Book List

<h2 style="text-align: center;">အခန်း (၄၂၀)</h2> <h2 style="text-align: center;">ဉာဏ်ကောင်းတယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>~ကောင်းကျုံးရှန်း နှင့် သူ၏ အဖော်များသည် တစ်ယောက်ကို တစ်ယောက် အကြည့်ချင်း ဖလှယ်လိုက်ကြပြီးနောက်၊ ပြတ်သားစွာ ခေါင်းညိတ်လိုက်ကြပြီး... ပြန်လည် ဖြေကြားလိုက်ကြ၏။</p> <p>"သဘောတူပါတယ် ခင်ဗျာ"</p> <p>ထိုအခါ အဘွားအို၏ မျက်လုံးများ အောက်ခြေတွင် ဝမ်းသာပီတိ ဖြစ်မှုများ ပွင့်လန်းလာတော့၏။ သူမ၏ နာမည်ရင်းမှာ လင်းရှူ ဖြစ်ပြီး ကုန်းယွဲ့ အင်မော်တယ် မြို့တော်မှ ဆင်းသက်လာသော တစ်ကိုယ်တော် ကျင့်ကြံသူ တစ်ဦး ဖြစ်၏။</p> <p>ကံကောင်းထောက်မစွာဖြင့် သူမသည် မြေပြင်ပညာရှင် တစ်ဦး၏ အမွေအနှစ်များကို ရရှိခဲ့ပြီး၊ ဆယ်စုနှစ် အနည်းငယ် အတွင်းမှာပင် လက်ရှိ အခြေအနေသို့ ရောက်ရှိလာခဲ့ခြင်းပါ။ ထို့အပြင် ရွှေအမြုတေ အဆင့် (၃) သို့ပင် တက်လှမ်းနိုင်ခဲ့ပြီး တတိယအဆင့် အဆင့်နိမ့် မြေပြင်ပညာရှင် တစ်ဦး ဖြစ်လာခဲ့သည်။</p> <p>'ဝိညာဉ်ကျောက်စိမ်း ရွှေရည်အနှစ် နှစ်စက်ဆိုရင် ငါ့ရဲ့ သက်တမ်း တချို့ကို ပြန်လည် ဖြည့်တင်းဖို့ လုံလောက်ပြီ။ အချိန်နည်းနည်းလောက်သာ ဝယ်လို့ရခဲ့မယ် ဆိုရင် ငါ သေချာပေါက် ရွှေအမြုတေ အဆင့် (၄) ကို ချိုးဖျက် ဝင်ရောက်နိုင်မှာပဲ'</p> <p>'အဆင့် တစ်ဆင့် ထိုးဖောက်သွားနိုင်တာနဲ့ ငါ့ရဲ့ သက်တမ်းက ထပ်ပြီး ရှည်လာလိမ့်မယ်။ ပြီးရင် ရှေ့ဆက်ဖို့ အခွင့်အရေးတွေလည်း သေချာပေါက် ရှိလာမှာပဲ'</p> <p>မျှော်လင့်ချက်များစွာဖြင့် လင်းရှူ ၏ ရင်ထဲတွင် စိတ်လှုပ်ရှားမှု အချို့ကို ခံစားလိုက်ရသည်။</p> <p>ဒါပေါ့လေ။</p> <p>ရွှေအမြုတေ အဆင့် နှင့် တတိယအဆင့် အဆင့်နိမ့် မြေပြင်ပညာရှင် တစ်ဦး ဖြစ်သော်ငြားလည်း၊ သူမသည် ကုန်းယွဲ့ အင်မော်တယ် မြို့တော်ရှိ အင်အားကြီး ကျင့်ကြံသူ မိသားစုကြီး သုံးခု၏ ရှေ့မှောက်တွင် အလွန်အကျွံ တောင်းဆိုရန် မဝံ့ရဲခဲ့ပေ။</p> <p>အဘယ်ကြောင့်ဆိုသော် ဤ အင်အားကြီး ကျင့်ကြံသူ မိသားစုကြီး သုံးခုသည် အလွယ်တကူ ရန်စ၍ရသော သူများ မဟုတ်သောကြောင့် ဖြစ်၏။ အထူးသဖြင့် သူတို့ ပူးပေါင်း လုပ်ဆောင်လာကြပါက၊ သူမကို ကုန်းယွဲ့ အင်မော်တယ် မြို့တော်မှ လုံးဝ မောင်းထုတ်ပစ်နိုင်သည်။</p> <p>ဝိညာဉ်ကျောက်စိမ်း ရွှေရည်အနှစ် နှစ်စက် တောင်းဆိုခြင်းက သေးငယ်သော တန်ဖိုး တစ်ခုတော့ မဟုတ်ချေ။</p> <p>လင်းရှူ သည် မျက်နှာကို တည်ငြိမ်အောင် ထိန်းထားလိုက်ပြီး ခေါင်းညိတ်ပြလိုက်၏။</p> <p>"အဲ့ဒီလိုဆိုမှတော့... ဧရာမ အခင်းအကျင်းကြီးကို ငါ စတင် တည်ဆောက်လိုက်တော့မယ်။ မြေကမ္ဘာ ကြော အခင်းအကျင်း ကို အသက်သွင်းလိုက်တာနဲ့ ကြွက်မိစ္ဆာ တွေ အကုန်လုံး အပြင်ထွက်လာအောင် အတင်းအကြပ် တွန်းအားပေးပြီး ရှင်းလင်းပစ်လို့ ရသွားလိမ့်မယ်"</p> <p>ကောင်းကျုံးရှန်း အပါအဝင် လူအချို့သည် လင်းရှူ အား ကျေးဇူးတင်စကား ဆိုရန် ပြင်လိုက်ကြသည်။။</p> <p>ထိုအခိုက်အတန့်ဝယ်၊</p> <p>လင်းရှူ အပါအဝင် ထိုနေရာရှိ လူအားလုံး၏ မျက်နှာသွင်ပြင်များသည် အကြီးအကျယ် ပြောင်းလဲသွားကြတော့သည်။</p> <p>“ဝုန်း…”</p> <p>လူတိုင်းကို ကြောက်ရွံ့တုန်လှုပ်သွားစေမည့်  အရှိန်အဝါကြီး တစ်ခုသည် ဝိညာဉ်ကျောက်စိမ်း သတ္တုတွင်း ၏ အပြင်ဘက်မှ ရုန်းကြွလာတော့၏။ ထိတ်လန့်ဖွယ်ရာ ဝိညာဉ်ဖိအားကြီး ထွက်ပေါ်လာပြီး၊ ချက်ချင်းပင် အပြင်ဘက်ရှိ လေထုနှင့် ကောင်းကင်ယံကို လှုပ်ခတ်သွားစေ၏။</p> <p>ဤ ကြီးမားလှသော စွမ်းအား၏ ဖိနှိပ်မှုအောက်တွင် ဝိညာဉ်ကျောက်စိမ်း သတ္တုတွင်း တစ်ခုလုံးသည် စတင် တုန်ခါလာတော့သည်။</p> <p>လင်းရှူ ၏ ရင်ထဲတွင် အကြောက်တရားများ ဝင်ရောက်လာပြီး သူမ၏ မျက်နှာသည် ဖြူဖျော့သွား၏။ သူမက အလန့်တကြား အော်ဟစ်လိုက်သည်။</p> <p>"မဟုတ်သေးဘူး... ဒါက ရွှေအမြုတေ အဆင့် နှောင်းပိုင်း..."</p> <p>“‌ဝရော”</p> <p>လင်းရှူ စကားမဆုံးခင်မှာပင် လူတိုင်း၏ အထက်ရှိ ဟင်းလင်းပြင်သည် ရုတ်တရက် ပြင်းထန်စွာ လှိုင်းထလာတော့၏။</p> <p>ငြိမ်သက်နေသော ကန်ရေပြင်ထဲသို့ ကျောက်တုံးကြီး တစ်တုံး ပစ်ချလိုက်သည့်နှယ်ပင်။</p> <p>နောက်တစ်ခဏဝယ်၊</p> <p>လူတိုင်း၏ အထက် ကောင်းကင်ယံတွင် ပုံရိပ်တစ်ခု ထွက်ပေါ်လာပြီး အောက်ဘက်ရှိ အရာအားလုံးကို အပေါ်စီးမှ ကြည့်နေသည်။</p> <p>ရွှေအမြုတေ အဆင့် (၈) နှင့် တန်းတူညီမျှသော ကြောက်မက်ဖွယ်ကောင်းလှသည့် စွမ်းအားနှင့် ဝိညာဉ်ဖိအားသည် ယခုအခါ ဧရာမ ဝိညာဉ်တောင်ကြီး တစ်လုံးပမာ လူတိုင်း၏ ရင်ဘတ်ကို