Book List

<h2 style="text-align: center;">အခန်း ၂၄၃</h2> <h2 style="text-align: center;"> စားတော်ဆက်အသင်း (၇)</h2> <h2 style="text-align: center;">*</h2> <p> </p> <p> </p> <p>သူက သူတို့အားလုံးကို ဝါးမြိုပစ်လိုက်ပြီ။</p> <p>ထိုစကားများကို ပြောနေသည့် အက်စ်မိုးဒီအက်စ် ၏ ပြုံးရွှင်နေသော မျက်နှာထက်တွင် မည်သည့် အပြစ်ရှိစိတ် အရိပ်အယောင်မျိုးမျှ မရှိပေ။</p> <p>[စားတော်ဆက်အသင်း အဖွဲ့ဝင် အတော်များများက အက်စ်မိုးဒီအက်စ် ကို ပြင်းပြင်းထန်ထန် ပြစ်တင်ရှုံ့ချနေကြပါသည်။]</p> <p>[စားတော်ဆက်အသင်း ၏ အနည်းစုကမူ အက်စ်မိုးဒီအက်စ် ၏ ရက်စက်ကြမ်းကြုတ်မှုကို သဘောကျ နှစ်သက်နေကြပါသည်။]</p> <p>စားတော်ဆက်အသင်း ၏ အဖွဲ့ဝင်များသည် နှစ်ကာလများစွာ ကြာညောင်းလာသည်နှင့်အမျှ ငြီးငွေ့နွမ်းနယ်နေကြသူများ ဖြစ်ကြပြီး သူတို့၏ ဝါသနာနှင့် အရသာခံနိုင်စွမ်းမှာလည်း တစ်ဦးနှင့်တစ်ဦး ကွဲပြားကြ၏။ အပေါ်ယံကြည့်လျှင် ‘ပထမမျိုးဆက်’ ဇာတ်လမ်းများက အကောင်းဆုံးဟု ထင်ရသော်လည်း ထုတ်လုပ်ရေး လုပ်ငန်းရှင် ကဲ့သို့ အဆင့် SSS ဇာတ်လမ်းများကို ပိုမိုနှစ်သက်သော နက္ခတ်များ ရှိသကဲ့သို့ ယခုကဲ့သို့ မျှော်လင့်မထားသော ဖြစ်ရပ်ဆိုးများကို နှစ်သက်သူများလည်း ရှိကြသည်။</p> <p>[ဟားဟား… ဒါက အစစ်အမှန်တော့ မဟုတ်ပေမဲ့ နက္ခတ်တစ်ပါးရဲ့ ခန္ဓာကိုယ်က ရုပ်ပိုင်းဆိုင်ရာ အရည်အသွေးချင်း မတူဘူးပဲ]</p> <p>ဤသည်မှာ အက်စ်မိုးဒီအက်စ် ကဲ့သို့သော မိစ္ဆာဘုရင်များ စားတော်ဆက်အသင်း အတွင်း လက်ခံရခြင်း၏ အကြောင်းရင်းပင် ဖြစ်သည်။ နက္ခတ်များ၊ အဆင့်ကျော်လွန်သူများ သို့မဟုတ် မိစ္ဆာဘုရင်များ ဖြစ်ကြပါစေ၊ စားတော်ဆက်အသင်း ဆိုသည်မှာ အခြားအုပ်စုများထက် ခေါင်းမာသော ကလေးဆိုးများ  ပိုမိုစုစည်းနေသည့် နေရာဖြစ်သော်လည်း သူတို့သည် အရသာရှိသော အရာအားလုံးကိုတော့ အသိအမှတ်ပြု တန်ဖိုးထားကြသည်။</p> <p>သွေးအိုင်များကို နင်းဖြတ်ကာ တဖြည်းဖြည်း ချဉ်းကပ်လာသော အက်စ်မိုးဒီအက်စ် ကို ကြည့်ပြီး ကျနော် တံတွေးတစ်ချက် မျိုချလိုက်သည်။</p> <p>[အီအိုရန်၏ ဓါး ၏ အထူးအကျိုးသက်ရောက်မှု ကုန်ဆုံးပါတော့မည်။]</p> <p>ကောင်းကင်ဖြိုခွင်းဓါးသူတော်စင် ၏ နည်းစနစ်များကို ကျနော် အသုံးပြုခဲ့သော်လည်း အီအိုရန်၏ ဓါး ကြောင့်သာ ကောင်းမွန်စွာ အလုပ်လုပ်နိုင်ခဲ့ခြင်း ဖြစ်သည်။ ထိုဓါးသာ မရှိလျှင် မကောင်းဆိုးဝါး ဝိညာဉ်များကို ရင်ဆိုင်နိုင်ရန် မည်သည့်နည်းလမ်းမျှ ရှိလိမ့်မည်မဟုတ်ပေ။</p> <p>ခြေလှမ်းအနည်းငယ် လှမ်းပြီးနောက် အက်စ်မိုးဒီအက်စ် က ကျနော့်ကို စိုက်ကြည့်ကာ သူ၏ နှုတ်ခမ်းကို လျှာဖြင့် သပ်လိုက်သည်။</p> <p>ကျနော်လှမ်းပြောလိုက်သည်။</p> <p>[…ခင်ဗျားက ကျုပ်ကို စားဖို့ ဒီကို လာတာ မဟုတ်ဘူးမလား]</p> <p>[ဟ… မင်းက ဘယ်လိုလုပ် သေချာပြောနိုင်နေရတာလဲ]</p> <p>[ခင်ဗျားသာ ကျုပ်ကို သတ်လိုက်ရင် မဟာဇာတ်လမ်းကြီး ကို ရနိုင်တော့မှာ မဟုတ်ဘူးလေ]</p> <p>အက်စ်မိုးဒီအက်စ် သည် မိစ္ဆာဘုရင် အဆင့်တက်ခြင်း နှင့် ပတ်သက်၍ ကျနော့်ကို ကတိတစ်ခု ပေးထားခဲ့သည်။ ထို့ကြောင့် သူသည် ကျနော့်ကို ဤနေရာတွင် သတ်၍ မရနိုင်ပေ။</p> <p>[၃၀ ရာခိုင်နှုန်း ဝေစုပေးမယ်လို့ ကတိပေးထားပြီးသားပဲလေ။ ခင်ဗျားက ဘာလို့ ဒီနေရာကို ရောက်နေတာလဲ]</p> <p>[ငါ့ဆီကို ၃၀ ရာခိုင်နှုန်း ရောက်လာမယ်ဆိုတာ မသေချာဘူးလေ]</p> <p>[ခင်ဗျားက တခြား နက္ခတ်တွေနဲ့ ယှဉ်ပြိုင်ဖို့ ယုံကြည်ချက် မရှိတာလား]</p> <p>ကျနော့်၏ ရန်စသော စကားများကြောင့် အက်စ်မိုးဒီအက်စ် ၏ မျက်နှာထားမှာ တင်းမာသွားခဲ့သည်။</p> <p>[အခု မင်းက ငါ့ကို ရန်စနေတာလား]</p> <p>အက်စ်မိုးဒီအက်စ် ထံမှ ခြိမ်းခြောက်နေသော အရှိန်အဝါများ ထွက်ပေါ်နေသော်လည်း ကျနော် စိုးရိမ်ထိတ်လန့်ခြင်း မရှိပေ။</p> <p>[ခင်ဗျားက တကယ့် မိစ္ဆာဘုရင် တစ်ပါးဆိုရင် အသုံးမကျတဲ့သူ တစ်ယောက်လို မနေပါနဲ့။ ခင်ဗျားရဲ့ ဝေစုကို ရဖို့အတွက် ကောင်းကောင်းမွန်မွန် ယှဉ်ပြိုင်စမ်းပါ]</p> <p>အမှန်စင်စစ် အက်စ်မိုးဒီအက်စ် သည် ဤနေရာသို့ ကျနော့်ကို ‘ကူညီရန်’ ရောက်လာခြင်း ဖြစ်သည်မှာ ထင်ရှားလှသည်။ သူသည် အက်စ်မိုးဒီအက်စ် ဖြစ်နေသည့်တိုင် စားတော်ဆက် အသင်းဝင်အချင်းချင်းကို တိုက်ခိုက်ခြင်းမှာ ဝန်ထုပ်ဝန်ပိုး ဖြစ်စေနိုင်သည်ကတော့ အမှန်ပင်။ သို့သော်ငြားလည်း သူသည် ‘အရူး’ တစ်ယောက်ကဲ့သို့ ဟန်ဆောင်ကာ ဤသို့ ပြုမူခဲ့ခြင်း ဖြစ်၏။</p> <p>အက်စ်မိုးဒီအက်စ် ၏ မျက်နှာမှာ ဖြူလျော်သွားပြီး သူက အော်ဟစ်လိုက်သည်။</p> <p>[ကယ်တင်ခြင်း၏ မိစ္ဆာဘုရင်... မင်း တစ်ခုခုကို မှားယွင်း ထင်မှတ်နေပုံရတယ်။ ငါ မင်းကို အခုချက်ချင်း စားပစ်လိုက်လို့ ရတယ်—]</p> <p>[ပြောနေကျစကားတွေကို ထပ်မပြောဘဲ ဒီကနေ အခုချက်ချင်း လစ်လိုက်တော့]</p> <p>အက်စ်မိုးဒီအက်စ် ၏ မျက်လုံးများမှာ ပြူးကျယ်သွားခဲ့သည်။ ကျနော်သည် ရပ်တန့်ခြင်းမရှိဘဲ ဆက်ပြောလိုက်သည်။</p> <p>[ခင်ဗျား တကယ်ပဲ ကျုပ်ကို စားချင်တယ်ဆိုရင် အခုချက်ချင်း