Book List

<h2 style="text-align: center;">အခန်း (၄၁၈)</h2> <h2 style="text-align: center;">ကျောက်တုံးကြွက်အုပ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~"ဒီအပေါက်ငယ်လေးတွေက သူတို့ ကျောက်ရိုင်းတုံးတွေကို စားသောက်ရင်း ဝိညာဉ်ကျောက်စိမ်း သတ္တုကြောထဲမှာ လမ်းကြောင်းတွေ ဖန်တီးထားခဲ့လို့ ဖြစ်လာတာပါ"</p> <p>"သူတို့ အရေအတွက်ကလည်း အများကြီးပဲ။ ဒါပေမဲ့ ကျွန်တော်တို့မှာ တခြား ရွေးချယ်စရာ နည်းလမ်း မရှိဘူး။ တတိယအဆင့် ဝိညာဉ်ကျောက်စိမ်း ကြောက အရမ်း မာကျောလွန်းတော့ သူတို့ကို ရှင်းလင်းဖို့ ကျွန်တော်တို့မှာ နည်းလမ်း မရှိဘူး ဖြစ်နေတယ်"</p> <p>ယွီမိသားစု၏ ခေါင်းဆောင်သည် ခေတ္တမျှ စဉ်းစားလိုက်ပြီးနောက် ထိုကိစ္စကို လျစ်လျူရှုထားရန် ဆုံးဖြတ်လိုက်၏။</p> <p>ဝိညာဉ်ကျောက်စိမ်း ကြောများတွင် ကျောက်တုံးကြွက် မိစ္ဆာအုပ်စုများ ပေါ်လာတတ်သည်မှာ ပုံမှန်ပင် ဖြစ်၏။ အဘယ်ကြောင့်ဆိုသော် ဤသားရဲများသည် ဝိညာဉ်သတ္တုရိုင်းများကို စားသုံး၍ အသက်ရှင် နေထိုင်ကြသောကြောင့် ဖြစသည်။</p> <p>ယေဘုယျအားဖြင့် ၎င်းသည် ပြဿနာကြီး တစ်ရပ် မဟုတ်ပေ။ ဝိညာဉ်သတ္တုရိုင်းများ၏ အောက်တွင် သူတို့ အချိန်အတော်ကြာအောင် စားသောက်နိုင်ရန် ကျောက်တုံးများ အမြောက်အမြား ရှိနေသေးသည် မဟုတ်ပါလော။ ထို့ကြောင့် သူတို့၏ ဝိညာဉ်ကျောက်စိမ်း တူးဖော်ရေး လုပ်ငန်းများကို ထိခိုက်လာမည် မဟုတ်ချေ။</p> <p>ဥမင်လိုဏ်ခေါင်း၏ တစ်ဖက်တွင် ဝိညာဉ်ကျောက်စိမ်း ကျောက်ရိုင်းတုံးများကို တူးဖော်နေစဉ်၊ တူးဖော်ရေး လုပ်ငန်းခွင်၏ မြေပြင်ပေါ်တွင်မူ တူးဖော်ရရှိလာသော ကျောက်ရိုင်းတုံးကြီးများကို အပိုင်းပိုင်း ခွဲစိတ်ရန် တာဝန်ပေးအပ်ခြင်း ခံထားရသူများ ရှိနေ၏။</p> <p>ကျောက်ရိုင်းတုံးများကို ပထမအဆင့် ဝိညာဉ်ကျောက်စိမ်း၊ ဒုတိယအဆင့် ဝိညာဉ်ကျောက်စိမ်း နှင့် တတိယအဆင့် ဝိညာဉ်ကျောက်စိမ်း ဟူ၍ အဆင့်လိုက် ခွဲခြား သတ်မှတ်ထားကြ၏။</p> <p>ယွီမိသားစု၏ ခေါင်းဆောင်က လူများကို ဦးဆောင်ကာ သတ္တုတွင်းထဲမှ ထွက်လာသည့် အခိုက်အတန့်မှာပင်၊ တူးဖော်ရေး လုပ်ငန်းခွင်ဆီမှ ရုတ်တရက် အော်ဟစ်သံ တစ်ခု ထွက်ပေါ်လာတော့သည်။</p> <p>"အာ... ကောင်းကင်နဲ့ မြေကြီးရဲ့ ရတနာ... ဒီ ကျောက်ရိုင်းတုံးထဲမှာ ကောင်းကင်နဲ့ မြေကြီးရဲ့ ရတနာ တစ်ပါး ဖြစ်တဲ့ ဝိညာဉ်ကျောက်စိမ်း ရွှေရည်အနှစ် ပါနေတယ်ဟေ့"</p> <p>'ကောင်းကင်နဲ့ မြေကြီးရဲ့ ရတနာ ဝိညာဉ်ကျောက်စိမ်း ရွှေရည်အနှစ်' ဟူသော စကားလုံးကို ကြားလိုက်ရသောအခါ ယွီမိသားစု၏ ခေါင်းဆောင်၊ ပထမ အကြီးအကဲ နှင့် အခြားသူများ၏ မျက်နှာသွင်ပြင်သည် အကြီးအကျယ် ပြောင်းလဲသွားတော့၏။</p> <p>"ဝှစ်..ဝီ..ဝီ"</p> <p>မျက်စိတစ်မှိတ် အတွင်းမှာပင် သူတို့ အားလုံးသည် အလင်းတန်းများ အဖြစ် အသွင်ပြောင်းသွားကြပြီး၊ ကျောက်ရိုင်းတုံးများကို ခွဲစိတ်နေသည့် တူးဖော်ရေး လုပ်ငန်းခွင် အတွင်းသို့ ရောက်ရှိသွားကြသည်။</p> <p>အခြေခံတည်ဆောက်ခြင်း အဆင့် ရှိသော ဆံပင်ဖြူ အဘိုးအို တစ်ဦးသည် ရွှေရောင် အရည်စက် တစ်စက်ကို သူ၏ မန္တန်စွမ်းအားဖြင့် ထိန်းချုပ်ကာ လေထဲတွင် ရပ်တန့်ထားသည်ကို တွေ့လိုက်ရ၏။</p> <p>ဖော်ပြ၍မရနိုင်အောင် ပြင်းထန်လှသော ရနံ့သင်းသင်း တစ်ခုသည် တူးဖော်ရေး လုပ်ငန်းခွင် တစ်ခုလုံးကို လွှမ်းခြုံထား၏။</p> <p>ဤ ထူးခြားလှသော ရနံ့ကို ရှူရှိုက်မိသောအခါ၊ ယွီကျင်း ကဲ့သို့သော အတုအယောင် အမြုတေ အဆင့် အရှင်သခင် တစ်ပါး၏ ခန္ဓာကိုယ်ထဲရှိ ဆဲလ်တိုင်းသည်ပင် ရွှင်လန်းတက်ကြွသွားပြီး ဤစွမ်းအားကို မျိုချလိုသော ဆန္ဒများ ပြင်းပြလာသည့်နှယ် ခံစားလိုက်ရသည်။</p> <p>ယွီကျင်း ၏ မျက်ဝန်းအိမ်များ ရုတ်တရက် ကျဉ်းမြောင်းသွားပြီး၊ စိတ်လှုပ်ရှားမှုနှင့် ဂနာမငြိမ်မှုများ ရောယှက်လာတော့၏။ သူသည် အသံကို ဖိနှိပ်ကာ ထိတ်လန့်တကြား ရေရွတ်မိသွား၏။</p> <p>"မိသားစု ခေါင်းဆောင်ကြီး... ဒါက