Book List

<h2 style="text-align: center;">အခန်း(၂၂၆)</h2> <h2 style="text-align: center;">ဆန်းကြယ်ချီသန့်စင်မှု အောင်မြင်ပြီ</h2> <h2 style="text-align: center;">*</h2> <p style="text-align:center"> </p> <p style="text-align:center"> </p> <p style="text-align:justify"><br /> ခဏအကြာတွင် ရုန်ကျင့်ယွမ်နှင့် ဖုန့်ဖန်းယီတို့ မြွေဂူဆီ ရောက်လာကြသည်။</p> <p style="text-align:justify"> </p> <p style="text-align:justify">စုန့်ဝမ်က အခြေအနေကို အကျဉ်းချုပ် ရှင်းပြပြီးနောက် သူတို့လေးဦး စုန့်ဝမ်၏ ဂူအိမ်သို့ အတူတူ သွားခဲ့ကြသည်။ မြွေလူသား၏ အခြေအနေကို အသေးစိတ် စစ်ဆေးပြီးနောက် ရုန်ကျင့်ယွမ်က "အကြီးအကဲဝူ... မင်းက အလောင်းသန့်စင်တာမှာ တကယ့်ကို ပါရမီပါတာပဲ။ အချိန်တိုလေးအတွင်း မြွေလူသားကို ဆန်းကြယ်ချီ ပြည့်ဝလုနီးပါး ပေါင်းစပ်နိုင်ခဲ့တာ အံသြလောက်စရာပဲ" ဟု ဆိုလိုက်သည်။</p> <p style="text-align:justify">"အကြီးအကဲရုန်က ချီးကျူးလွန်းနေပါပြီ။ ကျွန်တော့်ရဲ့ ကျွမ်းကျင်မှု အားနည်းနေပါသေးတယ်၊ ဒါကြောင့်လည်း မြွေလူသားက ဒီလောက်အထိ အားနည်းသွားတာပေါ့"</p> <p style="text-align:justify">ဖုန့်ဖန်းယီက ခေါင်းခါရင်း ဝင်ပြောလိုက်သည်။<br /> "ဒါက မင်းရဲ့ ကျွမ်းကျင်မှု အားနည်းလို့ မဟုတ်ဘူး။ ဒီမြွေလူသားက ဒုတိယအဆင့် အလယ်အလတ်ပဲ ရှိသေးတာ။ သူ့အသက်စွမ်းအားက ဘယ်လောက်ပဲ သန်မာပါစေ၊ အလောင်းချီကို အတိုင်းအတာတစ်ခုအထိပဲ ခံနိုင်ရည် ရှိမှာလေ။ မင်းမှာ ပိုသန်မာတဲ့ မြွေလူသားသာ ရှိမယ်ဆိုရင် ဆန်းကြယ်ချီ အပြည့်အဝ ပေါင်းစပ်အောင် လုပ်နိုင်မှာ သေချာတယ်"</p> <p style="text-align:justify"> </p> <p style="text-align:justify">လျိုကျန်းက မြွေလူသား မွေးမြူခြင်းမှာ သူ့တာဝန်ဖြစ်သဖြင့် "တောင်သခင်ကို တင်ပြရရင်... မြွေလူသားရဲ့ ခွန်အားက ဒုတိယအဆင့် အလယ်ပိုင်းကို ရောက်သွားရင် ကြီးထွားမှု အရမ်းနှေးသွားပါတယ်။ ပိုသန်မာတဲ့ မြွေလူသားကို မွေးမြူဖို့ဆိုရင် အချိန်တော်တော် ယူရပါလိမ့်မယ်" ဟု တင်ပြလာသည်။</p> <p style="text-align:justify"> </p> <p style="text-align:justify">ထိုစကားကို ကြားသောအခါ ဖုန့်ဖန်းယီက မျက်မှောင်ကြုတ်လိုက်မိသည်။ ဆန်းကြယ်ချီ ကိစ္စမှာ သူ ဂိုဏ်းချုပ်နေရာ ရရှိရန်အတွက် အလွန် အရေးကြီးလှသည်။ ထို့ကြောင့် မြွေလူသားကို ထပ်မံ စစ်ဆေးကြည့်ပြီး "လောလောဆယ် ဒီမြွေလူသားက အလောင်းချီကို အဆုံးစွန်အထိ လက်ခံထားပြီးသားပဲ။ အလောင်းချီနဲ့ ဆက်ပြီး သန့်စင်ချင်ရင် အသက်စွမ်းအားကို လှုံ့ဆော်ပေးနိုင်မယ့် နည်းလမ်း ရှာရမယ်"ဟု ရေရွတ်လိုက်သည်။</p> <p style="text-align:justify">လျိုကျန်းက "အသက်ကယ်ဆေးလုံး တိုက်ပြီး အသက်စွမ်းအား ကျန်ရှိနေတုန်း သန့်စင်မှုကို အပြီးသတ်လို့ ရနိုင်မလား"ဟု အကြံပေးသည်။</p> <p style="text-align:justify">ဖုန့်ဖန်းယီက ခေါင်းယမ်းလိုက်သည်။<br /> "အသက်ကယ်ဆေးလုံးရဲ့ အာနိသင်က နာရီဝက်ပဲ ခံတာ၊ ပြီးတော့ အချိန်တိုအတွင်း ထပ်တိုက်လို့လည်း မရဘူး။ အဲဒီလောက် အချိန်တိုလေးအတွင်းမှာ သန့်စင်မှု အပြီးသတ်ဖို့က မဖြစ်နိုင်ဘူး"</p> <p style="text-align:justify">"ဒါဆိုရင် ဇီယွန်မှိုကို သုံးကြည့်ရင်ကော" ဟု ရုန်ကျင့်ယွမ်က ရုတ်တရက် အကြံပြုလိုက်သည်။</p> <p style="text-align:justify"> </p> <p style="text-align:justify">ဇီယွန်မှိုသည် ရှားပါးပြီး အဖိုးတန်သော တတိယအဆင့် ဝိညာဥ်ဆေးပင်ဖြစ်ကာ ကျင့်ကြံသူ၏ အသက်စွမ်းအားကို လှုံ့ဆော်ပေးနိုင်သည့် အစွမ်းရှိသည်။ သို့သော် အလွန်ရှားပါးပြီး စျေးကြီးသဖြင့် ရရှိရန် ခက်ခဲလှသည်။</p> <p style="text-align:justify">ဖုန့်ဖန်းယီ၏ မျက်လုံးများတောက်ပသွားပြီး "ဇီယွန်မှို၊ ဒါက မြွေလူသားရဲ့ အသက်ကို ကယ်နိုင်လိမ့်မယ်။ မင်းတို့ ဒီမှာ ခဏ စောင့်နေကြ၊ ငါ သွားယူခဲ့မယ်"ဟုဆိုကာ ဂူအတွင်းမှ ပျောက်ကွယ်သွားခဲ့သည်။</p> <p style="text-align:justify"><br /> ၁၅ မိနစ်ပင် မပြည့်သေးသော အချိန်တွင် ဖုန့်ဖန်းယီ ကျောက်စိမ်းဗူးတစ်ဗူး ကိုင်လျက် ပြန်ရောက်လာသည်။<br /> "အကြီးအကဲဝူ... ငါ အခုပဲ ဝိညာဥ်ဆေးပင်တောင်ကို သွားပြီး ဇီယွန်မှိုတစ်ခု လဲလှယ်လာခဲ့တယ်။ မြွေလူသားကို ကျွေးပြီးတာနဲ့ သန့်စင်တာကို ချက်ချင်း စတော့၊ ငါတို့ သုံးယောက်က ဘေးကနေ ကူညီပေးမယ်။ မတော်တဆ တစ်ခုခု ဖြစ်လာရင်လည်း ငါတို့ အချိန်မီ ဝင်ကူညီပေးမယ်"</p> <p style="text-align:justify"> </p> <p style="text-align:justify">စုန့်ဝမ်က ခေါင်းညိတ် သဘောလိုက်သည်နှင့် ဖုန့်ဖန်းယီသည် ခြောက်မြှောင့်ကြယ်နတ်ဆိုးချုပ်နှောင်အစီအရင်ကို ဖွင့်ကာ မြွေလူသားကို မြွေကျင်းထဲမှ ဆွဲထုတ်ပြီး ဇီယွန်မှိုကို တိုက်ကျွေးလိုက်သည်။ မျက်စိတစ်မှိတ်အတွင်းမှာပင် မြွေလူသား၏ အသက်စွမ်းအား သိသိသာသာ တိုးတက်လာခဲ့သည်။ ခြောက်သွေ့နေသော