Book List

<h2 style="text-align: center;">အခန်း (၄၁၉)</h2> <h2 style="text-align: center;">ဝိညာဉ်ကျောက်စိမ်း ရွှေရည်အနှစ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>~မူလက တတိယအဆင့် ဝိညာဉ်ကျောက်စိမ်း ကြောတွင် ကောင်း မိသားစု၊ ယွီ မိသားစု နှင့် မန် မိသားစု တို့ကြား ဖြစ်ပွားနေသော ပဋိပက္ခများကြောင့်၊ သတ္တုတွင်း အတွင်း၌ အခင်းအကျင်း အများအပြားကို ချထားခဲ့ကြ၏။</p> <p>သို့သော်ငြားလည်း ထိုအခင်းအကျင်းများသည် ပြန့်ကျဲနေသော သဲပွင့်များပမာ ဖြစ်နေ၏။ အလွန်တရာ မာကျောလှသော ကြောများဆီသို့ မြေအောက်မှနေ၍ ထိုးဖောက် စားသောက် ဝင်ရောက်လာကြသော ကောင်းကင်မိုးကြိုး ကြွက် မိစ္ဆာအုပ်စု အပေါ် မည်သည့် သက်ရောက်မှုမျှ မရှိခဲ့ဘဲ၊ သူတို့ အလိုရှိသလို လွတ်လပ်စွာ ဝင်ထွက်သွားလာခွင့် ပြုထားသည့်နှယ် ဖြစ်နေခဲ့သည်။</p> <p>သို့သော် ယခုလေးတင် တတိယအဆင့် ဝိညာဉ်ကျောက်စိမ်း ကြော၏ မြေကမ္ဘာ နယ်ပယ်တွင် ရုတ်တရက် အပြောင်းအလဲ တစ်ခု ဖြစ်ပေါ်လာခဲ့တော့သည်။</p> <p>တတိယအဆင့် ဝိညာဉ်ကျောက်စိမ်း ကြော တစ်ခုလုံးကို လွှမ်းခြုံကာ အလုံပိတ် နယ်မြေတစ်ခု ဖန်တီးလိုက်သည့်နှယ် ထင်မှတ်ရ၏။</p> <p>ပို၍ အံ့အားသင့်စရာ ကောင်းသည်မှာ တတိယအဆင့် ဝိညာဉ်ကျောက်စိမ်း ကြော အောက်တွင် ပုန်းအောင်းနေသော ကောင်းကင်မိုးကြိုး ကြွက် မိစ္ဆာအုပ်စုကိုပင် သူ အာရုံခံ၍ မရတော့ခြင်းပင် ဖြစ်သည်။</p> <p>ဤအရာကို မြေပြင်ပညာရှင် တစ်ဦးသာလျှင် စွမ်းဆောင်နိုင်ပေမည်။</p> <p>အခင်းအကျင်း ပညာရှင် တစ်ဦးပင်လျှင် ဤသို့ မစွမ်းဆောင်နိုင်ချေ။ ထို့အပြင် ထိုသူသည် တတိယအဆင့် မြေပြင်ပညာရှင် တစ်ဦး ဖြစ်ရမည်မှာ အသေအချာပင်။</p> <p>တာအိုရုပ်သေးသည် မတ်တတ်ရပ်လိုက်၏။ သူ၏ နက်ရှိုင်းသော မျက်ဝန်းများမှ အလင်းရောင် တစ်ချက် လက်သွားပြီး ဟင်းလင်းပြင်ကိုပင် ထိုးဖောက် မြင်နိုင်စွမ်း ရှိသည့်နှယ် တတိယအဆင့် ဝိညာဉ်ကျောက်စိမ်း ကြော၏ မြေကမ္ဘာ နယ်ပယ်ဆီသို့ စူးစိုက်ကြည့်ကာ မြေပြင်ပညာရှင်၏ အခင်းအကျင်း အရှိန်အဝါကို အာရုံခံလိုက်၏။</p> <p>ယခုအခါ သူကိုယ်တိုင်သည်လည်း တတိယအဆင့် အဆင့်နိမ့် အခင်းအကျင်း ပညာရှင် တစ်ဦး ဖြစ်နေခဲ့ပြီ ဖြစ်၏။</p> <p>ထို့ကြောင့် တတိယအဆင့် ဝိညာဉ်ကျောက်စိမ်း