Book List

<h2 style="text-align: center;">အခန်း ၂၄၈</h2> <h2 style="text-align: center;">မိစ္ဆာဘုရင် ရွေးချယ်ပွဲ (၂)</h2> <h2 style="text-align: center;">*</h2> <p> </p> <p> </p> <p>ကြယ်တာရာ ရုပ်သံထုတ်လွှင့်မှု ထဲတွင် ‘ကပ်ဘေး ဇာတ်ဝင်ခန်းများ’ နှစ်မျိုး ရှိသည်။ ပထမတစ်မျိုးမှာ သက်ဆိုင်ရာ နက်ဗျူလာ များကို အစွဲပြု၍ မှည့်ခေါ်ထားပြီး ဒဏ္ဍာရီတစ်ခုအသွင် ဖြစ်လာခဲ့သည့် လွနာရော့ခ် နှင့် ဂိုင်ဂန်တိုမာခီယာ ကဲ့သို့သော ကမ္ဘာပျက်ကပ် ဇာတ်ဝင်ခန်းများ ဖြစ်သည်။</p> <p>ဒုတိယတစ်မျိုးမှာတော့ ပုံမှန်မဟုတ်ဘဲ ဖြစ်ပွားတတ်သည့် ပျက်စီးခြင်း ဇာတ်ဝင်ခန်း ဖြစ်၏။ ယခု ကျနော့်မျက်စိရှေ့တွင် ရှိနေသော မဟာတွင်းနက်ကြီး မှာ ဒုတိယအမျိုးအစား ဖြစ်လေသည်။</p> <p>"အဲ့ဒါက နက္ခတ် တစ်ပါး မဟုတ်ဘူး"</p> <p>ကောင်းကင်ဖြိုခွင်းဓါးသူတော်စင် က မှောင်မိုက်သွားသော ကောင်းကင်ယံကို မော့ကြည့်ရင်း ပြောလိုက်သည်။</p> <p>အကယ်၍ ထွက်ပေါ်လာသည့်အရာက နက္ခတ်များ၏ စွမ်းအင်မျိုး မရှိပါက အဖြေက တစ်ခုတည်းသာ ရှိသည်။</p> <p>"ပြင်ပနတ်ဘုရားပဲ"</p> <p>ယခုအခါတွင် ကျနော်သည် နက္ခတ် တစ်ပါး ဖြစ်လာခဲ့ပြီ ဖြစ်သည်။ မုခ်ဝကြီးဆီမှနေ၍ အရိပ်အယောင်များ ဖြာထွက်နေသော ထိုပြင်ပနတ်ဘုရား၏ စွမ်းအားကို ကျနော် ခံစားနေရသည်။ ထိုအရာမှာ ကျနော် အကြိမ်အနည်းငယ် ကြုံတွေ့ဖူးသော အရာတစ်ခု ဖြစ်သည်။ သို့သော်လည်း ယခု ကျနော် ခံစားနေရသည့် ခံစားချက်မှာ ယခင်ကနှင့်တော့ ကွဲပြားနေခဲ့သည်။ မျက်စိကန်းနေသူ တစ်ယောက်သည် နေမင်းကြီးကို ကြည့်သည့်အခါ သိပ်ပြီး မျက်စိမကျိန်းတတ်ပေ။ ကျနော်သည် နက္ခတ် တစ်ပါး ဖြစ်လာခဲ့မိခြင်းကို ပထမဦးဆုံးအကြိမ်အဖြစ် မုန်းတီးမိသွားခဲ့သည်။</p> <p>ယူဂျွန်ဟော့ က ရေရွတ်လိုက်၏။</p> <p>"…ဘာဖြစ်လို့ ပျက်စီးခြင်း ဇာတ်ဝင်ခန်းက အစောကြီး စတင်ရတာလဲ"</p> <p>ယူဂျွန်ဟော့ သည် ပထမအကြိမ်နှင့် ဒုတိယအကြိမ် နောက်ပြန်ဆုတ်ခြင်း များကို ဖြတ်သန်းခဲ့ပြီးဖြစ်သဖြင့် ပထမဆုံးသိုင်းလောက ၏ အနာဂတ်ကို သိရှိထားပြီးသား ဖြစ်လေသည်။</p> <p>မူရင်းဝတ္ထုထဲတွင် ပထမဆုံးသိုင်းလောက သည် ပြင်ပနတ်ဘုရားတစ်ပါးကြောင့် ပျက်စီးသွားခဲ့ရသည်။</p> <p>သို့သော်လည်း ထိုသို့ဖြစ်ဖို့က စောလွန်းနေသေးသည်။ မူရင်းဝတ္ထုထဲတွင်တော့ ထိုအဖြစ်အပျက်မှာ နောက်ထပ် နှစ်အနည်းငယ် ကြာမှ ဖြစ်ပွားခဲ့ခြင်း ဖြစ်၏။ ယခုတော့ တစ်စုံတစ်ခုက ထိုအဖြစ်အပျက်ကို နဂိုထက် ပိုစောအောင် လုပ်လိုက်ပြီ ဖြစ်သည်။</p> <p>အဲ့ဒါက ဘာဖြစ်မလဲ။ ဘာတွေများ မှားယွင်းသွားခဲ့တာလဲ...</p> <p>...