သတ်လိုက်လေ]</p> <p>အတိတ်က ကျနော်သာ ဤမြင်ကွင်းကို မြင်ခဲ့လျှင် ကျနော့်ကိုယ်ကျနော် ရူးနေပြီဟု ထင်မိပေလိမ့်မည်။ ဤသူမှာ တခြားသူ မဟုတ်ဘဲ အက်စ်မိုးဒီအက်စ် ဖြစ်လေသည်။ သို့သော်လည်း ကျနော် ဤသို့ ပြုမူရခြင်းတွင် အကြောင်းပြချက် ရှိ၏။</p> <p>အက်စ်မိုးဒီအက်စ် ၏ ‘အရှိန်အဝါ’ မှာ ကျနော့်ထံသို့ တောက်လောင်လာခဲ့သည်။ ထိုကြီးမားလှသော စွမ်းအားကြောင့် ကျနော့်မှာ ကြက်သီးမွေးညင်းများ ထသွားခဲ့သော်လည်း ကျနော့်၏ အာရုံခံစားမှုထက် ကျနော် ဖတ်ခဲ့ရသော ‘ဇာတ်လမ်း’ ကိုသာ ပိုမို ယုံကြည်လိုက်သည်။</p> <p>「 အဲ့ဒီအချိန်တုန်းက ငါတို့တွေဟာ အက်စ်မိုးဒီအက်စ် ကို ကွဲပြားစွာဆက်ဆံခဲ့သင့်တယ်」</p> <p>ပြုပြင်ထားသော Ways of Survival ထဲတွင် ဖြစ်သည်။ ၄၉ ကြိမ်မြောက် နောက်ပြန်ဆုတ်သူ ယူဂျွန်ဟော့ ၏ မှတ်တမ်းထဲ၌ ထိုသို့သော ဝါကျတစ်ကြောင်းကို ကျနော် တွေ့ရှိခဲ့ဖူးသည်။</p> <p>「 အက်စ်မိုးဒီအက်စ် သည် အလျှော့မပေးသော တည်ရှိမှုများကို မြတ်နိုးသည်။ 」</p> <p>「 ထိုကဲ့သို့သော သူမျိုးနှင့် ရင်ဆိုင်ရလေလေ၊ သူတို့ကို နှိမ်နင်းလိုသော ဆန္ဒမှာ ပိုမို ကြီးမားလာလေလေ ဖြစ်သည်။ 」</p> <p>ယူဂျွန်ဟော့ သည် ဤကဲ့သို့သော ထိုးထွင်းသိမြင်မှုကို မည်သို့ ရရှိခဲ့သည်ကို ကျနော် မသိသော်လည်း အကယ်၍ သူသာ မှန်ကန်ခဲ့မည်ဆိုပါက အက်စ်မိုးဒီအက်စ် ၏ လုပ်ရပ်အားလုံးမှာ အကျိုးအကြောင်း ဆီလျော်သွားပေလိမ့်မည်။</p> <p>[ဇာတ်ကောင် ‘အက်စ်မိုးဒီအက်စ်’ အပေါ် သင်၏ နားလည်နိုင်စွမ်း တိုးမြင့်လာပါသည်။]</p> <p>ထိုအခါ ဖြစ်စဉ်တစ်ခု ဖြစ်ပေါ်လာခဲ့သည်။</p> <p>[ဇာတ်ကောင် ‘အက်စ်မိုးဒီအက်စ်’ အပေါ် သင်၏ နားလည်နိုင်စွမ်း တိုးမြင့်လာပါသည်။]</p> <p>[ဇာတ်ကောင် ‘အက်စ်မိုးဒီအက်စ်’ အပေါ် သင်၏ နားလည်နိုင်စွမ်း တိုးမြင့်လာပါသည်။]</p> <p>မိစ္ဆာဘုရင် တစ်ပါး၏ အတွင်းစိတ်ကို ပထမဆုံးအကြိမ် ကျနော် စတင် နားလည်လာသည်နှင့်အမျှ သွယ်ဝိုက်သော မက်ဆေ့ချ်များမှာ အရှိန်အဟုန်ဖြင့် ပေါ်ထွက်လာခဲ့သည်။</p> <p>[သီးသန့်စွမ်းရည် ‘အနှိုင်းမဲ့စာဖတ်သူ၏ရှုထောင့် အဆင့် ၂’ အသက်ဝင်ပါပြီ။]</p> <p>「 ငါ စားချင်တယ် 」</p> <p>「 စားလို့မဖြစ်ဘူး 」</p> <p>「 ငါ စားချင်တယ် 」</p> <p>「 စားလို့မဖြစ်ဘူး 」</p> <p>「 အားးး... 」</p> <p>ကြီးမားလှသော အတွေးပေါင်းများစွာသည် ကျနော့်နားထဲသို့ တိုးဝင်လာခဲ့သည်။ သက်ရှိတစ်ခုတည်းတွင် ဤမျှလောက်အထိ များပြားလှသော လောဘစိတ်များ တည်ရှိနေနိုင်သည်မှာ ထိတ်လန့်ဖွယ်ရာပင် ကောင်းလှသည်။</p> <p>[ဒါက တကယ်ကို အံ့ဩစရာပဲ...]