အကြေးခွံများပင် ပြန်လည် တောက်ပလာခဲ့သည်။</p> <p style="text-align:justify">"အကြီးအကဲဝူ... အမြန်လုပ်" ဟု ဖုန့်ဖန်းယီက တိုက်တွန်းလိုက်သည်။</p> <p style="text-align:justify"> </p> <p style="text-align:justify">စုန့်ဝမ်လည်း ချက်ချင်းပင် တင်ပျဉ်ခွေထိုင်ကာ ဝိညာဉ်စွမ်းအားကို အသုံးချ၍ မြွေလူသားကို အလောင်းသန့်စင်ခေါင်းတလားအတွင်း ဆွဲသွင်းကာ သန့်စင်မှုကို စတင်လိုက်တော့သည်။ ယခုတစ်ကြိမ်တွင် စုန့်ဝမ်သည် ဂရုတစိုက်နှင့် သတိကြီးစွာ သန့်စင်ခဲ့သည်။ ထို့ပြင် ဖုန့်ဖန်းယီနှင့် အခြားသူများလည်း အနီးအနားမှ စောင့်ကြည့်နေကြသဖြင့် သန့်စင်မှုအရှိန်ကို တမင်တကာပင် နှေးကွေးအောင် လုပ်ဆောင်ခဲ့သည်။ ထို့ကြောင့် အပြီးသတ်ရန် လေးရက်တိတိ အချိန်ယူခဲ့ရသည်။</p> <p style="text-align:justify"> </p> <p style="text-align:justify">အလောင်းချီ အမြောက်အမြားကို ထည့်သွင်းခဲ့ပြီးနောက်၊ ဇီယွန်မှိုကို သုံး၍ အသက်စွမ်းအားကို မြှင့်တင်သော်လည်း ၎င်းမှာ အလောင်းချီကြောင့် ပျောက်ကွယ်သွားခဲ့ပြန်သည်။ မြွေလူသား၏ ခန္ဓာကိုယ်မှာ ပြင်းထန်စွာ တုန်ယင်နေပြီး နာကျင်မှုကို အပြင်းအထန် ခံစားနေကြောင်း သိသာလှသည်။ အကြေးခွံပေါ်မှ အရောင်များပင် တဖြည်းဖြည်း မှိန်ဖျော့သွားသည်။ မြွေလူသား။ ထောင်လိုက် မျက်စိများထဲတွင် နာကျင်မှုနှင့် နာကျည်းမှုတို့ ရောပြွမ်းနေသည်။ သို့သော် ဘေးတွင်ရှိသော လူလေးဦးမှာမူ ဝမ်းသာအားရ ဖြစ်နေကြသည်။</p> <p style="text-align:justify"> </p> <p style="text-align:justify">အလောင်းသန့်စင်မှု နောက်တစ်ကြိမ် အောင်မြင်ခြင်းမှာ ဆန်းကြယ်ချီ အပြည့်အဝ ပေါင်းစပ်နိုင်ရန် နောက်ထပ် ခြေတစ်လှမ်း နီးစပ်သွားခြင်း ဖြစ်သည်။ "နောက်ထပ် တစ်ကြိမ်၊ နှစ်ကြိမ်လောက် သန့်စင်ပြီးရင် ဆန်းကြယ်ချီက မြွေလူသား တစ်ကိုယ်လုံးမှာ ပြည့်သွားတော့မှာပဲ" ဟု ဖုန့်ဖန်းယီက စိတ်လှုပ်ရှားမှုကို ဖုံးကွယ်မထားနိုင်ဘဲ ပြောလိုက်သည်။ ထို့နောက် စုန့်ဝမ်ကို ကြည့်ပြီး "အကြီးအကဲဝူ... နောက်တစ်ကြိမ် သန့်စင်မှုကို ဘယ်အချိန် လုပ်ရင် သင့်တော်မယ်လို့ ထင်လဲ"ဟု မေးလာသည်။</p> <p style="text-align:justify"> </p> <p style="text-align:justify">"မြွေလူသားရဲ့ အသက်စွမ်းအားက တဖြည်းဖြည်း ပိုအားနည်းလာပြီ၊ သူ့ခန္ဓာကိုယ်က အလောင်းချီတွေနဲ့ အသားကျဖို့အတွက် ပိုအချိန်ယူရတော့မယ်။ နှစ်လလောက် စောင့်ရမယ် ထင်ပါတယ်"</p> <p