Book List

<h2 style="text-align: center;">အခန်း (၅၈၄)</h2> <h2 style="text-align: center;">အင်ပါယာချီ တစ်ချောင်း၊ ရှေးဟောင်းချမ်းသာခြင်းလိုဏ်ဂူ၊ ကောင်းကင်သားတော်များ၏ လှုပ်ရှားမှု</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>ချူခွမ်းရန်၏ စိတ်ဝိညာဉ်ပင်လယ်အတွင်း၌ သူ၏ အထွတ်အထိပ်အုတ်မြစ်အဆင့် ခုနစ်ခုက ကြီးမားသော နတ်ဘုရားအလင်းတန်းများ ဖြာထွက်နေပြီး ၎င်းတို့၏ ပတ်လည်တွင် ကြီးမားသော စိတ်ဝိညာဉ်စွမ်းအင် သမုဒ္ဒရာကြီးက ဒေါသတကြီး လှိုင်းပုတ်နေ၏။</p> <p>သို့သော်လည်း ဤအခိုက်အတန့်တွင် အတိုင်းအဆမရှိ သန့်စင်ပြီး ကြီးမားလှသော စိတ်ဝိညာဉ်စွမ်းအင်များက အထွတ်အထိပ်အုတ်မြစ်အဆင့်များကို ရွှေရောင်မြူခိုးအချို့ ထုတ်လွှတ်ရန် လှုံ့ဆော်ပေးလိုက်သည်။ ၎င်းတို့ ခုနစ်ခုစလုံးက တဝုန်းဝုန်း မြည်ဟည်းလာပြီး သူတို့ကြားတွင် တစ်စုံတစ်ရာသော ပဲ့တင်ထပ်မှု ရှိနေသကဲ့သို့ တဖြည်းဖြည်းချင်း တစ်ခုနှင့်တစ်ခု နီးကပ်လာကြ၏။</p> <p>ချူခွမ်းရန်၏ မျက်လုံးများ အရောင်လက်သွားသည်။</p> <p>“အဲ့ဒါများ ဖြစ်နိုင်မလား...”</p> <p>သူက သူ၏ အထွတ်အထိပ်အုတ်မြစ်အဆင့်၏ ပြောင်းလဲမှုများကို ဆက်လက် စောင့်ကြည့်နေ၏။</p> <p>အထွတ်အထိပ်အုတ်မြစ်အဆင့်များမှ ထွက်ပေါ်လာပြီးနောက် ရွှေရောင်မြူခိုးဝဲဂယက်များက စုစည်းသွားပြီး ရွှေရောင်စိတ်ဝိညာဉ်စွမ်းအင် ကြိုးမျှင်တစ်ခုအဖြစ် ပြောင်းလဲသွားသည်။</p> <p>ထိုစိတ်ဝိညာဉ်စွမ်းအင်က ပတ်ဝန်းကျင်ရှိ ကျန်ရှိနေသော စိတ်ဝိညာဉ်စွမ်းအင်များထက် အရည်အသွေးပိုင်းတွင် များစွာသာလွန်နေ၏။ ၎င်းက ကြိုးမျှင်တစ်ခုတည်း ဖြစ်သော်လည်း ၎င်း၏ တည်ရှိမှုက အလွန်တရာ ကြီးမားလှသည်။ ၎င်းက ကောင်းကင်ဘုံကိုပင် အညံ့ခံစေနိုင်မည့်အလား ဖြစ်နေ၏။</p> <p>ချူခွမ်းရန်က အသက်ပြင်းပြင်း ရှူလိုက်ပြီး သူ့မျက်လုံးများက ဝမ်းသာအားရဖြင့် အရောင်လက်သွားသည်။</p> <p>“ဒါက... အင်ပါယာချီပဲ...”</p> <p>အင်ပါယာချီက အင်ပါယာအဆင့် ကျင့်ကြံသူများသာ အသုံးပြုနိုင်သော စိတ်ဝိညာဉ်စွမ်းအင်တစ်မျိုး ဖြစ်သည်။</p> <p>ချူခွမ်းရန်က အင်ပါယာအဆင့်ကျင့်ကြံသူများသာ ထုတ်လုပ်နိုင်သော အင်ပါယာချီတစ်မျှင်ကို ထုတ်လုပ်နိုင်ခဲ့ပြီဖြစ်၏။</p> <p>အတိတ်တုန်းက ရှေးဟောင်းအင်ပါယာ၏ အနှစ်သာရ ကြိုးမျှင်များက ကောင်းကင်ကြယ်တာရာတွင် တစ်ချိန်က ပေါ်ထွက်ခဲ့ဖူးသည်။ သို့သော်လည်း ၎င်းတို့က အင်ပါယာချီနှင့်ယှဉ်လျှင် ကွဲပြားခြားနားကြ၏။</p> <p>ထိုအင်ပါယာအနှစ်သာရတွင် လျှို့ဝှက်ဆန်းကြယ်သော တာအိုစည်းချက်များပါဝင်ပြီး တာအိုအပေါ် နားလည်သဘောပေါက်မှု တိုးပွားလာစေရန် ထိုးထွင်းသိမြင်မှုများ ရရှိရန်အတွက်သာ ရည်ရွယ်သည်။ တစ်နည်းအားဖြင့် ၎င်းက ပစ္စည်းတစ်ခုသာဖြစ်၏။</p> <p>အခြားတစ်ဖက်တွင်မူ ချူခွမ်းရန် ထုတ်လုပ်လိုက်သော အင်ပါယာချီက သူ၏ ကျင့်ကြံမှု ရလဒ်တစ်ခုဖြစ်သည်။ ၎င်းက သူ အပြည့်အဝ ထိန်းချုပ်နိုင်သော အရာတစ်ခုဖြစ်ပြီး သူ၏ တိုက်ခိုက်ရေးစွမ်းအားကို တိုးမြှင့်ရန်အတွက်လည်း အသုံးပြုနိုင်၏။</p> <p>“အင်ပါယာချီက ဘယ်ကျင့်ကြံသူရဲ့ စိတ်ဝိညာဉ်စွမ်းအင်ထက်မဆို အများကြီး ပိုပြီး ကြောက်စရာကောင်းတယ်... ငါ့ဆီမှာ တစ်မျှင်တည်းရှိတယ်ဆိုပေမဲ့ အထင်သေးစရာတော့ မဟုတ်ဘူး...”</p> <p>“ငါ့ရဲ့ စိတ်ဝိညာဉ်စွမ်းအင် အရည်အသွေးက အင်ပါယာတစ်ပိုင်းအဆင့်ရဲ့ ကန့်သတ်ချက်ကို ရောက်သွားပုံရတယ်... မဟုတ်ရင် အင်ပါယာတွေအတွက်သာ သီးသန့်ဖြစ်တဲ့ အင်ပါယာချီတစ်မျှင်ကို ထုတ်လုပ်နိုင်မှာ မဟုတ်ဘူး...”</p> <p>ချူခွမ်းရန်က ဝမ်းသာအားရ ရယ်မောလိုက်၏။ သူက ကြက်သွေးရောင်အဆိပ်ငွေ့ ကြာပန်းမီးလျှံကို သန့်စင်ခြင်းမှ ဤမျှကြီးမားသော ရလဒ်များကို ရရှိခဲ့သည်။</p> <p>အင်ပါယာလျှောက်လမ်းရှိ အင်ပါယာတစ်ပိုင်း အနည်းငယ်သာလျှင် သူတို့၏ ကိုယ်ပိုင် အင်ပါယာချီကို ထုတ်လုပ်နိုင်ကြ၏။ အများစုသော အချိန်များတွင် နက်ရှိုင်းသော နောက်ခံရှိသည့် ဂိုဏ်းများမှ ပညာရှင်အုပ်စိုးသူများသာလျှင် ၎င်းကို ပြုလုပ်နိုင်ကြသည်။</p> <p>ကောင်းကင်သားတော်များနှင့် ပတ်သက်၍မူ တားမြစ်ခံ ကောင်းကင်သားတော် တစ်ဦးပင်လျှင် ဤကဲ့သို့သောအရာမျိုးကို ရရှိရန်အတွက် များပြားလှသော အရင်းအမြစ်များနှင့် ရတနာများ လိုအပ်ပေမည်။ မဟုတ်ပါက မဖြစ်နိုင်ပေ။</p> <p>ချူခွမ်းရန်က ထိုအင်ပါယာချီ တစ်မျှင်တည်းဖြင့် အင်ပါယာလျှောက်လမ်းရှိ ကောင်းကင်သားတော်အများစုကို