Book List

<h2 style="text-align: center;">အခန်း (၅၈၅)</h2> <h2 style="text-align: center;">ဓားတာအိုသခင်၏ ဒေါသ၊ မြင့်မြတ်အလင်းအဖွဲ့အစည်း၏ မြင့်မြတ်သူတော်စင်မလေး</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>မင်းသမီးချီလျန်က ဓားတာအိုသခင်ကို ကြည့်လိုက်၏။ သူမ၏ မျက်လုံးများထဲတွင် ကြောက်ရွံ့မှု အရိပ်အယောင် အနည်းငယ် ရှိနေသည်။</p> <p>ဓားတာအိုသခင်ထံမှ အလွန်တရာ အစွမ်းထက်သော အရှိန်အဝါတစ်ခုကို သူမ အာရုံခံနိုင်ပြီး ၎င်းက သူမလို လူမျိုးကိုပင် ခြိမ်းခြောက်ခံနေရသကဲ့သို့ ခံစားရစေ၏။</p> <p>သူမရှေ့တွင် ရပ်နေသောသူက အလွန်တရာ အစွမ်းထက်လှသည်။</p> <p>“ဓားတာအိုသခင်... ရှင်က တားမြစ် တောရိုင်းနယ်မြေမှာ ကံတရားအခွင့်အလမ်းတွေ တော်တော်များများ ရခဲ့ပုံပဲ...”</p> <p>မင်းသမီးချီလျန်က ရယ်မောလိုက်၏။</p> <p>ထိုစကားကို ကြားသောအခါ ဓားတာအိုသခင်က အေးစက်စက် ပြန်ဖြေလိုက်သည်။</p> <p>“အပိုတွေ ပြောမနေနဲ့... မင်းတို့နှစ်ယောက် ငါ့ကို ဘာလို့ ဒ္နေရာကိုခေါ်တာလဲ ဆိုတာကိုပဲ ပြော...”</p> <p>“ရှင်...”</p> <p>မင်းသမီးချီလျန် အနည်းငယ် ဒေါသထွက်သွား၏။ သို့သော်လည်း လက်ရှိတွင် ဓားတာအိုသခင်က သူမထက် ပို၍ အစွမ်းထက်နေသောကြောင့် သူမ၏ ဒေါသကို မြိုသိပ်ထားရုံသာ တတ်နိုင်ပေသည်။</p> <p>ထို့နောက် သူမက အသက်ပြင်းပြင်း ရှူလိုက်ပြီး ပြောလိုက်၏။</p> <p>“အဲဒါက ချူခွမ်းရန်နဲ့ ပတ်သက်နေတယ်...”</p> <p>‘ချူခွမ်းရန်...’</p> <p>ထိုအမည်ကို ကြားလိုက်ရုံဖြင့် ဓားတာအိုသခင်၏ မျက်လုံးများက ရေခဲတမျှ အေးစက်သွား၏။</p> <p>“မင်းတို့နှစ်ယောက်က သူ့ကြောင့် ငါ့ကို လာရှာတာလား... အဲဒါ ဘာအဓိပ္ပာယ်လဲ...”</p> <p>“ဓားတာအိုသခင်... မင်းက တော်တော်လေး အစွမ်းထက်တယ်ဆိုတာ ငါတို့သိပါတယ်... ဒါပေမဲ့ ငါ တစ်ခုလောက် မေးပါရစေ... တိုက်ပွဲမှာ ချူခွမ်းရန်ကို အနိုင်ယူနိုင်မယ်လို့ မင်းမှာ ယုံကြည်မှုရှိလား...”