ကောင်းကင်ကိုတောင် တုန်လှုပ်စေနိုင်ပါတယ်"</p> <p>"ဒါက ဝိညာဉ်ကျောက်စိမ်း ရွှေရည်အနှစ် ကို ထုတ်ပေးနိုင်တဲ့ တတိယအဆင့် ဝိညာဉ်ကျောက်စိမ်း ကြောပါပဲ"</p> <p>ဝိညာဉ်ကျောက်စိမ်း ရွှေရည်အနှစ် သည် ကောင်းကင်နှင့် မြေကြီး၏ ရတနာ တစ်ပါး ဖြစ်ပြီး လောကတွင် အလွန် ရှားပါးလှသည်။</p> <p>ကျင့်ကြံသူ ကိုယ်တိုင် စားသုံးရန်အတွက် ဖြစ်စေ၊ အခြားသော ရည်ရွယ်ချက်များ အတွက် အသုံးပြုရန် ဖြစ်စေ၊ ၎င်း၏ တန်ဖိုးမှာ အလွန်တရာ ကြီးမားလှ၏။</p> <p>ဤ ဝိညာဉ်ကျောက်စိမ်း ရွှေရည်အနှစ် တစ်စက် ပေါ်ထွက်လာခြင်းက တတိယအဆင့် ဝိညာဉ်ကျောက်စိမ်း ကြော၏ တန်ဖိုးကို ရုတ်တရက် ဆယ်ဆ၊ သို့မဟုတ် အဆပေါင်း ဒါဇင်ချီ၍ပင် မြင့်တက်သွားစေသည်ဟု ဆိုနိုင်သည်။</p> <p>သူတို့ တူးဖော်ရရှိထားသော ကျောက်တုံးများ အပြင်၊ ဝိညာဉ်ကျောက်စိမ်း အရိုင်းတုံးများကို ကံစမ်းမဲ ဖောက်သည့် ပုံစံမျိုးဖြင့်လည်း ရောင်းချလေ့ ရှိကြ၏။</p> <p>တတိယအဆင့် ဝိညာဉ်ကျောက်စိမ်း ကြောမှ ထွက်လာသော ကျောက်အရိုင်းတုံးများသည် တန်ဖိုးကြီးမားလှသော်လည်း၊ ၎င်းတို့ထဲတွင် ပထမအဆင့် နှင့် ဒုတိယအဆင့် ဝိညာဉ်ကျောက်စိမ်း များလည်း ပါဝင်နေတတ်၏။</p> <p>မည်သည့် အဆင့်ရှိ ဝိညာဉ်ကျောက်စိမ်း ကို တူးဖော်ရရှိမည် ဆိုသည်မှာ ဝယ်ယူသူ၏ ကိုယ်ပိုင် အကဲဖြတ် နိုင်စွမ်းအပေါ်တွင်သာ မူတည်နေ၏။</p> <p>ဝိညာဉ်ကျောက်စိမ်း ရွှေရည်အနှစ် ဟူသော ဆွဲဆောင်မှု တစ်ခုသာ ပါလာမည် ဆိုလျှင်၊ ဤ သတ္တုတွင်းမှ ကျောက်အရိုင်းတုံးများ၏ တန်ဖိုးသည် သေချာပေါက် ဆယ်ဆ၊ သို့မဟုတ် အဆပေါင်း ဒါဇင်ချီ၍ မြင့်တက်သွားမည်မှာ အသေအချာပင်။</p> <p>ယွီ မိသားစု ကြီးပွားတော့မည်..။</p> <p>ယွီ မိသားစု ခေါင်းဆောင်သည်လည်း ဤ ကြီးမားလှသော အံ့အားသင့်မှုကြီးကြောင့် အနည်းငယ် မှင်သက်သွားခဲ့ရ၏။ သူ သတိပြန်ဝင်လာသောအခါ မျက်လုံးထဲတွင် ထက်မြက်သော အလင်းရောင် တစ်ချက် ဖြတ်ပြေးသွားပြီး၊ အသံနိမ့်နိမ့်ဖြင့် အလျင်အမြန် အမိန့်ပေးလိုက်သည်။</p> <p>"မြန်မြန်... တူးဖော်ရေး လုပ်ငန်းခွင် တစ်ခုလုံးကို ပိတ်ဆို့လိုက်စမ်း။ ဒီသတင်း လုံးဝ ပေါက်ကြားသွားလို့ မဖြစ်ဘူး"</p> <p>သို့သော်ငြားလည်း ယွီ မိသားစု သည် ဝိညာဉ်ကျောက်စိမ်း ရွှေရည်အနှစ် ၏ လျှို့ဝှက်ချက်ကို ထိန်းသိမ်းရန် တင်းကြပ်စွာ စောင့်ကြပ်နေခဲ့သော်လည်း၊</p> <p>ရက်အနည်းငယ် အကြာတွင် ကောင်း မိသားစု နှင့် မန် မိသားစု တို့ နှစ်ခုစလုံးသည် ဤသတင်းကို သိရှိသွားခဲ့ကြ၏။</p> <p>ဤ တတိယအဆင့် ဝိညာဉ်ကျောက်စိမ်း ကြောသည် မူလက ကောင်း မိသားစု တစ်ခုတည်းသာ ပိုင်ဆိုင်သော သူတို့၏ ဝိညာဉ်မြေ ဖြစ်ခဲ့ရာ၊ ဤသတင်းကို ကြားသိရသောအခါ ကောင်း မိသားစုသည် အကြီးအကျယ် အံ့အားသင့်ပြီး ဒေါသထွက်သွားကြတော့၏။</p> <p>ယွီ မိသားစု နှင့် မန် မိသားစု တို့သည် အရှက်အကြောက် ကင်းမဲ့စွာဖြင့် ပူးပေါင်း လှုပ်ရှားခဲ့ကြပြီး ကြော၏ တစ်စိတ်တစ်ပိုင်းကို တူးဖော်ရန် ဖိအားပေး သိမ်းပိုက်ခဲ့ကြခြင်း ဖြစ်၏။</p> <p>ယခင်က ကောင်း မိသားစု အနေဖြင့် ယွီ မိသားစု နှင့် မန် မိသားစု တို့၏ ပူးပေါင်း အင်အားကို မယှဉ်ပြိုင်နိုင်ခဲ့သဖြင့် ထိုအခြေအနေကို လက်ခံခဲ့ရသည်။ သူတို့သည် ဤ ခါးသီးလှသော ဆေးလုံးကို အံကြိတ်ကာ မျိုချခဲ့ရပြီး ရင်ထဲတွင် အငြိုးတေးထားခဲ့ကြ၏။</p> <p>သို့သော် ယခုအခါ ဝိညာဉ်ကျောက်စိမ်း ရွှေရည်အနှစ် အကြောင်းကို ကြားသိလိုက်ရသောအခါ ကောင်း မိသားစု သည် မိမိကိုယ်ကို ဆက်လက် မထိန်းချုပ်နိုင်တော့ချေ။</p> <p>လအနည်းငယ် အတွင်းမှာပင် ကောင်း မိသားစု၊ ယွီ မိသားစု နှင့် မန် မိသားစု တို့ကြားတွင် ပြင်းထန်သော တိုက်ပွဲ အချို့ ထပ်မံ ဖြစ်ပွားခဲ့ပြန်သည်။ တတိယအဆင့် ဝိညာဉ်ကျောက်စိမ်း ကြော၌ မိသားစု သုံးခုစလုံးမှ လူများ ထိခိုက်ဒဏ်ရာ ရရှိခဲ့ကြ၏။</p> <p>ထိုအချိန်တွင် ယွီ မိသားစု နှင့် မန် မိသားစု တို့မှ လူများသည် မြေအောက် သတ္တုတွင်း၌ တစ်စုံတစ်ခု မှားယွင်းနေကြောင်း