ခဏလေး၊ မဟုတ်မှလွဲရော</p> <p>ယူဂျွန်ဟော့ ကလည်း အလားတူပင် တွေးတောမိသွားပြီး ကျနော့်ကို မေးလာခဲ့သည်။</p> <p>"…ငါ ထင်တာ မှန်နေတာလား"</p> <p>"အဲဒီလိုပဲ ဖြစ်ပုံရတယ်"</p> <p>ကျနော်က စိုးရိမ်စိတ်ဖြင့် ပြန်ဖြေလိုက်သည်။</p> <p>‘ပျက်စီးခြင်း ဇာတ်ဝင်ခန်း’ ဆိုသည်မှာ ကိုယ်စားလှယ်များ ၏ ဖြစ်နိုင်ခြေများကို စမ်းသပ်သည့် ဇာတ်ဝင်ခန်းတစ်ခု ဖြစ်သည်။ အကယ်၍ စုဆောင်းထားသော ဖြစ်နိုင်စွမ်း တန်ဖိုးသာ ဘယ်တော့မှ ပြည့်မလာခဲ့လျှင် ‘ကပ်ဘေး’ မှာလည်း ဘယ်တော့မှ စတင်နိုင်မည် မဟုတ်ပေ။ ဤနဂါးပြာရဲတိုက်ကြီးထဲတွင် မကြာသေးမီက ဖြစ်နိုင်စွမ်းကို လှုံ့ဆော်ပေးခဲ့သည့် အရာမှာ တစ်ခုတည်းသာ ရှိ၏။</p> <p>ကောင်းကင်ဖြိုခွင်းဓါးသူတော်စင်က ဝင်ပြောလိုက်လေသည်။</p> <p>"အခုလိုပေါ်လာရတာက သိုင်းပြိုင်ပွဲ ကြောင့်ပဲ"</p> <p>သိုင်းပြိုင်ပွဲ။ ရဲတင်းသော ရွှံ့နွံသားရဲ နှင့် အခြားသော နက္ခတ်များ အသုံးပြုခဲ့ကြသည့် ဖြစ်နိုင်စွမ်းက နောက်ဆုံးတွင်တော့ ဤကပ်ဘေးကြီးကို လှုံ့ဆော်ပေးခဲ့ခြင်း ဖြစ်၏။</p> <p>[သင့်ကို မနှစ်သက်သော နက္ခတ်အချို့က ဤအခြေအနေကို သဘောကျနေကြပါသည်။]</p> <p>ချီးထုတ်ကောင်တွေ။</p> <p>"ကင်ဒေါ့ဂျာ။ မင်း ဟိုပွဲမှာ ဘာတွေ သွားလုပ်ခဲ့တာလဲ"</p> <p>ယူဂျွန်ဟော့ သည် စားတော်ဆက်အသင်း တွင် ဘာတွေ ဖြစ်ပျက်ခဲ့သည်ကို အတိအကျ မသိရှိသဖြင့် ကျနော့်ကို ဒေါသထွက်နေခဲ့သည်။ ကျနော့်တွင် ဆင်ခြေပေးစရာ မရှိချေ။ စတင်နှင့်ပြီးသား ဇာတ်ဝင်ခန်းတစ်ခုကိုတော့ ပြန်လည် ပြောင်းလဲနိုင်မည့် နည်းလမ်း မရှိတော့။</p> <p>[သိပ်မကြာခင်တွင် ပျက်စီးခြင်း ဇာတ်ဝင်ခန်း စတင်ပါတော့မည်။]</p> <p>[‘ပြင်ပနတ်ဘုရား’ က တိုက်ခိုက်ရန် ပြင်ဆင်နေပါသည်။]</p> <p>[ဇာတ်ဝင်ခန်းတွင် မပါဝင်သူများ အားလုံးသည် ဇာတ်ဝင်ခန်းနယ်မြေမှ အမြန်ဆုံး ထွက်ခွာသွားသင့်ပါပြီ။]</p> <p>ကောင်းကင်ယံမှနေ၍ စနစ်မက်ဆေ့ချ်များ ထွက်ပေါ်လာခဲ့ပြီး နဂါးပြာရဲတိုက်ကြီးအတွင်း အုတ်အော်သောင်းနင်း စတင်ဖြစ်လာခဲ့ တော့သည်။</p> <p>"ရူးချင်စရာပဲ။ အဲ့ဒါက ဘာကြီးလဲ"</p> <p>"မြန်မြန် ထွက်ပြေးကြတော့"</p> <p>အခြားသော ဇာတ်ဝင်ခန်းများနှင့် မတူဘဲ ‘မဟာပျက်စီးခြင်း’ ဇာတ်ဝင်ခန်းတွင် ပါဝင်ခြင်း သို့မဟုတ် မပါဝင်ခြင်းကို ရွေးချယ်နိုင်ခွင့် ရှိသည်။ ကျနော်တို့ကဲ့သို့သော ကိုယ်စားလှယ်များမှာ ထိုနယ်မြေမှ အလျင်အမြန်ပင် ထွက်ခွာသွားကြသည်။ သိုင်းကျမ်းများ ပါဝင်သော ဖိုင်များကို ရောင်းချနေကြသည့် ကုန်သည်များနှင့် နဂါးပြာရဲတိုက်၏ သိုင်းပညာရှင်များပင်လျှင်... မိုးကောင်းကင်တွင် မဟာတွင်းနက်ကြီး ပေါ်လာသည်နှင့်တစ်ပြိုင်နက် သူတို့၏ မျက်နှာအမူအရာများမှာ ပြောင်းလဲသွားခဲ့ကြသည်။ ဤတည်ရှိမှုကြီး၏ ရှေ့မှောက်တွင် ‘အရည်အချင်းရှိသူ’ နှင့် ‘အရည်အချင်းမရှိသူ’ ဟူသော အယူအဆမှာ အဓိပ္ပာယ်မဲ့သွားခဲ့ရသည်။</p> <p>"ဘာတွေ ဖြစ်ကုန်တာလဲ..."