အနိုင်ယူနိုင်ပြီ ဖြစ်၏။</p> <p>အထွတ်အထိပ်အုတ်မြစ်အဆင့် ခုနစ်ခုကြားရှိ ပဲ့တင်ထပ်မှုက တဖြည်းဖြည်း ရပ်တန့်သွားပြီး ချူခွမ်းရန်၏ ခန္ဓာကိုယ်အတွင်း လည်ပတ်နေသော မျက်စိကျိန်းမတတ် တောက်ပသည့် ရွှေရောင်အင်ပါယာချီ တစ်မျှင်တည်းကိုသာ ချန်ထားရစ်ခဲ့သည်။</p> <p>သူ၏ ခန္ဓာကိုယ်အတွင်း တစ်ပတ်လည်ပတ်ပြီးနောက် ရွှေရောင်အင်ပါယာချီက ချူခွမ်းရန်၏ စိတ်ဝိညာဉ်ပင်လယ်ဆီသို့ ပြန်သွား၏။ ချူခွမ်းရန်က ၎င်း စတင်ထုတ်လုပ်ခဲ့ချိန်နှင့် ယှဉ်လျှင် အနည်းငယ် ကြီးထွားလာသကဲ့သို့ ခံစားလိုက်ရသည်။</p> <p>ကြက်သွေးရောင်အဆိပ်ငွေ့ ကြာပန်းမီးလျှံကို အပြည့်အဝ သန့်စင်ပြီးနောက် ချူခွမ်းရန်က မတ်တပ်ရပ်လိုက်၏။ သူ၏ အနက်ရောင်ဆံပင်များက လေထဲတွင် လွင့်ခါနေပြီး သူ၏ နက်ရှိုင်းသော မျက်လုံးများက ကြယ်များကဲ့သို့ တောက်ပနေသည်။ သူက ကြောက်မက်ဖွယ်ကောင်းသော အရှိန်အဝါ တစ်ခုကိုလည်း ထုတ်လွှတ်နေ၏။</p> <p>၎င်းက အင်ပါယာအရှိန်အဝါတစ်မျိုး ဖြစ်သည်။</p> <p>ဓားသမားမိန်၊ လန်နင်ယုနှင့် ချီယွဲ့တို့၏ မျက်နှာအမူအရာများ ပြောင်းလဲသွားကြ၏။ သူတို့၏ ခန္ဓာကိုယ်များက သူ၏ အရှိန်အဝါ ရှိနေမှုအောက်တွင် မထိန်းချုပ်နိုင်အောင် တုန်ယင်နေကြသည်။</p> <p>“ဘယ်လိုတောင် စွမ်းအားမျိုးလဲ... သခင်က ပိုပြီး အစွမ်းထက်လာပြန်ပြီ...”</p> <p>“သူ့ရဲ့ တိုးတက်မှုနှုန်းက အရမ်းကို မြန်လွန်းတယ်...”</p> <p>ချီယွဲ့က အံ့အားသင့်စွာဖြင့် စုပ်သပ်လိုက်၏။</p> <p>“သွားကြစို့...”</p> <p>ချူခွမ်းရန်က လန်နင်ယုနှင့် အခြားသူများနှင့်အတူ ရွှံ့နွံတောမှ မထွက်ခွာမီ ပြောလိုက်သည်။</p> <p>ရွှံ့နွံတောမှ ထွက်ခွာပြီးနောက် ချူခွမ်းရန်၏ စိတ်ဝိညာဉ်အာရုံများက ကီလိုမီတာတစ်ထောင် ပတ်လည်အထိ ဖြန့်ကြက်သွား၏။</p> <p>သူတို့ ယခင်ရှိခဲ့သောနေရာနှင့် ယှဉ်လျှင် ဤနေရာတွင် ရတနာများ ပိုမို များပြားပုံရသည်။ ၎င်းက သူတို့ တားမြစ် တောရိုင်းနယ်မြေ၏ အတွင်းပိုင်းနယ်မြေသို့ ရောက်ရှိနေပြီ ဖြစ်ကြောင်း ရှင်းလင်းသော လက္ခဏာတစ်ရပ်ဖြစ်၏။</p> <p>“တားမြစ် တောရိုင်းနယ်မြေရဲ့ အတွင်းပိုင်းနယ်မြေမှာ ကံတရားအခွင့်အလမ်းတွေ အများကြီး ရှိရမယ်... ညီမလန်ဆီမှာ သဲလွန်စတစ်ခုခု ရှိလား...”