Book List

<h2 style="text-align: center;">အခန်း (၄၁၇)</h2> <h2 style="text-align: center;">တတိယအဆင့် ဝိညာဉ်ကျောက်စိမ်း ကြော</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~ချင်းယွဲ့ တောင်ထွတ်ပေါ်ရှိ ရေတံခွန် ဘေးမှ ချိုင့်ဝှမ်းလေး တစ်ခု အတွင်းရှိ ခြံဝင်းငယ်လေး တစ်ခုဝယ်၊</p> <p>ညနေချမ်း အချိန်သို့ ရောက်ရှိလာသည်နှင့်အမျှ ကောင်းကင်ယံသည် တဖြည်းဖြည်း မှောင်မိုက်လာတော့၏။ ကောင်းကင် တစ်ခွင်လုံးတွင် ကြယ်ပွင့်လေးများ ပြန့်ကျဲနေပြီး၊ ၎င်းတို့၏ မှေးမှိန်သော အလင်းရောင်များက လော့ယွဲ့ မဟာမိတ်အဖွဲ့၏ လူသူကင်းမဲ့သော တောင်ထွတ်များပေါ်ရှိ ထူထပ်သော တောအုပ်ကြီးများ အပေါ်သို့ စတင် ဖြာကျလာသည်။ လမင်းဝန်းကြီးသည်လည်း သစ်ပင်ဖျားများ အထက်တွင် တဖြည်းဖြည်း တွဲခိုလာတော့၏။</p> <p>ရှေ့ဘက် ခြံဝင်းထဲတွင် စုယွီသည် လတ်လတ်ဆတ်ဆတ် လှီးဖြတ်ထားသော သားရဲ အသားများကို ယူဆောင်လာပြီး ကျောက်စားပွဲပေါ်တွင် တင်လိုက်၏။ ထို့နောက် လန်ရှီး၊ လန်ကုန်း၊ စုချီ နှင့် ယွီချန်ချင်း တို့သည် မီးဖိုချောင်ထဲမှ သူမတို့ ယခုလေးတင် ချက်ပြုတ်ထားသော ဝိညာဉ် ဟင်းလျာများကို ယူဆောင်လာကြပြီး ကြီးကျယ်ခမ်းနားသော ပွဲတော်ကြီး တစ်ခုကို ဖန်တီးလိုက်ကြသည်။</p> <p>လူတိုင်း နေရာယူပြီးနောက် စုယွီသည် တာ့ယွဲ့ နန်းတော်မှ တာအိုဆရာများ ချက်လုပ်ထားသော ကောင်းကင် အရက် ကို သူ၏ လက်စွပ်ထဲမှ ထုတ်ယူလိုက်ပြီး၊ ယွီခယ်အာ၊ လော့ချင်းယာ နှင့် အခြားသူများ အတွက် တစ်ခွက်စီ ငှဲ့ပေးလိုက်၏။</p> <p>မာထျန်းလင်သည် ခွက်ငယ်လေး တစ်ခွက်ကို ကိုင်ကာ မျှော်လင့်ချက် ကြီးစွာဖြင့် စုယွီကို ကြည့်လျက် တောင်းဆိုလိုက်သည်။</p> <p>"သမီးကိုလည်း တိုက်ပါ ဆရာရယ်... သမီး ဒီလို အရက်မျိုး တစ်ခါမှ မမြည်းဖူးသေးဘူး"</p> <p>ဤနှစ်များ အတွင်း မာထျန်းလင်၏ ကျင့်ကြံခြင်း အဆင့်သည် မသိမသာဖြင့် အခြေခံတည်ဆောက်ခြင်း အဆင့် (၉) သို့ပင် ရောက်ရှိနေခဲ့တော့၏။</p> <p>ယခုအခါ သူမသည် အသက် နှစ်ဆယ် အရွယ်သာ ရှိသေးသည်။</p> <p>စုယွီက သူမကို တစ်ချက် ကြည့်လိုက်ပြီး အရက် ခွက်ငယ်လေး တစ်ခွက် ငှဲ့ပေးလိုက်၏။</p> <p>"နည်းနည်းလေးပဲ သောက်ရမယ်နော်။ မဟုတ်ရင် မင်း မူးသွားလိမ့်မယ်။ အဲ့ဒါ သိပ်မကောင်းဘူး"</p> <p>"သမီး မမူးပါဘူး..."</p> <p>မာထျန်းလင်က တိုးတိုးလေး ညည်းညူလိုက်ပြီး၊ ကောင်းကင် အရက်ကို တစ်ငုံချင်း သောက်ရင်း စုယွီ ကင်ထားသော သားရဲ အသားများနှင့် ဆရာမများ ချက်ပြုတ်ထားသည့် အရသာရှိသော ဟင်းလျာများကို မြိန်ယှက်စွာ စားသုံးနေသည်။</p> <p>ကောင်းကင် အရက်ကို ဖွဖွလေး တစ်ငုံမျှ သောက်လိုက်ရုံဖြင့်၊ မာထျန်းလင်၏ သိုးဆီဥ ကျောက်စိမ်းလေး ကဲ့သို့ ချောမွေ့သော မျက်နှာလေးသည် နီရဲလာပြီး၊ မျက်ဝန်းများကလည်း နှင်းရည်များ ခိုတွဲနေသည့်နှယ် တောက်ပလာတော့၏။ အရက်၏ အပူရှိန်က ခေါင်းထဲသို့ တက်လာသောအခါ သူမသည် ညည်းသံ သဲ့သဲ့လေး ထွက်သွားပြီး အနည်းငယ် မူးဝေလာသည်ကို ခံစားလိုက်ရသည်။</p> <p>ကောင်းကင် အရက် တစ်ဝက်ပင် မကုန်သေးခင်မှာပဲ သူမ၏ မျက်နှာလေးသည် နီမြန်းနေခဲ့တော့၏။ သူမ၏ မျက်လုံးများ ဝေဝါးလာပြီး ယိမ်းထိုးကာ ကျောက်စားပွဲပေါ်သို့ မှောက်ကျသွားတော့သည်။</p> <p>"အ... အရက်က အရမ်း ပြင်းတာပဲ"  မာထျန်းလင် တီးတိုး ရေရွတ်လိုက်၏။</p> <p>သူမ မူးမေ့သွားသည်ကို မြင်လိုက်ရသောအခါ ဘေးနားရှိ စုချီသည် ပွဲကျသွားတော့သည်။ သူမ၏ အမူအရာကိုပင် ဂရုမစိုက်နိုင်တော့ဘဲ တခစ်ခစ် ရယ်ရင်း တစ်ကိုယ်လုံး တုန်ခါနေ၏။</p> <p>"ရယ်ရလွန်းလို့ သေတော့မယ်ဟေ့.. ဒီကောင်မလေးက အရက် တစ်ဝက်လေး သောက်ရုံနဲ့ မူးသွားတာလား"</p> <p>ထိုအခိုက်အတန့်၌ စုချီသည် အလွန် လန်းဆန်း တက်ကြွသွားသည်ကို ခံစားလိုက်ရ၏။</p> <p>‘ဟုတ်တယ်၊</p> <p>နောက်ဆုံးတော့ သူမ ဒီကောင်မလေးထက် ပိုသာတဲ့ အရာတစ်ခု ရှိလာခဲ့ပြီပဲ..</p> <p>ဒီကောင်မလေးက အဘက်ဘက်မှာ ပြီးပြည့်စုံလွန်းတယ်။ ပါရမီ ဆိုတာလည်း မိစ္ဆာတွေထဲမှာမှ ထိပ်တန်း မိစ္ဆာပါရမီပဲ။ ဒါပေမဲ့... ဖူး... ဟားဟားဟား... အရက်တော့ မသောက်နိုင်ဘူးတဲ့လေ..’