့ ခွင့်မပြုနိုင်လို့ပဲ! ဒါကြောင့် သတိပေးတဲ့ အနေနဲ့ ဒီပြဿနာကို ပြင်းပြင်းထန်ထန် ဖြေရှင်းရမယ်!"</p> <p>​ဒါးဗို့စ် ရဲ့ ဟိန်းဟောက်သံကြောင့် ဟီရဲလော့စ် လန့်သွားပြီး ချက်ချင်းပဲ အားမာန်အပြည့်နဲ့ ပြန်ဖြေလိုက်တယ်။</p> <p>​"ဘုရင်မင်းမြတ်... ကျွန်တော် အစွမ်းကုန် ကြိုးစားပါ့မယ်!"</p> <p>​"ကောင်းပြီ!" ဒါးဗို့စ် က ကျေနပ်စွာ ခေါင်းညိတ်လိုက်တယ်။ အဲဒီနောက် စာတစ်စောင် ထုတ်ပြီး ဟီရဲလော့စ် ဆီ ကမ်းပေးရင်း "စစ်ဘက်ရေးရာ အကြီးအကဲ တစ်ယောက် အနေနဲ့ ခင်ဗျား သိထားရမယ့် နောက်ထပ် ကိစ္စ တစ်ခု ရှိသေးတယ်" လို့ ပြောလိုက်တယ်။</p> <p>​ဟီရဲလော့စ် စာကို ဖတ်ပြီးနောက် မျက်နှာထား လေးနက်သွားတယ်။</p> <p>​"ဘုရင်မင်းမြတ်... စာထဲမှာ ရေးထားတဲ့ အကြောင်းအရာတွေ အားလုံးက အမှန်တွေချည်းပဲလား?!"</p> <p>​"ငါ လူလွှတ်ပြီး စုံစမ်းခိုင်းထားတယ်။ ဒါပေမဲ့ လက်ရှိ အခြေအနေအရ ကြည့်ရင် ဒီထက်ပိုပြီး ဆိုးရွားနိုင်တယ်လို့ ငါ စိုးရိမ်တယ်..."</p> <p>​ဒါးဗို့စ် က နံရံပေါ်က မြေပုံကြီးဆီ လျှောက်သွားရင်း ပြောလိုက်တယ်။ အဲဒီနောက် အက်တ်နာ (Etna) တောင်ရဲ့ အနောက်ဘက် အပိုင်းကို လက်ညှိုးထိုးပြပြီး လေးနက်စွာ ဆက်ပြောတယ်။</p> <p>​"အီတလီ တောင်ပိုင်း စစ်ပွဲ အပြီးမှာ ငါတို့က ကာတာနီးယန်း လွင်ပြင်၊ နက်ဆော့စ်၊ စီကူရီ၊ တော်ရိုမီနီယမ် နဲ့ မက်ဆီနာ (Messina) တို့ကို သိမ်းပိုက်ခဲ့ပြီး၊ လီယွန်တီနွိုင်း နဲ့ တောနစ် (Taunis) တို့လို မဟာမိတ် မြို့ပြနိုင်ငံတွေရဲ့ အကူအညီလည်း ရထားတယ်။ ဆီရာကျု က စစ္စလီ ရဲ့ အရှေ့တောင်ဘက် ထောင့်မှာ အထီးကျန် ဖြစ်နေတော့၊ ငါတို့ နိုင်ငံတော်ရဲ့ အင်အားက အခုဆိုရင် စစ္စလီ အရှေ့ပိုင်းမှာ အပြည့်အဝ အသာစီး ရနေပြီ။ အဲဒါကြောင့်လည်း ဆီကဲလွိုင်း (Sikeloi) တွေက ငါတို့ကို ကြောက်ပြီး ငါတို့နဲ့ မဟာမိတ် ဖွဲ့ကာ သီအိုနီယာ မဟာမိတ် အဖွဲ့ရဲ့ အစိတ်အပိုင်း တစ်ခု ဖြစ်လာဖို့ ကိုယ့်သဘောနဲ့ကိုယ် အဆိုပြုခဲ့ကြတာပဲ။ ပြီးတော့ ဆီကဲလွိုင်း မြို့တွေနဲ့ လူမျိုးစုတွေ အားလုံးကို တန်းတူညီမျှ ဆက်ဆံပြီး သူတို့ အကူအညီ တောင်းတဲ့အခါ အားနည်းသူကို ကူညီပြီး အားကြီးသူကို အားနည်းစေတဲ့ မူဝါဒကို အမြဲတမ်း ကျင့်သုံးရတဲ့ အကြောင်းရင်းက၊ အင်အားစု တစ်ခုက တခြား အင်အားစုတွေကို လွှမ်းမိုးသွားမှာကို တားဆီးဖို့ပါ။ ဒါ့အပြင် အနာဂတ်မှာ သူတို့ကို ငါတို့ ယဉ်ကျေးမှုထဲ သွတ်သွင်းနိုင်ဖို့အတွက် ဆီကဲလွိုင်း နိုင်ငံတော် ပြန်လည် ဖွဲ့စည်းလာမှာကို တားဆီးဖို့လည်း ဖြစ်တယ်...</p> <p>​ဒါပေမဲ့ လက်ရှိ အခြေအနေ အရဆိုရင်၊ တာနီကန် လူမျိုးစုက စစ္စလီ က အထက်လွှတ်တော် အမတ်တွေရဲ့ အကူအညီနဲ့ နှစ်တွေ ကြာလာတာနဲ့အမျှ တိတ်တဆိတ် သိမ်းပိုက် တိုးချဲ့လာခဲ့လို့ ငါတို့ ဒီနိုင်ငံရေး မဟာဗျူဟာကို အကောင်အထည် မဖော်နိုင်ခဲ့ဘူး! ကံမကောင်းစွာနဲ့ပဲ၊ သူတို့က ဆန်ကျူရစ်ပီ (Centurippe) မှာ အဝေးကြီး ရောက်နေလို့ ဒီလူမျိုးစုရဲ့ လက်ရှိ အခြေအနေနဲ့ ပတ်သက်တဲ့ အသေးစိတ် အချက်အလက် သိပ်မရှိသေးဘူး။ ဆန်ကျူရစ်ပီ က အနီးဆုံး ဆီကဲလွိုင်း မြို့ ဖြစ်ပြီး ကာတာနီးယား နဲ့ နက်ဆော့စ် တို့နဲ့ အဝေးကြီးမှာ ရှိနေပေမယ့်၊ စစ္စလီ က ငါတို့ရဲ့ အမဲလိုက်ခွေးတွေက ဒီလောက် အထိတော့ လျစ်လျူရှုထားမှာ မဟုတ်ဘူး။ (အယ်ရစ္စတီးယပ်စ် ရဲ့ ထောက်လှမ်းရေး ဌာနကို ရည်ညွှန်းပါတယ်) ဒါက သူတို့ သတင်းတွေကို တမင်တကာ ပိတ်ဆို့ထားတယ် ဆိုတာ ပြသနေပြီး ငါတို့ရဲ့ သတိထားမှုကို နှိုးဆွလိုက်တာပဲ!"</p> <p>​ဒါးဗို့စ် ရဲ့ လေသံကနေ တစ်ခုခုကို ခံစားလိုက်ရတဲ့ ဟီရဲလော့စ် ဟာ မတ်မတ်ထိုင်လိုက်ပြီး သံသယနဲ့ မေးလိုက်တယ်။</p> <p>​"ဘုရင်မင်းမြတ်... စစ်တိုက်ဖို့ ဆိုလိုတာလား?!"</p> <p>​ဒါးဗို့စ် က မြေပုံကို နောက်တစ်ခေါက် ကြည့်လိုက်ပြီးနောက် စစ္စလီ အပေါ်ကို လက်သီးနဲ့ ထုလိုက်ကာ ပြတ်ပြတ်သားသား ပြောလိုက်တယ်။</p> <p>​"လာဒီရှန် နဲ့ တခြား စစ္စလီ အထက်လွှတ်တော် အမတ်တွေရဲ့ ပူးပေါင်းကြံစည်မှုကို ငါတို့ အတည်ပြုနိုင်တာနဲ့ တစ်ပြိုင်နက်၊ တာနီကန် တွေကို စစ်ကြေညာပြီး အာဏာရလာအောင် ကြိုးစားနေတဲ့ သူတို့ရဲ့ အခွင့်အရေးကို ဖျက်ဆီးပစ်ဖို့ အကြောင်းပြချက် ရပြီ။ တစ်ချိန်တည်းမှာပဲ အဲဒါက တခြား ဆီကဲလွိုင်း တွေကို ဟန့်တားပေးနိုင်ပြီး သူတို့ အပေါ် ငါတို့ရဲ့ ထိန်းချုပ်မှုကို