Book List

<h2 style="text-align: center;">အခန်း ၄၆၁</h2> <h2 style="text-align: center;">လုရီဖျင်၏ တာအိုခန္ဓာကိုယ်</h2> <h2 style="text-align: center;">*</h2> <p>ချောင်းနယ်ပယ်အတွင်းရှိ ဂိုဏ်းစွယ်အားလုံး၊ မိသားစုအားလုံးနှင့် အင်အားစုအားလုံးတို့သည် လုရီဖျင် နှင့် လုံချိန်တို့၏ စွမ်းအင်ဖိအားအောက်တွင် တုန်လှုပ်ချောက်ခြားနေကြရသည်။ ၎င်းတို့ထဲတွင် လုမိသားစုဝင် အားလုံးလည်း ပါဝင်‌ေပသည်။</p> <p> </p> <p>လုမိသားစု၏ ဘိုးဘေးများဖြစ်ကြသော လုခုံ၊ လုယုံကျီ  နှင့် လုပင်း တို့သည်လည်း လုရီဖျင်ထံမှရရှိသည့်  စွမ်းအားရိုက်ခတ်မှုကြောင့် မျက်နှာများ ဖြူဖျော့ကာ ခြေဖျားလက်ဖျားများ တောင့်တင်းပြီး အသက်ရှူရန်ပင် ခက်ခဲနေကြသည်။</p> <p> </p> <p>“ဘယ်လောက်တောင် ကြာသွားပြီလဲ” လုခံုက လုမိသားစုခေါင်းဆောင် လုဂန်းကို တုန်တုန်ရင်ရင်ဖြင့် မေးလိုက်သည်။ လုရီဖျင်နှင့် လုံချန်းတို့ တိုက်ခိုက်နေသည်မှာ မည်မျှကြာသွားပြီနည်းဟု မေးခြင်းဖြစ်သည်။</p> <p> </p> <p>“တစ်ရက်နဲ့ တစ်ညရှိ‌ေနပါပြီ” ဟု လုဂန်းက ဖြေလိုက်သည်။ သူကိုယ်တိုင်ပင် အချိန်အတိအကျကို မပြောနိုင်သော်လည်း တစ်ရက်နှင့် တစ်ညခန့် ရှိပြီဟု ခန့်မှန်းမိသည်။</p> <p>ယခင်က လုခံုအနေဖြင့် လုရီဖျင်ကို သတ်ဖြတ်ရန်မှာ အသက်ရှူသ‌ေလာက်အချိန်တွင်း ပြီးမြောက်သွားလိမ့်မည်ဟု ၎င်းတို့ ထင်မှတ်ခဲ့ကြသော်လည်း ယခုတိုက်ပွဲသည် တစ်ရက်နှင့် တစ်ညအထိ ကြာမြင့်သွားလိမ့်မည်ဟု မမျှော်လင့်ထားခဲ့ကြပေ။</p> <p> </p> <p>ရက်နှင့်ညများ ကုန်ဆုံးသွားသော်လည်း လုရီဖျင်သည် သေဆုံးခြင်းမရှိသည့်အပြင် ပို၍ပင် သန်စွမ်း လန်းဆန်းနေပုံရပြီး တိုက်ပွဲပြင်းထန်လေ ပို၍ရဲရင့်လာလေ ဖြစ်နေခဲ့သည်။</p> <p> </p> <p>တိုက်ပွဲကြာလာသည်နှင့်အမျှ လုရီဖျင်၏ စွမ်းအင်လှိုင်းများမှာလည်း တဖြည်းဖြည်း မြင့်တက်လာနေ‌ေတာ့သည်။</p> <p>တစ်ရက်နှင့် တစ်ည