Book List

<h2 style="text-align: center;">အခန်း (၄၄၆)</h2> <h2 style="text-align: center;">အစီအရင်ဖြိုခွင်းရေး ပါရဂူ ၊ သခင်လေးသာ မွေးမလာခဲ့ရင် အစီအရင်လောကကြီးဟာ ထာဝရ အမှောင်ထုထဲမှာ ကျန်ရစ်နေမှာပဲ ၊ရွှေတူ</h2> <h2 style="text-align: center;">*</h2> <p> </p> <p> </p> <p>​"တာအိုဆရာ ချောင်ချောင်... ကျနော် တို့ လုံကျူးနောက်ကနေ လိုက်ဝင်ကြမလား "</p> <p> ကျန်းဝေက မေးလိုက်သည်။</p> <p>​လီယန်ချူက ခေါင်းခါပြကာ</p> <p>"ခဏစောင့်ဦး၊ ငါအရင် စမ်းကြည့်လိုက်မယ်"</p> <p>​သူသည် ကျန်းဝေ၊ ရှောင်ရန်တို့နှင့်အတူ နတ်ဘုရားတောင်ခြေ၏ အခြားတစ်ဖက် ခြမ်းသို့ လှည့်ပတ်သွားလိုက်သည်။</p> <p>ရှောင်ရန်မှာ အလွန်ပင် အလိုက်သိတတ်သူဖြစ်ရာ ကျန်းဝေက လီယန်ချူကို ခေါ်ဝေါ်နေသည့် နာမည်နှင့်ပတ်သက်၍ အံ့ဩခြင်းမရှိပေ။</p> <p>လောကအနှံ့ လှည့်လည်သွားလာရာတွင် နာမည်ဝှက် သုံးစွဲခြင်းမှာ ပုံမှန်ကိစ္စသာ ဖြစ်သည် မဟုတ်ပါလား။</p> <p>ဘာပဲဖြစ်ဖြစ်... သူက ဒီလောက်တောင် ချောနေတာပဲလေ။</p> <p>အလှအပမက်သော ရှောင်ရန်၏ အတွေးကတော့ ရိုးရှင်းလှပေသည်။</p> <p>​ထိုနေရာတွင် ကျင့်ကြံသူများ ဝိုင်းအုံကြည့်ရှုခြင်း မရှိတော့ဘဲ တိတ်ဆိတ်ငြိမ်သက်နေသည်။</p> <p>လီယန်ချူသည် ရှေ့ဘက်သို့ လက်ညှိုးဖြင့် အသာအယာ ညွှန်ပြလိုက်သည်။</p> <p>​တာအိုအတတ်</p> <p>နံရံဖြိုခွဲခြင်း</p> <p>​တစ်ဝက်တစ်ပျက် မြင်သာနေသော အလင်းကာရံကြီးမှာ ဘေးနှစ်ဖက်သို့ ဖြည်းဖြည်းချင်း ကွဲအက်ပွင့်ဟသွားတော့သည်။</p> <p>တားမြစ်ချက်ကြီးမှာ အပေါက်ကြီးတစ်ခုအဖြစ် ပွင့်ထွက်သွားခဲ့ပြီ ဖြစ်သည်။</p> <p>​ကျန်းဝေ : "..."</p> <p>ရှောင်ရန် : "..."</p> <p>​သူတို့နှစ်ယောက်စလုံး မှင်သက်အံ့ဩသွားကြသည်။</p> <p>ဒါ... ဒါပဲလား</p> <p>ထိုအရာမှာ နတ်ဘုရားနယ်မြေအတွင်းရှိ ကျင့်ကြံသူ အမြောက်အမြားကို ပိတ်ဆို့ထားသည့် ရှေးဟောင်းတားမြစ်ချက်ကြီး ဖြစ်သည်။</p> <p> အစီအရင် ကျွမ်းကျင်လှသည်ဆိုသော လုံကျူးပင်လျှင် ရန်သူကြီးနှင့် ရင်ဆိုင်နေရသကဲ့သို့ အသည်းအသန် ဖြိုခွင်းနေရသည် မဟုတ်ပါလား</p> <p>​အခုတော့... အသာလေး လက်ညှိုးညွှန်လိုက်ရုံနဲ့ ပွင့်သွားတာလား။</p> <p>​"ရပုံရတယ်၊ သွားကြစို့... အတွင်းထဲကို ဝင်ကြည့်ရအောင်"</p> <p>လီယန်ချူက ပြုံးလျက် ပြောလိုက်သည်။</p> <p>​ဟွမ်ထင်တာအိုကျမ်း ထဲတွင် မှတ်တမ်းတင်ထားသော အတတ်ပညာများရဲ့  အဆင့်အတန်းမှာ တကယ်ကို မြင့်မားလွန်းလှသည်။</p> <p>ဆရာဖြစ်သူက ထိုကျမ်းကို မည်သည့်နေရာမှ ရရှိခဲ့သည်ကိုပင် သူ အံ့ဩမိသွားရသည်။</p> <p>​ကျန်းဝေနှင့် ရှောင်ရန်တို့မှာ လီယန်ချူ၏ နောက်မှကပ်၍ ထိုအစွမ်းထက်လှသော တားမြစ်ချက်အတွင်းသို့ အလွယ်တကူပင် လျှောက်ဝင်သွားကြတော့သည်။</p> <p>​တစ်ဖက်တွင်မူ...</p> <p>လက်ထဲတွင် လမ်းညွှန်အိမ်မြှောင်နှင့် အစီအရင်ဖြိုခွင်းရေး ရွှေတူကို ကိုင်ထားသော လုံကျူးမှာ ကောင်းကင်ဘုံရှစ်ကွက်  ၊ ကောင်းကင်နှင့်မြေကြီး ပြောင်းလဲခြင်းနိယာမ  တို့ကို တွက်ချက်ပြီး ဓာတ်ငါးပါး အစီအရင်များကို ခွဲခြမ်းစိတ်ဖြာနေသည်။</p> <p>နောက်ဆုံးတွင် သူ၏ တစ်သက်တာ သင်ယူခဲ့သမျှ ပညာရပ်များကို အသုံးချပြီး နတ်ဘုရားတောင်၏ တားမြစ်ချက် အစီအရင်ကို ဖွင့်လှစ်နိုင်ခဲ့ပြီ ဖြစ်သည်။</p> <p>​"လုံကျူးသခင်လေးက တကယ်ကို မထင်ရဘူးပဲ၊ နာရီဝက် အတွင်းမှာတင် ဒီအစီအရင်ကို ဖြိုခွင်းနိုင်ခဲ့တယ် "</p> <p>"လုံကျူးသခင်လေးက နောင်တစ်ချိန်မှာ သေချာပေါက် အစီအရင်လောကရဲ့ ပါရဂူကြီး ဖြစ်လာမှာပဲ "</p> <p>"အစီအရင် ပညာရပ်မှာတော့ လုံကျူးသခင်လေးက ထိပ်ဆုံးကပဲ "</p> <p>"ကောင်းကင်ဘုံကသာ လုံကျူးသခင်လေးကို မမွေးဖွားပေးခဲ့ရင် အစီအရင်လောကကြီးဟာ ထာဝရ အမှောင်ထုထဲမှာ ကျန်ရစ်နေမှာပဲ "</p> <p>​လူအုပ်ကြီးမှာ သူတို့၏ ဖားယားလိုသော စိတ်ဆန္ဒများကို ဖုံးကွယ်မထားဘဲ အမွှမ်းတင်နေကြသည်။</p> <p>သို့သော် နောက်ဆုံးစာကြောင်းကို ကြားလိုက်ရသည့်အခါ လူတိုင်း ခဏတာ ကြောင်သွားကြသည်။</p> <p>ငါတို့ကြားထဲမှာ တစ်ခုခုတော့ မှားနေပြီထင်တယ် ။</p> <p>​လုံကျူးသည် သန်မာထွားကြိုင်းသော ဘီလူးကြီး ကျောက်ရှီးဟူ  ကို တစ်ချက်စောင်းကြည့်လိုက်ပြီးနောက် လူအုပ်ကြီးကိုကြည့်ကာ ယဉ်ကျေးသိမ်မွေ့စွာ ပြုံးပြလျက် လက်အုပ်ချီ နှုတ်ဆက်လိုက်သည်။</p> <p>​"လူကြီးမင်းတို့... နတ်ဘုရားတောင်ရဲ့ တားမြစ်ချက်က အလွန်ကြောက်စရာကောင်းတယ်ဆိုတာ ကျနော်ထပ်ပြောနေဖို့ မလိုတော့ပါဘူး။ အထဲကို