Book List

<h2 style="text-align: center;">အခန်း ၂၄၄</h2> <h2 style="text-align: center;">ဇာတ်လမ်းအသစ် (၁)</h2> <h2 style="text-align: center;">*</h2> <p> </p> <p> </p> <p>[အရင်က တစ်ခါမှ မရှိခဲ့ဖူးတဲ့ ‘ဇာတ်လမ်းအသစ်’ တစ်ပုဒ်ကို ကျနော် ဖန်တီးပါ့မယ်။]</p> <p>ကျနော့် စကားကြောင့် နက္ခတ်များ အားလုံး ပါးစပ်ပိတ်သွားကြသည်။ ထိုသို့ဖြစ်ရခြင်းမှာ ထိတ်လန့်သွားကြသောကြောင့်တင် မဟုတ်ဘဲ ကျနော် ပြောနေသည့် အရာကို သူတို့ နားမလည်နိုင်ကြသောကြောင့် ဖြစ်၏။</p> <p>ပထမဆုံး စတင် စကားပြောလာသူမှာ သော် ၏ ဘေးတွင် သောက်စားနေသည့် နက္ခတ်တစ်ပါးပင် ဖြစ်သည်။</p> <p>[ဇာတ်လမ်းအသစ် ဆိုတာက ဘာကို ဆိုလိုတာလဲ]</p> <p>Ways of Survival အရ ဒိုကဲဘီဘုရင် သည် လွန်ခဲ့သော နှစ်ပေါင်းများစွာက ဤစကားကို ချန်ထားခဲ့ဖူးသည်။</p> <p>「 ကြယ်တာရာ ရုပ်သံထုတ်လွှင့်မှု ထဲမှာ ဇာတ်လမ်းအသစ်ဆိုတာ မရှိဘူး။ ဇာတ်လမ်းအားလုံးက ဟောင်းနွမ်းနေတဲ့ ဇာတ်လမ်းတွေအပေါ်မှာပဲ အခြေခံထားတာ 」</p> <p>ဤစကားဟောင်းမှာ ဒိုကဲဘီတို့၏ နှိမ့်ချမှုဖြစ်ပြီး ကျော်လွှားရန် လိုအပ်သည့် စကားလည်း ဖြစ်သည်။</p> <p>ကျနော် မည်သို့ပြန်ဖြေရမည်မသိဘဲ ဖြစ်နေစဉ်မှာပင် စိတ်တိုတတ်သော နက္ခတ်တစ်ပါးက အရင်ဆုံး ထွက်လာခဲ့သည်။</p> <p>[အဲဒီဇာတ်လမ်းထဲမှာ ဓါးသခင် ပါလား]</p> <p>ဓါးသခင်...</p> <p>မျှော်လင့်မထားသော မေးခွန်းကြောင့် ကျနော် ခေါင်းငြိမ့်ပြလိုက်သည်။</p> <p>[ပါပါတယ်]</p> <p>ကျနော့် အဖြေကြောင့် အချို့သော နက္ခတ်များက သက်ပြင်းချကြပြီး အချို့မှာမူ မျက်လုံးများ တောက်ပလာကြသည်။ ထို့နောက် အခြား နက္ခတ်တစ်ပါးက ထပ်မံ မေးမြန်းခဲ့သည်။</p> <p>[မဟာမှော်ဆရာကော ပါလား]</p> <p>[တစ်ယောက်ယောက်တော့ ပေါ်လာနိုင်ပါတယ်]</p> <p>[ဝင်စားသူကော ပါလား]</p> <p>[ဟုတ်ကဲ့။ ပါပါတယ်]</p> <p>[အဆင့် SSS မုဆိုးကော ပါလား။ ပြောရရင် ငါက ကျိုးကြောင်းဆီလျော်တဲ့ ကြိုးစားမှုအတွက် ဆုလာဘ် ပြန်ရတဲ့ မိတ်ဆွေမျိုးတွေကို သဘောကျတယ်]</p> <p>[အဲ့လိုမျိုးဖြစ်ဖို့က ဖြစ်နိုင်ခြေ ရှိပါတယ်။ ကြိုးစားအားထုတ်တဲ့သူတွေကို ကျနော်လည်း မမုန်းပါဘူး]</p> <p>[ပြန်လာသူ လည်း  ထွက်လာမှာမလား]</p> <p>ပျော်စရာကောင်းနေသည့်အလား အမျိုးမျိုးသော မေးခွန်းများမှာ ခေတ္တခဏမျှ ဆက်တိုက် ထွက်ပေါ်နေခဲ့သည်။ ထိုဖြစ်စဉ်အတွင်း ပြုံးနေသူများ ရှိသကဲ့သို့ ခေါင်းခါနေသူများလည်း ရှိ၏။ သူတို့၏ မျက်နှာအမူအရာ မည်သို့ပင်ဖြစ်နေပါစေ သူတို့အားလုံးမှာ ဇာတ်လမ်းတစ်ပုဒ်ကို