Book List

<h2 style="text-align: center;">အခန်း ၇၂</h2> <h2 style="text-align: center;">ဓားစာခံ</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">"ကျန်း... လူသားဧကရာဇ်ကျန်း။"</p> <p style="text-align:justify">ရုပ်ဖျက်ထားသော်လည်း သူတို့ သုံးဦးစလုံးသည် စကားပြောဟန်နှင့် လေသံကို နားထောင်ရုံဖြင့် ကျန်းလီမှန်း သိလိုက်ကြသည်။</p> <p style="text-align:justify"> </p> <p style="text-align:justify">"ရှင်... ရှင် ဘယ်လိုလုပ်ပြီး ဒီကို ရောက်လာတာလဲဟင်။"</p> <p style="text-align:justify"> </p> <p style="text-align:justify">"မင်းတို့ကို ထျန်းရှားဂိုဏ်းက မျက်စိကျနေတယ်လို့ ကြားလို့ ပွဲလာကြည့်တာလေ။" ကျန်းလီက ပြုံးရင်း ပြောလိုက်သည်။</p> <p style="text-align:justify"> </p> <p style="text-align:justify">"ဟင်? လုံမိသားစုက ငါတို့ကို သတ်ဖို့ လူသတ်သမားတွေတောင် ငှားလိုက်ပြီလား။" သုံးဦးစလုံး အံ့သြသွားကြသည်။ လုံမိသားစုက ဤမျှအထိ ငွေအကုန်အကျခံမည်ဟု မထင်ထားခဲ့ကြပေ။</p> <p style="text-align:justify"> </p> <p style="text-align:justify">"မင်းတို့ နှစ်ယောက်ကိုပဲ သတ်ခိုင်းတာပါ။ စုန့်ယင် မပါဘူး။" ကျန်းလီက ပြင်ပေးလိုက်သည်။</p> <p style="text-align:justify"> </p> <p style="text-align:justify">လုံမိသားစုသည် ဆရာတပည့် နှစ်ဦးကို သတ်ပြီး စုန့်ယင်ကို အတင်းအဓမ္မ သိမ်းပိုက်ရန် ကြံစည်နေကြောင်း သူတို့ ချက်ချင်း သဘောပေါက်သွားကြသည်။</p> <p style="text-align:justify"> </p> <p style="text-align:justify">"ကဲ ပြောပြစမ်းပါဦး... မင်းတို့က ဒီက ဒေသခံ အာဏာရှင်တွေကို ဘယ်လိုများ သွားပြီး ရန်စမိတာလဲ။" ကျန်းလီက စိတ်ဝင်တစား မေးလိုက်သည်။</p> <p style="text-align:justify"> </p> <p style="text-align:justify">ယွမ်ဝူရှင်းသည် ဘေးလူတစ်ဦး၏ ရှုထောင့်မှနေ၍ အစအဆုံး ပြန်လည်ရှင်းပြလိုက်ပြီး၊ ချင်းလွန့်နှင့် စုန့်ယင်ကလည်း ကြားထဲမှ ဖြည့်စွက်ပြောဆိုကြသည်။</p> <p style="text-align:justify"> </p> <p style="text-align:justify">"အခုတော့ လုံမိသားစုက လုံယင်မြို့ ပတ်ဝန်းကျင်မှာ စောင့်နေပြီး ငါတို့ကို ကြားဖြတ်တိုက်ခိုက်ဖို့ လုပ်နေကြပြီ။ ငါကတော့ လွတ်အောင် ပြေးနိုင်ပေမဲ့၊ ချင်းလွန့်နဲ့ စုန့်ယင်ကို ကာကွယ်ပေးနိုင်မယ်လို့တော့ ကိုယ့်ကိုယ်ကိုယ် ယုံကြည်မှု မရှိဘူး။"</p> <p style="text-align:justify"> </p> <p style="text-align:justify">"လုံမိသားစုရဲ့ ဝိညာဉ်အသွင်ပြောင်းခြင်းအဆင့် ဘိုးဘေးကြီးက ဒီလို ကိစ္စသေးသေးလေးတွေကို ဝင်ပါမှာ မဟုတ်ဘူး။ သူတို့က ဝိညာဉ်သန္ဓေအဆင့် ကျင့်ကြံသူတွေနဲ့ပဲ ငါတို့ကို အတင်း ဝင်သတ်ရမှာပါ။ ဒါပေမဲ့ ငါက မသေခင်မှာ သူတို့ရဲ့ ဝိညာဉ်သန္ဓေအဆင့် အကြံပေးတစ်ယောက်ကို အဖော်ခေါ်သွားမှာကို ကြောက်နေကြလို့ သူတို့လည်း အကျိုးမနပ်ဘူးလို့ တွေးနေကြတာ။ လုံမိသားစုရော ငါတို့ရော အခု အကျပ်ရိုက်နေကြတယ်။ သူတို့ ဘာဆက်လုပ်မလဲလို့ စဉ်းစားနေတုန်း... လူသတ်သမားတွေ ငှားမယ်လို့တော့ မထင်ထားခဲ့ဘူး။"</p> <p style="text-align:justify"> </p> <p style="text-align:justify">တကယ်တော့ ယွမ်ဝူရှင်း စပြောကတည်းက ကျန်းလီသည် ဇာတ်လမ်းကို အကြမ်းဖျင်း ခန့်မှန်းမိပြီးသား ဖြစ်သည်။ ရိုးအီနေသော ဇာတ်လမ်းပါပဲ။ ဒေသခံ အင်အားကြီးမိသားစုက သမီးပျိုကို အတင်းအဓမ္မ လုယူသည်၊ လူငယ်လေးက ဝင်ရောက် ကယ်တင်သည်၊ နောက်ဆုံးတွင် ပဋိပက္ခများ ကြီးထွားလာသည်။</p> <p style="text-align:justify"> </p> <p style="text-align:justify">"မင်းတို့က သိပ်ပြီး ရိုးသားလွန်းတယ်။ မဟာကျိုးရဲ့အကျင့်တွေကို မစွန့်လွှတ်နိုင်သေးဘူး ဖြစ်နေတယ်။ လုံမိသားစု ပြဿနာကို ရှင်းဖို့က လွယ်လွယ်လေးပါ။" ကျန်းလီက ရယ်မောလိုက်သည် - "ထျန်းယွမ်အင်ပါယာမှာ ထျန်းယွမ်အင်ပါယာရဲ့ စည်းကမ်းတွေ ရှိတယ်။ အားကြီးတဲ့သူက ဘုရင်ပဲ။ ပြင်းပြင်းထန်ထန် တိုက်ခိုက်ရမယ်၊ လှည့်ကွက်တွေ သုံးရမယ်၊ အကြောင်းပြချက် မခိုင်လုံတာတွေကိုလည်း လက်ခံတတ်ရမယ်။ ဒေသခံတွေရဲ့ အကျင့်စရိုက်အတိုင်း နေတတ်အောင် သင်ယူရမယ်လေ။"</p> <p style="text-align:justify"> </p> <p style="text-align:justify">"ရှင်က လူသားဧကရာဇ်လေ၊ လုံးဝ အင်အားကြီးမားတဲ့သူဆိုတော့ ဘာကိုမှ ကြောက်စရာမှ မလိုတာ။" ချင်းလွန့်က မကျေမနပ်ပြောလိုက်ရာ၊ ယွမ်ဝူရှင်းက အလျင်အမြန် ဟန့်တားလိုက်သည်။</p> <p style="text-align:justify"> </p> <p style="text-align:justify">ကျန်းလီကလည်း စိတ်မဆိုးပေ။ "ဒါဆိုလည်း ငါ လက်တွေ့ လုပ်ပြမယ်။ အခု ငါက မင်းရဲ့ မဟာကျိုးအင်ပါယာက သူငယ်ချင်း 'ဟွမ်လီ’ ပါ။ ပါရမီထူးချွန်ပြီး မင်းလိုပဲ အဆင့် (၁) ရွှေအမြုတေကို ပိုင်ဆိုင်ထားသူပေါ့။"</p> <p style="text-align:justify"> </p> <p style="text-align:justify">ကျန်းလီ စကားပြောနေစဉ်မှာပင်၊ သူ၏ အောက်ခြေမမြင်နိုင်လောက်အောင် နက်ရှိုင်းသော အရှိန်အဝါများ ပျောက်ကွယ်သွားပြီး၊ ဘေးလူများ အမြင်တွင် သာမန်ကျင့်ကြံသူတစ်ဦးကဲ့သို့ ဖြစ်သွားသည်။ ယွမ်ဝူရှင်းပင်လျှင် သူ့အား