Book List

<h2 style="text-align: center;">အခန်း (၄၀၈)</h2> <h2 style="text-align: center;">အင်မော်တယ် နယ်မြေ အသီးသီးရဲ့ သတင်းအချက်အလက်တွေ</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~"ဒီလို အခြေအနေတွေအောက်မှာ ထိုက်ရွှီ အင်မော်တယ် မဟာမိတ်အဖွဲ့နဲ့ ဖီးနစ် သက်ဆင်း နယ်မြေတို့က နောက်ဆုတ်သွားကြပြီလေ။ ဆက်ပြီး လှုပ်ရှားမယ့် အရိပ်အယောင်တောင် မတွေ့ရတော့ဘူး"</p> <p>ထိုသတင်းနှစ်ခုက သတင်းကောင်းများဟု ထင်မှတ်ရ၏။</p> <p>သို့ဖြစ်သော်ငြားလည်း စုဇီက စကားလမ်းကြောင်းကို ရုတ်တရက် လွှဲပြောင်းလိုက်ပြီး စိတ်အနှောင့်အယှက် ဖြစ်စရာ သတင်းတစ်ခုကို ဆက်ပြောလာတော့သည်။ "မကြာသေးခင်က ကောင်းကင် အပျက်အစီး ခန်းမဆောင်ကနေ သတင်းတစ်ခု ပို့လာတယ်။ ကိုးဝိညာဉ် မိစ္ဆာ တောင်တန်းထဲမှာ ရှေးဟောင်း မိစ္ဆာအင်အားစု တစ်ခုရဲ့ အပျက်အစီး နယ်မြေတစ်ခု ပေါ်လာတယ်တဲ့"</p> <p>"အဲ့ဒီ ရှေးဟောင်း မိစ္ဆာ အပျက်အစီးက ရှေးဟောင်း မိစ္ဆာဘုရင် ဝင်စားသူလို့ ကြွေးကြော်ထားတဲ့ တာအိုဆရာ ရွှမ်မင်နဲ့ ဆက်စပ်နေပုံပဲ။ ရွှမ်မင်က အဲ့ဒီနယ်မြေကို အသက်သွင်းလိုက်လို့ ကိုးဝိညာဉ် မိစ္ဆာ တောင်တန်း တစ်ခုလုံးမှာ ကမောက်ကမတွေ ဖြစ်ကုန်တာပေါ့"</p> <p>"ကိုးဝိညာဉ် မိစ္ဆာ နန်းတော်နဲ့ တခြား မိစ္ဆာအင်အားစုတွေက သူတို့လူတွေကို အဲ့ဒီနေရာဆီ စေလွှတ်ခဲ့ကြတယ်။ ဒါပေမဲ့ လူတစ်စု ဝင်သွားတာနဲ့ တစ်ပြိုင်နက် အပျက်အစီး နယ်မြေက ရုတ်တရက်ကြီး ပိတ်သွားတော့တာပဲ။ ကောလာဟလတွေအရ ဆိုရင် မိစ္ဆာကျင့်ကြံသူတွေ မရေမတွက်နိုင်အောင် သေကုန်ကြပြီတဲ့လေ"</p> <p>"ကောင်းကင် အပျက်အစီး ခန်းမဆောင်ရဲ့ ခန့်မှန်းချက်အရတော့ အဲ့ဒီ ရှေးဟောင်း မိစ္ဆာ အပျက်အစီးကို တာအိုဆရာ ရွှမ်မင်က လုံးဝ သိမ်းပိုက်သွားလောက်ပြီတဲ့"</p> <p>"ဒေါသထွက်လွန်းလို့ ကိုးဝိညာဉ် မိစ္ဆာ နန်းတော်က မိစ္ဆာဘုရင်ကြီး ကိုယ်တိုင် အဲ့ဒီနယ်မြေကို ဖောက်ဝင်ဖို့ ကြိုးစားသေးတယ်။ ဒါပေမဲ့ လျှို့ဝှက်ချက်တွေကို မထိုးဖောက်နိုင်ခဲ့ဘူးလေ"</p> <p>"ဒီအတိုင်းသာ ဆက်သွားနေရင် တာအိုဆရာ ရွှမ်မင်က တကယ့်ကို မိစ္ဆာဘုရင် တစ်ပါး