</p> <p>လီစဲ့လုံက မေးလိုက်သည်။</p> <p>“ဟွန့်... ငါသာသူ့ကို ထပ်တွေ့ရင် ငါက ဓားတာအိုမှာ အစွမ်းအထက်ဆုံးဆိုတာကို ဒီဓားနဲ့ သူ့ကို သိစေရမယ်...”</p> <p>“အိုး... မင်းရဲ့ စွမ်းရည်တွေအပေါ် မင်းက တော်တော်လေး ယုံကြည်မှု ရှိပုံရတယ်... ဒါဆိုရင်လည်း ကံဆိုးစေမယ့်ကိစ္စတစ်ခုကို ငါ ပြောပြရမလား... လန်နင်ယုနဲ့ ချူခွမ်းရန်တို့ အတူတူ ရှိနေကြတယ်...”</p> <p>လီစဲ့လုံက ပြောလိုက်၏။</p> <p>“မင်း အခု ဘာပြောလိုက်တာလဲ...”</p> <p>ဓားတာအိုသခင်၏ မျက်နှာက မည်းမှောင်သွားသည်။</p> <p>“လန်နင်ယုနဲ့ ချူခွမ်းရန်တို့ အတူတူ ရှိနေကြတယ်... ဒါတင်မကဘူး သူတို့ရဲ့ ဆက်ဆံရေးက အရမ်းကိုရင်းနှီးနေကြပြီ...”</p> <p>“ဘာ...”</p> <p>ထိုစကားကြောင့် ဓားတာအိုသခင်၏ အမူအရာက ပြင်းထန်စွာ ပြောင်းလဲသွား၏။ သူ အလွန်ဒေါသထွက်သွားသဖြင့် သူ၏ ခန္ဓာကိုယ်ထဲမှ မရေမတွက်နိုင်သော ဓားချီတန်းများ ပစ်ထွက်လာသည်။</p> <p>တစ်မုဟုတ်ချင်းပင် သူ၏ ဓားချီများက ပတ်ဝန်းကျင်တစ်ခုလုံးကို ဓားရာများဖြင့် ပြည့်နှံ့သွားစေ၏။</p> <p>လီစဲ့လုံနှင့် မင်းသမီးချီလျန်တို့မှာ သူ၏ ကြောက်မက်ဖွယ် အရှိန်အဝါ၏ ပြင်းထန်သော ရိုက်ခတ်မှုကို အပြည့်အဝ ခံစားလိုက်ရသည်။</p> <p>ဓားတာအိုသခင်၏ စွမ်းအားက ဤမျှလောက်အထိ တိုးတက်လာလိမ့်မည်ဟု သူတို့ မမျှော်လင့်ထားခဲ့သောကြောင့် အလွန်အမင်း အံ့အားသင့်သွားကြ၏။ သို့သော်လည်း တစ်ချိန်တည်းမှာပင် လီစဲ့လုံမှာ ဝမ်းသာအားရ ဖြစ်နေသည်။</p> <p>အဘယ်ကြောင့်ဆိုသော် သူ့အတွက်တော့ ဓားတာအိုသခင် ပို၍ အစွမ်းထက်လေ ချူခွမ်းရန်ကို အနိုင်ယူနိုင်ရန် အခွင့်အရေး ပိုများလေ ဖြစ်သောကြောင့်ပင်။</p> <p>“ချူခွမ်းရန်...”</p> <p>ဓားတာအိုသခင်၏ မျက်လုံးများက ဒေါသကြောင့် နီရဲလာပြီး ဟိန်းဟောက်လိုက်၏။</p> <p>“စိတ်အေးအေးထားပါ ဓားတာအိုသခင်... မင်းလိုပဲ ငါလည်း ချူခွမ်းရန်အပေါ် နက်ရှိုင်းတဲ့ အမုန်းတရားတွေ ရှိပါတယ်... ဒါကြောင့် ချူခွမ်းရန်ကို အနိုင်ယူဖို့ မင်းရဲ့ ပူးပေါင်းပါဝင်မှုကို တောင်းဆိုဖို့ ငါတို့ရောက်လာတာပါ...”