ကုန်ဆုံးပြီးနောက် လုရီဖျင်၏ အသက်ရှူထုတ်လိုက်သည့် စွမ်းအားမှာပင် ယခင်ကထက် ဆယ်ပုံတစ်ပုံခန့် ပိုမိုအားကောင်းလာခဲ့သည်။</p> <p> </p> <p>အကြောင်းရင်းမှာ ၎င်းသည် သူတော်စင်ဧကရာဇ်ဘုရင် အထွတ်အထိပ်အဆင့်၏ ဆယ်ပုံတစ်ပုံ ဖြစ်နေသောကြောာင့်ဖြစ်သည်။</p> <p>တစ်ရက်နှင့် တစ်ည ကြာသွားပြီဟူသော လုဂန်း၏ စကားကို ကြားလိုက်ရသောအခါ လုခုံုနှင့် လုယုံကျီတို့၏ မျက်နှာများမှာ နောက်တစ်ကြိမ် ထပ်မံဖြူဖျော့သွားကြပြန်သည်။</p> <p> </p> <p>ယခင်က သွေးနတ်ဆိုးဘိုးဘေးသည် လုရီဖျင်ကို မိသားစုထံ ပြန်လည်ခေါ်ယူရန် တိုက်တွန်းခဲ့သော်လည်း ၎င်းတို့က လုရီဖျင်သည် လုံချိန်းနှင့်တိုက်ခိုက်ပါက သေချာပေါက် သေဆံုးသွားလိမ့်မည်ဟု ယုံကြည်ခဲ့ကြသည်။</p> <p>သို့သော် ယခုအခါ အမှားကြီး မှားသွားကြပြီဖြစ်သည်။</p> <p> </p> <p>၎င်းတို့၏ နှလုံးသားများ တုန်လှုပ်နေကြပြီး နောင်တများလည်း ရနေကြသည်။</p> <p>တာအိုဘိုးဘေးနယ်ပယ်နှင့် ယှဉ်နိုင်သော သူတော်စင်ဧကရာဇ်ဘုရင် အထွတ်အထိပ်အဆင့် တစ်ယောက်၏အစွမ်းမှာ မည်မျှပြင်းထန်နေမည်ကို   ၎င်းတို့ ကောင်းကောင်းနားလည်ကြသည်။</p> <p> </p> <p>တာအိုဘိုးဘေးနှင့် အဆင့်တူသည့်် ပါရမီရှင်မျိုးကို ၎င်းတို့ကိုယ်တိုင် မိသားစုမှ နှင်ထုတ်ခဲ့ကြမိလေသည်။</p> <p> </p> <p>လုယုံကျီက ခက်ခဲစွာဖြင့် ပြောလာခဲ့သည်။ “လုရီဖျင်ကတော့ သေချာပေါက် ရှုံးမှာပါ။ အရှင်လုံချိန်းက သူ့ရဲ့ အစွမ်းထက်ဆုံး နောက်ဆုံးပိတ် လျှို့ဝှက်ချက်ကို မသုံးသေးလို့ ဖြစ်ပါလိမ့်မယ်” သို့သော် ထိုစကားကို သူကိုယ်တိုင်ပင် မယုံကြည်နိုင်ပေ။</p> <p> </p> <p>တစ်ရက်နှင့် တစ်ည တိုက်ခိုက်နေခဲ့ကြပြီဖြစ်ရာ လုံချိန်းအနေဖြင့် အစွမ်းထက်ဆုံး ပညာရပ်များကို မသုံးဘဲ နေမည်မဟုတ်‌ေပ။</p> <p> </p> <p>ပတ်ဝန်းကျင်ရှိလူများ၏ ကြောက်ရွံ့မှု၊ ထိတ်လန့်မှု၊ မယုံကြည်နိုင်မှုနှင့် ရူးသွပ်မှု