ဖြစ်လာနိုင်ချေ ရှိတယ်"</p> <p>"အဲ့ဒီအချိန်ကျရင် ကိုးဝိညာဉ် မိစ္ဆာ တောင်တန်းမှာ မိစ္ဆာဘုရင် နှစ်ပါးတောင် ရှိလာမှာဆိုတော့ ငါတို့ တာ့ယွဲ့ နယ်မြေအတွက် တကယ့် သတင်းဆိုးကြီးပဲပေါ့"</p> <p>ထိုစကားများကို ကြားသောအခါ စုယွီနှင့် လော့ချန်ယွီတို့သည် စိုးရိမ်တကြီးဖြင့် မျက်မှောင်ကြုတ်သွားကြသည်။</p> <p>ကိုးဝိညာဉ် မိစ္ဆာ တောင်တန်း၏ ပတ်ဝန်းကျင်သည် အလွန် ထူးခြားလှ၏။ ထိုနေရာသို့ ဝင်ရောက်သွားသော ကျင့်ကြံသူများသည် ပြင်းထန်လှသော အဆိပ်ငွေ့များကြောင့် အလွန်တရာ ကြီးမားသော အန္တရာယ်ကို ရင်ဆိုင်ရသည်။ ထို့ပြင် ညစ်ညမ်းမှုများကြောင့် သဘာဝ ဝိညာဉ်စွမ်းအင်များသည် ကျင့်ကြံရန် မသင့်တော်တော့ချေ။ အကယ်၍ တိုက်ပွဲကြီး တစ်ခုအတွင်း သူတို့၏ မန္တန်စွမ်းအားများ ကုန်ခန်းသွားပါက၊ ပြန်လည် ဖြည့်တင်းရန် ဝိညာဉ်ကျောက်တုံးများ လိုအပ်လာမည် ဖြစ်၏။ ဝိညာဉ်ကျောက်တုံးများသာ မရှိပါက ကျင့်ကြံသူများသည် အသတ်ခံရမည့် သိုးပေါက်လေးများပမာ ဖြစ်သွားပေလိမ့်မည်။</p> <p>အကြောင်းမူကား ဤအချက်များကြောင့် အိမ်နီးချင်း နယ်မြေများမှ ကျင့်ကြံသူများသည် ပြဿနာကင်းဝေးစေရန် ကိုးဝိညာဉ် မိစ္ဆာ တောင်တန်းကို ရှောင်ရှားလေ့ ရှိကြခြင်း ဖြစ်၏။</p> <p>ထိုသို့သော အခြေအနေများအောက်တွင် တာအိုဆရာ ရွှမ်မင်က မူလဝိညာဉ်အဆင့် မိစ္ဆာဘုရင် အသစ်တစ်ပါး ဖြစ်လာမည့် အလားအလာကို သူတို့ တားဆီးရန် အင်အားမဲ့နေကြ၏။</p> <p>ခေတ္တမျှ စဉ်းစားခန်း ဝင်သွားပြီးနောက် လော့ချန်ယွီက ဝင်ရောက်ပြောဆိုလိုက်သည်။ "လက်ရှိ ကိုးဝိညာဉ် မိစ္ဆာ နန်းတော်က မိစ္ဆာဘုရင်ကြီးနဲ့ တာအိုဆရာ ရွှမ်မင်တို့ကြားက ပဋိပက္ခက သိပ်တော့ မဆိုးလှပါဘူး။ ကိုးဝိညာဉ် မိစ္ဆာ တောင်တန်းကို မတည်မငြိမ် ဖြစ်နေစေတယ်လေ"</p> <p>"ဒါပေမဲ့ တာအိုဆရာ ရွှမ်မင်သာ မိစ္ဆာဘုရင် ဖြစ်သွားခဲ့ရင် သူတို့ နှစ်ယောက် ပြန်လည် သင့်မြတ်သွားမှာကိုပဲ စိုးရိမ်ရတာ"</p> <p>"အဲ့ဒီအခါကျရင် မိစ္ဆာဘုရင် နှစ်ပါး ရှိနေတဲ့ ကိုးဝိညာဉ် မိစ္ဆာ တောင်တန်းက ငါတို့ တာ့ယွဲ့ နယ်မြေအတွက် သာမကဘူး၊ ခရမ်းရောင်အလင်းတန်း နယ်မြေနဲ့ ဖီးနစ် သက်ဆင်း နယ်မြေအတွက်ပါ ကြီးမားတဲ့ ခြိမ်းခြောက်မှုကြီး ဖြစ်လာလိမ့်မယ်"</p> <p>လော့ချန်ယွီ၏ ဘေးတွင် ထိုင်နေသော စုယွီသည် အချိန်အတော်ကြာ တိတ်ဆိတ်နေ၏။ ရုတ်တရက် သူက ဝင်ရောက်ဆွေးနွေးလိုက်သည်။</p> <p>"အခု အပြင်ဘက်က စစ်ပွဲတွေလည်း အတော်လေး ငြိမ်သက်သွားပြီဆိုတော့ ကျွန်တော် အပြင်ကို တစ်ခေါက်လောက် သွားရလိမ့်မယ်။ အိမ်စောင့်နေရင်း သတိထားကြဦးနော်"</p> <p>လော့ချန်ယွီက သူ့ဘက်သို့ လှည့်ကြည့်ကာ နားမလည်နိုင်စွာဖြင့် မေးလိုက်သည်။</p> <p>"နင် ဘယ်ကို သွားမလို့လဲ"</p> <p>စုယွီက ချက်ချင်းပင် ရှင်းပြလိုက်၏။</p> <p> "ရှေးဟောင်း ကျင့်ကြံခြင်း ကျင့်စဉ် တစ်ခုရဲ့ အဆက်ကို သွားရှာမလို့လေ။ တာ့ယွဲ့ နယ်မြေကနေ ထွက်ရကောင်း ထွက်ရလိမ့်မယ်။ ဒါပေမဲ့ ဒီ ရုပ်သေး ကိုယ်ခန္ဓာကပဲ အပြင်ထွက်ရှာမှာပါ။ ငါ့ရဲ့ ခန္ဓာကိုယ် အစစ်က တာ့ယွဲ့ တောင်တန်းမှာပဲ ဆက်နေခဲ့မှာလေ။ တကယ်လို့ ပြဿနာ တစ်ခုခု ရှိလာရင် တာ့ယွဲ့ မှောင်ခိုဈေးကွက်မှာ ငါ့ကို လာစောင့်နေလို့ ရပါတယ်။ ငါက တစ်နှစ်ကို တစ်ခေါက်လောက်တော့ ပုံမှန် လာလေ့ရှိတယ်လေ"</p> <p>သေချာ စဉ်းစားပြီးနောက် လော့ချန်ယွီက ခေါင်းညိတ်ကာ မှာကြားလိုက်သည်။ "ဂရုစိုက်သွားဦးနော်"</p> <p>စုယွီက ပြုံး၍ အာမခံလိုက်၏။ "စိတ်မပူပါနဲ့။ ဒီ ရုပ်သေး ကိုယ်ခန္ဓာ တစ်ခုခု ဖြစ်သွားရင်တောင် ကျွန်တော့် ခန္ဓာကိုယ် အစစ်ကို မထိခိုက်နိုင်ပါဘူး။ အဆိုးဆုံး ဖြစ်လှ ရုပ်သေး တစ်ရုပ် ဆုံးရှုံးသွားရုံတင်ပဲလေ"</p> <p>"ဒါ့အပြင် မမျှော်လင့်တာ တစ်ခုခု မဖြစ်လာသရွေ့ အားနည်းတဲ့ မူလဝိညာဉ် အဆင့် အရှင်သခင်ကြီး တစ်ပါးနဲ့ ရင်ဆိုင်ရရင်တောင် ထွက်ပြေးလွတ်မြောက်နိုင်ဖို့ ငါ့ကိုယ်ငါ ယုံကြည်မှု အပြည့်ရှိပါတယ်"</p> <p>အချိန်တိုအတွင်းမှာပင်၊</p> <p>တာအိုရုပ်သေးသည် ယွင်ကျန်းဂိုဏ်းမှ ထွက်ခွာကာ ပျံသန်းရေး ယာဉ်ပျံဖြင့် တာ့ယွဲ့ မှောင်ခိုဈေးကွက်ဆီသို့ ဦးတည်သွားလေတော့၏။</p> <p>သူ့မျက်နှာချင်းဆိုင်တွင် ထိုင်နေခဲ့သော စုဇီသည် လော့ချန်ယွီကို ကြည့်လိုက်သည်။ သူမက မျက်တောင်လေး ပုတ်ခတ်ပုတ်ခတ် လုပ်ကာ ပါးစပ်ကို