ရွှေအမြုတေအဆင့် ကျင့်ကြံသူတစ်ဦးအဖြစ်သာ မြင်တွေ့ရပြီး၊ သူ၏ရွှေအမြုတေမှာ အလွန်ပြည့်ဝကာ အဆင့်အတန်း မနိမ့်ကြောင်း၊ ပထမ သုံးဆင့်အတွင်းတွင် ရှိကြောင်းကိုသာ ခံစားသိရှိနိုင်သည်။ အတိအကျ မည်သည့်အဆင့်ဖြစ်ကြောင်းကိုမူ ဝိညာဉ်အသွင်ပြောင်းခြင်းအဆင့် ကျင့်ကြံသူမှသာ သိရှိနိုင်မည်ဖြစ်သည်။</p> <p style="text-align:justify"> </p> <p style="text-align:justify">"ငါ ဘယ်လိုလုပ်မလဲဆိုတာ ကြည့်ထား။" ကျန်းလီသည် ရွှေအမြုတေအဆင့်၏ စွမ်းအားကိုသာ အသုံးပြုမည်ဖြစ်ပြီး၊ နတ်ဘုရားအာရုံ အပါအဝင် ရွှေအမြုတေအဆင့်ထက် ကျော်လွန်သော မည်သည့် နည်းလမ်းကိုမျှ အသုံးမပြုရန် ဆုံးဖြတ်ထားသည်။</p> <p style="text-align:justify"> </p> <p style="text-align:justify">"လုံမိသားစုရဲ့ တတိယသားက ပုံမှန်ဆိုရင် ဘယ်မှာရှိတတ်လဲ။"</p> <p style="text-align:justify"> </p> <p style="text-align:justify">ချင်းလွန့်က စဉ်းစားလိုက်ပြီး - "သူက ကျွန်တော့်ရဲ့ ရိုက်နှက်တာကို ခံထားရလို့ အိပ်ရာထဲ လဲနေရမှာ။ ဒါပေမဲ့ လုံမိသားစုရဲ့ ချမ်းသာကြွယ်ဝမှုနဲ့ဆိုရင် ဆေးကောင်းတွေ သုံးပြီး အစောကြီးကတည်းက ပျောက်နေလောက်ပြီ။ သူက ဈေးထဲမှာ လူတွေကို အနိုင်ကျင့်နေတာ၊ မဟုတ်ရင်လည်း တစ်နေရာရာက ပြိုင်ပွဲစင်မြင့်ပေါ်မှာ လူတွေနဲ့ ယှဉ်ပြိုင်နေတာ ဖြစ်မှာပဲ။ ဈေးထဲမှာ သူ လူပုံအလယ် မိန်းကလေးကို လုနေတုန်း ကျွန်တော်နဲ့ ဆုံခဲ့တာလေ။"</p> <p style="text-align:justify"> </p> <p style="text-align:justify">ကျန်းလီ ခေါင်းညိတ်လိုက်သည်။ "ဒါဆို ဈေးထဲကို သွားကြည့်ကြတာပေါ့။ ဝူရှင်း... မင်းက ဝိညာဉ်သန္ဓေအဆင့် လူကြီးတစ်ယောက်ဆိုတော့၊ ငါတို့နောက်ကနေ တိတ်တဆိတ် လိုက်ခဲ့ပေးရင် ရပြီ။"</p> <p style="text-align:justify"> </p> <p style="text-align:justify">ကျန်းလီက 'လူကြီး' ဟု ခေါ်လိုက်သဖြင့် ယွမ်ဝူရှင်းမှာ အလန့်တကြား ဖြစ်သွားရသည်။</p> <p style="text-align:justify"> </p> <p style="text-align:justify">ကျန်းလီသည် ချင်းလွန့်နှင့် စုန့်ယင်ကိုခေါ်ကာ အောက်ထပ်သို့ ဆင်းလာခဲ့ပြီး၊ ယွမ်ဝူရှင်းက နောက်မှ တိတ်တဆိတ် လိုက်ပါလာခဲ့သည်။</p> <p style="text-align:justify"> </p> <p style="text-align:justify">"မျက်နှာဖုံး တပ်ထား။" ချင်းလွန့်က စုန့်ယင်ကို သတိပေးလိုက်သည်။ စုန့်ယင်၏ အလှအပသည် ဤလုံယင်မြို့တွင် ပြဿနာများကို အလွယ်တကူ ဆွဲဆောင်နိုင်ကြောင်း သူ သိထားသည်။ အစပိုင်းတွင် အတွေ့အကြုံမရှိခဲ့သော်လည်း လုံမိသားစု