အမူအရာမျိုးစုံကြားတွင် လုရီဖျင် နှင့် လုံချိန်းတို့သည် တိုက်ခိုက်ရင်း ရွေ့လျားလာကြရာ ခနအတွင်း စကြဝဠာ၏ အစွန်အဖျား နယ်စပ်သို့ ရောက်ရှိလာခဲ့ကြသည်။</p> <p> </p> <p>ထိုတိုက်ပွဲအပြီးတွင် ချောင်းလောကသည် လူနှစ်ဦး၏ စွမ်းအားဒဏ်ကြောင့် ပျက်စီးယိုယွင်းသွားမည်ဖြစ်သည်။</p> <p>လုံချိန်း၏ မျက်နှာမှာ အလွန်ပင် ကြည့်ရဆိုးနေခဲ့ပြီဖြစ်သည်။</p> <p> </p> <p>သူသည် လူရီဖင်ကို စိုက်ကြည့်နေမိပြီး အတွေးမျိုးစုံဝင်နေခဲ့သည်။ သူသည် တာအိုဘိုးဘေးတစ်ဦး ဖြစ်ပါလျက် တစ်ရက်နှင့် တစ်ည တိုက်ခိုက်ပြီးသည်တိုင် သူတော်စင်ဧကရာဇ်ဘုရင် အထွတ်အထိပ်တစ်ယောက်ကို မသတ်နိုင်သေးပေ။</p> <p>လုရိိဖျင်အား ပြင်းထန်သော ဒဏ်ရာရအောင်ပင် မလုပ်နိုင်ခဲ့ချေ။</p> <p> </p> <p>လုရီဖျင်၏ ခန္ဓာကိုယ် ပြန်လည်ကုသနိုင်စွမ်းမှာ သူ၏ တာအိုဘိုးဘေး ခန္ဓာကိုယ်ထက်ပင် မနိမ့်ကျကြောင်း သူ တွေ့ရှိလိုက်ရသည်။</p> <p>သူတော်စင်ဧကရာဇ်ဘုရင်တစ်ယောက်၏ ခန္ဓာကိုယ် ပြန်လည်ကုသနိုင်စွမ်းသည် တာအိုဘိုးဘေးတစ်ယောက်နှင့် ရင်ပေါင်တန်းနိုင်နေခြင်းမှာ မယုံနိုင်စရာ ဖြစ်သော်လည်း ၎င်းက အမှန်တရားပင် ဖြစ်သည်။</p> <p> </p> <p>စကြဝဠာ နယ်စပ်ရှိ တစ်နေရာတွင် လုံချိန်းနှင့် လုရီဖျင်တို့ ရပ်တန့်လိုက်ကြသည်။ လုံချိန်းက လုရီဖျင်ကို အေးစက်စွာ စိုက်ကြည့်ရင်း “မင်းဆီမှာ ကမ္ဘာဦးအဆင့် ကျင့်စဉ်နှစ်မျိုးထိတောင် ရှိနေလိမ့်မယ်လို့ ငါမထင်ထားခဲ့ဘူး” ဟု ပြောလိုက်သည်။</p> <p> </p> <p>တစ်ခုမှာ ကံကောင်းခြင်း ကျောက်စိမ်းပြားမှ ဆင်းသက်လာသော ထာဝရရှင်သန်ခြင်းကျင့်စဉ် ဖြစ်ပြီး အခြားတစ်ခုမှာ ကမ္ဘာဦးသစ်ပင်မှ ရရှိ‌ေသာ မသေဆုံးနိုင်သည့် ကောင်းကင်သစ်သားကျင့်စဉ်ပင် ဖြစ်သည်။</p> <p> </p> <p>ထာဝရရှင်သန်းခြင်းကျင့်စဉ် ကြောင့် လုရီဖျင်၏ ပြန်လည်ကုသနိုင်စွမ်းမှာ လုံချိန်း၏ တာအိုခန္ဓာကိုယ်ထက် မနိမ့်ကျတော့ပေ။ ထို့ပြင် မသေဆံုးနိုင်‌ေသာ ကောင်းကင်သစ်သားကျင့်စဉ် နှင့်အတူ ချောင်းခေါင်းလောင်း၊ ကမ္ဘာဦးသစ်ပင် နှင့် ရွှမ်ဟွမ်းကျောက်မျက်တာဝါတို့ ပေါင်းစပ်လိုက်သောအခါ လုရီဖျင်၏ ခုခံနိုင်စွမ်းမှာလည်း လုံချိန်း၏ တာအိုခန္ဓာကိုယ်ထက် မလျော့တော့ပေ။</p> <p> </p> <p>ထို့ကြောင့်ပင် တစ်ရက်နှင့် တစ်ည တိုက်ခိုက်ပြီးသည့်တိုင် လုံချိန်းအနေဖြင့် လုရီဖျင်ကို အနိုင်ယူရန် နည်းလမ်းမရှိ ဖြစ်နေရခြင်း ဖြစ်သည်။</p> <p> </p> <p>“ငါ့‌ေကြာင့်မဟုတ်ဘဲ မင်းရဲ့ တာအိုခန္ဓာကိုယ်က သိပ်ကို အားနည်းလွန်းနေလို့ဘဲ” ဟု လုရီဖျင်က ပြောလိုက်သည်။</p> <p> </p> <p>လုံချိန်းသည် တာအိုဘိုးဘေးတစ်ဦး ဖြစ်သော်လည်း သူ၏ တာအိုခန္ဓာကိုယ်မှာမူ သိပ်ပြီး ကြံ့ခိုင်မှုမရှိပေ။</p> <p> </p> <p>တာအိုခန္ဓာကိုယ် အမျိုးအစားပေါင်း သုံးထောင်ရှိသည့်အနက် လုံချိန်း၏ တာအိုခန္ဓာကိုယ်မှာ ထိပ်တန်း အဆင့် တစ်ထောင်အတွင်းသို့ပင် မဝင်နိုင်ချေ။</p> <p>မိမိ၏ တာအိုခန္ဓာကိုယ်အား အားနည်းသည်ဟု လုရီဖျင်မှ ပြောလိုက်သောအခါ လုံချိန်း၏ မျက်နှာမှာ ပို၍ပင် မှောင်မည်း သွားခဲ့သည်။</p> <p> </p> <p>ထိုအချက်မှာ သူ၏ တစ်သက်တာ နောင်တရစရာ စော်ကားမှုပင်ဖြစ်သည်။ ယခင်က တာအိုဘိုးဘေးနယ်ပယ်သို့ အမြန်တက်လှမ်းလိုစိတ် ပြင်းပြခဲ့သောကြောင့် သူတော်စင်ဧကရာဇ်ဘုရင်အဆင့်တွင် အခြေခံကို ခိုင်မာအောင် မလုပ်ဆောင်နိုင်ခဲ့ဘဲ တာအိုဘိုးဘေးအဖြစ်သို့ ကူးပြောင်းခဲ့သဖြင့် တာအိုခန္ဓာကိုယ်မှာ သန်စွမ်းမှုမရှိခြင်း ဖြစ်သည်။</p> <p> </p> <p>လုရီဖျင်သည်လည်း ထပ်မံစကားမဆိုတော့ဘဲ ရှေ့သို့ ပြေးဝင်ကာ လုံချိန်းနှင့် ပြန်လည်တိုက်ခိုက်ခဲ့ကြသည်။</p> <p>ယခုတစ်ကြိမ်တွင်မူ သူသည် လုံချိန်းနှင့် တိုက်ပွဲကို အသုံးချ၍ သူ၏ သူတော်စင်ဧကရာဇ်ဘုရင် စွမ်းအားနှင့် တာအိုတရားများကို သွေးယူရန် ရည်ရွယ်ထားခဲ့သည်။</p> <p> </p> <p>ထိုနည်းလမ်းဖြင့်သူ၏ ကျင့်စဉ်တက်လှမ်းမှုမှာ အလွန်မြန်ဆန်လွန်းလာခဲ့သည်။ သူတော်စင်ဧကရာဇ်ဘုရင်စွမ်းအားမှာ သန့်စင်သော်လည်း သူ၏ လိုအပ်ချက်ကိုမူ မပြည့်မီသေးပေ။ လုံချိန်းနှင့် တိုက်ခိုက်ခြင်းဖြင့် သူ၏ စွမ်းအားများကို ပိုမိုသိပ်သည်း ခိုင်မာလာအောင် ပြုလုပ်နေခြင်းဖြစ်သည်။</p> <p> </p> <p>ထိုအခြေ‌ေနသည် တစ်ရက်နှင့် တစ်ညအကြာ၌ သူ၏ စွမ်းအင်လှိုင်းများ ပိုမိုအားကောင်းလာရခြင်း၏ အကြောင်းရင်း ဖြစ်သည်။</p> <p> </p> <p>လုံချိန်းသည်လည်း လုရီဖျင်၏ ရည်ရွယ်ချက်ကို ရိပ်မိသွားခဲ့သည်။ လုရီဖျင်သည် မိမိကို အသုံးချ၍ သူ၏ စွမ်းအားကို လေ့ကျင့်နေသည်ဟု တွေးမိသောအခါ လုံချိန်းမှာ ပို၍ပင် ဒေါသထွက်လာခဲ့သည်။</p> <p> </p> <p>ယခုတိုက်ပွဲတွင် လုရီဖျင်ကို မသတ်နိုင်ရုံသာမက လုရီဖျင်၏ အစွမ်းထက်လာအောင်ပင် ကူညီပေးနေသကဲ့သို့ ဖြစ်နေခဲ့သည်။</p> <p>လုံချိန်းသည် သူ၏ စွမ်းအားကို မြှင့်တင်လိုက်သော်လည်း သူ မည်သို့ပင် ကြိုးစားစေ လုရီဖျင်အား ထိခိုက်သွား‌ေစခြင်းမရှိ‌ေပ။ ထိုသို့ဖြင့်ပင် နောက်ထပ် တစ်ရက်နှင့် တစ်ည ကုန်ဆုံးသွားခဲ့ပြန်သည်။</p> <p> </p> <p>လုံချိန်းသည် ရပ်တန့်လိုက်ပြီး လုရီဖျင်ကို ခက်ထန်သော မျက်လုံးများဖြင့် စိုက်ကြည့်ကာ “ငါ မင်းကို အထင်သေးမိသွားပုံဘဲ” ဟု ဆိုလိုက်သည်။</p> <p> </p> <p>လုရီဖျင်က ခေါင်းခါယမ်းလိုက်ပြီး “မဟုတ်ဘူး၊ မင်းက မင်းကိုယ်မင်း အထင်ကြီးလွန်းနေတာ” ဟု ပြန်ပြောလိုက်သည်။</p> <p> </p> <p>လုံချိန်း၏ မျက်နှာမှာ ရှက်စိတ်ကြောင့် နီရဲသွားခဲ့ပြီး အမူအရာ အမျိုးမျိုး ပြောင်းလဲသွားကာ နောက်ဆုံးတွင် သက်ပြင်းချရင်း “ငါ့တပည့်တွေ ဘယ်မှာလဲ” ဟု မေးလိုက်သည်။</p> <p> </p> <p>လုရီဖျင်က လုံချိန်းကို ကြည့်လိုက်သည်။</p> <p>“ငါ့တပည့် သုံးယောက်ကို လွှတ်ပေးလိုက်ပါ” ဟု လုံချိန်းက ဆိုလိုက်သည်။ “ဒီကိစ္စကို ဒီမှာတင် အဆုံးသတ်ကြရအောင်” သူသည် လုရီဖျင်ကို မသတ်နိုင်တော့ကြောင်း သိသွားပြီ ဖြစ်သည်။</p> <p> </p> <p>လုရီဖျင်သည် လုံချိန်းကို