</p> <p>ဓားတာအိုသခင်က အသက်ပြင်းပြင်း ရှူလိုက်ပြီး သူ၏တည်ငြိမ်မှုကို တဖြည်းဖြည်းချင်း ပြန်လည်ရယူလိုက်သည်။</p> <p>လီစဲ့လုံကလည်း သူ့ကဲ့သို့ပင် တစ်ချိန်က လန်နင်ယုကို လိုက်ခဲ့သူတစ်ဦးဖြစ်ကြောင်း သူ သိထားသဖြင့် လီစဲ့လုံကလည်း ချူခွမ်းရန်ကို ထပ်တူ မုန်းတီးနေမည်မှာ သေချာလှ၏။</p> <p>*ငါ့ရန်သူရဲ့ ရန်သူက ငါ့သူငယ်ချင်းပဲ…*</p> <p>ထို့ကြောင့်ပင် ဓားတာအိုသခင်က သူ၏ ကမ်းလှမ်းချက်ကို မငြင်းဆန်ခဲ့ချေ။</p> <p>“ကောင်းပြီ... ဒါဆိုရင်လည်း ရှေးဟောင်းချမ်းသာခြင်းလိုဏ်ဂူကို အတူတူ သွားကြစို့... ချူခွမ်းရန်လည်း အဲဒီကို ဦးတည်နေလောက်တယ်...”</p> <p>တောအုပ်တစ်ခုအတွင်းရှိ တစ်နေရာတွင် ပြင်းထန်သော တိုက်ပွဲတစ်ခု ဖြစ်ပွားနေ၏။</p> <p>၎င်းက ငွေရောင်ဆံပင်နှင့် အမျိုးသမီး တစ်ဦးနှင့် ဧရာမကျားကြီးတစ်ကောင်နှင့်တူသော ခေါင်းနှစ်လုံးပါ မိစ္ဆာသားရဲတစ်ကောင်တို့ကြားရှိ တိုက်ပွဲ ဖြစ်သည်။</p> <p>ပတ်ဝန်းကျင်ရှိ တောင်များမှာ တိုက်ပွဲကြောင့် ပျက်စီးသွားသည်အထိ နှစ်ဖက်စလုံးက ပြင်းထန်စွာ တိုက်ခိုက်နေကြ၏။</p> <p>“ဝုန်း...”</p> <p>မိစ္ဆာသားရဲ၏ ခေါင်းနှစ်လုံးစလုံးက ဟိန်းဟောက်လိုက်ပြီး ၎င်း၏ အသံလှိုင်းများအတွင်း ပါဝင်သော စိတ်ဝိညာဉ်စွမ်းအင်က ထိုအမျိုးသမီးကို နောက်သို့ ဆုတ်သွားစေသည်။</p> <p>ငွေရောင်ဆံပင်နှင့် အမျိုးသမီးက လေထဲတွင် ဂုဏ်ယူဝင့်ကြွားစွာ ရပ်နေ၏။ သူမက ရုန်းစာလုံးများ ရစ်ပတ်နေသော လှပသည့် ငွေရောင်သံချပ်ကာကို ဝတ်ဆင်ထားပြီး သူမကို အလွန်လျှို့ဝှက်ဆန်းကြယ်သောအသွင် ဖြစ်စေသည်။ သူမ၏ ငွေရောင်ဆံပင်များက ပြင်းထန်သော တိုက်ပွဲအလယ်တွင် လွင့်ခါနေပြီး သူမ၏ လှပသော မျက်နှာက ရှားပါးသော သူရဲကောင်း ဟန်ပန်ကို ထုတ်လွှတ်နေ၏။ သူမ၏ ခန္ဓာကိုယ်ထံမှ မြင့်မြတ်သော အရှိန်အဝါတစ်ခု ထွက်ပေါ်နေပြီး သူမကို စစ်နတ်သမီး တစ်ပါး၏ အသွင်အပြင်မျိုး ပေးစွမ်းနေသည်။</p> <p>“အလင်းတန်းစီရင်ချက်...”