ပိုမို ခိုင်မာစေလိမ့်မယ်! ဒါကြောင့် စစ်ဘက်ရေးရာ ဝန်ကြီးဌာနကို ကြိုတင် ပြင်ဆင်ခိုင်းထားပါ။ အထူးသဖြင့် တာနီကန် တွေကို တိုက်ခိုက်ရာမှာ အဓိက အင်အားစု ဖြစ်လာမယ့် အဋ္ဌမ လီဂျင်တပ်မ ကိုပေါ့"</p> <p>​ဟီရဲလော့စ် က ဒါးဗို့စ် အကြောင်းကို နားလည်လို့ သူ့ဆုံးဖြတ်ချက်ကို ချက်ချင်း မကန့်ကွက်ပါဘူး။ အဲဒီအစား သူ့ရဲ့ အဆိုပြုချက်ကို တင်ပြလိုက်တယ်။</p> <p>​"ဘုရင်မင်းမြတ်... ဆီကဲလွိုင်း တွေကို စစ်မကြေညာခင်မှာ၊ သူတို့ သိသွားပြီး ငါတို့ တိုက်ခိုက်မှုကို ကြိုတင် ပြင်ဆင်တာမျိုး မဖြစ်အောင် စစ်ဘက်ရေးရာ ဝန်ကြီးဌာန အနေနဲ့ လျှို့ဝှက်စွာ ပြင်ဆင်မှုတွေ လုပ်သင့်ပါတယ်။ ဒါ့အပြင် အခု ငါတို့က ဒေါနီ တွေနဲ့ စစ်တိုက်နေတုန်း ဆိုတော့၊ တစ်ချိန်တည်းမှာပဲ စစ္စလီ မှာ စစ်ပွဲ တစ်ခု စတင်လိုက်ရင် တပ်မတော်ရဲ့ ထောက်ပံ့ရေး ပိုင်းမှာ ဖိအား ပိုများလာပါလိမ့်မယ်။ ဒါကြောင့် ဒေါနီ တွေနဲ့ စစ်ပွဲ ပြီးဆုံးပြီးမှ စတင်တာက ပိုကောင်းပါတယ်။ အဲဒါက အထက်လွှတ်တော်မှာ စစ်ပွဲ ဆုံးဖြတ်ချက်ကို ချောချောမွေ့မွေ့ အတည်ပြုနိုင်ဖို့လည်း အထောက်အကူ ဖြစ်စေပါလိမ့်မယ်။</p> <p>​ဒါ့အပြင် ငါတို့က နောက်ထပ် စစ်ပွဲ တစ်ခု စတင်တော့မှာ ဆိုတော့ တပ်မတော်ရဲ့ တည်ငြိမ်မှုကို ထိန်းသိမ်းထားတာ ပိုကောင်းပါတယ်။ ဒါကြောင့် တရားမဝင် ကိစ္စတွေ လုပ်ခဲ့တဲ့ အရာရှိတွေကို စုံစမ်းစစ်ဆေးပြီး အရေးယူတဲ့ နေရာမှာ... အရမ်းကြီး မချဲ့ကားဖို့ မျှော်လင့်ပါတယ်။ ပြီးတော့... သူတို့ကို ပြင်းပြင်းထန်ထန် အပြစ်မပေးတာ အကောင်းဆုံးပါပဲ။ ဘာပဲဖြစ်ဖြစ် သူတို့ အားလုံးက ပထမဆုံးအကြိမ် ကျူးလွန်သူတွေ ဖြစ်တာကြောင့်၊ တပ်သားတွေရဲ့ ဘုရင်မင်းမြတ် အပေါ် ထားတဲ့ လေးစားမှုကို မထိခိုက်စေဘဲ သူတို့ကို ပြုပြင်ပြောင်းလဲဖို့ အခွင့်အရေး တစ်ခု ပေးဖို့ ဘုရင်မင်းမြတ်ကို တောင်းဆိုပါတယ်!"