Book List

<h2 style="text-align: center;">အခန်း (၄၀၆)</h2> <h2 style="text-align: center;">မိကျောင်းမိစ္ဆာကြီး</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~"ဘုန်း..."</p> <p>နောက်တစ်ခဏ၌ မိကျောင်းမိစ္ဆာကြီး အသွင်ပြောင်းထားသော စုယွီ၏ ကြောက်မက်ဖွယ် ကိုယ်လုံးကြီးသည် ကောင်းကင်ယံမှ ဆင်းသက်လာတော့သည်။ သူ၏ လက်တစ်ဖက်က သားရဲကြီး၏ အမြီးကို ပြတ်ထွက်မတတ် ဆုပ်ကိုင်ထား၏။ ထို့နောက် လေထဲတွင် ရမ်းခါကာ မြေကြီးပေါ်သို့ ပယ်ပယ်နယ်နယ် ဆောင့်ရိုက်ချပစ်လိုက်သည်။</p> <p>“ဘုန်း... ဘုန်း... ဘုန်း..”</p> <p>အဝေးတစ်နေရာ၌၊</p> <p>ကောင်းကင်မိုးကြိုး ကြွက်အုပ်စုသည် တိုက်ပွဲကို စောင့်ကြည့်နေကြသည်။ ဉာဏ်ရည်မနိမ့်လှသော ထိုကြွက်များ အားလုံး တစ်ကောင်နှင့်တစ်ကောင် ဖက်ကာ တုန်ယင်နေကြ၏။ သူတို့၏ 'သခင်' သည် တတိယအဆင့် အလယ်အလတ်တန်းစား မိစ္ဆာသားရဲကြီးကို အကြမ်းပတမ်း ထုထောင်းနေသည်ကို မျက်လုံးပြူး မျက်ဆန်ပြူးဖြင့် ကြည့်နေကြသည်။</p> <p>ဤမြင်ကွင်းက သူတို့၏ ဝိညာဉ်များကိုပင် ပြင်းထန်စွာ တုန်လှုပ်သွားစေသည်။</p> <p>သူတို့အတွက်မူ စုယွီ၏ မှော်မန္တန်များထက် ယခုလို ကြွက်သားအစစ်ဖြင့် အကြမ်းပတမ်း ဝင်ရောက်ချေမှုန်းနေသော ရုပ်ခန္ဓာ စွမ်းအားက ပို၍ပင် ကျောချမ်းစရာ ကောင်းနေတော့၏။</p> <p>ပို၍ ဝေးကွာသော နေရာတွင်မူ မာထျန်းလင်၊ ယွီခယ်အာ၊ စုချီ၊ ယွီချန်ချင်း၊ လော့ချင်းယာ၊ လန်ရှီး နှင့် လန်ကုန်းတို့ အဖွဲ့ ရှိနေကြသည်။ စုယွီ ကိုယ်တိုင်ကိုယ်ကျ ဝင်ရောက်တိုက်ခိုက်သည်ကို သူတို့ မြင်ရခဲလှ၏။</p> <p>ထို့ကြောင့် စုယွီက တတိယအဆင့် အလယ်အလတ်တန်းစား သားရဲကို သွားရောက် သတ်ဖြတ်မည် ဆိုသောအခါ တစ်ယောက်မကျန် နောက်မှ လိုက်ပါလာခဲ့ကြခြင်း ဖြစ်သည်။</p> <p>သို့သော် ယခုအချိန်တွင်မူ ထိုမိန်းမလှလေးများ အားလုံး ပါးစပ်အဟောင်းသား၊ မျက်လုံးအပြူးသားဖြင့် မေးစေ့ပြုတ်ကျမတတ် မှင်သက်နေကြတော့၏။</p> <p>ရှေးဟောင်း မိစ္ဆာကြီးတစ်ကောင် လူ့ပြည်ဆင်းလာသည့်နှယ် ကြောက်စရာ ကောင်းသော အကြမ်းပတမ်း