style="text-align:justify">"နှစ်လ ဟုတ်လား၊ အချိန်တော်တော် ကြာတာပဲ။ အေးလေ ... စိတ်ချရအောင် မင်းပြောသလိုပဲ လုပ်ကြတာပေါ့။ နောက်တစ်ကြိမ် သန့်စင်မှုလုပ်ရင် ငါတို့ သုံးယောက်ကို ကြိုပြီး အကြောင်းကြားဖို့ မမေ့နဲ့ဦး။ ငါတို့ မင်းကို ကူညီပေးမယ်"<br /> ……</p> <p style="text-align:justify"> </p> <p style="text-align:justify"><br /> ငါးလခန့်အကြာတွင် စုန့်ဝမ်သည် ဖုန့်ဖန်းယီနှင့် အခြားသူများအား အကြောင်းကြား ခေါ်ယူပြီး ၁၉ ကြိမ်မြောက် အလောင်းသန့်စင်မှုကို လုပ်ဆောင်ခဲ့သည်။ ယခုတစ်ကြိမ် သန့်စင်မှုဖြစ်စဉ်မှာ အလွန် အန္တရာယ်များပြီး မြွေလူသား၏ အသက်စွမ်းအင်မှာ တစ်ခါတစ်ရံတွင်  အတိမ်းအစောင်း ဖြစ်လုနီးပါး မတည်မငြိမ် ဖြစ်နေခဲ့သည်။ အကယ်၍ ဖုန့်ဖန်းယီသာ မြွေလူသား၏ အသက်အန္တရာယ် စိုးရိမ်ရချိန်တွင် ဇီယွန်မှို တိုက်ကျွေး၍ အသက်ကို အတင်းအဓမ္မ ဆွဲမထားခဲ့ပါက ထိုမြွေလူသား အသက်ပျောက်မည်မှာ ကျိန်းသေပင်။</p> <p style="text-align:justify"> </p> <p style="text-align:justify">"ဟူး..."<br /> ၄ ရက်ကြာ ဆက်တိုက် သန့်စင်ပြီးနောက် စုန့်ဝမ် သက်ပြင်းချကာ စိတ်ပေါ့ပါးသွားခဲ့သည်။ ဤသန့်စင်မှုမှာ တတိယအဆင့် ငွေရောင်အလောင်းရုပ်သေး ပြုလုပ်ခြင်းထက်ပင် ပိုမို အာရုံစိုက်ခဲ့ရသဖြင့် အားအင်ကုန်ခမ်းကာ ပင်ပန်းနွမ်းနယ်နေသည်။</p> <p style="text-align:justify"> </p> <p style="text-align:justify">သို့သော် ပင်ပန်းရကျိုးနပ်သည်ဟု ဆိုရမည်။ မြွေလူသား ခန္ဓာကိုယ်တွင် လျှို့ဝှက်ချီ မဖုံးလွှမ်းရသေးသော အပိုင်းမှာ အမြီးဖျားရှိ သုံးလက်မပင် မပြည့်သော နေရာလေးသာ ကျန်ရှိတော့သည်။ စုန့်ဝမ်ကတော့ မြွေလူသား၏ ခန္ဓာကိုယ်အတွင်း အလောင်းချီနှင့် အသက်စွမ်းအားတို့ တဖြည်းဖြည်း ပေါင်းစပ်သွားစေရန် ရက်အနည်းငယ် စောင့်လိုက်ရုံဖြင့် သဘာဝအတိုင်း တိုးတက်လာပြီး ဆန်းကြယ်ချီ အပြည့်အဝ ပေါင်းစပ်သွားမည်ဟု တွက်ဆထားသည်။</p> <p style="text-align:justify"> </p> <p style="text-align:justify">ဆယ်ရက် ကြာပြီးနောက် စုန့်ဝမ် မျှော်လင့်ထားသည့်အတိုင်း မြွေလူသား၏ တစ်ကိုယ်လုံး ဆန်းကြယ်ချီများ မပြည့်အဝ ပေါင်းစပ်လွှမ်းမိုးသွားတော့သည်။ ဆက်သွယ်ရေး ကျောက်စိမ်းပြားမှတဆင့် စုန့်ဝမ်ဆီမှ သတင်းစကားကို ရရှိပြီးနောက် ဖုန့်ဖန်းယီ အတိုင်းမသိ ဝမ်းသာသွားသည်။ အချိန်မဆိုင်းဘဲ ချက်ချင်းပင် သတင်းပို့ကျောက်စိမ်းပြားကို