စိတ်ကူးပုံဖော်နေကြခြင်းပင်။ ဇာတ်လမ်းမှာ မဖန်တီးရသေးသော ဇာတ်လမ်းတစ်ပုဒ် ဖြစ်သော်လည်း တည်ရှိနေနိုင်သည့် ဇာတ်လမ်းလည်း ဖြစ်၏။ စားတော်ဆက်အသင်း အနေဖြင့် ဤကဲ့သို့သော ‘စိတ်ကူးစိတ်သန်းများဖြင့်’ စိတ်ကူးမယဉ်ရသည်မှာ ကြာမြင့်နေပြီဖြစ်သောကြောင့်လား မသိ။ ခေတ္တခဏမျှအတွင်းမှာပင် စားတော်ဆက်အသင်း နှင့် မလိုက်ဖက်သော နူးညံ့သိမ်မွေ့သည့် လေထုတစ်ခု ခန်းမအတွင်း လွှမ်းမိုးသွားခဲ့သည်။</p> <p>သို့သော်လည်း ထိုလေထုမှာ ဤအတိုင်း ကြာရှည်မခံခဲ့ချေ။</p> <p>[ငါ နားမလည်နိုင်ဘူး။ ဒီလိုဇာတ်လမ်းတွေက အများကြီး ရှိနေပြီးသား မဟုတ်ဘူးလား]</p> <p>ရေအေးဖြင့် လောင်းချလိုက်သူမှာ ‘မိုးသောက်ကြယ်နတ်ဘုရားမ’ ပင် ဖြစ်သည်။</p> <p>[ဓါးသခင်တွေ၊ မဟာမှော်ဆရာတွေ၊ ဝင်စားသူတွေ၊ ပြန်လာသူတွေ... ဒီဇာတ်လမ်းမှာ ဘာက အသစ်အဆန်း ဖြစ်နေလို့လဲ။ ဒီလို ထွက်ကုန်တစ်ခုကို ‘အသစ်’ လို့ ဘယ်လို သတ်မှတ်နိုင်မလဲဆိုတာ ငါ မသိဘူး]</p> <p>ကျနော် ခေတ္တခဏမျှ စဉ်းစားပြီးနောက် ပြန်ဖြေလိုက်သည်။</p> <p>[ဇာတ်လမ်းသစ်ဆိုတာ အသစ်အဆန်းဖြစ်တဲ့ အကြောင်းအရာတွေ နဲ့ပဲ ဖွဲ့စည်းထားတာ မဟုတ်ပါဘူး။ စားတော်ဆက်အသင်းက နှစ်သက်တဲ့ ပထမမျိုးဆက် ဇာတ်လမ်းတွေကလည်း သာမန်အကြောင်းအရာတွေနဲ့ပဲ တည်ဆောက်ထားတာ မဟုတ်ဘူးလား]</p> <p>[နင်က အနုပညာမြောက်တဲ့ ပထမမျိုးဆက်ကို နင့်ရဲ့ ဇာတ်လမ်းနဲ့ နှိုင်းယှဉ်နေတာလား]</p> <p>[နှိုင်းယှဉ်ဖို့ ရည်ရွယ်တာ မဟုတ်ပါဘူး။ ပထမဆုံးအနေနဲ့ ကျနော်က အနုပညာ ဖန်တီးဖို့ ကြိုးစားနေတာ မဟုတ်လို့ပါ]</p> <p>ကျနော့်၏ စကားကြောင့် နက္ခတ်အချို့မှာ စိတ်ပျက်သွားသော အမူအရာများ ပြသကြသည်။ မိုးသောက်ကြယ်နတ်ဘုရားမ ကမူ ရယ်စရာကောင်းလှသည်ဟူသော အမူအရာဖြင့် ရယ်မောလိုက်သည်။</p> <p>[နင်က ရိုင်းစိုင်းတဲ့ စကားတွေကို ပြောနေတာပဲ။ အေးပါ… ကောင်းပြီလေ။ ဒါဆို နင့်ရဲ့ ဇာတ်လမ်းမှာ ဘာက အသစ်အဆန်း ဖြစ်နေတာလဲ]</p> <p>နက္ခတ်များ၏ လေထုမှာ တစ်ဖန် ပြန်လည် ပြောင်းလဲသွားခဲ့သည်။ မျှော်လင့်ထားသည့်အတိုင်းပင် အရာရာကို ပေါ့ပေါ့ပါးပါး ပစ်ပေါက်၍ မရနိုင်ချေ။ ကျနော် သူတို့ကို ရင်ဆိုင်ကာ ကျနော့်၏ အစစ်အမှန် အသံဖြင့် ကြေညာလိုက်သည်။</p> <p>[ကျနော် ဖန်တီးနေတဲ့ ဇာတ်လမ်းထဲမှာ ဇာတ်ဝင်ခန်း အားလုံးရဲ့ အဆုံးသတ် ရှိနေပါလိမ့်မယ်။]</p> <p>ဇာတ်ဝင်ခန်း အားလုံး၏ အဆုံးသတ်။ လေထုမှာ ချက်ချင်းပင် အေးခဲသွားခဲ့သည်။</p> <p>[မင်း... မင်းက ဘယ်လိုများ သတ္တိရှိနေပြီး ပြောရဲရတာလဲ...]