စတင် သတိပြုမိလာကြသည်။</p> <p>တတိယအဆင့် ဝိညာဉ်ကျောက်စိမ်း ကြောနှင့် မလှမ်းမကမ်းရှိ မြေအောက် အနက်ရှိုင်းဆုံး နေရာမှ ပုန်းကွယ်နေသော ဂူစံအိမ် တစ်ခု အတွင်းဝယ်၊</p> <p>တာအိုရုပ်သေးသည် ကောင်းကင်မိုးကြိုး ကြွက် မိစ္ဆာအုပ်စု ပြန်လည် ပို့ဆောင်ပေးသော ကျောက်အရိုင်းတုံးများကို ပျော်ရွှင်စွာ ခွဲစိတ်နေ၏။ လွန်ခဲ့သော လအနည်းငယ် အတွင်း သူသည် ဝိညာဉ်ကျောက်စိမ်း ရွှေရည်အနှစ် နောက်ထပ် နှစ်စက်ကို ထပ်မံ ရှာဖွေတွေ့ရှိခဲ့သည်။</p> <p>ဝိညာဉ်ကျောက်စိမ်း ကြော၏ ငါးပုံတစ်ပုံခန့်ကို တူးဖော်ပြီးစီးခဲ့တော့၏။</p> <p>တတိယအဆင့် ဝိညာဉ်ကျောက်စိမ်း ရွှေရည်အနှစ် အားလုံးကို သန့်စင်ပြီးနောက်၊ သူ၏ အနီရောင် ရုပ်သေး ၏ စွမ်းအားနှင့် အဆင့်သည် ရွှေအမြုတေ အဆင့် (၈) နှင့် တန်းတူညီမျှသော အခြေအနေ၌ တည်ငြိမ်သွားခဲ့သည်။</p> <p>ဤ ဝိညာဉ်ကျောက်စိမ်း ကြော မှ ကောင်းကင်နှင့် မြေကြီး၏ ရတနာ ဖြစ်သော ဝိညာဉ်ကျောက်စိမ်း ရွှေရည်အနှစ် များကို ဆက်လက် ထုတ်ပေးနေသမျှ ကာလပတ်လုံး၊</p> <p>သူ၏ အနီရောင် ရုပ်သေး အနေဖြင့် တတိယအဆင့် အဆင့်မြင့် အထွတ်အထိပ် အခြေအနေသို့ စွမ်းအားများ ပြန်လည် နာလန်ထူလာရန်မှာ ခက်ခဲလိမ့်မည် မဟုတ်ဟု သူ ယုံကြည်နေမိသည်။</p> <p>ထို့အပြင် မူလ ရုပ်သေးသည် စတုတ္ထအဆင့် အဆင့်နိမ့် အထွတ်အထိပ် တွင် ရှိခဲ့ဖူးသဖြင့်၊ ဤ တာအိုရုပ်သေး ဖြင့် မူလဝိညာဉ် အဆင့် အရှင်သခင်ကြီး တစ်ပါး၏ တိုက်ကွက် တစ်ကွက်၊ နှစ်ကွက်ခန့်ကိုပင် သူ ခံနိုင်ရည် ရှိလာနိုင်ကောင်း ရှိလာနိုင်ပေလိမ့်မည်။</p> <p>သာမန် ရွှေအမြုတေ အဆင့် ကျင့်ကြံသူ တစ်ယောက် အနေဖြင့် သူ့ကို 'ရွှေအမြုတေ အဆင့်တွင် ပြိုင်ဘက်ကင်း' ဟု သေချာပေါက် သတ်မှတ်ရပေလိမ့်မည်။</p> <p>"ရောက်လုနီးပါး ဖြစ်နေပြီ။ နောက်ထပ် ဝိညာဉ်ကျောက်စိမ်း ရွှေရည်အနှစ် ဆယ်စက်၊ ဒါမှမဟုတ် ရှစ်စက်လောက်ပဲ လိုတော့တယ်"</p> <p>တာအိုရုပ်သေးက မျှော်လင့်ချက် ကြီးစွာဖြင့် တီးတိုး