ထုတ်ယူကာ မဟာအကြီးအကဲယန်ယွီထံ သတင်း ပေးပို့လိုက်သည်။</p> <p style="text-align:justify"> </p> <p style="text-align:justify">များမကြာမီမှာပင် စုန့်ဝမ်၏ ဂူအိမ်အတွင်း ယန်ယွီပါ ရောက်လာသည်။ မြွေလူသား ခန္ဓာကိုယ်တွင် ဆန်းကြယ်ချီ အပြည့်အဝ ပေါင်းစပ်နေသည်ကို မြင်သောအခါ ဝိညာဥ်သန္ဓေအဆင့် ပညာရှင် မဟာအကြီးအကဲယန်ယွီပင် စိတ်လှုပ်ရှားမှု အရိပ်အယောင်များ ပေါ်လာသည်။<br /> "မင်းတို့တွေ တကယ် အောင်မြင်လိမ့်မယ်လို့ ငါ မျှော်လင့်မထားဘူး။ ကောင်းတယ်"</p> <p style="text-align:justify"> </p> <p style="text-align:justify">ဖုန့်ဖန်းယီက "မဟာအကြီးအကဲကို တင်ပြရရင်... ဒါတွေအားလုံးက အကြီးအကဲဝူရဲ့ ကြိုးစားမှုတွေပါ။ သူက အလောင်းသန့်စင်ခြင်းမှာ ပါရမီပါရုံတင်မကဘဲ မြွေလူသားကိုလည်း မနားမနေ စောင့်ရှောက်ခဲ့တာပါ။ အချိန်ပေး ကြိုးစားခဲ့ပြီး နောက်ဆုံးတော့ မြွေလူသားမှာ ဆန်းကြယ်ချီ အပြည့်အဝ ပေါင်းစပ်အောင် လုပ်နိုင်ခဲ့ပါတယ်"ဟု ဆိုသည်။</p> <p style="text-align:justify"> </p> <p style="text-align:justify">စုန့်ဝမ်ကလည်း "ဆန်းကြယ်ချီ အပြည့်အဝ ရသွားတာဟာ တောင်သခင်ဖုန့်ရဲ့ နည်းဗျူဟာတွေကြောင့်ပါ။ သူက တပည့်ကို အကြိမ်ကြိမ် ကူညီပေးခဲ့ပါတယ်။ ဒါ့အပြင် အကြီးအကဲ လျိုကျန်းနဲ့ ရုန်ကျင့်ယွမ်တို့ရဲ့ ကူညီမှုတွေလည်း အများကြီး ပါဝင်ပါတယ်။ ကျွန်တော်ကတော့ နည်းနည်းပဲ လုပ်ဆောင်ခဲ့ရတာမို့ တောင်သခင်ဖုန့်ရဲ့ ချီးကျူးမှုနဲ့ မထိုက်တန်ပါဘူး"ဟု ဆိုလိုက်သည်။</p> <p style="text-align:justify">ဖုန့်ဖန်းယီက စုန့်ဝမ်ကို ကျေးဇူးတင်သည့် အကြည့်ဖြင့် ကြည့်လိုက်မိသည်။ စုန့်ဝမ်၏ စကားများအပေါ် သူ အလွန် ကျေနပ်သွားသည်။ ထိုသူမှာ အလုပ်ကိုသာ ဖိလုပ်ပြီး လူမှုဆက်ဆံရေးကို နားမလည်သူများနှင့် မတူဘဲ စကားပြောဆိုရာတွင် အလွန် လိမ္မာပါးနပ်လှသည်။</p> <p style="text-align:justify"> </p> <p style="text-align:justify">ယန်ယွီက သူတို့ တင်ပြသည်များကို နားထောင်ပြီး ပြုံးပြုံးရွှင်ရွှင်ဖြင့် ခေါင်းညိမ့်ပြသည်။<br /> "စိတ်မပူပါနဲ့၊ မင်းတို့ ကြိုးစားမှုတွေကို အသိအမှတ်ပြုမှာပါ။ ဖုန့်ဖန်းယီ... ဆန်းကြယ်ချီကို ပထမဆုံး အပြည့်အဝ ဖော်ထုတ်ပေါင်းစပ်နိုင်တဲ့ တောင်ကနေ နောက်တက်မယ့် ဂိုဏ်းချုပ်ကို ရွေးချယ်မယ်လို့ ငါ ကတိပေးခဲ့ဖူးတယ်။ ဆယ်နှစ်နေရင် ကျူးဖေးချန် ဂိုဏ်းချုပ်ရာထူးကနေ အနားယူလိမ့်မယ်၊ အဲဒီအခါ မင်းက ဂိုဏ်းချုပ် ဖြစ်လာမယ်"</p> <p style="text-align:justify"> </p> <p style="text-align:justify">ဖုန့်ဖန်းယီ အလွန် စိတ်လှုပ်ရှားသွားပြီး အလေးအနက် ဦးညွှတ်လိုက်သည်။<br /> "မဟာအကြီးအကဲကို ကျေးဇူးတင်ပါတယ်"</p> <p style="text-align:justify">ထို့နောက် ယန်ယွီက စုန့်ဝမ်ဘက်သို့ လှည့်လိုက်သည်။<br /> "အကြီးအကဲဝူ... မြွေလူသားကို သန့်စင်တာနဲ့ ဆန်းကြယ်ချီတွေ ပေါင်းစပ်အောင် လုပ်နိုင်တာက မင်းရဲ့ ကြိုးစားမှုတွေကြောင့်ပဲ။ မင်းရဲ့ လက်ရှိ ကျင့်ကြံဆင့်က နိမ့်နေသေးတာကြောင့် ရွှေအမြုတေအဆင့် တက်လှမ်းနိုင်ဖို့ အကူအညီဖြစ်စေမယ့် ဝိညာဉ်ကျောက်တုံးတွေနဲ့ ရတနာအချို့ကို ငါ ချီးမြှင့်မယ်"<br /> ထိုသို့ပြောရင်း ယန်ယွီက စုန့်ဝမ်ထံသို့ သိုလှောင်လက်စွပ် တစ်ကွင်း ကမ်းပေးလိုက်သည်။ </p> <p style="text-align:justify">"ဆုချီးမြှင့်တဲ့အတွက် အကြီးအကဲကို ကျေးဇူးတင်ပါတယ် ခင်ဗျာ"</p> <p style="text-align:justify"> </p> <p style="text-align:justify">ယန်ယွီက ဆက်ပြောလာသည်။<br /> "လောလောဆယ် ဆန်းကြယ်ချီ အပြည့်အဝရတဲ့ မြွေလူသားက တစ်ကောင်ပဲ ရှိသေးတယ်၊ ဒါက မလုံလောက်သေးဘူး။ အကြီးအကဲဝူ... မင်း သန့်စင်မှုကို ဆက်လုပ်ပါ။ ဆန်းကြယ်ချီ အပြည့်အဝရတဲ့ မြွေလူသား များလာလေ ပိုကောင်းလေပဲ။ ဖုန့်ဖန်းယီ... မင်းက လိုအပ်တဲ့ ဝိညာဉ်ပစ္စည်းတွေ စုဆောင်းပေးဖို့ တာဝန်ယူရမယ်။ ဒါက အလျင်စလို လုပ်စရာ မလိုပါဘူး၊ မင်းတို့ စိတ်အေးလက်အေးပဲ သန့်စင်နိုင်ပါတယ်"</p> <p style="text-align:justify">စုန့်ဝမ်နှင့် ဖုန့်ဖန်းယီတို့က ဦးညွှတ်ပြီး ဖြေလိုက်ကြသည်။ "တပည့် နာခံလျက်ပါ"</p> <p style="text-align:justify">ယန်ယွီလည်း ခေါင်းငြိမ့်ပြပြီးနောက် ဆန်းကြယ်ချီ အပြည့်အဝ ပေါင်းးပ်ထားသော မြွေလူသားကို ယူဆောင်ကာ ဂူအတွင်းမှ ပျောက်ကွယ်သွားခဲ့သည်။ </p> <p style="text-align:justify"> </p> <p style="text-align:justify">ယန်ယွီ ထွက်သွားပြီးနောက် စုန့်ဝမ်တို့မှာ တစ်ဦးနှင့်တစ်ဦး ချီးကျူးစကားများ ပြောဆိုနေကြသည်။ ထိုအတွင်း စုန့်ဝမ်သည် ဝိညာဉ်အာရုံကို သိုလှောင်လက်စွပ်အတွင်းသို့ တိတ်တဆိတ် ထည့်သွင်းစစ်ဆေးလိုက်သည်။ လက်စွပ်အတွင်း၌ ပစ္စည်းနှစ်မျိုးသာ ရှိသည်။ တစ်မျိုးမှာ အဆင့်မြင့် ဝိညာဉ်ကျောက်တုံးဖြစ်ပြီး ၃၀ ရှိသည်။ ယင်းမှာ အဆင့်နိမ့် ဝိညာဉ်ကျောက်တုံး သုံးသောင်းနှင့် ညီမျှသည်။ သို့သော် လက်တွေ့တွင်မူ အဆင့်မြင့် ဝိညာဉ်ကျောက်တုံးကို အလယ်အလတ် သို့မဟုတ် အဆင့်နိမ့်များနှင့် လဲလှယ်သူ အလွန်နည်းပါးသည်။ အဆင့်မြင့် ဝိညာဉ်ကျောက်တုံးများမှာ ပိုမို သန့်စင်ပြီး သိပ်သည်းသော ဝိညာဉ်စွမ်းအားများ ပါရှိသဖြင့် တတိယအဆင့် သို့မဟုတ် ထို့ထက်မြင့်သော အစီရင်ခံများ ခင်းကျင်းရာတွင်လည်းကောင်း၊ ကျင့်ကြံအဆင့် ချိုးဖျက်ချိန်တွင်လည်းကောင်း အသုံးပြုကြသည်။</p> <p style="text-align:justify"> </p> <p style="text-align:justify">ဒုတိယပစ္စည်းမှာ အကျိုးပြုဟု ကမ္ပည်းထိုးထားသော ငွေရောင် တံဆိပ်ပြားတစ်ခု ဖြစ်သည်။ ထိုတံဆိပ်ပြား၏ အသုံးဝင်ပုံကို မသိသဖြင့် စုန့်ဝမ်သည် ၎င်းကို ထုတ်ယူကာ ဇဝေဇဝါဖြင့် "တောင်သခင်ဖုန့်... ဒီတံဆိပ်ပြားက ဘာအတွက် သုံးတာလဲ ခင်ဗျ"ဟု မေးလိုက်သည်။</p> <p style="text-align:justify"> </p> <p style="text-align:justify">မကြာမီ ဂိုဏ်းချုပ်ဖြစ်တော့မည်ဟူသော အတွေးတွင် နစ်မြောနေသည့် ဖုန့်ဖန်းယီသည် စုန့်ဝမ်လက်ထဲမှ တံဆိပ်ပြားကို တစ်ချက်ကြည့်ကာ အနည်းငယ် အံ့အားသင့်သွားသည်။<br /> "ဒါက ဂိုဏ်းရဲ့ အကျိုးပြုတံဆိပ်ပြားပဲ။ ကြေး၊ ငွေ၊ ရွှေ ဆိုပြီး သုံးမျိုး ရှိတယ်။ အဲဒါတွေက ကျင့်ကြံခြင်း အဆင့်သုံးဆင့်နဲ့ ဆိုင်တယ်။ ငွေရောင်တံဆိပ်ဆိုတော့ ဂိုဏ်းမှာရှိတဲ့ အခြေတည်အဆင့်နဲ့ ပတ်သက်တဲ့ မန္တန်တွေ၊ ပညာရပ်တွေအားလုံးကို အကျိုးပြုအမှတ် သုံးစရာမလိုဘဲ ရယူခွင့် ရှိတယ်။ ဒီတံဆိပ်ပြားရှိရင် မင်းအတွက် အကျိုးပြုအမှတ်တွေ မလိုတော့ဘူးပေါ့"</p> <p style="text-align:justify"> </p> <p style="text-align:justify">စုန့်ဝမ်၏ မျက်လုံးများ တောက်ပသွားသည်။ လစဥ် ခံစားခွင့်ရ အကျိုးပြုအမှတ်မှာ နည်းပါးသဖြင့် ဂိုဏ်းတာဝန်များ ထမ်းဆောင်မှသာ အခြေတည်အဆင့်နှင့် ဆက်စပ်သော နည်းစနစ်များ၊ ဝိညာဥ်လက်နက်ကိရိယာများ လဲလှယ်နိုင်သည်။ ယခု တံဆိပ်ပြားက အကျိုးပြုရမှတ် လုံးဝမလိုတော့ဘဲ ရယူခွင့် ပေးစွမ်းနိုင်သဖြင့် အလွန်တရာ အကျိုးရှိစေသည် မဟုတ်ပါလား။</p> <p style="text-align:justify">ရုတ်တရက် စုန့်ဝမ် တစ်ခုခုကို သတိရသွားပြီး မေးလိုက်သည်။<br /> "ဒါဆိုရင် ရွှေအမြုတေအဆင့် သက်ရှည်ကျင့်စဉ်ကိုကော လဲလို့ ရမလား"</p> <p style="text-align:justify">ဖုန့်ဖန်းယီက ခေါင်းခါသည်။<br /> "အဲဒါတော့ မရဘူး။ သက်ရှည်ကျင့်စဉ်ရဲ့ ရွှေအမြုတေအဆင့် နည်းစနစ်က တတိယအဆင့် ဖြစ်လို့ ငွေရောင်တံဆိပ်ပြားနဲ့ လဲလို့မရဘူး။ အကြီးအကဲဝူက သက်ရှည်ကျင့်စဉ်ကို ကျင့်နေတာလား"</p> <p style="text-align:justify">စုန့်ဝမ်က ခေါင်းငြိမ့်ပြလိုက်သည်။</p> <p style="text-align:justify"><br />  <br /> ဖုန့်ဖန်းယီက တစ်ချက် စဥ်းစားပြီးနောက် "ငါ ဂိုဏ်းချုပ်ရာထူး ရအောင် မင်း ကူညီပေးတာဆိုတော့ ကျေးဇူးတုံ့ပြန်တဲ့အနေနဲ့ အဲဒီကျင့်စဉ် ရယူနိုင်အောင် စီစဉ်ပေးမယ်"ဟု ဆိုသည်။</p> <p style="text-align:justify">"ကျေးဇူးတင်ပါတယ် ဂိုဏ်းချုပ်ဖုန့်"<br /> စုန့်ဝမ်သည် စိတ်လှုပ်ရှားစွာဖြင့် ဂိုဏ်းချုပ်ဟုပင် ခေါ်ဝေါ်ကာ ကျေးဇူးတင်စကား ဆိုလိုက်သည်။<br /> "ဒါနဲ့ စကားမစပ် ... မကြာသေးခင်ကပဲ ကျွန်တော့်ရဲ့ ကျင့်ကြံမှုက အခြေတည် အစောပိုင်းအဆင့်ကနေ တက်လှမ်းတော့မယ့် လက္ခဏာတွေ ပြနေပါတယ်။ ဒါကြောင့် တံခါးပိတ်ကျင့်ကြံဖို့ ခဏလောက် ခွင့်ယူချင်ပါတယ်"</p> <p style="text-align:justify">"ဒါကောင်းတဲ့ကိစ္စပဲ။ စိတ်အေးလက်အေးသာ ကျင့်ကြံပါ"</p> <p style="text-align:justify">စုန့်ဝမ်က စိုးရိမ်ဟန်ဖြင့် "ဒါက ဆန်းကြယ်ချီ သန့်စင်မှုကို နှောင့်နှေးသွားစေမလားလို့ ကျွန်တော် စိုးရိမ်မိပါတယ်"ဟု ဆိုလိုက်သည်။</p> <p style="text-align:justify">ဖုန့်ဖန်းယီက "ဒါက အလျင်စလို လုပ်လို့ရတဲ့အရာ မဟုတ်ဘူး။ မဟာအကြီးအကဲကလည်း အလျင်မလိုဘူးလို့ မှာထားပြီးသားပဲ။ အဲဒီလို ကိစ္စလေးအတွက် အကြီးအကဲက မင်းကို အပြစ်တင်မှာ မဟုတ်ပါဘူး။ ပြီးတော့ မင်းရဲ့ ကျင့်ကြံမှု တိုးတက်လာရင် လျှို့ဝှက်ချီ သန့်စင်ရာမှာလည်း ပိုပြီး ထိရောက်မှာပေါ့"ဟု ဆိုသည်။</p> <p style="text-align:justify"> </p> <p style="text-align:justify">ယန်ယွီသည် လျှို့ဝှက်ချီ သန့်စင်မှုကို  အလောတကြီး လုပ်စရာ မလိုကြောင်း ရှင်းရှင်းလင်းလင်း ပြောထားခဲ့သည်။ ထို့ကြောင့် စုန့်ဝမ်၏ တောင်းဆိုမှုမှာလည်း ပိုမို လွယ်ကူသွားခဲ့သည်။ စုန့်ဝမ်သည် အလောင်းသန့်စင်ရာတွင် ကျွမ်းကျင်သည်မှာ မှန်သော်လည်း အခြားသူများမှာ ထိုနည်းလမ်းကို မသင်ယူနိုင်ဟု မဆိုလိုပေ။ အချိန်အလုံအလောက် ပေးပြီး စုန့်ဝမ်၏ လုပ်ကိုင်ပုံကို လေ့လာမည်ဆိုပါက အခြားသူများမှာလည်း  ကျွမ်းကျင်မှု ရှိလာမည်မှာ မလွဲပေ။ ဂိုဏ်းအနေဖြင့် လုပ်ငန်းစဥ်တစ်ခုကို လူတစ်ဦးတည်းပေါ်တွင် အမှီပြု ပုံအပ်ထားမည် မဟုတ်ပေ။<br />  </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save