</p> <p>ဂျန်ဟာယောင်း နှင့် ဟန်မြုံအို တို့မှာ  ခြံဝင်းထဲသို့ ပြေးထွက်လာခဲ့ကြသည်။</p> <p>"ငါတို့ ဒီနေရာကနေ ထွက်သွားရမယ်။ အမြန် ပြင်ဆင်ကြတော့"</p> <p>"ဟင်..."</p> <p>ဂျန်ဟာယောင်း က မိုးကောင်းကင်ကို လက်ညှိုးထိုးပြရင်း အသက်ရှူမှားသွားခဲ့သည်။</p> <p>မဟာတွင်းနက်ကြီး ဆီမှနေ၍ ရေသတ္တဝါတို့၏ နှာမောင်းသဏ္ဍာန် အမျှင်တန်းများစွာမှာ ဖြာထွက်လာနေခဲ့သည်။ ထိုအရာမှာ ကျနော် ငြိမ်းချမ်းမြေ နှင့် မဟူရာရဲတိုက် တို့တွင် ကြုံတွေ့ခဲ့ဖူးသော ပြင်ပနတ်ဘုရား သေချာလှသည်။</p> <p>[ငါ က သက် ရှိ သတ္တ ဝါ တွေ ရဲ့ ဒီ ဇာတ် လမ်း ကို ရှာ ဖွေ စူး စမ်း မယ်]</p> <p>ထိုစကားလုံးများကြားတွင် ပျံ့နှံ့နေသော ကြောက်မက်ဖွယ်ကောင်းသည့် တည်ရှိမှုကြောင့် ကျနော် လွှမ်းမိုးခြင်းကို ခံလိုက်ရသည်။ ဧရာမ အလိုလောဘကြီးမှာ ထွက်ပြေးနေကြသော လူများကို လဲပြိုသွားစေပြီး ကြောက်လန့်တကြားဖြစ်စေခဲ့သည်။</p> <p>"အားးးးးး"</p> <p>စစ်မှန်သောအသံကြောင့်တင် စိတ်ဝိညာဉ်ကို ထိခိုက်ပျက်ပြား သွားစေသည်အထိ ကစဉ့်ကလျားဖြစ်ကုန်ကြသည်။  ယူဂျွန်ဟော့ မည်မျှပင် အားကောင်းနေပါစေ ထိုကဲ့သို့သော ပုဂ္ဂိုလ်တစ်ဦးကို ရင်ဆိုင်ရန်မှာတော့ လုံးဝ မဖြစ်နိုင်သည်မှာ အမှန်ပင်။ အားနည်းသော မျိုးစိတ်ပြင်ပသတ္တဝါ တစ်ကောင်သည်ပင်လျှင် နက္ခတ်များကို နင်းခြေနိုင်သော စွမ်းအား ရှိ၏။ ကျနော် စိတ်ကူးစားသုံးသူ နှင့် ရင်ဆိုင်ခဲ့စဉ်ကလို Fourth Wall ကို အသုံးပြုပြီး အခွင့်အရေးရရန် မျှော်လင့်ဖို့ရာမှာလည်း ခက်ခဲလှသည်။</p> <p>[ပျက်စီးခြင်း ဇာတ်ဝင်ခန်း စတင်ရန် မိနစ် ၃၀ သာ လိုပါတော့သည်။]</p> <p>ကျနော်တို့ ဤနေရာမှနေ၍ ထွက်ပြေးရမည် ဖြစ်သည်။ ထိုသို့ ထွက်ပြေးခြင်းကသာ ပို၍ ကောင်းမွန်သော ရွေးချယ်မှု ဖြစ်နိုင်ပေလိမ့်မည်။</p> <p>"ကောင်းကင်ဖြိုခွင်းဓါးသူတော်စင်"</p> <p>ကျနော်သည် ကောင်းကင်ဖြိုခွင်းဓါးသူတော်စင် ကို စိုက်ကြည့်လိုက်ရာ ဓါးသူတော်စင်ကလည်း ကျနော့်ကို ပြန်လည် ကြည့်ရှုနေခဲ့သည်။ သူ၏အမူအရာမှာ မည်သို့မျှ မှန်းဆ၍မရနိုင်သော မျက်နှာအမူအရာမျိုး ဖြစ်နေလေသည်။</p> <p>「 ကောင်းကင်ဖြိုခွင်းဓါး နမ်ဂွန်မင်းယောင်း အတွက်တော့ ပထမဆုံးသိုင်းလောက က သူ့ရဲ့ အိမ်ပဲ ဖြစ်ခဲ့တယ် 」</p> <p>ကျနော် သိထားသမျှမှာ Ways of Survival ထဲတွင် ရေးသားထားသော စာကြောင်းများသာ ဖြစ်သည်။</p> <p>ထိုစာကြောင်းများအရဆိုလျှင် ကောင်းကင်ဖြိုခွင်းဓါးသူတော်စင် အနေဖြင့် ဤနေရာကို ကာကွယ်ရမည့် အကြောင်းရင်း မရှိချေ။</p> <p>「 ဒါပေမဲ့ လူတိုင်းကတော့ သူတို့ရဲ့ 'အိမ်' ကို မနှစ်သက်ကြတာ အမှန်ပဲ 」</p> <p>ကောင်းကင်ဖြိုခွင်းဓါးသူတော်စင်အတွက်တော့ ပထမဆုံး သိုင်းလောက ဆိုသည်မှာ အကျင့်ပျက်ခြစားနေသော ကမ္ဘာကြီးတစ်ခု၏ မွေးဖွားရာနေရာသာ ဖြစ်သည်။ ထိုနေရာမှာ အသိအမှတ်ပြုမှုများနှင့် ဂရုဏာတရားများ ဆုံးရှုံးနေခဲ့ပြီဖြစ်သော ကမ္ဘာကြီးတစ်ခုသာ ဖြစ်သည်။</p> <p>「 ပထမဆုံးသိုင်းလောကကြီး မပျက်စီးခင်ကတည်းက သိုင်းလောက ဆိုတာ ပျက်စီးနေခဲ့ပြီးသားပါ 」</p> <p>ထို့ကြောင့် ကောင်းကင်ဖြိုခွင်းဓါးသူတော်စင် အနေဖြင့် ဤနေရာတွင် ဆက်လက် ရှိနေရမည့် အကြောင်းရင်း မရှိချေ။ ပထမဆုံးသိုင်းလောကကြီးမှာ ပျက်သုဉ်းသွားပေတော့မည်။ အတိအကျ ပြောရမည်ဆိုပါက ပထမဆုံးသိုင်းလောကကြီးမှာ ပျက်သုဉ်းသွားရမည်သာ ဖြစ်သည်။</p> <p>"ဆရာ"</p> <p>ယူဂျွန်ဟော့ ၏ အသံက ကျနော်တို့ကို ထွက်ခွာသွားရန် တိုက်တွန်းနေခဲ့သည်။</p> <p>သို့ဆိုလျှင် ကောင်းကင်ဖြိုခွင်းဓါးသူတော်စင် က ဘာဖြစ်လို့ မလှုပ်မယှက် ရှိနေရသနည်း။ ဓါးသူတော်စင်သည် တောင်ကြီးတစ်လုံးကဲ့သို့ မတ်တတ်ရပ်နေပြီး မျက်နှာချင်းဆိုင် လမ်းမဆီသို့ တိတ်ဆိတ်စွာ စိုက်ကြည့်နေခဲ့သည်။</p> <p>ရဲတိုက်ကြီး၏ မြို့တော်အတွင်း၌ ဆူပူအုံကြွမှုများနှင့် စွန့်ခွာထွက်ပြေးမှုများကြောင့် ရုန်းရင်းဆန်ခတ် ဖြစ်နေခဲ့သည်။ ထိုစဉ်မှာပင် လူတစ်စု ချဉ်းကပ်လာနေသည်ကို ကျနော် တွေ့လိုက်ရသည်။ သူတို့မှာ အဆင့်ကျော်လွန်ဖို့ မျှော်လင့်နေကြသူများ သို့မဟုတ် အဆင့်ကျော်လွန်ခြင်းကို တွေ့ကြုံဖူးကြသူများ ဖြစ်ကြ၏။</p> <p>သူတို့၏ ခန္ဓာကိုယ်များမှ ထွက်ပေါ်နေသော ငယ်ရွယ်နုပျိုသည့် စွမ်းအင်လှိုင်းများကို ကျနော် ခံစားမိလိုက်ပြီး သူတို့ မည်သူမည်ဝါ ဖြစ်သည်ကို သတိပြုမိသွားခဲ့သည်။</p> <p>"ကောင်းကင်ဖြိုခွင်းဓါးသူတော်စင်။ မတွေ့ရတာ ကြာပြီနော်"</p> <p>နဂါးပြာရဲတိုက်ကြီး၏ အင်အားကြီး ဂိုဏ်းခွဲများမှ ခေါင်းဆောင်များမှာ ကောင်းကင်ဖြိုခွင်းဓါးသူတော်စင် ထံသို့ လာရောက် ဂါရဝပြုကြခြင်း ဖြစ်ပေသည်။</p> <p> </p> <p> </p> <p>သူတို့ ဘာဖြစ်လို့ ဒီနေရာကို ရောက်လာကြသလဲဆိုတာ ခန့်မှန်းရသိပ်မခက်လှပေ။ ပြင်ပနတ်ဘုရားသည် သိုင်းလောက သို့ ရောက်ရှိလာခဲ့ပြီဖြစ်ပြီး ပျက်စီးခြင်းမှာလည်း သတ်မှတ်ထားပြီးသား ဖြစ်နေခဲ့သည်။</p> <p>သိုင်းလောက မပျက်စီးမီအချိန်တွင် တုံ့ပြန်မှု နှစ်မျိုးသာ ရှိ၏။ ထွက်ပြေးခြင်း သို့မဟုတ် တိုက်ခိုက်ခြင်း ပင် ဖြစ်သည်။</p> <p>ဆုံးရှုံးစရာ သိပ်မရှိလှသူများမှာ ထွက်ပြေးကြပေလိမ့်မည်၊ သို့သော်လည်း ဤနေရာတွင် အချိန်အတော်ကြာ အခြေချနေထိုင်ခဲ့ကြသော ကိုယ်စားလှယ်များမှာမူ ထိုသို့ မဟုတ်ကြပေ။ သူတို့သည် အင်အားစုများကို တည်ထောင်ခဲ့ကြပြီး စည်းစိမ်ဥစ္စာများကို စုဆောင်းကာ ဇာတ်လမ်းများကို ဖန်တီးခဲ့ကြသည်။ သူတို့သည် နယ်ပယ်တစ်ခု၏ အာဏာအရှိဆုံး အထွတ်အထိပ်သို့ ရောက်ရှိနေခဲ့ကြသူများ ဖြစ်သည်။</p> <p>"ကောင်းကင်ဖြိုခွင်းဓါးသူတော်စင်။ ကျနော်တို့ ခင်ဗျားရဲ့ အကူအညီ လိုအပ်ပါတယ်"</p> <p>ထိုသူတို့မှာ ကျူးကော့မိသားစု၊ မုယုံမိသားစု၊ စီချွမ်ထန်မန်ကျောင်း၊ ဟွမ်ဘိုမိသားစု နှင့် နမ်ဂွန်မိသားစု တို့ ဖြစ်ကြသည်။</p> <p>ပထမဆုံးသိုင်းလောက ၏ အဓိက အင်အားကြီး ငါးခုမှ ခေါင်းဆောင်များ စုဝေးမိကြခြင်းဖြစ်ပြီး ဤသည်က သိုင်းလောက တစ်ခုလုံးတွင် ဖြစ်တောင့်ဖြစ်ခဲ အခြေအနေတစ်ခုပင် ဖြစ်ပေလိမ့်မည်။ သူတို့၏ နောက်ကွယ်တွင်တော့ အခြားသော ဂိုဏ်းကြီးများ၏ အကြီးအကဲများ ရှိနေကြသည်။</p> <p>" တောင်းဆိုပါတယ်၊ သိုင်းလောက အတွက် ခင်ဗျားရဲ့ အင်အားကို အသုံးပြုပေးပါ"</p> <p>နမ်ဂွန်မင်းယောင်းက လက်သီးများကို တင်းတင်းဆုပ်လိုက်ပြီး ပြန်ဖြေသည်။</p> <p>"ငါ့ရဲ့ အင်အားကို လိုအပ်တယ် ဟုတ်လား…"</p> <p>အေးစက်လှသော အသံကြောင့် ထင်ရှားကျော်ကြားလှသော မိသားစုများမှ ခေါင်းဆောင်အချို့မှာ နောက်သို့ တွန့်ဆုတ်သွားခဲ့ကြသည်။ အမြန်ဆုံး တုံ့ပြန်လာသူမှာ ကျူးကော့မိသားစု၏ ခေါင်းဆောင်ပင် ဖြစ်သည်။</p> <p>"ကျေးဇူးပြုပြီး ကျနော်တို့ကို ကူညီပေးပါ။ ကျနော် တောင်းဆိုနေတာပါ"</p> <p>သူတို့ ဘာဖြစ်လို့ ဒီလိုမျိုး ထွက်လာကြသလဲဆိုတာ ကျနော် နားလည်ပေသည်။ ဤနယ်မြေတွင် အကောင်းဆုံး သိုင်းပညာရှင်ဖြစ်သော နှင်းပန်းနတ်ဘုရားမပင်လျှင် ကောင်းကင်ဖြိုခွင်းဓါးသူတော်စင် ၏ တပည့်ဖြစ်သူလက်ထဲတွင် ရှုံးနိမ့်သွားခဲ့ရသည်။ ထို့အပြင် စွမ်းရည်ချင်းမှာလည်း အဆမတန် ကွာခြားလှလေသည်။</p> <p>သိုင်းပြိုင်ပွဲ၏ သက်ရောက်မှုမှာ လွယ်ကူသော လမ်းကြောင်းအတိုင်း လျှောက်လှမ်းနေခဲ့ကြသည့် မရေမတွက်နိုင်သော သိုင်းပညာရှင်များကို သတိပေးနှိုးဆော်လိုက်ခြင်း ဖြစ်ပေလိမ့်မည်။ ယူဂျွန်ဟော့ သည် ဆင်းသက်လာသော နက္ခတ် တစ်ပါးကိုပင် အနိုင်ယူနိုင်သည့် စွမ်းအားကို ပြသခဲ့၏။</p> <p>သိုင်းပညာရှင်အိုကြီးများသည် ရှေးဟောင်း အဆင့်ကျော်လွန်ခြင်း လမ်းစဉ်ကို လွမ်းဆွတ်တမ်းတနေကြချိန်တွင် လာရောက် လည်ပတ်ကြသော စွန့်စားသူများမှာလည်း အထွတ်အထိပ်သို့ ရောက်ရှိခဲ့ကြသူများကို သတိရသွားစေခဲ့သည်။</p> <p>" ဘိုးဘေးကြီး၊ ကျေးဇူးပြုပြီး ခင်ဗျားရဲ့ မျိုးဆက်တွေကို ကူညီပေးပါ"</p> <p>နောက်ဆုံးတွင်တော့ စကားပြောလာသူမှာ ကောင်းကင်ဖြိုခွင်းဓါးသူတော်စင် နမ်ဂွန်မင်းယောင်း နှင့် မျိုးနွယ်တူဖြစ်သော နမ်ဂွန်မိသားစုဝင် တစ်ဦး ဖြစ်သည်။</p> <p>ထိုသူမှာ ခက်ထန်သော မျက်နှာထားရှိသည့် လူလတ်ပိုင်း အသက်အရွယ်ရှိသော အမျိုးသားတစ်ဦး ဖြစ်သည်။ သူကတော့ မိစ္ဆာဆယ်ပါး ထဲက တစ်ဦးဖြစ်သည့် နမ်ဂွန်ဂျင်ချွန်း ဖြစ်ပေလိမ့်မည်။ တစ်ဝက်သာ ရှိလောက်မည်ဖြစ်နိုင်သော်လည်း သူ၏ မိသားစု သွေးမှာ ကောင်းကင်ဖြိုခွင်းဓါးသူတော်စင် ၏ ကိုယ်ထဲတွင်လည်း