</p> <p>အက်စ်မိုးဒီအက်စ် သည် လေကဲ့သို့ လျင်မြန်စွာ လှုပ်ရှားလိုက်ပြီး အိုင်းရစ် ၏ ဆံနွယ်တစ်စုကို ဆုပ်ကိုင်ကာ အသက်ရှူသံ ခပ်သဲ့သဲ့ ထုတ်လိုက်သည်။</p> <p>[ဟားးး... ကောင်းတယ်။ အေးလေ၊ ဒီနေ့အတွက်တော့ ဒီလောက်ဆိုရင် တော်လောက်ပါပြီ]</p> <p>"..."</p> <p>[ဒါပေမဲ့ ဒါကိုတော့ မှတ်ထားလိုက်။ ကယ်တင်ခြင်း၏ မိစ္ဆာဘုရင်။ နောက်တစ်ကြိမ်ကျရင်တော့ ဒီနေ့လိုမျိုး ဖြစ်လာမှာ မဟုတ်ဘူး...]</p> <p>ကျနော်သည် အက်စ်မိုးဒီအက်စ် ၏ စကားများကို နားမထောင်တော့ဘဲ မီးတောင်ရှိရာသို့ ပြေးသွားလိုက်သည်။ ခက်ခဲစွာ ရရှိထားသော ဤအခွင့်အရေးကို အဆုံးရှုံးမခံနိုင်ချေ။ ချော်ရည်များကို ကျနော့်ရှေ့ တည့်တည့်တွင် မြင်တွေ့နေရပြီ ဖြစ်သည်။ လေ၏လမ်းစဉ် စွမ်းအားကြောင့် ကျနော့်လက်ချောင်းထိပ်ရှိ လက်ကောက်မှာ ကမ်းပါးအောက်သို့ လွင့်စင်ကျသွားခဲ့သည်။ လက်ကောက်မှာ ကြည်လင်သော အသံနှင့်အတူ အရည်ပျော်သွားခဲ့သည်။</p> <p>[ဇာတ်ဝင်ခန်းအသေး ပြီးဆုံးသွားပါပြီ။]</p> <p>[သင်သည် ဆုလာဘ်အဖြစ် ဒင်္ဂါး ၁၅၀၀၀၀ ကို ရရှိပါသည်။]</p> <p>[‘စားတော်ဆက်အသင်း’ အတွင်း သင်၏ သိရှိနားလည်မှုမှာ များစွာ တိုးတက်လာပါသည်။]</p> <p>[သင်သည် ဇာတ်လမ်းသစ်တစ်ပုဒ်ကို ရရှိပါသည်။]</p> <p>ကျနော်သည် အင်အားကုန်ခမ်းနေသော အိုင်းရစ် ၏ ပါးစပ်ထဲသို့ အဲလိန်းတောအုပ်၏ဇီဝစွမ်းအား ကို လောင်းထည့်ပေးလိုက်သည်။ အိုင်းရစ်၏ ခန္ဓာကိုယ်အခြေအနေမှာ ပျက်စီးနေသော်လည်း ဖြစ်နိုင်စွမ်း ကို အလွန်အကျွံ မသုံးစွဲခဲ့သဖြင့် ပြန်လည်ကောင်းမွန်လာမှုမှာ မြန်ဆန်လိမ့်မည် ဖြစ်သည်။</p> <p>[အရံဇာတ်ကောင်အနေဖြင့်ကိုယ်တိုင်တွေ့မြင်ရသောရှုထောင့် ကို ရုပ်သိမ်းလိုက်ပါသည်။]</p> <p>ပတ်ဝန်းကျင်တစ်ခုလုံး ပြိုကွဲသွားသကဲ့သို့ ခံစားလိုက်ရပြီးနောက် ကျနော်သည် စားတော်ဆက်အသင်း ၏ တည်းခင်းဧည့်ခံပွဲ ခန်းမသို့ ပြန်လည်ရောက်ရှိလာခဲ့သည်။ ကျနော့်၏ အာရုံခံစားမှုများ ပြန်လည်ရရှိလာသည့်အခါ ပထမဆုံး ကြားလိုက်ရသည်မှာ သက်ကြီးရွယ်အိုတစ်ဦး၏ အသံပင် ဖြစ်သည်။</p> <p>[လူငယ်လေး၊ ငါ တကယ် သဘောကျခဲ့တယ်]</p> <p>ထုတ်လုပ်ရေး လုပ်ငန်းရှင် က အားရပါးရ ရယ်မောနေသည်ကို မြင်လိုက်ရသည့်အခါမှ ကျနော် ပြန်ရောက်လာပြီဖြစ်ကြောင်း သတိပြုမိလိုက်သည်။ ကျနော် သူ့ကို ခေတ္တခဏမျှ စိုက်ကြည့်နေပြီးနောက် ခေါင်းကို အနည်းငယ် ညွှတ်လိုက်သည်။</p> <p>"…ဒါတွေ အားလုံးက လူကြီးမင်းရဲ့ ကျေးဇူးကြောင့်ပါ"</p> <p>[ဟင်၊ မင်း ဘာကို ပြောတာလဲ]</p> <p>"ဒါကို ပြောတာပါ"</p> <p>အိုင်းရစ် အခုလေးတင် အသုံးပြုခဲ့သည့် ဒင်္ဂါး ၂ သိန်းတန် အမှိုက်ဖြစ်သော အီအိုရန်၏ ဓါး ကို ကျနော် ကိုင်ထားမိသည်။  ထိုဓါး၏ လက်ကိုင်တွင်—ထုတ်လုပ်ရေး လုပ်ငန်းရှင် မှ ပြုလုပ်သည်—ဟူသော စာသားကို ထွင်းထုထားလေသည်။</p> <p>ထုတ်လုပ်ရေး လုပ်ငန်းရှင် က ရယ်မောလိုက်သည်။</p> <p>[ဒါက စီးပွားဖြစ်ထုတ်လုပ်ထားတာသက်သက်ပါပဲ။ ဒီဓါးက ဒီနေ့ ရောင်းထွက်သွားလိမ့်မယ်လို့ မထင်ထားမိဘူး]</p> <p>"ဒါက ဒိုကဲဘီ အိတ် ထဲမှာ အကြံပြုထားတဲ့ ပစ္စည်းတစ်ခု ဖြစ်နေလို့ ဝယ်ဖြစ်ခဲ့တာပါ"</p> <p>[ဟားဟား… နက္ခတ်တစ်ပါးက ဒိုကဲဘီတွေရဲ့ အလုပ်အကြောင်း ဘယ်လိုလုပ်ပြီး သိနေရတာလဲ]</p> <p>ဤသည်မှာ ထုတ်လုပ်ရေး လုပ်ငန်းရှင်၏ စီးပွားရေးသက်သက် ထုတ်လုပ်ခဲ့မှု ဟုတ်မဟုတ်ကို ကျနော် မသိပေ။ သို့သော် တစ်ခုတော့ သေချာသည်။ ဤဓါးမှာ ကျနော်နှင့် အိုင်းရစ် ၏ အသက်ကို ကယ်တင်ပေးခဲ့ခြင်းပင်။</p> <p>[ဒါနဲ့ အခြေအနေတွေကတော့ နည်းနည်း ခက်ခဲသွားပြီ ထင်တယ်]</p> <p>ကျနော် ပတ်ဝန်းကျင်ကို ကြည့်လိုက်သည်။ ကျနော့်ပတ်ပတ်လည်ရှိ အငွေ့အသက်မှာ တင်းမာနေခဲ့သည်။</p> <p>[ဘယ်သူက ကယ်တင်ခြင်း၏ မိစ္ဆာဘုရင်လဲ]</p> <p>နက္ခတ်များသည် ဒေါသတကြီးဖြင့် ကျနော့်ကို လိုက်လံရှာဖွေနေကြသည်။ ထိုသူများထဲတွင် ခန္ဓာကိုယ်များ ဆုံးရှုံးခဲ့ရပြီး ဇာတ်ဝင်ခန်းအတွင်းမှ ပြန်ရောက်လာကြသော နက္ခတ်များလည်း ပါဝင်သည်။</p> <p>[‘ရဲတင်းသော ရွှံ့နွံသားရဲ’ နက္ခတ်က သင့်အပေါ် ရန်လိုမှုကို ပြသနေပါသည်။]</p> <p>[‘ငြိမ်သက်သောကျွန်း၏ စားတော်ဆက်’ နက္ခတ်က သင့်ကို စိုက်ကြည့်နေပါသည်။]</p> <p>ယူဖရိုဆီနီ မှာ စင်ပေါ်တွင် ကြောင်တောင်တောင်ဖြင့် ရပ်နေပြီး အန်နာ ခရော့ဖ် မှာမူ မျက်နှာဖြူလျော်နေခဲ့သည်။ ယခုအခါ နက္ခတ်အချို့မှာ ကျနော် ဘာဆက်လုပ်မည်နည်းဟူသော အတွေးဖြင့် စောင့်ကြည့်နေကြသည်။ ဇာတ်ဝင်ခန်းအသေးမှာ ပြီးဆုံးသွားပြီ ဖြစ်သော်လည်း သူတို့အတွက်မူ ဤအခြေအနေမှာ ကစားပွဲ၏ အဆက်တစ်ခုသာ ဖြစ်သည်။ ထို့ကြောင့် ကျနော်သည်လည်း သူတို့၏ မျှော်လင့်ချက်ကို မရိုက်ချိုးလိုချေ။</p> <p>[ကိုယ်စားလှယ် ‘အိုင်းရစ်’ နှင့် ချုပ်ဆိုထားသော ကတိကဝတ်အရ သင်သည် ‘ဆုတောင်းလက်မှတ်’ တစ်စောင်ကို ရရှိပါသည်။]</p> <p>[သင်သည် စားတော်ဆက်အသင်း က ခွင့်ပြုထားသော ဘောင်အတွင်းမှ ဆုတစ်ခု