</p> <p>ငွေရောင်ဆံပင်နှင့် အမျိုးသမီး၏ လက်ဖဝါးထဲတွင် ကြီးမားသော မြင့်မြတ်သည့် စွမ်းအင်များ စုစည်းသွားပြီး အဖြူရောင် လှံတံတစ်ချောင်းအဖြစ် ပြောင်းလဲသွား၏။ ထို့နောက် သူမက ခပ်တိုးတိုး အော်ဟစ်လိုက်ပြီး ပြိုင်ဘက်ထံသို့ ပစ်လွှတ်လိုက်သည်။</p> <p>လှံရှည်က လျှပ်စီးကဲ့သို့သော အမြန်နှုန်းဖြင့် သားရဲ၏ ဦးခေါင်းခွံကို ရက်စက်စွာ ထိုးဖောက်သွား၏။</p> <p>ထို့နောက် လှံတံက ပေါက်ကွဲသွားပြီး မြင့်မြတ်သော စွမ်းအင်လှိုင်းများဖြင့် သားရဲ၏ ခေါင်းကို တစ်မုဟုတ်ချင်း တစ်စစီ ဖြစ်သွားစေသည်။ ပေါက်ကွဲမှု၏ ရလဒ်အနေဖြင့် များပြားလှသော အဖြူရောင် မီးတောက်များက နေရာအနှံ့သို့ ပျံ့နှံ့သွားပြီး သားရဲ၏ ခန္ဓာကိုယ်ကို လောင်ကျွမ်းသွားစေ၏။</p> <p>အဖြူရောင်မီးတောက်များက အလွန်တရာ ကြောက်မက်ဖွယ် ကောင်းပြီး ငြှိမ်းသတ်ရန် ခက်ခဲလှသည်။ သားရဲက မည်မျှပင် လူးလှိမ့်နေပါစေ ၎င်းကို မငြှိမ်းသတ်နိုင်ခဲ့ပေ။ ၎င်းလုပ်နိုင်သမျှမှာ နာကျင်စွာဖြင့် အော်ဟစ် ညည်းတွားရန်သာ ဖြစ်၏။</p> <p>အနီးနားရှိ တစ်နေရာတွင်။</p> <p>ဝတ်ရုံဖြူ ဝတ်ဆင်ထားသော ကျင့်ကြံသူ အချို့က တိုက်ပွဲကို အံ့အားသင့်စွာဖြင့် စောင့်ကြည့်နေကြသည်။</p> <p>“သူမက အရမ်းကို အစွမ်းထက်တာပဲ... မြင့်မြတ်သူတော်စင်မက မြင့်မြတ်သောနတ်ဘုရားမီးလျှံနည်းစနစ်ကို ဒီလောက်အထိ ကျွမ်းကျင်နေလိမ့်မယ်လို့ ငါ မယုံနိုင်ဘူး...”</p> <p>“မှန်တယ်... သူမရဲ့  မြင့်မြတ်သောအထွတ်အထိပ်ခန္ဓာက ဒီနည်းစနစ်အတွက် တကယ့်ကို အသင့်တော်ဆုံးပဲ...”</p> <p>“မြင့်မြတ်သူတော်စင်မက ငါတို့ ဂိုဏ်းဆီ ဆင်းသက်လာတာက ငါတို့ရဲ့ အလင်းနတ်ဘုရားသခင်ရဲ့ ဖန်တီးမှုပဲ ဖြစ်ရမယ်...”