ရောက်သွားတဲ့အခါ တားမြစ်ချက်တစ်ခုခုကို မတော်တဆ သွားမထိမိစေဖို့ ဘာကိုမှ လျှောက်မလုပ်ကြပါနဲ့"</p> <p>​လူအုပ်ကြီးမှာ တညီတညွတ်တည်း ပြိုင်တူ ပြန်ထူးကြသည်။</p> <p>"ဒါပေါ့... အားလုံးက လုံကျူးသခင်လေးရဲ့ အစီအစဉ်အတိုင်း လိုက်နာမှာပါ"</p> <p>"လုံကျူးသခင်လေးက ငါတို့ကို ခေါ်လာတာပဲ၊ သူ့စကားကို နားထောင်ရမှာပေါ့၊ နားမထောင်တဲ့သူရှိရင် အားလုံးနဲ့ ရန်သူဖြစ်တာပဲ"</p> <p>​လုံကျူး၏ အပြုံးမှာ ယဉ်ကျေးသိမ်မွေ့လှသည်။</p> <p>သူသည် ထိုကဲ့သို့  လဝန်းကို  ကြယ်စင်တွေ ဝန်းရံထားသကဲ့သို့  ခံစားချက်ကို အလွန်နှစ်သက်သည်။</p> <p>လုံမျိုးနွယ်စုဝင် တစ်ဦးအနေဖြင့် သူလည်း နာမည်ကျော်ကြားချင်သည် မဟုတ်ပါလား။</p> <p>​ဒါပေမဲ့လည်း...</p> <p>သူ့စိတ်ထဲတွင် ကိုယ်ပိုင်အကြံစည်လည်း ရှိနေသည်။</p> <p> တစ်ခုက အစွမ်းထက်သော ကူညီသူအချို့ကို ဖိတ်ခေါ်ရန်ဖြစ်ပြီး နောက်တစ်ခုမှာ အချို့သော တားမြစ်ချက်များအတွက် လမ်းပြအဖြစ် စတေးခံရမည့်သူများ လိုအပ်ခြင်းပင် ဖြစ်သည်။</p> <p>လူများလေလေ ဘေးကင်းလေလေဟု သူ တွက်ထားသည်။</p> <p>​သူတို့လူအုပ်ကြီးမှာ ခန့်ညားထည်ဝါလှသော နတ်ဘုရားတောင်ကြီးအတွင်းသို့ အုတ်အုတ်ကျက်ကျက် ဝင်ရောက်သွားကြသည်။</p> <p>အသားအရေဖြူဝင်းပြီး အလှပြင်ထားသော လျိုချင်းချင်းသည် လုံကျူးအနားသို့ ချဉ်းကပ်ကာ စကားစမြည် ပြောဆိုလိုက်သည်။</p> <p> ဆွဲဆောင်မှုရှိသော အလှတရားနှင့် ပါးနပ်လှသော စကားပြောစွမ်းရည်ကြောင့် ချက်ချင်းပင် လုံကျူး၏ သဘောကျမှုကို ရရှိသွားသည်။</p> <p>လူငယ်လေးဆိုသည်မှာ အစ်မကြီးအရွယ် အလှပဂေးတွေကို မကြိုက်ဘဲ နေပါ့မလား။</p> <p>​လျိုချင်းချင်း၏ ဆွဲဆောင်မှုရှိသော အမူအရာများကြောင့် ထိုနေရာရှိ အဖိုးကြီး အချို့ပင်လျှင် ခေါင်းမူးသွားကြရသည်။</p> <p>နှစ်ပေါင်းများစွာ ပြန်လည် နုပျိုသွားသကဲ့သို့ပင် ခံစားနေကြရသည်။</p> <p>​သူတို့လူအုပ်ကြီးမှာ ကောင်းကင်သို့ ဦးတည်နေသော ကျောက်လှေကားတစ်ခုရှေ့သို့ ရောက်ရှိလာသည်။</p> <p>လုံကျူး၏ ပေါ့ပါးနေသော စိတ်အခြေအနေမှာ ချက်ချင်းပင် လေးလံသွားရတော့သည်။</p> <p>သူ၏ မျက်ဝန်းအိမ်တွင် စိမ်းဖန့်ဖန့် အလင်းတန်းများ ပေါ်ထွက်လာပြီး ရှေးကျကာ ခန့်ညားလှသော လှေကားထစ်များမှာ သူ့မျက်စိထဲတွင် အခြားပုံစံတစ်မျိုးသို့ ပြောင်းလဲသွားသည်။</p> <p>​"ဒါ တာအိုလောကရဲ့ ကောင်းကင်မျက်စိ ပဲ၊ လုံကျူးသခင်လေးက ဒီလောက်အရွယ်နဲ့ ကောင်းကင်မျက်စိ ကို ကျင့်ကြံအောင်မြင်ထားတာလား "</p> <p>လူတစ်ယောက်မှာ လုံကျူး ရပ်တန့်သွားသည်ကို မြင်သောအခါ ရှေ့ဆက်ဘယ်လိုသွားရမလဲဟု မေးရန် ပြင်လိုက်သော်လည်း ထိုမြင်ကွင်းကို တွေ့လိုက်ရသဖြင့် အံ့ဩသွားရသည်။</p> <p>ဒါကြောင့်လည်း ဒီလောက်တိုတောင်းတဲ့ အချိန်အတွင်းမှာ နတ်ဘုရားတောင်ရဲ့ တားမြစ်ချက်ကို ဖြိုခွင်းနိုင်ခဲ့တာကိုး</p> <p>​လုံကျူး၏ မျက်နှာမှာ တည်ကြည်လေးနက်သွားသည်။</p> <p> သူ၏ အမြင်ထဲတွင် ကျောက်လှေကားထစ်များပေါ်၌ ရေတွက်၍မရနိုင်သော ရှုပ်ထွေးလှသည့် မျဉ်းကြောင်းများရှိနေပြီး ထိုမျဉ်းကြောင်းများမှာ အလွန်ပင် ထက်မြက်လှသည်။</p> <p>​"ကျနော် နောက်က လိုက်ခဲ့ကြပါ၊ ဒီနေရာက အစီအရင်ကို သတိထားကြ "</p> <p>​သူ၏ စိတ်ထဲတွင် များစွာ ထိတ်လန့်သွားရသည်။</p> <p>ထိုအစီအရင်ကြီး၏ ဒီဇိုင်းမှာ အလွန်စေ့စပ်သေချာပြီး တစ်ခုနှင့်တစ်ခု ဆက်နွှယ်နေကာ အလွန်ပင် ရှုပ်ထွေးလှသည်။</p> <p>သူ၏ တစ်သက်တာတွင် မြင်ဖူးသမျှထဲ၌ အရှုပ်ထွေးဆုံးဟုပင် ဆိုနိုင်သည်။</p> <p>လှေကားထစ် တစ်ခုချင်းစီမှာ ရှေးကျလှပြီး အချိန်ကာလ၏ တိုက်စားမှုကို ခံထားရသဖြင့် လေးလံသော သမိုင်းအငွေ့အသက်များ ရှိနေသည်။</p> <p>​ထိုနတ်ဘုရားတောင်ကြီးတွင် လူကို ဖိနှိပ်ထားသော ထူးဆန်းသည့် အားအင်တစ်ခု ရှိနေသဖြင့် လှုပ်ရှားသွားလာရသည်မှာ အတော်ပင် ခက်ခဲလှသည်။</p> <p>ထို့ပြင် လုံကျူး၏ ခွဲခြမ်းစိတ်ဖြာချက်အရ ဤနေရာတွင် ကောင်းကင်ပျံသန်းမှု တားမြစ်ချက် ရှိနေပုံရသည်။</p> <p>အကယ်၍ ကျင့်ကြံသူတစ်ယောက်က စည်းကမ်းမလိုက်နာဘဲ တိုက်ရိုက် ပျံသန်းရန် ကြိုးစားလိုက်ပါက ချက်ချင်းပင် အစီအရင်၏ ချေမှုန်းခြင်းကို ခံရပေလိမ့်မည်။</p> <p>သို့မဟုတ်လျှင်လည်း ကျင့်စဉ်စွမ်းအားများ ပိတ်ဆို့ခံရပြီး အမြင့်မှ ပြုတ်ကျကာ အသက်ပျောက်သွားရပေလိမ့်မည်။</p> <p>​သူတို့သည် တောင်အတွင်းပိုင်းသို့ တဖြည်းဖြည်း တိုးဝင်လာကြရာ ခြေလှမ်းများမှာလည်း တစ်စထက်တစ်စ နှေးကွေးလာသည်။</p> <p>ဤနေရာရှိ တားမြစ်ချက်များမှာ ရှုပ်ထွေးရုံသာမက အရေအတွက်လည်း အလွန်များပြားလှသည်။</p> <p>လုံကျူး၏ မျက်နှာမှာ ပို၍ ပို၍ တည်ကြည်လာသည်။</p> <p>သူ၏ နဖူးပေါ်တွင် ချွေးစက်များမှာ တရစပ် ကျဆင်းနေတော့သည်။</p> <p>​"လုံကျူးသခင်လေး... ဘာဖြစ်လို့လဲ"</p> <p>ဝတ်ရုံနက်ဝတ် အဖိုးကြီးတစ်ယောက်က မေးလိုက်သည်။</p> <p>လုံကျူးက</p> <p>"ဘာမှမဖြစ်ပါဘူး၊ အစီအရင်က နည်းနည်း ရှုပ်ထွေးလာရုံတင်ပါ။ ဒါပေမဲ့ ကျနော် အတွက်တော့ ပြဿနာ မဟုတ်ပါဘူး"</p> <p>​သူသည် လက်မှ မန္တန်တစ်ခုကို ဖော်လိုက်ပြီး အစီအရင်ဖြိုခွင်းရေး ရွှေတူကို တင်းတင်းဆုပ်ကိုင်ကာ</p> <p>ရှေ့သို့ အားပါးတရ ထုနှက်လိုက်တော့သည်။</p> <p>​ဝုန်း</p> <p>​ကျယ်လောင်လှသော မြည်ဟီးသံကြီးနှင့်အတူ မျက်စိဖြင့် မြင်နိုင်သော စွမ်းအင်လှိုင်းများမှာ ဘေးပတ်ဝန်းကျင်သို့ လွင့်စင်သွားပြီး ဖုန်မှုန့်များနှင့် ကျောက်စိုင်ကျောက်ခဲများ လွင့်ထွက်ကုန်သည်။</p> <p>ငြိမ်သက်နေသော ကန်ရေပြင်ထဲသို့ ကြီးမားသော အရာဝတ္ထုတစ်ခုကို ပစ်ချလိုက်သကဲ့သို့ပင် လှိုင်းလုံးကြီးများ ထလာတော့သည်။</p> <p>​ထိုအစီအရင်ဖြိုခွင်းရေး ရွှေတူမှာ လောကရှိ အစီအရင်မှန်သမျှကို ဖြိုခွင်းနိုင်သော အလွန်ပင် အစွမ်းထက်လှသည့် နတ်ဘုရားလက်နက် တစ်ခု ဖြစ်သည်။</p> <p>သို့သော်လည်း...</p> <p>လုံကျူး၏ စိတ်မှာ ပေါ့ပါးမသွားဘဲ ပို၍ လေးလံသွားရသည်။</p> <p>အကြောင်းမှာ ထိုနေရာရှိ အစီအရင်ကို ဖြိုခွင်းလိုက်သော်လည်း အစီအရင်ကြီး တစ်ခုလုံးမှာ ပို၍ ပို၍ ရှုပ်ထွေးလာပြီး ပုံစံမှာ လုံးဝ ပြောင်းလဲသွားခြင်းကြောင့်ပင်။</p> <p>​"ဟင် "</p> <p>"ပိုပြီး ရှုပ်ထွေးသွားပြီ "</p> <p>​လုံကျူး၏ စိတ်ထဲတွင် ငိုချင်သလို ဖြစ်သွားရသည်။</p> <p>သူသည် ရှေးကျသော ကျောက်လှေကားထစ်များကို ကြည့်ရင်း စိတ်ထဲမှာ ထိတ်လန့်နေမိသည်။</p> <p> အခုမှ လှေကားထစ်တွေရဲ့ တစ်ဝက်တောင် မရောက်သေးဘူးလေ။</p> <p>"ငါ့ဆရာ ကိုယ်တိုင်လာရင်တောင် ဒီအစီအရင်ကို ဖြိုဖို့ဆိုတာ လွယ်မှာ မဟုတ်ဘူး"</p> <p>လုံကျူး စိတ်ထဲက ရေရွတ်လိုက်သည်။</p> <p>​မတတ်နိုင်ချေ။</p> <p>သူသည် အစီအရင်ဖြိုခွင်းပေးမည်ဟု ဆိုကာ ဂိုဏ်းကြီးများမှ ပညာရှင်ကြီးများ၊ အဖိုးကြီးများကို