</p> <p>​ဒါးဗို့စ် က သေချာ နားထောင်ရင်း စဉ်းစားနေတယ်။</p> <p>​တစ်ဖက်မှာလည်း ဟီရဲလော့စ် က တိတ်ဆိတ်စွာ ထိုင်ပြီး စောင့်နေတယ်။</p> <p>​နောက်ဆုံးမှာတော့ ဒါးဗို့စ် က ဖြည်းဖြည်းချင်း ပြောလိုက်တယ်။</p> <p>​"စစ်ဘက်ရေးရာ ဝန်ကြီးဌာနရဲ့ ကိစ္စတွေကို ဖြေရှင်းဖို့ ခင်ဗျားကို လွှဲပေးလိုက်မယ်။ ပြီးတော့ ခင်ဗျား၊ စစ်ဘက် တရားသူကြီး နဲ့ စစ်ဆေးရေးမှူး တို့ တိကျတဲ့ စုံစမ်းစစ်ဆေးမှုနဲ့ အပြစ်ပေးမယ့် အစီအမံတွေကို ဆုံးဖြတ်နိုင်ပြီး၊ အဲဒီနောက် ငါ သုံးသပ်ပြီး လက်မှတ်ထိုးဖို့ တင်ပြလိုက်ပါ။ တာနီကန် တွေကို ဘယ်အချိန်မှာ စစ်ကြေညာမလဲ ဆိုတာကတော့ အခြေအနေ အပေါ်မှာပဲ မူတည်လိမ့်မယ်"</p> <p>​ဒါးဗို့စ် က ရှင်းရှင်းလင်းလင်း သဘောမတူပေမယ့်၊ ဘုရင်က အလျှော့ပေးလိုက်ပြီ ဆိုတာ ဟီရဲလော့စ် သိလို့ ချက်ချင်းပဲ ကျေးဇူးတင်စွာနဲ့ "ကျေးဇူးတင်ပါတယ် ဘုရင်မင်းမြတ်!" လို့ ပြောလိုက်တယ်။</p> <p>​ဒါးဗို့စ် က ဟီရဲလော့စ် ကို ကြည့်လိုက်တယ်။ နှစ်တွေ ကြာလာတာနဲ့အမျှ သူ့အာဏာတွေ တိုးလာတာနဲ့ အတူ၊ သူ့ရဲ့ ကြေးစား ရဲဘော်ရဲဘက်ဟောင်းတွေနဲ့ ဆက်ဆံရေးက မသိမသာနဲ့ ပိုပိုပြီး ဝေးကွာလာခဲ့တယ်... ဒါပေမဲ့ ကံကောင်းတာက ဟီရဲလော့စ်၊ ကာပပ်စ် နဲ့ အဲလက်ဇီးယပ်စ် တို့လို သူ့ဆုံးဖြတ်ချက်တွေ အပေါ် မေးခွန်းတွေ မကြာခဏ ထုတ်နိုင်ပြီး အကြံပြုချက်တွေ ပေးနိုင်တဲ့ သူတွေ ရှိနေသေးတာပါပဲ။ အဲဒါက တကယ်တော့ ကောင်းတဲ့ အရာ တစ်ခုပါ။</p> <p>​အဲဒါကို တွေးမိတော့ သူက လေသံကို လျှော့ပြီး မေးလိုက်တယ်။ "တခြား အကြံပြုချက်တွေ ရှိသေးလား"</p> <p>​ဒါးဗို့စ် ရဲ့ တည်ငြိမ်တဲ့ မျက်နှာထားကို မြင်တော့ ဟီရဲလော့စ် က ဆက်ပြောတယ်။</p> <p>​"အဋ္ဌမ လီဂျင်တပ်မှူး က ပရိုဆောက်စ် (Prosous) ပါ။ သူက အရင်က လီဂျင် တစ်ခုကို တစ်ခါမှ မကွပ်ကဲဖူးပါဘူး။ ဒါပေမဲ့ ဘုရင်မင်းမြတ်က ခုနက ပြောခဲ့သလို အဋ္ဌမ လီဂျင်တပ်မ က တာနီကန် တွေကို တိုက်ခိုက်ရာမှာ အဓိက အင်အားစု ဖြစ်မယ် ဆိုတော့၊ လုံခြုံရေး အရ လီဂျင်တပ်မ တွေကို ကွပ်ကဲဖူးတဲ့ အတွေ့အကြုံ ပိုများတဲ့ လီဂျင်တပ်မှူး တစ်ယောက်ကို အဋ္ဌမ လီဂျင်တပ်မ ရဲ့ ခေါင်းဆောင် အဖြစ် ပြောင်းရွှေ့ တာဝန်ပေးသင့်သလား" (စာရေးဆရာက လီယိုတိုင်ခီဒက်စ် ရဲ့ နာမည်ရင်းကို သုံးထားပေမယ့်၊ ပရိုဆောက်စ် လို့ ဖြစ်သင့်ပါတယ်)</p> <p>​ဒါးဗို့စ် က နှုတ်ခမ်းကို အနည်းငယ် ကွေးပြီး ပြုံးကာ ပြောလိုက်တယ်။</p> <p>​"လီဂျင်တပ်မှူး တွေထဲမှာ ပရိုဆောက်စ် ထက် စစ္စလီ ရဲ့ မြေပြင် အနေအထားကို ပိုသိတဲ့သူ ဘယ်သူ ရှိသေးလို့လဲ? အဲဒီက ဒေသခံ ဓလေ့ထုံးစံတွေကို သူထက် ပိုသိတဲ့သူ ဘယ်သူ ရှိသေးလို့လဲ? စစ္စလီ နိုင်ငံသားတွေကို ခေါင်းဆောင် အမိန့် နာခံအောင် လုပ်နိုင်မယ့်သူ ဘယ်သူ ရှိသေးလို့လဲ"</p> <p>​ဒါးဗို့စ် ရဲ့ စကားတွေကြောင့် ဟီရဲလော့စ် ဘာမှ ဆက်မပြောနိုင်တော့ဘူး။ လီယိုတိုင်ခီဒက်စ် က စစ္စလီ မှာ ၆ နှစ် နေခဲ့ဖူးတော့ စစ္စလီ နဲ့ မရင်းနှီးတဲ့ တခြား လီဂျင်တပ်မှူး တွေက သူ့ကို မယှဉ်နိုင်တာ သဘာဝပါပဲ။ သီအိုနီယာ ရဲ့ စစ်ဥပဒေ အရ၊ တိုက်ပွဲ တစ်ခုကို ကွပ်ကဲမယ့် အဆင့်မြင့် အရာရှိ တစ်ယောက်မှာ ရှိရမယ့် လိုအပ်ချက်တွေထဲက တစ်ခုကတော့ စစ်မြေပြင် ပတ်ဝန်းကျင်ကို ရင်းနှီးကျွမ်းဝင်ပြီး ပြည်သူတွေနဲ့ ဓလေ့ထုံးစံတွေကို နားလည်ဖို့ပါပဲ။ တခြား လီဂျင်တပ်မှူး တွေ စစ္စလီ ကို သွားပြီး မကွပ်ကဲနိုင်ဘူးလို့ ဆိုလိုတာ မဟုတ်ပါဘူး။ ဒါပေမဲ့ အဲဒါက စစ်ပွဲ ပြီးဆုံးမယ့် အချိန်ကို ပိုကြာစေပြီး စစ်စရိတ်တွေ ပိုများလာစေမှာပါ...</p> <p>​အဲဒီနောက် ဟီရဲလော့စ် က အန်တိုနီးယော့စ် အကြောင်း တွေးမိသွားတယ်။ ဒါပေမဲ့ လာဒီရှန် နဲ့ တခြားသူတွေ ဥပဒေ ချိုးဖောက်တယ် ဆိုတာ သက်သေပြနိုင်တာနဲ့၊ သူတို့ရဲ့ ဆွေမျိုး ဖြစ်ပြီး စစ္စလီ အထက်လွှတ်တော် အမတ်တွေနဲ့ နက်နက်ရှိုင်းရှိုင်း ပတ်သက်နေတဲ့ အန်တိုနီးယော့စ် ဟာ တခြား အထက်လွှတ်တော် အမတ်တွေရဲ့ ပြစ်တင်ရှုတ်ချမှုကို ခံရမှာ သေချာပါတယ်။ စစ္စလီ တွေကို တိုက်ခိုက်ဖို့ တာဝန်ရှိတဲ့ ခေါင်းဆောင် ရွေးချယ်မှုမှာ အထက်လွှတ်တော်က ဝင်စွက်ဖက်လို့ မရပေမယ့်၊ သူတို့ရဲ့ စွပ်စွဲမှုတွေက နိုင်ငံတော်ရဲ့ ပြည်သူတွေကို အန်တိုနီးယော့စ် ကို ဝေဖန်လာအောင် သေချာပေါက် လုပ်ပါလိမ့်မယ်။ အဲဒါက အန်တိုနီးယော့စ် ကို မီးပေါ်တင် ကင်လိုက်တာနဲ့ အတူတူပါပဲ! ဒီတော့မှ ဒါးဗို့စ် က ဘာလို့ အန်တိုနီးယော့စ် ကို နုတ်ထွက်ခိုင်းပြီး အိမ်မှာ နေခိုင်းရလဲ ဆိုတာကို ဟီရဲလော့စ် နားလည်သွားတယ်။ အဲဒါက တကယ်တော့ သူ့ကို ကာကွယ်ပေးတာပါပဲ။</p> <p>​ဟီရဲလော့စ် ဘာမှ မပြောတာကို မြင်တော့ ဒါးဗို့စ် က ဆက်ပြောတယ်။</p> <p>​"လူတော်တော်များများက ပရိုဆောက်စ် ဟာ လူမှုဆက်ဆံရေး နည်းတယ်၊ တင်းကျပ်ပြီး လေးနက်တယ်၊ ဒါကြောင့် သူနဲ့ ပေါင်းသင်းရတာ မကြိုက်ဘူးလို့ ပြောကြတယ်။ ဒါပေမဲ့ ငါကတော့ သူဟာ အချိန်အများစုကို စစ်ရေး ကိစ္စတွေ စဉ်းစားတာနဲ့ တပ်သားတွေကို လေ့ကျင့်ပေးတာတွေမှာပဲ အသုံးပြုပြီး လူမှုဆက်ဆံရေးမှာ အချိန်မဖြုန်းတဲ့ မွေးရာပါ စစ်သည်တော် တစ်ယောက်လို့ ထင်တယ်။ ဒါကြောင့် ဒီစစ်ပွဲကို သူ ကောင်းကောင်း ကွပ်ကဲနိုင်မယ်လို့ ငါ ယုံကြည်တယ်!"</p> <p>​ဒါးဗို့စ် ရဲ့ အတည်ပြုချက်ကြောင့် ဟီရဲလော့စ် ဆက်မကန့်ကွက်တော့ဘူး။ ဘာလို့လဲဆိုတော့ အရင်က အကြိမ်ကြိမ် သက်သေပြခဲ့ပြီးသား ဖြစ်တဲ့ လူတွေ အပေါ် ဒါးဗို့စ် ရဲ့ နားလည်နိုင်စွမ်းကို သူ ယုံကြည်လို့ပါ။</p> <p>​ဆွေးနွေးမှု အပြီးမှာ ဟီရဲလော့စ် ထွက်သွားတော့မယ့် အချိန်မှာပဲ၊ ဒါးဗို့စ် က သူ့ကို လှမ်းခေါ်လိုက်တယ်။</p> <p>​"မွန်းလွဲပိုင်းတောင် ကျော်နေပြီ၊ ခင်ဗျား နေ့လယ်စာ မစားရသေးဘူး မဟုတ်လား။ ငါလည်း ဗိုက်ဆာနေတာနဲ့ အတော်ပဲ။ ငါတို့ အတူတူ ထိုင်ပြီး အေးအေးဆေးဆေး သောက်ရင်း စကားမပြောဖြစ်တာ တော်တော် ကြာပြီ။ ဒါကြောင့် ငါ စားဖိုမှူးကို ဟင်းကောင်းကောင်းလေးတွေ ချက်ခိုင်းလိုက်မယ်၊ ခင်ဗျား အခု မပြန်သေးဘဲ အရက် နည်းနည်းလောက် အတူတူ သောက်ကြမလား?!"</p> <p>​"ဟုတ်ကဲ့ပါ ဘုရင်မင်းမြတ်"</p> <p>​. . . . . . . . . . . .</p> <p>​သူရီ ရဲ့ အနောက်ဘက် တောင်ပေါ်လမ်း ဟာ လွန်ခဲ့တဲ့ ၁၀ နှစ်က ဖောက်လုပ် ပြီးစီးခဲ့ပြီး၊ သူရီ ကို လူကာနီးယား နဲ့ မြောက်ပိုင်း ဒေသတွေဆီ ဆက်သွယ်ပေးထားတဲ့ အရေးကြီးတဲ့ လမ်းကြောင်း တစ်ခုပါ။ အခုတော့ အဲဒီလမ်းဟာ လွန်ခဲ့တဲ့ ဆယ်စုနှစ် တစ်ခုကျော်ကလို လူသူကင်းမဲ့တဲ့ နေရာ မဟုတ်တော့ဘဲ နေ့စဉ် လူရာနဲ့ချီ ဖြတ်သန်းသွားလာနေတဲ့ သီအိုနီယာ နိုင်ငံတော်ရဲ့ အလုပ်အရှုပ်ဆုံး လမ်းတွေထဲက တစ်ခု ဖြစ်နေပါပြီ။</p> <p>​</p> <p> </p> <p style="text-align: center;">အပိုင်း (၆၀၉) ပြီးဆုံး</p> <p style="text-align: center;">***</p>


Save