</p> <p>ကျင့်ကြံသူများက စကားစမြည် ပြောဆိုနေကြ၏။</p> <p>ထိုလူအုပ်ထဲတွင် တစ်စုံတစ်ယောက်က ထိုငွေဖြူရောင်ပုံရိပ်ကို ရှုပ်ထွေးသော အမူအရာဖြင့် ကြည့်နေသည်။</p> <p>ထိုသူက လူငယ်တစ်ဦးဖြစ်၏။</p> <p>သူက ငွေဖြူရောင်ပုံရိပ်ကို သူ၏ မျက်လုံးများထဲတွင် ကြက်သီးထဖွယ် အမုန်းတရားများနှင့် နက်ရှိုင်းသော မနာလိုမှုများဖြင့် ကြည့်နေ၏။ သို့သော်လည်း ၎င်းတို့က ဆန့်ကျင်ဘက် ဖြစ်နေသော လေးစားအားကျမှု အရိပ်အယောင် အနည်းငယ်နှင့် ရောနှောနေသည်။</p> <p>ဤအချိန်တွင် လူတစ်ယောက်က ထိုလူငယ်၏ ပခုံးပေါ်သို့ လက်ကို တင်လိုက်၏။</p> <p>သူက လူအုပ်ထဲမှ သက်ကြီးရွယ်အိုတစ်ဦး ဖြစ်သည်။ သူက ထိုလူငယ်ကို ပြောလိုက်၏။</p> <p>“နောက်ထပ် ရက်အနည်းငယ်လောက်ပဲ သည်းခံလိုက်ပါ မြင့်မြတ်သူတော်စင်... အချိန်တန်ရင် ဒီအရာတွေအားလုံးက မကြာခင် မင်းရဲ့အပိုင် ဖြစ်လာလိမ့်မယ်...”</p> <p>“ကျုပ် နားလည်ပါတယ် အကြီးအကဲ...”</p> <p>ဘုန်း...</p> <p>နောက်ထပ် လှံတံတစ်ချောင်းကို ကြီးမားသော စွမ်းအားဖြင့် ထပ်မံပစ်လွှတ်လိုက်ပြန်၏။ နောက်ဆုံးတွင် ထိုခေါင်းနှစ်လုံးပါသားရဲကြီးမှာ ငွေရောင်ဆံပင်နှင့် အမျိုးသမီးကို ဆက်လက် မယှဉ်နိုင်တော့ဘဲ အဆုံးတွင် သေဆုံးသွားခဲ့သည်။</p> <p>ထိုအရာများအားလုံး ပြီးဆုံးသွားပြီးနောက် အမျိုးသမီးက သားရဲဆီသို့ လျှောက်သွားပြီး ၎င်း၏ အလောင်းထဲမှ သလင်းကျောက်တစ်တုံးကို တူးထုတ်လိုက်၏။ ၎င်းက သားရဲ၏ စိတ်ဝိညာဉ်စွမ်းအင်သလင်းကျောက် ဖြစ်သည်။ ၎င်းက ကျင့်ကြံသူတစ်ဦး၏ ရွှေရောင်အမြုတေနှင့် ဆင်တူသော ပစ္စည်းတစ်ခုဖြစ်၏။ ပုံမှန်အားဖြင့် ဤကဲ့သို့သော ပစ္စည်းမျိုးက လူသား စစ်သည်တော်များအတွက် တန်ဖိုးမရှိပေ။</p> <p>အဘယ်ကြောင့်ဆိုသော် သားရဲ၏ စိတ်ဝိညာဉ်စွမ်းအင်သလင်းကျောက်အတွင်းရှိ စိတ်ဝိညာဉ်စွမ်းအင်က လူသား ကျင့်ကြံသူများ စုပ်ယူရန်အတွက် မတည်ငြိမ်လွန်းပြီး ကြမ်းတမ်းလွန်းသောကြောင့်ဖြစ်သည်။</p> <p>သို့သော်လည်း ထိုအမျိုးသမီးက သလင်းကျောက်ကို ဖမ်းဆုပ်လိုက်သည်နှင့် တစ်ပြိုင်နက် သူမ၏ လက်ဖဝါးပေါ်တွင် အဖြူရောင်မီးတောက်များ ပေါ်လာ၏။</p> <p>တစ်ခဏအကြာတွင် စိတ်ဝိညာဉ်စွမ်းအင်သလင်းကျောက်၏ ကြမ်းတမ်းသော အရှိန်အဝါက တဖြည်းဖြည်း ပျောက်ကွယ်သွားသည်။</p> <p>သူမ အသုံးပြုခဲ့သော နည်းစနစ်က အလွန် ထူးခြားလှ၏။ ၎င်းက သူမကို စိတ်ဝိညာဉ်စွမ်းအင်သလင်းကျောက်ထံမှ ကြမ်းတမ်းသော အရှိန်အဝါများကို သန့်စင်စေပြီး စုပ်ယူရန် ပိုမို လွယ်ကူသွားစေသည်။</p> <p>“မြင့်မြတ်သူတော်စင်မက ပိုပြီး အစွမ်းထက်လာပုံရတယ်...”</p> <p>ဝတ်ရုံဖြူ ဝတ်ဆင်ထားသော ကျင့်ကြံသူများက သူမ၏ ရှေ့သို့ ရောက်လာကြပြီး သူတို့ထဲမှ အကြီးအကဲတစ်ဦးက ရယ်မောရင်း ပြောလိုက်၏။</p> <p>ငွေရောင်ဆံပင်နှင့် အမျိုးသမီးက အရေးမစိုက်သလို ခေါင်းညိတ်ပြလိုက်သည်။</p> <p>“တတိယအကြီးအကဲ... တားမြစ် တောရိုင်းနယ်မြေမှာ ကံတရားအခွင့်အလမ်းတွေ ထပ်ရှိသေးလား...”</p> <p>“ဒီနေရာကနေ သိပ်မဝေးတဲ့နေရာမှာ ရှေးဟောင်းချမ်းသာခြင်းလိုဏ်ဂူလို့ ခေါ်တဲ့ နေရာတစ်ခုရှိတယ်... အဲဒီနေရာမှာ ကြီးမားတဲ့ ကံတရားအခွင့်အလမ်းတွေရှိတယ်... ငါတို့ အဲဒီကို သွားပြီး တစ်ခုခုရဖို့ ကြိုးစားလို့ရတယ်... ဒါပေမဲ့ အဲဒီနေရာက ကောင်းကင်သားတော်တွေအများကြီး စုဝေးမယ့် နေရာတစ်ခု ဖြစ်လာမှာ သေချာတယ်... အဲဒီအချိန်ကျရင် ကြီးမားတဲ့ တိုက်ပွဲတစ်ခုက မလွှဲမရှောင်သာ ဖြစ်လာလိမ့်မယ်...”</p> <p>တတိယအကြီးအကဲက ပြောလိုက်၏။</p> <p>“ငါတို့ ဒီတားမြစ်နယ်မြေကို လာရတဲ့ အဓိကအကြောင်းရင်းက ကံတရားအခွင့်အလမ်းတွေ အတွက်လေ... တိုက်ပွဲမှာ ပါဝင်ရမှာကို ကြောက်နေရင် ဒီနေရာကို လာတာက ဘာအဓိပ္ပာယ် ရှိတော့မှာလဲ...”</p> <p>“ဟား... မြင့်မြတ်သူတော်စင်မပြောတာ မှန်တယ်... ဒါ့အပြင် သူမရဲ့လက်ရှိ စွမ်းအားနဲ့ဆိုရင် တခြားကောင်းကင်သားတော်တွေ မဆိုထားနဲ့ တိုက်ပွဲမှာ ငါတောင် သူမရဲ့ ပြိုင်ဘက်ဖြစ်မှာ မဟုတ်ဘူး... ရှေးဟောင်းချမ်းသာခြင်းလိုဏ်ဂူမှာ မြင့်မြတ်သူတော်စင်မက ပစ္စည်းအများဆုံး ရမယ့်သူ ဖြစ်လာမယ်လို့ ငါ ယုံကြည်တယ်...”