</p> <p>ချူခွမ်းရန်က လန်နင်ယုကို မေးလိုက်သည်။</p> <p>တားမြစ်တောရိုင်းနယ်မြေက အင်ပါယာလျှောက်လမ်းအတွင်းရှိ အလွန်တရာ ရှေးကျသောနေရာတစ်ခု ဖြစ်၏။ ကောင်းကင်ကြယ်တာရာရှိ အင်ပါယာများနှင့် ပတ်သက်သော မှတ်တမ်းများပင် ရှားပါးနေပြီ ဖြစ်ရာ ဤကဲ့သို့သော ရှေးဟောင်း နေရာမျိုးနှင့် ပတ်သက်၍ ဆိုဖွယ်ရာ မရှိတော့ပေ။</p> <p>သို့သော်လည်း လန်နင်ယုကဲ့သို့သော ရှေးဟောင်း ဂိုဏ်းများ၏ အမွေဆက်ခံသူများအတွက်တော့ အခြေအနေက ကွာခြားလှ၏။</p> <p>ဤဂိုဏ်းများတွင် နက်ရှိုင်းသော နောက်ခံများနှင့် ရှည်လျားသော အမွေအနှစ်များရှိသဖြင့် သူတို့က သူ့ထက်စာလျှင် တားမြစ်တောရိုင်းနယ်မြေနှင့် ပို၍ ရင်းနှီးကျွမ်းဝင်ကြသည်။</p> <p>ဆိုလိုသည်မှာ သူတို့က ဤနေရာနှင့် ပတ်သက်သော အချက်အလက်များကို သူ့ထက်များစွာ ပိုမို သိရှိထားရမည်ဖြစ်၏။</p> <p>၎င်းက ချူခွမ်းရန်က သူတို့ကို သူ၏ အဖွဲ့ထဲသို့ ခေါ်ဆောင်လာခဲ့ရသည့် အကြောင်းရင်းများထဲမှ တစ်ခု ဖြစ်သည်။ သူ၏ နောက်တစ်ဆင့် လှုပ်ရှားမှု မည်သို့ ဖြစ်သင့်သနည်းဆိုသည်ကို ဆုံးဖြတ်ရန် ကူညီပေးနိုင်မည့် နေရာနှင့် ရင်းနှီးကျွမ်းဝင်သူ တစ်ဦးကို သူ လိုအပ်နေ၏။</p> <p>အချို့သော ကံတရားအခွင့်အလမ်းများကို သူ၏ ရတနာရှာဖွေခြင်း ကျွမ်းကျင်မှုဖြင့် ရှာဖွေ၍ မရနိုင်ချေ။</p> <p>“စိတ်ခံစားချက်ခုနစ်ပါးဂိုဏ်းမှာ တားမြစ်တောရိုင်းနယ်မြေနဲ့ ပတ်သက်တဲ့ မှတ်တမ်းတွေ အများကြီးရှိတာတော့ အမှန်ပဲ... ဒီနေရာမှာ ကြီးမားတဲ့ ကံတရားအခွင့်အလမ်းတွေရှိတဲ့ တိကျတဲ့ နေရာအချို့ရှိတယ်... တားမြစ်နယ်မြေ ပွင့်လာတိုင်း အဲဒီနေရာတွေက ကောင်းကင်သားတော်အားလုံး အလိုချင်ဆုံး နေရာတွေ အမြဲတမ်း ဖြစ်လာလေ့ရှိတယ်... ဥပမာ - ရှေးဟောင်းချမ်းသာခြင်းလိုဏ်ဂူ၊ ရှေးဟောင်းတာအိုရေကန်၊ လေပြင်းနဂါးရှစ်ကောင်တောင်တန် နဲ့ တခြားနေရာတွေ အများကြီးပဲ...”</p> <p>“ကြီးမားတဲ့ ကံတရားအခွင့်အလမ်းတွေရှိတဲ့ အဲဒီနေရာတွေက တားမြစ်နယ်မြေ ပွင့်လာတိုင်း တိကျတဲ့ ပုံစံတွေကို အများအားဖြင့် လိုက်နာလေ့ရှိတယ်... အဲဒီမှတ်တမ်းတွေအရ ဆိုရင် ရှေးဟောင်းချမ်းသာခြင်းလိုဏ်ဂူက နောက်ရက်အနည်းငယ် အတွင်း ပွင့်လာလိမ့်မယ်...”