</p> <p>အချို့က တိုးတိုးလေး ရေရွတ်ကြပြီး အချို့သော နက္ခတ်များမှာမူ မျက်နှာဖြူလျော်သွားကြသည်။ ပထမမျိုးဆက်ကို ကျနော် ပြောဆိုခဲ့စဉ်ကထက် ပိုမိုပြင်းထန်သော တုံ့ပြန်မှုများ ထွက်ပေါ်လာခဲ့သည်။ ထိုသို့တုန့်ပြန်ခြင်းမှာ ကျနော်သည် သူတို့၏ တားမြစ်ချက်ကို ချိုးဖောက်လိုက်သောကြောင့် ဖြစ်ပေလိမ့်မည်။</p> <p>ကျနော့်ထံသို့ စုပြုံရောက်ရှိလာသော အကြည့်များကို ခံစားရင်း ကျနော် မျက်လုံးမှိတ်လိုက်သည်။ ကျနော့်ဇာတ်လမ်းက အခြေအနေကိုတော့ သိသိသာသာ ပြောင်းလဲပေးလိမ့်မည် မဟုတ်ပေ။ သို့သော်လည်း ကျနော့်၏ ဇာတ်လမ်းမှာ နက္ခတ်များ၏ စိတ်ထဲတွင် နက်နက်ရှိုင်းရှိုင်း ကျန်ရစ်နေပေလိမ့်မည်။ ယခုအတွက်တော့ ဤမျှဆိုလျှင် လုံလောက်ပေပြီ။</p> <p>[…အရူးကောင်]</p> <p>ကျနော် သူတို့ကို ပေးလိုက်သော စွဲလန်းမှုမှာ အလွန်ပင် နက်ရှိုင်းသွားပုံရသည်။ ရန်လိုမှု ပြည့်နှက်နေသော အသံက ဆက်လက် ထွက်ပေါ်လာ၏။</p> <p>[စားတော်ဆက်အသင်းထဲမှာ အရူးအမျိုးမျိုး ရှိမှန်း ငါ သိထားပေမဲ့ ဒီတစ်ခါတော့ တကယ်ကို အံ့ဩစရာပဲ။ ဒီလိုစကားမျိုး ပြောဖို့ မင်းရဲ့ စိတ်ကော မှန်ရဲ့လား]</p> <p>အသံပိုင်ရှင်မှာ နဂါးခေါင်းနှင့် အစိမ်းရောင် အရုပ်ကလေး ဖြစ်သည်။ သူသည် လွန်ခဲ့သော ဇာတ်ဝင်ခန်းတွင် လှုပ်ရှားခဲ့သည့် ‘ရဲတင်းသော ရွှံ့နွံသားရဲ’ နက္ခတ်ပင် ဖြစ်သည်။ သူ၏ အပြုံးမှာ လှောင်ပြောင်မှုများ ပြည့်နှက်နေလျက် ဆက်ပြောလိုက်သည်။</p> <p>[ဒါဆို မင်းက ငါတို့ကို ဘာကူညီပေးစေချင်တာလဲ။ ဇာတ်ဝင်ခန်းရဲ့ အဆုံးသတ်အထိ အတူတူ သွားကြရအောင်လို့ မင်းက ပြောချင်တာလား]</p> <p>[မှန်ပါတယ်။ ကျနော်နဲ့အတူ ဇာတ်ဝင်ခန်းရဲ့ အဆုံးသတ်အထိ လိုက်ပါမယ့် နက္ခတ်တွေကို ရှာဖွေဖို့ ဒီကို လာခဲ့တာပါ]</p> <p>ကျနော့်၏ တည်ငြိမ်လှသော ကြေညာချက်ကြောင့် နက္ခတ်များ၏ မျက်နှာအမူအရာများ ပြောင်းလဲသွားကြသည်။ သူတို့ထဲမှ အချို့မှာ နက်ဗျူလာ တစ်ခုခုထဲသို့ ဝင်ရောက်ထားပြီးသား ဖြစ်သဖြင့် ကျနော့်၏ စကားလုံးများမှာ သူတို့အတွက် ရန်စသံကဲ့သို့ ဖြစ်နေပေလိမ့်မည်။</p> <p>[နင့်ရဲ့နက်ဗျူလာကရော။  နက်ဗျူလာ ရဲ့ နာမည်က ဘာလဲ]</p> <p>[နာမည်တော့ မရှိသေးပါဘူး။ တရားဝင်လည်း မတည်ထောင်ရသေးလို့ပါ]</p> <p>[ဟ... ဒါဆို နဂိုမူလ အဖွဲ့ဝင် ဘယ်နှစ်ယောက် ရှိလဲ]</p> <p>[နှစ်ယောက်ပါ]</p> <p>နက္ခတ်များ၏ လှောင်ပြောင်သံများမှာ ပိုမိုကျယ်လောင်လာခဲ့သည်။ ကျနော် အနည်းငယ် စိတ်အနှောင့်အယှက် ဖြစ်မိသော်လည်း အောင့်အည်းသည်းခံလိုက်သည်။ မည်သို့ပင်ဖြစ်စေ ဤသည်မှာ စားတော်ဆက်အသင်း ၏ ‘ယဉ်ကျေးပျူငှာမှု’ တစ်ရပ်ဟုပင် ဆိုရပေမည်။ သူတို့ထဲမှ မည်သူကမျှ ကျနော့်စကားကို လွယ်လွယ်နှင့် လက်ခံလိမ့်မည်ဟု ကျနော် မထင်ထားချေ။</p> <p>မိုးသောက်ကြယ်နတ်ဘုရားမ က ဆက်လက် မေးမြန်းခဲ့သည်။</p> <p>[တစ်ယောက်က နင်ဆိုတော့ ကျန်တဲ့တစ်ယောက်ကကော  နက္ခတ် တစ်ပါးပဲလား]</p> <p>[နက္ခတ်တော့ မဟုတ်ပါဘူး...]