ကြောကို ချိတ်ပိတ်လိုက်သော မြေပြင်ပညာရှင်မှာ တတိယအဆင့် အဆင့်နိမ့် မြေပြင်ပညာရှင် တစ်ဦး ဖြစ်ရမည်ဟု တာအိုရုပ်သေးက အလျင်အမြန်ပင် အတည်ပြုလိုက်တော့သည်။</p> <p>တတိယအဆင့် ဝိညာဉ်ကျောက်စိမ်း ကြောပေါ်ရှိ အခင်းအကျင်း၏ လှိုင်းဂယက် အတက်အကျ စွမ်းအားမှာ အလယ်အလတ် အဆင့်တွင်သာ ရှိ၏။</p> <p>ထိုအခြေအနေကို မြင်လိုက်ရသောအခါ တာအိုရုပ်သေးသည် သက်ပြင်းရှည်ကြီး တစ်ချက် ချလိုက်ပြီး သူ့ဘာသာ တီးတိုး ရေရွတ်လိုက်၏။</p> <p>'ကြည့်ရတာ ငါ ခိုးဝင်ပြီး အကျိုးအမြတ် ခွဲယူဖို့ ဆိုတာ မဖြစ်နိုင်တော့တဲ့ ပုံပဲ'</p> <p>သို့ဖြစ်ရာ ဤ တတိယအဆင့် ဝိညာဉ်ကျောက်စိမ်း ကြောကို သူ ကိုယ်တိုင် ကိုယ်ကျ သွားရောက် သိမ်းယူရတော့မည် ဖြစ်သည်။</p> <p>"ဂျုန်း"</p> <p>နောက်တစ်ခဏ၌ တာအိုရုပ်သေးသည် သူ၏ ပုန်းအောင်းရာ ဂူစံအိမ်မှ ထွက်ခွာလာပြီး မြေပြင်ပေါ်သို့ ရောက်ရှိလာခဲ့၏။ ထို့နောက် မလှမ်းမကမ်းရှိ တတိယအဆင့် ဝိညာဉ်ကျောက်စိမ်း ကြော ဆီသို့ ဖြည်းညှင်းစွာ လျှောက်လှမ်းသွားလေတော့သည်။</p> <p>ကုန်းယွဲ့ အင်မော်တယ် မြို့တော် အတွင်းရှိ အင်အားကြီး ကျင့်ကြံသူ မိသားစု သုံးစုစလုံးတွင် ရွှေအမြုတေ အဆင့် အရှင်သခင် ဘိုးဘေးကြီးများ အသီးသီး ရှိကြ၏။</p> <p>ကောင်း မိသားစု၏ ဘိုးဘေးကြီးမှာ အင်အားအကြီးဆုံး ဖြစ်ပြီး ရွှေအမြုတေ အဆင့် (၅) ကျင့်ကြံသူ တစ်ဦး ဖြစ်၏။</p> <p>ယွီ မိသားစုမှာ ဒုတိယ နေရာတွင် ရှိပြီး ရွှေအမြုတေ အဆင့် (၄) ကျင့်ကြံသူ တစ်ဦး ပိုင်ဆိုင်ထားသည်။</p> <p>မန် မိသားစုမှာမူ နောက်ဆုံး အဆင့်တွင် ရှိပြီး မကြာသေးမီကမှ ရွှေအမြုတေ အဆင့် (၂) သို့ တက်လှမ်းလာသော အရှင်သခင် တစ်ပါး ရှိ၏။ ထိုသူသည် အလွန် ပါရမီ ထူးကဲပြီး ရွှေအမြုတေ အဆင့် ကျင့်ကြံသူ သုံးဦးထဲတွင် အသက်အငယ်ဆုံး ဖြစ်သည်ဟု ဆိုကြ၏။</p> <p>မူလက တာအိုရုပ်သေး အနေဖြင့် ကိုယ်တိုင်ကိုယ်ကျ ဝင်ရောက် လှုပ်ရှားရန် အစီအစဉ် မရှိခဲ့ပေ။ ကောင်းကင်မိုးကြိုး ကြွက် မိစ္ဆာအုပ်စုကိုသာ အသုံးပြု၍ တတိယအဆင့် ဝိညာဉ်ကျောက်စိမ်း များ သို့မဟုတ် ဝိညာဉ်ကျောက်စိမ်း ရွှေရည်အနှစ် များကို တိတ်တဆိတ် ယူဆောင်ခိုင်းရန် ရည်ရွယ်ထားခဲ့ခြင်း ဖြစ်သည်။</p> <p>သူ၏ ရည်မှန်းချက် အောင်မြင်သွားသည်နှင့် တစ်ပြိုင်နက်၊ သူသည် တိတ်တဆိတ် ထွက်ခွာသွားပြီး သူ၏ ခရီးပန်းတိုင် ဖြစ်သော ပိုးစာပင် အင်မော်တယ် မြို့တော် ဆီသို့ ဆက်လက် ထွက်ခွာသွားရန် ဖြစ်၏။</p> <p>သို့သော် ယခုအခါတွင်မူ... ဝိညာဉ်ကျောက်စိမ်း ရွှေရည်အနှစ် မှာ လုံလောက်မှု မရှိသေးဘဲ၊ တတိယအဆင့် ဝိညာဉ်ကျောက်စိမ်း ကြော၏ ငါးပုံတစ်ပုံခန့်ကိုသာ တူးဖော်ရသေးသည်။</p> <p>ထို မိသားစုများသည် ကြောကို ချိတ်ပိတ်ရန် တတိယအဆင့် အဆင့်နိမ့် မြေပြင်ပညာရှင် တစ်ဦးကို ဖိတ်ခေါ်လာခဲ့ကြ၏။</p> <p>ဤသို့ အခြေအနေများ ပြောင်းလဲသွားမှုအပေါ် တာအိုရုပ်သေး အနေဖြင့် လုံးဝ ကျေနပ်မှု မရှိသည်မှာ သေချာလှသည်။</p> <p>တာအိုရုပ်သေးသည် ခံစားချက် ကင်းမဲ့နေသော မျက်နှာထားဖြင့် ပေရာချီ အကွာသို့ လှမ်းတက်သွားရင်း ခပ်ပြတ်ပြတ် ကြွေးကြော်လိုက်၏။</p> <p>“လွတ်လွတ်လပ်လပ် ယူခွင့်မရှိမှတော့... အတင်းအကြပ် လုယူရုံပဲ ရှိတော့တာပေါ့”</p> <p>မျက်စိတစ်မှိတ် အတွင်းမှာပင် သူသည် တတိယအဆင့် ဝိညာဉ်ကျောက်စိမ်း ကြော တည်ရှိရာ တောင်ကုန်း တောအုပ်များ၏ အောက်ခြေသို့ ရောက်ရှိနေခဲ့တော့၏။</p> <p>ကျင့်ကြံခြင်း လောက ဆိုသည်မှာ အသန်စွမ်းဆုံးသူသာ အသက်ရှင်ကျန်ရစ်မည့် နေရာဖြစ်ပြီး၊ အရင်းအမြစ် တိုင်းသည် အသက်နှင့် ရင်း၍ လုယူ တိုက်ခိုက်ထိုက်သော အရာများ ဖြစ်၏။</p> <p>အကယ်၍ သာမန် ပစ္စည်း တစ်ခုသာ ဆိုလျှင် တာအိုရုပ်သေး အနေဖြင့် လျစ်လျူရှုထားလိုက်နိုင်သည်။</p> <p>သာမန် တတိယအဆင့် ဝိညာဉ်ကျောက်စိမ်း ကြော တစ်ခုသာ ဖြစ်နေမည် ဆိုလျှင်တောင်မှ၊ တတိယအဆင့် အဆင့်နိမ့် မြေပြင်ပညာရှင်က ကြောကို ချိတ်ပိတ်လိုက်ပြီးနောက် ဤနေရာရှိ ကျင့်ကြံသူများကို မထိတ်လန့်စေဘဲ ကောင်းကင်မိုးကြိုး ကြွက် မိစ္ဆာအုပ်စုကို တိတ်တဆိတ် ရုပ်သိမ်းသွားနိုင်၏။ ပြဿနာများကို တတ်နိုင်သမျှ ရှောင်ရှားရန် ကြိုးစားမည် ဖြစ်၏။</p> <p>သို့သော် ဝိညာဉ်ကျောက်စိမ်း ရွှေရည်အနှစ် အတွက်မူ... သူ သေချာပေါက် တိုက်ယူရမည်သာ ဖြစ်လေသည်..</p> <p>အကယ်၍ သူသာ အောင်ပွဲခံနိုင်ခဲ့ပါက၊ ဤ ရုပ်သေး ကိုယ်ခန္ဓာ၏ စွမ်းရည်ကို စတုတ္ထအဆင့် အဆင့်နိမ့် အထွတ်အထိပ် ရုပ်သေး တစ်ရုပ် အဖြစ်သို့ ပြန်လည် ရောက်ရှိအောင် စွမ်းဆောင်နိုင်ပေလိမ့်မည်။ ဤအခွင့်အရေးကို လုံးဝ လက်လွှတ်ခံ၍ မဖြစ်ချေ..