</p> <p>စုယွီ၊ ယွီခယ်အာ နှင့် အခြားသူများ အားလုံးသည် ခေတ္တမျှ စိုက်ကြည့်နေမိကြပြီးနောက် ခေါင်းယမ်းလိုက်ကြ၏။ ထို့နောက် စုချီကို မာထျန်းလင်အား အခန်းထဲသို့ ပြန်ပို့ခိုင်းလိုက်၏။</p> <p>အရက်ခွက်များ မြှောက်ကာ ဂုဏ်ပြုလိုက်ကြပြီးနောက်၊ စုယွီနှင့် အခြားသူများ၏ ဘဝသည် ပုံမှန် အနေအထားသို့ ပြန်လည် ရောက်ရှိသွားတော့သည်။</p> <p>ပိုးစာပင် နယ်မြေ၊ ကုန်းယွဲ့ အင်မော်တယ် မြို့တော်မှ မိုင်ရာချီ ကွာဝေးသော မြေအောက် တစ်နေရာဝယ်၊</p> <p>တာအိုရုပ်သေးသည် ဝိညာဉ်ကျောက်စိမ်း ရွှေရည်အနှစ် တစ်စက်ကို မျိုချကာ သန့်စင်လိုက်၏။ တစ်ခဏ အတွင်းမှာပင် ဝိညာဉ်ကျောက်စိမ်း ရွှေရည်အနှစ် ၏ အဆီအနှစ်များကို သူ၏ ဝိညာဉ်က စုပ်ယူ ဝါးမျိုသွားပြီး တစ်ကိုယ်လုံးကို သန့်စင်ပေးလိုက်သည်။ အနီရောင် ရုပ်သေး အား ပြန်လည် ပြုပြင်ရန် အသုံးပြုထားသော ပစ္စည်းများသည် အသွင်ကူးပြောင်းမှု တစ်ရပ်ကို ဖြတ်သန်းနေသည့်နှယ် ထင်မှတ်ရသည်။</p> <p>ရုပ်သေး၏ ဝိညာဉ်သည် မူလက ရွှေအမြုတေ အဆင့် (၅) တွင်သာ ရှိခဲ့ပြီး အဆင့် (၆) သို့ မရောက်ရှိသေးချေ။ သို့သော် ဤအခိုက်အတန့်၌ ဝိညာဉ်ကျောက်စိမ်း ရွှေရည်အနှစ် ၏ အဆီအနှစ်များကို ဝါးမျိုပြီးနောက် ၎င်း၏ စွမ်းအားများသည် တိုးတက်လာနေပြီ ဖြစ်၏။</p> <p>မူလက ဟင်းလင်းပြင် ကဲ့သို့ ဟာလာဟင်းလင်း ဖြစ်နေခဲ့သော ရုပ်သေး ဝိညာဉ်သည် ယခုအခါ စူးရှ တောက်ပသော ရွှေရောင် အလင်းတန်းများဖြင့် ဖုံးလွှမ်းသွားတော့သည်။</p> <p>တာအိုရုပ်သေးသည် သူ၏ ခန္ဓာကိုယ်တွင်းမှ ပြောင်းလဲမှုများကို တိတ်ဆိတ်စွာ ခံစားနေ၏။ ရုပ်သေး ဝိညာဉ်က ဝိညာဉ်ကျောက်စိမ်း ရွှေရည်အနှစ် ၏ စွမ်းအင်များကို ဝါးမျိုလိုက်သည့် အခိုက်အတန့်မှာပင်၊ လျှို့ဝှက်ဆန်းကြယ်သော စွမ်းအင် လှိုင်းလုံးကြီး တစ်ခုသည် တစ်ကိုယ်လုံးသို့ စီးဆင်းသွားပြီး အနီရောင် ရုပ်သေး ၏ အမြုတေဆီသို့ စီးဆင်းသွားလေတော့သည်။</p> <p>အရင်တုန်းက အနီရောင် ရုပ်သေး ၏ ခန္ဓာကိုယ်တွင် အက်ကွဲကြောင်းများ ရှိနေခဲ့၏။</p> <p>ထို အက်ကွဲကြောင်းများက အနီရောင် ရုပ်သေး ၏ စွမ်းအား အဆင့်ကို အကြီးအကျယ် ကျဆင်းသွားစေခဲ့သည်။</p> <p>အစပထမတွင် ၎င်းသည် တတိယအဆင့် အလယ်အလတ်တန်းစား ရုပ်သေး အဆင့်နှင့်သာ ညီမျှခဲ့၏။</p> <p>သို့သော် ရုပ်သေး ဝိညာဉ်ဖြင့် နှစ်ပေါင်းများစွာ ပြန်လည် ပြုပြင်ခဲ့ပြီးနောက် တတိယအဆင့် အဆင့်မြင့် ရုပ်သေး အဆင့်သို့ ပြန်လည် ရောက်ရှိလာခဲ့ခြင်း ဖြစ်၏။</p> <p>ယခုအခိုက်အတန့်၌ ဝိညာဉ်ကျောက်စိမ်း ရွှေရည်အနှစ် ၏ စွမ်းအင်များသည် အနီရောင် ရုပ်သေး ၏ အမြုတေထဲသို့ စီးဝင်သွားသည်နှင့်အမျှ၊ ၎င်း၏ အမြုတေသည် အသွင်ကူးပြောင်းနေသည့်နှယ် ရွှေရောင်များ တောက်ပလာတော့သည်။</p> <p>သေးငယ်သော အက်ကွဲကြောင်းလေးများသည် ပေါင်းစပ်သွားပြီး ပျောက်ကွယ်သွားကြ၏။</p> <p>နာရီအနည်းငယ် ကြာပြီးနောက် ဝိညာဉ်ကျောက်စိမ်း ရွှေရည်အနှစ် တစ်စက်၏ စွမ်းအား အပြည့်အဝ ဝါးမျိုခံလိုက်ရချိန်တွင်၊ တာအိုရုပ်သေးသည် သူ၏ ခန္ဓာကိုယ် ပြောင်းလဲမှုများကို ခံစားကြည့်လိုက်သည်။</p> <p>"ပြန်လည် ပြုပြင်ဖို့ သုံးထားတဲ့ ပစ္စည်းတွေက အတော်လေး ပိုမာကျော သန်မာလာတယ်"</p> <p>"အခုဆို ရွှေအမြုတေ အဆင့် နှောင်းပိုင်း စွမ်းအားနဲ့ ရင်ဆိုင်ရရင်တောင် ဒီ ပြုပြင်ထားတဲ့ ပစ္စည်းတွေက မကျိုးပဲ့ဘဲ တောင့်ခံထားနိုင်ပြီ"</p> <p>အဓိက ပြဿနာမှာ ရုပ်သေး ဝိညာဉ်နှင့် အနီရောင် ရုပ်သေး ၏ အမြုတေ ပေါ်ရှိ ပျက်စီး အက်ကွဲမှုများပင် ဖြစ်၏။</p> <p>အနီရောင် ရုပ်သေး ၏ အရှိန်အဝါသည် ရုတ်တရက် ရွှေအမြုတေ အဆင့် (၅) ၏ အထွတ်အထိပ် သို့ ထိုးတက်သွားပြီး၊ အဆင့် (၆) နှင့် သိပ်မဝေးတော့ချေ။</p> <p>အနီရောင် ရုပ်သေး အမြုတေ ၏ အရှိန်အဝါ၊ ၎င်း၏ အက်ကွဲမှုများနှင့် စွမ်းအင်များ အားလုံးသည် ပိုမို အားကောင်းလာနေကြ၏။</p> <p>တာအိုရုပ်သေးသည် ဝမ်းသာအားရ ဖြစ်သွားပြီး ကျန်ရှိနေသော ဝိညာဉ်ကျောက်စိမ်း ရွှေရည်အနှစ် နှစ်စက်ကို ဆက်လက် မျိုချ သန့်စင်လေတော့၏။</p> <p>တစ်ရက် ကြာပြီးနောက်၊</p> <p>အနီရောင် ရုပ်သေး ၏ အဆင့်သည် ရွှေအမြုတေ အဆင့် (၆) သို့ တက်လှမ်းသွားခဲ့ပြီး၊ ၎င်း၏ ခန္ဓာကိုယ်နှင့် အမြုတေ စွမ်းအင်များသည် ရွှေအမြုတေ အဆင့် (၈) နှင့် တန်းတူ ဖြစ်လုနီးပါး အခြေအနေသို့ ပြန်လည် နာလန်ထူလာခဲ့တော့သည်။</p> <p>ကောင်းကင်မိုးကြိုး ကြွက်များသည် ထို တတိယအဆင့် ဝိညာဉ်ကျောက်စိမ်း သတ္တုတွင်း ၏ အောက်ခြေရှိ ကျောက်တုံးများ၏ ဆယ်ပုံတစ်ပုံ၊ သို့မဟုတ် ငါးပုံတစ်ပုံ အောက်သာ တူးဖော်ရသေးသည် မဟုတ်ပါလော။</p> <p>အကယ်၍ ဤ တတိယအဆင့် ဝိညာဉ်ကျောက်စိမ်း ကြော ထဲရှိ ကျောက်တုံးများ အားလုံးကို တူးဖော်နိုင်ခဲ့မည် ဆိုပါက ဝိညာဉ်ကျောက်စိမ်း ရွှေရည်အနှစ် မည်မျှပင် ရရှိနိုင်မည်နည်း။</p> <p>တာအိုရုပ်သေးသည် မျှော်လင့်ချက် ကြီးစွာဖြင့် ကောင်းကင်မိုးကြိုး ကြွက် မိစ္ဆာအုပ်စုကို အစွမ်းကုန် ကြိုးစား တူးဖော်ရန် အမိန့်ပေးလိုက်၏။</p> <p>အခြားတစ်ဖက်တွင်မူ၊</p> <p>ကောင်း မိသားစု၊ ယွီ မိသားစု နှင့် မန် မိသားစု တို့သည် တတိယအဆင့် ဝိညာဉ်ကျောက်စိမ်း ကြော ၏ အစိတ်အပိုင်း တစ်ခုစီကို အသီးသီး သိမ်းပိုက်ထားကြပြီး၊ တစ်ခါတစ်ရံ ပွတ်တိုက်မှုများနှင့် တိုက်ပွဲများ ဖြစ်ပွားလေ့ ရှိကြသည်။ ဤ တင်းမာနေသော အခြေအနေများအောက်တွင် သူတို့ အားလုံးသည် မိမိတို့ ပိုင်ဆိုင်သော ကြော အစိတ်အပိုင်းများကို တူးဖော်ရန် အလုပ်ရှုပ်နေကြ၏။</p> <p>သို့သော် ဤ တတိယအဆင့် ဝိညာဉ်ကျောက်စိမ်း ကြော သည် အလွန် မာကျောလှသည်။</p> <p>ချီစုစည်းခြင်း အဆင့် နှောင်းပိုင်း ကျင့်ကြံသူ များပင်လျှင် အလယ်အလတ်အဆင့် မှော်လက်နက် များကို အသုံးပြု၍ တူးဖော်ပါက၊ ကျောက်တုံး အနည်းငယ်ကို ခွဲထုတ်နိုင်ရန် အားအင်များစွာ စိုက်ထုတ်ရ၏။</p> <p>တူးဖော်ရေး လုပ်ငန်းစဉ်မှာ အမြဲတမ်း နှေးကွေးနေခဲ့သည်။</p> <p>တစ်နေ့တွင်၊</p> <p>ယွီ မိသားစု ၏ ခေါင်းဆောင်သည် ဝိညာဉ်ကျောက်စိမ်း ကြော ၏ အခြေအနေကို လာရောက် စစ်ဆေး၏။ သတ္တုတွင်း အတွင်း၌ လမ်းကြောင်းငယ်လေး အချို့ ထွက်ပေါ်နေသည်ကို မြင်လိုက်ရသောအခါ သူသည် မျက်မှောင်ကြုတ်သွားပြီး...မေးလိုက်၏။</p> <p>"ဘာတွေ ဖြစ်နေတာလဲ"</p> <p>သူတို့ ပိုင်ဆိုင်သော ဝိညာဉ်ကျောက်စိမ်း ကြော အစိတ်အပိုင်းကို စောင့်ကြပ်ရန် တာဝန်ယူထားသည့် ယွီ မိသားစု ၏ ပထမ အကြီးအကဲ ယွီကျင်း က ပြန်လည် ဖြေကြားလာသည်။</p> <p>"ကျောက်တုံးကြွက် အုပ်စု တစ်စုပါ ခေါင်းဆောင်ကြီး။ ဒီ ဝိညာဉ်ကျောက်စိမ်း ကြော အောက်မှာ နေထိုင်နေတဲ့ အထူး မိစ္ဆာအုပ်စု တစ်စု ရှိနေပါတယ်”</p> <p> </p> <p> </p> <p> </p> <p style="text-align: center;">***</p>


Save