တောင်းဆိုနိုင်ပါသည်။]</p> <p>စားတော်ဆက်အသင်း က ခွင့်ပြုထားသော ဘောင်အတွင်းမှ ဆိုသည့် အဓိပ္ပာယ်မှာ ထင်ရှားလှသည်။ ကျနော်သည် နက္ခတ်များကို သတ်ဖြတ်ပေးရန် ဆုတောင်း၍ မရနိုင်သည်မှာ သဘာဝပင်။</p> <p>[ဤသည်မှာ ဆုတောင်းချက်က ခွင့်ပြုထားသော ဖြစ်နိုင်စွမ်း ထက် ကျော်လွန်နေပါသည်။]</p> <p>နက္ခတ်အားလုံးကို ကျနော့်ဘက်တော်သား ဖြစ်လာရန် သို့မဟုတ် သူတို့၏ သခင်ဖြစ်လာရန် ကျနော် ဆုတောင်း၍လည်း မရပေ။ ထိုသို့ဆုတောင်းခြင်းမှာ မည်သို့မျှ မဖြစ်နိုင်သော ဆုတောင်းချက်ပင် ဖြစ်သည်။</p> <p>[ဤသည်မှာ ဆုတောင်းချက်က ခွင့်ပြုထားသော ဖြစ်နိုင်စွမ်း ထက် ကျော်လွန်နေသည်။]</p> <p>အခြားတစ်ဖက်တွင် ဤ ‘ဆုတောင်းချက်’ ဆိုသည်မှာ သံတမန်ရေးရာ ကတ်တစ်ခု ဖြစ်သည်။ ကျနော်သည် ဖြစ်နိုင်သော အရာနှင့် မဖြစ်နိုင်သော နယ်ပယ်ကို ခွဲခြားသတ်မှတ်ကာ ကျနော့်အတွက် အကောင်းဆုံး ဖြစ်မည့် ဆုတောင်းချက်ကို ရှာဖွေရမည် ဖြစ်သည်။</p> <p>[စားတော်ဆက်အသင်း အဖွဲ့ဝင်အချို့က သင့်အပေါ် ပြင်းထန်သော ရန်လိုမှုကို ပြသနေကြပါသည်။]</p> <p>[နက္ခတ် အမြောက်အမြားက သင်၏ ရွေးချယ်မှုကို မျှော်လင့်စောင့်စားနေကြပါသည်။]</p> <p>ကျနော့်၏ ချန်နယ်ထဲမှ နက္ခတ်များပင် တင်းမာနေကြသည်။</p> <p>[‘ရွှေခေါင်းကွင်း၏အကျဉ်သား’ နက္ခတ်က သင်၏ ရွေးချယ်မှုကို မျှော်လင့်စောင့်စားနေပါသည်။]</p> <p>[‘မိစ္ဆာကဲ့သို့ မီးလျှံတရားစီရင်သူ’ နက္ခတ်မှာ စိတ်လှုပ်ရှားမှုကြောင့် လက်ချောင်းလေးများကို လှုပ်ခါနေပါသည်။]</p> <p>ဤမျှများပြားလှသော အကြည့်များ၏ ရှေ့မှောက်တွင် ကျနော် ဖြည်းဖြည်းချင်း ပါးစပ်ကို ဖွင့်ဟလိုက်သည်။</p> <p>[စားတော်ဆက်အသင်း က ကျနော့်အပေါ် ယဉ်ကျေးပျူငှာမှု ပြသဖို့ ကျနော် ဆုတောင်းပါတယ်]</p> <p> </p> <p> </p> <p> </p> <p> </p> <p> </p> <p> </p> <p>ခေတ္တခဏအတွင်းမှာပင် ခန်းမတစ်ခုလုံး၌ ကြီးမားသော တိတ်ဆိတ်မှုက လွှမ်းမိုးသွားခဲ့သည်။ ကျနော်သည်လည်း ထိတ်လန့်တုန်လှုပ်ခြင်းမရှိဘဲ ထိုတိတ်ဆိတ်မှုထဲတွင် ပတ်ဝန်းကျင်ကို ဝေ့ဝိုက်ကြည့်ရှုလိုက်သည်။</p> <p>[စားတော်ဆက်အသင်း ၏ ဖြစ်နိုင်စွမ်း အသက်ဝင်ပါပြီ။]</p> <p>[သင်၏ ဆုတောင်းချက်ကို လက်ခံရရှိပါသည်။]</p> <p>စားတော်ဆက်အသင်း ခန်းမအတွင်း၌ လျှပ်စစ်မီးပွားများ ပြည့်နှက်သွားခဲ့သည်။ သေချာကြည့်လိုက်သည့်အခါ ထိုအရာတို့မှာ လျှပ်စစ်မီးပွားများမဟုတ်ဘဲ မိုးကြိုးလျှပ်စီးများ ဖြစ်နေလေသည်။ ထို့နောက် ကျယ်လောင်သော အသံတစ်ခု ထွက်ပေါ်လာခဲ့၏။</p> <p>[ဟားဟားဟား။ တကယ်ကို စိတ်ဝင်စားစရာကောင်းတဲ့ ကောင်လေးပဲ]</p> <p>‘ကြာသပတေးနေ့၏ မိုးကြိုးအရှင်’ က ဘီယာခွက်ကို ကိုင်မြှောက်လျက် အားရပါးရ ရယ်မောနေလေသည်။</p> <p>[ပျင်းစရာကောင်းနေတဲ့ ဇာတ်လမ်းက ကြည့်ရကျိုးနပ်တဲ့အထိ ဖြစ်လာတာပဲ။ မင်းတို့တွေက ဘာလို့ ဒီနက္ခတ်ငယ်လေးကို အပြစ်တင် ညှဉ်းပန်းချင်နေကြတာလဲ]</p> <p>သူ၏ စကားများကို အချို့သော နက္ခတ်များက ပြင်းပြင်းထန်ထန် ပြန်လည် တုံ့ပြန်ကြသည်။</p> <p>[ဒါပေမဲ့ စည်းကမ်းတွေက...]</p> <p>[ဇာတ်ဝင်ခန်းဆိုတာ ဇာတ်ဝင်ခန်းသက်သက်ပဲ။ ပြီးတော့ အဲဒီဇာတ်ဝင်ခန်းကလည်း ပြီးသွားပြီလေ။ ဒါပဲ ငါနဲ့ ငါ့ရဲ့ တူက သိတယ်]</p> <p>သော် ၏ တူ မှာ မည်သည့် ငြင်းခုံမှုကိုမျှ လက်မခံနိုင်လောက်အောင် နားကွဲလုမတတ် အသံကြီးကို ထုတ်လွှတ်လိုက်သည်။ အက်စ်ဂတ် နက်ဗျူလာ မှ သော် သည် ဤနေရာတွင် အစွမ်းထက်ဆုံးသော ဇာတ်လမ်းပိုင်ရှင်များထဲမှ တစ်ဦး ဖြစ်၏။ သူ၏ တူ ကို မည်သူမျှ အံတုကာ ရင်မဆိုင်လိုကြပေ။</p> <p>[ဒီရိုင်းစိုင်းတဲ့ မိုးကြိုးနတ်ဘုရားရဲ့ စကားကို ထောက်ခံရတာ စိတ်အနှောင့်အယှက်ဖြစ်စရာကောင်းပေမဲ့ ဒီတစ်ကြိမ်မှာတော့ ငါလည်းပဲ အတူတူ ခံစားရတယ်]</p> <p>စကားပြောလိုက်သူမှာ ‘မိုးသောက်ကြယ်နတ်ဘုရားမ’ ပင် ဖြစ်သည်။ ထိုနက္ခတ်မ လှုပ်ရှားလိုက်သည့်အခါ သေသေချာချာ ထုံးဖွဲ့ထားသော ဆံနွယ်များကြားမှ ကြယ်မှုန်များ ကျဆင်းလာခဲ့သည်။</p> <p>[ဇာတ်ဝင်ခန်းကို ဇာတ်ဝင်ခန်းထဲမှာပဲ အဆုံးသတ်သင့်တယ်။ နင်တို့ တိုက်ချင်ရင် ဇာတ်ဝင်ခန်းထဲမှာ သွားတိုက်ကြ။ စားတော်ဆက်အသင်းကြီး ဒီထက်ပိုပြီး အရုပ်ဆိုးသွားတာကို ငါ မမြင်ချင်ဘူး]</p> <p>ဤနေရာတွင် ရှိနေသော ထိပ်တန်းအဆင့် နက္ခတ်နှစ်ပါးစလုံးက ရပ်တည်ပေးလိုက်သဖြင့် အခြားသော နက္ခတ်များမှာလည်း ဝေခွဲမရ ဖြစ်သွားကြသည်။ ထို့အပြင် ‘ဆုတောင်းလက်မှတ်’ မှာလည်း အသက်ဝင်သွားပြီ ဖြစ်သည်။ နက္ခတ်အချို့က ကျနော့်ကို စိုက်ကြည့်နေကြဆဲ ဖြစ်သော်လည်း ကျနော့်ကို ရန်ပြုမည့် အရိပ်အယောင်များ မရှိတော့ပေ။ ပတ်ဝန်းကျင်အငွေ့အသက်မှာ ပြန်လည် တည်ငြိမ်သွားခဲ့ပြီး မိုးသောက်ကြယ်နတ်ဘုရားမ ၏ အကြည့်များမှာ ကျနော့်ထံသို့ ရောက်ရှိလာသည်။</p> <p>[ဒါပေမဲ့ ငါ တစ်ခုတော့ မေးပါရစေဦး]</p> <p>မျှော်လင့်မထားသော မေးခွန်းတစ်ခု ဖြစ်သဖြင့် ကျနော် မိုးသောက်ကြယ်နတ်ဘုရားမကို အလိုအလျောက် မော့ကြည့်လိုက် မိသည်။</p> <p>[ကယ်တင်ခြင်း၏ မိစ္ဆာဘုရင်။ နင်က ဘာလို့ ငါတို့ကို