စီးဆင်းနေခဲ့သည်။ ထိုအကြောင်းကြောင့် ကောင်းကင်ဖြိုခွင်း ဓါးသူတော်စင် ၏ မျက်လုံးများမှာ တုန်လှုပ်သွားခဲ့ရသည်။</p> <p>ကျနော်သည် ဆက်လက်၍ ကြည့်မနေနိုင်တော့ဘဲ ရှေ့သို့ ထွက်လာခဲ့သည်။</p> <p>"ရယ်စရာကောင်းလိုက်တာ။ အရင်တုန်းက ကောင်းကင်ဖြိုခွင်းဓါးသူတော်စင် ကို စွန့်ပစ်ခဲ့ကြတာ ခင်ဗျားတို့ မဟုတ်ဘူးလား"</p> <p>ပုံမှန်ဆိုလျှင်တော့ သူတို့၏ ခံစားချက်များအပေါ် အခွင့်အရေးယူပြီး ကျနော် လုပ်ဆောင်မိပေလိမ့်မည်။ သူတို့ကို ကျနော်နှင့်အတူ မိစ္ဆာဘုရင် ရွေးချယ်ပွဲ ဆီသို့ ခေါ်ဆောင်သွားနိုင်မည့် နည်းလမ်းကို ကျနော် ကြံဆမိပေလိမ့်မည်။ သို့သော်လည်း ယခုအချိန်တွင် ကောင်းကင်ဖြိုခွင်းဓါးသူတော်စင် က ပို၍ အရေးကြီးနေခဲ့သည်။</p> <p>"ဝမ်းနည်းစရာကောင်းတာကတော့ နက္ခတ်တွေနဲ့ ဒိုကဲဘီတွေ ဒီနေရာကို ပထမဆုံးအကြိမ် လာရောက်လည်ပတ်တုန်းက ခင်ဗျားတို့ လုပ်ခဲ့တာတွေကို ခင်ဗျားတို့အကုန်လုံး မေ့နေကြတာပဲ"</p> <p>"ဘာ… မင်းက ဘယ်သူလဲ"</p> <p>ကျနော့်စကား၏ တကယ့်အဓိပ္ပာယ်ကို နားလည်သွားပြီးနောက် မိသားစုခေါင်းဆောင်အချို့၏ မျက်နှာအမူအရာများမှာ ပြောင်းလဲသွားခဲ့ကြသည်။ သူတို့လည်း သတိရသွားကြခြင်း ဖြစ်ကောင်းဖြစ်နိုင်ပေသည်။ သိုင်းလောက ၏ ထိပ်ဆုံးတွင် စိုးမိုးခဲ့သော ကောင်းကင်ဖြိုခွင်းဓါးသူတော်စင် သည် ဘာဖြစ်လို့ ပြိုလဲနေသော နယ်မြေတစ်ခုတွင် သိုင်းသင်တန်းကျောင်း ဖွင့်လှစ်ခဲ့ရသနည်း။</p> <p>ယူဂျွန်ဟော့ သည် အခြေအနေများကို သိရှိထားသဖြင့် ကျနော့်စကားများကြောင့် သူ၏ နှုတ်ခမ်းကို ကိုက်လိုက်သည်။ ကောင်းကင်ဖြိုခွင်းဓါးသူတော်စင် နမ်ဂွန်မင်းယောင်း ၏ မျက်နှာအမူအရာမှာ ပျက်ယွင်းသွားခဲ့ပြီး သူ၏ သူရဲကောင်းဆန်သော စိတ်ဓါတ်များမှာလည်း ရပ်တန့်သွားခဲ့ရသည်။</p> <p>သူ့အနေဖြင့် စိတ်လှုပ်ရှားသွားခြင်းကို ကျနော် အပြစ်မတင်နိုင်ချေ။ သူသည် ဂုဏ်ဒြပ် သို့မဟုတ် အကျိုးမရှိသော လောဘရမ္မက်များကို မလိုက်စားခဲ့။ ထို့ကြောင့်ပင် သူသည် သိုင်းလောက သားများ၏ အသုံးချခြင်းကို ခံခဲ့ရပြီး နောက်ဆုံးတွင် ဤနေရာ၌ စွန့်ပစ်ခြင်း ခံခဲ့ရသည်။ ပြိုလဲနေသော သိုင်းလောက ၏ သင်္ကေတတစ်ခုအနေဖြင့် ထင်ရှားကျော်ကြားသော မိသားစုများသည် သူ့ကို ဤနေရာတွင် ထားရစ်ခဲ့ကြပြီး သူတို့ကိုယ်ပိုင် ရဲတိုက်များကို တည်ဆောက်ခဲ့ကြသည်။</p> <p>"နမ်ဂွန်မိသားစုရဲ့ သခင်၊ ခင်ဗျားအတွက်လည်း အတူတူပါပဲ။ ဘိုးဘေးကြီး တဲ့လား… ခင်ဗျားတို့ ကောင်းကင်ဖြိုခွင်းဓါးသူတော်စင်ကို အရင်တုန်းက အဲဒီလို တစ်ခါမှ မခေါ်ခဲ့ဖူးပါဘူးနော်၊ ဟုတ်တယ်မလား"</p> <p>"ဒါ… ဒါကတော့"</p> <p>"ခင်ဗျားတို့မှာသာ အသိတရားရှိမယ်ဆိုရင် ဒီနေရာကို ရောက်လာကြမှာ မဟုတ်ဘူး။ ခင်ဗျားတို့က သတ္တိရှိတာလား ဒါမှမဟုတ် မိုက်မဲတာလားတော့ ကျနော် မသိဘူး။ ကောင်းကင်ဖြိုခွင်းဓါးသူတော်စင် က ခင်ဗျားတို့ရဲ့ နမ်ဂွန်မိသားစုဆီကနေ ဘာဖြစ်လို့ ခွဲထွက်လာခဲ့ရသလဲဆိုတာ မသိကြဘူးလား"</p> <p>ဧရာမနတ်ဘုရားတစ်ပါးနှင့် လူသားတစ်ဦးတို့ကြားမှ မွေးဖွားလာခဲ့သည့် ကလေးငယ်တစ်ဦး။ ကောင်းကင်ဖြိုခွင်းဓါးသူတော်စင် ကြီးပြင်းလာစဉ်အတွင်း ကြုံတွေ့ခဲ့ရသော အခက်အခဲများကို ကျနော်က အခြားသူများထက် ပို၍ ကောင်းမွန်စွာ သိရှိထားသည်၊ ယူဂျွန်ဟော့ ထက်ပင် ပို၍ သိကောင်းသိပေလိမ့်မည်။</p> <p>「 အမျိုးသမီးတစ်ယောက်က ဘယ်လိုလုပ်ပြီး…」</p> <p>「 ဒါက ဧရာမနတ်ဘုရားတွေရဲ့ ကျိန်စာသင့်သွေး ပဲ 」</p> <p>ကောင်းကင်ဖြိုခွင်းဓါးသူတော်စင် သည် သံသယဖြစ်ဖွယ် မျက်နှာထားမျိုး ပြုလုပ်လိုက်သည်။ ဤအရာများကို ကျနော် ဘာဖြစ်လို့ သိနေရသနည်းဟု သူ သိချင်နေပေလိမ့်မည်။ ပုံမှန်ဆိုလျှင်တော့ ထိုသို့မေးမြန်းလိုခြင်းမှာ အန္တရာယ်ရှိနိုင်သော ကိစ္စဖြစ်လောက်သော်လည်း ယခုအချိန်တွင်တော့ ကျနော့်အတွက် အကျိုးရှိစေသည်။ ကောင်းကင်ဖြိုခွင်း ဓါးသူတော်စင် သည် ဤမေးခွန်း၏အဖြေကို သိနိုင်ရန်အတွက် ကျနော့်နောက်သို့ လိုက်ပါလာပေလိမ့်မည်။</p> <p>"မင်းက ဘာတွေ သိနေလို့လဲ…"</p> <p>"ပါးစပ်ပိတ်ထားစမ်း! ကောင်းကင်ဖြိုခွင်းဓါးသူတော်စင်၊ ဒီလူက ဘယ်သူလဲ"</p> <p>စိတ်လှုပ်ရှားနေသော မိသားစုခေါင်းဆောင်များက ကျနော့်ကို ခြိမ်းခြောက်ရန် ချဉ်းကပ်လာခဲ့ကြသဖြင့် ယူဂျွန်ဟော့ က မဟူရာကောင်းကင်မိစ္ဆာဓါး ကို မြှောက်လိုက်သည်။ ထိုသို့ ခြိမ်းခြောက်ခြင်းမှာ ကောင်းမွန်သော ကိစ္စတစ်ခု ဖြစ်သည်။ အကယ်၍ ဤနေရာတွင် ပဋိပက္ခတစ်ခု ဖြစ်ပွားခဲ့လျှင် ကျနော်တို့ ဤနေရာမှနေ၍ အေးအေးဆေးဆေး ထွက်ခွာသွားနိုင်ပေလိမ့်မည်။</p> <p>ဒေါသထွက်နေသော ယူဂျွန်ဟော့ တိုက်ခိုက်ခြင်း မပြုနိုင်မီမှာပင် ကျူးကော့မိသားစု၏ ခေါင်းဆောင်က ရုတ်တရက် မြေပြင်ပေါ်သို့ လဲကျသွားခဲ့သည်။</p> <p>"ကောင်းကင်ဖြိုခွင်းဓါးသူတော်စင်၊ ကျနော် အဲဒီတုန်းက မှားယွင်းမှုတွေကို ပြန်လည် ဆင်ခြင်နေပါတယ်။ ကျနော်တို့ရဲ့ လုပ်ရပ်တွေကို ပြန်ပြင်လို့ မရဘူးဆိုတာကိုလည်း နားလည်ပါတယ်"</p> <p>...သောက်ကျိုးနည်း၊ ဒီလောကထဲမှာ အခြေအနေပေါ်လိုက်ပြီး လုပ်တတ်တဲ့လူတော်တွေ ရှိနေသေးတာပဲ။</p> <p>အခြားသော မိသားစုခေါင်းဆောင်များမှာ ကျူးကော့ခေါင်းဆောင်၏ လုပ်ရပ်ကြောင့် အံ့အားသင့်သွားခဲ့ကြသည်။ ကျူးကော့မိသားစု၏ ခေါင်းဆောင်သည် ကောင်းကင်ဖြိုခွင်းဓါးသူတော်စင် ထံသို့ စိတ်ပျက်အားလျော့နေသော မျက်နှာထားဖြင့် တောင်းပန်နေခဲ့သည်။ သူ၏တောင်းပန်နေပုံမှာ သိုင်းလောက ၏ နတ်ဘုရားထံ ဆုတောင်းနေသကဲ့သို့ပင် ဖြစ်သည်။</p> <p>"ခင်ဗျားသာ မကူညီဘူးဆိုရင် ပထမဆုံးသိုင်းလောကကြီး