ဖိနှိပ်ထားရာ၊ အသက်ရှူရပင် ခက်ခဲလာပြီး အသက်ရှူကျပ်မတတ် ခံစားလာကြရ၏။</p> <p>ရွှေအမြုတေ အဆင့် (၃) မြေပြင်ပညာရှင် တစ်ဦး ဖြစ်သော လင်းရှူ ပင်လျှင် ဤ ဖိနှိပ်မှု စွမ်းအားအောက်တွင် သူမ၏ မျက်နှာသွင်ပြင်များ ပြောင်းလဲသွားပြီး၊ သူမ၏ ခန္ဓာကိုယ်သည် အနောက်သို့ ဆက်တိုက် ဆုတ်ခွာသွားရန်  တွန်းအားပေး ခံလိုက်ရသည်။</p> <p>ဝိညာဉ်ကျောက်စိမ်း သတ္တုတွင်း ၏ အစွန်အဖျားသို့ ဆုတ်ခွာသွားပြီး၊ ထို ကြောက်မက်ဖွယ် ဝိညာဉ်ဖိအားကို တွန်းလှန်ရန်အတွက် မြေကမ္ဘာ ကြော အခင်းအကျင်း ၏ စွမ်းအားကို အသုံးပြုနိုင်ချိန် ရောက်မှသာ လင်းရှူ သည် အနည်းငယ် သက်သာရာ ရသွားတော့၏။</p> <p>ထိတ်လန့်တကြား မော့ကြည့်လိုက်သောအခါ၊ လင်းရှူ သည် ဝိညာဉ်ကျောက်စိမ်း သတ္တုတွင်း ၏ အထက်တွင် ပေါ်လာသော ဆံပင်ဖြူ အဘိုးအို တစ်ဦးကို မြင်လိုက်ရသည်။</p> <p>ထိုအခိုက်အတန့်၌ ဤ အရှင်သခင်ကြီးသည် လူတိုင်းကို အပေါ်စီးမှ ကြည့်နေ၏။ လင်းရှူ သည် အထက်မှနေ၍ သူမအပေါ် ဖြတ်ဆင်းလာသော အေးစက်သည့် အကြည့်တစ်ချက်ကို ခံစားလိုက်ရ၏။</p> <p>လင်းရှူ သည် သူမ၏ စိတ်ကို တည်ငြိမ်အောင် ထိန်းထားလိုက်ပြီး အကြိမ်ကြိမ် တောင်းပန်လိုက်တော့သည်။</p> <p>"စီနီယာ... ကျွန်မက မိသားစုကြီး သုံးခု ဖိတ်ခေါ်လို့ ဒီ ဝိညာဉ်ကျောက်စိမ်း သတ္တုတွင်းကို ကာကွယ်ဖို့ မြေကမ္ဘာ ကြော အခင်းအကျင်း လာတည်ဆောက်ပေးရုံ သက်သက်ပါ။ အခု အခင်းအကျင်း တည်ဆောက်ပြီးပြီ ဆိုတော့ ကျွန်မရဲ့ တာဝန် ပြီးဆုံးသွားပါပြီ။ စီနီယာ့ အလုပ်တွေကို မနှောင့်ယှက်တော့ပါဘူးရှင်"</p> <p>လင်းရှူ သည် ထွက်ပြေးလိုသော်လည်း နောက်တစ်ခဏ၌ ကြောက်မက်ဖွယ် အရှိန်အဝါ တစ်ခုသည် သူမအပေါ်သို့ ကျရောက်လာပြီး ပိတ်ဆို့လိုက်လေရာ၊  ခန္ဓာကိုယ်သည် တောင့်တင်းသွားပြီး ကြက်သီးမွေးညင်ှးများ ထသွားကာ တစ်ချက်လေးမျှပင် မလှုပ်ရဲတော့ချေ။</p> <p>ထိုစဉ်၊ တာအိုရုပ်သေး၏ အသံသည် ခပ်ဝါးဝါး ထွက်ပေါ်လာ၏။</p> <p>"မင်း... ဒီမှာ နေခဲ့"</p> <p>"ဒီနေရာမှာ အခင်းအကျင်း လာတည်ဆောက်ပေးတယ် ဆိုမှတော့... ခဏတဖြုတ်တော့ နေသွားဦးပေါ့"</p> <p>အောက်ဘက်တွင်၊</p> <p>ကောင်းကျုံးရှန်း နှင့် အခြားသူများ အားလုံးသည် တာအိုရုပ်သေး၏ ကြောက်မက်ဖွယ်ကောင်းလှသော