</p> <p>ယူဂျွန်ဟော့ အကြောင်းကို ထုတ်ပြောရန် ကျနော် ဝေခွဲမရ ဖြစ်နေစဉ်မှာပင် ရဲတင်းသော ရွှံ့နွံသားရဲ က "ဟုတ်မှလွဲရော ဟိုကောင်လား" ဟု ဆိုကာ စူးစမ်းလာသည်။</p> <p>မျက်နှာပြင်ပေါ်ရှိ ဖန်သားပြင်များထဲမှတစ်ခုတွင် ပုံရိပ်များ ထွက်ပေါ်လာခဲ့သည်။ ထိုပုံရိပ်မှာ တတိယမြောက် သိုင်းလောက တွင် ကျင်းပနေသည့် သိုင်းလောကပြိုင်ပွဲ၏ ဗိုလ်လုပွဲ မြင်ကွင်းပင် ဖြစ်သည်။</p> <p>— အားလုံး စောင့်မျှော်နေကြတဲ့ ထိပ်တိုက်တွေ့ဆုံမှုကြီး ရောက်ရှိလို့ လာခဲ့ပါပြီ</p> <p>တင်ဆက်သူ စကားပြောနေစဉ် ကင်မရာမှာ လူတစ်ယောက်ထံသို့ အာရုံစိုက်သွားသည်။</p> <p>— ကောင်းကင်ဖြိုခွင်းဓါး သူတော်စင်ကြီးရဲ့ တပည့်၊ အမြင့်မြတ်ဆုံးဘုရင် ယူဂျွန်ဟော့ ပါ</p> <p>မျှော်လင့်ထားသည့်အတိုင်းပင် ယူဂျွန်ဟော့ မှာ ဗိုလ်လုပွဲသို့ ဘေးကင်းစွာ တက်လှမ်းနိုင်ခဲ့သည်။</p> <p>ဒါဆို ပြိုင်ဘက်က ဘယ်သူပါလိမ့်...</p> <p>— သိုင်းလောကရဲ့ မဟာပညာရှိ ၁၀ ဦးထဲက တစ်ဦးဖြစ်တဲ့ နှင်းပန်းနတ်ဘုရားမ ကျူးကော့လင်းလင်း ပါ</p> <p>တီရှပ်အကျပ်နှင့် ဂျင်းဘောင်းဘီကို ဝတ်ဆင်ထားသည့် ကျူးကော့လင်းလင်း ထံသို့ တောက်ပသော မီးမောင်းထိုးပြသမှုများ ကျရောက်သွားသည်။ နှင်းပန်းနတ်ဘုရားမ မှာ လွယ်ကူသော ပြိုင်ဘက်မဟုတ်ချေ။ နှင်းပန်းနတ်ဘုရားမသည် သိုင်းလောကကို ကိုယ်စားပြုသည့် အဆင့်ကျော်လွန်ခြင်း အဆင့်ရှိ ပုဂ္ဂိုလ်တစ်ဦး ဖြစ်၏။ မူလကဆိုလျှင် ယူဂျွန်ဟော့ အနေဖြင့် သူနှင့် ယှဉ်ပြိုင်နိုင်စွမ်း ရှိမည်မဟုတ်ပေ။ ယူဂျွန်ဟော့ယှဉ်ပြိုုင်နိုင်စွမ်း ရှိမရှိဆိုသည်မှာ လတ်တလောအတွင်း ယူဂျွန်ဟော့၏ ကောင်းကင်ဖြိုခွင်းဓါးသိုင်း က မည်မျှအထိ တိုးတက်လာခဲ့သနည်း ဆိုသည့်အချက်ပေါ်တွင်သာ မူတည်ပေလိမ့်မည်။</p> <p>[အဟမ်း...]</p> <p>တစ်စုံတစ်ယောက်က အသံပြုလိုက်သည့် ခဏမှာပင် ကျနော့်စိတ်များ နိုးကြားသွားခဲ့သည်။ ကျနော် ပတ်ဝန်းကျင်ကို ဝေ့ဝိုက်ကြည့်ရှုလိုက်ပြီးနောက် တဖြည်းဖြည်း ဒေါသထွက်လာ မိသည်။</p> <p>...ချီး။ တစ်စုံတစ်ယောက်က ဒီဗီဒီယိုကို တင်လိုက်တာပဲ။</p> <p>စင်၏ ထောင့်တစ်နေရာတွင် ရပ်နေသော အန်နာ ခရော့ဖ် ကို ကျနော် စိုက်ကြည့်လိုက်သော်လည်း သူ၏ မျက်နှာအမူအရာအရ ဗီဒီယိုတင်ခဲ့သည်မှာ သူ  မဟုတ်ပုံရသည်။</p> <p>ဒါဆိုရင် ဒီဗီဒီယိုက...