ပျက်စီးသွားပါလိမ့်မယ်…"</p> <p>သူသည် နတ်ဘုရားတစ်ပါး၏ ဂရုဏာတရားကို အချိန်မရွေး တောင်းခံနိုင်သော်လည်း သူ၏ ယုံကြည်ခြင်းကိုလည်း အချိန်မရွေး စွန့်ပစ်ရန် အသင့်ရှိနေသော တပည့်တစ်ဦးသာ ဖြစ်သည်။</p> <p>ထိုစဉ် သိုင်းလောက ၏ နတ်ဘုရားက ပြန်လည် တုံ့ပြန်ခဲ့သည်။</p> <p>"တစ်ချိန်တုန်းကတော့ သစ်ပင်ငယ်လေးတွေ အတူတူ စုစည်းမိကြပြီး တောအုပ်ကြီးတစ်ခု ဖြစ်လာခဲ့ကြတယ်"</p> <p>ကျူးကော့မိသားစု၏ ခေါင်းဆောင်သည် မျှော်လင့်မထားသော စကားများကို ကြားလိုက်ရပြီးနောက် ကောင်းကင်ဖြိုခွင်း ဓါးသူတော်စင် ကို မော့ကြည့်လိုက်သည်။</p> <p>"အခုတော့ သစ်ပင်ငယ်လေးတွေက အမြစ်ကနေ ပြုတ်ထွက်ကုန်ကြပြီး နယ်မြေကို သိမ်းပိုက်ထားကြတဲ့ သစ်ပင်ကြီး အနည်းငယ်ကသာ သူတို့ရဲ့ သစ်ကိုင်းတွေနဲ့ ကောင်းကင်ယံကို ဖုံးအုပ်ထားကြတော့တယ်"</p> <p>ကောင်းကင်ဖြိုခွင်းဓါးသူတော်စင် က နဂါးပြာရဲတိုက်ကြီးကို တုံဏှေဘာဝိဖြစ်နေသော မျက်နှာထားမျိုးဖြင့် စိုက်ကြည့်လိုက်သည်။ ထင်ရှားကျော်ကြားသော မိသားစုများ၏ အိမ်ရာများမှ အဆောက်အဦးထိပ်ချွန်များမှာ တံတိုင်းများထက် ပို၍ မြင့်မားနေခဲ့ကြသည်မှာ ကောင်းကင်ဘုံကို ကိုယ်စားပြုပြီး မြို့သူမြို့သားများကို ငုံ့ကြည့်နေကြသကဲ့သို့ပင် ဖြစ်သည်။ ထိုစဉ်မှာပင် ကောင်းကင်ဖြိုခွင်းဓါးသူတော်စင် ၏ စကားများကို ကျနော် နားလည်သွားခဲ့သည်။</p> <p>"သစ်ရွက်တွေနဲ့ သစ်ကိုင်းတွေကတော့ အများကြီးပါပဲ၊ ဒါပေမဲ့ အခုတော့ သစ်ပင် အနည်းငယ်ပဲ ကျန်တော့တယ်။ နင်တို့တွေက ဘာတွေတွေးနေတာလဲ။ ဒါကို အခုထိ တောအုပ်လို့ ခေါ်နိုင်သေးရဲ့လား"</p> <p>သိုင်းလောက သည် လွန်ခဲ့သော အချိန်အတော်ကြာကတည်းက သေဆုံးနေခဲ့ပြီးသား ဖြစ်သည်။ ကောင်းကင်ဖြိုခွင်းဓါးသူတော်စင် က သေဆုံးခဲ့ပြီးဖြစ်ကြောင်းကို ယခုလေးတင် ကြေညာလိုက်ခြင်း ဖြစ်သည်။</p> <p>"သွားကြစို့"</p> <p>သိုင်းလောက ၏ နတ်ဘုရားသည် ကျောခိုင်းလိုက်ပြီး ဤကမ္ဘာကြီးကို စွန့်ပစ်လိုက်လေပြီ။ အခြေအနေကို ကျနော် မျှော်လင့်ထားသည်ထက် ပို၍ လွယ်ကူစွာ ဖြေရှင်းနိုင်ခဲ့ပုံရသည်။ ကျနော် ကျေနပ်သွားခဲ့ပြီး ကောင်းကင်ဖြိုခွင်းဓါးသူတော်စင် ၏ နောက်သို့ လိုက်ပါသွားခဲ့သည်။ ယူဂျွန်ဟော့ က ကျနော့်ကို စောင့်ကြည့်နေချိန်တွင် ဂျန်ဟာယောင်းနှင့် ဟန်မြုံအို တို့မှာ ပေါက်စီများကို စားရင်း အလျင်အမြန်ပင် ပစ္စည်းများကို သိမ်းဆည်းနေခဲ့ကြ၏။</p> <p>ထိုခဏတွင် ထူးဆန်းသော စနစ်မက်ဆေ့ချ်တစ်ခု ထွက်ပေါ်လာခဲ့သည်။</p> <p>[သင်၏ လုပ်ဆောင်ချက်များသည် --၏ ဦးတည်ရာအပေါ် နက်ရှိုင်းသော သက်ရောက်မှု ရှိခဲ့သည်။]</p> <p>...ဘာလဲဟ</p> <p>[‘ဒုတိယအကြိမ် ပြင်ဆင်မှု’ Update စတင်ပါတော့မည်။]</p> <p> </p> <p> </p> <p style="text-align: center;">***</p>


Save