စိုက်ကြည့်ပြီးနောက် လက်ချောင်းကို တစ်ချက်ခါလိုက်ရာ ချမ်လင်းချောင်၊ လူကျန်း နှင့် ဒုလီတို့ လွတ်မြောက်လာခဲ့သည်။ ၎င်းတို့သုံးဦးကို ကမ္ဘာဦးသစ်ပင်မှ ဝါးမြိုခြင်း မရှိသေးသဖြင့် ၎င်းတို့၏ ကျင့်စဉ်အဆင့်အတန်းများမှာ ပျက်စီးခြင်းမရှိဘဲ ကျန်ရှိနေသေးသည်။</p> <p> </p> <p>မိမိ၏ တပည့်သုံးဦးမှာ ကျင့်စဉ်မပျက်စီးသေးသည်ကို မြင်သောအခါ လုံချိန်း၏ မျက်နှာမှာ အနည်းငယ် ပြေလျော့သွားပြီး ဘာမှထပ်မပြောတော့ပေ။ သူသည် စွမ်းအားတစ်ခုကို ထုတ်လွှတ်ကာ တပည့်သုံးဦးကို ရစ်ပတ်ပြီး မျက်တောင်တစ်ခတ်အတွင်းမှာပင် အရိပ်အယောင်မကျန် ပျောက်ကွယ်သွားတော့သည်။</p> <p> </p> <p>လုံချိန်း ထွက်ခွာသွားပြီးနောက် လုရီဖျင်သည် မိမိပတ်ဝန်းကျင်တွင် အားကောင်းသော ခံစစ်အစီအရင်တစ်ခုကို တည်ဆောက်ပြီး ထိုနေရာ၌ပင် တရားထိုင် ကျင့်ကြံခြင်း ပြုလုပ်လိုက်သည်။ ယခုတစ်ကြိမ် လုံချိန်းနှင့် တိုက်ခိုက်မှု၌ သူ့အတွက် အကျိုးကျေးဇူး များစွာရရှိခဲ့သည်။ ယခင်က နားမလည်ခဲ့သော အရာအချို့ကို သဘောပေါက်သွားခဲ့ပြီး ၎င်းတို့ကို ပြန်လည်တည်ငြိမ်အောင် ပြုလုပ်ရန် လိုအပ်သောကြောင့် ဖြစ်သည်။</p> <p> </p> <p>လုရီဖျင် ကျင့်ကြံနေစဉ်အတွင်း လုံချိန်းနှင့် လုရီဖျင်တို့၏ တိုက်ပွဲရလဒ်မှာ ချောင်းလောက တစ်ခုလုံးသို့ ပျံ့နှံ့သွားခဲ့ရာ တစ်လောကလုံး အံ့ဩတုန်လှုပ်ကာ ဆွေးနွေးသံများဆူညံသွားခဲ့သည်။</p> <p> </p> <p>“လုရီဖျင်က ချောင်းဘုရင်ကို မရှုံးဘဲ တိုက်ခိုက်နိုင်ခဲ့တဲ့ ပထမဆုံးလူဘဲ”</p> <p> </p> <p>“သူက သူတော်စင်ဧကရာဇ်ဘုရင် အထွတ်အထိပ် အဆင့်ပဲ ရှိသေးတာမလား ။ တကယ်လို့ တာအိုဘိုးဘေး အဆင့်ကိုသာ ချိုးဖောက်တက်လှမ်းနိုင်ရင် သူ ဘယ်လောက်တောင် အစွမ်းထက်လာမလဲ”</p> <p> </p> <p>“လုမိသားစုက တာအိုဘိုးဘေးတစ်ယောက်ကို တကယ်ပဲ နှင်ထုတ်လိုက်တာလား။ လုခံုတော့ နောင်တတွေ ရနေလောက်ပြီ။ အခုချိန် ပြာယာနေလောက်ပြီ”</p> <p> </p> <p>“ပြာယာရံုတင် မဟုတ်ဘူး၊ ငါ့အထင်တော့ သူ သိပ်ကြောက်သွားလို့ ဆီးတောင် ထွက်ကျနေလောက်ပြီ” ဟူ၍ လမ်းမထက်တွင် လူတိုင်းသည် လုရီဖျင်နှင့် လုံချိန်းတို့အကြောင်းကိုသာ ပြောဆိုနေခဲ့ကြသည်။</p> <p> </p> <p>အစောပိုင်းအချိန်တွင် လုရီဖျင်သည် လုမိသားစုသို့ ပြန်သွားခဲ့ပြီး သူ၏ ညီမဖြစ်သူ လုကျီချင်းကို ဘေးကင်းသော တောင်ကြားတစ်ခုတွင် ထားခဲ့‌ေလသည်။ လုကျီချင်းသည်လည်း သူမ၏ အစ်ကိုနှင့် လုံချိန်းတို့၏ တိုက်ပွဲရလဒ်ကို ကြားသိခဲ့ရသည်။</p> <p> </p> <p>သူမသည် လုရီဖျင် ပေးထားသော သူတော်စင်ဓားကို ဆုပ်ကိုင်ထားရင်း မျက်ရည်ဝဲလျက် “အစ်ကိုကြီး...” ဟု တိုးတိုးလေး ခေါ်လိုက်မိသည်။</p> <p> </p> <p>ထိုသို့ဖြင့် အချိန်ကာလများ တဖြည်းဖြည်း ကုန်ဆုံးသွားခဲ့ပြီး နှစ်ပေါင်းများစွာ ကြာမြင့်သွားခဲ့သည်။</p> <p> </p> <p>ထိုအချိန်တွင် စကြဝဠာ၏ အစွန်အဖျားတစ်နေရာ၌ လုရီဖျင်သည် သူ၏ ကျင့်ကြံခြင်းကို ရပ်တန့်လိုက်ပြီး အစီအရင်ကို ရုပ်သိမ်းလိုက်သည်။ ထို့နောက် ခဏတာ စဉ်းစားပြီးနောက် မိစ္ဆာမျိုးနွယ်စုရှိရာ ဒေသသို့ ပျံသန်းထွက်ခွာသွားခဲ့သည်။</p> <p> </p> <p>ထာဝရကုန်သွယ်ရေးအသင်းမှ ဖန့်ဒံုယွမ်သည် စကြဝဠာ၏ မိစ္ဆာနယ်မြေအတွင်းတွင် ကံကောင်းခြင်း ကျောက်စိမ်းပြားကို ရှာတွေ့ထားခဲ့သည်။</p> <p> </p> <p>ယခုအခါ သူသည် ကျောက်စိမ်းပြား ၂၁ ခုကို စုဆောင်းမိထားပြီဖြစ်ပြီး ပြီးပြည့်စုံရန် ၃ ခုသာ ကျန်ရှိတော့သည်။</p> <p>အကယ်၍ သူသည် ကောင်းကင်ဘုံကျောက်ပြား ၂၄ ခုစလုံးကို စုဆောင်းနိုင်ပြီး စကြဝဠာတစ်ခုလုံး၏ တာအိုတရား အမျိုးပေါင်း သုံးထောင်ကို နားလည်သဘောပေါက်သွားပါက၊ တာအိုဘိုးဘေးနယ်ပယ်သို့ ချိုးဖောက်တက်လှမ်းသည့်အခါ တာအိုခန္ဓာကိုယ် သုံးထောင်အနက် အစွမ်းထက်ဆုံး တာအိုခန္ဓာကိုယ်ကို ပထမဆုံးပိုင်ဆိုင်သည့် ပုဂ္ဂိုလ်ဖြစ်လာမည်မှာ သေချာပေသည်။</p> <p>***</p> <p> </p>


Save