ပြဿနာပြီးနောက် ချင်းလွန့်သည်လည်း ပိုမို သတိထားတတ်လာခဲ့ပြီ ဖြစ်သည်။</p> <p style="text-align:justify"> </p> <p style="text-align:justify">စုန့်ယင်သည် မျက်နှာတစ်ဝက်ကို ဇာဖြူလေးဖြင့် ဖုံးအုပ်လိုက်ပြီး၊ ကျန်တစ်ဝက်ကိုလည်း ဦးထုပ်အကြီးကြီး၏ အရိပ်ဖြင့် ဖုံးကွယ်ထားလိုက်ရာ၊ မည်သူကမျှ သူမ၏ မျက်နှာကို သတိထားမိတော့မည် မဟုတ်ပေ။</p> <p style="text-align:justify"> </p> <p style="text-align:justify">"ဒါနဲ့... စုန့်ယင်က ဘာဖြစ်လို့ ဒီကို ရောက်လာတာလဲ။ ထျန်းယွမ်အင်ပါယာကို မတော်တဆ ရောက်လာရင်း ချင်းလွန့်နဲ့ ဆုံသွားတာလား။" ကျန်းလီက နားမလည်စွာဖြင့် မေးလိုက်သည်။</p> <p style="text-align:justify"> </p> <p style="text-align:justify">အမှန်တရားမှာ ကျန်းလီပြောသည်နှင့် အလွန် ကွာခြားနေသော်လည်း၊ စုန့်ယင်ကလည်း ချင်းလွန့်နောက်သို့ တကူးတက လိုက်လာခဲ့ခြင်းဖြစ်ကြောင်း ပွင့်ပွင့်လင်းလင်း မပြောရဲသဖြင့် "ဟုတ်ပါတယ်" ဟုသာ ဖြေလိုက်ရသည်။</p> <p style="text-align:justify"> </p> <p style="text-align:justify">"ဪ... ဒီလိုကိုး။ ငါက မင်း ငါ့ကို သဘောကျလို့ နောက်ကနေ လိုက်လာတာ မှတ်နေတာ။"</p> <p style="text-align:justify">ချင်းလွန့် အလွန် အံ့သြသွားသည်။ ထူးဆန်းသော လျှို့ဝှက်နယ်မြေသို့ အတူတူသွားခဲ့ပြီးနောက်၊ စုန့်ယင်က သူ့ကို သဘောကျနေသည်ဟု သူ ထင်မှတ်ခဲ့ခြင်းဖြစ်သည်။ ယခုကြည့်ရသည်မှာ သူ အထင်လွဲနေခဲ့ခြင်းသာဖြစ်သည်။</p> <p style="text-align:justify"> </p> <p style="text-align:justify">စုန့်ယင်သည် ကျန်းလီအား ပြုံးပြနေသော်လည်း၊ သူမ၏ အင်္ကျီလက်အတွင်း၌မူ လက်သီးကို တင်းတင်းဆုပ်ထားကာ ထိုးကြိတ်ချင်နေပြီ ဖြစ်သည်။</p> <p style="text-align:justify"> </p> <p style="text-align:justify">ကျန်းလီသည် ယခု ရွှေအမြုတေအဆင့်သာရှိပြီး နတ်ဘုရားအာရုံကို အသုံးမပြုထားသဖြင့် စုန့်ယင်၏ လက်သီးကို မမြင်ရပေ။</p> <p style="text-align:justify"> </p> <p style="text-align:justify">ဈေးထဲသို့ ရောက်သောအခါ၊ လမ်းဘေးဈေးသည်များ၏ အော်ဟစ်ရောင်းချသံများဖြင့် အလွန် စည်ကားနေသည်။ ကျန်းလီသည် ဤနေရာတွင် အခေါက်ခေါက်အခါခါ လမ်းလျှောက်နေခဲ့သော်လည်း သူတစ်ပါးကို အနိုင်ကျင့်နေသည့် ပြဿနာမျိုး တစ်ခါမှ မတွေ့ရပေ။ ခါးပိုက်နှိုက်များနှင့် အတုအပ ရောင်းချသူများကိုသာ အများအပြား တွေ့ရသည်။</p> <p style="text-align:justify"> </p> <p style="text-align:justify">ချင်းလွန့်နှင့် စုန့်ယင်တို့သည် ဤနေရာသို့ ရောက်သည်နှင့် လူကို အတင်းအဓမ္မ လုယူနေသည်ကို မည်သို့ ဆုံတွေ့ခဲ့သနည်းဆိုသည်မှာ စဉ်းစားစရာပင်။</p> <p style="text-align:justify"> </p> <p style="text-align:justify">"ကြည့်ရတာ လုံမိသားစုရဲ့ တတိယသားက ဒီမှာ မရှိဘူး ထင်တယ်။ ဒါနဲ့... သူ့နာမည် ဘယ်လိုခေါ်လဲ။"</p> <p style="text-align:justify"> </p> <p style="text-align:justify">"လုံဆန်းရွှေ (လုံရေသုံး) တဲ့။ သူ့မှာ အစ်ကို နှစ်ယောက် ရှိသေးတယ်။ လုံတကျင်း (လုံရွှေတစ်) နဲ့ လုံအာ့ဟော် (လုံမီးနှစ်) တဲ့။"</p> <p style="text-align:justify"> </p> <p style="text-align:justify">"... လုံမိသားစုက တော်တော် ပညာတတ်တာပဲ။ ရွှေ၊ သစ်သား၊ ရေ၊ မီး၊ မြေ (ဓာတ်ငါးပါး) တွေကိုတောင် သိနေသေးတယ်။"</p> <p style="text-align:justify"> </p> <p style="text-align:justify">"ဟုတ်တယ်။ အစတုန်းက လုံမိသားစုရဲ့ နာမည်ပေးပုံတွေကို ကြားတော့၊ ကျွန်တော့်ဆရာက လုံဆန်းရွှေရဲ့ အဖေများလားလို့တောင် ထင်မိသေးတယ်။" ချင်းလွန့်က အဆက်မပြတ် ခေါင်းညိတ်ထောက်ခံလိုက်ရာ၊ နောက်ကွယ်ရှိ ယွမ်ဝူရှင်း၏ ကန်ကျောက်ခြင်းကို ခံလိုက်ရသည်။</p> <p style="text-align:justify"> </p> <p style="text-align:justify">လုံဆန်းရွှေသည် တကယ်ပင် ပြိုင်ပွဲစင်မြင့်တစ်ခုပေါ်တွင် ရောက်ရှိနေပြီး၊ အလွန် ဝင့်ကြွားနေသည်။ သူသည် ရောဂါကြီးမှ ပြန်လည်နာလန်ထခါစဖြစ်ရာ ဒေါသများကို ဖြေဖျောက်ချင်နေသဖြင့် ဤပြိုင်ပွဲကို စီစဉ်ထားခြင်းဖြစ်သည်။</p> <p style="text-align:justify"> </p> <p style="text-align:justify">"ဒါက အလယ်အလတ်အဆင့် ဝိညာဉ်ကျောက်တုံး ၁၀ တုံး။ ငါ့ရဲ့ အရိုက်ခံဖို့ ဘယ်သူ တက်လာရဲလဲ။" လုံဆန်းရွှေသည် စင်မြင့်အလယ်တွင် ရပ်ကာ ပြိုင်ဘက်ကင်းသကဲ့သို့ မောက်မာစွာ ကြေညာနေသည်။</p> <p style="text-align:justify"> </p> <p style="text-align:justify">ဤကောင်၏ အခြေခံတည်ဆောက်ခြင်း နှောင်းပိုင်းအဆင့်မှာ ဆေးဝါးများဖြင့်သာ တက်လာခြင်းဖြစ်ပြီး၊ သူ၏ တစ်သက်လုံး အလွန်ဆုံး ရောက်နိုင်မည်မှာ 'အဆင့် (၉)' ရွှေအမြုတေ (အနိမ့်ဆုံးအဆင့်) ပိုင်ရှင် အသုံးမကျသူတစ်ဦးသာဖြစ်မည်ကို ကျန်းလီ ချက်ချင်း သိလိုက်သည်။</p> <p style="text-align:justify"> </p> <p style="text-align:justify">သို့သော် လုံမိသားစုက ချမ်းသာနေသည်ကို မည်သို့ တတ်နိုင်မလဲ။</p> <p style="text-align:justify"> </p> <p style="text-align:justify">"ငါ လာမယ်။" အခြေခံတည်ဆောက်ခြင်း နှောင်းပိုင်းအဆင့်ရှိသော