။</p> <p>"ဂျုန်း"</p> <p>နောက်တစ်ခဏ၌ တာအိုရုပ်သေး၏ ပုံရိပ်သည် ချိတ်ပိတ်ထားသော တတိယအဆင့် ဝိညာဉ်ကျောက်စိမ်း ကြော ၏ အပြင်ဘက်တွင် ထွက်ပေါ်လာတော့သည်။</p> <p>တာအိုရုပ်သေး ထံမှ စွမ်းအားများနှင့် အရှိန်အဝါများ ရုန်းကြွလာသည်နှင့်အမျှ၊ ရွှေအမြုတေ အဆင့် နှောင်းပိုင်း နှင့် တန်းတူညီမျှသော ဝိညာဉ်ဖိအားကြီး တစ်ခုသည် တတိယအဆင့် ဝိညာဉ်ကျောက်စိမ်း ကြော တစ်ခုလုံးကို ကိုင်လှုပ်လိုက်ပြီး မြေကြီးကိုပင် တုန်ခါသွားစေခဲ့၏။</p> <p>တစ်ချိန်တည်းမှာပင် သူ၏ ရှေ့မှောက်ရှိ ဟင်းလင်းပြင်တွင် တွန့်လိမ်မှုများ ထွက်ပေါ်လာတော့၏။</p> <p>တာအိုရုပ်သေးသည် ခြေတစ်လှမ်း လှမ်းလိုက်သည်နှင့် သူ၏ ပုံရိပ်သည် ပျောက်ကွယ်သွားပြီး၊ တတိယအဆင့် အဆင့်နိမ့် မြေပြင်ပညာရှင် တည်ဆောက်ထားသော ဧရာမ အခင်းအကျင်းကြီး ကို လျစ်လျူရှုကာ တတိယအဆင့် ဝိညာဉ်ကျောက်စိမ်း ကြော အတွင်းသို့ ဇွတ်တရွတ် ထိုးဖောက် ဝင်ရောက်သွားလေတော့သည်။</p> <p>တတိယအဆင့် ဝိညာဉ်ကျောက်စိမ်း ကြော အတွင်းဝယ်၊ ကောင်း မိသားစု၊ ယွီ မိသားစု နှင့် မန် မိသားစု တို့၏ ခေါင်းဆောင်များနှင့် အကြီးအကဲ အချို့ ပါဝင်သော လူအုပ်ကြီး တစ်စုသည် ဆံပင်ဖြူဖြူနှင့် 'အဘွားအို' တစ်ဦး အား အဖော်ပြုလျက် သတ္တုတွင်း အထက်တွင် လမ်းလျှောက်နေကြ၏။</p> <p>ကောင်း မိသားစု၏ မိသားစု ခေါင်းဆောင် ဖြစ်သူ ကောင်းကျုံးရှန်း သည် ထို 'အဘွားအို' ကို ကြည့်ကာ ရိုသေလေးစားမှု အပြည့်ပါသော လေသံဖြင့် မေးမြန်းလိုက်သည်။</p> <p>“စီနီယာ လင်း... ဒီ ဝိညာဉ်ကျောက်တုံး သတ္တုတွင်း အောက်က ကြွက်ပြဿနာက အခြေအနေ ဆိုးဝါးလား ခင်ဗျာ”</p> <p>'အဘွားအို' သည် မျက်မှောင် အနည်းငယ် ကြုတ်လိုက်သည်။ သူမ လမ်းလျှောက်နေစဉ်အတွင်း သူမ၏ ထံမှ ထူးဆန်းသော အရှိန်အဝါ တစ်ခု ထွက်ပေါ်နေပြီး၊ ခြေအောက်ရှိ ဝိညာဉ်ကြော၏ မြေကမ္ဘာ နယ်ပယ်ထဲသို့ စိမ့်ဝင်သွားကာ မြေအောက်ရှိ အရာအားလုံးကို အာရုံခံနေ၏။</p> <p>အချိန်အတော် ကြာပြီးနောက်မှသာ သူမက ဖြေကြားလိုက်သည်။</p> <p>“ဆိုးဝါးတယ်”</p> <p>“ငါ ထင်ထားတာထက် အများကြီး ပိုပြီး ဆိုးဝါးနေတယ်။ ဒီ ကြွက်မိစ္ဆာ အုပ်စုက အရေအတွက် တစ်ထောင်ကျော်လောက် ရှိပြီး၊ အကုန်လုံးက