ဆွဲဆောင်ထားခဲ့သည် မဟုတ်ပါလား။</p> <p>သူ့နောက်တွင်လည်း ကျင့်ကြံသူ အမြောက်အမြားက မျှော်လင့်ချက်အပြည့်ဖြင့် ကြည့်နေကြသည်။</p> <p>အကယ်၍ ယခုအချိန်တွင် မရတော့ဘူး ဟုပြောပြီး နောက်ပြန်လှည့်လျှင် သိက္ခာကျရုံတင်မကဘဲ တစ်စုံတစ်ယောက်က သူ့ကို အရှင်လတ်လတ် ဆွဲဖြဲပစ်လိုက်မည်ကိုပင် စိုးရိမ်နေရသည်။</p> <p>​သူသည် အံကြိတ်ကာ ရှေ့သို့ ဆက်တိုးခဲ့သည်။</p> <p>နောက်ထပ် လှေကားထစ် တစ်ရာခန့်ကို တက်လာပြီးနောက်</p> <p>​"ခဏနေဦး"</p> <p>လုံကျူးက လက်မြှောက်ပြကာ လူတိုင်းကို မလှုပ်ရှားရန် တားလိုက်သည်။</p> <p>ရှေ့တွင် အလွန်အစွမ်းထက်သော အစီအရင်တစ်ခု ပေါ်လာပြန်သည်။</p> <p>သူ၏ ကောင်းကင်မျက်စိ အမြင်ထဲတွင် ထိုအစီအရင်၌ ပါဝင်သော ဓာတ်ငါးပါး နှင့် ရှစ်ကွက်အစီအရင် ပြောင်းလဲမှုများမှာ အလွန်ပင် ရှုပ်ထွေးလွန်းလှသည်။</p> <p>ရွှေညိုရောင် မျဉ်းကြောင်းများမှာ ရှုပ်ယှက်ခတ်နေသဖြင့် မည်သည့်နေရာမှ စတင်ကိုင်တွယ်ရမည်မှန်းပင် မသိတော့ပါ။</p> <p>​လုံကျူးသည် အသက်ကို ပြင်းပြင်းရှူသွင်းလိုက်ပြီး တစ်ဖက်မှ မန္တန်ဖော်ကာ ကျန်တစ်ဖက်မှ ရွှေတူကို မြှောက်လိုက်သည်။</p> <p>"ဖြိုခွင်းစမ်း "</p> <p>လုံကျူးက အေးစက်စွာ အော်ဟစ်လိုက်သည်။</p> <p>​ထိုရွှေတူတွင် အစီအရင်၏ ပြောင်းလဲမှုများကို နှိမ်နင်းနိုင်ပြီး အားနည်းချက်ကို အလိုအလျောက် ရှာဖွေနိုင်သော ဂုဏ်သတ္တိ ရှိသည်။</p> <p>ယခုအချိန်တွင်တော့ ရွှေတူကိုသာ အားကိုးပြီး အတင်းအဓမ္မ ဖြိုခွင်းရတော့မည်။</p> <p>​အလင်းတန်းများ ဖြာထွက်လာသည်။</p> <p>အရောင်အသွေး ငါးမျိုးစုံသော အလင်းတန်းများမှာ တောက်ပစွာ လက်ခနဲ ဖြစ်သွားပြီးနောက် တရစပ် ပြောင်းလဲနေတော့သည်။</p> <p>​ခရန်းးး</p> <p>​ကျွတ်ခနဲ မြည်သံတစ်သံ ထွက်ပေါ်လာသည်။</p> <p>​"ဘယ်လိုဖြစ်နိုင်မှာလဲ..."</p> <p>လုံကျူး၏ မျက်ဝန်းအိမ်များ ကျုံ့သွားပြီး မယုံကြည်နိုင်လောက်အောင် ဖြစ်သွားရသည်။</p> <p>လောကရှိ အစီအရင်ကြီးများကို ဖြိုခွင်းနိုင်သည်ဆိုသော ရွှေတူမှာ ဝုန်းခနဲ မြည်ကာ ကြေမွသွားပြီး အပိုင်းအစများမှာ မြေပြင်ပေါ်သို့ ပြန့်ကျဲကျဆင်းသွားတော့သည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save