Book List

<h2 style="text-align: center;">အခန်း (၄၁၀)</h2> <h2 style="text-align: center;">လက်ရှစ်ဖက် ဓားသွား နှံကောင်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~သို့ဖြစ်သော်ငြားလည်း ထို လက်ရှစ်ဖက်  ဓားသွား နှံကောင်</p> <p> မိစ္ဆာသားရဲကို စုယွီ ပိုင်ဆိုင်လာခဲ့သည်မှာ နှစ်ပေါင်းများစွာ ကြာမြင့်ခဲ့ပြီ ဖြစ်သည်။ လွန်ခဲ့သော ဆယ်စုနှစ်များစွာက တာ့ယွဲ့ မှောင်ခိုဈေးကွက်ရှိ အရက်ကြမ်းတာအိုဆရာမလေးထံမှ သူ ဝယ်ယူခဲ့ခြင်း ဖြစ်၏။</p> <p>ဆယ်စုနှစ်များစွာ ကြာမြင့်ခဲ့သော်လည်း သူ၏ ထိန်းချုပ်မှုအောက်တွင် ဤသားရဲ၏ တည်ရှိမှုက အမြဲတမ်း သိုသိုသိပ်သိပ် ရှိလွန်းလှ၏။ သို့သော် မမျှော်လင့်ဘဲ မိုးတိမ်ကျားမကြီးနှင့် နောက်ဖေးခြံထဲရှိ ရေခဲကြေးခွံ ငါးဘုရင်တို့ ပြီးလျှင် တတိယအဆင့် သားရဲအဖြစ်သို့ အဆင့်ထိုးဖောက်နိုင်ခဲ့သည့် တတိယမြောက် သားရဲ ဖြစ်လာခဲ့ပေတော့သည်။</p> <p>လက်ရှစ်ဖက်  ဓားသွား နှံကောင်</p> <p>၏ အဆင့်ထိုးဖောက်ခြင်း လုပ်ငန်းစဉ်သည် လဝက်ကျော်မျှ အချိန်ယူခဲ့ရပြီး၊ အောင်မြင်စွာ အဆင့်မထိုးဖောက်နိုင်မီ သားရဲဝိညာဉ် အသွင်ပြောင်းခြင်းအတွက် ခြောက်လနီးပါးမျှ အချိန်ယူခဲ့ရ၏။ တံခါးပိတ် ကျင့်ကြံရာမှ ထွက်လာသည်နှင့် တစ်ပြိုင်နက်၊ ၎င်း၏ ကျင့်ကြံခြင်း အခြေခံကို ပိုမို ခိုင်မာစေရန်အတွက် တတိယအဆင့် ထိပ်တန်း ဝိညာဉ်အရည် စက်ပေါက် ရာပေါင်းများစွာကို စုယွီက ဆုချီးမြှင့်လိုက်၏။</p> <p>တတိယအဆင့် အဆင့်နိမ့် သားရဲအဖြစ်သို့ ယခုလေးတင် တက်လှမ်းသွားခဲ့သော လက်ရှစ်ဖက်  ဓားသွား နှံကောင်</p> <p>ကို မာထျန်းလင်က စူးစမ်းချင်စိတ်ဖြင့် ကြည့်ရှုနေသော်လည်း၊ ၎င်း၏  ရက်စက်ကြမ်းကြုတ်လှသော ရုပ်သွင်ကို မြင်လိုက်ရသောအခါ စိတ်ဝင်စားမှု လျော့ကျသွားတော့သည်။ ချင်းယွဲ့ တောင်ထွတ်ပေါ်ရှိ ယဉ်ပါးသော သားရဲများ အားလုံးထဲတွင် မာထျန်းလင် အနှစ်သက်ဆုံးမှာ ဟူတာ နှင့် ဟူအာ ဟုခေါ်သော ခေါင်းမာသည့် ကျားနှစ်ကောင်သာ ဖြစ်သည်။ အကြောင်းကတော့ ထိုကျားနှစ်ကောင်သည် ရယ်ပျော်ရွှင်စရာ ကောင်းပြီး အမြဲတမ်း ရယ်ရအောင် လုပ်ပေးတတ်သောကြောင့်ပါ။</p> <p>ထိုကျားနှစ်ကောင်အပြင် နောက်ဖေးခြံထဲရှိ ရေခဲကြေးခွံ ငါးအုပ်စုလည်း ရှိသေး၏။ မာထျန်းလင်၏ ဝိညာဉ်အမြစ်သည် ရေခဲကြေးခွံ ငါးများ၏ သွေးမျိုးဆက် စွမ်းအားနှင့် အလိုက်ဖက်ဆုံး ဖြစ်နေသည်ဟု သူမ အမြဲတမ်း ခံစားရပြီး ရင်းနှီးကျွမ်းဝင်သော ခံစားချက်ကို ပေးစွမ်းသည်။ ရေခဲကြေးခွံ ငါးဘုရင်နှင့် ငါးအုပ်စုသည်လည်း သူမကို သဘောကျပုံရ၏။ ရေခဲကန်ဆီသို့ သူမ သွားရောက်လည်ပတ်တိုင်း ရေခဲကြေးခွံ ငါးအုပ်စုသည် ရေပြင်ထက်သို့ ထွက်လာကာ သူမနှင့်အတူ ဆော့ကစားလေ့ ရှိကြသည်။</p> <p>စုယွီ၊ ယွီခယ်အာ၊ စုချီနှင့် အခြားသူများ၏ အဖော်ပြုမှုကြောင့် ချင်းယွဲ့ တောင်ထွတ်ပေါ်တွင် လူအများအပြား မရှိသော်ငြားလည်း၊ မာထျန်းလင်မှာမူ အထီးကျန်သည်ဟု လုံးဝ မခံစားရချေ။ စင်စစ်အားဖြင့် ဤနေရာရှိ ကျင့်ကြံခြင်း နေ့ရက်များသည် သူမဘဝ၏ အပျော်ရွှင်ဆုံး အချိန်ကာလများ ဖြစ်သည်ဟုပင် ခံစားနေရ၏။</p> <p>သို့ဖြစ်သော်ငြားလည်း သူမ ပျော်ရွှင်နေချိန်တွင် စုချီမှာမူ အတော်လေး စိတ်ဓာတ် ကျနေခဲ့၏။</p> <p>ထျန်းလင်လေးသည် ပါရမီ ထူးကဲလွန်းလှသည်။ ဂိုဏ်းထဲသို့ ရောက်ရှိလာပြီး နှစ်အနည်းငယ် အတွင်းမှာပင် စုချီ၏ ကျင့်ကြံခြင်း အဆင့်ကို မီသွားခဲ့တော့၏။ စုချီ အနေဖြင့် မည်မျှပင် ကြိုးစားအားထုတ်၍ ကျင့်ကြံစေကာမူ မာထျန်းလင်၏ နောက်တွင် အဝေးကြီး ကျန်ရစ်နေဆဲ ဖြစ်သည်။</p> <p>နောက်ဆုံး၌ စုချီသည် အကောင်းဆုံး ဖြစ်ရမည်ဟူသော ရည်မှန်းချက်ကို လက်လွှတ်လိုက်ပြီး၊ မာထျန်းလင်က သူမကို ကျော်တက်သွားလည်း ကိစ္စမရှိပါဘူးဟုသာ လက်ခံလိုက်လေတော့၏။</p> <p> အဘယ်ကြောင့်ဆိုသော် သူမ အောက်ဆုံးအဆင့်တွင် နေခဲ့ရသည်မှာ ပထမဆုံးအကြိမ်မှ မဟုတ်တော့ဘဲကိုး။</p> <p>အချိန်များသည် ဖြည်းညှင်းစွာ ကုန်ဆုံးသွားခဲ့သည်။</p> <p>(၄) နှစ်ကြာပြီးနောက်၊</p> <p>ချင်းယွဲ့ တောင်ထွတ် အောက်ခြေရှိ ဂူစံအိမ် အတွင်းဝယ်၊</p> <p>စုယွီက အမြုတေကို ထည့်သွင်းကာ ပြစ်ဒဏ်ပေးသူ ရုပ်သေးပေါ်တွင် ရုပ်သေးပညာ နည်းစနစ်ကို အသက်သွင်းလိုက်သည်နှင့် တစ်ပြိုင်နက်၊ ရုပ်သေး၏ ခန္ဓာကိုယ်မှ အလွန် အစွမ်းထက်လှသော အရှိန်အဝါ တစ်ခု ချက်ချင်း ထွက်ပေါ်လာတော့သည်။ နောက်တစ်ခဏ၌ အရပ် (၃) မီတာခန့် မြင့်မားပြီး တံခါးချပ်ကြီးနှင့် တူသော ဒိုင်းကာကို ကိုင်ဆောင်ထားသည့် ကြမ်းတမ်းလှသော ပြစ်ဒဏ်ပေးသူ ရုပ်သေးကြီးသည် မျက်လုံးများကို ဖွင့်လိုက်၏။ ၎င်း၏ ခန္ဓာကိုယ် တစ်ခုလုံးသည် မည်းနက်နေပြီး ကြွက်သားများ အဖုအထစ် ထွက်နေကာ၊ ဝက်ဝံကြီးတစ်ကောင်လို တောင့်တင်းခိုင်မာပြီး ကျားတစ်ကောင်လို ကျောပြင် ကျယ်သည့်  လူသန်ကြီးနှင့် တူလှသည်။</p> <p>ရုပ်ဆင်းသွင်ပြင်အရ ကြွက်သားများ ကြီးမားထွားကြိုင်းနေခြင်းမှ လွဲ၍ ဤ ပြစ်ဒဏ်ပေးသူ ရုပ်သေးသည် လူသားမျိုးနွယ်များနှင့် ခွဲခြား၍မရနိုင်လောက်အောင် တူညီလှသည်။ ချပ်ဝတ် သင်းခွေချပ် မိစ္ဆာကြီး၏ အမြုတေဖြင့် ဖန်တီးထားသော ရုပ်သေးအမြုတေ ကြောင့် ပြစ်ဒဏ်ပေးသူ ရုပ်သေးထံမှ ရွှေအမြုတေ အဆင့် (၅) နှင့် တန်းတူညီမျှသော အစွမ်းထက် အရှိန်အဝါများ ထွက်ပေါ်နေ၏။ ကာကွယ်ရေး စွမ်းရည် ပိုင်းတွင်မူ ဤ ပြစ်ဒဏ်ပေးသူ ရုပ်သေးသည် ပို၍ပင် ကြောက်မက်ဖွယ် ကောင်းနေသေးသည်။ ရွှေအမြုတေ အဆင့် နှောင်းပိုင်း ကျင့်ကြံသူ တစ်ယောက်နှင့် ရင်ဆိုင်ရလျှင်ပင် သူတို့၏ တိုက်ခိုက်မှုများကို အချိန်အတော်ကြာအောင် တောင့်ခံထားနိုင်စွမ်း ရှိ၏။</p> <p>မိမိရှေ့ရှိ ဖန်တီးမှု ရလဒ်ကို ကြည့်ရင်း စုယွီ၏ မျက်နှာပေါ်တွင် ကျေနပ်အားရမှု အပြုံးတစ်ခု ပေါ်လာပြီး ကြွေးကြော်လိုက်သည်။</p> <p>“တတိယအဆင့် အလယ်အလတ်တန်းစား ရုပ်သေး... ပြီးပြီဟေ့”</p> <p>ဤရုပ်သေးသာ ရှိလျှင် နောင်တစ်ချိန် သူ တာ့ယွဲ့ နယ်မြေမှ ထွက်ခွာသွားရမည် ဆိုလျှင်ပင်၊ စုမိသားစုနှင့် ယွီခယ်အာတို့သည် ဤ ပြစ်ဒဏ်ပေးသူ ရုပ်သေး၏ အကာအကွယ်ကို ရရှိထားမည်သာ။ ထို့အပြင် ယွင်ကျန်းဂိုဏ်းမှ လော့ချန်ယွီနှင့် အခြားသူများ၏ စောင့်ရှောက်မှုအောက်တွင် သူတို့၏ ဘေးကင်းလုံခြုံရေးသည် လုံးဝ အာမခံချက် ရှိသွားမည် ဖြစ်၏။</p> <p>ကိုးဝိညာဉ် မိစ္ဆာ တောင်တန်း၏ အနက်ရှိုင်းဆုံး နေရာ၊</p> <p>ထာဝရ အမှောင်ထု လွှမ်းမိုးနေသော ရှေးဟောင်း မိစ္ဆာဂိုဏ်း၏ လျှို့ဝှက်နယ်မြေ တစ်ခုအတွင်းတွင် မိန်းမလှလေး တစ်ဦးကဲ့သို့ ချောမောလှပပြီး သန့်စင်သော အသားအရေ ရှိသည့် လူငယ်တစ်ဦးသည် သွေးရောင် ကျောက်စိမ်းကုတင် တစ်လုံးပေါ်၌ တင်ပျဉ်ခွေ ထိုင်နေသညါ။ လျှို့ဝှက်နယ်မြေ တစ်ခုလုံးကို ဖုံးလွှမ်းထားသော မိစ္ဆာလမ်းစဉ်၏ သွေးရောင် အရှိန်အဝါများသည် သူ၏ထံသို့ စီးဝင်စုဆုံလာပြီး ကိုယ်တွင်း၌ အသွင်ပြောင်းလဲနေကြ၏။</p> <p>ဤနေရာသည် သူ၏ မှတ်ဉာဏ်ထဲရှိ ရှေးဟောင်း မိစ္ဆာဂိုဏ်း၏ လျှို့ဝှက်နယ်မြေများထဲမှ တစ်ခုဖြစ်ပြီး မိစ္ဆာလမ်းစဉ် ကျင့်ကြံခြင်းအတွက် အလွန် သင့်တော်လှသည်။ လျှို့ဝှက်နယ်မြေ တစ်ခုလုံးတွင် ပျံ့နှံ့နေသော မိစ္ဆာလမ်းစဉ် အရှိန်အဝါသည် သွေးများကို အားကိုး၍ ကျင့်ကြံရသော အခြား မိစ္ဆာကျင့်စဉ်များမှ ရရှိသည့် အရှိန်အဝါထက် အဆပေါင်းများစွာ ပိုမို သာလွန်ကောင်းမွန်လှ၏။ အဘယ်ကြောင့်ဆိုသော် မိစ္ဆာလမ်းစဉ် ဆိုသည်မှာ ကြောက်မက်ဖွယ်ကောင်းပြီး ရွံရှာဖွယ်ရာ ကျင့်ကြံခြင်း နည်းလမ်းများချည်းသာ မဟုတ်သောကြောင့် ဖြစ်၏။</p> <p>သို့သော် ဝမ်းနည်းစရာ ကောင်းသည်မှာ ဤနေရာတွင် မိစ္ဆာဘုရင် အဆင့်သို့ တက်လှမ်းနိုင်မည့် အခွင့်အရေးများ မရှိခြင်းပင်။ သူ တွက်ချက်မှု မှားယွင်းသွားခဲ့တော့၏။</p> <p>အချိန်အတော် ကြာပြီးနောက်၊</p> <p>သွေးရောင် ကျောက်စိမ်းကုတင်ပေါ်ရှိ ထိုလူငယ်သည် မျက်လုံးများကို ဖြည်းညှင်းစွာ ဖွင့်လိုက်ပြီး ကိုယ်တွင်းရှိ စွမ်းအင်များကို ခံစားလိုက်သည်။ သူသည် လွန်ခဲ့သော တစ်နှစ်ကတည်းက ရွှေအမြုတေ အဆင့် (၉) ဟူသော ကန့်သတ်ချက်သို့ ရောက်ရှိနေခဲ့ပြီ ဖြစ်၏။ သို့သော် သူ မျှော်လင့်ချက် မဖြတ်သေးဘဲ တိုးတက်မှုများ ရနိုင်မလားဟု ဆက်လက် ကျင့်ကြံကြည့်လိုသေးသည်။ ထိုသို့မဟုတ်လျှင်လည်း မူလဝိညာဉ် အဆင့်သို့ ထိုးဖောက် ဝင်ရောက်နိုင်မည့် အလားအလာ ရှိမရှိ စမ်းသပ်ကြည့်လိုခြင်း ဖြစ်သည်။</p> <p>သို့ဖြစ်သော်ငြားလည်း မူလဝိညာဉ် အဆင့်သို့ တက်လှမ်းရန် သူ စဉ်းစားလိုက်တိုင်း သေဆုံးခြင်းကို ညွှန်ပြနေသော တုန်လှုပ်ခြောက်ခြားဖွယ် ခံစားချက်ကြီး တစ်ခုသည် သူ၏ ရင်ထဲတွင် ပဲ့တင်ထပ်သွားလေ့ ရှိသည်။ မူလဝိညာဉ် အဆင့်၏ အတားအဆီးကို ရင်ဆိုင်ရတိုင်း သူ နောက်ဆုတ်သွားလေ့ရှိပြီး မဆင်မခြင် လှုပ်ရှားရန် မဝံ့မရဲ ဖြစ်နေခဲ့၏။</p> <p>“ဟွန့်...”</p> <p>တာအိုဆရာ ရွှမ်မင်သည် သက်ပြင်းရှည်ကြီး တစ်ချက် မှုတ်ထုတ်လိုက်ပြီး မျက်မှောင်ကြုတ်ကာ စိတ်ထဲမှ တွေးလိုက်သည်။</p> <p>'မရသေးဘူးပဲ... ငါ့ရဲ့ လက်ရှိ အခြေအနေအရ မူလဝိညာဉ် အဆင့်ကို အတင်း ချိုးဖျက်ဝင်ရောက်ဖို့ ဆိုတာ (၂၀) ရာခိုင်နှုန်းတောင် သေချာမှု မရှိဘူး... အရမ်းကို နည်းလွန်းတယ်'</p> <p>အချိန်အတော်ကြာ အသေအချာ စဉ်းစားပြီးနောက် ၊ ရွှမ်မင်က ကိုးဝိညာဉ် မိစ္ဆာ နန်းတော် ရှိရာ အရပ်ဆီသို့ ဖြည်းညှင်းစွာ မော့ကြည့်လိုက်၏။ သူ၏ မှတ်ဉာဏ်များသာ မမှားယွင်းခဲ့ပါက ကိုးဝိညာဉ် မိစ္ဆာ နန်းတော် ဌာနချုပ်တွင် အလွန် အစွမ်းထက်လှသော မိစ္ဆာလမ်းစဉ် ဝိညာဉ်ဂူ တစ်ခု ရှိနေရမည် ဖြစ်၏။ အကယ်၍ ထိုနေရာတွင် သူ တစ်ကြိမ်မျှ သွားရောက် ကျင့်ကြံခွင့် ရခဲ့မည် ဆိုလျှင် ရွှေအမြုတေ အဆင့် မိစ္ဆာကျင့်ကြံသူ တစ်ယောက်အတွက် အလွန် ကြီးမားလှသော အခွင့်အရေးကြီး တစ်ရပ် ဖြစ်လာပေလိမ့်မည်။</p> <p>သို့သော်လည်း...