စွမ်းအားများ ထုတ်သုံးကာ တတိယအဆင့် သားရဲကြီးကို ထုထောင်းနေသော စုယွီကို ကြည့်ပြီးနောက် မာထျန်းလင်သည် ယွီခယ်အာဘက်သို့ လှည့်လိုက်သည်။</p> <p>သူမ၏ အပြစ်ကင်းစင်သော မျက်လုံးဝိုင်းဝိုင်းလေးများကို ပေကလပ် ပေကလပ် လုပ်ရင်း မေးလိုက်၏။</p> <p>"ဆရာမ... ဆရာက မိစ္ဆာဘုရင် ဝင်စားတာများ ဖြစ်နေမလားဟင်"</p> <p>ထိုစကားကို ကြားသည်နှင့် စုချီသည် စိတ်လှုပ်ရှားစွာဖြင့် လက်ခုပ်တီးကာ ထောက်ခံတော့သည်။</p> <p>"အာ... ထျန်းလင်လေး ပြောတာ ယုတ္တိရှိတယ်ဟေ့။ ဦးလေးယွီက သိပ်ရက်စက်လွန်းတယ်။ တတိယအဆင့် သားရဲကြီးကို ရုပ်ခန္ဓာ ခွန်အားသက်သက်နဲ့ ကိုင်နေတာလေ။ ပြီးတော့ မိစ္ဆာသားရဲအုပ်ကြီးကိုလည်း အမိန့်ပေး ခိုင်းစေနိုင်သေးတယ်။ ဒီပုံစံက မိစ္ဆာဘုရင်နဲ့ ပိုတောင် တူနေသေးတယ်"</p> <p>မာထျန်းလင်လေး လော့ယွဲ့ မဟာမိတ်အဖွဲ့၏ လျှို့ဝှက်နယ်မြေထဲသို့ ရောက်လာခဲ့သည်မှာ ငါးနှစ်ခွဲကျော်ပင် ရှိသွားခဲ့ပြီ ဖြစ်၏။</p> <p>အသက် (၁၁) နှစ်ခွဲ အရွယ် ကလေးမလေးဘဝမှ ယခုအခါ အသက် (၁၇) နှစ်အရွယ် အလှပန်းလေး တစ်ပွင့်အဖြစ် ဖူးပွင့်လာခဲ့ပြီ ဖြစ်သည်။</p> <p>(၁၆) နှစ်ပြည့်လျှင် အရွယ်ရောက်ပြီဟု သတ်မှတ်သော ကျင့်ကြံခြင်းလောက၏ စည်းမျဉ်းအရ ဆိုရလျှင် မာထျန်းလင်သည် ပြီးခဲ့သည့်နှစ်ကတည်းက အရွယ်ရောက်ပြီးသား မိန်းကလေး ဖြစ်နေတော့၏။</p> <p>ယနေ့တွင် သူမသည် အစိမ်းနုရောင် နန်းတွင်းဝတ်စုံလေးကို ဝတ်ဆင်ထားပြီး၊ ပခုံးပေါ် ကျနေသော ဆံပင်ရှည်များက လေထဲတွင် ဝဲလွင့်နေ၏။ ကြက်သွန်မြိတ်လေးကဲ့သို့ ဖြောင့်စင်းသော နှာတံ၊ ဝိုင်းစက်ပြီး အပြစ်ကင်းသော မျက်လုံးလေးများနှင့် နွေးထွေးသည့် ကျောက်စိမ်းလေး တစ်တုံးပမာပင်။</p> <p>အထူးခြားဆုံးမှာ မာထျန်းလင်၏ သွယ်လျဖြောင့်စင်းနေသော ခြေတံရှည်ကြီးများပင် ဖြစ်သည်။ ယွီခယ်အာ၊ စုချီ၊ လန်ရှီး တို့ထက်ပင် ပို၍ ထင်းထွက်နေသေး၏။</p> <p>ငယ်စဉ်ကတည်းက ခြေတံရှည်လေး ဖြစ်ရာ၊ ယခု အရွယ်ရောက်လာချိန်တွင် ပို၍ပင် ကြည့်ကောင်းနေတော့သည်။</p> <p>သူမ၏ စကားကို ကြားသောအခါ ယွီခယ်အာက ပြုံး၍ ခေါင်းယမ်းလိုက်သည်။</p> <p>"လျှောက်ပြောမနေနဲ့... နင့်ဆရာက လူသားစစ်စစ်ပါဟဲ့။ ဘာ မိစ္ဆာဘုရင်ဝင်စားတာမှ မဟုတ်ဘူး"</p> <p>မာထျန်းလင်က မျက်လုံးလေး ကလယ်ကလယ် လုပ်နေ၏။ ဤကောင်မလေးသည် ငယ်စဉ်ကတည်းက ဉာဏ်နီဉာဏ်နက် များသလို စုချီနှင့် အတူကြီးပြင်းလာသူ ဖြစ်သဖြင့် အငြိမ်နေမည့် အမျိုးတော့ မဟုတ်ပေ။</p> <p>မည်သို့ပင် ဂနာမငြိမ် ဖြစ်နေစေကာမူ ပြီးခဲ့သည့် ငါးနှစ်တာ ကာလအတွင်းတွင် သူမ၏ မြေကမ္ဘာ အဆင့် ဝိညာဉ်အမြစ် ပါရမီ၊ ဟွိုင်ယင်း ဝိညာဉ်ခန္ဓာ ဖွဲ့စည်းပုံနှင့် လော့ယွဲ့ မဟာမိတ်အဖွဲ့ လျှို့ဝှက်နယ်မြေ၏ စတုတ္ထအဆင့် ဝိညာဉ်ကြော ပတ်ဝန်းကျင်တို့ ပေါင်းစပ်လိုက်သောအခါ သူမ၏ ကျင့်ကြံခြင်း အဆင့်သည် မသိမသာဖြင့် အခြေခံတည်ဆောက်ခြင်း အဆင့် (၄) သို့ပင် ရောက်ရှိနေခဲ့တော့သည်။</p> <p>အရင်က စုယွီ ရရှိခဲ့သော အမွေအနှစ်ထဲမှ ရှေးဟောင်း တစ်ကိုယ်တော် ကျင့်ကြံသူ ပါရမီရှင် တာအိုဆရာ ပင်းယွီ ဆိုလျှင် မြေကမ္ဘာ အဆင့် ဝိညာဉ်အမြစ် ရှိတာတောင် အခြေခံတည်ဆောက်ခြင်း အဆင့်သို့ ရောက်ရန် ဆယ်နှစ်တိုင်တိုင် အချိန်ယူခဲ့ရသည်။ ၎င်းကိုပင် သူက ဂုဏ်ယူစရာအဖြစ် မှတ်တမ်းတင်ထားခဲ့သေး၏။</p> <p>သို့သော် မာထျန်းလင်သည် သုံးနှစ်တည်းသာ အချိန်ယူခဲ့ရသည်။</p> <p>သုံးနှစ်တည်းဖြင့် အခြေခံတည်ဆောက်ခြင်း အဆင့်ကို ရောက်သွားခဲ့ခြင်း ဖြစ်၏။</p> <p>ထို့ပြင် အဆင့်မြင့် တာအိုအခြေခံကိုပါ အခိုင်အမာ တည်ဆောက်နိုင်ခဲ့သည်။</p> <p>စုယွီ၏ အကဲဖြတ်ချက်အရ ဆိုရလျှင် မာထျန်းလင်၏ အခြေခံတည်ဆောက်ခြင်း တာအိုအခြေခံသည် သူ ဓာတ်ကြီး ငါးပါး ကျင့်စဉ်ကို ပြီးပြည့်စုံအောင် ကျင့်ကြံခဲ့စဉ်က ဓာတ်ကြီး ငါးပါး ပေါင်းစပ်ထားသည့် အခြေခံထက်ပင် အားနည်းမည် မဟုတ်ချေ။</p> <p>ဤ ဝိညာဉ်ခန္ဓာ ပါရမီသည် တကယ့်ကို ကြောက်စရာကောင်းသလို မနာလိုဖြစ်ချင်စရာလည်း ကောင်းလွန်းလှသည်။</p> <p>ပါရမီကောင်းတစ်ခု ရှိခြင်းသည် သာမန်လူတို့၏ ရေတွက်၍မရနိုင်သော နှစ်ပေါင်းများစွာ ကြိုးစားအားထုတ်မှု ရလဒ်များနှင့် ညီမျှနေ၏။ သာမန်လူတစ်ယောက် တစ်သက်လုံး