အုပ်၍ တခစ်ခစ် ရယ်ရင်း မြှောက်ထိုးပင့်ကော် ပြောလိုက်၏။</p> <p>"အစ်မ.. ညီမ တစ်ယောက်တည်း ဂိုဏ်းကို စောင့်နေခဲ့ရင် ပိုမကောင်းဘူးလား။ အစ်မက တာ့ယွဲ့ တောင်တန်းဆီ သွားပြီး အေးဆေး ကျင့်ကြံနေလို့ ရတာပေါ့"</p> <p>အပြုံးဖျော့ဖျော့လေးဖြင့် လော့ချန်ယွီက သူမကို တစ်ချက် စောင်းငဲ့ကြည့်ကာ တုံ့ပြန်လိုက်သည်။</p> <p> "နင်ကတော့ လေပဲ ရှိတာပါပဲဟာ"</p> <p>"ဒီလို လျှောက်ပြောနေမယ့်အစား နင့်ရဲ့ ကျင့်ကြံခြင်းမှာ ပိုပြီး အားစိုက်ထုတ်လိုက်ပါလား။ နင် ရွှေအမြုတေ အဆင့် နှောင်းပိုင်းကို ရောက်သွားတာနဲ့ ဂိုဏ်းကို နင့်လက်ထဲ အပ်ခဲ့မှာပါ"</p> <p>စုဇီက မျက်လုံးလေး ကလယ်ကလယ် လုပ်ရင်း အလိုမကျစွာ တုံ့ပြန်လိုက်သည်။</p> <p>"အဲ့ဒါဆိုရင်တော့ အစ်မတော်ရေ... အစ်မတော် အိုတဲ့အထိ ဂိုဏ်းထဲမှာ တစ်ယောက်တည်း အထီးကျန်စွာ နေသွားရဖို့သာ ပြင်ထားပေတော့။ ညီမရဲ့ ပါရမီနဲ့ဆို ရွှေအမြုတေ အဆင့် နှောင်းပိုင်းဆိုတာ ဝေးရော။ အဆင့် (၃) ကို ရောက်ဖို့တောင် အတော်လေး မလွယ်ဘူးရှင့်"</p> <p>စကားစမြည် ပြောဆိုနေရင်း လော့ချန်ယွီနှင့် စုဇီတို့သည် ဂိုဏ်းအတွင်းမှ ပါရမီရှင် လူငယ်လေးများအကြောင်းကို ဆွေးနွေးဖြစ်သွားကြ၏။</p> <p>အလားအလာရှိသော ဆက်ခံသူများအဖြစ် လူငယ် အနည်းငယ်ကို ရွေးချယ်ရန် အချိန်ကျလာပြီ ဖြစ်၏။ ပါရမီရှင် လူငယ်များကို ရှာဖွေရသည်မှာ နှိုင်းယှဉ်ချက်အားဖြင့် ပိုမို လွယ်ကူသော်ငြားလည်း၊ အမှန်တကယ် ထူးချွန်သော ဆက်ခံသူကောင်းများကို တွေ့ရှိရန်ကား အလွန် ရှားပါးလှသည်။ သို့ဖြစ်၍ သူတို့ အနေဖြင့် ဖြည်းဖြည်းချင်းသာ ရှာဖွေရုံမှလွဲ၍ အခြား မရှိတော့ပေ။</p> <p>အခြားတစ်ဖက်တွင်မူ၊</p> <p>ဆယ်ရက်တိုင်တိုင် ခရီးရှည်နှင်ပြီးနောက် တာအိုရုပ်သေးသည် တာ့ယွဲ့ မှောင်ခိုဈေးကွက်ရှိ ကောင်းကင် အပျက်အစီး ခန်းမဆောင်သို့ ရောက်ရှိလာပြီး၊ တာအိုဆရာ ရှုယွီကို ရှာဖွေလေတော့သည်။</p> <p>တွေ့ဆုံသည်နှင့် တစ်ပြိုင်နက် စုယွီက ချက်ချင်း မေးမြန်းလိုက်၏။</p> <p>"တာအိုဆရာ ရှုယွီ... ကျွန်တော် တောင်းဆိုထားတဲ့ ပင်လယ်ပြင်ဆီ သွားမယ့် လမ်းကြောင်းပေါ်က