ဝိညာဉ်ဖိအားကြောင့် တုန်လှုပ်နေကြပြီး၊ အတုအယောင် အမြုတေ အဆင့် ကျင့်ကြံသူများပင်လျှင် ဤအချိန်၌ ဆက်လက် တောင့်ခံမထားနိုင်တော့ချေ။ ဖိအားအောက်တွင် မြေကြီးပေါ်သို့ ဒူးထောက်ကျလုနီးပါး ဖြစ်နေကြပြီး အံကြိတ်ကာ မနည်း တောင့်ခံထားရ၏။</p> <p>ကောင်းကျုံးရှန်း သည် သူ၏ ခန္ဓာကိုယ်ကို တည်ငြိမ်အောင် ထိန်းထားရန် အံကြိတ်လိုက်သည်။ ထို့နောက် ကောင်းကင်ယံရှိ တာအိုရုပ်သေးကို မော့ကြည့်ကာ ခါးသီးသော မျက်နှာထားဖြင့် မေးလိုက်၏။</p> <p>"အရှင်... လူကြီးမင်း က ဘယ်သူများလဲ ခင်ဗျာ"</p> <p>"ဒါက ကျွန်တော်တို့ ကုန်းယွဲ့ အင်မော်တယ် မြို့တော် က အင်အားကြီး ကျင့်ကြံသူ မိသားစု သုံးခု ပိုင်ဆိုင်တဲ့ ဝိညာဉ်ကျောက်စိမ်း သတ္တုတွင်း ပါ။ လူကြီးမင်းရဲ့ လေးစားထိုက်တဲ့ အဆင့်အတန်း အရဆိုရင် ဒီ သတ္တုတွင်း သေးသေးလေးကို စိတ်ဝင်စားစရာ မလိုပါဘူး ခင်ဗျာ"</p> <p>တာအိုရုပ်သေးသည် ဂရုမစိုက်သည့် ပုံစံဖြင့် အင်အားကြီး မိသားစု သုံးခုမှ လူများကို အပေါ်စီးမှ ကြည့်ကာ ပြောလိုက်သည်။</p> <p>"စကားများနေတာ တော်လောက်ပြီ။ အခု မင်းတို့ မိသားစုတွေက ဘိုးဘေးကြီး တွေကို သွားခေါ်လိုက်တော့"</p> <p>"ငါ့ရှေ့မှာ သူတို့ ပြဿနာ ရှာရဲ၊ မရှာရဲ ဆိုတာ ကြည့်ကြသေးတာပေါ့"</p> <p>ယွီ မိသားစု ၏ ခေါင်းဆောင် မျက်နှာထား တင်းမာသွားပြီး အထက်ရှိ တာအိုရုပ်သေးကို ကြည့်ကာ မေးလိုက်၏။</p> <p>"လူကြီးမင်း... ကျွန်တော်တို့ မိသားစုကြီး သုံးခုရဲ့ ဝိညာဉ်ကျောက်စိမ်း သတ္တုတွင်း ကို အတင်းအကြပ် လုယူဖို့ ကြံရွယ်နေတာလား"</p> <p>သူ၏ စကား အဆုံးမှာပင်၊</p> <p>"ဂျုန်း"</p> <p>ကောင်းကင်ယံတွင် တာအိုရုပ်သေးက အမှုမဲ့အမှတ်မဲ့ပင် လက်ဝှေ့ယမ်းလိုက်၏။</p> <p>မှန်းဆ၍မရနိုင်လောက်အောင် အစွမ်းထက်လှသော စွမ်းအားကြီး တစ်ခုသည် ယွီ မိသားစု ၏ ခေါင်းဆောင်ကို ချက်ချင်းပင် လွင့်ထွက်သွားစေတော့၏။</p> <p>သူ၏ ခန္ဓာကိုယ် တစ်ခုလုံးတွင် အရိုးများ ကျိုးပဲ့ကုန်ပြီး၊ အရေပြားများ တွန့်လိမ် ကွဲအက်ကုန်ကာ သွေးသံရဲရဲ အဖြစ်သို့ ပြောင်းလဲသွားတော့သည်။</p> <p>“ဒုန်း…”</p> <p>ယွီ မိသားစု ၏ ခေါင်းဆောင်သည် ပေရာချီ ဝေးကွာသော မြေပြင်ပေါ်သို့ ပြုတ်ကျသွားပြီး၊ ဝိညာဉ်သတ္တုတွင်း ပတ်ဝန်းကျင် တစ်ဝိုက်ကို တုန်ခါသွားစေခဲ့သည်။</p> <p>သူ၏ စွမ်းအားများ အကြီးအကျယ် ကျဆင်းသွားပြီး၊ ပြင်းထန်သော ဒဏ်ရာများ ရရှိကာ သေလုမြောပါး ဖြစ်နေတော့၏။</p> <p>တာအိုရုပ်သေးသည် ဂရုမစိုက်သည့် ပုံစံဖြင့်...