</p> <p>လန်နင်ယုက အတန်ကြာ တိတ်ဆိတ်နေပြီးနောက် ရှင်းပြလိုက်၏။</p> <p>ထိုစကားကို ကြားသောအခါ ချူခွမ်းရန် ပို၍ အံ့အားသင့်သွားသည်။</p> <p>“ကောင်းပြီ... ရှေးဟောင်းချမ်းသာခြင်းလိုဏ်ဂူ ကို သွားကြည့်ကြတာပေါ့...”</p> <p>ချူခွမ်းရန်၏ အဖွဲ့အပြင် အခြား ကောင်းကင်သားတော်များကလည်း ရှေးဟောင်းချမ်းသာခြင်းလိုဏ်ဂူဆီသို့ ဦးတည်နေကြ၏။</p> <p>မည်သို့ပင်ဆိုစေကာမူ ၎င်းက ကြီးမားသော ကံတရားအခွင့်အလမ်းများရှိသည့် နေရာတစ်ခု ဖြစ်သည်။ မည်သည့် ကောင်းကင်သားတော်ကမျှ ဤကဲ့သို့သော အခွင့်အရေးမျိုးကို လက်လွတ်ခံမည် မဟုတ်ချေ။</p> <p>တစ်နေရာရှိ တောင်တန်းတစ်ခုတွင်။</p> <p>အနီရောင် အလင်းတန်းတစ်ခုက ကောင်းကင်ယံသို့ ရုတ်တရက် ထိုးတက်သွားပြီး သိပ်သည်းသော အရှိန်အဝါလှိုင်းတစ်ခုက ပေါက်ကွဲထွက်လာကာ ကီလိုမီတာ ထောင်ပေါင်းများစွာ အဝေးထိ ပျံ့နှံ့သွား၏။</p> <p>ထိုအရှိန်အဝါက သက်ရှိသတ္တဝါတိုင်းကို မြေပြင်ပေါ်သို့ ဒူးထောက်ကျသွားစေပြီး တုန်ယင်နေစေသည်။</p> <p>အနီရောင် အလင်းတန်းထဲမှ ပုံရိပ်တစ်ခု တဖြည်းဖြည်း ပေါ်လာ၏။ သူမက တောက်ပသော အနီရောင်သံချပ်ကာကို ဝတ်ဆင်ထားပြီး အနီရောင်ဆေဘာရှည် တစ်လက်ကို ကိုင်ဆောင်ထားသော အမျိုးသမီးတစ်ဦးဖြစ်ကာ ထိုသူမှာ ပိုင်ဟုန်ယွီ ဖြစ်သည်။</p> <p>လေထဲတွင် သူမ၏ ကိုယ်ပိုင်စွမ်းအားကို အာရုံခံမိသောအခါ သူမက ကျေနပ်စွာ ပြုံးလိုက်၏။</p> <p>“သေချာတာပေါ့... အင်ပါယာတစ်ပါးရဲ့ အလောင်းက အထင်သေးစရာ မဟုတ်ဘူး... အဲဒါက ငါ့ကို အင်ပါယာတစ်ပိုင်းအဆင့်ကို ဒီလောက် မြန်မြန် ရောက်သွားအောင် လုပ်ပေးနိုင်လိမ့်မယ်လို့ ငါ မယုံနိုင်ဘူး... ငါ့ရဲ့ ကိုယ်ပိုင်တာအိုလမ်းစဉ်ကို ရှာတွေ့ပြီး ဒီဆေဘာကိုလည်းရပြီ အင်ပါယာတစ်ပိုင်းတစ်ယောက် ဖြစ်လာပြီဆိုတော့ အခုဆို ငါ အထွတ်အထိပ်အင်ပါယာတစ်ပိုင်း တစ်ယောက်ကိုတောင် အနိုင်ယူနိုင်မယ်လို့ ငါ ယုံကြည်တယ်...”</p> <p>“နောက်တစ်ဆင့်အနေနဲ့... မကြာခင် ပွင့်လာတော့မယ့် ရှေးဟောင်းချမ်းသာခြင်းလိုဏ်ဂူကို သွားရမယ်... အဲဒီမှာ ဘယ်လို ကံတရားအခွင့်အလမ်းတွေရှိလဲဆိုတာ ငါ သွားကြည့်ဖို့ အချိန်တန်ပြီ...”