ကြိုးစားသည်ဆိုလျှင်တောင် ဝိညာဉ်ခန္ဓာ ပိုင်ရှင်တစ်ယောက်၏ အစပျိုးမှုလောက်ကို မမီနိုင်ပေ။</p> <p>ထိုအခိုက်အတန့်၌ မာထျန်းလင်သည် ယွီခယ်အာ၏ နားနားကပ်၍ တစ်ခုခု တီးတိုးပြောလိုက်သည်။</p> <p>ယွီခယ်အာ ရုတ်တရက် ခေါင်းလှည့်လာပြီး သူမကို မျက်စောင်းထိုးလိုက်တော့သည်။ ဤကောင်မလေးသည် အမြဲတမ်း လျှောက်ပြောနေတတ်သည် မဟုတ်ပါလော။</p> <p>သူတို့ဘေးနားရှိ လော့ချင်းယာ၊ လန်ရှီး၊ လန်ကုန်း နှင့် ယွီချန်ချင်းတို့သည်လည်း တိုက်ပွဲကို ငေးကြည့်ရင်း စကားပင် မပြောနိုင်လောက်အောင် မှင်သက်နေကြ၏။</p> <p>ရုပ်ခန္ဓာ ခွန်အားသက်သက်ဖြင့် တတိယအဆင့် အလယ်အလတ်တန်းစား သားရဲကြီးကို အမှုန့်ကြိတ်ပစ်နိုင်သည် ဆိုသော အင်အားက တကယ့်ကို ထိတ်လန့် အံ့သြစရာ ကောင်းနေသောကြောင့် ဖြစ်သည်။</p> <p>မကြာမီ အချိန်အတွင်းမှာပင်။</p> <p>မိကျောင်းမိစ္ဆာ (၁၀၈) ကွက် ကိုယ်ခန္ဓာ သန့်စင်ခြင်း ကျင့်စဉ် နှင့် သွေးဝေလငါး လမင်းမြို နည်းစနစ်တို့၏ ပေါက်ကွဲအားအောက်တွင် တတိယအဆင့် အလယ်အလတ်တန်းစား မိစ္ဆာသားရဲကြီးသည် စုယွီ၏ ထုထောင်းမှုဒဏ်ကို မခံနိုင်ဘဲ အသက်ထွက်သွားလေတော့သည်။ ၎င်း၏ ကိုယ်တွင်းမှ လက်သီးဆုပ်အရွယ်ရှိသော မိစ္ဆာအမြုတေကို စုယွီ ထုတ်ယူလိုက်၏။</p> <p>သားရဲကိုယ်မှ လိုအပ်သော ပစ္စည်းတချို့ကို သိမ်းဆည်းပြီးသည့်နောက် စုယွီက အသားနှင့် သွေးများကို ကောင်းကင်မိုးကြိုး ကြွက်အုပ်စုအား ဆုချလိုက်သည်။</p> <p>အကြောင်းမူကား ဤသို့ သင့်တော်သော သားရဲကို ရှာဖွေရန်အတွက် သူတို့ အားလုံး နှစ်ပေါင်းများစွာ အချိန်ပေးခဲ့ရသည် မဟုတ်ပါလော။</p> <p>မိစ္ဆာအမြုတေကို အစိမ်းရောင် သစ်သားလက်စွပ် (ချင်မု လက်စွပ်) ထဲ ထည့်သိမ်းလိုက်ပြီးနောက် စုယွီသည် ကိုယ်ခန္ဓာ သန့်စင်ခြင်း စွမ်းအားနှင့် သွေးဝေလငါး လမင်းမြို နည်းစနစ်ကို ပြန်လည်ရုပ်သိမ်းလိုက်၏။</p> <p>ထိုအခိုက်အတန့်၌ သူ၏ အရှိန်အဝါသည် ရုတ်တရက် အားနည်းသွားပြီး အရေပြားများပင် ကွဲအက်ကာ ဒဏ်ရာအချို့ ရသွားခဲ့၏။</p> <p>သွေးဝေလငါး နည်းစနစ်၏ စွမ်းအား သုံးဆ ပေါက်ကွဲမှုဒဏ်ကို ခံနိုင်ရည်ရှိရန်ကား