အတော်လေး အင်အား ကောင်းကြတယ်။ ဒုတိယအဆင့် ကြွက်မိစ္ဆာ အကောင် ငါးဆယ်ကျော်တောင် ပါသေးတယ်”</p> <p>“မင်းတို့သာ ငါ့ကို ဒီနေရာ ဖိတ်မလာခဲ့ဘူး ဆိုရင်... သူတို့တွေ ဝိညာဉ်ကြော ရဲ့ အောက်ခြေကို နီးပါးလောက် ဟာလာဟင်းလင်း ဖြစ်အောင် စားပစ်ခဲ့ပြီ ဆိုတာ ငါ ယုံနိုင်စရာ အကြောင်းတောင် မရှိဘူး”</p> <p>“အနည်းဆုံးတော့ ကြောရဲ့ ငါးပုံတစ်ပုံ ဒါမှမဟုတ် လေးပုံတစ်ပုံ လောက်က သူတို့ အစားခံလိုက်ရပြီ”</p> <p>“ဘာ...”</p> <p>ထိုစကားကို ကြားလိုက်ရသောအခါ ကောင်း မိသားစု၊ ယွီ မိသားစု နှင့် မန် မိသားစု တို့၏ ခေါင်းဆောင်များ၏ မျက်နှာသွင်ပြင်သည် အကြီးအကျယ် ပြောင်းလဲသွားတော့သည်။ သူတို့၏ မျက်နှာများ မှုန်ကုပ်သွားပြီး ဒေါသနှင့် နာကျင်မှုများကြောင့် ရင်ထဲတွင် သွေးစက်စက် ကျနေသည့်နှယ် ခံစားလိုက်ကြရ၏။</p> <p>တတိယအဆင့် ဝိညာဉ်ကျောက်စိမ်း ကြော ၏ လေးပုံတစ်ပုံ အစားခံလိုက်ရသည်တဲ့လား..</p> <p>သောက်ကျိုးနည်း.. ဤအရာက သူတို့၏ အသားကို လှီးဖြတ်နေသည်နှင့် အတူတူပင် ဖြစ်လေသည်..။</p> <p>အလွန်တရာ ရုပ်ဆိုး အကျည်းတန်နေသော အမူအရာဖြင့် ကောင်းကျုံးရှန်း သည် အဘွားအိုအား မေးမြန်းလိုက်၏။</p> <p>“စီနီယာ လင်း... ဒီ ကြွက်မိစ္ဆာ တွေကို ရှင်းလင်းပစ်ဖို့ နည်းလမ်းများ ရှိမလား ခင်ဗျာ။ စီနီယာသာ လုပ်ပေးနိုင်မယ် ဆိုရင် ကျွန်တော်တို့ မိသားစု သုံးစု ပေါင်းပြီး အခကြေးငွေ ထပ်ဆောင်း ပေးပါ့မယ်”</p> <p>ထိုစကားကို ကြားသောအခါ အဘွားအို၏ မျက်နှာပေါ်တွင် ခပ်ဖျော့ဖျော့ အပြုံးတစ်ခု ပေါ်လာပြီး တုံ့ပြန်လိုက်သည်။</p> <p>“ရတာပေါ့... ငါ တခြား ဘာမှ မလိုချင်ဘူး။ ဝိညာဉ်ကျောက်စိမ်း ရွှေရည်အနှစ် နှစ်စက်ပဲ လိုချင်တယ်”</p> <p>ထို တောင်းဆိုချက်ကို ကြားလိုက်ရသောအခါ မိသားစု ခေါင်းဆောင် သုံးဦးစလုံး၏ မျက်ခုံးများ တွန့်ကွေးသွားကြသည်။</p> <p>သို့သော် သူတို့၏ ခြေအောက်ရှိ အလွန် ဆိုးဝါးနေသော ကြွက်ပြဿနာကို တွေးကြည့်လိုက်ပါက... အကယ်၍သာ ရှင်းလင်း မပစ်နိုင်လျှင် ဤ ဝိညာဉ်ကျောက်စိမ်း ကြောကြီးသည် အချိန်တို အတွင်းမှာပင် အသုံးမဝင်သော အရာတစ်ခု ဖြစ်သွားပေတော့မည်။</p> <p> </p> <p> </p> <p> </p> <p> </p> <p style="text-align: center;">***</p>


Save