</p> <p>လူငယ်လေးက သူမဆီသို့ လျှောက်သွားပြီး အပြုံးဖြင့် ပြောလိုက်၏။</p> <p>သူ၏စကားများက အခြားကျင့်ကြံသူများ၏ စိတ်ဓာတ်ကို များစွာမြင့်တက်သွားစေသည်။</p> <p>“ငါတို့ရဲ့ မြင့်မြတ်သူတော်စင်က တားမြစ်ခံ ကောင်းကင်သားတော်တစ်ယောက် ဖြစ်နေပြီလေ... သူကတောင် ဒီလိုပြောတယ်ဆိုရင် ငါတို့ရဲ့ မြင့်မြတ်သူတော်စင်မက အလွန်တရာ အစွမ်းထက်တယ်ဆိုတာ ထင်ရှားပါတယ်...”</p> <p>“မှန်တယ်... ဒီတစ်ကြိမ်မှာ ငါတို့ရဲ့ မြင့်မြတ်သူတော်စင်မက ကံတရားအခွင့်အလမ်းတွေ အများဆုံးရမှာ သေချာတယ်... ငါတို့ မြင့်မြတ်အလင်းအဖွဲ့အစည်းရဲ့ စွမ်းအားကို လောကကြီး သိအောင် ပြသရမယ်...”</p> <p>သူမ ပတ်လည်ရှိ လူတိုင်းထံမှ မရေမတွက်နိုင်သော ချီးကျူးစကားများကို ကြားရသော်လည်း ငွေရောင်ဆံပင်နှင့် အမျိုးသမီးက လုံးဝ ပျော်ရွှင်ပုံ မပေါ်ချေ။ ထိုအစား သူမက အဝေးသို့ လှမ်းကြည့်ကာ တိုးတိုးလေး ရေရွတ်လိုက်၏။</p> <p>“သခင်ရော တားမြစ်တောရိုင်းနယ်မြေကို ရောက်လာမလား မသိဘူး... အကယ်၍ ရောက်လာတယ်ဆိုရင် ရှေးဟောင်းချမ်းသာခြင်းလိုဏ်ဂူမှာ သခင်နဲ့ တွေ့ရမလား မသိဘူး...”</p> <p>ငွေရောင်ဆံပင်နှင့် အမျိုးသမီး၏ ရေရွတ်သံကို ကြားသောအခါ လူငယ် မြင့်မြတ်သူတော်စင်က မျက်မှောင် အနည်းငယ် ကြုတ်လိုက်သည်။</p> <p>သူမက သူမ၏ သခင်အကြောင်း ပြောသည်ကို သူ ကြားဖူးသည်မှာ ဤသည်က ပထမဆုံး အကြိမ် မဟုတ်ပေ။</p> <p>သို့သော်လည်း သူ မည်မျှပင် မေးမြန်းပါစေ သူမက ထိုသူနှင့် ပတ်သက်၍ မည်သည့်အရာကိုမျှ သူ့အား ပြောပြရန် ငြင်းဆိုခဲ့၏။</p> <p>“မင်း အဲ့လောက်တောင် စွဲစွဲလမ်းလမ်း ပြောနေရတဲ့ အဲဒီ ‘သခင်’ ဆိုတာက ဘယ်သူလဲ...”</p> <p>လူငယ်မြင့်မြတ်သူတော်စင်၏ မျက်လုံးများထဲတွင် မနာလိုမှု အရိပ်အယောင် အနည်းငယ်ရှိနေ၏။</p> <p>သို့သော်လည်း သူက ၎င်းကို အလွန် ကောင်းမွန်စွာ ဖုံးကွယ်ထားနိုင်ခဲ့သည်။ တစ်စက္ကန့်အကြာတွင် တောက်ပပြီး နူးညံ့သော အပြုံးတစ်ခုက သူ၏ မျက်နှာပေါ်တွင် ပြန်လည်ပေါ်လာ၏။</p> <p> </p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save