ရေရွတ်လိုက်၏။</p> <p>အကယ်၍ သူသာ ရွှေအမြုတေ အဆင့်တွင် ပြိုင်ဘက်ကင်း ဖြစ်လာမည့် စွမ်းအားကို အမှန်တကယ် ပိုင်ဆိုင်လာခဲ့မည် ဆိုလျှင်၊ မူလဝိညာဉ် အဆင့် အရှင်သခင်ကြီး တစ်ပါးကို မရန်စသရွေ့ ပတ်ဝန်းကျင် ကျင့်ကြံခြင်း လောကတွင် လွတ်လပ်စွာ လှုပ်ရှား သွားလာနိုင်ပေလိမ့်မည်။</p> <p>အကယ်၍ သူသာ တာ့ယွဲ့ နယ်မြေသို့ ပြန်သွားမည် ဆိုလျှင်...</p> <p>မူလဝိညာဉ် အဆင့် အရှင်သခင်ကြီး တစ်ပါးပင်လျှင် သူ့ကို ရင်ဆိုင်ရန် အခက်တွေ့နိုင်သည်။ အဘယ်ကြောင့်ဆိုသော် သူသည် အာကာသ စွမ်းအားကို ထိန်းချုပ်နိုင်ဆဲ ဖြစ်သောကြောင့်ပင်။</p> <p>အကယ်၍ သူသာ ထွက်ပြေးလိုပါက မူလဝိညာဉ် အဆင့် အရှင်သခင်ကြီး တစ်ပါး အနေဖြင့် သူ့ကို တားဆီးနိုင်မည် မဟုတ်ချေ။</p> <p>သို့သော် သူ အနေဖြင့် အခြားသူများအပေါ် အရေးယူ ဆောင်ရွက်နိုင်စွမ်း ရှိနေဆဲပင် ဖြစ်၏..။</p> <p>ဤတာအိုရုပ်သေး ကို မည်သူမှ တားဆီးနိုင်မှာ မဟုတ်ပေ။..</p> <p>'ထိုက်ရွှီ အင်မော်တယ် မဟာမိတ်အဖွဲ့က ချဲ့ ရဲ့ ခေါင်းဆောင်... ငါ... တာအိုရုပ်သေး တာ့ယွဲ့ နယ်မြေကို ပြန်ရောက်တဲ့ အခိုက်အတန့်မှာ၊ မင်းက ပုရွက်ဆိတ် တစ်ကောင်သာသာပဲ ဆိုတာကို ငါ ပြသပေးမယ်'</p> <p>'အဖိနှိပ်ခံရတဲ့ ခံစားချက်ကို မင်း မြည်းစမ်းကြည့်စေရမယ်'</p> <p>တာအိုရုပ်သေး၏ မျက်လုံးများထဲတွင် ရက်စက်ကြမ်းကြုတ်သော အလင်းရောင် တစ်ချက် ဖြတ်ပြေးသွားပြီးနောက် ပျောက်ကွယ်သွားသည်။</p> <p>သို့သော် ရက်အနည်းငယ် ကြာပြီးနောက် တာအိုရုပ်သေး၏ မျက်နှာအမူအရာသည် ရုတ်တရက် အနည်းငယ် ပြောင်းလဲသွားတော့၏။</p> <p>သူသည် တတိယအဆင့် ဝိညာဉ်ကျောက်စိမ်း ကြော ရှိရာ အရပ်ဆီသို့ အကြည့်ပို့လွှတ်လိုက်သည်။</p> <p>ယခုလေးတင် သူသည်…</p> <p>တတိယ အဆင့်ဝိဉာဉ်ကြောမှ မြေကြော ပြောင်းလဲမှု တစ်ရပ်ကို အာရုံခံစားမိလိုက်၍ပင်။</p> <p> </p> <p> </p> <p> </p> <p style="text-align: center;">***</p>


Save