</p> <p>ပိုင်ဟုန်ယွီက ရေရွတ်လိုက်ပြီးနောက် အနီရောင် အလင်းတန်းတစ်ခုအဖြစ် ပြောင်းလဲကာ လေထဲတွင် ပျောက်ကွယ်သွား၏။</p> <p>အခြားတစ်နေရာတွင်။</p> <p>လိုဏ်ဂူတစ်ခုအတွင်းမှ မျက်စိကျိန်းမတတ် တောက်ပသော အရောင်ငါးမျိုးရှိသည့် အလင်းတန်းတစ်ခု ရုတ်တရက် ဖြာထွက်လာသည်။</p> <p>ထိုအလင်းတန်းများ ကြားတွင် ဝတ်ရုံရှည် ဝတ်ဆင်ထားသော ပုံရိပ်တစ်ခုက လိုဏ်ဂူထဲမှ ထွက်လာသည်ကို မြင်တွေ့ရ၏။</p> <p>ထိုသူက အရောင်ငါးမျိုးရှိသည့် အလင်းတန်းများဖြင့် ရေချိုးထားပြီး လမ်းစဉ်ငါးသွယ် အရှိန်အဝါများ ဝန်းရံနေကာ နတ်ဘုရားများ၏ ဘုရင်တစ်ပါး ရောက်ရှိလာသကဲ့သို့ ရှိနေသည်။</p> <p>“ငါ့ရဲ့ နတ်ဘုရားစွမ်းအား လမ်းစဉ်ငါးသွယ် နတ်ဘုရားဘီးက စွမ်းအား တိုးလာတာတင် မကဘူး... ငါ့ရဲ့ ကျင့်စဉ်အဆင့်ကလည်း အများကြီး တိုးတက်လာတယ်... အခုချိန်မှာ ငါ ပညာရှင်အုပ်စိုးသူတစ်ယောက်နဲ့ ရင်ဆိုင်ရမယ်ဆိုရင်တောင် ကောင်းကောင်း ယှဉ်တိုက်နိုင်မှာ သေချာတယ်... ချူခွမ်းရန်... နောက်တစ်ခါ ငါတို့ တွေ့တဲ့အခါ ငါ့ရဲ့ စွမ်းအားကြောင့် မင်း အံ့ဩသွားလိမ့်မယ်...”</p> <p>ထိုသို့ ရေရွတ်နေသူမှာ ဝမ်ကလန်မှ ဝမ်ချွမ် ဖြစ်၏။</p> <p>သူက အဝေးသို့ လှမ်းကြည့်ကာ ပြောလိုက်သည်။</p> <p>“ရှေးဟောင်းချမ်းသာခြင်းလိုဏ်ဂူကို ငါ သွားဖို့ အချိန်တန်ပြီ... ငါ ဘယ်လောက် ပိုပြီး အစွမ်းထက်လာလဲ ဆိုတာကို စမ်းသပ်ကြည့်ရမှာပေါ့...”</p> <p>တောင်ထိပ်တစ်ခုပေါ်တွင်။</p> <p>လူငယ်တစ်ဦးက သူ၏ မျက်လုံးများကို ကြမ်းတမ်းစွာ ဖွင့်လိုက်ပြီး အလွန် ထက်မြက်သော ဓားချီလှိုင်းများကို ထုတ်လွှတ်လိုက်၏။</p> <p>ဓားချီများက သူ့ပတ်လည်ရှိ အရာအားလုံးကို ခုတ်ပိုင်းသွားပြီး ပတ်ဝန်းကျင် ရှုခင်းများကို ချက်ချင်း ဖျက်ဆီးပစ်လိုက်သည်။</p> <p>“အခု ငါ ဓားအင်ပါယာရဲ့ အမွေအနှစ်ကို အပြည့်အဝ သန့်စင်ပြီးပြီဆိုတော့ ငါ အများကြီး၊ အများကြီး ပိုပြီး အစွမ်းထက်လာပြီ...”</p> <p>“ဒါ့အပြင် အဲဒီဓားအင်ပါယာရဲ့ အလောင်းကနေ လက်ချောင်း လေးချောင်းကိုပဲ ငါ သန့်စင်ခဲ့ရပေမဲ့ အဲဒီပမာဏကတင် ငါ့ရဲ့ကျင့်စဉ်အဆင့်ကို အထွတ်အထိပ်အင်ပါယာတစ်ပိုင်းအထိ တိုးတက်ဖို့ လုံလောက်နေပြီ... လျှို့ဝှက်ဆန်းကြယ်ဓားသင်္ကေတလေးပါးကို ဆုံးရှုံးခဲ့ရပေမဲ့ ဤတစ်ကြိမ်မှာ ငါ အများကြီး ရရှိခဲ့သေးတာပဲ...”