အင်မော်တယ် နယ်မြေ အသီးသီးရဲ့ သတင်းအချက်အလက်တွေကို ရှာဖွေရတာ ဘယ်လောက် ခရီးရောက်နေပြီလဲဗျ"</p> <p>တာအိုဆရာ ရှုယွီက မှတ်တမ်း ကျောက်စိမ်းပြား တစ်ခုကို ထုတ်ယူကာ ပြန်လည် ဖြေကြားလိုက်သည်။</p> <p>"သိပ်ပြီး အသေးစိတ်တော့ မကျသေးဘူးဗျ။ တကယ်လို့ တာအိုဆရာ စု အနေနဲ့ အခုချက်ချင်း လိုချင်တယ် ဆိုရင်တော့ အလယ်အလတ်အဆင့် ဝိညာဉ်ကျောက်တုံး တစ်ထောင် ကျသင့်ပါလိမ့်မယ်"</p> <p>မည်သို့မျှ တုံ့ဆိုင်းမနေဘဲ စုယွီသည် အလယ်အလတ်အဆင့် ဝိညာဉ်ကျောက်တုံး တစ်ထောင်ကို ချန်ခွန်းအိတ်ထဲမှ ထုတ်ယူကာ လွှဲပြောင်းပေးအပ်လိုက်၏။</p> <p>ဤသတင်းအချက်အလက်များကို စုဆောင်းရသည်မှာ လွယ်ကူသော ကိစ္စရပ် တစ်ခု လုံးဝ မဟုတ်ချေ။ တာ့ယွဲ့ နယ်မြေ သို့မဟုတ် အနီးအနားရှိ အင်မော်တယ် နယ်မြေများအကြောင်း သတင်းစုဆောင်းခြင်းထက် အဆပေါင်းများစွာ ပိုမို ခက်ခဲလှသည်။ သို့ဖြစ်၍ အလယ်အလတ်အဆင့် ဝိညာဉ်ကျောက်တုံး တစ်ထောင် တောင်းဆိုခြင်းမှာ များပြားလွန်းသည်ဟု မဆိုသာပေ။</p> <p>တာအိုဆရာ ရှုယွီထံမှ သတင်းအချက်အလက်များကို ရရှိပြီးနောက် စုယွီသည် ယွီမိသားစုရှိ သူ၏ ဂူစံအိမ်သို့ ပြန်လာခဲ့ပြီး၊ ကျောက်စိမ်းပြားထဲရှိ အချက်အလက်များကို တစ်ယောက်တည်း စစ်ဆေးကြည့်ရှုလေတော့သည်။</p> <p>စုယွီက သူ၏ ဘုရားပေး စိတ်အာရုံကို ကျောက်စိမ်းပြားထဲသို့ ထိုးဖောက် ဝင်ရောက်စေလိုက်သည်နှင့် သတင်းအချက်အလက် ရေစီးကြောင်းကြီး တစ်ခုသည် သူ၏ စိတ်အာရုံထဲသို့ ရုတ်တရက် တိုးဝင်လာတော့၏။</p> <p>အချိန်အတော်ကြာပြီးနောက်၊</p> <p>စုယွီ မျက်လုံးများကို ဖွင့်လိုက်သောအခါ မျက်ဝန်းထဲတွင် အလင်းရောင် တစ်ချက် တောက်ပသွား၏။</p> <p>ပင်လယ်ပြင်ဆီသို့ သွားရမည့် ခရီးစဉ်သည် အမှန်တကယ်ပင် အနီးအနား၌ ရှိမနေသော်ငြားလည်း၊ သူ ထင်မှတ်ထားသလောက်လည်း ဝေးကွာမနေခဲ့ချေ။ ယခင်က မာရှီချင်း ပြောပြချက်အရ ပျံသန်းရေး သင်္ဘောကို အသုံးပြု၍ ပင်လယ်ပြင်ဆီသို့ ခရီးနှင်ပါက လေးနှစ်မှ ငါးနှစ်အထိ အချိန်ကြာမြင့်နိုင်သည်ဟု ဆိုထားခဲ့ဖူး၏။</p> <p> </p> <p> </p> <p> </p> <p style="text-align: center;">***</p>


Save