လွယ်ကူလှသည် မဟုတ်ပေ။</p> <p>စွမ်းအားများ ကုန်ခန်းသွားပြီးနောက် ခန္ဓာကိုယ်သည် အလွယ်တကူ အားနည်းသည့် အခြေအနေသို့ ရောက်သွားတတ်သည်။</p> <p>သို့ဖြစ်သော်ငြားလည်း ကံကောင်းသည်မှာ စုယွီ၏ မန္တန်စွမ်းအား ကျင့်ကြံမှုက အားမနည်းခြင်းပင် ဖြစ်၏။</p> <p>ဓာတ်ကြီး ငါးပါး မန္တန်စွမ်းအားများ ကိုယ်တွင်း၌ လည်ပတ်သွားပြီးနောက် လျှို့ဝှက်နယ်မြေထဲမှ ကြွယ်ဝသော သဘာဝ ဝိညာဉ်စွမ်းအင်များသည် စုယွီ၏ ကိုယ်တွင်းသို့ အလုံးအရင်းနှင့် စီးဝင်လာတော့သည်။</p> <p>ထိုစွမ်းအင်များကို သန့်စင်၍ ခန္ဓာကိုယ်အား အားဖြည့်ပေးလိုက်သည်နှင့် တစ်ပြိုင်နက် ထိခိုက်သွားသော ကိုယ်ခန္ဓာနှင့် ကုန်ခန်းသွားသည့် ခွန်အားများ ပြန်လည် ပြည့်ဝလာ၏။</p> <p>ဤတစ်ကြိမ် သားရဲကို နှိမ်နင်းရာတွင် သူ မန္တန်စွမ်းအားကို အသုံးမပြုခဲ့ခြင်းမှာ အကြောင်းရှိ၏။ သူ၏ ကိုယ်ခန္ဓာ သန့်စင်ခြင်း စွမ်းအားကို စမ်းသပ်ကြည့်ချင်သောကြောင့် ဖြစ်သည်။ မန္တန်စွမ်းအား အပိုင်းတွင်မူ သူ၏ တာအိုရုပ်သေးကိုယ်မှတစ်ဆင့် ကိုယ့်စွမ်းအားကိုယ် ကောင်းကောင်း သိထားပြီးသား ဖြစ်သည်။</p> <p>သို့သော် ကိုယ်ခန္ဓာ သန့်စင်ခြင်း အပိုင်းတွင်ကား တကယ့် လက်တွေ့ တိုက်ပွဲဝင်ရန် အခွင့်အရေး မရခဲ့ဖူးချေ။</p> <p>ယခု တတိယအဆင့် အလယ်အလတ်တန်းစား သားရဲနှင့် တိုက်ခိုက်ရသည်မှာ သူ့အတွက် မည်သည့် အန္တရာယ်မှ မရှိပေ။</p> <p>ထို့ကြောင့် အကြောအခြင် လျှော့ရင်း ကိုယ်ခန္ဓာ သန့်စင်ခြင်း စွမ်းအား၏ ပြင်းအားကို စမ်းသပ်ရန် အကွက်ဆိုက်သွားခြင်း ဖြစ်သည်။</p> <p>တဆက်တည်း၌ သူသည် မန္တန်တစ်ခုကို အသုံးပြု၍ ပျက်စီးသွားသော တိုက်ပွဲနေရာကို ပြန်လည် ပြုပြင်လိုက်သည်။ မြေကြီးပေါ်မှ အက်ကွဲကြောင်းများကို ဖာထေးကာ၊ ကျိုးကျနေသော သစ်ပင်များနှင့် ကြေမွနေသည့် ကျောက်တုံးများကို ရှင်းလင်းလိုက်၏။ ထို့နောက် သစ်သား ဝိညာဉ်အမြစ်မန္တန်ကို သုံး၍ အပင်ပေါက်လေးအချို့ကို ပြန်လည် စိုက်ပျိုးပေးခဲ့လေ၏။</p> <p> </p> <p> </p> <p> </p> <p style="text-align: center;">***</p>


Save