</p> <p>[ဟားဟား... သာမန်လူသားတွေရဲ့ ပွဲတော်ပါလား...]</p> <p>ရဲတင်းသော ရွှံ့နွံသားရဲ က ရယ်မောလိုက်သည်။</p> <p>[တကယ်ကို စိတ်ပျက်စရာကောင်းလိုက်တာ။ ဒဏ္ဍာရီလာအဆင့် ကို အခုမှ ရောက်ခါစ တည်ရှိမှုတစ်ခုနဲ့ အဆင့်မရှိတဲ့ သာမန်လူသားတစ်ယောက်က ‘ဇာတ်လမ်းရဲ့ အဆုံးသတ်’ အကြောင်း ဆွေးနွေးနေကြတာလား]</p> <p>နက္ခတ်အချို့မှာလည်း စောင့်ဆိုင်းနေသည့်အလား လိုက်လံရယ်မောကြသည်။ ထိုသို့ရယ်မောခြင်းမှာ ကျနော် ပြောဆိုခဲ့သမျှ စကားလုံးအားလုံးကို ငြင်းပယ်လိုက်သည့် ရယ်မောသံပင် ဖြစ်သည်။ ဤသို့ ဖြစ်လာလိမ့်မည်ဟု ကျနော် ကြိုတင် ခန့်မှန်းထားခဲ့သင့်သည်။ အစကတည်းက နက္ခတ်တွေဆီကနေ တစ်ခုခု မျှော်လင့်နေခဲ့မိခြင်းက မှားယွင်းခဲ့ပုံရသည်။</p> <p>[ဟားဟားဟား၊ ဒီနက္ခတ်ရဲ့ ဘွဲ့အမည် က ဘာလဲ။ ကြွားဝါခြင်း၏ မိစ္ဆာဘုရင် လား]</p> <p>[အမှောင်ဆုံးသော နွေဦး၏ ဘုရင်မ။ အတော်လေး ပျော်စရာကောင်းတဲ့ မိတ်ဆွေတစ်ယောက်ကို ခေါ်လာတာပဲ]</p> <p>မျက်နှာပြင်ပေါ်တွင် ယူဂျွန်ဟော့ နှင့် နှင်းပန်းနတ်ဘုရားမ တို့မှာ ထိပ်တိုက် ရင်ဆိုင်နေကြသည်။ ရဲတင်းသော ရွှံ့နွံသားရဲ က မြင်ကွင်းမှာ ချစ်စရာကောင်းသည်ဟု ထင်နေသည့်အလား တဟားဟား ရယ်မောနေခဲ့၏။</p> <p>[ဇာတ်ဝင်ခန်းတွေရဲ့ အဆုံးသတ်ထားပါဦး၊ ဒီဇာတ်ဝင်ခန်းတောင် သူ့အတွက် ခက်ခဲပုံရတယ်]</p> <p>ကျနော် လက်သီးကို တင်းတင်းဆုပ်လိုက်သည်။ ယူဂျွန်ဟော့ လျှောက်လှမ်းမည့် လမ်းစဉ်နှင့် အနာဂတ်တွင် သူ ရရှိမည့် အောင်မြင်မှုများကို ကျနော် သိရှိထားသည်။ အလွန်အမင်း ကြိုးစားအားထုတ်တတ်သော ထိုလူမှာ တစ်နေ့တွင် ဤအောက်တန်းကျသော စားတော်ဆက်အသင်း အဖွဲ့ဝင် အားလုံးကို သတ်ဖြတ်ပစ်လိမ့်မည်ဆိုသည်ကိုလည်း ကျနော် ကောင်းကောင်း သိ၏။</p> <p>သို့သော်လည်း ဤနေရာရှိ နက္ခတ်များ၏ အမြင်တွင်မူ လက်ရှိ ယူဂျွန်ဟော့ မှာ အရေးမပါသော သာမန်လူသားတစ်ဦးသာ ဖြစ်သည်။</p> <p>[ဒါက အတော်ပဲ။ ဇာတ်ဝင်ခန်း ပြီးသွားလို့ ပျင်းနေတာနဲ့ အတော်ဖြစ်သွားတယ်။ လောင်းကြေးထပ်ကြမလား။ ဒီပိုးကောင် နှစ်ကောင်ထဲက ဘယ်သူ နိုင်မလဲဆိုတာကိုလေ]</p> <p>[အို၊ ကောင်းတယ်၊ ကောင်းတယ်]</p> <p>နက္ခတ်အမြောက်အမြားက ရဲတင်းသော ရွှံ့နွံသားရဲ ၏ အဆိုပြုချက်ကို သဘောတူလိုက်ကြသည်။ ထို့နောက် စနစ်မက်ဆေ့ချ်တစ်ခု ထွက်ပေါ်လာခဲ့သည်။</p> <p>[ဇာတ်ဝင်ခန်းအသေး အသစ်တစ်ခု ရောက်ရှိလာပါပြီ။]</p> <p>[ဇာတ်ဝင်ခန်းအသေး — စားတော်ဆက်အသင်း လောင်းကစားပွဲ စတင်ပါပြီ။]</p> <p>နက္ခတ်များ၏ ရှေ့တွင် ရွေးချယ်စရာ ဇယားများစွာ ပေါ်ထွက်လာသည်။</p> <p>[အဲဒီ အမျိုးသမီးဘက်ကနေ ဒင်္ဂါး ၅၀၀၀၀ လောင်းကြေးထပ်မယ်]</p> <p>ရဲတင်းသော ရွှံ့နွံသားရဲ အော်ဟစ်လိုက်သည့် ခဏမှာပင် အခြားသော နက္ခတ်များကလည်း ရယ်မောလျက် ဒင်္ဂါးအချို့ကို လောင်းကြေးထပ်လိုက်ကြသည်။ ထို့နောက် ရဲတင်းသော ရွှံ့နွံသားရဲက ကျနော့်ကို လှမ်းကြည့်လိုက်သည်။</p> <p>[လူသစ်လေး။ မင်းလည်း လောင်းသင့်တယ်လေ</p> <p>[လောင်းကြေးထပ်ပြီးသားပါ]</p> <p>[ဘယ်သူ့ဘက်က လောင်းလိုက်တာလဲ]</p> <p>[ယူဂျွန်ဟော့ ဘက်ကနေ ဒင်္ဂါး ၁၀၀၀၀၀ ပါ]</p> <p>ကျနော်က သူထက် နှစ်ဆပို၍ လောင်းလိုက်သည့် အချက်ကြောင့် ရဲတင်းသော ရွှံ့နွံသားရဲ ၏ မျက်လုံးများမှာ ပြူးကျယ်သွားခဲ့သည်။</p> <p>[ချီးထုတ်ကျတဲ့ ကောင်လေးပဲ။ မင်း နောင်တရစေရမယ်]</p> <p>ရဲတင်းသော ရွှံ့နွံသားရဲ က ဤလောင်းကြေး၏ ရလဒ် မည်သို့ဖြစ်လာမည်ကို သိရှိနေသည့်အဟန် ပြောဆိုလိုက်သည်။ အဝေးတစ်နေရာတွင်မူ အန်နာ ခရော့ဖ် က တည်ငြိမ်သော အကြည့်များဖြင့် ကျနော့်ကို စောင့်ကြည့်နေခဲ့သည်။ မျက်နှာပြင်ပေါ်တွင် ယူဂျွန်ဟော့ ၏ ရုန်းကန်လှုပ်ရှားမှုကို ကြည့်ရသလောက် တိုက်ပွဲတစ်ဝက်သို့ ရောက်ရှိလာပြီ ဖြစ်မှန်း ကျနော်ခန့်မှန်းမိလိုက်သည်။</p> <p>[အိုး... သူက အတော်လေး ဟုတ်နေတာပဲ။ ငါ့ရဲ့ ကိုယ်စားလှယ် အဖြစ် ထားရမလား]</p> <p>အစပိုင်းတွင် ယူဂျွန်ဟော့ မှာ အရေးနိမ့်နေပုံရသော်လည်း သူ၏ အရှိန်အဟုန်မှာ တဖြည်းဖြည်းနှင့် ပိုမိုအားကောင်းလာခဲ့သည်။ အချို့သော နက္ခတ်များမှာ မျှော်လင့်မထားသော အခြေအနေကြောင့် အံ့အားသင့်သွားကြသော်လည်း ရဲတင်းသော ရွှံ့နွံသားရဲ က စိုက်ကြည့်လိုက်သည်နှင့် ချက်ချင်းပင် ပါးစပ်ပိတ်သွားကြသည်။</p> <p>မျှော်လင့်ထားသည့်အတိုင်း ယူဂျွန်ဟော့ ပင် ဖြစ်သည်။ သူသည် ကောင်းကင်ဖြိုခွင်းဓါး သူတော်စင်ကြီးနှင့် စီစဉ်ထားသည်ထက် ပိုမိုစောစီးစွာ ဆုံတွေ့ခဲ့ပြီး သူ၏ ကောင်းကင်ဖြိုခွင်းဓါးသိုင်း အဆင့်မှာလည်း မူရင်းထက် ပိုမိုမြင့်မားသော အခြေအနေသို့ ရောက်ရှိနေခဲ့သည်။</p> <p>အားကစားကွင်းအတွင်း၌ ကောင်းကင်စွမ်းအားများ ပေါက်ကွဲထွက်လာပြီး နှင်းပန်းနတ်ဘုရားမ မှာ သွေးများအန်လျက် ဖုန်မှုန့်များကြားတွင် လွင့်စင်သွားခဲ့သည်။ အခြေအနေမှာ တစ်ဖက်သို့ လုံးဝ တိမ်းစောင်းသွားခဲ့ပြီ ဖြစ်သည်။ ဇာတ်လမ်းမှာ မျှော်လင့်မထားသော ဘက်သို့ စီးဆင်းသွားသဖြင့် ရဲတင်းသော ရွှံ့နွံသားရဲ ၏ မျက်နှာအမူအရာ ပြောင်းလဲသွားသည်။</p> <p>[…ဟ… ဒီလိုဆိုရင်တော့ မပျော်စရာမကောင်းတော့ဘူး]</p> <p>ကျနော့်စိတ်ထဲတွင် မကောင်းသော အငြိုးအတေးတစ်ခုကို ခံစားလိုက်ရသည့် ခဏမှာပင် ရဲတင်းသော ရွှံ့နွံသားရဲ အပါအဝင် စားတော်ဆက်အသင်း အဖွဲ့ဝင်အချို့၏ ပတ်ပတ်လည်တွင် လျှပ်စစ်မီးပွားများ ပေါ်ထွက်လာခဲ့သည်။ သူတို့ ဘာလုပ်နေသနည်းဆိုသည်ကို ကျနော် ချက်ချင်း သတိပြုမိလိုက်၏။ သူတို့၏ လျှပ်စစ်မီးပွားများမှာ သိုင်းလောကပြိုင်ပွဲ ပြသနေသည့် မျက်နှာပြင်ဆီသို့ ပျံ့နှံ့သွားခဲ့သည်။ အတိအကျ ပြောရမည်ဆိုလျှင် နှင်းပန်းနတ်ဘုရားမ ထံသို့ပင် ဖြစ်သည်။</p> <p>— အားးးးးးး</p> <p>နှင်းပန်းနတ်ဘုရားမ က အော်ဟစ်လိုက်ပြီးနောက် တင်ဆက်သူ၏ စကားသံ ထွက်ပေါ်လာသည်။</p> <p>— ဒါ... ဒါက ဘာဖြစ်တာလဲ</p> <p>ယူဂျွန်ဟော့ မှာလည်း အံ့အားသင့်သွားပုံရသည်။ နှင်းပန်းနတ်ဘုရားမမှာ သားရဲတစ်ကောင်အဖြစ် အသွင်ပြောင်းသွားသဖြင့် ယူဂျွန်ဟော့ ၏ မျက်နှာမှာ တင်းမာသွားခဲ့သည်။ ကျနော်သည် ရဲတင်းသော ရွှံ့နွံသားရဲ ကို စိုက်ကြည့်လျက် အေးစက်သော အသံဖြင့် ပြောလိုက်သည်။</p> <p>[ဒါက လောင်းကစားပွဲလို့ ခင်ဗျား ပြောခဲ့တယ် မဟုတ်လား]</p> <p>ရဲတင်းသော ရွှံ့နွံသားရဲ က ရယ်မောလိုက်သည်။</p> <p>[ဝင်ရောက်စွက်ဖက်လို့ မရဘူးလို့ ငါ မပြောခဲ့ဘူးလေ]</p> <p>နက္ခတ်အမြောက်အမြား ပံ့ပိုးပေးထားသော ဖြစ်နိုင်စွမ်း များကြောင့် နှင်းပန်းနတ်ဘုရားမ ၏ ခန္ဓာကိုယ်မှာ အစိမ်းရောင် အကြေးခွံများဖြင့် ဖုံးလွှမ်းသွားခဲ့သည်။</p> <p>ဤအရာက ဘာကို ဆိုလိုသနည်းဆိုသည်ကို ကျနော်နှင့် ယူဂျွန်ဟော့ နှစ်ယောက်စလုံး သိသည်။ ဤသည်က နက္ခတ်တစ်ပါး၏ ‘ဆင်းသက်ခြင်း’ ပင် ဖြစ်သည်။ ငြိမ်းချမ်းမြေ နှင့် မဟူရာရဲတိုက် တို့တွင်လည်း ဤကဲ့သို့ပင် ဖြစ်ခဲ့ဖူးသည်။ ထိုစဉ်က ကျနော်နှင့် ယူဂျွန်ဟော့ အတူတကွ တိုက်ခိုက်ခဲ့ကြသော်လည်း ယခုမူ ထိုသို့မဟုတ်တော့ပေ။</p> <p>[သီးသန့်စွမ်းရည် အနှိုင်းမဲ့စာဖတ်သူ၏ရှုထောင့် အသက်ဝင်ပါပြီ။]</p> <p>[လက်ရှိ ပစ်မှတ်နှင့် ဆက်သွယ်၍ မရနိုင်ပါ။]</p> <p>...ဒီမအေဘေးကတော့ကွာ။ ဒီလိုအချိန်မျိုးမှာ ဘာလုပ်နေတာလဲ။</p> <p>ယူဂျွန်ဟော့ က ကျနော့်အကြောင်းကို လုံးဝ စဉ်းစားမနေသောကြောင့် အနှိုင်းမဲ့စာဖတ်သူ၏ရှုထောင့် ကို အသုံးပြုရန် မဖြစ်နိုင်တော့ချေ။</p> <p>မျက်နှာပြင်ပေါ်တွင်မူ နဂါးစိမ်းတစ်ဝက် ဖြစ်နေသော နှင်းပန်းနတ်ဘုရားမ က ဟိန်းဟောက်နေခဲ့သည်။</p> <p>ရဲတင်းသော ရွှံ့နွံသားရဲ။ ‘ဆီလီဂျီဒွန်’ ဂြိုဟ်ပေါ်တွင် မွေးဖွားခဲ့သည့် ထိုရှေးဟောင်းသက်ရှိမှာ ကျနော့်ကဲ့သို့ပင် ဒဏ္ဍာရီလာအဆင့် ကို