ကျင့်ကြံသူတစ်ဦး စင်ပေါ်သို့ တက်လာသည်။ သူ၏ အခြေခံမှာ အလွန်ခိုင်မာပြီး လုံဆန်းရွှေထက် အများကြီး ပိုမို သန်မာသည်။</p> <p style="text-align:justify"> </p> <p style="text-align:justify">သို့သော် ထိုကျင့်ကြံသူသည် လုံဆန်းရွှေ၏ အစီအစဉ်မကျသော တိုက်ကွက်များအောက်တွင် အလျင်အမြန်ပင် အထိနာသွားပြီး မြေပေါ်သို့ လဲကျကာ လုံဆန်းရွှေ၏ အသေအလဲ ရိုက်နှက်ခြင်းကို ခံလိုက်ရသည်။</p> <p style="text-align:justify"> </p> <p style="text-align:justify">"အရသာရှိလိုက်တာကွာ။" လုံဆန်းရွှေသည် ကျေနပ်သွားပြီး ဝိညာဉ်ကျောက်တုံးများကို ထိုကျင့်ကြံသူထံ ပစ်ပေးကာ စင်ပေါ်မှ ဆင်းသွားခိုင်းလိုက်သည်။</p> <p style="text-align:justify"> </p> <p style="text-align:justify">"ဒီခွေးကောင်က ဝိညာဉ်ကျောက်တုံးတွေပေးပြီး လူရိုက်ဖို့ လာဝယ်နေတာပဲ။" ချင်းလွန့်က တိုးတိုးလေး ဆဲဆိုလိုက်သည်။</p> <p style="text-align:justify"> </p> <p style="text-align:justify">"ဒါက အလယ်အလတ် ဝိညာဉ်ကျောက်တုံး အလုံး ၂၀။ ဘယ်သူ ငါ့ရဲ့ အရိုက်ခံရဲသေးလဲ။" လုံဆန်းရွှေက ဝိညာဉ်ကျောက်တုံးများ ထပ်မံ ထုတ်ပြလိုက်သည်။ ဝိညာဉ်ကျောက်တုံးများလေလေ၊ အရိုက်ခံရတာ ပိုဆိုးလေလေ ဖြစ်မည်ကို ထိုနေရာရှိ လူတိုင်း သိကြသည်။</p> <p style="text-align:justify"> </p> <p style="text-align:justify">သို့သော် စင်ပေါ်သို့ တက်လိုသူ များစွာ ရှိနေဆဲပင်။</p> <p style="text-align:justify"> </p> <p style="text-align:justify">"ကျွန်တော်။ ကျွန်တော်။ ကျွန်တော် အရိုက်ခံနိုင်တယ်။"</p> <p style="text-align:justify"> </p> <p style="text-align:justify">"ကျွန်တော့် အသံက အကျယ်ဆုံးပဲ။"</p> <p style="text-align:justify"> </p> <p style="text-align:justify">"ငါက ရွှေအမြုတေအဆင့် ကျင့်ကြံသူကွ။"</p> <p style="text-align:justify"> </p> <p style="text-align:justify">ဆူညံနေသော အသံများကြားတွင် ကျန်းလီ၏အသံမှာ အကျယ်ဆုံး ဖြစ်နေသည်။ လူတိုင်းက အံ့သြတကြီး လှည့်ကြည့်လိုက်ကြသည်။ ရွှေအမြုတေအဆင့် ကျင့်ကြံသူက အခြေခံတည်ဆောက်ခြင်းအဆင့်တွေကြားမှာ ဘာလာလုပ်နေတာလဲ။</p> <p style="text-align:justify"> </p> <p style="text-align:justify">ရွှေအမြုတေအဆင့်ကို ရိုက်နှက်ရမည်ဆိုသဖြင့် လုံဆန်းရွှေသည် ကျန်းလီကို ချက်ချင်း ရွေးချယ်လိုက်သည်။</p> <p style="text-align:justify"> </p> <p style="text-align:justify">"ငါ့မှာ စည်းကမ်းတစ်ခု