</p> <p>များစွာ စဉ်းစားချင့်ချိန်ပြီးနောက်  သူ..ထိုအတွေးကို ဖျောက်ဖျက်ပစ်လိုက်သည်။ မကြာမီမှာပင် တာအိုဆရာ ရွှမ်မင်သည် တံခါးပိတ် ကျင့်ကြံရာမှ ထွက်ခွာလာခဲ့တော့၏။</p> <p>ရက်အနည်းငယ် အကြာတွင် တာအိုဆရာ ရွှမ်မင်သည် ယွင်ကျန်းဂိုဏ်းဆီသို့ သတင်းစကား တစ်ခု ပါးလိုက်သည်။ သူ ပြောကြားခဲ့သည်မှာ ရွှေပုစဉ်းရင်ကွဲ နည်းစနစ် သည် ဗုဒ္ဓဘာသာ ဝိညာဉ်ရေးရာ နည်းစနစ်တစ်ခု ဖြစ်ပြီး မိစ္ဆာလမ်းစဉ်နှင့် လုံးဝ ဆန့်ကျင်ဖီလာ ဖြစ်နေကြောင်း၊ ကျင့်ကြံစဉ် အတွင်း မိမိ၏ တာအိုလမ်းစဉ် အခြေခံကို ပျက်စီးသွားစေနိုင်ကြောင်းပင်။ ဤသတင်းစကားသည် ရွှေပုစဉ်းရင်ကွဲ နည်းစနစ်ကို ပိုင်ဆိုင်ထားသော စုယွီထံသို့ ရောက်ရှိသွားမည်ဟု တာအိုဆရာ ရွှမ်မင် မျှော်လင့်နေခဲ့သည်။</p> <p>'ဒီသတင်းကို သိသွားပြီးရင်... သူကများ ရွှေပုစဉ်းရင်ကွဲ နည်းစနစ်ကို စွန့်လွှတ်ပြီး ကိုးဝိညာဉ် မိစ္ဆာ နန်းတော်ဆီ လွှဲပြောင်းပေးလိုက်မလား မသိဘူး'</p> <p>တွေးတောကာ တာအိုဆရာ ရွှမ်မင်သည် ဤသတင်းကို ဖြန့်ချိလိုက်ခြင်း ဖြစ်၏။</p> <p>ဤထောင်ချောက်ကို ဆင်ထားခြင်းက သူ့အတွက် မည်သည့် ထိခိုက်နစ်နာမှုမျှ မရှိစေချေ။ အကယ်၍ စုယွီက ယုံကြည်သွားပြီး ရွှေပုစဉ်းရင်ကွဲ နည်းစနစ်ကို ကိုးဝိညာဉ် မိစ္ဆာ နန်းတော်သို့ လွှဲပြောင်းပေးလိုက်မည် ဆိုပါက ဖြစ်နိုင်ချေများ ရှိလာနိုင်သည်။</p> <p>မကြာမီမှာပင် တာအိုဆရာ ရွှမ်မင်သည် ဤကိစ္စကို မေ့ပစ်လိုက်ပြီး သူ၏ လက်အောက်ငယ်သား အချို့နှင့်အတူ လျှို့ဝှက်နယ်မြေမှ ထွက်ခွာသွားလေတော့သည်။ လက်ရှိအချိန်တွင် သူ့အတွက် အရေးကြီးဆုံး ကိစ္စမှာ မူလဝိညာဉ်အဆင့် မိစ္ဆာဘုရင် အဖြစ်သို့ တက်လှမ်းနိုင်မည့် အခွင့်အရေးကို ရှာဖွေရန်သာ ဖြစ်၏။ ကျန်သည့် အရာအားလုံးသည် သူ့အတွက် အရေးမကြီးတော့ချေ။</p> <p>မိမိသာ မူလဝိညာဉ်အဆင့် မိစ္ဆာဘုရင် တစ်ပါး