ဒီလို ဇာတ်ဝင်ခန်းမျိုး ပြသရတာလဲ]</p> <p>နတ်ဘုရားမ၏ မျက်လုံးများထဲတွင် ဂလက်ဆီတစ်ခုလုံး ကိန်းအောင်းနေသကဲ့သို့ပင်။ ယခုအခါ ထိုမျက်လုံးများမှာ ကြယ်သစ်တစ်ပွင့်ကို ရှာဖွေတွေ့ရှိသွားသည့်အလား တောက်ပနေခဲ့သည်။</p> <p>[ငါ့အမြင်မှာတော့ နင့်မှာ ပြောစရာ တစ်ခုခု ရှိနေပုံပဲ။ ဒါပေမဲ့ ငါ့မျက်စိက မှုန်ဝါးနေလို့ နင်ပြသခဲ့တဲ့ ဇာတ်ဝင်ခန်းကို ငါ သေချာ နားမလည်နိုင်သေးဘူး။ နင့်အနေနဲ့ စိတ်မရှိဘူးဆိုရင် အဲဒီအကြောင်းကို နင့်ရဲ့ ပါးစပ်ကနေ ကိုယ်တိုင် ပြောပြတာကို ငါ နားထောင်ချင်တယ်]</p> <p>ကျနော် ပြသခဲ့သော ဇာတ်ဝင်ခန်းမှာ အကြမ်းထည်သက်သက် ဖြစ်သည်ဟု ထိုနတ်ဘုရားမက မပြောခဲ့ချေ။ ဤသည်မှာ ထိုနတ်ဘုရားမ၏ နှိမ့်ချတတ်သောဇရိုက်ကြောင့် ဖြစ်ပေလိမ့်မည်။ မိုးသောက်ကြယ်နတ်ဘုရားမ ၏ ဘေးတွင် ရပ်နေသော ပါစီဖုန်း က ကျနော့်ကို ပြုံးပြနေသည်ကို တွေ့လိုက်ရသည်။</p> <p>...အရာရာကို ကိုယ့်ဘာသာကိုယ် လုပ်ဖို့ ငါ ပြောခဲ့ပေမဲ့ ဒါက နင့်ကို ငါ ကူညီနိုင်တဲ့ တစ်ခုထဲသော နည်းလမ်းပဲ</p> <p>စားတော်ဆက်အသင်း မှ နက္ခတ်အားလုံးမှာ ကျနော့်ကို စိုက်ကြည့်နေကြသည်။ ဤသည်မှာ ကျနော် ဤနေရာသို့ စတင်ရောက်ရှိလာကတည်းက လိုလားခဲ့သော အခြေအနေမျိုး ဖြစ်၏။ သူတို့၏ အားပေးထောက်ခံမှုကို ရရှိရန် ကျနော် ဘာပြောသင့်သနည်း။ မိစ္ဆာဘုရင် ရွေးချယ်ပွဲ အကြောင်းကိုသာ တိုက်ရိုက်ပြောဆိုမည်ဆိုပါက သူတို့က ကျနော့်ကို ကူညီလိမ့်မည်ဟု ထင်နေခြင်းမှာ မိုက်မဲရာ ရောက်ပေလိမ့်မည်။</p> <p>「 ထိုခဏ၌ ကင်ဒေါ့ဂျာ သည် သူ အမှန်တကယ် ပြောဆိုလိုသည့် အရာမှာ အဘယ်နည်းဟူသည်ကို ပထမဆုံးအကြိမ် စဉ်းစားမိလိုက်သည်။ 」</p> <p>လျှောက်လှမ်းရမည့် လမ်းက အလွန်အမင်း ဝေးကွာနေဆဲ ဖြစ်ပြီး မျက်စိဖြင့် မမြင်နိုင်သေးပေ။ သို့သော်လည်း လမ်းစဉ်ပေါ်တွင် လျှောက်လှမ်းနေသူ တစ်ဦးအတွက်မူ အနည်းဆုံးတော့ ရှင်းလင်းပြတ်သားနေခဲ့သည်။</p> <p>ကျနော့်ရှေ့တွင် ဤလမ်းကို လျှောက်လှမ်းရန် ကြိုးစားခဲ့သူ တစ်ဦး ရှိခဲ့ဖူးသည်။ မည်သူမျှ မလျှောက်လှမ်းခဲ့သော လမ်းပေါ်တွင် လျှောက်လှမ်းကာ ရယ်မောနေခဲ့သည့် ထိုလူကို ကျနော် ပြန်လည် အမှတ်ရလိုက်သည်။ ထို့နောက် ကျနော့်ထံသို့ စကားလုံးအချို့ သဘာဝအလျောက် ရောက်ရှိလာခဲ့သည်။</p> <p>[ကျနော်က...]</p> <p>မဟုတ်သေး။ ဤအရာသည်သာ ကျနော် ပြောဆိုရန် လိုအပ်သည့် တစ်ခုတည်းသော အရာ ဖြစ်ပေလိမ့်မည်။</p> <p> </p> <p> </p> <p style="text-align: center;">***</p>


Save