</p> <p>ဓားတာအိုသခင်က ဝမ်းသာအားရ ပြောလိုက်၏။</p> <p>သူက အသက်ပြင်းပြင်း ရှူလိုက်ပြီး ဓားနှစ်လက်ကို ထုတ်ယူလိုက်သည်။ ၎င်းတို့ နှစ်လက်စလုံးက အင်ပါယာလက်နက်များ ဖြစ်ကြ၏။</p> <p>၎င်းတို့မှာ ရွှေရောင်နတ်ဘုရားအင်ပါယာဓား နှင့် ဓားအင်ပါယာချင်းရွှယ်၏ ချင်းရွှယ်နတ်ဘုရားဓားတို့ ဖြစ်ကြသည်။</p> <p>“ဒီအင်ပါယာလက်နက်နှစ်လက်နဲ့ မင်း ငါ့ကို ဘယ်လို အနိုင်ယူမလဲဆိုတာ ကြည့်ကြသေးတာပေါ့ ချူခွမ်းရန်...”</p> <p>ဤအချက်ကို တွေးမိသောအခါ ဓားတာအိုသခင်မှာ အလွန် စိတ်အားထက်သန်နေ၏။</p> <p>ထို့နောက် သူက အဝေးသို့ လှမ်းကြည့်ကာ ပြောလိုက်သည်။</p> <p>“ရှေးဟောင်းချမ်းသာခြင်းလိုဏ်ဂူမှာ မင်းနဲ့ ထပ်တွေ့ဖို့ ငါ မျှော်လင့်တယ်... အဲဒီအချိန်ကျရင် ဒီခေတ်မှာ ဓားတာအိုရဲ့ အထွတ်အထိပ်မှာ ရပ်တည်ဖို့ ကံပါလာတဲ့ တစ်ဦးတည်းသောသူက ငါပဲ းဆိုတာ မင်းကို ငါ သိစေရမယ်...”</p> <p>ဤအခိုက်အတန့်တွင် ဓားတာအိုသခင်၏ ခါးရှိ ကျောက်စိမ်းပေလိပ်လေး တုန်ခါသွား၏။</p> <p>“ဓားကလန်ဆီက အချက်ပြမှုလား...”</p> <p>အနည်းငယ် အံ့အားသင့်သွားပြီးနောက် ဓားတာအိုသခင်၏ ပုံရိပ်က လျှပ်တစ်ပြက်အတွင်း ပျောက်ကွယ်သွားပြီး ထိုအချက်ပြမှု ထွက်ပေါ်လာရာ နေရာဆီသို့ ပြေးသွားသည်။</p> <p>မကြာမီတွင် သူက ထိုအချက်ပြမှု ထွက်ပေါ်လာရာ နေရာသို့ ရောက်ရှိလာ၏။</p> <p>ဓားကလန်အဖွဲ့ဝင် အတော်များများ ထိုနေရာတွင်ရှိနေပြီး ရင်းနှီးသော လူတစ်ယောက်လည်း ပါဝင်သည်။</p> <p>“လီစဲ့လုံ... မင်းလား...”</p> <p>ဓားတာအိုသခင်က လီစဲ့လုံကို တစ်ချက် ကြည့်လိုက်ပြီးနောက် သူ့ဘေးရှိ မင်းသမီးချီလျန်ကို ထပ်မံ ကြည့်လိုက်၏။ သူ၏ မျက်လုံးများထဲတွင် ထူးဆန်းသော အကြည့်တစ်ခု ရှိနေသည်။</p> <p>“တားမြစ်ခံကောင်းကင်သားတော် မင်းသမီးချီလျန်... ငါ့ကို ဒီနေရာကိုခေါ်ရတဲ့ အကြောင်းရင်းများရှိလို့လား...”</p> <p>ဓားတာအိုသခင်က မင်းသမီးချီလျန်ကို အနည်းငယ် အထက်စီးဆန်သော အမူအရာဖြင့် ကြည့်ကာ ပြောလိုက်၏။</p> <p> </p> <p> </p> <p> </p> <p> </p> <p style="text-align: center;">***</p>


Save