ရှိတယ်။" ကျန်းလီ စင်ပေါ်ရောက်သောအခါ ပြောလိုက်သည် - "ငါ့ကို ဝိညာဉ်ကျောက်တုံးတွေ အရင်ပေးရမယ်။"</p> <p style="text-align:justify"> </p> <p style="text-align:justify">လုံဆန်းရွှေသည် ဘာမှ မပြောတော့ဘဲ ဝိညာဉ်ကျောက်တုံးများကို ကျန်းလီထံသို့ ပစ်ပေးလိုက်သည်။ ကျန်းလီ ငွေယူပြီး ထွက်ပြေးမည်ကို သူ မကြောက်ပေ။ ဤအနီးအနားတွင် ဝိညာဉ်သန္ဓေအဆင့် အကြံပေးတစ်ဦး ရှိနေသဖြင့် ရွှေအမြုတေအဆင့်တစ်ယောက်အနေဖြင့် ဘာမှ မလုပ်နိုင်ကြောင်း သူ သိထားသည်။</p> <p style="text-align:justify"> </p> <p style="text-align:justify">ကျန်းလီသည် ဝိညာဉ်ကျောက်တုံးအိတ်ကို ကိုင်ကာ အကြိမ်အနည်းငယ် အပေါ်သို့ မြှောက်ကြည့်ပြီးနောက်၊ လုံဆန်းရွှေထံသို့ ပြန်ပစ်ပေးလိုက်သည်။</p> <p style="text-align:justify"> </p> <p style="text-align:justify">လုံဆန်းရွှေသည် ဝိညာဉ်ကျောက်တုံးအိတ်ကို ဖမ်းယူလိုက်ပြီး နားမလည်စွာဖြင့် ကြည့်နေမိသည်။</p> <p style="text-align:justify"> </p> <p style="text-align:justify">"ဝိညာဉ်ကျောက်တုံး အလုံး ၂၀ နဲ့ ရွှေအမြုတေအဆင့် ကျင့်ကြံသူတစ်ယောက်ကို စေတနာအလျောက် အရိုက်ခံခိုင်းလို့ ရတယ်ဆိုရင်...၊ အဲ့ဒီကျောက် အလုံး ၂၀ နဲ့ပဲ အခြေခံတည်ဆောက်ခြင်း နှောင်းပိုင်းအဆင့် ကျင့်ကြံသူတစ်ယောက်ကို ရွှေအမြုတေအဆင့်ရဲ့ အရိုက်ခံခိုင်းလို့ ရတာပေါ့။ တော်တော်လေး တရားမျှတတယ်၊ ဟုတ်တယ်မလား။"</p> <p style="text-align:justify"> </p> <p style="text-align:justify">ကျန်းလီက အပြုံးလေးဖြင့် အကျိုးအကြောင်း ရှင်းပြရင်း၊ လုံဆန်းရွှေထံသို့ အရှိန်ပြင်းပြင်း ပြေးဝင်ကာ အသေအလဲ ထိုးကြိတ်တော့သည်။</p> <p style="text-align:justify"> </p> <p style="text-align:justify">"ရပ်စမ်း။" ဝိညာဉ်သန္ဓေအဆင့် ကျင့်ကြံသူက သတိဝင်လာပြီး ဒေါသတကြီးဖြင့် ကျန်းလီကို သတ်ရန် ပြင်လိုက်သည်။</p> <p style="text-align:justify"> </p> <p style="text-align:justify">သို့သော် ကျန်းလီက လုံဆန်းရွှေ၏ အသက်အန္တရာယ်ရှိသော နေရာကို ဖမ်းဆုပ်ကာ သူ့နောက်တွင် ပုန်းနေလိုက်ပြီး၊ လူဆိုးတစ်ဦးအလား အော်ပြောလိုက်သည်။</p> <p style="text-align:justify">"ငါ့ကို လာထိရဲရင် ထိကြည့်လေ... သူ့ကို ချက်ချင်း သတ်ပစ်မယ်။ ငါ့အသက်က ပိုတန်ဖိုးကြီးလား၊ ဒါမှမဟုတ် လုံမိသားစုရဲ့ တတိယသားရဲ့ အသက်က ပိုတန်ဖိုးကြီးလားဆိုတာ ကြည့်ကြသေးတာပေါ့။"</p> <p style="text-align:justify"> </p> <p style="text-align: center;">***</p>


Save