ရောက်ရှိခါစ နက္ခတ်တစ်ပါး ဖြစ်သည်။ သို့သော်လည်း သူ စုဆောင်းထားသော ဇာတ်လမ်းများမှာ ကျနော့်ထက် များစွာ သာလွန်သဖြင့် ကျနော်တို့၏ စွမ်းရည်များမှာ အဆင့်အတန်း မတူညီကြပေ။</p> <p>ထိုသားရဲက အသက်တစ်ချက် ရှူထုတ်လိုက်ရုံဖြင့် သိုင်းလောကပြိုင်ပွဲကျင်းပရာ နေရာ၏ တစ်ဝက်ခန့်မှာ ပျက်စီးသွားခဲ့သည်။ မဟုတ်မှလွဲရော သူသည် နှင်းပန်းနတ်ဘုရားမနှင့် အချိန်တိုအတွင်း ထောက်ပံ့သူ ကတိကဝတ် ကို ချုပ်ဆိုလိုက်ပုံရသည်။ ပေါင်းစပ်မှုနှုန်း နိမ့်ပါးနေသောကြောင့် သူ၏ ခွန်အားအားလုံး ထွက်ပေါ်လာခြင်း မရှိသေးသော်လည်း ဤမျှလောက်သော ဖြစ်နိုင်စွမ်း အဆင့်ဖြင့် အားဖြည့်ထားမည်ဆိုလျှင် ပြိုင်ပွဲကို အဆုံးသတ်ရန်မှာ ခဲယဉ်းလိမ့်မည် မဟုတ်ချေ။</p> <p>ဇာတ်လမ်းများစွာ စုဆောင်းထားသော ဒဏ္ဍာရီလာအဆင့် နက္ခတ်တစ်ပါးကို ရင်ဆိုင်ရန်မှာ ယူဂျွန်ဟော့ အတွက်ပင် ခက်ခဲပေလိမ့်မည်။</p> <p>[နင့်ကို ကြည့်ရတာ စိတ်မအေးဖြစ်နေပုံပဲ။ မင်းရဲ့ အပေါင်းအဖော်ကို မယုံကြည်ဘူးလား]</p> <p>ကျနော် ပတ်ဝန်းကျင်ကို ကြည့်လိုက်သည့်အခါ ထုံးစံအတိုင်း ပြုံးနေသော ပါစီဖုန်း ကို တွေ့လိုက်ရသည်။</p> <p>ငါက သူ့ကို မယုံဘူးလား။</p> <p>ဇာတ်လမ်းက သဘာဝကျသော ဇာတ်လမ်းတစ်ပုဒ်ပင် ဖြစ်သည်။ မကြာခဏ သေတတ်သော ထို ငါးရံ့လိုကောင်ကို ကျနော် မယုံကြည်နိုင်ချေ...</p> <p>[သူ့ကို ကျနော် ယုံကြည်ပါတယ်]</p> <p>သို့သော်လည်း ကျနော် ဤကဲ့သို့ပင် ပြန်လည် ဖြေကြားလိုက်သည်။ ကျနော့်၏ သဘာဝကျသော အဖြေကြောင့် ပါစီဖုန်း ၏ မျက်လုံးများမှာ တောက်ပသွားခဲ့သည်။</p> <p>[ပထမဆုံးအနေနဲ့ ပြောရရင် သူ့ကို ယုံကြည်လို့ပဲ ကျနော် ဒီကို လာခဲ့တာပါ]</p> <p>ကျနော်သည် မျက်နှာပြင်ပေါ်မှ ယူဂျွန်ဟော့ ကို စိုက်ကြည့်လိုက်သည်။ သူ မည်မျှအကြိမ်ကြိမ် ရှုံးနိမ့်ခဲ့ပါစေ၊ ပြိုလဲခဲ့ပါစေ သို့မဟုတ် စိတ်ပျက်အားငယ်ခဲ့ပါစေ၊ သူသည် အဆုံးသတ်အထိ လက်မလျှော့သော လူတစ်ယောက် ဖြစ်၏။ ကျနော်သာ သူ့ကို မယုံကြည်နိုင်ဘူးဆိုလျှင် အစကတည်းက ကျနော် ဘယ်သူ့ကို ယုံကြည်ရတော့မည်နည်း။ အကယ်၍ ဤအလှည့်မှာ ကျရှုံးခဲ့မည်ဆိုလျှင်ပင်...</p> <p>ဤလူမှာ တစ်နေ့တွင် ဤကမ္ဘာကြီး၏ အဆုံးသတ်ကို မလွဲမသွေ မြင်တွေ့ရမည့်သူ ဖြစ်သည်။</p> <p>ကျနော် မျက်လုံးကို ဖြည်းညှင်းစွာ မှိတ်လိုက်ပြီးနောက် ပြန်လည် ဖွင့်လိုက်သည်။</p> <p>[ကျနော့်ရဲ့ လောင်းကြေးကို ထပ်တိုးပါ့မယ်။ ဒင်္ဂါး တစ်သန်း အထိ ထပ်တိုးမှာပါ]</p> <p> </p> <p> </p> <p style="text-align: center;">***</p>


Save