ဖြစ်လာခဲ့မည် ဆိုလျှင်၊ ကိုးဝိညာဉ် မိစ္ဆာ နန်းတော်၏ အုတ်မြစ်ကို သိမ်းပိုက်ကာ ကိုးဝိညာဉ် မိစ္ဆာ တောင်တန်း တစ်ခုလုံးကို စည်းလုံးသိမ်းသွင်းနိုင်မည်ဟု စုယွီ ယုံကြည်မှု အပြည့်ရှိနေ၏။ ထိုအချိန်သို့ ရောက်လာပါက သူ့ပတ်လည်ရှိ တာ့ယွဲ့၊ ခရမ်းရောင်အလင်းတန်း နှင့် ဖီးနစ် အစရှိသော နယ်မြေကြီးများသည် သူ၏ မိစ္ဆာလမ်းစဉ် ကျင့်ကြံခြင်း အတွက် အရင်းအမြစ်များသာ ဖြစ်လာပေလိမ့်မည်။</p> <p>မူလက တာအိုဆရာ ရွှမ်မင်သည် ထိုက်ရွှီ အင်မော်တယ် မဟာမိတ်အဖွဲ့ဆီသို့ သွားရောက်ရန် စီစဉ်ထားခဲ့၏။ အဘယ်ကြောင့်ဆိုသော် ထိုက်ရွှီ အင်မော်တယ် မဟာမိတ်အဖွဲ့သည် ဝိညာဉ်ဆေးလုံးများနှင့် ဝိညာဉ်အဆောင်လက်ဖွဲ့ ပညာရပ်များတွင် အလွန် ကျွမ်းကျင်လှရာ၊ သူ့အတွက် အခွင့်အရေးအချို့ ရနိုင်ကောင်းသည်ဟု ယူဆထားသောကြောင့် ဖြစ်သည်။</p> <p>သို့သော် အံ့အားသင့်စရာ ကောင်းသည်မှာ သူ ခရမ်းရောင်အလင်းတန်း နယ်မြေသို့ ဝင်ရောက်ပြီး မကြာမီမှာပင် ဖီးနစ် သက်ဆင်း နယ်မြေဘက်မှ ထွက်ပေါ်လာသော သတင်းတစ်ခုကြောင့် အကြီးအကျယ် မှင်သက်သွားခဲ့ရသည်။</p> <p>တောအုပ်နက်နက် တစ်ခုအတွင်း၌၊</p> <p>တာအိုဆရာ ရွှမ်မင်သည် သူ၏ လက်အောက်ငယ်သားကို အံ့သြတကြီး စိုက်ကြည့်ရင်း မေးလိုက်၏။</p> <p>“ခုနက မင်း ဘာပြောလိုက်တယ်... ဖီးနစ် သက်ဆင်း နယ်မြေမှာ ရှေးဟောင်း အပျက်အစီး တစ်ခု ပေါ်လာပြီး... ကောင်းကင်ဖီးနစ် ငှက်ကြီးရဲ့ ကောင်းကင်နဲ့မြေကြီးကို တုန်လှုပ်စေတဲ့ ဖြစ်စဉ်ကြီးပါ တွဲပါလာတယ် ဟုတ်လား”</p> <p>ကောင်းကင်ဖီးနစ် ဖြစ်စဉ်ကြီးပေတကား။</p> <p>အပျက်အစီး နယ်မြေတစ်ခု ပေါ်လာခြင်းနှင့်အတူ ဤမျှ ကြီးမားသော ဖြစ်စဉ်ကြီးပါ တွဲပါလာသည် ဆိုလျှင် ထို အပျက်အစီး နယ်မြေသည် လုံးဝ အထင်သေး၍မရနိုင်သော နေရာတစ်ခု ဖြစ်ကြောင်း ပြသနေလေတော့သည်။</p> <p> </p> <p> </p> <p> </p> <p style="text-align: center;">***</p>


Save