</p> <p>"လူဆိုတာ ကိုယ့်အဆင့် ကိုယ် သိရတယ်။ မင်းတို့ ယွီ မိသားစု မှာ ရွှေအမြုတေ အဆင့် (၄) ဘိုးဘေးကြီး တစ်ပါး ရှိနေတာက၊ ကုန်းယွဲ့ အင်မော်တယ် မြို့တော် မှာ မင်းတို့ ယွီ မိသားစု ကို ဩဇာလွှမ်းမိုးပြီး ပြိုင်ဘက်ကင်း ဖြစ်စေကောင်း ဖြစ်စေလိမ့်မယ်"</p> <p>"ဒါပေမဲ့..."</p> <p>"မင်းတို့ ဘိုးဘေးကြီး ငါ့ရှေ့ ရောက်လာရင်တောင်၊ အဓိပ္ပာယ် မရှိတဲ့ စကား တစ်ခွန်းမှ ထွက်ရဲမှာ မဟုတ်ဘူး"</p> <p>"မင်းက အရမ်းကို မောက်မာလွန်းနေတယ်"</p> <p>အောက်ဘက်ရှိ ယွီ မိသားစုဝင် များ အားလုံးသည် ကြောက်ရွံ့ထိတ်လန့်မှုကြောင့် မျက်လုံးများ ပြူးကျယ်သွားကြတော့၏။ သူတို့၏ မိသားစု ခေါင်းဆောင်သည် တာအိုရုပ်သေး၏ လက်တစ်ချက် ဝှေ့ယမ်းမှုအောက်တွင် ပြင်းထန်စွာ ဒဏ်ရာရပြီး လွင့်ထွက်သွားသည်ကို မြင်လိုက်ရသောအခါ၊ လူတိုင်းသည် မုန်းတီးမှုရော၊ ကြောက်ရွံ့မှုပါ ရောယှက်ကာ စကားတစ်ခွန်းမျှပင် မဟရဲတော့ချေ။</p> <p>"မိသားစု ခေါင်းဆောင်ကြီး.."</p> <p>အခြားတစ်ဖက်တွင်မူ၊</p> <p>ကောင်းကျုံးရှန်း အပါအဝင် ကောင်း မိသားစု နှင့် မန် မိသားစု တို့မှ လူများသည် ဒေါသထွက်နေမှုများ တဖြည်းဖြည်း လျော့ကျသွားပြီး အသိတရား ပြန်လည် ဝင်ရောက်လာကြ၏။ သူတို့၏ မျက်ဝန်းများထဲတွင် မွေးရာပါ ကြောက်ရွံ့မှုများ ထွက်ပေါ်လာတော့သည်။</p> <p>ကောင်းကျုံးရှန်း ၏ မျက်နှာသွင်ပြင် အကြိမ်ကြိမ် ပြောင်းလဲသွားပြီးနောက် သူသည် ခေါင်းငုံ့ကာ ပြောလိုက်၏။</p> <p>"စီနီယာ က ဒီသတ္တုတွင်းကို အလိုရှိတယ် ဆိုမှတော့... ကျွန်တော်တို့ ကောင်း မိသားစု အနေနဲ့ သဘာဝကျကျပဲ ကန့်ကွက်စရာ မရှိပါဘူး ခင်ဗျာ"</p> <p>"စီနီယာ... ကျွန်တော်တို့ ကောင်း မိသားစု ကတော့ နောက်ဆုတ်ဖို့ ရွေးချယ်လိုက်ပါပြီ"</p> <p>တာအိုရုပ်သေးက သူ့ကို ကျေနပ်အားရစွာ ကြည့်လိုက်ပြီး...</p> <p>မြှောက်ပင့် ပြောဆိုလိုက်သည်။</p> <p>"မင်းက ဉာဏ်ကောင်းတဲ့ လူတစ်ယောက်ပဲ"</p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save